Beint á leiđarkerfi vefsins

Annađ

31. Desember 2009

GLEĐILEGT ÁR


Þá er árið 2009 á enda runnið og framundan nýtt ár. Á þessum tímamótum dagatalsins lítum við yfir farinn veg jafnframt því sem við horfum fram á veginn. Árið sem nú er liðið hefur verið mörgu fólki erfitt, einkum þeim sem misst hafa ástvini, búa við heilsubrest eða atvinnuleysi. Skuldum vafnar fjölskyldur hafa margar átt í erfiðleikum með að halda íbúðarhúsnæði sínu og sjá því miður, alltof margar, fram á áframhaldandi þrengingar. Á árinu höfum við flest líka orðið ánjótandi gleðistunda. KK komst skemmtilega að orði í útvarpsviðtali á gamlársdag þegar hann ...

27. Desember 2009

AĐ KOMA ARFLEIFĐINNI TIL SKILA

Sennilega myndu Rolling Stones ekki trekkja betur á konsert í Reykjavík núna en Sigurður Nordal gerði á fyrirlestra sína sem stóðu vetrarlangt og hófust í október 1918. Það er að segja hlutfallslega. Um fimm hundruð manns sóttu fyrsta fyrirlesturinn sem haldinn var í rúmbestu húsakynnum Reykjavíkur á þeim tíma, Bárubúð. Reykvíkingar hafa þá verið um sextán þúsund. Nokkuð gott hlutfall á fyrirlestur um heimspeki!  Sigurður var 32 ára gamall, nýkominn heim ... Þetta á að verða okkur Íslendingum umhugsunarefni í þrengingum þjóðarinnar. Við eigum að leggja ríka rækt við okkar eigin menningu og gera jafnframt út menn sem aldrei fyrr til að fara sem víðast að finna ...

26. Desember 2009

"SNÖRPUSTU VENDIR Í GUĐS HENDI"


Guðmundur Jónsson
, sagnfræðingur, á athyglisverða grein í Sögu, tímariti Sögufélagsins, Efnahagskreppur á Íslandi 1870-2000. Svo er að skilja að tilefni rannsóknarinnar sé kreppan sem nú ríður yfir Ísland. Í aðfararorðum segir að höfundur grafist m.a. fyrir um hvort "sveiflur í íslensku efnahagslífi" séu "meiri en í örðum löndum".  Niðurstöðurnar hvað þetta snertir eru sláandi...Spyrja má hvort eitthvað svipað hafi vakað fyrir Guðmundi Jónssyni sjálfum og Hannesi Finnsyni fyrr á tíð, að setja yfirstandandi vanda í sögulegt samhengi og minna okkur þar með á að sagan kenni að birtir á ný eftir dimma daga. Sannast sagna flögraði þessi hugsun að mér líka þegar ég sá útgáfuárið, sem þeir Jón Eyþórsson og Jóhannes Nordal gáfu út Mannfækkun af hallærum ...

23. Desember 2009

JÓLIN ERU TÍMI VELVILDARINNAR


Ég sendi lesendum síðunnar bestu jólakveðjur. Megið þið öll njóta friðsældar á jólum. Yfir jólahátíðina slakar þjóðin á, borðar góðan mat, les bækur, gengur út í náttúruna, dormar, en framar öllu öðru, er samvistum við sína nánustu og treystir fjölskyldu- og vinabönd. Til eru þeir - og því miður alltof margir - sem eru einmana, fjárvana og óhamingjusamir. Jólin eiga að vera tími gleði en jafnframt íhugunar um margbreytileika tilverunnar og leiðir til að gera heiminn betri. Margir beina hugsun sinni í farveg trúarinnar - og þá ekki síst á jólum, aðrir hugsa eftir öðrum brautum. Öll eigum við að geta sameinast í einum samnefnara: Velvildinni. Nokkrum sinnum hef ég vísað til Sigurjóns Friðjónssonar ..

14. Desember 2009

TÍU STAĐREYNDIR UM STÖĐU ICESAVE MÁLSINS Á ALŢINGI


...Það er staðreynd að í málflutningi sínum horfa fulltrúar Alþjóðagjaldeyrissjóðsins fyrst og fremst á greiðslumöguleika íslenska efnahagskerfisins en ekki til afleiðinga fyrir samfélag og auðlindir sem við búum yfir. Allt er þetta rætt undir rós og með bros á vör. Eða hvað skyldi Flannagan, fulltrúi AGS, hafa átt við í Kastljósi Sjónvarpsins þegar hann segir Íslendinga hafa "geysilega aðlögunarmöguleika" til að borga himinháar skuldir sínar? Selja fiskikvótana, Landsvirkjun, OR, Gvendarbrunnana, virkja Gullfoss, Goðafoss, Jökulárnar í Skagafirði, Þjórsá, Landmannalaugar, Geysi? Spurt er í alvöru? Þetta er það sem Ísland á verðmætast...Það er staðreynd að umræðan um greiðslugetu Íslands hefur iðulega verið yfirborðskennd. Dæmi má taka úr fyrrnefndu viðtali Þóru Arnórsdóttur (prýðilegu) í Kastljósþætti kvöldsins. Þar segir fyrrenfndur Flannagan að Icesave-skuldbindingin sé ekki okkar stærsti vandi því...

13. Desember 2009

BREIĐFIRĐINGAR SYNGJA OKKUR INN Í JÓLIN


...Á tónleikunum söng kórinn afbragðsvel og smitaði gleði og ánægju, sem greinilega býr með honum, til okkar sem á hlýddu. Stjórnandinn, Judith Þorbergsson, kunni greinilega sitt fag og sömuleiðis undirleikarinn, Helgi Már Hannesson. Á trompet lék Hannah Rós Sigurðardóttir, ungur músíkant sem blés undrahreinum og fallegum tón úr hljóðfæri sínu. Þóra Einarsdóttir sópransöngkona söng eins og engill og verð ég að segja að hljómfegurri kvenmannsrödd heyri ég ekki. Í einu orði sagt frábær listakona!  Auðvitað voru jólalög nær einvörðungu á dagskrá, bæði innlend og erlend. Dagskráin hófst á íslenskri þjóðvísu eftir Jóhannes úr Kötlum og lauk á Heims um ból með ljóði Sveinbjarnar Egilssonar. Breiðfirðingakórnum kann ég bestu þakkir! Við komumst öll í ...

11. Desember 2009

KRÖFTUGIR TRÚNAĐARMENN - LIFANDI VERKALÝĐSHREYFING!


...Verkalýðsstofnun án jarðtengingar er til lítils nýt. Lifandi verkalýðshreyfing getur hins vegar allt - nánast. En til að þetta gangi eftir þarf að gera allt sem hægt er til að treysta innviði hreyfingarinnar. Þar horfi ég ekki síst til trúnaðarmanna á vinnustað sem gegna lykilhlutverki við að gæta réttinda launamannsins gagnvart atvinnurekanda eða umboðsmanna hans. Einstök verkalýðsfélög hafa lagt mikla rækt við þetta starf að ónefndum Félagsmálaskóla Alþýðu sem sinnt hefur þessari fræðslu fyrir ASÍ og BSRB... Meðal annars af þessum sökum er ég þeirrar skoðunar að okkur beri nú sem aldrei fyrr að styrkja fræðslu trúnaðarmanna og stuðning við þá...

9. Desember 2009

Í ÓRAFJARLĆGĐ FRÁ VERULEIKANUM


Pressan.is
slær upp getgátum Jóns Magnússonar hæstaréttarlögmanns, um að ég og Össur Skarphéðinsson, höfum skipulagt mótmælin gegn stjórnvöldum sem urðu til þess að ríkisstjórn Sjálfstæðisflokks og Samfylkingar hrökklaðist frá völdum...Það er ekki nóg með að þetta sé algerlega úr lausu lofti gripið heldur gefur þetta innsýn í hugarheim sem er úr öllu jarðsambandi við veruleikann - í órafjarlægð við hjartsláttinn í samfélaginu. Þessi hugsun byggir á því...

9. Desember 2009

TÍMI TIL AĐ KOMA HEIM...


Birtist í Málefnum Aldraðra 3.tbl. 18. árg. 2009
...Ég held að óhætt sé að halda því blákalt fram að þankagangur Íslendinga hafi umpólast undir lok síðustu aldar og á fyrstu árum þeirrar aldar sem nú er upp runnin. Ekki svo að skilja að hugsunarháttur allra Íslendinga hafi breyst. En hin viðtekna almenna hugsun - tíðarandinn - breyttist hins  vegar. Við hverju ætti svo sem að búast þegar hætt er að innræta þann boðskap sem verið hefur fyrirferðarmestur í siðapredikunum í tvö þúsund ár um ágæti hófseminnar og hann látinn víkja fyrir andhverfunni....

7. Desember 2009

HVER MÁ SKRIFA UM HVERN?


...Merkilegast er að sjá og heyra vandlætingartalið frá þeim sem sjálfir hafa verið í pólitískri sambúð með Sjálfstæðisflokknum. Þá var hann bara fínn, eða hvað? Og þá væntanlega í góðu lagi að skrifa ritdóma um bækur úr þeirri áttinni. Hvernig væri að reyna að hefja umræðu í landinu yfir karp og meting á milli pólitískra kirkjudeilda og ræða þess í stað um málefni? Það er náttúrlega erfiðara að taka afstöðu til bókar og ritdóms um hana en að fella pólitíska palladóma um höfund og ritrýni. Það er erfiðara vegna þess að þá þurfa menn að hafa fyrir því að kynna sér málin...

5. Desember 2009

FRJÁLS MAĐUR ER ÓTTALAUS


Birtist í tímaritinu Þjóðmál 4. hefti, 5. árg
...Styrmir Gunnarsson hefur annað hvort misst völdin eða afsalað sér völdum - hinum formlegu völdum. Getur verið að með því hafi hann öðlast frelsi? Hver getur talað fyrir beinu lýðræði, gagnsæju þjóðfélagi, að allt sé alltaf uppi á borði? Svarið er augljóst. Það gerir bara sá sem hefur engu að tapa. Það gerir sá sem þarf ekki lengur að taka tillit til valdakerfis sem byggir fremur á auði en upplýsingu og viti. Bók Styrmis er vonandi staðfesting á því að hann sé genginn úr því bjargi. ...

1. Desember 2009

FULLVELDISDAGURINN: TILEFNI TIL SÖGULEGRAR UPPRIFJUNAR


...Forsenda velgengninnar er frelsi og forræði yfir eigin málum. Hið sama gildir um þjóðir og um einstaklinga hvað það snertir. Vitneskjan ein um frelsið er aflvaki. Vitund um ófrelsið hefur gagnstæð áhrif. Enda segir í annálum að Árni Oddsson, lögmaður á Leirá, hafi verið með tár í augum þegar honum, ásamt öðrum forsvarsmönnum Íslendinga, var gert að  vinna Friðriki III erfðahyllingareið og viðurkenna hann sem einvald á Kópavogsfundinum 1662. Þar með var allt pólitískt vald horfið úr landinu. Íslendingar þráuðust við að undirrta valdaafsalið en þegar Brynjólfur Sveinsson, biskup, vildi andmæla því að landsmenn afsöluðu sér fornum landsréttindum, spurði fulltrúi Danakonungs hvort hann sæi ekki hermennina sem voru með honum í för! Sáu Íslendingar þá að þeir áttu ekki annarra kosta völ með byssukjaftana í bakið en að undirrita. Minnir á samtímann. Að vísu ekki byssum að okkur beint. Ofbeldið birtist okkur nú ...

21. Nóvember 2009

HVERS VEGNA EKKI BÚNAĐARBANKINN?


Nú er Kaupþing-banki búinn að endurskíra sig og vill heita Arion. Ólína skrifar mér pistil um þá nafngift, sögu hennar frá fornu fari og íslenska arfleifð. Nafngiftin Arion - með sögu sína frá fornu fari og arfleifð hér á landi sem verðbréfafyrirtæki - segir mér hvert draumar manna á þessum bænum stefna. Hvers vegna svara fjármálastofnanir ekki kalli tímans? Ímyndarsmiðir velja nafn í samræmi við fyrirætlanir og drauma. Svo ég tali nú bara fyrir sjálfan mig...

6. Nóvember 2009

BREGĐUMST EKKI!


Heimili og skóli hafa sýnt frábært frumkvæði í eineltismálum. Nú síðast með útgáfu bæklings um einelti eftir Þorlák H. Helgason. Bæklingurinn er afar vel unninn og hvet ég fólk til að nálgast hann og taka þátt í vitundarvakningunni um einelti sem Heimili og skóli hafa nú efnt til. Samtökin hyggjast beita sér af alefli í þágu þeirra sem verða fyrir einelti með skelfilegum afleiðingum - óhamingju og sárum á sálinni...

6. Nóvember 2009

BOĐIĐ TIL VEISLU

...Fáir menn skírskoti "til fólks á öllum tímum" í eins ríkum mæli og Snorri Sturluson gerir, segir Óskar Guðmundsson ennfremur. Snorri hafi þurft að kljást við höfðingja innanlands og utan, börnin sín og breyskleika sína. En þessi maður sem barðist við heiminn fyrir átta öldum hafi engu að síður sigrað hann. Það hafi hann gert með bókmenntunum! Óskar Guðmundsson opnar okkur nýja sýn á þennan bókmenntarf með ritverki sínu. Sjálfur er ég rétt að hefja lesturinn, staddur á hlaðinu á Odda á Rangárvöllum sumarið 1181 ásamt hinum unga sveini Snorra, föður hans Sturlu Þórðarsyni og Jóni Loftssyni sem tekið hafði Snorra í fóstur...

5. Nóvember 2009

ŢAKKA VINSEMD OG HEIĐUR

2. FORSIDA-1
...Framlag listamannanna gladdi mig, hlý ávarpsorð félaga míns Árna Stefáns Jónssonar, varaformanns BSRB, og þá einnig hitt hve margir lögðu leið sína í Háskólabíó þessa eftirmiðdagsstund.Hér er slóð á frásögn af fundinum á vef BSRB þar sem er að finna ræður sem fluttar voru en þess má geta að dagskráin hefur verið sett á geisladisk og má vel vera að tæknin bjóði upp á að ég geti veitt aðgang að honum hér á síðunni. Ef unnt er að gera það mun...

31. Október 2009

SVANHILDUR HALLDÓRSDÓTTIR: VERKSTÝRĐI AF VELVILD


...Svanhildur Halldórsdóttir hafði lag á því að hefja allt sem hún kom nálægt upp á æðra plan. Það gerði hún með frábærum tökum sínum á íslensku máli, skilningi sínum og þekkingu á sögunni og einstakri háttvísi og hlýju. Hún verkstýrði af velvild fákunnandi formanni í upphafi formannsferils og var alla tíð með afbrigðum fundvís á viskuorð sem hæfðu líðandi stundu. Þegar hugsað er til slíks samferðarfólks verður maður auðmjúkur og þakklátur...

24. Október 2009

UM ÁBYRGĐ OG ÁBYRGĐARLEYSI


...Er hægt að taka þennan mannskap alvarlega? Eða þá aðila á vinnumarkaði sem mæla honum bót? Getur verið að verkalýðshreyfingin ætli að stilla sér upp með hinum burðugu á móti öryrkjunum? Getur það verið? Nú þarf ríkisstjórnin að sýna staðfestu. Standa með Árna Páli Árnasyni, félagsmálaráðherra. Það geri ég....Ég skora á fjölmiðla að reikna út hvað 20 - 30 aura hækkun á kílówattstund eins og um er rætt, þýðir í reynd. Mér skilst að þar séum við að tala um tvo til tvo og hálfan milljarð á allan áliðnaðinn á ári. Ef við hins vegar lítum á skattalækkanir sem áliðnaðurinn hefur notið góðs af á allra síðustu árum, úr 30 í 15%, þá er það eftir því sem ég kemst næst ...

22. Október 2009

42. ŢING BSRB SETT


Ræða við setningu þings BSRB 21.10.09.
Í setningarræðu formanns BSRB er hefð að tala um undangengið kjörtímabil og það sem framundan er. Ég mun vissulega víkja að framtíðinni en einkum mun ég dvelja við það sem liðið er og láta nýjum formanni það eftir að horfa fram á veginn því einsog fram kom síðastliðið vor hef ég ákveðið að bjóða mig ekki fram að nýju til formennsku í BSRB. Það er ekki einvörðungu undangengið kjörtímabil sem er undir í mínum ávarpsorðum nú  í upphafi 42. þings BSRB heldur það tímabil í heild sinni sem ég hef verið formaður bandalagsins. Það er jafnan hollt að horfa til baka, því þannig fáum við hina sögulegu sýn á tilveruna. Hún dýpkar skilning okkar á samtímanum og gerir okkur kleift að vefa þræði sögunnar inn í framtíðina af meiri skilningi en ella......

21. Október 2009

ÖLL ERUĐ ŢIĐ VELKOMIN!


BSRB gerir mér þann heiður að efna til sérstakrar menningardagskrár í dag í Háskólabíói í tilefni þess að ég læt nú af formennsku í samtökunum. Dagskráin er öllum opin og leyfi ég mér hérmeð að vekja athygli lesenda heimasíðu minnar á því. Húsið mun opna klukkan 17:00 en sjálf dagskráin hefst 17:30 og tekur um klukkustund að því mér er tjáð, en að henni lokinni er boðið upp á veitingar. Við setningu þings BSRB fyrr um daginn mun ég....

19. Október 2009

"FYRIRVARARNIR OKKAR"


...Við ætlum ekki að draga stjórnarmeirihlutann að landi, sagði varaformaður Sjálfstæðisflokksins nýlega. Varaformaður sama flokks og undirritaði allar skuldbindingarnar á Icesave síðastliðið haust - um að við myndum borga "lánið" upp að fullu - og bauð hingað Alþjóðagjaldeyrissjóðnum. Í morgun og aftur í Kastljósi Sjónvarps í kvöld ræddust þær við Þorgerður Katrín og Guðfríður Lilja, þingflokksformaður VG. Málflutningur hvorrar skyldi hlustendum hafa þótt trúverðugri?...

19. Október 2009

UM HOLLENSKAN OG ÍSLENSKAN RÁĐHERRA


...Ég neita því ekki að maður þarf að halda sér fast þegar hollenski fjármálaráðherrann lýsir því yfir að nú megi Alþjóðagjaldeyrissjóðurinn fara að losa um þumalskrúfurnar á Íslendingum. Fyrir nokkrum dögum var öllum slíkum tengingum afneitað!...Í dag vorum við eina ferðina enn saman á BBC við Össur Skarphéðinsson að tala máli Íslands. Utanríkisráðherranum mæltist vel - málflutningurinn sannfærandi - og varð mér hugsað til þess hve illa Ísland hefur nýtt sóknarfæri sín á erlendri grundu til að tala beint til almennings. Smáfundir með ráðamönnum skipta litlu máli. Þeir eru viðkvæmir bara fyrir einu: Kjósendum sínum...

18. Október 2009

NÚ ŢARF YFIRVEGUN - UM ICESAVE


Icesave er aftur á dagskrá. Samningurinn er slæmur. Betri en í vor. Miklu betri. Verri en að loknu sumarþingi. Betri en í síðustu viku. Þá gekk ég úr ríkisstjórn. Til að mótmæla málsmeðferð og því að samþykkja samning sem svipti Ísland rétti til að véfengja greiðsluskyldu okkar gegn ofbeldiskröfum Breta og Hollendinga. Þessu hefur nú verið breytt til betri vegar. Það er mikilvægt. En er það nógu mikilvægt? Hvað er til ráða? Hjartað segir mér að réttast væri að fella samninginn. Skynsemin býður mér að fara varlega....

14. Október 2009

ŢOKAST?


...Bretar og Hollendingar áttuðu sig á því að málið var ekki í höfn og nauðsynlegt af þeirra hálfu að slá af kröfum sínum; kröfum sem gengu út á að hundsa réttarríkið! Auðvitað hefur það alltaf verið vilji allra sem að þessum málum koma að standa á rétti Íslands og er það ánægjulegt ef þokast nú í rétta átt. Þannig hafa forsætisráðherra, utanríkisráðherra og fjármálaráðherra nú lýst því yfir að ekki komi til greina að afsala rétti Íslands til að véfengja kröfur Breta og Hollendinga falli dómur í þá veru. Þessi skilningur þarf að vera skýr í skilmálum Alþingis. Ég lít svo á að falli dómur okkur í hag væru forsendur fyrir greiðslum Íslendinga samkvæmt samningnum brostnar. Ég skil það svo að í þessa átt þokist nú og er það vel....

13. Október 2009

RÉTT HJÁ SVANDÍSI


...Umhverfisrökin eru svo þau að engin verður stóriðjan án virkjana. Fráleitt er því að taka afdrifaríkar ákvarðanir um orkusölu án þess að fyrir liggi hvaða áform við höfum um virkjanir og náttúruvernd. Þetta liggur einfaldlega ekki fyrir enda vanrækt af hálfu fyrri ríkisstjórna. Ákvörðun Savndísar Svavarsdóttiur sem ýmsir hafa gagnrýnt, þar á meðal fundurinn í gær, snýr þó ekki að öllum þessum pakka. Hún snýr að línulögn fyrir Helguvíkurálver. Skipulagsstofnun hafði ekki gert athugasemd við umrædda lögn. Það höfðu hins vegar náttúruverndarsamtök gert og viljað heildstætt mat á framkvæmdina. Ef Svandís Svavarsdóttir hefði virt þær óskir að vettugi hefði hún brugðist sem...

10. Október 2009

FUNDUR Í KRAGAKAFFI

VG LOGLaugardags-morgun-spjallfundur verður í Kragakaffi - félagskaffi okkar VG-ara í Hamraborginni  í Kópavogi - klukkan 10:30. Þar gefst tækifæri til að skýra sjónarmiðin og skiptast á sjónarmiðum um þá stöðu sem uppi er í stjórnmálum þessa stundina. Það er brýnt að taka slíka umræðu nú. Reyndar alltaf brýnt, en sjaldan brýnna en nú. Óþarft er að færa fyrir því rök.

14. September 2009

NÚ HLUSTUM VIĐ Á LĆKNA


...Þetta var upphaf forsíðufréttar Morgunblaðsins síðastliðinn fimmtudag. Þar var einnig vitnað til upplýsinga frá Lýðheilsustöð m.a. um dauðsföll af völdum reykinga. Upp í hugann komu bílarnir tveir, sundurtættir hvor andspænis öðrum ofan á gámi eða einhveju slíku, sem blasa við sjónum þegar ekið er upp á Hellisheiðina. Stórum stöfum segir frá hve mörg dauðaslys hafi orðið í umferðinni það sem af er ári. Nú stendur talan í tíu. Yfirleittt endar talan á milli tuttugu og þrjátíu. Dauðatalan vegna reykinga er nokkru hærri. Hún er fjögur hundruð - 400  - yfir árið! Sigríður Ólína Haraldsdóttir segir í fyrrnefndri Morgunblaðsfrétt að oftar en ekki verði sjúklingar undrandi þegar þeim er greint frá því að...

13. September 2009

Í ANDA MÓĐUR THERESU?


Nú er ár liðið frá því bandaríska/fjölþjóðlega fjármálafyrirtækið Lehman Brothers varð gjaldþrota. Í snarhasti voru milljarðar fluttir frá London vestur um haf - til að bjarga verðmætum "heim". Í London var skrifstofum lokað og þúsundir misstu vinnu sína í höfuðborg Bretlands. Nokkrum dögum síðar hrundu útibú Landsbankans í Bretlandi - eða öllu heldur þeim var hrundið. Breska stjórnin ákvað að frysta allar eigur Landsbankans með hryðjuverkalögum. Hvers vegna hryðjuverkalög á Ísland ...

10. September 2009

AĐ VERĐSKULDA VÖLD


...Maður hefði ætlað nú eftir hrunið að slíkir aðilar temdu sér hógværð í málflutningi. Af viðtali við Hannes G. Sigurðsson, aðstoðarframkvæmdastjóra Samtaka atvinnulífsins, í Sjónvarpsfréttum í kvöld að dæma, hafa þessir aðilar ekkert lært. Hannes var stóryrtur í garð ríkisstjórnarinnar fyrir "að draga lappirnar" í endurreisnarstarfinu. Á hvern hátt skyldu stjórnvöldin draga lappirnar að mati SA? Þau vilja ekki, að sögn aðstoðarframkvæmdastjórans, að stóriðjustefnunni verði áfram hrundið fram af sama offorsi og til þessa (með geigvænlegri skuldsetningu orkufyrirtækjanna), þau vilji ekki hleypa erlendum fjárfestum í orkuiðnaðinn og þau vilji ekki virkja Þjórsá! Allt þetta vill Hannes ólmur að gert verði í snarhasti. Álíka ólmur er hann - og félagar hans í atvinnurekendasambandinu - og þeir voru áður fyrr að...

6. September 2009

STIGLITZ Í SILFRINU


Í dag verður Joseph Stiglitz í Silfri Egils. Þetta þykir mér vera góð byrjun á vetrinum hjá Agli! Stiglitz fékk Nóbelsverðlaunin í hagfræði árið 2001. Hann er fyrrum aðalhagfræðingur Alþjóðabankans en nú prófessor við Columbiaháskóla í New York. Stiglitz var á sínum tíma einn helsti efnahagsráðgjafi Bills Clintons forseta Bandaríkjanna. Stiglitz er kunnur fyrir gagnrýna hugsun og hefur umfjöllun hans um stefnu Alþjóðagjaldeyrissjóðsins og Aljþóðabankans í málefnum skuldsettra ríkja vakið athygli - þó ekki alltaf hrifningu ráðandi afla. Eitt er óhætt að fullyrða: Á Joseph Stiglitz er hlustað. Það verður og gert í ...

4. September 2009

SNÚUM VÖRN Í SÓKN


...Ekki svo að skilja að fyrr á tíð hafi heilbrigðisstarfsfólk ekki búið við miklu erfiðari aðstæður en nú. Það sem gerir hins vegar stöðuna verri núna er krafan um að vinda ofan af og draga saman. Það er erfitt. Ákvarðanir sem leiða til lakari þjónustu eða uppsagna eru - og eiga að vera - erfiðar. Verkefnið er hins vegar að reyna í lengstu lög að koma í veg fyrir að einmitt þetta gerist. Nú er það svo að ekkert kerfi er svo gott að það megi ekki bæta það og öll kerfi - þar á meðal heilbrigðiskerfið - eiga að vera í stöðugri endurskoðun. Orðið hagræðing er stundum - og reyndar oftast  - notað sem feluorð fyrir niðurskurð. Það á ekki að gera. Ef hins vegar hægt er að snúa niðurskurði yfir í...

3. September 2009

OECD, NIĐURSKURĐUR OG AĐILAR VINNUMARKAĐAR


...En það eru heilbrigðismálin sem standa mér næst. Þar lýsir OECD því yfir að hægt sé að skera niður um fimmtung án þess að skerða þjónustu! Við þurfum ekki annað en líta til Spánar til að finna fordæmi, segja skýrsluhöfundar. Það sem gera þurfi sé að opna kerfið betur fyrir einkavæðingu og taka upp notendagjöld í ríkari mæli. Á mannamáli þýðir þetta að hækka eigi sjúklingaskatta. Prófessor í hagfræði sagði í Spegli RÚV í kvöld að almennt væri andstaða gegn hugmyndum OECD innan heilbrigðiskerfisins. Þetta þótti mér afvegaleiðandi yfirlýsing ...Mér heyrðist ég heyra í fulltrúum aðlja vinnumarkaðar tjá sig um skýrsluna og að hagfræðingur ASÍ hafi andmælt hugmyndunum sem snúa að heilbrigðiskefinu. Fróðlegt verður að fylgjast með fulltrúum samtaka launafólks þegar næsta niðurskurðarhrina í anda OECD og AGS  byrjar í veflerðarkerfinu. Ekki hafa mér virst þeir bera mikinn kvíðboga fyrir niðurskurðinum til þessa og vísa ég þá í ...

1. September 2009

Í BESTA FALLI LÁNŢEGAR


Í gær var mér kynnt nýtt hugtak á íslenskri tungu: lánþegi. Kannski er hugtakið alls ekki nýtt. En í þeirri merkingu sem mér var kynnt orðið er það nýlunda. Alla vega ekki ýkja gamalt. Hugtakið í hinni nýju merkingu átti við þegar Landsbanki og Búnaðarbanki voru "seldir". Þá var lánað fyrir sölunni og það sem síðan á annað borð var greitt, var borgað með arðinum af hinum keypta banka. Nú stendur til að hópur fjármangara sem kalla sig Magma Energy, kaupi sig inn í orkugeirann á Reykjanesi. Fyrst í stað var því haldið fram að með þessum kaupum kæmi nýtt erlent fjármagn inn í landið. Nú kemur á daginn að ráðgert er að útborgun Magma sé aðeins 30% af kaupverðinu. Keypt er á hálfprís því svo lágt er krónan metin eins og sakir standa: 50% afsláttur þar. Þau 70% sem eftir standa eru lánuð!....

29. Ágúst 2009

SLAGURINN STENDUR UM AUĐLINDIR


...Frásögn Tolstoys af örlögum Fidji-búa er umhugsunarverð og gott innlegg í umræðu um hlutskipti Íslands og samskipti okkar þessa dagana við gömlu nýlenduveldin í Evrópusambandinu, Bretland og Holland. Bæði þessi ríki fóru með ótrúlegu ofbeldi, morðum, ránum og gripdeildum víðs vegar um heiminn á nítjándu öldinni og einnig þeirri tuttugustu. Á þeirri öld sem nú er runnin upp hafa þessi ríki, þó einkum Bretland verið reiðubúin að beita miskunnarlausu hervaldi til að tryggja kapitalistunum sínum yfirráð yfir auðlindum, nú síðast í Írak. Allt þetta er gott fyrir okkur að hafa í huga: Að slagurinn stendur um auðlindir og að einskis er svifist...

17. Ágúst 2009

HÁRRÉTT HJÁ ŢORLEIFI


...Í útvarpsviðtali í morgun sagði Þorleifur Gunnlaugsson að hvarvetna í heiminum þar sem orkugeirinn hefði verið einkavæddur hefði það leitt til fákeppni og hækkaðs orkuðverðs. Þetta er hárrétt. Hvers vegna í ósköpunum á þá að selja orkufyrirtækin frá okkur og það á gjafaprís? Var það vegna þess að reynslan af því að færa bankana í hendur einkaðilum hafi verið svo góð? Svo gott að láta þá í hendur kjölfestufjárfesta - muniði? Standa lög til þessa? Ef svo er þá þarf að breyta lögum sagði Þorleifur Gunnlaugsson. Gott Þorleifur - ég er í þínu liði. Ég held að þjóðin sé nánast öll í þínu liði. Það þarf að stöðva þetta rugl. Ég nota það orð af kurteisisástæðum. Þorleifur á...

17. Ágúst 2009

„ŢURFUM HREINA SAMVISKU"


Viðtal í helgarblaði DV 14.08.09
...Hluti af hruni undangenginna ára var fólginn í því að afdrifaríkar ákvarðanir voru oft teknar í snarhasti. Væri tekinn tími til ákvarðanatöku var talað um verkfælni og ákvarðanafælni. Útrásarvíkingunum var aftur á móti hampað fyrir að vera snöggir að komast að niðurstöðu. En flýtinum fylgir líka hugsunarleysi og skortur á fyrirhyggju. Ráðist var í fjárfestingar og skuldbindingar sem síðan stóðust ekki. Ég hef verið stjórnarmaður í lífeyrissjóði þar sem teknar voru afdrifaríkar ákvarðanir. Við reyndum að hafa allan vara á, leituðum upplýsinga og ráðgjafar og það henti á þeim bænum eins og öðrum að teknar voru ákvarðanir sem ekki reyndust skynsamlegar. Ég hef heitið sjálfum mér því að þegar ég tek ákvarðanir sem skuldbinda annað fólk leiti ég af mér allan vafa. Icesave-málið er ekkert venjulegt þingmál. Við erum að tala um skuldbindingar vegna bankahruns sem eru...

11. Ágúst 2009

UPPGJÖF FRÉTTABLAĐSINS

Birtist í Fréttablaðinu 10.08.FB logo
 ...En það krefst úthalds að gefast ekki upp, loka augunum; segja að við séum búin að fyrirgera öllum rétti okkar og verðum að leggja allt traust á AGS. Staðreyndin er sú að enn höfum við ekki gengist í ríkisábyrgðina þótt sumir hafi verið til þess albúnir að undirgangast hana án þess að gera minnstu tilraun til að kynna sér samninginn! Okkur ber skylda til að tryggja okkur eins vel og hægt er inn í framtíðina. Ef við leikum af okkur þá þurfum við að hafa styrk til að endurmeta stöðuna - svo lengi sem það er hægt....

7. Ágúst 2009

63 - 0

...Fram hefur komið að sjálfur get ég ekki fellt mig við að veita ríkisábyrgð á Icesave á þeim forsendum sem fyrir liggja. Svo er enn. Hvort hægt er að setja fyrirvara við ríkisábyrgðina er nú til umræðu á Alþingi. Ég tek heilshugar þátt í þeirri umræðu og fagna því að fulltrúar allra stjórnmálaflokka hafa lýst vilja til að koma að þeirri vinnu. Saman eigum við síðan að ræða okkur að niðurstöðu. Inn í þá umræðu þarf að flétta ígrundað mat á því hversu hyggileg þessi fyrirvaraleið yfirleitt er. Að þessu verki á í engu að flana. Framtíðin er í húfi. Allt veltur á vönduðum vinnubrögðum. Ekki ætla ég að gera lítið úr stundarhagsmunum Íslendinga. En fyrst og fremst snýst þetta mál þó um framtíðina...

6. Ágúst 2009

BARINN ŢRĆLL Á RAUĐSMÝRI

Birtist í DV 05.08.09.DV
...En hvers vegna rifja upp hlutskipti Bjarts í Sumarhúsum? Jú, það gerir Jóhann Hauksson, blaðamaður, í grein í DV í síðustu viku. Að vísu er heimilsfang Bjarts ekki lengur Sumarhús heldur Grímshagi en það er heimilisfang undirritaðs. Grein Jóhanns heitir Bjartur í Grímshaga og fjallar um þá menn sem ekki átta sig á sínum vitjunartíma. Og nú sé ekki rétti tíminn að styggja alla góðu vinina okkar í Evrópusambandinu - því þar sé framtíðina að finna. Bjartur í Grímshaga átti sig greinilega ekki á þessu og...En ég tel jafnframt að Íslendingar eigi aðeins að undirgangast þá skilmála gagnvart öðrum ríkjum sem eru réttmætir og sem ætla má að við getum risið undir og staðið við. Annað er ómerkilegt og ekki sæmandi fullvalda þjóð með sjálfsvirðingu...

3. Ágúst 2009

DÓMSDAGUR?


.... fulltrúi Alþjóðagjaldeyrissjóðsins á Íslandi, sagði í fréttum um helgina að "gjafaþjóðirnar" (donors) hikuðu við að rétta Íslendingum hjálparhönd vegna tregðu okkar að undirgangast Icesave skuldbindingarnar. Smám saman er það að renna upp fyrir "gjafaþjóðunum" að Alþingi mun ekki samþykkja Icesavedrögin án þess að settir verði fyrirvarar við þau. Ella yrðu þau að öllum líkindum felld. Í hverju er svo aðstoð hinna "gjöfulu" vinaþjóða fólgin? Ekki gefa þær okkur peninga svo mikið er víst. Aðstoðin er fólgin í því að lána Íslendingum fjármuni, samkvæmt forskrift AGS, sem nema rúmum 5 milljörðum Bandaríkjadala til að koma upp gjaldeyrisforða. Það er nokkuð vel í lagt fyrir rúmlega 300 þúsund manna þjóð. Ekki síst þegar litið er til þess að hreinn vaxtakostnaður af svo risavöxnum forða ... nemi að minnsta kosti 18 ,7 milljörðum króna árlega! Það þarf að skera talsvert niður á sjúkrahúsum Íslands til að ná þeirri upphæð...

3. Ágúst 2009

BURT MEĐ BANKALEYND


...Nú er komið á daginn hve ótrúlega ósvífnir þeir voru í viðskiptum sín í milli í harðsvíraðri samtryggingu og krossfjárfestingum; hvernig þeir skákuðu milljarðatugum til og frá á taflborði eiginhagsmuna; og hvernig þeir síðan undir það síðasta settu fjármuni í ríkisskuldabréf þegar þeim þótti hætta á að peningarnir væru ekki nægilega tryggir í bönkunum sem þeim - "kjölfestufjárfestunum" - höfðu verið fengnir í hendur af þáverandi stjórnvöldum. Hvers vegna ríkisskuldabréfum? Jú, ríkisskuldabréfin eru þar tryggilegast á ábyrgð okkar, almennings! Um hvað snýst slagurinn um bankaleynd núna? Hann snýst um rétt okkar - þessa sama almennings - til að sjá hvernig farið var með okkur. Þarf að segja meira? Þetta er siðleysi af hæstu gráðu. Ekki er nóg með að búið sé að setja bankana á hausinn heldur...

1. Ágúst 2009

LJÓSALAMPAR OG JOHN STUART MILL

Birtist í DV 31. 07. 2009
DVAlmennt séð vil ég eins lítið af boðum og bönnum og mögulegt er að komast af með. Ég er nefnilega sammála þeirri grundvallarhugsun sem breski heimsspekingurinn John Stuart Mill  setti fram í riti sínum Frelsinu, sem kom út á Bretlandi upp úr miðri 19. öldinni og hefur síðan verið fólki um heiminn allan góð lesning. Þar á meðal mér. Í Frelsinu segir á þann veg að enginn maður hafi rétt á því að hlutast til um málefni annars einstaklings nema að sýnt sé að sá einstaklingur skaði aðra með breytni sinni. Þetta er vinnureglan þótt útfærslan kunni að taka á sig ýmsar myndir. Þannig má spyrja hvenær maður skaði mann og hvenær ekki: Einstaklingur hefur rétt til að hlutast til um það að annar reyki ekki nærri honum því vitað er óbeinar reykingar eru skaðlegar. En þótt reykingar bitni mest á þeim sem reykir þá er það ekki bara hans prívatmál...

29. Júlí 2009

SAMHELDNI SVEITANNA OG TORFI Á TORFALĆK

...Þarna hitti ég margan góðan frændann og frænkuna, og samstarfsfólk fyrr og nú. Torfi Jónsson var blár á litinn í pólitík, eins og blátt bindið á Sturlu Böðvarssyni, Pálma á Akri og fleirum góðum og gegnum íhaldsmönnum sem kvöddu sinn gamla samherja. En þarna var líka Framsókn og að sjálfsögðu VG með sjálfan Jón Bjarnason, þingmann kjördæmisins, ráðherra landbúnaðar og - með frænku okkar Torfa, eiginkonu sína, Ingibjörgu Sólveigu Kolka, sér við hönd. Svona er Ísland! Öll saman!! ...Nú þarf Ísland á samheldni að halda. Ekki hlýðinni ógagnrýninni samheldni heldur hnarrreistri og sjálfstæðri!  Jarðarför við úfinn Húnaflóann í dag minnir á hve frjór jarðvegurinn er á Íslandi fyrir því að standa saman á þennan hátt. Samheldni íslensku sveitanna getur kennt okkur margt...

29. Júlí 2009

DÓMGREINDARSKORTUR

Birtist í Fréttablaðinu 28.07.09.
Fréttabladid haus...Ef við Íslendingar komumst ekki út úr vandræðum okkar á eigin forsendum þá eigum við ekki framtíð sem sjálfstæð og fullvalda þjóð. Ég er hins vegar um það sannfærður að sem þjóð eigum við fram undan bjarta framtíð. En þá er líka grundvallaratriði að við látum ekki telja úr okkur kjarkinn. ...Leiðarahöfundur Fréttablaðsins er á öðru máli. Hann staðnæmist við heimasíðu mína með miklum meiningum. Á þessa sömu heimasíðu barst mér nýlega bréf þar sem sú hugmynd er reifuð að Íslendingar líti sér nær; horfi til samstarfs við Grænlendinga, Færeyinga, Skota og Norðmenn ...

28. Júlí 2009

UM SIĐFERĐI BRETA


...Vegna þessarar tregðu stjórnvalda hafa fjölmargir eftirlaunaþegar þurft að búa við mikla fátækt og stjórnvöld hagnast ennfremur á drætti þar sem margir rétthafar deyja á meðan beðið er. Siðferðislega er hegðun stjórnvalda ámælisverð, ekki síst sú ákvörðun að hlíta ekki dómsniðurstöðum. Siðferði Breta virðist því meira vera
til sýnis en brúks....

24. Júlí 2009

SAMNINGAR, DÓMSTÓLAR OG GREIN 11


...Í þessari tilskipunargrein felst að þar sem Ísland er ábyrgt fyrir tryggingakerfinu og ábyrgist þess vegna fyrstu greiðslurnar - lágmarksgreiðslurnar - þá beri Íslandi fyrstu fjármunirnir sem inn koma. Þetta virðist mér vera rökrétt og sanngjarnt. Eftir stendur að lögspekingar og aðrir spekingar deila um túlkun laganna. Hollendingar og Bretar segja að við höfum mismunað í þágu Íslendinga með neyðarlögunum frá því í október. Við bendum á að Bretar hafi mismunað í þágu eigin þegna með hryðjuverkalögunum og auk þess stórskaðað hagsmuni Íslands. Hvað gera menn þá í lýðræðislegu réttarríki? Menn eiga um tvennt að velja...Hvor kosturinn sem fyrir valinu verður - fyrirvarar Alþingis eða höfnun - mun ekki kæta gömlu nýlenduherrana í Hag og Lundúnum. Þeir eiga þá þann kost að ...

21. Júlí 2009

HRĆĐUMST EKKI HÓTANIR


...Ég hef styrkst í þessari afstöðu. Við sjáum það sífellt betur á hve ósvífinn hátt er sótt að íslenskum almenningi. Sífellt er gefið í skyn að allt verði betra eftir því sem við lútum lægra. Þetta er mikil villuhugsun. Þótt íslenskir fjármálamenn hafi farið illa að ráði sínu á þjóðin ekki að þurfa að vera á hnjánum. Við eigum ekki að hræðast hótanir og megum aldrei láta stjórnast af ótta og óðagoti, hvað þá að hið gamalkveðna, "þetta reddast" stýri för. Nú er þörf á raunsæi og yfirvegun þar sem hagsmunir almennings eru í fyrirrúmi....

19. Júlí 2009

... EN HANN HELDUR MEĐ ÍSLANDI

Er ekki undarlegt að ráðherra sem er á móti aðild að Evrópusambandinu komi að aðildarviðræðum við ESB í mikilvægum málaflokkum? Á þessa leið var spurningin sem Jón Bjarnason, sjávarútvegs- og landbúnaðarráðherra fékk á sig í hádegsifréttum RÚV í dag. Tilefni fréttarinnar var stórundarlegt viðtal við Ingibjörgu Sólrúnu Gísladóttur, fyrrverandi formann Samfylkingarinnar, í sjónvarpsfréttum þar sem hún sagði að sérstaklega þyrfti að fylgjast með Jóni Bjarnasyni í viðræðum við ESB því hann væri andstæðingur aðildar! Jón Bjarnason sagði réttilega að fráleitt væri að ...

12. Júlí 2009

Á ALŢINGI FYRIR TÍU ÁRUM


...Oft hef ég heyrt sagt að enginn hafi séð þetta fyrir. Það er vissulega rétt að sennilega hefur enginn haft hugarflug til að sjá fyrir að hrunið yrði eins rosalegt og raun varð á. Hins vegar voru uppi varnaðarorð frá upphafi - allt frá þeim tíma þegar hringekjan var að fara í gang fyrir alvöru. Þessu til áréttingar rifja ég hér upp - nánast af handahófi - ræðu sem flutt var á Alþingi fyrir áratug þegar bankarnir voru hrifsaðir úr höndum þjóðarinnar til að fela þá í hendur svokölluðum "kjölfestufjárfestm." Á þessum tíma - fyrir áratug - var hringekjan að fara í gang fyrir alvöru. Á Alþingi var vísað til þess að þjóðin væri "...farin að fá á tilfinninguna að hún búi í spilavíti..." Þetta reyndist því miður meira en tilfinningin ein....

27. Júní 2009

ŢÖRF Á YFIRVEGUN


...Nú þurfum við að hugsa af yfirvegun. Ég trúi ekki öðru en að ná megi þverpólitískri samstöðu um framhaldið. Enginn má gefa sér fyrirfram niðurstöðuna. Eitt er víst: Við þurfum að leggjast í mikinn áróður fyrir Íslands hönd út í hinum stóra heimi. Við þurfum að segja að þjóðin sé reið og leið yfir því sem gerst hefur; að við viljum greiða það sem okkur ber; virða þjóðréttarlegar skuldbindingar okkar; fá aðstoð við að ná í fjármuni sem skotið hefur verið undan þannig að þeir sem misst hafa innistæður sínar fái þær greiddar. Við eigum einnig að segja að við ætlum að gæta að félagslegu réttlæti; að við ætlum ekki að láta sektarkennd þjóðarinnar snúast upp í þá andhverfu að reikningur vegna tapaðrar innstæðu í London eða Amsterdam verði sendur til innheimtu á göngudeildum Landspítala Íslands næstu áratugina...

26. Júní 2009

„HANN ER KOMMÚNISTI"


...Í fyrsta lagi kemur fram hjá fulltrúa Salt Investment að búið hafi verið "að ganga frá öllum endum" við fyrirtækið, þegar ég kom í heilbrigðisráðuneytið fyrr á þessu ári. Þetta eru athyglisverðar fréttir í ljósi þess að forveri minn í embætti þrætti jafnan fyrir að þessi hefði verið raunin. Það hefði enda verið umdeilanlegt ef ráðherra heilbrigðismála, sem óbeint er tengdur eigendum Bláa lónsins hefði verið að skipuleggja heilbrigðisstarfsemi á vegum fyrirtækis sem Lónið er hluthafi í. Hitt sem er til umhugsunar er hverja kynningu ég hef fengið hjá umboðsmönnum Otto Nordhus, sem Morgunblaðið segir norskan stofnanda "einkarekna heilbrigiðfyrirtækisins Nordhus Medical." Þetta fyrirtæki er að hasla sér völl í viðskiptum með heilbrigðisþjónustu...

24. Júní 2009

HĆĐST AĐ LÝĐRĆĐINU


Ekki held ég að á annað hundrað starfsmenn stofnana heilbrigðisráðuneytisins skrifi upp á boðskap Staksteina Morgunblaðsins í dag. Þar hæðist ritstjóri blaðsins að lýðræðislegum vinnubrögðum í heilbrigðisráðuneytinu við endurskipulaginngu og fjárlagagerð. Á fundinum voru frjóar og gjöfular umræður og ríkur vilji til að skoða starfsemi á vegum ráðuneytisins á gagnrýninn hátt með það fyrir augum að stuðla að markvissari vinnubrögðum og sem bestri nýtingu fjármuna. Allir vildu gagnsæ og lýðræðilsega vinnubrögð. Ekki tilskipunaraðferðafræði...Menn vita sem er að það vinnulag hefur ekki bara skilað okkur efnahagshruni. Í opinberri stjórnsýslu hefur uppskeran verið óánægja og árangursleysi. Líka við fjárlagagerð, gagnstætt því sem Morgunblaðið ætlar. Þannig skilar Sjálfstæðisflokkurinn...

21. Júní 2009

Í BOĐI BSRB


...Að þessu sinni er það Ingiberg Magnússon sem sýnir verk sín. Þóra Einarsdóttir, óperusöngkona, söng sig inn í hjörtu allra viðstaddra við undirleik Önnu Guðnýjar Guðmundsdóttur. Þær voru klappaðar upp og fengu mikið lof. Það gerði líka Einar Már Guðmundsson, rithöfundur sem fór á kostum, mælti ljóð af munni fram, las úr verkum sínum, og talaði við samkomugestina. Í næstu viku kemur út ný bók eftir Einar Má sem heitir Hvítbók. Mér kæmi ekki á óvart að flestir viðstaddra hafi hugsað til þess að ná í hana volga ... Að lokinni dagskrá bauð BSRB upp á veitingar sem voru listilega framreiddar af Stefaníu Óttarsdóttur...

19. Júní 2009

MENNING Í MUNAĐARNESI


Laugardaginn 20. júní  verður efnt til hefðbundinnar Menningarhátíðar BSRB í Munaðarnesi. Tilefnið er opnun málverkasýningar Ingibergs Magnússonar. Við opnunina mun Einar Már Guðmundsson, rithöfundur,  lesa úr verkum sínum og Þóra Einarsdóttir, óperusöngkona syngur við undirleik Önnu Guðnýjar Guðmundsdóttur. Mér hlotnast sá heiður að stýra hátíðinni  sem venju samkvæmt hefst  klukkan 14 og stendur í um klukkustund en þá er boðið upp á veitingar. Allir eru velkomnir og er ...

17. Júní 2009

FULLVELDIĐ, LÝĐRĆĐIĐ OG FRELSIĐ


Ég óska lesendum síðunnar gleðilegrar þjóðhátíðar. Megi dagurinn verða okkur tilefni til að íhuga allt það góða og jákvæða sem við sem þjóð höfum fengið áorkað. Íslendingar búa yfir frjóum og gjöfulum meninngararfi. Við skulum leggja rækt við hann sem aldrei fyrr því menningin eflir með okkur samstöðu og baráttuþrek; viljann til framfara.
Á síðustu öld byggðum við upp grunn að öflugu velferðarsamfélagi á Íslandi. Þann grunn þarf nú að verja. Það gerum við aðeins í sameiningu. Til þess þurfum við að geta ráðið ráðum okkar sjálf. Við þurfum sjálfstæði til ákvarðana og athafna. Það er kjarni fullveldisins. Nú er vegið að fullveldi Íslendinga. Við ráðum okkur sjálf aðeins að takmörkuðu leyti....

12. Júní 2009

MEĐ ŢJÓĐARHAG AĐ LEIĐARLJÓSI


Ráðherrar Sjálfstæðisflokksins "sömdu" okkur út í hafsauga í Icesave deilunni síðastliðið haust. Ýmsir lögfræðingar og þjóðréttarfræðingar hafa alla tíð sagt að ekki hafi verið um eiginlegan samning að ræða heldur yfirlýsingu sem þvinguð var fram á upplausnarstundu - auk þess sem hún byggði ekki á lýðræðislegum vilja. Síðan hefur verið reynt að ná betri niðurstöðu. Slík niðurstaða er nú til umræðu á Alþingi og í þjóðfélaginu. Ekki er vitað hvaða afstöðu Sjálfstæðismenn á Alþingi koma nú til með að taka. Ég geri ekki kröfu til þess að þingmenn Sjálfstæðisflokksins máti sig við sínar fyrri gjörðir þótt óneitanlega væri trúverðugt að þeirra væri minnst í málflutningi. Reyndar geri ég enga kröfu á Sjálfstæðismenn sem eina hjörð. Nú ber einmitt hverjum og einum, sjálfum, að taka afstöðu til þessa máls á grundvelli mjög vel ígrundaðra raka. Hrunið byggði á hjarðhugsun. Hún reyndist vera leið til glötunar. Nú er þjóðarhagur í húfi. Menn hafa spurt hvort ...

8. Júní 2009

Á SEĐLABANKINN AĐ ŢJÓNA FÓLKI EĐA FJÁRMAGNI?


...Hvað á Sigríður Ingibjörg Ingadóttir við? Telur hún að samhengi sé á milli þess að draga úr útgjöldum til Landspítala og að lækka stýrivexti? Fróðlegt væri að fá á þessu nánari skýringu. Einnig hvað hún á við þegar hún stillir upp sem andstæðum "faglegum" og "pólitískum"  forsendum fyrir vaxtaákvörðunum: "Við getum vissulega haft okkar skoðanir á þeim ákvörðunum sem teknar eru í Seðlabankanum en það er einnig mikilvægt að þær ákvarðanir séu teknar á faglegum forsendum en ekki pólitískum. .."Þarf þingkona Samfylkingarinnar ekki að skýra nánar fyrir skuldsettum heimilum og fyrirtækjum, sem ramba á barmi gjaldþrots, hvað hún á við?
Bjarni Benediktsson
, formaður Sjálfstæðisflokksins, hefur uppi sam konar málflutning og segir mig sem ráðherra þurfa að þola ...

17. Maí 2009

ÉG HELD MEĐ LÝĐHEILSUSTÖĐ - EKKI NEYTENDASAMTÖKUNUM


...sleppa við skatta sem hægt er að komast hjá að greiða... með fyrirbyggjandi aðgerðum.... Neytendasamtökin eru þessu ekki sammála. Á hvaða róli skyldu þau samtök vera í þessu samhengi? Er markmiðið það eitt að fá verð niður á öllum sviðum? Sama hver varan er, kók eða mjólk? Ég spyr hvort búið sé að úthýsa allri samfélagshugsun úr þessum samtökum? Ég er...

14. Maí 2009

OG SVO VERĐA BÖRNIN RÓLEGRI...


Sjaldan hef ég fengið meiri hvatningu og vinsamlegri viðbrögð við tillögu sem ég hef borið fram en þeirri sem viðruð var í dag á ársfundi Sjúkrahússins á Akureyri. Þessi tillaga er reyndar engan veginn mín - langt í frá - þetta er tillaga Lýðheilsustöðvar, næringarfræðinga og helstu sérfræðinga þjóðarinnar í heilbrigðismálum, tannlækna og tannheilsusérfræðinga um langan tíma. Þessir aðilar hafa bent á að sýnt hafi verið fram á það með ...Þetta veit Jón Steindór Valdimarsson hjá Samtökum gosdrykkjaframleiðenda. Hann tekur andköf og bakföll í fréttamiðlum, greinilega meira umhugað um söluhagsmuni gosdrykkjaframleiðenda en heilsufar barna og unglinga. Heldur dapurlegt hlutskipti í málflutningi. Þú veist væntanlega að sykurinn étur glerunginn, Jón Steindór; og spillir ...

11. Maí 2009

HAMRAĐ Á MIKILVĆGI VELFERĐAR


Á fyrsta starfsdegi nýrrar ríkisstjórnar var efnt til fundar í Heilbrigðisráðuneytinu með forstöðumönnum heilbrigðisstofnana landsins. Ég notaði tækifærið til að kynna áherslur nýs stjórnarsáttmála, þar sem hamrað er á mikilvægi velferðarþjónustunnar og að ráðist verði í heildstæða endurskoðun á heilbrigðiskerfinu, m.a. með það að markmiði að efla heilsugæsluna sem fyrsta viðkomustað sjúklings í kerfinu. Mikil og gagnleg umræða varð á fundinum eins og fram kemur á heimasíðu ráðuneytisins...

7. Maí 2009

UMSÁTRIĐ UM ÍSLAND


Gordon Brown, liggur undir ámæli heima fyrir. Hann er sakaður um að hafa verið glámskyggn og óvarkár. Og alltaf þegar að honum er vegið, þá notar hann Íslandstrompið. Íslendingarnir, þeir fóru illa með okkur, segir Brown. Og við ætlum að sýna þeim hvar Davíð keypti ölið....Nú telja margir að hann hafi fengið rangar upplýsingar, að hann sé ekki inni í málunum og svo framvegis. En það er ekki aðalatriðið. Heldur hitt, hvernig hann skilur hlutverk AGS. Samkvæmt skilningi Gordon Brown á AGS að hafa eftirlit með þrotabúinu Ísland og gæta þess að íslenska ríkisstjórnin raði í rétta forgangsröð, sem er svona:
Númer eitt, tvö og þrjú: Byrja fljótt að greiða Icesave og öðrum ...

6. Maí 2009

HÉR ER FÓLK MEĐVITAĐ UM ÁBYRGĐ


Ávarp á ársfundi Landspítalans í dag
...Öll vill þjóðin verja velferðina. Það er dýrmæt vitneskja. Verkefnið er þá að virkja þann góða vilja  ...Nú er sem betur fer kappsamlega unnið að því að koma skuldastöðu þjóðarinnar í ásættanlegri farveg en mótaður var í haust leið. Í þeirri vinnu finnum við fyrir klónum á lánadrottnum, sem fengið hafa sérfræðingana frá Alþjóðagjaldeyrissjóðnum sér til halds og trausts en sem kunnugt er hafa þeir mikla reynslu í að færa skrúfurnar upp á þumalinn á skuldugum þjóðum, einkum suður í álfum, stundum með skelfilegum afleiðingum. Þeir segjast vilja vinna í anda vináttu og bróðernis. En eins og Grímur Thomsen kvað um Goðmund á Glæsivöllum þá var ...

3. Maí 2009

VIĐAR Á Nei.is


Góða grein eftir Viðar Þorsteinsson er að finna á Nei.is. Ég les ævinlega af athygli það sem Viðar hefur að segja og er grein hans nú engin undantekning hvað ágæti varðar: Að þessu sinni frábært framlag inn í umræðuna um Evrópusambandið. Viðar spyr um hagsmuni, annars vegar almannahagsmuni og lýðræði, hins vegar hagsmuni fjármagns......Það er alltaf hressandi að heyra frá Viðari Þorsteinssyni. Í þeim anda set ég þessar línur á skjá; til að sýna viðbrögð og um leið þakklæti við uppbyggilegum og áhugaverðum skrifum. Um það sem ég er Viðari sammála ræði ég ekki í þessum línum en vek athygli á því sem ég tel ekki alveg rétt með farið og þar sem okkur greinir á efnislega.

25. Apríl 2009

ÖRLAGARÍKAR KOSNINGAR

Birtist í Mosfellingi
Hinn 25. apríl næstkomandi ganga Íslendingar til Alþingiskosninga sem ég tel vera einhverjar hinar örlagaríkustu í sögu lýðveldisins. Þær snúast um endurreisn Íslands. Á hvaða grunni viljum við reisa efnahags- og fjármálakerfið við, hvernig viljum við bera okkur að í vörn og sókn fyrir velferðarþjónustuna og hvernig ætlum við að ráðstafa náttúruauðlindum okkar? Flestir þekkja áherslur Vinstrihreyfingarinnar - græns framboðs um blandað hagkerfi sem byggir á fjölbreytni, jöfnuði og sanngirni við skiptingu verðmæta, eignarhaldi þjóðarinnar á auðlindum til lands og sjávar og varfærni í umgengni við móður jörð. Nú ríður á að við ...

24. Apríl 2009

UM MIKILVĆGI MENNINGAR


Friðrik Rafnsson
, þýðandi, skrifaði í gær greinina sem ég tel einna mikilvægasta fyrir þessar kosningar. Hún hét Menningin er kjölfestan og birtist í Fréttablaðinu. Boðskapur Friðriks er af svipuðum toga og boðskapur Ólafs Kvaran, fyrrum Listasafnsforstjóra og lisfræðings, fyrir síðustu Alþingiskosningar. Sjálfur hef ég reynt að halda uppi málflutningi af þessu tagi og gleður það jafna hjarta mitt að heyra tekið í þessa strengi. Grein Friðriks í Fréttablaðinu í gær segir það sem segja þarf....

24. Apríl 2009

HEILSUGĆSLAN VERĐI KJÖLFESTAN

Birtist í Fjarðarpóstinum
...Ég er nefnilega þeirra skoðunar að heilsugæslan eigi að vera kjölfestan í heilbrigðiskerfinu sem aðrir þættir þess hvíli á. Það kallar á aðra forgangsröðun en fylgt hefur verið til þessa. En framar öllu þarf að standa þá vakt sem þjóðin ætlast til af stjórnvöldum: Að verja heilbrigðiskerfið afleiðingum fjármálahrunsins sem framast má vera og tryggja að grunnurinn verði til staðar til að byggja á nýja framfarasókn....

23. Apríl 2009

ÍSLAND ER HÁLENDI HUGANS!


Sumardaginn fyrsta fer ég ævinlega í Skátamessu í Hallgrímskirkju. Þetta er hluti af hefðinni í mínu lífi á þessum degi. Í bland geri ég þetta í minningu föður míns, Jónasar B. Jónssonar, sem ...var mikill áhugamaður um æskulýðsstarf... Ræðu dagsins í Skátamessunni að þessu sinni flutti listakonan  María Ellingsen. Henni mæltist sérlega vel. Sótti efniviðinn víða, til ljóða Jónasar Hallgrímssonar og í speki suður í álfur, gott ef ekki var til Afríku þar sem spekingur hafði sagt að við værum líkleg til þess "að varðveita það sem við elskuðum; elskuðum það sem við þekktum og þekktum það sem okkur væri kennt." Boðskapurinn var augljós...

22. Apríl 2009

ŢAKKLÁTUR LĆKNUM

Birtist í Fréttablaðinu 21.04.09.
.Fréttabladid haus.. Á stuttum ferli mínum sem heilbrigðisráðherra hef ég átt ótal fundi á heilbrigðisstofnunum, með starfsfólki og stjórnendum, með trúnaðarmönnum stéttarfélaga innan BHM, ASÍ, BSRB og Læknafélags Íslands. Ég hef hlustað eftir sjónarmiðum og komið mínum eigin á framfæri; viðrað þá skoðun að æskilegt væri að umræða um framtíðina væri eins laustengd amstrinu í augnabliki samtímans og kostur er, fjarri kjarasamningum og hagsmunatengdri baráttu enda ættum við að nálgast viðfangsefnið með langtímahagsmuni samfélagsins alls í huga. Slíkan...

21. Apríl 2009

VELVILJAĐUR HALLDÓR

Birtist í Morgunblaðinu 20.04.09.
MBL  - Logo...Hann ætti að hafa meiri áhyggjur af þeirri arfleifð sem Sjálfstæðisflokkurinn skilar okkur eftir 18 ára valdaferil: Himinháar skuldir, bankahrun, vaxtaokur og óðaverðbólgu. Út úr „góðærinu" skilar Sjálfstæðisflokkurinn okkur heilbrigðiskerfi með tveggja milljarða skuldahala og niðurskurði upp á tæpa sjö milljarða á þessu ári.
Annars óska ég Halldóri Blöndal til hamingju með 80 ára afmæli Sjálfstæðisflokksins hinn 25. maí nk. og vona að sjálfur eldist hann betur.

19. Apríl 2009

KJARAJÖFNUN ER KJARABÓT

Birtist í Morgunblaðinu 18.04.09.
MBL  - Logo...Peninganefnd Seðlabankans hefur ekki getað skýrt þá ákvörðun sína að viðhalda 15,5% stýrivöxtum. Vaxtaokrið hefur verið nefnt „tilvonandi fortíðarvandi" Þetta er umhugsunarverð áminning....Talað hefur verið um að færa höfuðstól skuldara niður um tiltekið hlutfall, einnig um tiltekna krónutölu. Að mínu mati þarf að þróa þessa hugsun áfram ...Um þær aðferðir þarf að mynda þjóðarsátt. Í þessu sambandi eru áform ríkisstjórnarinnar tvíþætt: a) að stöðva uppboð og árásir á skuldara og b) nota andrúmið til að þróa aðferðir til að létta byrðarnar með sanngjörnum hætti...

18. Apríl 2009

FRÁBĆRT FRAMLAG TANNLĆKNA


Um það bil 25 tannlæknar og tanntæknar ásamt tannlæknanemum hafa gefið vinnu sína tvær helgar í röð í þágu barna og unglinga sem þurfa á tannlækningum að halda...Ingibjörg S. Benediktsdóttir, formaður Tannlæknafélags Íslands, sagði mér að hún væri því sammála að líta eigi á tannlækningar eins og hverjar aðrar lækningar. Hún sagði að 60 börn hefðu komist að í þetta skiptið ... Mér þótti athyglisvert í máli Ingibjargar að hún benti á að tannskemmdirnar hefðu ekkert með októberhrunið að gera - þær kæmu út úr "góðærinu". Þá hefðu meira að segja verið lækkaðir skattar á gos og sælgæti eins og til að kæta Karíus og Baktus!...

16. Apríl 2009

NÚ ŢARF AĐ BRETTA UPP ERMAR

Birtist í Morgunblaðinu 15.08.09.
MBL  - Logo...Hugurinn reikar til liðinna ára, til harðvítugra deilna um markaðsvæðingu sjávarauðlindarinnar, bankanna, einkavæðingu heita vatnsins og hvernig okkur tókst að koma í veg fyrir að kalda vatnið færi sömu leið. Nú dugir hins vegar ekki að horfa til baka heldur fram á veginn. Brýnasta krafa samtímans er að tryggja eignarhald þjóðarinnar á auðlindunum, öllum auðlindum sem eru eðli máls samkvæmt sameign íslensku þjóðarinnar. Andstaða Sjálfstæðisflokksins við slíkar fyrirætlanir hlýtur að vekja athygli kjósenda í komandi Alþingiskosningum. Flokkurinn hefur greinilega ekkert lært og virðist staðráðinn í því að halda áfram á sömu braut.
Tal hans um skatta og niðurskurð eru af sama meiði. ...

15. Apríl 2009

ÁRNI, MATTHÍAS OG SIGURĐUR GÍSLI


...Yfirsýn þeirra félaga, sögulegar skírskotanir, upprifjun þeirra á tilteknum þáttum úr þjóðlífinu, menningin og meiningarmunurinn. Það var upplýsandi að hlusta á blaðamennina og athyglisvert að merkja hve kurteisir þeir voru, en ákafir...Hvað varð til þess að við hættum að hlusta á svona menn og háakta þá? Var það kannski þegar við slepptum kúltúrlausu peningaliði inn í sparibauka landsmanna, án barnfóstru? ... Þetta var ekki strengurinn sem leikið var á í Krossgötum og þetta var ekki þráðurinn sem spunninn var í frábæru viðtali í Fréttablaðinu á dögunum þar sem rætt var við Sigurð Gísla Pálmason um ekki ólík mál ...

12. Apríl 2009

ARFLEIFĐ ANDRÉSAR

Andres Bjornsson...Við skulum aldrei vanmeta menningarlegt hlutverk Ríkisútvarpsins. Þegar þjóð lendir í þrengingum eins og við höfum nú gert, þá er gott að eiga traustan menningararf að styðjast við. Menningin er aldrei mikilvægari en á slíkum stundum. Menning og bókvit veitir gleði og ánægju,  eflir sjálfstraust og þor og verður í askana látið!
Við eigum útvarpssnillingum á borð við Ævar Kjartansson mikið að þakka, mönnum sem halda loganum stöðugt vakandi. Forvera hans ýmsa, lífs og liðna, hefur mátt heyra í dagskrá Gufunnar yfir páskana. Það hefur yljað um hjartarætur. Megi stjórnendur Ríkisútvarpsins jafnan vera meðvitaðir um menningarlega ábyrgð sína. Á útvarpsstjórastóli hafa setið margir mætir menn, sem risið hafa undir sinni ábyrgð. Sumir þeirra hafa verið í senn verkstjórar og átt sjálfir hlutdeild í menningarlegu framlagi Ríkisútvarpsins. Þar kemur nafn Andrésar Björnssonar upp í hugann. Hann var ...

11. Apríl 2009

LYFJARISAR KĆRA OKKUR TIL BRUSSEL


...Annars er hugtakið fyrirtæki harla hógvært hugtak þegar haft er í huga að um er að ræða lyfjaauðhringi heimsins! Kannski ekki von að þau hafi hugann við þrengingar Íslendinga eða sýni því áhuga að taka þátt í þjóðarátaki til endurreisnar efnahagslífsins. Íslenskir umboðsaðilar gætu alla vega reynt að sýna lit í stað þess að hlaupa með kærumál á hendur þjóðinni suður til Brussel. Þar er helst að finna skjól fyrir bisnissfyrirtækin þegar lýðræðið sækir að þeim....

9. Apríl 2009

LYFJARISAR Í MÁL GEGN ŢJÓĐINNI

Birtist í DV 08.04.09.
.DV..En þótt almennt sé tekið undir sameiginlegt sparnaðarátak þjóðarinnar er það eins og í öðru að undantekningin sannar regluna. Hver skyldi það nú vera sem ekki vill vera með? Jú, það eru fulltrúar öflugustu lyfjafyrirtækja heimsins sem sýna fram á það með gjörðum sínum að þeim komi efnahagsþrengingar Íslendinga ekkert við. Það er nefnilega þannig að samtök stóru lyfjafyrirtækjanna sem flytja inn lyf til Íslands hafa nú kært íslenska ríkið fyrir ESA sem hefur það hlutverk að fylgjast með því að ekki sé brotið gegn heilagri ritningu markaðslögmála innan Evrópusambandsins. Er þetta hægt? Kannski lagalega en réttlætiskennd flestra okkar hlýtur að mæla gegn þessu háttalagi...

8. Apríl 2009

VÁLEGIR ATBURĐIR OG HLUTVERK HEILBRIGĐISŢJÓNUSTUNNAR: ALŢJÓĐAHEILBRIGĐISDAGURINN 7. APRÍL

Birtist í Morgunblaðinu og Fréttablaðinu 07.04.09.
Afar öflugur jarðskjálfti, 6,1 stig á Richter, skók Suðurland í maí á síðasta ári. Töluverðar skemmdir urðu á þeim svæðum sem næst lágu skjálftaupptökunum. Lítilsháttar skemmdir urðu á Sjúkrahússins á Selfossi og var það rýmt að hluta. Eftir skoðun kom í ljós að engar skemmdur voru á burðarþoli byggingarinnar og var því hægt að halda uppi eðlilegri starfsemi á sjúkrahúsinu...

8. Apríl 2009

SAMRĆĐA OG SAMSTARF TIL ÁRANGURS


...Með þessa hugsun að leiðarljósi  hafa fundirnir verið, sem efnt hefur verið til um allt land að undanförnu með heilbrigðisstarfsfólki, einstökum starfsstéttum, trúnaðarmönnum, stjórnenduum heilbrigðisstofnana, sveitarstjórnarmönnum og nú síðast með þverfaglegri umræðu allra heilbrigðisstétta um hvað betur megi fara í heilbrigðiskerfinu.Í hógværð heimasíðu Heilbrigðisráðuneytisins segir að 150 manns hafi sótt fundinn en ég leyfi mér að halda því fram að fjöldinn hafi verið ívið meiri.Vinnudagurinn heppnaðist með ágætum og heyrðist mér ...

7. Apríl 2009

HÖFĐINGLEGT BOĐ Á HRAFNISTU


...Guðmundur Hallvarðsson, stjórnarfomaður, og gamall samstarfsfélagi minn - og í mörgum efnum baráttubróðir - á Alþingi sagði, þegar hann bauð til hádegisverðarborðs að ég fengi kótellettur í raspi og brúnaðar kartöflur með öllu tilheyrandi. Þetta væri „þjóðréttur Hrafnistu" og aðeins boðið höfðingjum. Rétturinn væri að sjálfsögfðu reglulega á borðum heimilsfastra, sem var hans máti að segja mér frá því að á Hrafnistu væri litið á alla sem þar byggju sem höfðingja! ...Á laugardag sótti ég síðan þriggja tíma fund með samtökunum Heilaheill. Rætt var um málefni sem snerta félagsmenn og stofnanir sem þeim þjóna, þar á meðal Grensásdeild Landspítalans. Ég fékk margar ...

6. Apríl 2009

SILFUR EGILS FÉKK GULL Í DAG


...Í dag voru síðan mættir í Silfrið tveir valinkunnir Bandaríkjamenn sem vara okkur við Alþjóðagjaldeyrissjóðnum og minna á að hann er fyrst og fremst varðhundur auðvaldsins. Hárrétt. Þetta eru annars vegar Michael Hudson, fræðimaður og ráðgjafi Bandaríkjastjórnar í ýmsum málefnum en hann vinnur nú að endurskoðun á bandarísku skattalöggjöfinni. Hinn er John Perkins, höfundur Confessions of an Economic Hit Man og The Secret History of the American Empire. John Perkins þekkir af eigin raun ofbeldi auðvaldsins því hann hefur sjálfur reynslu af því að vinna fyrir alþjóðlegt fjármálafyrirtæki sem sannfærði fátækar þróunarþjóðir til að skuldsetja sig svo hægt væri síðar að hafa af þeim eignir þeirra...Aldrei hefur verið eins mikilvægt að halda þjóðareign á auðlindum okkar. Það var og kjarninn í boðskap þessara tveggja gesta okkar...

5. Apríl 2009

HEILAHEILL TIL HEILLA


Í gær sótti ég  þriggja tíma fund með samtökunum Heilaheill. Rætt var um málefni sem snerta félagsmenn og stofnanir sem þeim þjóna, þar á meðal Grensásdeild Landspítalans. Ég fékk margar mjög gagnlegar ábendingar á þessum fundi og vona að ég hafi einnig getað miðlað einhverju til fundarmanna sem ekki voru einvörðungu úr Hjartaheill heldur líka öðrum samtökum sem eru áshuga- og hagsmunatengd málefninu. Þórir Steingrímsson, félagi minn úr verkalýðssstarfi til margra ára veitir samtökunum forystu. Hér má ...

4. Apríl 2009

HÉĐINN OG SAMVINNAN

...Mest hafði ég þó gaman af veganestinu, eða hugarfóstrinu eins og samstarfsmaður minn í Heilbrigðisráðuneyti, Héðinn Unnsteinsson, kallaði það. Hann fékk mér í hendur nokkar línur á blaði áður en ég gekk að hátalara til að ávarpa samkomuna. Þar stakk Héðinn upp á því að skólanemar hugleiddu ritgerðarefni með því sem hann taldi verða meginþema komandi tíma. Þar yrði áherslan á að við hjálpuðum hvert öðru og yrði forskeytið SAM án efa fyrirferðamikið í orðaforða okkar næstu árin: Sam-vinna, sam-félag, sam-ábyrgð, sam-an, sam-staða, sam-ráð og nú væri að hefjast sam-keppni! Jafnvel samkeppni yrði með áherslunni á að gera hlutina saman. Skyldi þó ekki ...

27. Mars 2009

ŢAĐ SKIPTIR MÁLI AĐ ALLIR GETI VERIĐ MEĐ


Birtist í Fréttablaðinu 26.03.09. í tilefni söfnunarátaks Hjartaheilla og Stöðvar 2
...Hjartaheill og Gjafa- og styrktarsjóður Jónínu S. Gísladóttur, sem hún stofnaði til minningar um eiginmann sinn Pálma Jónsson í Hagkaupi, eru sennilega þeir tveir aðilar sem hafa lagt hvað mest fram til að styrkja og vinna að velferð hjartasjúklinga. Framlag beggja er ómetanlegt og stendur íslenskt samfélag og hjartasjúklingar í mikilli þakkarskuld við báða, sem hvorki mölur né ryð fá grandað. Á krepputímum er okkur hollt að hugsa um áhugann sem rekur samtök eins og Hjartaheill áfram og um þá einskæru góðvild sem fólst í því, þegar Jónína S. Gísladóttir stofnaði styrktarsjóðinn sem hér er nefndur...

26. Mars 2009

STJÓRNMÁLAMENN SÝNI ÁBYRGĐ

Birtist í DV 25.03.09.
DVÞótt okkur þyki vænt um heilbrigðiskerfið okkar og séum stolt af því fólki sem þar starfar erum við ekki alltaf ánægð með kerfið. Því fer fjarri og það eigum við aldrei að vera. En hvað jöfnuðinn áhrærir þá hygg ég að fyrir því ríki almennur þjóðarvilji að standa vörð um hann. Þess vegna hrökkvum við í kút þegar staðhæft er fólki sé mismunað eftir menntunargráðu. Þetta gerði Ásta Möller, þingmaður Sjálfstæðisflokksins og fyrrverandi formaður heilbrigðisnefndar Alþingis í fréttum Sjónvarps um nýliðna helgi. Hún sá ástæðu til að ...

23. Mars 2009

JÓN, GYLFI OG SPARISJÓĐIRNIR


...En Gylfi sagði fleira. Hann sagði að misráðið hefði verið að hlutafélagavæða sparisjóðina. Stofnfjárkerfið hefði verið misnotað og hann benti á hve slæmt það hafi verið að nota sparisjóðina sem fjárfestingabanka. Allir virtust sammála viðskiptaráðherranum. Líka þeir sem ....Hvernig væri að fjölmiðlarnir rifjuðu upp málflutning Jóns Bjarnasonar og þingmálin sem hann flutti um sparisjóðina? Á sumum þeirra var ég meðreiðarsveinn. Svo mætti rifja upp baráttu Skagfirðinga gegn hlutafélagavæðingu og yfirgangi - þeirra sömu og ...

19. Mars 2009

RÁĐSTEFNUR OG MÁLŢING


Ég vil vekja athygli á tveimur ráðstefnum sem fram fara í dag. Í morgunsárið efnir Heilbrigðisráðuneytið til morgunverðarfundar undir heitinu NÝ VIÐHORF - NÝJAR LAUSNIR - AUKIN JÖFNUÐUR....Grunngildin í heilbrigðisþjónustunni eru vissulega af siðferðilegum toga líkt og efni málþings í Hafnarfjarðarkirkju í kvöld. Þar munu frambjóðendur fyrir komandi Alþingiskosningar ræða ,,Siðferði og samfélag". Málþingið fer fram í Strandbergi, Safnaðarheimili Hafnarfjarðarkirkju ...Ævar Kjartansson, guðfræðingur stjórnar umræðum ...og mun nýta efni málþingsins í útvarpsþátt...

18. Mars 2009

GRĆĐGIN RÍĐUR EKKI VIĐ EINTEYMING


...Sama fyrirtæki heimtar nú ríkisstuðning upp á næstum tvöfalda þá upphæð! Væri ekki nær að þeir sem fengu arðinn hjá Byr greiði hann til baka? Önnur birtingarmynd græðginnar eru arðgreiðslur til eigenda Granda. Almennt starfsfólk þar hefur samþykkt kjaraskerðingu í góðri trú. Þegar í ljós kemur að eigendur Granda nota svigrúm kjaraskerðingarinnar til að greiða sjálfum sér arð missir starfsfólkið hreinlega andlitið. Gera gróðapungar þessa lands sér grein fyrir því hverjar afleiðingar gjörða þeirra gætu orðið? ...

17. Mars 2009

BURT MEĐ BANKALEYND

bankarnir
...En hvað skyldi það vera sem ekki þolir dagsljósið og þykir svo slæmt að það er tækt til fjárkúgunar? Á þetta ekki einmitt erindi inn í dagsljósið? Á þjóðin ekki rétt á að fá upplýsingar um allt sem gerðist innan veggja þeirra stofnana sem leitt hafa yfir okkur mestu efnahagskreppu fyrr og síðar? Þessar fréttir færa okkur enn heim sanninn um að bankaleynd á ekki nokkurn rétt á sér. Enda eru leyndarmúrar spillingarinnar hvarvetna að hrynja. Þannig er nú verið að afnema bankaleynd um allar álfur. Kröfur um gagnsæi rísa að sama skapi. Á Íslandi er það helst Sjálfstæðisflokkurinn sem ...

9. Mars 2009

"ŢIĐ HAFIĐ EKKI RÉTT Á AĐ RANNSAKA EKKI !!!"

evajoly
...Þingmönnum og ráðherrum hafa borist áskoranir um að leita til Evu Joly um rannsókn á fjármálahruninu og þá sérstaklega svindli og undandskoti fjármuna. Þessum áskorunum er ég tilbúinn að svara afdráttarlaust: Ef stjórnvöld gera ekki ALLT SEM Í ÞEIRRA VALDI STENDUR til að gangast fyrir slíkri rannsókn og reyna að hafa upp á rásnfeng sem skotið hefur verið undan þá hafa þau ekki siðferðilegan rétt til að sitja stundinni lengur við stjórnvölinn...Enda verður leitað til Evu Joly. ...

1. Mars 2009

STUTT SVAR TIL PRÓFESSORS

Birtist í Morgunblaðinu 28.02.09.
MBL  - LogoÁGÆTI Guðjón Magnússon. Þakka rammagrein þína í Morgunblaðinu í gær. Þú spyrð mig tveggja spurninga um rekstur skurðstofa. Svörin eru einföld: Það er ekki verjandi að reka skurðstofur með sólarhringsvöktum, þar sem ekkert er að gera, eins og þú kýst að orða það...

 

25. Febrúar 2009

TEKIĐ Á BANKALEYND OG SKATTASKJÓLUM


...Svo steindauð var umræðan að Morgunblaðið birti athugasemdalaust viðhafnarviðtal við bankastjóra Landsbanakans þar sem hann mærði þetta athæfi: „ Bankaleyndin er mikilvæg af mörgum ástæðum. Hún er til dæmis mikilvæg þeim sem vilja halda fjárfestingum sínum og öðrum ákvörðunum fyrir sjálfa sig. Við þekkjum það á Íslandi að margir einstaklingar vilja ekki að aðrir viti eitt eða neitt um þeirra stærri mál, af eðlilegum ástæðum." Umræðan var reyndar ekki alveg steindauð því aftur og ítrekað reyndi ég að vekja athygli á ósómanum bæði innan þings og utan, í ræðu og riti. Umrætt viðtal við bankastjórann birti ég til dæmis sem...

17. Febrúar 2009

TRYGGVA HERBERTSSON MISMINNIR


Tryggvi Þór Herbertsson lýsti því yfir í útvarpsþættinum Í vikulokin sl. laugardag að ég hefði verið hvatamaður þess að leitað var til Kínverja og Rússa um lán þegar „vinaþjóðir" í vestri hefðu brugðist. Ekki nóg með að ég hafi hvatt til þessa heldur hafi ég átt hugmyndina! Svo var ekki...Ég varaði beinlínis við því að sækja um aðstoð til Rússa og Kínverja og hvatti ALDREI til þess. Ég hlýt að ætla að Tryggva Herbertsson misminni því ekki ætla ég honum að fara vísvitandi með rangt mál...

16. Febrúar 2009

Í VÖRN OG SÓKN FYRIR HEILBRIGĐISKERFIĐ


Ræða á fundi með starfsmönnum Landspítala
...Ég hef ekki breytt um skoðun. En ég segi jafnframt að sú staða sem nú er uppi eigi að verða okkur tilefni til að kasta burt öllum gervilausnum fortíðarinnar, öllum óheiðarleikanum í kerfinu, allri uppgjafarhugsun og að við ákveðum hér og nú að sú endurskipulagning sem við verðum að fara í verði sá grundvöllur sem geri okkur fært að byggja heilbrigðisþjónustu Íslendinga á til framtíðar. Baráttan fyrir eflingu heilbrigðiskerfisins þarf að byggja á frjórri umræðu, ekki bara hér innandyra heldur úti í þjóðfélaginu. Við megum ekki hætta að vera...

13. Febrúar 2009

ALLIR VELKOMNINR Í HÓPINN

Birtist í Fréttablaðinu 12.02.09.
Fréttabladid hausÞað er ekki langt síðan forstjóri Sjóvár sendi síðast út greiðsluseðla fyrir tryggingum. Verið var að hækka þær um  40% á milli ára. Engin lækkun í boði þar! Sami forstjóri, Þór Sigfússon, auglýsir eftir þjóðarsátt um niðurskurð ríkisútgjalda. Það gerir hann sem formaður Samtaka atvinnulífsins....Ég held að flestir geri sér grein fyrir því að eina leiðin til að við vinnum okkur út úr þrengingunum sem félagar Þórs Sigfússonar í Samtökum atvinnulífsins bera óneitanlega margir ábyrgð á, er að við gerum það saman: Að við ...

7. Febrúar 2009

MÁLŢING VG OG FIRRING MORGUNBLAĐSINS


Í Staksteinum Morgunblaðsins er fjallað um þá „hættu" að ný ríkisstjórn sé líkleg til að beita sér fyrir skatthækkunum. Ekki telur Moggi það til vinsælda fallið. En ég spyr: Hjá hverjum? Hjá þeim sem misst hafa vinnu sína og sjá fram á að Atvinnuleysistryggingasjóður mun tæmast ef fer fram sem horfir? Hjá þeim sem niðurskurðurinn í heilbrigðiskerfinu mun bitna á? Skyldi þetta fólk telja það vera mál málanna að verja þá sem hafa atvinnu og miklar tekjur í þokkabót; að þeir verði verndaðir fyrir því að greiða ögn meira til að hægt verði að taka á afleiðingum atvinnuleysisins? Eða sjúklingar sem niðurskurðurinn í heilbrigðisþjónustunni kemur niður á? ...Er Morgunblaðið ekki enn búið að átta sig á því að þjóðfélagið stendur á barmi gjaldþrots? ...Á  mjög fróðlegu málþingi VG í dag bar Stefán Ólafsson, prófessor, saman tvær fyrrgreindar aðferðir ...

24. Janúar 2009

LÖGREGLAN ER OKKAR ALLRA


...Mótmælendur hlupu til og mynduðu varnarskjöld fyrir framan lögreglumennina til að sýna að reiðin ætti ekki að beinast gegn þeim, þeir væru engir sökudólgar heldur samborgarar að sinna störfum sínum. Í stórum hópum setti fólkið á sig appelsínurauða borða til merkis um að það vildi einvörðungu friðsamleg mótmæli. Og von bráðar voru margir lögreglumenn komnir með nælda í sig borða og blóm í sömu litum.... Það er hlutverk okkar allra að vernda góða löggæslu á sama hátt og hún verndar okkur.

21. Janúar 2009

ELDFIMT ÁSTAND


Ljóst er að mótmælin í landinu eru að aukast. Krafan um að ríkisstjórnin fari frá að magnast. Viljinn til að fá kosningar að verða víðtækari. Skaphitinn að æsast innra með fólki. Gagnvart hrokafullri og veruleikafirrtri ríkisstjórn er þetta hættulegur kokteill. Við slíkar aðstæður er hlutskipti lögreglunnar erfitt og við þessar aðstæður getur skapast hætta á ofbeldi - á báða bóga.....Mótmælendur verða að hafa hugfast að allur þorri lögreglumanna  vill sýna varfærni og stillingu. Lögreglumenn þurfa að sama skapi að hafa hugfast að innra með mótmælendum brennur mjög réttlát reiði og að miðað við aðstæður eru mótmælin mjög friðsöm.

9. Janúar 2009

FANN RÍKISSTJÓRNIN BAKDYR Á REYKJANESI?


...Lengi hefur verið vitað að Róbert nokkur Wessman hefur verið að reyna að þröngva sér inn í heilbrigðisþjónustuna... Og viti menn! Ekki alls fyrir löngu sást Róbert á sprangi um ganga sjúkrahússins í Reykjanesbæ. Það er einmitt sú stofnun sem á að fá verkefnin sem Guðlaugur Þór er nú að færa frá Hafnarfirði við lokun St. Jósefs Spítala...Ég hvet alla til að hlusta á þetta viðtal á mbl.is. Síðan skulum við bretta upp ermarnar og gera Guðlaugi Þór, Sjálfstæðisflokknum og Samfylkingunni grein fyrir því að við erum búin að fá nóg af því að láta gróðapunga féfletta okkur...

9. Janúar 2009

ICESAVE OG HEILBRIGĐISKERFIĐ

Birtist á smugan.is 08.01.09.
smuganNú er myndin að skýrast. Annars vegar höfum við ríkisstjórn sem lyppast niður í samningum við erlenda lánadrottna og peningamenn en sýnir „einurð" í aðför  sinni að sjúkum og veikum. Hve margir skyldu gera sér grein fyrir því að áform ríkisstjórnarinnar um niðurskurð í heilbrigðiskerfinu (þ.e. frá fjárlagafrumvarpinu sem lagt var fram í október) nema 6,7 milljörðum króna. Þessi niðurskurður er álíka upphæð og nemur einu prósentustigi til eða frá í vaxtakostnaði vegna Icesave-skuldbindinganna. Í gær gafst ríkisstjórnin  í reynd upp í ...

9. Janúar 2009

HVERJA EINUSTU KRÓNU TIL BAKA

Birtist í Fréttablaðinu 08.01.09.
FrettablaðiðAuðmenn Íslands sem gert hafa þjóðina nánast gjaldþrota eru sjálfir ekki á flæðiskeri staddir. Það virðist alla vega eiga við um þá marga. Reglulega berast fréttir af stórfelldu braski þeirra, myndir af eignum bæði hér á landi og erlendis. Þetta er okkur sagt á sama tíma og verið er að hlaða skuldaklyfjunum upp á bakið á skattgreiðendum næstu ár og jafnvel áratugi vegna Icesave lána Landsbankans. Ekki er lengra síðan en í apríl síðastliðnum að...

6. Janúar 2009

ER VERIĐ AĐ EGNA ŢJÓĐINA TIL UPPREISNAR?


Jónas Fr. Jónsson, forstjóri Fjármálaeftirlitsins, segir okkur  í fréttum Sjónvarps í kvöld að almenningi séu ekki ætlaðar upplýsingar úr skýrslum endurskoðunarfyrirtækja um bankabraskið. Fjármálaeftirlitið væri nú búið að fá slíkar skýrslur í hendur og ætlaði að skoða þær „faglega". Jónas Fr. Jónsson, ætlar með öðrum orðum ekkert að gefa upp um það hvort endurskoðunarfyrirtækin sem rannsökuðu Kaupþing og Landsbankann í aðdraganda hrunsins telji að lög hafi verið brotin eður ei.Til álita komi hins vegar að ...

Bréf til síđunnarRSS Fréttaveita

Frá lesendum

18. September 2017

UM KOSNINGAR OG RÍKISSTJÓRN

 Ef valdið heim nú viljið þið,
verður nýtt að prófa.
Kosningu ef klúðrum við,
kætist flokkur bófa.
...
Kári

15. September 2017

LANDINN FRJÁLS

Loksins verður landinn frjáls,
losnar við Íhaldið.
Ber þá enga hespu um háls
og alþýðan fær valdið.
Pétur Hraunfjörð

6. September 2017

HEIMSVIĐSKIPTIN ŢRÓUĐ Í FINNAFIRĐI

Efla hefur þróað Finnafjarðarverkefnið. Það er kallað viðskiptaþróun. Hugmyndin er að olíuhreinsunarstöðin risastóra verði í Finnafirði. Þá er hægt að nýta höfnina bæði fyrir olíuskip og fyrir siglingar yfir Norðurpólinn þegar ísinn verður bráðnaður.
Ingibjörg Elsa Björnsdóttir

6. September 2017

ERUM Á LEĐINNI

Stærsta höfn á norðurhveli í Finnafirði og stærsti flugvöllur á norðurslóðum í Keflavik. Ætlum við að láta Björgólf hjá Icelandair, Skúla í Wow og bæjarstjórann í Langanesbyggð færa okkur inn í 21. öldina á sínum forsendum? Ég held við þurfum ekki fleiri stýrimenn til að komast fram af brúninni. Við virðumst vera á réttri leið til að komast þangað.
Haffi

6. September 2017

ENN UM MINNISVARĐA

Fróðelgt væri að fá fréttir af því hver urðu afdrif beiðni stríðsminjanefndar Bandaríkjanna um minnisvarða í Höfða um framlag BNA til freslsisbaráttu mannkyns á seinni hluta tuttugustu aldar, þar með talið Víetnam og Hiroshima. Sagt var að Reykjavíkurborg væri að skoða þessa málaleitan. Hver skyldi hafa orðið niðurstaðan?
Jóel A. 

30. Ágúst 2017

VERĐUR ŢETTA SVONA?

Pistill þin hér á heimasíðunni um fyrirhugaðan minnisvarða í Höfða er umhugsunarverður! Ég hafði svo sannarlega ekki hugsað þetta á þennan veg en er sammála því að það þurfi að gera. Það undarlega er hve lítil umfjöllun er um þetta! Verður þetta svona, hvernig væri að einhver fréttamiðill beindi þeirri spurningu til borgaryfirvalda?
Jóhannnes Gr. Jónsson

25. Ágúst 2017

GÓĐ KVEĐJA!

... I represent a collective (@NirAadCollectiv) opposing Indias draconian biometric ID program, called Aadhaar. I read with great interest the article http://www.katoikos.eu/interview/icelandic-minister-who-refused-cooperation-with-the-fbi-ogmundur-jonasson-in-an-interview.html ... and I was quite taken in with your viewpoints expressed with such clarity and preciseness. There are so many sentences that can be quoted in this interview. Since I was extremely impressed with this interview and since your ideas and thoughts resonated with our, I wanted to drop you a message of gratitude. In solidarity towards a more socially just world. PS: I hope this small letter reaches you :)
Nir Aadhaar Collective

17. Ágúst 2017

ĆRULAUSIR MENN

Hafa löngum kerfið kreist,
kraflað út á jaðar.
Upp ei verður æra reist,
sem engin er til staðar.
Kári

30. Júlí 2017

DÝR VERĐUR SOPINN

Það er rétt hjá þér að þegar við höfum tapað frá okkur neysluvatninu og það komið á einkahendur verður dýr vatnssopinn, jafnvel þótt við böðum okkur ekki úr einkavæddu flöskuvatni! En það verður líka dýrt að ferðast um Ísland og dýrara með hverri vikunni sem líður því sífellt fleiri stökkva upp á rukkunarvagninn. Ríkisstjórnin er hin ánægðasta með einkavæðingu náttúrunnar og almenningur andvaralaus ef þá ekki ...
Jóel A.

30. Júlí 2017

ÚTI AĐ VINNA!

Nú fangarnir frá Kvíabryggju
frjálsir um sveitina vinna
Vanti þig aðstoð þá hafðu í hyggju
að óþrifa verkum sinna.
...
Pétur Hraunfjörð



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

16. Maí 2017

Sigríđur Stefánsdóttir skrifar: ÉG FER Í STURTU A.M.K. EINU SINNI Á DAG OG NOTA HÁHRAĐA-TENGINGU ALLAN SÓLARHRINGINN

Þannig hef ég hugsað mér að hafa það svo lengi sem hægt er - með eða án aðstoðar.  Hve lengi er hægt er að halda þessari stöðu fer að sjálfsögðu eftir því hve miklu fjármagni er veitt til velferðarmála svo sem félagslegrar heimaþjónustu.  Það eru einkum tvær hugmyndir sem ég hef lengi staldrað við í sambandi við aðstoð við einstaklinga sem hafa þörf fyrir hana, þ.e. markmiðið að fólk skuli geta búið sem lengst á eigin heimili og að þjónustan skuli m.a. vera félagsleg.  Hvort tveggja er afar teygjanlegt, háð persónulegu mati, mannafla, launum og auðvitað fjármunum. Þurfi ég aðstoð við að komast í sturtu og geti fengið hana heima einu sinni í viku lít ég svo á að ég geti ekki búið heima - eða ættu ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta