Beint á leiđarkerfi vefsins

Annađ

31. Október 2010

UTANŢINGSSTJÓRN: KRAFA UM FORRĆĐISHYGGJU


... En staðreyndin er nú samt sú að þetta gera stjórnmálamenn oft - og eftir því sem losnar um forrræðishyggjuna og  mönnum verða tamari lýðræðisleg vinnubrögð, þá gerist þetta oftar. Krafa um utanþingsstjórn er hins vegar ákall um forræðishyggju. En hverja skyldu menn vilja fá að stjórnvelinum? Bara einhverja sem forsetanum dettur í hug? Viljum við ekki frekar fá að velja fólkið sjálf í kosningum? Á þetta að vera fólk sem vill einkavæðingu eða er á móti henni, á þetta að vera fólk sem styður kvótakerfið eða vill uppræta það, er með stóriðjustefnu og vill selja auðlindirnar, eða vill ...

31. Október 2010

Í HAGSMUNAGĆSLU FYRIR ŢJÓĐINA, EKKI FJÁRMAGNIĐ

Birtist í Bændablaðinu 21.10.10
...Ég held að menn hafi gert of mikið af því að ná fram breytingum innan stjórnsýslunnar með fyrirmælum og lagaboðum. Það er mun vænlegra til árangurs að fólk geri hlutina af fúsum og frjálsum vilja. Ég deili því almenna markmiði með forvera mínum að það sé æskilegt að styrkja sveitarfélögin sem stjórnsýslueiningar og það felur í  sér að þau sameinist í ríkara mæli en verið hefur. Þau eiga hins vegar að vera sjálfráð um það. Það er kjarni minnar stefnu og míns flokks, að leggja áherslu á lýðræðisleg vinnubrögð...

29. Október 2010

TEKIĐ UNDIR MEĐ VARAŢINGMANNI

Arndís Soffía Sig...Ekki hef ég nokkrar ástæður til að ætla annað en allt sem fram fer hjá Byggðastofnun þoli dagsljósið. En hvers vegna skyldi þá krafa Arndísar Soffíu Sigurðardóttur, varþingmanns VG sem sæti á í stjórn Byggðastofnunar, eiga erfitt uppdráttar? Að mínu mati er krafa hennar um opna stjórnsýlsu fullkomlega réttmæt og  eðlileg. Tillaga hennar er þessi samkvæmt frétt á smugan.is: „Fundargerðir stjórnar Byggðastofnunar skulu gerðar opinberar til hins ítrasta og að því marki sem lög leyfa hverju sinni." Arndís Soffía vill reyndar ganga skrefinu lengra og...

27. Október 2010

SVARAĐ UM VELFERĐARGÖT


Fjölmiðlar og bloggsíður hafa talsvert fjallað um fund sem baráttusamtökin BÓT efndu til í Salnum í Kópavogi í gær. Þar á meðal er að finna umfjöllun á pressan.is. Þar kom fram að ég telji að göt hafi verið rifin á öryggisnet velferðarkerfisins  sem í samdrættinum séu að koma æ betur í ljós og að það sé höfuðkrafa á hendur stjórnvöldum að stoppa upp í þessi göt. Nú bregður svo við að varaþingmaður Sjálfstæðisflokksins, Óli Björn Kárason,  vaknar til lífsins og sakar mig um ósannindi á vefmiðlinum amx.is. Þar hafði reyndar einnig birst ...

27. Október 2010

HVAĐ EF?


Vímuvarnarvika var opnuð með viðhöfn í Þjóðleikhúsinu í gær, þar sem saman voru komnir fulltrúar fjölmargra samtaka og stofnana sem beita sér fyrir forvörnum. Í framhaldinu var leikritið Hvað ef? frumsýnt í Kassanum. Leikstjóri er Gunnar Sigurðsson en leikendur eru þrír talsins: Guðmundur Ingi Þorvaldsson, Ólöf Jara Skagfjörð og Ævar Þór Benediktsson. Leikritið er ætlað unglingum og fjallar um skaðsemi vímuefnaneyslu og áhugaverðan og frjóan hátt. Með verkinu er ungt fólk hvatt til að spyrja sjálft sig: Hvað ef? Þar með er sú hugsun vakin að við ....

24. Október 2010

KRAFTAVERKAFÓLK Í BORGARBYGGĐ


...
Eitt augnablik fannst mér Benedikt hljóta að vera frá Borg á Mýrum. Kannski frændi Egils? Varla bróðir. Það er svo langt um liðið. Eða hvað? Allt er þetta farið að renna saman, fortíð og samtíð í höndum þessara óborganlegu listamanna sem eru að hefja Borgarbyggð upp í efstu hæðir. Það sem upp úr stendur í mínum huga eftir þessa heimsókn er hve lítið maður hefur um þetta vitað. Bernd Ogrodnik er greinilega listamaður á heimsmælikvarða - tvímælalaust í allra fresmtu röð í krefjandi listgrein. Eitt er víst að oft eigum við sem þarna komum eftir að leggja leið okkar í Brúðuheima og ...

22. Október 2010

INHALE BALTASARS KORMÁKS

...Myndin vakti mig til umhugsunar um veruleika sem ég hafði hugboð um en er mér nálægari eftir að sjá þessa mynd. Sögusviðið var í Bandaríkjunum og Mexíkó. Að sögn er verslun með líffæri að færast í aukana. Við þurfum að halda vöku okkar. Sums staðar er mikið af líffærum og lítið af peningum. Annars staðar er lítið af líffærum og mikið af peningum. Þarna skapast viðskiptatækifæri. Eða hvað? INHALE vekur áleitna spurnnigu...

21. Október 2010

KALLAĐ EFTIR ÁBYRGRI UMRĆĐU

Birtist í Fréttablaðinu 20.10.10.
FB logo...Staðan er semsé þessi:  Óskum hefur verið beint til fjármálastofnana um að þær taki þátt í almennum aðgerðum. Viðbrögðin hafa verið dræm en endanleg  svör liggja ekki fyrir. Millileiðir hafa hins vegar verið orðaðar. Allt tal um svikin loforð eða leikarskap af hálfu stjórnvalda  er því ósatt. Það sem meira er, þetta er ósanngjarnt og óábyrgt tal.
Það er af mikilli alvöru verið að leita lausna og að mínu mati er það beinlínis ábyrgðarhluti að reyna að grafa undan slíkri viðleitni. Staða mála á Íslandi er alvarlegri en svo að menn geti leyft sér slíkt. Auðvitað skrifar Þorsteinn Pálsson eins og hann lystir og Fréttablaðið velur sér þá fréttaskýrendur sem það vill bjóða lesendum sínum upp á. Ég ætla hins vegar að leyfa mér að óska eftir...

19. Október 2010

MANNRÉTTINDABÓT FYRIR GJALDŢROTA FÓLK

...Gjaldþrotalögin eru nú á þann veg að hægt er að rjúfa fyrningu krafna út í hið óendanlega. Þetta hefur valdið því að hýenur í lægsta lagi innheimtumanna - þeirra sem hafa viðurværi af því að kaupa skuldakröfur á hendur fjárvana fólki og fyrirtækjum og gera sér mat úr þeim, hafa haft nánast ótakmarkað athafnarými.  Á Alþingi hófst  í fyrra barátta fyrir því að fá þessu breytt. Þar fór í fararbroddi  Lilja Mósesdóttir og Guðfríður Lilja Grétarsdóttir, Ásmundur Einar Daðason...Eitt fyrsta verk mitt í Mannréttindaráðuneytinu var að fela embættismönnum að útbúa frumvarp í þeim anda sem þarna var flutt og var það afgreitt úr ríkisstjórn í morgun. Í frumvarpinu sem nú er orðið stjórnarfrumvarp og fer fyrir þingið í vikunni, er gert ráð fyrir að ...

18. Október 2010

LÁTIĐ LIU XIAOBO LAUSAN!


Liu Xiaobo, handhafi friðarverðlauna Nóbels, situr í fangelsi í heimalandi sínu Kína. Hann er samviskufangi. Þúsundir og hundruð þúsunda sitja í fangelsi vegna skoðana sinna í Kína og víðs vegar um heiminn. Heimsbyggðin hefur staðnæmst við nafn Nóbelsverðlaunahafans því það er táknrænt fyrir alla hina sem grundvallarmannréttindi eru brotin á. Krafa um að leysa Liu Xiaobo úr haldi er því krafa um að mannréttindi séu virt. Skilaboðin til kínverskra stjórnvalda eru skýr...

17. Október 2010

EKKERT ÓĐAGOT


Sem formaður BSRB þurfti ég oft að fást við afleiðingar slakra vinnubragða innan stjórnsýslunnar. Það var ekki síst þegar ráðist var í vanhugsaðar breytingar sem ekki höfðu verið hugsaðar til enda. Í stað þess að gefa sér góðan tíma og ræða sig til niðurstöðu var ætt af stað; leiðsögumennirnir oft utanaðkomandi menn með formúlurnar á hreinu en þekkingarsnauðir um sjálfa starfsemina. Ég lærði þá að forðast bæri vinnubrögð af þessu tagi. Þess vegna brá mér við fréttir RÚV í dag þar sem sagt var frá skipulagsbreytingum innan lögreglunnar, sem fréttastofan hafði „heimildir um." Fyrir mig voru þetta hins vegar ...

17. Október 2010

HERRAKLIPPING Á TRÖLLASKAGA OG FAGNAĐ Á LAUGARVATNI


...Við vorum sammála um það,ég og vegamálastjóri, að fá forvera okkar til að raða sér á borðann við þessa athöfn ásamt okkur, til að undirstrika hve margir hefðu komið að þessu verki úr stjórnmálunum og frá framkvæmdahliðinni. Þetta var hugsað sem táknrænt af okkar hálfu. Aðrir sáu annað táknrænt við atburðinn, nefnilega hina karllægu aðkomu að formlegheitunum, og þar með stjórn samgöngumála í landinu. Við borðann var tæpt tonn af körlum en engin kona! Mun þessi borðaklipping nú ganga undir heitinu herraklippingin...

6. Október 2010

SÁÁ: ŢAR SEM VERKIN TALA


Ávarpsorð til SÁÁ á hátíðarsamkomu í Háskólabíói 06.10.10.
...SÁÁ er eðli málsins samkvæmt raunsæasti félagsskapur sem til er. Það er ekkert sem kemur þeim sem þar starfar á óvart. Það er heldur ekkert sem er ómögulegt og það gæti hafa verið í félagi einsog SÁÁ sem til varð setningin: Verum raunsæ, stefnum á hið ómögulega....SÁÁ er einnig merkilegt fyrir tímamælingar sínar, þar sem hjá þeim er lengsta tímaeining einn dagur. Þeir hafa komist að því að sérhver maður lifir bara einn dag í einu. Þótt fyrir suma, geti fyrstu dagarnir eflaust verið einsog þúsund ár að líða, í baráttu við fíknir og sorgir og erfiði. Í óeigingjörnu starfi SÁÁ kristallast samt okkar íslensku þúsund ár ávallt í lokin í einum degi í lífi eins manns, sem berst baráttu uppá líf og dauða. Því öll verkefni SÁÁ eru uppá líf og dauða. Skekkjumörkin á þeim bæ eru skilin á milli feigs og ófeigs. Skilin milli ...

Bréf til síđunnarRSS Fréttaveita

Frá lesendum

7. Febrúar 2018

BARÁTTA ŢVERT Á LANDAMĆRI

Takk fyrir að birta fréttina um lögsóknina á hendur breska ríkinu fyrir að ætla að eyðileggja heilbrigðsiskerfið með einkavæðinu. Það er hárrétt hjá þér Ögmundur að þetta kemur okkur öllum við óháð landamærum. Ég gaf 25 pund í söfnunina og er stoltur af . Ég sé að margir eru sem betur fer að taka þátt. En þörf er á miklu fleirum. Ég vil hvetja alla sem lesa þetta að láta eitthvað af hendi rakna ... 
Jóhannes Gr. Jónsson

6. Febrúar 2018

AĐ KUNNA AĐ PLATA OG GANGA SVO Í EINA SĆNG

Verkefnisstjóra sér valdi Kata
víst stjórnarskránni breyta á
En Íhaldið Kötu kann að plata
og lét ´ana hafa Unni Brá.
...
Pétur Hraunfjörð

2. Febrúar 2018

BORGIN VILL BÓLU!

Reykjavíkurborg hefur vanrækt að styðja við Félagsíbúðir í samræmi við það sem lofað var fyrir síðustu kosningar. Í staðinn ætlar borgin að styðja byggingarfyrirtæki ASÍ, Bjarg. Vanrækslan hefur valdið því að nú á skyndilega og með andfælum að blása út stóra bólu á vegum verktakafyrirtækja, sbr, ummæli borgarstjóra; „Áhyggjur okkar lúta meira að því að það sé ekki nógu mikið af stórum og öflugum verktökum til að takast á við öll þessi verkefni ... Það væri hægt að tvö- falda kraftinn ef það væri nógu mikið af krönum og mannskap til þess að gera það,"
Sigurður Hannesson, talsmaður iðnaðarins, segir
Jóel A.

2. Febrúar 2018

SENT INN AF TILEFNI AF MANNA-RÁĐNINGU Í BRUSSEL

Engu þarf um það að spá,
þetta er gömul saga: 
Ef ráðherrarnir fara frá,
fá þeir bein að naga.

Sent inn en vísan mun vera eftir Jóhann Fr. Guðmundsson

30. Janúar 2018

ER VERKALÝĐS-HREYFINGIN AĐ VAKNA?

Mér sýnist að þau sem héldu að verkalýðshreyfingin hefði sungið sitt síðasta þurfi að endurskoða þá trú - vonandi. Ég heyri ekki betur en stefni í að tekist verði á um málefni í hreyfingunni í fyrsta sinn í langan tíma og þar megi nú kenna eldheitt baráttufólk fyrir bættum kjörum og réttindum láglaunafólks. Auðvitað er margt gott fólk fyrir í verkalýðshreyfingunni en vegna almenns doða hafa völdin verið í höndum örfárra einstaklinga. Fundir og samkomur hafa verið eins eftir matarpásu í yngstu deild á leikskóla, þá leggja sig allir. En nú horfum við til framboðs Sólveigar Jónsdóttur til formanns í Eflingu. Þar er sofandahætti aldeilis ekki fyrir að fara. Láti gott á vita!
Sunna Sara

30. Janúar 2018

LIFANDI FLOKKUR EN DAUĐUR ŢÓ

Lifandi dauður líklega er
um léleg heitin vænum
Og trúlega til fjandans fer
flest hjá Vinstri/grænum.
...
Pétur Hraunfjörð

28. Janúar 2018

LIFANDI DAUĐAN FLOKK STYĐ ÉG EKKI

Upphrópanir eftir flokksráðsfund Vinstri grænna eru að Vinda hafi lægt innan VG. Þannig sagði mbl.is frá. Flokkurinn telur sig sem sagt vera kominn í skjól og logn og sæll með sitt hlutskipti í lífinu. Mér sýnist hins vegar flokkurinn þótt á lífi, sé á góðri leið með að verða lifandi dauður. Enda kannski ekki við öðru að búast af fólki sem finnst ekki neitt, lífið sé bara tækni. Dapurlegt þykir mér þetta þó því flokkinn studdi ég á meðan mér sýndist örla þar fyrir lífsmarki en held að nú sé komið nóg fyrir minn smekk.
Bjarni

16. Janúar 2018

SÖGULEGIR SIGRAR EĐA HVAĐ?

Því er slegið upp að atvinnuveganefnd Alþingis verði nú í fyrsta skipti stýrt af konum. Af þessu stærir formaðurinn sig, Lilja Rafney Mgnúsdóttir. Inga Sæland, Flokki fólksins, verður fyrsti varaformaður og Halla Signý Kristjánsdóttir, Framsóknarflokki, annar varafromaður. Lítið vitum við um stefnu þeirra í atvinnumálum. Á sama tíma berast fréttir frá Noregi að ný stjórn sé á teikniborðinu. Saman komu þær fram á fréttamannafundi til að skýra frá þessu þær Erna Solberg, Hægri flokknum, Siv Jensen, Framfaraflokknum og Trie Skei Grande, Frjálslynda flokknum. Allt konur. Allar afturhald að mínu mati! Kynin eiga að standa jafnt að vígi í stjórnmálum. En þá á líka að sýna þeim þá virðingu að taka konur jafnt sem karla alvarlega, óháð kyni og spyrja um stefnu og innihald. Eitthvað er rangt við þessa framsetningu og ótrúlega afturhaldssamt á árinu 2018. Kannski líka svoldið niðurlægjandi - fyrir konur.
Kona

13. Janúar 2018

VALHÖLL OG BORGARSTJÓRN

Baráttan er byrjuð þar
og bjartsýnir eygja von.
Útsvars-stjarnan valin var
Vilhjálmur Bjarnason.

Eyþór Arnalds ætlar sér
oddvitasætið þarna.
En Villi víst með sigur fer
enda vinur Bjarna.
Pétur Hraunfjörð

8. Janúar 2018

SKORIĐ NIĐUR HJÁ LANDHELGIS-GĆSLUNNI Í GÓĐĆRI!

Eftir hrun voru varðskip leigð til útlanda til að mæta óhjákvæmilegum niðurskurði. Það var ekki gott en menn féllust á að það væri óhjákvæmilegt. En er óhjákvæmilegt að skera niður fjárframlög til Landhelgisgæslunnar við núverandi aðstæður þar sem peningum er hlaðið á degi hverjum inn í hagkerfið m.a. með stórauknum straumi ferðamanna? Stenst Landhelgisgæslan þetta? Nei, það gerir hún ekki enda ...
Starfsmaður Landhelgisgæslunnar



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

3. Febrúar 2018

Einar Ólafsson skrifar: ŢEGAR NÝJA MARKIĐ SÁ DAGSINS LJÓS

Takk Ögmundur fyrir frumkvæði þitt að fundinum í dag. Það var mjög athyglisvert að hlusta á Zoe Konstantopoulou. Þegar hún var að tala um Evrópusambandið og evruna kom mér í hug klausa úr gamalli norskri skáldsögu (gamalli eða ekki, hún kom út á æskuárum okkar). Einn merkasti rithöfundur Norðmanna eftir Ibsen og Hamsun var Jens Bjørneboe, lítt þekktur hér. Merkasta bók hans, að mér finnst, kom út árið 1966, Frihetens øyeblikk. Þorsteinn bróðir minn gaf mér hana í jólagjöf árið 1970. Eftir að ég las hana var ég ekki samur maður. Ég byrjaði að þýða hana ...

12. Október 2017

Kári skrifar: FÁEIN ORĐ UM VEGTYLLUR, SKYNFĆRI OG MANNGREINAR-ÁLIT

Mannvirðingar meta best,
máta flokka, stöður þrá.
Til Himnaríkis heldur lest,
henni vilja margir ná.

Hugtakið "vegtylla" er skilgreint í íslenskri nútímamálsorðabók svona: "sýnileg upphefð, viðurkenning eða góð staða". Mikilvægt er að hafa þessa skilgreiningu á hreinu, enda sækjast margir eftir vegtyllum sem svo eru kallaðar. Eins og skilgreiningin ber með sér, má ljóst vera að "sýnileg upphefð" er einhvers konar "upphefð" sem maður, eða menn, sýnir öðrum manni eða mönnum. Þetta er með öðrum orðum ...

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta