Beint á leiđarkerfi vefsins

Annađ

30. Nóvember 2013

Á SPJALLI UM ÍSLAND

Rassi - Soros - Redford
Stórskemmtilegt viðtal er í helgarblaði Fréttablaðsins við Ragnar Kjartansson, myndlistarmann. Mæli ég með lestri þess. Lesandanum er sagt að viðtalið hafi verið tekið daginn sem uppsagnirnar á RÚV voru tilkynntar og að Ragnari hafi verið mikið niðri fyrir vegna þeirra:
 "Að tala um þjóðmenningu á meðan nánast er verið að skera á tengslin við íslenska tungu er út í hött. Auðvitað getum við svo sem verið hérna og hugsað bara um auðlindirnar en ekkert um samfélagið, veitt fisk og selt túristum vöfflur og farið síðan heim og horft á amerískt skemmtiefni. En þá getum við tæplega kallað okkur sjálfstæða þjóð, það er menningin sem skilgreinir okkur. Ég get sagt þér eina dæmisögu um það. Rétt eftir hrun var ég á Sundance-kvikmyndahátíðinni og fór í kvöldverð heim til Roberts Redford. Þar sat sá mikli bissnessmaður George Soros...

29. Nóvember 2013

BEINT LÝĐRĆĐI: SKYNSEMI EĐA RÉTTUR?

Council of Europe - Lýðræði
Í dag lauk í Strasbourg vel heppnaðri ráðstefnu um lýðræðismál. Skráðir ráðstefnugestir voru um tvö þúsund talsins en ráðstefnuhaldið fór að verulegu leyti fór fram í málstofum. Sumar þeirra voru fjölmennar, allt að tvö hundruð manns eins og þeirri sem ég tók þátt í með framlagi en hún fjallaði um beint lýðræði.... Ég hélt því fram í mínu máli að lýðræði og þar með talið beint lýrððæði byggði á grundvallarrétti fremur en að skynsemsirök lægju þar að baki. Fulltrúalýðræði væri hins vegar praktísk lausn, sem kæmi til með að þoka fyrir beinu lýðræði eftir því sem tæknin opnaði okkur möguleika til þess að koma því við. Ég hafði í fórum mínum eftirfarandi texta ...

25. Nóvember 2013

RÁĐSTEFNA UM LÝĐRĆĐI

World Forum - Democracy
...Mitt framlag snýr að beinu lýðræði og hvaða áhrif ætla megi að það hafi á stjórnmálaflokka þegar fram líða stundir. Ráðstefnan sjálf er afar viðmikil og í tengslum við hana er efnt til margvíslegra funda og málstofa um tengd efni. Sem innanríkisráðherra á síðasta kjörtímabili beitti ég mér mjög fyrir því að efla hvers kyns rafræna þjónustu og búa í haginn fyrir rafrænt lýðræði. Auk lagabreytinga og frumvarpa sem sum hver bíða enn afgreiðslu, var efnt til mikillar umræðu um lýðræðismálin. Ég læt hér fylgja nokkrar ...

23. Nóvember 2013

SÍĐASTI OPNI FUNDURINN UM ÍBÚĐALÁNASJÓĐ

ALÞINGI - LÓGÓ 2Í gær fór fram síðasti opni fundur Stjórnskipunar- og eftirlitsnefndar Alþingis um rannsóknarskýrslu Alþingis um Íbúðalánasjóð. Þar sátu fyrir svörum Árni Magnússon, félagsmálaráðherra á árunum 2003-2006, og síðan Sveinn Arason, ríkisendurskoðandi, Lárus Ögmundsson, yfirlögfræðingur hjá Ríkisendurskoðun, Unnur Gunnarsdóttir, forstjóri Fjármálaeftirlitsins og Íris Björnsdóttir, sérfræðingur hjá því embætti. Umræðuna má nálgast ...

18. Nóvember 2013

KONUR OG KARLAR Í PRÓFKJÖRUM

Bylgjan í bítið 2 rétt
... Hvers vegna eiga karlmenn sem fengu góða kosningu í prófkjöri að þurfa að sitja undir slíkum svívirðingum? Mér er spurn hvort þetta sé til þess fallið að styrkja jafnréttisbaráttu. Ég held þvert á móti að svona tal grafi undan henni. Svona á hvorki að tala um karla né konur. Það er hins vegar allt önnur saga að tryggja á sem jafnasta aðkomu kynjanna að stjórn sveitarfélaga og ríkisins. Þar þokaðist fram á við undir lok síðustu aldar og er enn að gerast. Það gerðist þó aðeins vegna  ...

18. Nóvember 2013

LÖGREGLAN Á NETINU?

Birtist í helgarblaði Morgunblaðsins 17.11.13.
MBL- HAUSINNÍ vikunni sat ég fund félagsmálanefndar Evrópuráðsins; og einnig undirnefndar þeirrar nefndar sem fjallar sérstaklega um kynferðisofbeldi gegn börnum. Fundurinn var haldinn í Genf í Sviss og voru kallaðir til sérfræðingar á vegum Sameinuðu þjóðanna sem þar halda til, auk aðkomumanna. Þeirra á meðal var Hollendingur, Hans Guyt að nafni,  frá samtökum sem vinna gegn barnaníði. Þessi samtök komust nýlega í fréttir eftir að þau létu búa til  ...

18. Nóvember 2013

„SAMKOMULAGIĐ" ER EKKERT SAMKOMULAG!

Gísli Marteinn - sunnudag
Í morgunþætti sínum Sjónvarpinu í gær minnti þáttastjórnandinn, Gísli Marteinn Baldursson, okkur á það með ákafa sínum að hann er sjálfur nývolgur úr borgarpólitíkinni þar sem hann var einn ákafasti talsmaður þess að loka Reykjavíkurflugvelli. Minnti hann í tvígang á „samkomulag" borgarstjóra og innanríkisráðherra. Ég vil af því tilefni minna á að samkomulag núverandi innanríkisráðherra er sagt byggja á samkomulagi sem ég gerði sem þáverandi innanríkisráðherra við borgina í apríl á þessu ári. Svo er ekki og hef ég ...

15. Nóvember 2013

UMBOĐSMAĐUR ALŢINGIS Á OPNUM FUNDI

Umboðsmaður
...Fundurinn var mjög upplýsandi. Þegar á heildina er litið hefur raungildi fjárveitinga til embættisns haldist óbreytt á undanförnum árum. Á þessu fjárlagaári kom tímabundið framlag til að vinna upp hala og standa straum af kostnaði við fræðsluefni. Nú er hins vegar gert ráð fyrir niðurskurði. Það myndi hafa í för með sér mannfækkun hjá embættinu og lengri biðtíma eftir úrlausn  mála sem eru til meðferðar.
Forsætisnenfd Alþingis hefur gert tillögu um að úr þessu verði bætt. Á fundinum hvöttu einstakir þingmenn til þess að ....

12. Nóvember 2013

EKKI SUNDRA ORKUVEITU REYKJAVÍKUR!

Birtist í Fréttablaðinu 10.12.13.
.. .Mikilvægt er að fresta enn um sinn þessari aðför að Orkuveitu Reykjavíkur og nota tímann til að taka allt regluverkið upp gagnvart orkugeiranum í heild sinni og leita heimildar ESB til undanþágu í því efni. Til þess eru ríkar forsendur. Eigendum OR svo og löggjafanum ber skylda til að gæta hagsmuna okkar sem borgum brúsann! ...

10. Nóvember 2013

TVEIR MENN SKRIFA

Bækur - SJS OG ÖS
...Að mörgu leyti finnst mér áhugavert að fá þessar tvær ólíku bækur fram. Það má vel vera að það sé til góðs að búa í haginn fyrir söguskrifara framtíðarinnar með því að fá svart á hvítu upplifanir þátttakenda í sögulegri atburðarás og sýn þeirra á samferðamennina og þá einnig á sjálfa sig. Kannski er hið síðastnefnda fróðlegast.

9. Nóvember 2013

ENN UM ÍBÚĐALÁNASJÓĐ

Stjórnskipunar- og eftirlitsnefnd - Hallur Magg
Enn efndi Stjórnskipunar- og eftirlitsnefnd til fundar um rannsóknarskýrslu Alþingis um Íbúðalánasjóð. Að þessu sinni komu fyrir nefndina Hallur Magnússon, fyrrum sviðsstjóri hjá Íbúðalánasjóði og síðan núverandi forstöðumaður ÍLS, Sigurður Erlingsson, ásamt sviðsstjóra fjármálasviðs sjóðsins, Sigurði Jóni Björnssyni. Fyrr í vikunni höfðu mætt á lokaðan fund nefndarinnar ... Opna fundinn frá í gær má nálgst hér...

4. Nóvember 2013

RUKKARAR SVARI!

KER-MUNDUR
... Talsmaður „eigenda" Óskar Magnússon, segir í viðtali við DV í dag að ég eigi að borga eins og aðrir. „Það vill þannig til að þorri fólks fer að lögum og það hefur enginn haft uppi mótmæli við að greiða við Kerið. Ef einhverjir alþingismenn telja sig yfir það hafna að fylgja lögum þá verða þer að eiga það við sjálfa sig." Þetta eru skrýtin ummæli. Óskar segir...

4. Nóvember 2013

RĆTT UM KERIĐ Á BYLGJUNNI

Bylgjan í bítið 2 rétt
Við vorum mættir einsog oft áður Í Bítið á Bylgjunni við Brynjar Níelsson að ræða brennandi málefni líðandi stundar. Að þessu sinni fór mestur tíminn í að ræða gjalddtöku á ferðamannastöðum. "Eigendur" Kersins hafa sett upp tollbúð þar sem  þeir krefja fólk, sem vill líta þessa áhugaverðu náttúruperlu augum, um gjald. Ég fór í Kerið í gær og borgaði ekki. Það var útagangspunktur umræðunnar á Bylgjunnar. Síðan ræddum við nýjan "fjölskylduþátt" á RÚV sem ... 

3. Nóvember 2013

Á YSTU NÖF

Urriðafoss
... Og síðan er það hitt: Fjárfestar eiga ekki að ráða för. Það á ekki undir neinum kringumstæðum að gefa til kynna að þeir hafi ákvörðunarvald á hendi. Þessa umræðu á því ekki að fara með út fyrir landsteinana áður en málin eru rædd í þaula heima fyrir. Þess vegna var það gott að forseti Íslands áréttaði að víðtæk samstaða um málið á Íslandi væri forsenda þess að fjárfestar hreyfðu sig. Sjálfum finnst mér rétt að ...

2. Nóvember 2013

SAKAR NOKKUĐ AĐ SÝNA UMBURĐARLYNDI Í LAUGARNESI?

Hrafn Gunnlaugsson
 
... Sjálfum fannst mér óskiljanlegt að þurfa að eyðileggja tjarnirnar sem Hrafn hafði búið gæsunum sínum. Auðvitað þarf hann að virða almannarétt eins og aðrir. En húsið er ekki í alfaraleið og þykir mér undarlegt ef fólk sem býr fjarri fær ekki fest blund yfir uppátækjum Hrafns Gunnlaugssonar í Laugarnesinu sem ég get ekki séð að skaði nokkurn mann. Þau eru hins vegar - samkvæmt mínu huglæga mati - skemmtileg og til þess fallin að gera lífið litskrúðugra. Er það slæmt? Svo mætti segja eitt orð eða tvö um umburðarllyndi! Ég ætla að leyfa mér að ...

Bréf til síđunnarRSS Fréttaveita

Frá lesendum

19. Maí 2018

SVO ER ÖNNUR TEGUND FROĐUFRÉTTA

... Þakka pistilinn um daginn um hvernig fjölmiðlamenn forheimska opinbera umræðu um stjórnmál með að slá upp fyrirsögn um ýmis mál og með viðbótinni "segir stjórnmálafræðingur" í meginmáli. Í aðdraganda kosninga halda þeir sínu striki með þetta en bæta við annarri tegund froðufrétta sem felst í því að skrifa fyrirsögn hvern dag um hvort meirihlutar standi eða falli. Í meginmáli er síðan vísað til skoðanakannana. Sífelldar fréttir af skoðanakönnunum er sennilega einföld leið til að fylla síður blaða og framkalla uppgerða spennu í stað þess að taka til umfjöllunar viðfangsefni stjórnmála og mikilvægi almannaþjónustu fyrir lífskjör. Aukið vægi ...
Sigfinnur

18. Maí 2018

BARNAVERNDAR-MÁL EIGA BETRA SKILIĐ EN AĐ RÁĐIST SÉ GEGN EFTIRLITS-AĐILUM

Sæll Ögmundur. Takk fyrir góða og tímabæra grein þína um fréttaflutning af barnaverndarmálum. Ég var rétt í þessu að lesa einkar einkennilega grein eftir Auði Jónsdóttur á vef Kjarnans, en hún virðist ímynda sér að ábending þín í lok greinarinnar um möguleg tengsl blaðamanns Kjarnans og aðila sem barnaverndarmálum - að þarna sé að finna tengsl ekkert síður en annars staðar - sé megininntakið í umfjöllun þinni. Það er afskaplega undarlegur málflutningur, órökvís og óheiðarlegur, og mér finnst þessi mikilvægi málaflokkur eiga betra skilið en slíka útúrsnúninga. Maður veltir fyrir sér ...
Þorsteinn Siglaugsson 

16. Maí 2018

GETUR EKKI ORĐA BUNDIST

Var að lesa það sem félagi Einar Ólafsson ritar. Eg get ekki orða bundist: Að jafna einni skelfilegustu harðstjórn sem mannkynið hefur nokkru sinni upplifað við Evrópusambandið botna eg ekkert í. Evrópusambandið hefur verið byggt á grundvallarmannréttindum og að útfæra lýðræði á kannski eitthvað öðruvísi hátt en íhaldinu á Íslandi hugnast. Í mínum augum er fáni Evrópusambandisin tákn um betra lýðræði og aukin mannréttindi. Og að ala á tortryggni gagnvart því sem vel hefur verið gert skil eg ekki. Vilja menn þessa endalausu vitleysu með þennan efnahagsleik með ...
Guðjón Jensson

4. Maí 2018

MÁLAVEXTIR OG MĆĐRAHYGGJA

Ég þakka þér fyrir að greina frá allri þessari uppákomu í Velferðarráði varðandi hæfni Braga. Er það ekki rétt skilið að afskipti Braga snéru aðeins að því að amman fengi að umgangast barnabörn sín áður en hún dæi? Og eins og þú segir, hefði verið ámælisvert og vanræksla ef Bragi hefði ekki haft afskipti af því. Það hefur nú komið fram að ástæða hefur verið til að Barnaverndarstofi skipti sér af/komi með athugasemdir á starfsháttum barnaverndarnefnda á t.d. höfuðborgarsvæðinu í gegnum tíðina, eins og hefur komið fram í fjölmiðlum. Ég leyfi mér að vitna í eftirfarandi: "Í umræðu sem spannst um þessa lagasetningu og aðkomu mína að henni var ég harðlega gagnrýndur fyrir að draga taum mæðra - væri mæðrahyggjumaður eins og ...
Ari Tryggvason

15. Apríl 2018

SITT SÝNIST HVERJUM

Ögmundur minn kæri. Ég hefi nú um langt skeið ekki tjáð mig varðandi mál líðandi stundar. Ég get þó ekki orða bundist hversu harkalega öfl innan VG fara gegn Katrínu okkar Jakobsdóttur. Mér finnst helv hart hversu sú er við tók af þér og ég veitti brautargengi á sínum tíma fer grimmilega fram gegn okkar frábæra formanni og kann ég henni litlar þakkir fyrir. Auðvitað stöndum við öll gegn beitingu vopnavalds og ég tala nú ekki um beitingu efnavopna, en mér finnst aðallega vera mesti hávaðinn eftir að Trump og co fóru fram og eyðilögðu efnavopnaverksmiðjurnar, þessi háværu mótmæli voru ekki mjög svo í frammi þegar Rússar og stjórnvöld í Sýrlandi voru að berja á þjóðinni. ...
Óskar K Guðmundsson fisksali

14. Apríl 2018

UTANRÍKIS-NEFND ALŢINGIS TAKI AF SKARIĐ

Albert Jónsson fyrrverandi sendiherra og núverandi fréttaskýrandi RÚV, segir í fréttum að samkvæmt foringja NATÓ styðji Ísland árásirnar á Sýrland, það standi þar til annað verði sagt. Um þetta hlýtur utanríkismálanefnd Alþingis að greiða atkvæði þegar hún kemur saman eftir helgi - eða hvað?
Jóel A.

14. Apríl 2018

LÍĐUR STRAX BETUR EN SPYR SAMT HVORT ENGIN TAKMÖRK SÉU FYRIR RUGLINU

Mér líður strax betur eftir að hlusta á fréttir RÚV og Stöðvar 2 af árásunum á Sýrland.Trump skýrði fyrir okkur hvers vegna árásirnar voru nauðsynlegar og síðan komu Guðlaugur utanríkisráherra og Katrín forsætisráðherra og sögðust hafa skilning á árásinni, hún  hefði verið "víðbúin", sagði forsætisráherra. Albert Jónsson, fyrrverandi sendiherra mætti svo í fréttir til að segja að engin stórhætta væri á ferðum, árásarþjóðirnar ætluðu ekki að fara að blanda sér í átökin í Sýrlandi, það hefði aldrei verið vilji til þess af þeirra hálfu!!! En herskipin halda áfram að safnast við Sýrlandsstrendur og Trump segir að Bandaríkjamenn séu tilbúnir að halda árásum áfram. Hann talar fyrir hönd ríkis sem tekið hefur þátt í stríðinu og ausið milljörðum til stðunings leppherjum sínum ... Eru engin takmörk fyrir ruglinu? ...
Jóhannes Gr. Jónsson

11. Apríl 2018

TIL UPPRIFJUNAR

Var fyrst núna að hlýða á viðtalið á Kjarnanum í kjölfar fundarins við V. Beeley. Verð að segja að ég dáist að þolinmæði þinni, æðruleysi og staðfestu gagnvart þessum blessuðum, að mér finnst ófaglegum frétta-gösprurum. Ég sá að Z.Brzezinski lést í maí síðastliðnum, vissi það ekki. Set þessa þýðingu á viðtali við hann á Le Nouvel Observateur 1998 þar sem hann viðurkennir að stuðningurinn við Mujahiddin hófst 1/2 ári fyrir innrás Sovétríkjanna inn í Afganistan. Við hæfi að ...
Ari Tryggvason

7. Apríl 2018

ÉG ER Í LIĐI GUĐS, ŢÚ SATANS

Egill Helgason hefur farið mikinn um fréttaflutning frá Sýrlandi síðustu daga. Hann komst að því eftir að reyndur blaðamaður sendi honum ábendingu að þeir sem ekki eru sama sinnis og almennt gerist skapi vísvitandi upplýsingaóreiðu svo réttsýnir menn missi sjónar á veruleikanum og glati trú á réttum málstað ...Það eru margar sjálfstæðar heimildir til að véfengja túlkun hernaðarvelda vesturlanda um Sýrlandsstríðið. Viðbrögð þeirra Egils og Boga um að veröldin sé ekkert flóknari en Nató-línan gefur í besta falli til kynna ...
Árni V.

7. Apríl 2018

EINHVER ÚR NĆR-UMHVERFINU, GEOGRAFÍSKU EĐA ANDLEGU

Veistu eftir hverjum þetta er haft? Þakka þér svo fyrir góða grein. "...að háskalegt væri að rugla fólk í ríminu með tali af þessu tagi; almenningur gæti hætt að trúa alþjóðlegum fréttamiðlum ef bátnum væri ruggað um of og vísað var í enn aðra „sérfræðinga" sem sögðu að ekkert alvörufólk tæki Vanessu Beeley alvarlega,..."
Ari Tryggvason


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

3. Febrúar 2018

Einar Ólafsson skrifar: ŢEGAR NÝJA MARKIĐ SÁ DAGSINS LJÓS

Takk Ögmundur fyrir frumkvæði þitt að fundinum í dag. Það var mjög athyglisvert að hlusta á Zoe Konstantopoulou. Þegar hún var að tala um Evrópusambandið og evruna kom mér í hug klausa úr gamalli norskri skáldsögu (gamalli eða ekki, hún kom út á æskuárum okkar). Einn merkasti rithöfundur Norðmanna eftir Ibsen og Hamsun var Jens Bjørneboe, lítt þekktur hér. Merkasta bók hans, að mér finnst, kom út árið 1966, Frihetens øyeblikk. Þorsteinn bróðir minn gaf mér hana í jólagjöf árið 1970. Eftir að ég las hana var ég ekki samur maður. Ég byrjaði að þýða hana ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta