Beint á leiđarkerfi vefsins

Annađ

30. Október 2014

BSRB VERKFALLI LÝKUR - FYRIR 30 ÁRUM

verkfallið 1984
... Í dag opnaði BSRB sýningu á ljósmyndum Helga Haukssonar frá verkfallinu 1984 en þær eru afbragðsgóðar. Ég hvet öll þau sem eiga minningar úr þessu verkfalli að skoða sýninguna á fyrstu hæð höfuðstöðva BSRB að Grettisgötu 89 í Reykjavík. Hún mun standa til áramóta. Þetta er einkar vel til fundið af hálfu BSRB.
Við opnun sýningarinnar var fjöldi gamalla félaga úr BSRB og var það mér mikið ánægjuefni að hitta þá af þessu skemmtilega tilefni. ...

29. Október 2014

ÁTVR OG SÁÁ

Birtist í Fréttablaðinu 28.10.14.
FB logoÍ mig hringdi gallharður markaðssinni - alvöru kunnáttumaður í markaðsfræðum og flokksbundinn Sjálfstæðismaður. Hann sagðist afar ósáttur við málflutning þeirra samflokksmanna sinna sem stæðu að frumvarpi um að leggja niður ÁTVR og flytja söluna inn í matvörubúðir. Þetta taldi hann óheillaspor því áfengi væri ekki eins og hver önnur söluvara sem mætti „selja sig sjálf". Þannig orðaði hann það. „Menn verða að skilja", sagði hann, „að eftir að stóru matvörukeðjurnar komu til sögunnar og ruddu smákaupmanninum úr vegi, þá færðist samkeppnin yfir í nýja ferla." Í sambandi við áfengið yrði að horfa til þess að stórmarkaðir væru skipulagðir með það í huga að „varan seldi sig sjálf."  Þess vegna væri höfuðkapp lagt  á að raða vörum upp þannig að þær yrðu sem söluvænlegastar. Hvernig aðgengi viðskiptavinarins væri háttað væri þess vegan ...

28. Október 2014

ER AĐ VAKNA SKAĐABÓTASKYLDA?

Birtist í Fréttablaðinu 27.10.14.
FB logoÍ sumar lagði einstaklingur, sem hefur verið háður fjárhættuspilum, fram kæru á hendur rekendum spilakassa og íslenska ríkinu fyrir að valda honum ómældu fjárhagslegu og heilsufarslegu tjóni með því að nýta sér veikleika hans í ábataskyni. Telur hann jafnframt að þrátt fyrir sérlög um rekstur spilakassa hvíli þeir á ótraustum lagalegum grunni og auk þess standist reksturinn ekki bókstaf laganna, sem kveði á um að ábatinn af rekstrinum  renni einvörðungu til sérleyfishafa. Staðreyndin sé sú að eigendur húsnæðis undir spilavélarnar hafi af þeim ábata á forsendum sem standist ekki lög.
Það sem er athyglisvert við þessa kæru er að hér er fetað inn á braut sem kunn er erlendis og færist í vöxt að hún sé farin. Í kærunni sem ég hef undir höndum segir að ...

27. Október 2014

SPILAFÍKILL ER EKKI RÉTTLAUS

Birtist í Morgunblaðinu 25.10.14.
MBL -- HAUSINN... Mín skoðun er sú að vafasamt hafi verið af embætti lögreglustjóra  og embætti ríksaksóknara að afgreiða ívitnaða kæru út af borðinu og vísa ég í báðar þær röksemdir sem hér hafa verið raktar. Sérleyfisveitingin er skýrt afmörkuð og þyrfti dómstóll að kveða upp úr hvort hagnaður renni til aðila sem ekki hafa tilskilin leyti löggjafans. Þá virðist þróunin erlendis vera á þann veg að þessi mál rati í sívaxandi mæli inn í dómsali. Bandaríski tóbaksiðnaðurinn hefur á 25 árum verið dæmdur til að greiða 206 milljarða dollara í skaðabætur beint og óbeint vegna afleiðinga reykinga. Margt bendir til þess að lögfræðingar séu að vakna til vitundar um að spilafíklar kunni að hafa rétt að sækja í hendur rekenda spilavítisvéla og hugsanlega einnig löggjafans á sömu forsendum og tilvitnuð kæra frá í sumar byggir á ... 

25. Október 2014

VOPNAKAUP: RÉTT SKAL VERA RÉTT

Lögreglan 2
Í fjölmiðlaumfjöllun undanfarinna daga hefur verið óskað svara um tillögur og ákvarðanir sem lúta að vopnavæðingu lögreglunnar á Íslandi. Svör embættismanna hafa verið á þann veg að vísað hefur verið til almenns orðalags í skýrslum um þörf á búnaði fyrir lögreglu. Þannig virðist vera um að ræða tilraun til að leiða umræðuna frá þeirri staðreynd að enginn hefur lýst því yfir að viðkomandi hafi tekið endanlega ákörðun um að kaupa eða þiggja byssurnar heldur hefur verið rætt um ,,milligöngu" í því efni. Ekkert hefur komið fram um að ákvörðunin hafi verið byggð á ...

25. Október 2014

HRÍĐSKOTABYSSUR TRYGGJA EKKI ÖRYGGI

Birtist í DV 24.10.14.
DV - LÓGÓ... Eitt af þeim málum sem þeir félagarnir í lögreglunni voru stöðugt að gaumgæfa var spurningin um hvort heppilegt væri að lögreglan bæri vopn. Niðurstaðan, ekki aðeins á þessum tiltekna kontór, heldur á meðal lögreglumanna almennt, var sú að þetta væri ekki hyggilegt. Vopnin myndu ekki færa lögreglunni vörn í viðureign við illskeytt öfl, þvert á móti væri líklegt að þau leiddu til stigmagnandi ofbeldis. Mikið vatn er runnið til sjávar frá því ég ræddi þessi mál við Einar Bjarnason og marga hans líka innan lögreglunnar úr forystuliði hennar ...

23. Október 2014

VILL LÁTA GOTT AF SÉR LEIĐA

Bjössi spæjóBjörn Bjarnason, fyrrverandi dómsmálaráherra, er fundvís á leiðir til að láta gott af sér leiða. Hann hefur greinlega fylgst með umræðunni um "skýrslu Ögmundar"sem Jón Bjartmarz, yfirlögregluþjónn hjá embætti ríkislögreglustjóra kallar svo ...Fyrrnefndur yfrilögegluþjónn, sem gerður var út í fjölmiðla til að tala máli embættis ríkislögreglustjóra, ráðuneytis og ríkisstjórnar, reyndi að gera því skóna að í þessari skýrslu væri að finna kröfur um aukinn vopnabúnað sem lögreglan hefði verið að svara með því að bæta 150 hríðskotabyssum í vopnabúr sín ... Nú hefur verið hrakið að nokkuð þessa efnis sé að finna í umræddri skýrslu ... Þegar halla fór undan fætti fyrir söguskýranda stjórnvalda stígur Björn Bjarnason fram...

22. Október 2014

VEGIĐ AĐ TRÚVERĐUGLEIKA LÖGREGLUNNAR

LögreglustjarnaYfirlýsing vegna vopnakaupa lögreglunnar
...Með almennri vopnavæðingu sé lögreglan að bregðast við gagnrýni sem ég hafi sett fram! Málfutningur embættis ríkislögreglustjóra byggir hér á útúrsnúningi og staðlausum stöfum. Ég ítreka að þessi kaup og eðlisbreyting á búnaði almennu lögreglunnar er ekki með mínu samþykki. Dylgjur og ósannindamálflutningur af þessu tagi  veikir því miður trúverðugleika lögreglunnar. Innan ráðuneytis og innan lögreglunnar hefur það verið þekkt viðhorf að ég sé  andsnúinn því að almennir lögreglumenn beri vopn. Þar sé sérsveit lögreglunnar undanskilin auk þess sem ég hafi talið eðlilegt að hafa skotvopn í lögreglubílum sumstaðar í dreifðum byggðum komi til þess að ...

19. Október 2014

VIĐSKIPTABLAĐIĐ FER VILLUR VEGAR

Viðskiptablaðið fer villur
Mig langar til að trúa því að Viðskiptablaðið vilji vera sanngjarnt í umfjöllun sinni. Líka í málum þar sem blaðið hefur ríkar skoðanir, öndverðar við þær sem fjallað er um. Á laugardag fjallar vefmiðill Viðskiptablaðsins, vs.is, um umræðu um frumvarp sem gerir ráð fyrir að verlsanir ÁTVR verði lagðar niður og útsala á áfengi færð inn í matvörubúðir. Ég er þar sagður hafa stigið "stórkostlegt spor" í mótsagnakenndum málflutningi um framnagreint frumvarp ...

15. Október 2014

LUNKINN INNSĆISHÚMOR Í PARÍS NORĐURSINS

París norðursins
... Hafsteinn Gunnar Sigurðsson  er sérstaklega laginn og lunkinn leikstjóri, fundvís á hugmyndir og tekst að vinna vel með snjöllum handritsmönnum einsog Huldari Breiðfjörð. HGS fer sér að engu óðslega, liggur ekkert á, en undir lokin er hann búinn að fanga huga okkar allra. París Norðursins er stútfull af húmor, vel tekin, vel leikin og margt þar til umhugsunar. Ég fór þreyttur í bíó og var við að sofna framan af, en orðinn glaðvakandi í myndarlok, slakur og ánægður...

15. Október 2014

RÍKISSTJÓRNIN GEGN ÍBÚĐALÁNASJÓĐI

Biritst í DV 14.10.14.
DV - LÓGÓ... Þetta er ekki í fyrsta skipti sem aðför er gerð að Íbúðalánasjóði. Það var gert á árunum í aðdraganda hrunsins. Þá leituðu bankarnir til sérfræðinga EES samningsins í Brussel til að fá þá til að bannfæra hið íslenska félagslega fyrirkomulag.
Það tókst ekki og ætti hið sama að gilda nú. Þetta var ekki síst að þakka  Framsóknarflokknum sem þá fór með húsnæðismálin. Hann stóð vel vörnina fyrir Íbúðalánasjóð.  En sá tími er greinilega liðinn. Nú er verið að undirbúa löggjöf sem færir hið almenna íbúðalánakerfi  í hendur bankanna, eins og þeir alltaf heimtuðu, en skilur hinn félagslega þátt hjá íslenskum skattgreiðendum.
Bankarnir hafa því fengið góðan liðstyrk í Framsóknarflokknum við að ...

14. Október 2014

FRUMVARP UM RANNSÓKNARHEIMILDIR LÖGREGLU ER TILBÚIĐ

Birtist í Morgunblaðinu 13.10.14.
MBL- HAUSINN... Á þeim tíma kom hins vegar fram að margir - ógnvænlega margir að mínu mati - vildu heldur að lög um rannsóknarheimildir væru óljós og gæfu rými til túlkunar. Þeim hinum sömu bregður hins vegar fyrst þegar óljósar rannsóknarheimildir koma niður á þeirra líkum. Þannig virðist hluti Alþingis vakna til lífsins þegar lögregla rannsakar hvítflibbabrot. Í öllu falli má taka frumvarpið frá árinu 2012 upp að nýju núna. Jafnframt má gera alvöru úr því sem þá var rætt að setja í lög að allsherjarnefnd Alþingis hafi eftirlit með beitingu símhlerana. Þannig má tryggja varnaglana sem nauðsynlegir eru í réttarríkinu. En á sama tíma ógnum við ekki lýðræðinu, enda væri þá ...

13. Október 2014

ÁFENGISIĐNAĐURINN: FREKUR OG FYRIRFERĐAMIKILL

Áfengi og innihald
...Þannig fáum við ekki að vita hve margar kaloríur eru í bjórdósinni, rauðvínsflöskunni eða vodkapelanum. Áfengisiðnaðurinn veit að þessar upplýsingar gætu haft áhrif á neyslu okkar. Sum okkar drykkju kannski ögn minna ef við værum reglulega minnt á hve fitandi það er að neyta alkóhóls, hve illa það færi með lifrina og heilsuna almennt. Tóbaksiðnaðurinn hefur verið beygður til að auglýsa skaðsemi tóbaks en áfengisiðnaðurinn þarf ekki einu sinni að segja til um kaloríuinnihald. Þetta er til marks um hve ...

13. Október 2014

ISIS OG .IS Í BYLGJUBÍTIĐ

Bylgjan - í bítið 989
Við Brynjar Níelsson, þingmaður Sjáflstæðisflokksins, ræddum í morgunþætti Bylgjunnar, þá staðreynd að ofbeldissamtökin ISIS sem nú ofsækja fólk í Írak og Sýrlandi, hefðu skráð upplýsinga- og áróðurssíðu sína á Íslandsnetinu .is.
Í þættinum minnti ég á að Íslandslénið sé hluti af innviðum samfélagsins og eðlilegt að þeir sem vilja nýta sér það, tengist okkar samfélagi  á ótvíræðan hátt. Á þessu eru hins vegar hliðar sem nauðsynlegt er að ræða og varða tjáningarfrelsið. Sú umræða er ...

12. Október 2014

HLUSTUM Á ÁRNA!

Árni guðmundsson - vínFormaður Foreldrasamtaka gegn áfengisauglýsingum, Árni Guðmundsson, sendir alþingismönnum orðsendingu þar sem hann varar við því að innleiða áfengissölu í matvörubúðum. Árni hefur um árabil barist af aðdáunarverðri þrautseigju gegn áfengisauglýsingum. Hann er einn reyndasti æskulýðsfrömuður landsins - var forstöðumaður slíks starfs hjá Hafnarfjarðarbæ um langt árabil og kennir nú við Menntasvið Háskóla Íslands ...

12. Október 2014

FRJÁLSLYNDI EKKI SAMA OG FRJÁLSHYGGJA

Jón Steinar Gunnlaugs - bókarkápaÉg ætla ekki að gerast boxari innan kaðlanna hjá Jóni Steinari Gunnlaugsssyni , nýbökuðum sjálfsævisöguritra, en augljóst er að nýútkomin bók hans gerir meira en gára vatnið, sem reyndar aldrei hefur verið neitt sérlega lygnt í kringum Jón Steinar... mig langar til að leiðrétta eina litla skekkju sem snýr að mér í hinni nýútkomnu bók, Í krafti sannfæringar ...  
Þannig að menn fari varlega í að hafa frjálslyndisstimpilinn af okkur vinstri mönnum!  Okkar rauði þráður er að verja frelsi einstaklingsins. Það hafa menn ekki alltaf skilið á vinstri vængnum. En það er önnur saga. Og miklu lengri saga en svo að hún verði sögð í örpistli einsog þessum. En kannski verður hún einhvern tímann sögð ...

11. Október 2014

RANGT ER AĐ EKKI SÉ HĆGT AĐ KOMA Í VEG FYRIR SKRÁNINGU ISIS Á íSLANDI

ISNCFramkvæmdastjóri ISNIC sem rekið hefur Íslandslénið .is frá því það var einkavætt í aðdraganda hrunsins, segir að ekki sé hægt að koma í veg fyrir að ofbeldissamtökin ISIS skrái sig á Íslandi eins og fram hefur komið í fréttum að raun er á. .... Þetta er rangt. Ef lagafrumvarp sem ég lagði fyrir Alþingi, á 140. þingi, hefði náð fram að ganga - en gegn því lögðust hagsmunaðilar, þar á meðal  ISNIC og drjúgur hluti þingmanna, þá hefði verið ólöglegt að hýsa ISIS hér. Í frumvarpinu er gert að skilyrði fyrir að nota Íslandslénið .is að viðkomandi hafi tengsl við Ísland. ... Þessa lagagrein er hægt að samþykkja með hraði ef menn á annað borð vilja ekki ....

11. Október 2014

BLESSAĐIR KERFISKALLARNIR

Gandri - Jóhann H. - MS
... Ég hef tekið þátt í þessari umræðu og hafa nokkrir einstaklingar staðnæmst sérstaklega við minn málflutning ... Forstjóri, Samkeppniseftirlitsins, Gunnar Páll Pálsson, bregst við gagnrýnum skrifum mínum í garð Samkeppniseftirlitsins með prýðilegri og málefnalegri grein í DV í dag.Viðbrögð fréttastjóra DV, Jóhanns Haukssonar,  við grein minni, eru hins vegar nokkuð á annan veg. Jóhann Hauksson, fréttastjóri, segist hafa orðið það sem hann kallar „kjaftstopp" við lestur hennar. Þetta er nokkuð áþekkt viðbrögðum Guðmundar Andra Thorssonar rithöfundar, sem virðist eiga það sameiginlegt með Jóhanni Haukssyni, að horfa á málin fyrst og fremst á fagurfræðilegum forsendum kerfismanns ...

9. Október 2014

AUMT HLUTSKIPTI ÍSLANDS

Íslendingar fylgjandi stríði
...Samkvæmt könnun Bylgjunnar kemur svo í ljós í dag að 85% Íslendinga styðja árásir NATÓ ríkja á ISIS í Sýrlandi. Ég var spurður út í þetta i síðdegisútvarpi Bylgjunnar  og sagðist ég harma að ekki hefði verið spurt nánar út í afstöðu fólks, til dæmis hvort það vildi einvörðungu sprengjuregn úr háloftum eða hvort  líka ætti að senda herlið á vettvang  og þá hvort Íslendingar væru reiðbúnir að senda eigin ungmenni á vettvang. Hvernig væri að  byrja á því, sagði ég í spjalli okkar Þorgeirs og Kristófers, að koma í veg fyrir að NATÓ-ríkið Tyrkland hætti stuðningi  sínum við ISIS og opnaði landamærin fyrir Kúrdum til að fara á vettvang sínu fólki til stuðnings? Sameinuðu þ´jðoirnar verða að ....

8. Október 2014

HUGMYNDAFRĆĐINGAR KOMINR Á KREIK

Birtist í DV 07.10.14.
DV - LÓGÓÍ Sovétríkjunum voru til menn sem titlaðir voru hugmyndafræðingar Kommúnistaflokksins. Þeir höfðu það hlutverk að segja fyrir um hvað væri rétt og hvað rangt, hvað skyldi vera leyfilegt og hvað bannað. Skipti þá engu máli þótt reynslan leiddi í ljós  að kenningin sem stjórnað var samkvæmt, hefði reynst vel eð illa. Þarna var um að ræða framkvæmd  kommúnisma samkvæmt kenningum Marx og Engels einsog mönnum þóknaðist að skilgreina þær við Kremlarmúra í þá daga. Nú eru það hins vegar hugmyndafræðingar annarrar kenningar sem mest láta að sér kveða,  þ. e. markaðshyggjunnar. Utan um þessa kenningu hefur verið smíðuð sérstök stofnun,  Samkeppniseftirlitið. Þessi stofnun sektar fyrirtæki  og samtök  fyrir meint villuráf frá kenningunni. Þetta gerir hún ... 

8. Október 2014

EIN KREDDA ER EKKI BETRI EN ÖNNUR

Birtist í Fréttablaðinu 07.10.14.
Fréttabladid haus... jonhakon@frettabladid.is  og sme@frettablaidid.is fjalla í örpistli á leiðarasíðu Fréttablaðsins um afstöðu mína til ákvörðunar Samkeppniseftirlitsins að sekta Mjólkursamsöluna um 370 milljónir fyrir meint brot á samkeppnislögum: "Ögmundur segir að kerfið kringum mjólkurframleiðslu virki vel, en það þyrfti að skoða betur fákeppni á smásölumarkaði. Afstaða Ögmundar virðist mótuð af þeirri skoðun að ríkisvernduð einokun sé eitthvað skárri en önnur einokun. Hann þarf að skýra betur hvernig það getur staðist."Ég vil gjarnan skýra afstöðu mína til þessa máls eins og hér er óskað eftir en þó vil ég byrja á því hér og nú að vekja athygli á að málið snýst ekki um val á milli kreddukenninga. Með öðrum orðum, að ég hljóti annað hvort að vera með ríkiseinokun eða einokun á markaði. Eða á móti hvoru tveggja. Eða vilji þessa kreddu en ekki hina ... ? Getur verið að ég  ...

7. Október 2014

EKKI Í MÍNU NAFNI!

Dróna-stríð
Það þýðir að aðrir sjá um sprengjurnar og ungmennin til að deyja þegar þar að kemur. Það er ömurlegt að hlusta á Íslendinga stæra sig af því að vera  herlaus þjóð sem þó er alltaf tilbúin að fórna annarra þjóða ungmennum þegar verja þarf auðlindahagsmuni vestræns kapítalisma. Við þekkjum þetta orðið: „Við erum bara að gefa mat, aðrir sjá um hernaðinn!"  Er rétt að gera hvað sem er til að fá klapp á kollinn frá NATÓ , BNA og ESB? Er hægt að verða smærri? Fyrir nokkrum mánuðum var reynt að safna liði til stuðnings loftárása á Sýrland. Þá átti að ...

6. Október 2014

BÍTIĐ Á BYLGJUNNI

Bylgjan - í bítið 989
Að þessu sinni ræddum við Ragnheiður Ríkharðsdóttir, þingmaður Sjálfstæðisflokksins, málefni líðandi stundar í morgunútvarpi Bygjunnar. Þar má nefna kjaramisrétti og kjaramál lækna of fleiri stétta, uppgang  ISIS samtakanna  í írak og Sýrlandi og vestræn viðbrögð og sitthvað fleira. Þáttinn má heyra  ...

6. Október 2014

NORSKA LEIĐIN

Birtist í helgarblaði Morgunblaðisins 05.10.14.
MBL- HAUSINNÍ sjónvarpi birtist viðtal við sýrlenskan stríðsmann. Hann var alvöruþrunginn og skilboðin eftir því: „Við munum gereyða andstæðingum okkar." Ég  veit ekki úr hvaða liði hann var. Held að það hafi verið hópur sem ég er heldur hlynntur.  Yfirlýsingin var ógnvænleg en á sinn hátt skiljanleg. Hermaðurinn átti í höggi við villimennina í  ISIS... Auðvitað mátti gefa sér að loftárásir hæfust fyrr eða síðar. Því fleiri olíulindir á forræði ISIS, þeim mun styttra yrði í að vestrænn fingur teygði sig í gikkinn. Og því fleiri aftökur, því meiri villimennska, þeim mun viljugri yrðum við, almenningur,  að styðja „okkar menn" að leggja upp í „krossför". Bush er sagður hafa notað þetta hugtak einu sinni í ...

4. Október 2014

BRENNANADI MÁLEFNI RĆDD Í VIKULOKIN

RÚV - vikulokinÍ dag tók ég þátt í umræðu um helstu málefni líðandi stundar í þættinum Vikulokin á RÁS 1 Rikisútvarpsins. Á meðal þess sem rætt var um, var fyrirhuguð vinnustöðvun lækna, fjármögnun nýs Landspítala, Guðmundar og Geirfinnsmál, verðlagning mjólkurafurða og endurgreiðsla Tryggingastofnunar til öryrkja - hvernig að henni skuli staðið. Flugstöð Leifs Eiríkssonar og ákvörðun um að úthýsa íslenskum fyrirtækjum á borð við Kaffitár þaðan, bar einnig á góma ... 

1. Október 2014

NÝ FRAMTÍĐ - ÁN NATO

Birtist í DV 30.09.14.
DV - LÓGÓ...En hugleiðum hvort það samræmist góðu siðgæði að telja það sér til tekna að vera herlaus og óvopnuð þjóð en taka síðan þátt í því að senda annarra þjóða unglinga í stríðsrekstur. Siðlegra þætti mér af okkar hálfu - ef við á annað borð ætlum að vera innan NATO - að við hreinlega hervæddumst og værum að því leytinu sjálfum okkur samkvæm þegar við berjum stríðsbumburnar. En viljum við það? Ég held að almennt vilji Íslendingar feta aðrar slóðir og friðsamlegri inn í framtíðina. Utanríkisráðherra hefur lýst yfir vilja til að ná ...

1. Október 2014

ENDURTEKIN UMRĆĐA UM HLERANIR

Birtist í Fréttablaðinu 30.09.14.
Fréttabladid haus...Þetta frumvarp varð hins vegar ekki að lögum, enda mætti það harðri andstöðu þingmanna bæði úr þáverandi stjónarmeirihlua og stjónarandstöðu og aðila innan lögreglu og réttarkerfis sem töldu óráð að þrengja heimildir til símhlerana og vildu heldur útvíkka þær og gera enn óljósari. Sumir þessara aðila virðast sjá hlutina í nýju ljósi núna, sem er vel. En þar sem frumvarpið fór ekki í gegnum þingið komu tillögur um eftirlit af hálfu Alþingis heldur ekki til endanlegrar afgreiðslu. Ég tel rétt að þingið dusti rykið af þessum tillögum núna - og mun ég beita mér fyrir því. Jafnframt vek ég athygli á því að könnun sú sem dómsmálaráðherra kallar eftir á eftirliti með símhlerunum hefur þegar farið fram. Og frumvarpið er til. Nú er rétt að taka þessi mál föstum tökum svo  ...

1. Október 2014

HVAĐ GAGNAST NEYTENDUM OG BĆNDUM BEST?

Birtist í Morgunblaðinu 30.09.14.
MBL- HAUSINN... Það er athyglisvert  að sjá afkomu fyrirtækjanna í keðjunni frá bændum til neytenda. Afkomu MS, fyrirtæki bændanna, er stýrt með verðlagningu á hráefni og afurðum þannig að hún er rétt liðlega 1% af veltu í góðu ári, um 300 milljónir af 20 milljarða króna veltu.  Hagnaður stærsta smásölurisans, Haga, sem í raun ræður örlögum framleiðslufyrirtækja í matvælaiðnaði, nam í fyrra fjórum milljörðum króna af 76 milljarða veltu. Þetta er munurinn á fákeppnisfyrirtæki á markaði án kvaða og fyrirtæki sem lýtur regluverki og aðhaldi! Stjórnmálamenn og fjölmiðlamenn koma nú fram hver á fætur öðrum og krefjast breytinga á búvörulögum í anda frjálshyggjusjónarmiða. Engar undanþágur skuli ...


Bréf til síđunnarRSS Fréttaveita

Frá lesendum

18. September 2017

UM KOSNINGAR OG RÍKISSTJÓRN

 Ef valdið heim nú viljið þið,
verður nýtt að prófa.
Kosningu ef klúðrum við,
kætist flokkur bófa.
...
Kári

15. September 2017

LANDINN FRJÁLS

Loksins verður landinn frjáls,
losnar við Íhaldið.
Ber þá enga hespu um háls
og alþýðan fær valdið.
Pétur Hraunfjörð

6. September 2017

HEIMSVIĐSKIPTIN ŢRÓUĐ Í FINNAFIRĐI

Efla hefur þróað Finnafjarðarverkefnið. Það er kallað viðskiptaþróun. Hugmyndin er að olíuhreinsunarstöðin risastóra verði í Finnafirði. Þá er hægt að nýta höfnina bæði fyrir olíuskip og fyrir siglingar yfir Norðurpólinn þegar ísinn verður bráðnaður.
Ingibjörg Elsa Björnsdóttir

6. September 2017

ERUM Á LEĐINNI

Stærsta höfn á norðurhveli í Finnafirði og stærsti flugvöllur á norðurslóðum í Keflavik. Ætlum við að láta Björgólf hjá Icelandair, Skúla í Wow og bæjarstjórann í Langanesbyggð færa okkur inn í 21. öldina á sínum forsendum? Ég held við þurfum ekki fleiri stýrimenn til að komast fram af brúninni. Við virðumst vera á réttri leið til að komast þangað.
Haffi

6. September 2017

ENN UM MINNISVARĐA

Fróðelgt væri að fá fréttir af því hver urðu afdrif beiðni stríðsminjanefndar Bandaríkjanna um minnisvarða í Höfða um framlag BNA til freslsisbaráttu mannkyns á seinni hluta tuttugustu aldar, þar með talið Víetnam og Hiroshima. Sagt var að Reykjavíkurborg væri að skoða þessa málaleitan. Hver skyldi hafa orðið niðurstaðan?
Jóel A. 

30. Ágúst 2017

VERĐUR ŢETTA SVONA?

Pistill þin hér á heimasíðunni um fyrirhugaðan minnisvarða í Höfða er umhugsunarverður! Ég hafði svo sannarlega ekki hugsað þetta á þennan veg en er sammála því að það þurfi að gera. Það undarlega er hve lítil umfjöllun er um þetta! Verður þetta svona, hvernig væri að einhver fréttamiðill beindi þeirri spurningu til borgaryfirvalda?
Jóhannnes Gr. Jónsson

25. Ágúst 2017

GÓĐ KVEĐJA!

... I represent a collective (@NirAadCollectiv) opposing Indias draconian biometric ID program, called Aadhaar. I read with great interest the article http://www.katoikos.eu/interview/icelandic-minister-who-refused-cooperation-with-the-fbi-ogmundur-jonasson-in-an-interview.html ... and I was quite taken in with your viewpoints expressed with such clarity and preciseness. There are so many sentences that can be quoted in this interview. Since I was extremely impressed with this interview and since your ideas and thoughts resonated with our, I wanted to drop you a message of gratitude. In solidarity towards a more socially just world. PS: I hope this small letter reaches you :)
Nir Aadhaar Collective

17. Ágúst 2017

ĆRULAUSIR MENN

Hafa löngum kerfið kreist,
kraflað út á jaðar.
Upp ei verður æra reist,
sem engin er til staðar.
Kári

30. Júlí 2017

DÝR VERĐUR SOPINN

Það er rétt hjá þér að þegar við höfum tapað frá okkur neysluvatninu og það komið á einkahendur verður dýr vatnssopinn, jafnvel þótt við böðum okkur ekki úr einkavæddu flöskuvatni! En það verður líka dýrt að ferðast um Ísland og dýrara með hverri vikunni sem líður því sífellt fleiri stökkva upp á rukkunarvagninn. Ríkisstjórnin er hin ánægðasta með einkavæðingu náttúrunnar og almenningur andvaralaus ef þá ekki ...
Jóel A.

30. Júlí 2017

ÚTI AĐ VINNA!

Nú fangarnir frá Kvíabryggju
frjálsir um sveitina vinna
Vanti þig aðstoð þá hafðu í hyggju
að óþrifa verkum sinna.
...
Pétur Hraunfjörð



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

16. Maí 2017

Sigríđur Stefánsdóttir skrifar: ÉG FER Í STURTU A.M.K. EINU SINNI Á DAG OG NOTA HÁHRAĐA-TENGINGU ALLAN SÓLARHRINGINN

Þannig hef ég hugsað mér að hafa það svo lengi sem hægt er - með eða án aðstoðar.  Hve lengi er hægt er að halda þessari stöðu fer að sjálfsögðu eftir því hve miklu fjármagni er veitt til velferðarmála svo sem félagslegrar heimaþjónustu.  Það eru einkum tvær hugmyndir sem ég hef lengi staldrað við í sambandi við aðstoð við einstaklinga sem hafa þörf fyrir hana, þ.e. markmiðið að fólk skuli geta búið sem lengst á eigin heimili og að þjónustan skuli m.a. vera félagsleg.  Hvort tveggja er afar teygjanlegt, háð persónulegu mati, mannafla, launum og auðvitað fjármunum. Þurfi ég aðstoð við að komast í sturtu og geti fengið hana heima einu sinni í viku lít ég svo á að ég geti ekki búið heima - eða ættu ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta