Beint á leiđarkerfi vefsins

Annađ

30. Desember 2015

FRÉTT ÁRSINS

Kristján Þór Júlíusson - okt. 2015
Samningur íslenska ríkisins við lyfjafyrirtækið Gilead um að útrýma lifrarbólgu C á Íslandi er í mínum huga frétt ársins. ...  Á Íslandi er áætlað að um 800 til 1000 manns séu smitaðir af lifrarbólgu C en árlega greinast á bilinu 40 - 70 einstaklingar. Fréttin er að sjálfsögðu mikilvægust þeim sem bera þennan erfiða sjúkdóm en hún er líka mikilvæg íslenska heilbrigðiskerfinu ... Metinn í krónum og aurum má ætla að verðmæti þessa samnings sé allt að 12 milljarðar króna. Til samanburðar má geta þess að deilurnar á Alþingi undir þinglok snerust um þrjá milljarða ...

24. Desember 2015

GLEĐILEG JÓL

Jólin 2015
Ég sendi öllum lesendum síðunnar jólakveðjur og óskir um farsæld á komandi ári. Megi það verða ykkur gæfuríkt. Takist okkur að stuðla að auknum  jöfnuði í þjóðfélaginu  mun hamingjusólin rísa því öllum mun líða betur. Þannig virkar réttlætið! Öllum líður betur í réttlátu þjóðfélagi en ranglátu ...

24. Desember 2015

VARNAĐARORĐ GUNNARS SKÚLA

Gunnar Smári Ármannsson... Gunnar Skúli hefur fylgst vel með fjölþjóðlegum viðskiptasamingaviðræðum á borð við TiSA - Trade in Services Agreement, sem fram fara nú um stundir og hefur iðulega verið vikið að hér á þessari síðu nú síðast í sambandi við lofstslagsráðstefnuna í París. Á sama tíma og hún var haldin sátu samningamenn ríkustu þjóða heims - þar á meðal Íslands -  á TiSA viðræðufundi í Genf til að ræða hvernig mætti þrengja að lýðræðinu þegar orkumálin væru annars vegar! Um þetta skrifar Gunnar Skúli Ármannsson í  ...

24. Desember 2015

Á AĐ SAMEINA RÚV OG STÖĐ 2?

Birtist í Fréttablaðinu 23.12.15.
Fréttabladid hausVæri hægt að sameina RÚV og Stöð 2? Hvað með blöðin, eru þau ekki að segja sömu fréttirnar? Mætti ekki ná samlegðaráhrifum þar, alla vega í einhverjum þáttum rekstursins? Á agnarsmáum svæðum í þéttbýlinu eru í einni stöppu stórar matvörukeðjur að selja sama varninginn - má ekki sameina? Og hvað með olíu- og bensínsölufyrirtækin, hvers vegna ekki sameina þau, enda keppa þau lítið sem ekkert á grunvelli verðlags - heldur fyrst og fremst hvernig þeim gengur að sannfæra landsmenn um ...

21. Desember 2015

HUGVEKJA ĆVARS

Ævar Kjartansson
Ævar Kjartansson er án efa einn ástsælasti útvarpsmaður samtímans - reyndar er sá samtími að verða nokkuð langur því hann hefur verið rödd Ríkisútvarpsins um nokkra áratugi. Þættir Ævars skipta orðið hundruðum og kennir þar margra grasa. Undanfarna mánuði hefur hann flutt hlustendum örstuttar hugvekjur á síðkvöldum. Þeim fylgir góð tilfinning. Ævari er lagið að koma hugsun á framfæri á áhrifaríkan en knappan hátt. Dæmi um það er hugvekja hans í kvöld ...:

19. Desember 2015

FJÁRMÁLARÁĐHERRA OPNAR SIG

Birtist í DV 18.12.15.
DV - LÓGÓÞað var sérkennilegt andrúmsloft á Alþingi í vikunni, bæði utandyra og innandyra ... Innandyra fór fram umræða um fjárlög sem stjórnarmeirihlutanum þótti dragast um of á langinn ... Það var á þessum punkti sem Bjarni Benediktsson, fjármálaráðherra, opnaði sig í míkrófón Alþingis. Hann var ósáttur við hve langan tíma umræðan hafði tekið ...  Hvers vegna eyða tíma í „rifrildi um það að við eigum að skipta einhvern veginn öðru vísi?" Það er von að spurt sé. ... 

18. Desember 2015

HEILSUGĆSLAN Á LEIĐ INN Á MARKAĐSTORGIĐ

Birtist í Morgunblaðinu 17.12.15.
MBL- HAUSINN...  Hið rétta er, að þótt Heilsugæslan heyri undir ráðherra þá er það forstjóri hennar sem ræður lækningaforstjórann en ekki ráðherrann. Þetta er rétt ábending ... þótt þetta hafi ekki snert kjarnann í málflutningi mínum einsog ég mun hér gera grein fyrir. En rétt skal vera rétt og mikilvægt er að leiðrétta allar rangfærslur, óháð því hvort þær eru notaðar eins og Brynjar Níelsson gerir, til að ýja að því að undirritaður hljóti að vera ómerkingur um allt sem frá honum kemur fyrst hann misfari með staðreynd í „einföldu máli" ...

17. Desember 2015

HOLLVINUR RÚV NÚMER EITT KVADDUR

Valgeir Sigurðsson... Séra Hjálmar Jónsson jarðsöng hinn látna heiðursmann og mæltist honum vel sem endranær. Hann sagði gamansögu af því að Valgeir hefði einhverju sinni sagt við sig, er hann handlék bókrit nokkurt, að það væri svo undarlegt að þegar þetta rit kæmi út, og væri það árlegur viðburður, færi  þjóðfélagið nánast á hliðina. Væri hver útgáfa þó lítt breytt frá fyrra ári. Þetta voru að sjálfsögðu fjárlögin. Séra Hjálmar sagði að nú fengjum við ekki að vita hverju Valgeir Sigurðsson hefði viljað fá breytt í nýjasta árgangi frumvarps til fjárlaga. Ég sagði ... að ég þættist geta fullyrt um einn þátt sem Valgeir Sigurðsson hefði örugglega viljað breyta. Hann hefði ekki tekið því þegjandi að framlög til RÚV yrðu skert eins og tillaga er nú uppi um ...

13. Desember 2015

LEIKSKÓLINN OG LJÓĐIN

Birtist í helgarblaði Morgunblaðsins 12/13.12.15.
MBL- HAUSINN...Ég heyrði litla stúlku, fimm ára gamla, syngja þetta ljóð Jónasar Hallgrímssonar fyrir ömmu sína án þess að reka nokkurn tíma í vörðurnar. Ég heyrði líka samtal þeirra að söngnum loknum. "Finnst þér þetta ekki fallegt amma? Þetta er eftir Jónas Hallgrímsson. Hann fótbrotnaði í Kaupmannahöfn þegar hann datt í stiga og þetta er kveðja heim til Íslands." Ég spurði ömmuna hvort hún vissi hver hefði kennt barninu ljóðið og nestað það með þessum fróðleik. "Hún lærði þetta í leikskólanum, hún lærði þetta í Hagaborg." Það er ekkert sjálfgefið að ...

12. Desember 2015

VILJA GERA HEILBRIGĐISŢJÓNUSTUNA AĐ BISNISS!

Heilsugæsla - bissnes
... Kristján Þór endurómaði þessar áherslur - lágtóna að vísa - hann nánast hvíslaði því eitt kvöldið í Sjónvarpsfréttum, að nú ætti fjármagn að fylgja sjúklingi. Kristján veit að best er að tala á lágum nótum því vitað er að markaðsvæðing heilbrigðiskefins stríðir gegn þjóðarvilja. En Fréttablaðið gerði þeim félögum óleik að því leyti sl. miðvikudag að þar var engu hvíslað. Sagt var í hástöfum á forsíðu að Heilsugæslan ætti að lúta Samkeppniseftirlitinu og forstjórinn þar, Páll Gunnar Pálsson, kvaðst spenntur að sjá „samkeppnishvatana" að verki í ...

12. Desember 2015

VARNIR ÍSLANDS ÖFLUGRI EN BANDARÍKJANNA

Birtist í DV 11.12.15.
DV - LÓGÓÞegar alvarleg vá steðjar að samfélögum fæst innsýn í styrk innviða þeirra. Mörgum brá í brún þegar fellibylurinn Katrina gekk yfir Bandaríkin árið 2005, hve vanmáttugt helsta hernaðarveldi heims reyndist vera frammi fyrir eyðileggingu af völdum byljarins. George W. Bush, þáverandi Bandaríkjaforsti þakkaði og þáði utanaðakomandi aðstoð en orkaði ekki einu sinni að þakka fyrir tilboð Kúbu um að senda ...

10. Desember 2015

LOSUN Í PARÍS, LOKUN Í GENF

Birtist í Fréttablaðinu 09.12.15.
FrettablaðiðÁ sama tíma og fulltrúar heimsbyggðarinnar ræða hvernig hamla megi gegn losun gróðurhúsalofttegunda, koma fulltrúar TiSA ríkjanna saman í Genf til að ræða hið gagnstæða; hvernig koma megi í veg fyrir að félagsleg sjónarmið standi í vegi fyrir markaðsvæðingu þess sem á TiSA máli kallast "Environmental services" eða umhverfistengd þjónustuviðskipti ... Ísland er þarna með á báti, sem áður segir, og var í fréttum í síðustu viku,  vísað í Noreg og Ísland sem tillöguríkjum um tiltekna þætti  í þessum viðræðum án þess að nokkur opin umræða hafa farið fram um það hér á landi ...

8. Desember 2015

FRÁBĆR VIĐTALSŢÁTTUR VIĐ AUSTIN MITCHELL

Austin og Bogi
Sjónvarpið á lof skilið fyrir frábæran viðtalsþátt Boga Ágústssonar við breska stjórnmálamanninn Austin Mitchell en hann var þingmaður Verkamannaflokksins 1977 til 2015. Mitchell ... hefur alla tíð verið þekktur úr eldlínu breskrar stjórnmálaumræðu ... Bogi Ágústsson stýrði þættinum frábærlega vel enda þaulkunnugur breskum stjórnmálum og einn reyndasti sjónvarpsmaður okkar. Sjónvarpið gerði vel að fela Boga reglulega  þáttagerð af þessu tagi og ...

8. Desember 2015

ER MORGUNLAĐIĐ EITT UM AĐ SÝNA TiSA ÁHUGA?

Tisa og Mbl
Sannast sagna þykir mér nokkurri furðu sæta hve lítinn áhuga íslenskir fjölmiðlar sýna TiSA viðræðunum í Genf. Þó eru þær öndverðan við loftsalagsviðræðurnar í París, því þær ganga út á tilraunir alþjóðafjármagnsins að greiða götu markaðsviðskipta á sviði orkuframleiðslu og umhverfismála og reisa lýðræðinu skorður á því sviði. Þegar Wikileaks kom upplýsingum á framfæri um gang viðræðnanna um "Environmental Services" ... Þær byggja á tilraun ríkari hluta heimsins til að þröngva hinum snauðari hluta inn í markaðsmót, hannað af þeim fyrrnefnda ...

5. Desember 2015

ŢRJÁR SPURNINGAR TIL HEILBRIGĐISRÁĐHERRA

Birtist í DV 04.12.15.
DV - LÓGÓKristján Þór Júlíusson, heilbrigðisráðherra, hefur greint frá áformum um frekari einkavæðingu heilbrigðisþjónustunnar. Þegar eru hafin viðskipti við Klínikina, fyrirtæki fjárfesta í heilbrigðisþjónustu og á döfinni er að bjóða út heilsugæslu á höfuðborgarsvæðinu. Á heilbrigðisráðherra er að skilja að markmiðið sé tvenns konar, annars vegar að koma heilsugæslunni í einkahendur og síðan innleiða kerfi þar sem peningar fylgi sjúklingi. Það var formúla Miltons Freedmans, höfuðklerks frjálshyggjunnar  ... langar mig til þess að beina þremur spurningum til ráðherrans og væri vel þegið að hann svaraði þeim á síðum þessa blaðs. Efast ég ekki um að honum yrði ljáð rými til þess ... 

4. Desember 2015

DAPURLEGT: VILL HEIMILA FJÁRHĆTTUSPIL OG SPILAVÍTI

Birgitta Jónsdóttir
Birgitta Jónsdóttir, þingkona Pírata, talaði á þingi í gær fyrir því að fjárhættuspil yrðu leyfð að fullu og allar hömlur og takmarkanir afnumdar. Ég get vissulega tekið undir að tvískinnungs gætir í umræðu um fjárhættuspil. Þannig hef ég löngum bent á að spilasalir Happdrættis Háskóla Íslands, Gullnáman,  eru að sjálfsögðu ekkert annað en spilavíti. Og sama gildir um spilakassa ... Mér finnst mikilvægt að hemja hinn gráðuga vágest. Tvískinnung á ekki að afnema með því að gefast upp og leita samræmis niður á við - stíga niður á lægsta þrep - heldur leita samræmis upp á við. Að mínu mati er uppgjöf fyrir spilavítisrekendum stóralvarleg því fjárhættuspil svipta öll þau frelsinu sem ánetjast spilafíkninni - og þau eru ófá sem það hendir ... 

4. Desember 2015

ÍSLAND GEGN LYFJAGLĆPUM

Birtist í Morgunblaðinu 03.12.15.
MBL- HAUSINN... Eðli máls samkvæmt er ekki vitað nákvæmlega í hverjum mæli falslyf berast sjúklingum ... Hin fölsuðu lyf spanna vítt svið allt frá astma, krabbameini og HIV til megrunar og örvunar fyrir íþróttamenn ... Á ráðstefnunni varð ég var við að það hafi ekki farið framhjá þeim sem standa í farabroddi þessarar vinnu, að Ísland var á meðal fyrstu ríkjanna til að undirrita samning Evrópuráðsins gegn lyfjaglæpum og er ástæða til að vekja athygli á því að á þessu sviði gegna Íslendingar afgerandi hlutverki. Þannig er fulltrúi heilbrigðisráðuneytisns, Einar Magnússon, sem fer fyrir lyfjamálum í ráðuneytinu, formaður nefndar  ...

3. Desember 2015

MANNRÉTTINDASIGUR: BĆTUR FYRIR LANDAKOTSBÖRN

Landakotskirkja
Í dag var samþykkt á Alþingi frumvarp um sanngirnisbætur til þeirra sem sættu alvarlegu ofbeldi sem börn í Lanadakotsskóla á sínum tíma. Þingmenn úr öllum flokkum á Alþingi stóðu að frumvarpinu og úr þingnefnd sem fékk frumvarpið til umfjöllunar, var einhugur um að mæla með samþykkt þess ... Forsagan er sú að til mín leituðu einstaklingar á fyrstu mánuðum mínum í embætti dómsmálaráherra haustið 2010. Fékk ég þar að heyra ófagrar lýsingar. Ég kom því til leiðar að málið var kært til lögreglu sem tók skýrslu sem ég síðan fékk í hendur. Ég kallaði þá til mín biskup Kaþólsku kirkjunnar á Íslandi. Viðbrögð hans voru daufleg. En eftir nokkra umræðu í fjölmiðlum var ...

3. Desember 2015

ENN KALLAĐ EFTIR UMRĆĐU UM TISA Á ALŢINGI

Tisa - hlekkir
...Nú hefur það enn eina ferðina gerst að ríkin sem eiga aðild að þessum leynilegu og ósiðlegu samningum verða uppvís að leynibruggi, að þessu sinni um orkumál,Einvironmental services"  , þ.e. þjónustu á sviði umhverfismála ... Á meðan augu heimsins beinast að loftsalagsráðstefnunni í París þar sem fulltrúar ríkja heims ræða um markmið tengd mengun og loftslagsmálum, þá  sitja samningamenn margra þessara ríkja, TISA ríkjanna tuttugu og þriggja talsins, þar á meðal væntanlega Íslands, á fundi í Genf og ræða framkvæmdina og þá ekki sist hvernig skuli slá markaðstón inn í hana. Það vill TiSA samninganefndin að gert verði  m.a. með því að takmarka valdsvið ríkjanna ...

30. Nóvember 2015

VIGDÍS HRÓPAR, KRISTJÁN ŢÓR HVÍSLAR

Vigdís Hauks - Kristján Þór
... Áhyggjuefni þykir mér vera framkoman gagnvart Landspítalnum sem birtist í orðum formanns fjárlaganefndar. Ég þekki allvel til á Landspítalanum og veit hversu ómakleg ummæli formannsins eru, svo ekki sé dýpra í árinni tekið. Áhyggjuefni þykir mér líka vera einkavæðingaráform Kristjáns Þórs Júlíussonar, heilbrigðisráðherra, í heilbrigðiskerfinu, sem hann greinilega vill að fari fram í kyrrþey. Kristján mætti í fréttir í gær til að játa því aðspurður (að sjálfsögðu), að nú ætti að fara að bjóða út heilsugæslu. Fréttakona spurði hvort slík áform þyrfti ekki að ...

29. Nóvember 2015

PÓLITÍKUSAR OG PAPPÍRSPÍRAMÍDAR

Birtist í helgarblaði Morgunblaðsins 28/29.11.15.
MBL- HAUSINNÍ samfélaginu er nú að myndast stemning fyrir því að hægt sé að útrýma flestum vandamálum með verkfræðilegum lausnum. Svokallað höfrungaghlaup á vinnumarkaði  verði liðin tíð með nýrri tækni við kjarasamninga þar sem allir fallast á það á þjóðarsáttarvísu að launahækkanir verði aldrei meiri en útflutningsgreinar telja sér fært að greiða. Hlegið er að okkur sem fannst höfrungahlaupið á liðnu ári hafi verið til góðs, hrist upp í þjóðfélaginu og lækkað  rostann í atvinnurekendum sem aðeins kunna að hugsa stórt fyrir sjálfa sig. Og nú eru það ríkisfjármálin. Frumvarp um Opinber fjármál nýtur mikillar hylli á Alþingi. Það er klæðskerasaumað af Alþjóðagjaldeyrissjóðnum og bindur í lög að ...

29. Nóvember 2015

STYRKJUM LÖGREGLUNA

Birtist í Fréttablaðinu 28.11.15.
Fréttabladid haus... Þegar hins vegar allt þetta lagðist saman - niðurskurður á niðurskurð ofan þá fór óneitanlega að syrta í álinn. Í ofanálag bættist óánægja lögreglumanna með kjör sín og síðast en ekki síst má ekki gleyma að verkefnin gerðust erfiðari og jafnvel hættulegri. Við þessu þarf að bregðast. En ekki með því að vopna lögregluna í ríkara mæli en þegar er orðið. Lögregla sem sækir styrk í byssuna verður aldrei sterk lögregla. Hún kemur hvorki til með að veita sjálfri sér né þegnum þessa lands það öryggi sem við sækjumst eftir ...

27. Nóvember 2015

ÁHRIFARÍK LESNING

Gunnlaugur Stefánsson - 2015
Séra Gunnlaugur Stefánsson, prestur í Heydölum og fyrrverandi alþingismaður, birtir í dag áhrifaríka grein um hryðjuverk og viðbrögð við þeim. Greinin birtist í Fréttablaðinu og heitir Hefndin.  Ég leyfi mér að birta greinina hér að neðan og hvetja til að hún sé lesin. Óskandi væri að fleiri hugsuðu á þann veg sem séra Gunnlaugur gerir ...

27. Nóvember 2015

FUNDAĐ Í PARÍS UM LYFJAGLĆPI OG STAĐGÖNGUMĆĐRUN

Lyfja - ráðstefna
Í vikunni sótti ég tvo athyglisverða fundi í París á vegum Evrópuráðsins. Annars vegar var mér boðið að sitja fund um lyfjaglæpi - medicrime - og hins vegar sótti ég fund félagsmálanefndar ráðsins ... Fyrri fundinn sat ég ásamt Einari Magnússyni, sérfræðingi heilbrigðisráðuneytisins í lyfjamálum, en hann gegnir mikilvægu hlutverki sem formaður starfsnefndar Evrópuráðsins ... Á fundinum ...kom fjöldi sérfræðinga til að fjalla um glæpi sem eru í því fólgnir að selja sjúklingum falslyf sem hafa engan lækningamátt en geta þvert á móti valdið...alvarlegum skaða. Þess eru dæmi að seld hafa verið sprautulyf  sem ...

21. Nóvember 2015

FRAMTÍĐARSAGNFRĆĐI BJARNA

Birtist í DV 20.11.15.
DV - LÓGÓ... Á þennan veg hafa rök Bjarna Benediktssonar, fjármálaráðherra legið og þannig munu þau hljóða þegar grynnkar í gjaldeyrisforðanum. Allt hefði farið vel ef almenningur, og þá sérstaklega meintur óábyrgur hluti verkalýðshreyfingarinnar, hefði ekki klúðrað málum. Minnumst þessara yfirlýsinga þegar höftin verða framlengd, að gömmunum löngu flognum úr laupum sínum ...

20. Nóvember 2015

FERĐAKOSTNAĐUR: UM GAGNSĆI OG INNIHALD

Birtist í Fréttablaðinu 19.11.15.
FB logoFréttablaðið óskaði nýlega eftir að fá að vita um ferðir alþingismanna til útlanda og greiðslur til þeirra sem fara í slíkar ferðir og í kjölfarið fjallaði blaðið um efnið og kom ég þar á meðal annarra við sögu. Ég er þeirrar skoðunar að útgjöld hins opinbera eigi að vera nákvæmlega þetta: Opinber ... Fréttablaðið er svolítið í spillingargírnum í nálgun sinni varðandi ferðakostnað alþingismanna. Fréttamaður segir sínar farir ekki sléttar í viðureign sinni við Alþingi ...

20. Nóvember 2015

RĆTT UM HRYĐJUVERK Á RÚV

RÚV - LÓGÓÉg var gestur í morgunútvarpsþætti Óðins Jónssonar á RÚV í morgun. Til umræðu voru hryðjuverkin í París og viðbrögð við þeim bæði erlendis og hér heima. Við enduðum samræðu okkar á því að fjalla um óskir sem fram hefðu komið frá íslensku lögreglunni um að fá stðuðning til að vígbúast langt umfram það sem nú er. Varaði ég eindregið við því að verða við slíkum óskum. Yfirlit yfir umræðurnar er að finna hér ...

18. Nóvember 2015

HROSSAKAUP Á ALŢINGI

Hrossakaup 2015
Augljós hrossakaup eiga sér nú stað á Alþingi. Utanríkisráðherra keyrir fram af miklu kappi umdeilt frumvarp um Þróunarsamvinnustofnun. Sjálfstæðisflokkurinn er frumvarpinu andvígur og hefur hann sterk rök fyrir andstöðu sinni, sem hann deilir með allri stjórnarandstöðunni. Sjálfstæðisflokkurinn hefur hins vegar ákveðið að láta utanríkisráðherrann fá sínu framgengt í skiptum fyrir stuðning við frumvarp sem Sjálfstæðisflokknum er hugleikið, en það er frumvarp um Opinber fjármál. Frumvarp um Opinber fjármál er upphaflega runnið undan rifjum Alþjóðagjaldeyrissjóðsins og er ...

17. Nóvember 2015

VARASÖM VANAHUGSUN Í ÖRYGGISMÁLUM!

nató - 380
Gunnar Bragi Sveinsson, utanríkisráðherra,  talaði í dag fyrir nýrri öryggisstefnu Íslands. þar er gert ráð fyrir  því að grundvöllur slíkrar stefnu verði áframhaldandi NATÓ aðild og „varnarsamningurinn" við Bandaríkin.
Dapurlegt er til þess að hugsa að enn skuli horft til fortíðar til að tryggja öryggishagsmuni Íslands; að við skulum enn vilja bindast tryggðarböndum, á grundvelli hernaðarhagsmuna, ríkjum heims sem reynst hafa drottnunargjörn á heimsvísu með afbrigðum og svo ásælin í auðlindir annarra ríkja að ...

15. Nóvember 2015

ÁHUGAVERĐ VARA?

Birtist í helgarblaði Morgunblaðsins 14./15.11.15.
MBL- HAUSINN... Ég hlustaði á ágætt viðtal við forstjóra Landsvirkjunar í útvarpi í vikunni. Hann var upprifinn yfir heimsókn Camerons, forsætisráðherra Breta, sem hafði lýst áhuga á sæstreng til að flytja raforku frá Íslandi til Bretlands. Aldrei hafði það gerst svo forstjórinn vissi, að forsætisráðherra stórþjóðar hefði sýnt tiltekinni vöru svona mikinn áhuga. „Varan" var rafmagnið en kennitalan óljós. Við vitum nefnilega ekki hvaðan ætlunin er að sækja „vöruna".  Án efa í einhvern mjög grænan valkost. Ég hefði áhyggjur héti ég Goðafoss ... Rammaáætlun ... gerði kleift að taka ákvörðun um virkjanir á „faglegum" forsendum ... Guðfaðir rammaáætlunar, Hjörleifur Guttormsson, náttúrufræðingur og fyrrverandi þingmaður , hefur bent á takmörk  þessa afkvæmis síns. Segir það til lítils nýtt, láti menn undir höfuð leggjast að spyrja  til hvers eigi að virkja og hversu mikið ...

14. Nóvember 2015

ÁRNA STEINARS MINNST

Árni Steinar Jóhannsson... Ef ég ætti að lýsa Árna Steinari Jóhannssyni með einu orði myndi ég velja lýsingarorðið skemmtilegur.  Árni Steinar var með allra skemmtilegustu mönnum sem ég hef kynnst á lífsleiðinni. Frásagnargáfu hans var viðbrugðið.  Venjulegir og að jafnaði heldur óspennandi  atburðir, fundir og ferðalög, urðu að litríkum og stórskemmtilegum ævintýrum í frásögn Árna Steinars. Reyndar varð allt skemmtilegt í hans návist en ekki versnaði það í vel kryddaðri frásögn að hætti sagnameistarans. Árni Steinar skar sig úr hópnum enda ekki gefinn fyrir að fara troðnar slóðir. Hann stendur mér fyrir hugskotssjónum  á skjannahvítri skyrtu og með bindi, svellfínn  á frakkanum og gljáfægðum skóm,  þegar við hin ...

13. Nóvember 2015

HJÁ DÓMARAFÉLAGI ÍSLANDS

Dómarafélagið
Dómarafélag Íslands bauð mér að ávarpa aðalfund félagsins sem formaður Stjórnskipunar- og eftirliitsnefndar Alþingis  ... Formaður félagsins, Skúli Magnússon ... flutti athyglisverða ræðu um dómskerfið og boðaðar breytingar á því ... Hvatti hann til vandaðra vinnubragða og að þær breytingar á kerfinu sem ráðist yrði í þyrfti að hugsa alveg til enda ... Ólöf Nordal, tók í reynd undir með Skúla Magnússyni að þessu leyti... Reimar Pétursson, formaður Lögmannafélags Íslands flutti ræðu sem mér þótti bæði skemmtileg og vekjandi ... Ég kunni að meta hve eindregið hann talaði fyrir mildi í dómum og vitnaði í ýmsa heimspekinga máli sínu til stuðnings. Nietzsche hefði jú sagt að í baráttunni við skrímslin yrðum við að gæta okkar á því að verða ekki sjálf að skrímslum .... Erindi mitt náði ekki þessari dýpt en er eftirfarandi...

12. Nóvember 2015

SJÁLFSTĆĐISFLOKKURINN SLĆR FYRRI MET

XD - taka 2
... En Guðalugur Þór Þórðarson, þingmaður Sjálfstæðisflokksins, var ekki einn um að brillera sl þriðjudag. Það gerði leiðarahöfundur Morgunblaðsins líka. Ég hvet alla til að nálgast þennan leiðara þó ekki væri nema til að kynna sér hverjum hæðum unnt er að ná í firringu hugans. Það verður að vísu að segjast að í ferðalagi  leiðarhöfundar víða um völl er ymprað á ýmsum áhugaverðum þáttum enda segist höfundur vilja „upp úr hjólförunum". Það tekst þó ekki betur en svo að þegar hann fjallar um framtíð bankakerfisins á forsendum viðskiptavina fremur en fjárfesta, að hann steinliggur í því hjólfari sem hann segist vilja upp úr  ...

10. Nóvember 2015

ŢJÓĐIN VILL EKKI TVÖFALT HEILBRIGĐISKERFI

Bylgjan - í bítið 989
Í morgunþætti Bylgjunnar átti ég í morgun orðastað við formann Samtaka fyrirtækja í heilbrigðisþjónustu, Stefán Matthíasson,  um tvöfalt heilbrigðiskerfi. Stefán telur slíkt kerfi ekki vera í fæðingu en ég er því mjög ósammála.
Tvöfalt heilbrigðiskerfi væri í fullkominni mótsögn við margstaðfestan vilja þjóðarinnar í ítrekuðum könnunum...

7. Nóvember 2015

FLAUTUM OG HRINGJUM Á EINELTISDAGINN

Birtist í Fréttablaðinu 06.11.15.
Fréttabladid hausUndanfarin ár höfum við undirrituð sameiginlega sent frá okkur yfirlýsingu í tilefni af alþjóðlegum degi gegn einelti, 8. nóvember. Tildrög þessa er samstarf sem við áttum á árinu 2009 þegar annað okkar var heilbrigðisráðherra en hitt aktívisti sem beitti sér fyrir aðgerðum gegn einelti, þar á meðal að komið yrði á markvissu samstarfi milli ráðuneyta um að takast á við eineltisvandann í skólum, á vinnustöðum og í þjóðfélaginu. Samráðshópur varð til og síðar var fagráð sett á laggirnar, sem án efa hefur haft þýðingu málefninu til framdráttar. Ef leitað er eftir samanburði aftur í tímann leikur enginn vafi að ...

6. Nóvember 2015

TIL STUĐNINGS HJÚKRUNARFRĆĐINGI

Héraðsdómur Reykjavíkur lógó... Tvennt er óskandi að gerist í þessu máli: Í fyrsta lagi, úr því sem komið er, að hjúkrunarfræðingurinn verði sýknaður. Í öðru lagi að málið verði ekki fordæmisgefandi að því leyti að íslenska réttarkerfið haldi innreið sína í heilbrigðiskerfið með þessum hætti. Þegar eitthvað fer alvarlega úrskeiðis á sjúkrahúsi er það yfirleitt vegna samverkandi þátta sem sjúkraúsinu ber að taka á en ekki réttarkerfinu með fangelsunum eða hótunum um fangelsi og sektir. Það er ranglátt og líka óskynsamlegt því það getur haft afleitar afleiðingar ... 

1. Nóvember 2015

VERĐUM AĐ FÁ FRAM AFSTÖĐU HVERS EINASTA ŢINGMANNS!

Alþingi - nov 2015
Ríkisstjórnarflokkarnir og helstu fjölmiðlar landsins hafa nú hafið stórsókn gegn Ríkisútvarpinu. Fjölmiðlar í eigu stórfyrirtækja og fjármálamanna krefjast þess að RÚV verði skorið niður við trog. Þetta eru sömu stjórnmálaflokkar og gerðu Ríkisútvarpið að hlutafélagi illu heilli og sömu fjölmiðlar og alltaf hafa viljað sitja einir að auglýsingamarkaði. Það sem breyst hefur frá því að Ríkisútvarpið var ohf-vætt er að Framsóknarflokkurinn er nú kominn í lið með frjálshyggjumönnum sem vilja að peningaöflin ráði öllum fjölmiðlum í landinu ... Annað hættumerki ...

1. Nóvember 2015

SUMIR SÉRHAGSMUNIR MEIRA SÉR EN AĐRIR

Birtist í helgarblaði Morgunblaðsins 31/10.01/11.
MBL -- HAUSINN...Þessir hagsmunir skarast iðulega við persónulega hagsmuni stjórnmálamannanna sjálfra. Augljóst er að þingmenn og bæjarfulltrúar greiða skatta, kaupa bensín á bílinn, aka á vegunum, nota heilbrigðisþjónustuna og borga af húsnæðis- og námslánum. Um þessa skörun er ekkert nema gott eitt að segja. Varla vildum við þingmenn eða bæjarfulltrúa sem væru geymdir í formalíni, með öllu ótengdir umhverfi sínu ... Ekki heillar sú sýn. Betra að vettvangur ákvarðana sé lifandi og vel tengdur lýðræðislegum naflastrengjum út í þjóðfélagið. Það þýðir ekki sátt við sérhagsmunapot. En ef við gefum okkur

1. Nóvember 2015

HRYĐJUVERKARÍKI RÁĐA RÁĐUM SÍNUM

Sýrland 2015
... Fregnir frá Sýrlandi herma að árásir Rússa á andstæðinga Assads séu illvígar með afbrigðum, árásir á sjúkrahús og aðrar viðkvæmar stöðvar. Bandarikjamenn eru sagðir ekki hótinu betri í árásum sínum og hefur Bandaríkjastjórn  leikið tveim skjöldum í borgarastríðinu í Sýrlandi  frá því það hófst að ógleymdum drónaárásum í Jemen, Afganistan og víðar. Það veldur ónotum að heyra forsvarsmenn Bandaríkjanna og Rússlands tala um baráttu sína gegn hryðjuverkum án minnsta votts um sjálfsgagnrýni ... En nánast allt er til þess vinnandi nú að blóðbaðið og villimennskan í Sýrlandi verði stöðvuð þótt illt sé til þess að hugsa að það verði á forsendum hryðjuverkaríkja.

30. Október 2015

GUĐBJARTUR HANNESSON

Guðbjartur Hannesson okt 2015Aldrei hef ég hitt mann sem ekki talaði af hlýju um Guðbjart Hannesson. Ekki svo að skilja að skoðanir hans hafi verið óumdeildar. Það voru þær ekki - sem betur fer! En maðurinn sem bar þær fram var hins vegar hvers manns huglúfi. Þess vegna syrgja allir fráfall þess góða drengs eftir stutta en erfiða glímu hans við óvæginn sjúkdóm. Alltaf gátu menn vitað hvar þeir höfðu Guðbjart og þeir voru ófáir sem fengu að reyna góðvilja hans, ekki síst úr röðum þeirra sem á einhvern hátt áttu við erfiðleika að stríða ...

26. Október 2015

LÁTUM ŢAU EKKI STELA FRÁ OKKUR NÁTTÚRUDJÁSNUM

Gjaldtaka af ferðamönnum - alþ 2015
... Ég hvet fólk til að leggja það á sig að kynna sér umræðuna. RÚV sagði ágætlega frá þessu í fréttum 22. október... Það breytir því þó ekki að umræðan um einkavæðingu nátturunnar er álíka fjörug í íslenskum fjölmiðlum og hún var þegar Alþingi samþykkti kvótalögin á sínum tíma. Í niðurlgasorðum mínum óskaði ég rukkurunum til hamingju með fótgönguliða sína á Alþingi en hvatti almenning til að rísa upp og koma í veg fyrir að náttúrudjásnum Íslands yrði stolið! ...

18. Október 2015

HEILBRIGĐISRÁĐHERRA GETUR EKKI ŢAGAĐ LENGUR

Áfengi í verslanir - KÞJ
Undanfarnar tvær vikur, eftir að frumvarp um að færa áfengisverslun inn á almennar matvöruverslanir kom til umræðu á Alþingi, hefur þráfaldlega, verið óskað eftir því að heilbrigðisráðherrann, Kristján Þór Júlíusson, mæti í þingsal til að skýra adstöðu sína til málsins ...Nú hefur Jón Snorri Ásgeirsson skrifað beinskeytta grein hér á síðuna þar sem heilbrigðisráðherra er harðlega gagnrýndur: "Hvernig sem þetta mál er vaxið hljóta menn að velta því fyrir sér hvort er framar í forgangsröðinni hjá ráðherranum, hollustan við Sjálfstæðisflokkinn eða skyldutilfinningin gagnvart embættinu sem hann gegnir." ...  Ég fæ ekki annað séð en heilbrigðisráðherra verði að svara þessari gagnrýni á opinberum vettvangi ...

18. Október 2015

FORSETINN Á LOF SKILIĐ!

Artic 2015 - Ólafur Ragnar
Forseti Íslands, Ólafur Ragnar Grímsson, á lof skilið fyrir Arctic Circle ráðstefnuna um málefni norðurslóða sem nú er orðin árlegur viðburður. Stjórnmálamenn og vísindamenn líta orðið á þessa ráðstefnu hér á landi sem eins konar kjölfestuviðburð í umræðu um málefnið. Þegar ég ræddi við ráðstefnugesti gladdi það mig að heyra tóninn í fulltrúum sem sjálfir raunverulega koma frá norðurslóðum. Þeim finnst sér sómi sýndur á ráðstefnunni og hafa sérstaklega haft á því orð. Með þessu ráðstefnuhaldi minnir Ólafur Ragnar Grímsson á hvers hann er megnugur á umræðutorgi alþjóðastjórnmála ... 

18. Október 2015

LEĐIN TIL ÁNAUĐAR

Birtist í helgarblaði Morgunblaðisins 17/18.10.16.
MBL -- HAUSINNÍ bók sinni, Leiðin til ánauðar, Der Weg zur Knechtschaft, gerði höfundurinn Friedrich Hayek tilraun til að skilgreina hvers vegna frjálsmarkaðshugsun öndverðrar 19. aldar hefði smám saman hneigst til ríkisafskipta....Mörgum þykir þessi dómur sanngjarn og réttmætur. Ég tel hann boða ill tíðindi enda áfangi á framangreindri braut. Hann færir náttúruna og nýtingu hennar fastar en áður undir einkaeignarrétt og ekki nóg með það, geirnegld verður nú inn í þankagang allra hlutaðeigandi, ábatahugsun. Því meira sem verður virkjað þeim mun meira hagnast handhafi eignarréttarins.  Þessari  arðs- og rentuhugsun er nú verið að koma fyrir í öllum okkar lögum og ef til vill í Stjórnarskrá líka. Þar vilja menn krefja ... 

18. Október 2015

HVERNIG GERUM VIĐ ŢAĐ BJARNI?

Bjarni ben - 2015Bjarni Benediktsson, fjármálaráðherra, lýsir því yfir opinberlega að tryggja verði að til verkfalla komi ekki aftur hjá hinu opinbera! Tryggja verði ferli sem útiloki verkfallahrinu eins og þá sem nú hefur riðið yfir. Undarlegt að menn semji ekki um slíkt fyrirkomulag hið fyrsta, sbr. viðtal á vísi.is.... Síðan kann ég illa við hótunartón þegar lífeyrismálin eru annars vegar. Hvað á fjármálaráðherra við þegar hann segir það vera „skilyrði að ...samtali um endurbætur á lífeyriskerfinu ljúki"? Skilyrði fyrir hverju? Ég gæti sagt margar slíkar „hótunarsögur" frá ferli mínum sem

17. Október 2015

STYĐJUM BSRB FÉLÖGIN!

DV - LÓGÓBirtist í DV 16.1015.
Ekki minnist ég þess að BSRB hafi reynt að leggja stein í götu þeirra sem heyja verkfallsbaráttu. Ekki á þann hátt sem forysta Alþýðusambands Íslands gerir nú gagnvart aðildarfélögum BSRB sem þessa stundina standa í erfiðri baráttu. Á fyrsta degi verkfalls SFR og Sjúkraliðafélags Íslands, til að knýja á um sameiginlegar kröfur félagsmanna sinna og Landssambands lögreglumanna, er þeim sendur tónninn! Hástöfum kallar forseti ASÍ úr ræðupúlti að BSRB hafi yfirgefið „samræmda launastefnu" verkalýðshreyfingarinnar og hagfræðingur sambandsins segir um aðra opinbera starfsmenn að „þeir séu algerlega á annarri plánetu í launaþróun.."  Samræmda launaþróunin, sem þarna er vísað til, lýtur að því að ...

13. Október 2015

ÍSLENSKT BRAUTRYĐJENDASTARF

Birtist í Morgunblaðinu 12.10.15.
MBL- HAUSINNHeldur er ég feimnari við það nú en fyrir hrun, þegar Íslendingar berja sér á brjóst og miklast af eigin ágæti. Hins  vegar er ástæða til að hafa orð á því þegar aðrir hrósa okkur fyrir það sem talið er hafa verið vel gert hér á landi og þeim sjálfum mikilvæg fyrirmynd. Í starfi mínu sem ráðherra og alþingismaður hef ég ítrekað hlustað á það þegar farið er  lofsamlegum orðum um framlag Íslendinga til réttinda barna. Er þá einkum horft til starfs Barnaverndarstofu og Barnahússins sérstaklega.Nú síðast á þingi Evrópuráðsins í Strasbourg, sem fram fór um síðustu mánaðamót var framlag Íslands gert að umræðuefni á fundi félagsmálanefndar Evrópuráðsins. Þingkona frá Kýpur sagði ...

12. Október 2015

VILJA BANNA RÍKINU AĐ ANNAST VÍNSÖLU

Vínbúðin - okt 2015...Ekki vekur það furðu mína að Sjálfstæðisflokkurinn standi vörð um verslunarhagsmuni framar þjóðarhag. Undarlegt þykir mér hins vegar að fylgjast með Pírötum og sumum (sem betur fer ekki öllum) þingmönnum Bjartrar framtíðar tala máli  viðskiptafrelsis á kostnað samfélagsins, nú þegar til stendur að banna samfélaginu með lögum að hafa þann hátt á dreifingarmáta áfengis, sem best þjónar lýðheilsu, neytendahagsmunum og hagsmunum ríkissjóðs. Frjálshyggjukredda úr þessari átt er þeim mun undarlegri þegar haft er í huga að ...

11. Október 2015

GRIMMDARVERK Í TYRKLANDI

Ankara - okt 15
Fróðlegt hefur verið að fylgjast með fréttum af fjöldamorðunum í Ankara í gær þegar að minnsta kosti 95 létu lífið og mörg hundruð særðust í sprengjuárásum... Ekki veit ég hversu sanngjarnt það er að áfellast íslenska fjölmiðla sem byggja fréttir sínar á fréttaskeytum stóru alþjóðlegu fréttastofanna sem hafa sitt fólk á vettvangi. En einhvers staðar kemur ótrúleg hlutdrægni inn í flestar frásagnir frá Tyrklandi þessa dagana ...

10. Október 2015

ÓSANNGJARNT GAGNVART ÁRNA PÁLI!

Árni PállMikil dramatík er nú - sem stundum fyrr - út af drögunum að nýrri stjórnarskrá, sem lágu fyrir Alþingi í lok síðasta kjörtímabils. Í auglýsingu fyrir nýja heimildarmynd um Jóhönnu Sigurðardóttur, fyrrverandi forsætisráðherra, segir hún Árna Pál Árnason, sem tók við formennsku í Samfylkingunni úr hennar hendi í lok síðasta kjörtímabils, bera ábyrgð á að málið náði ekki fram að ganga. Í auglýsingunni sem klippt var út úr heimildarmyndinni kemur líka fram að þingflokkur VG hafi talið rétt að láta málið liggja... Staðreyndirnar eru þessar: ...

9. Október 2015

ÁFANGASIGUR Í GJALDTÖKUMÁLI

Geysir - okt 2015
... Ragnheiði Elínu Árnadóttur, ferðamálaráðherra, greinilega meira annt um hag fjárheimtumanna en almannahagsmuni. Það er afstaða sem er ekki með öllu óþekkt í þeim stjórnmálaflokki sem hún heyrir til.
Meginmáli skiptir að almenningur reyni að stöðva gjaldheimtuæði Sjálfsæðisflokksins. Handlangarar flokksins á Alþingi vinna að því hörðum höndum að gera þennan fallega hólma okkar hér norður í hafi að að ófýsilegri féþúfu. Dapurlegt er að forsvarsmenn ferðaþjónustunnar séu málsvarar þessar stefnu. Hafði vonast til að þeir gætu skriðið upp úr eigin peningabuddu og hugsað stórt en ekki smátt í þessu mikla hagsmunamáli þjóðarinnar. Við stöndum nefnilega á tímamótum. Á að láta  ...

8. Október 2015

ŢEGAR GUMĐUNDUR KOM Í MUNAĐARNES

Birtist í Fréttablaðinu 07.10.15.
Fréttabladid hausÞetta greinarkorn fjallar um heimsókn hins mikla baráttumanns fyrir réttindum fatlaðs fólks, Guðmundar Magnússonar, í Munaðarnes fyrir allmörgum árum. Greinin fjallar þó fyrst og fremst  um boðaða nýja byggingareglugerð um afnám kvaða. Ég var formaður BSRB á þessum tíma og jafnframt í forsvari fyrir orlofsbyggðir bandalagsins. Við höfðum þá nýlokið við að gera eitt sumarhúsanna ... Við vorum nokkuð góð með okkur þegar við opnuðum nýuppgerða húsið en Guðmundi, sem góðum félaga og manni sem þekkti erfiðleikana frá fyrstu hendi, hafði verið boðið að taka þátt í fögnuðinum. Ég hélt ræðu og hann hélt ræðu ...

8. Október 2015

DENIS HEALEY KVEĐUR

Denid heaely
... „The best Prime Minister we never had" ( Besti forsætisráðherrann sem aldrei varð), er heiti á bók um Denis Healey og segir sína sögu um viðhorfin til hans.
Sjálfur kynntist ég Denis Healey úr fjarlægð á námsárum mínum í Bretlandi. Í október 2011, gafst mér síðan færi á að eiga við hann samtal á heimili hans á Suður-Englandi. Þessi stund með þessum síunga öldungi, sem hafði frá mörgu skemmtilegu og fræðandi að segja af langri og litríkri ævi, er mér eftirminnileg. Sjá hér :

7. Október 2015

MJALTAMENN

Mjaltir
...Viðskiptahluti Fréttablaðsins, Markaðurinn, birtir viðtal  við Gísla Hauksson, forstjóra fjárfestingafélagsins GAMMA ... Það er eins gott að hafa sína menn til hagsmunagæslu í ríkisstjórn! Um það snýst málið: Hagsmuni! ... Og nú er farið að kortleggja hvar sé að finna ábatasöm verkefni ... Hvers vegna reynir þessi tegund „athafnamanna" ekki að skapa eitthvað nýtt í stað þess að setjast við mjaltir á ríkis- og sveitarsjóðum, eða notendum almannaþjónustu í þeim tilvikum þar sem fjármögnun verður soguð upp úr vösum þeirra í formi „notendagjalda." ... Svo þykist Sjálfstæðisflokkurinn vera andvígur álögum á almenning! Það eru þeir sjálfstæðismenn alla vega ekki, sem ...

7. Október 2015

TIL HAMINGJU ÍSLAND!

Kristján Þór Júlíusson - okt. 2015
Þær fréttir sem bárust í morgun, að öllum þeim sem smitast hafa af Lifrabólgu C, muni nú bjóðast meðferð á þeim lyfjum sem sannast hefur að geti læknað sjúkdóminn, eru stórfréttir og jafnframt stórkostlegar fréttir. Ég tek undir með Kristjáni Þór Júlíussyni, heilbrigðisráðherra, í viðtali á mbl.is, að samstarfsverkeni íslenska heilbrigðiskerfisins við hlutaðeigandi lyfjafyrirtæki er gríðarlega mik­il­vægt, meiri­hátt­ar for­varn­ar- og lýðheilsu­verk­efni ... Stærsti ávinn­ing­ur­inn er ekki í krón­um og aur­um, stærsti ávinn­ing­ur­inn er hjá því fólki sem þjá­ist af þess­um sjúk­dómi ...."

5. Október 2015

ÍSLANDS AĐ GÓĐU GETIĐ Í STRASBOURG

Barnahúsið... Í þessum umræðum benti þingkona frá Kýpur á að í vikunni hefði verið ákveðið að setja á fót á Kýpur Barnahús að fyrirmynd Íslendinga. Hefði sérfræðingur frá Íslandi haft afgerandi áhrif á að þessi ákvörðun var tekin. Þar mun hafa verið á ferðinni Bragi Guðbrandsson, sem er formaður svokallaðrar Lanzerote nefndar Evrópuráðsins en hún fjallar sérstaklega um þetta málasvið. Þetta minnir á hve miklu uppbyggilegt samstarf þjóða í millum getur skilað og að Íslendingar geta verið veitendur en ekki aðeins þiggjendur! Reyndar er það ekki aðeins á Kýpur sem Barnahúsið á Íslandi er fyrirmynd. Víða um lönd hefur slíkt fyrirkomulag verið tekið upp að íslenskri fyrirmynd, og stöðugt berast fréttir af nýjum Barnahúsum, sbr. þessar upplýsingar frá Litháen ... 

4. Október 2015

FESTINA LENTE

Birtist í helgarblaði Morgunblaðsins 03/04.10.15.
MBL -- HAUSINNÉg er ekki heimsins mesti hófsemdarmaður. Fjarri því. Þó finnst mér hófsemi  eftirsóknarverð. Ekki síst fyrir litla þjóð í litlu landi. Vandi Íslendinga er að vera aldrei alveg vissir um hvort þeir eru 330 þúsund eða 330 milljónir. Hallast heldur að hinu síðara og vilja vera bestir í heimi og stærstir. En gæti verið að það sé gott að búa í litlu fallegu og fámennu landi? Ég er á því. Heyri hins vegar marga tala í gagnstæða átt. Jafnvel að Íslendingar geti ekki orðið þjóð á meðal þjóða fyrr en þeir eru orðnir að minnsta kosti milljón talsins.  Á fundi í Hörpu heyrði ég einu sinni erlenda  hagfræðinga gera upp efnahagshrunið. Einn þeirra sagði að Íslendingar ...

30. September 2015

FLÓTTAMENN OG LYFJAMÁL Á EVRÓPURÁĐSŢINGI

evrópuráðsþing spt 2015 - 3
Þessa viku sit ég þing Evrópuráðsins í Strasbourg ... Mál málanna hefur verið flóttamannastraumurinn til Evrópu. Thorbjörn Jagland, aðalritari Evrópuráðsins, opnaði umræðuna ásamt Lauru Boldrini, forseta fulltrúadeildar ítalska þingsins. Boldrini kallaði á endurmat á öllu regluverki Evrópuríkja hvað varðar flóttamenn og Jagland hvatti til samstöðu um lausn vandans. Hann minnti á að árið 1956 hefðu  á örskömmum tíma  200 þúsund flóttamenn komið til Austurríkis frá Ungverjalandi og á jafnskömmum tíma hefði verið hægt að greiða götu þeirra til annarra ríkja þar sem ... Niðurstaðan var sú að hvetja til skuldbindandi kvótaskiptingar og jafnframt að til yrði ný skilgreining: „evrópskur flóttamaður", sem nyti réttinda sem slíkur þótt hann flytti á milli landa ... 

25. September 2015

AUKIĐ FRELSI TIL AĐ RÁĐA OG REKA

VH og GÞÞ
Formaður og varaformaður fjárlaganefndar Alþingis, Vigdís Hauksdóttir og Guðlaugur Þór Þórðarson, hafa lagt fram þingmál sem hefur það markmið að veikja réttarstöðu opinberra starfsmanna þannig að auðveldara verði að ráða og reka. Segjast þau vilja komast með opinbera vinnumarkaðinn nær því sem tíðkast hjá einkafyrirtækjum. Til að gera málstað sinn trúverðugri hafa þau sagt í fréttum að þau séu að svara ákalli Ríkisendurskoðnar ...

25. September 2015

SNIĐGANGAN TIL UMRĆĐU Á STÖĐ 2 OG ÚTVARPI SÖGU

Ísland í dag og Saga
Hin umdeilda ákvörðun borgarstjórnar Reykjavíkur að falla frá fyrri samþykkt um sniðgöngu á vörum frá Ísrael var til umræðu í þættinum Ísland í dag á Stöð tvö í gær en ég tók ég þátt í þessum umæðrum.Í þættinum var rætt um áhrifamátt viðskiptabanns sem baráttutækis og vorum við minnt á hliðstæður frá fyrri tíð, og þá helst viðskiptabannið sem sett var á Suður-Afríku á sínum tíma.
Umræðan er hér

23. September 2015

ŢINGMAĐURINN OG PÁFINN

Birtist í Fréttablaðinu 22.09.15.
FB logoÞingmaðurinn sem vísað er til í fyrirsögninni er Frosti Sigurjónsson. Og páfinn er Franciscus, sá sem nú situr í Róm. Þannig að þetta greinarkorn fjallar um þá Frosta og Franciscus. Nú veit ég ekki hve margt þessir tveir eiga sameiginlegt. En vissulega þó eitt: Báðir hafa talað fyrir breyttu banka- og peningakerfi ... Svo er Frosti sjálfur reynslumikill bisnissmaður og fyrrum stjórnarmaður í Verslunarráðinu. Þar var gullkálfurinn oftar en ekki í hávegum hafður. En þótt Frosti Sigurjónsson kunni að vera málsvari frjálsrar samkeppni, þá hefur hann ...

22. September 2015

OPINN FUNDUR MEĐ UMBOĐSMANNI ALŢINGIS

Stjórnskipunar og eftirlitsn 2015 sept
... Ekki ætla ég að tíunda hér í þaula umræðuefni fundarins en nefna umhugsunarvert atriði sem fram kom hjá umboðsmanni, nefnilega að stjórnsýslan sé, að hans mati, verr í stakk búin en fyrr á tíð að taka þátt í norrænu samstarfi;  tengslin við hinn „norræna menningarheim" væru að rofna með yngstu kynslóð starfsmanna Stjórnarráðsins. Þetta væri bagalegt, sagði umboðsmaður, m.a. vegna þess að ...

20. September 2015

ŢYNGRA EN TÁRUM TAKI

Birtist í helgarblaði Morgunblaðsins 19/20.09.15.
MBL- HAUSINNÞað er gott kaffið á Segafredo í Leifsstöð og starfsfólkið hjálplegt og þægilegt. Svipað viðmót og á Kaffitári, fyrirtækinu frá Reykjanesbæ, sem áður þjónustaði kaffiþyrsta í Leifsstöð. Það var áður en þjónustustarfsemin var öll stokkuð upp, að sögn af erlendu ráðgjafafyrirtæki, sem hafði fengið það verkefni að gera Leifsstöð nútímalega íslenska flugstöð, með áherslu á íslenska. Leifsstöð átti að verða íslenskari en nokkru sinni. Ef ég man rétt þá voru þessi ...

20. September 2015

VEL HEPPNUĐ TILLAGA BJARKAR

Strákur og hermaður
Tillaga Bjarkar Vilhelmsdóttur um að Reykjavíkurborg sniðgangi vörur frá Ísrael meðan hernám Ísraelsríkis á landsvæði Palestínumanna varir" er mjög vel heppnuð að öðru leyti en því að stjórnendur Reykjavíkurborgar virðast ekki búa yfir hugrekki og úthaldi til að fylgja samþykktinni eftir. Viðbrögðin í Ísrael og víða erlendis veru ágætur mælikvarði á mikilvægi þessarar samþykktar. Fyrir Ísrael skiptir sniðganga Reykjavíkurborgar á ísraelskum vörum engu máli ein og sér. En samþykktin gæti orðið smitandi ... Borgarstjóri segist vilja endurskpoða afstöðu sína og hverfa frá stuðningi við tillögu Bjarkar. Ég skora á hann að endurkoða hug sinn enn! 

20. September 2015

JEREMY CORBYN: FULLTRÚI HÓFSEMI OG SKYNSEMI

Birtist í DV 19.09.15.
DV - LÓGÓLangt er síðan annar eins hófsemdarmaður hefur komist í fremstu víglínu breskra stjórnmála og nýkjörinn formaður Verkamannaflokksins, Jeremy Corbyn. Hann hefur verið sjálfum sér samkvæmur þótt flokkur hans hafi á síðasta hálfum öðrum áratug hneigst til  stefnu bæði í innanríkismálum og utanríkismálum sem að mínu mati er mjög öfgafull ... Ég hef hlustað á menn sem koma fram í nafni „stjórnmálafræðinnar" í fjölmiðlum og útmála Corbyn sem öfgamann án þess að þurfa að færa rök fyrir því í hverju meintar öfgar felist. Í þá veru talaði til dæmis einn slíkur fræðingur, varaþingmaður Samfylkingarinnar, í hádegisfréttum Ríkisútvarpsins fyrir fáeinum dögum og bætti því við að í ...

17. September 2015

SÉRVALIĐ SIĐGĆĐI

Birtist í Morgunblaðinu 17.09.15.
MBL- HAUSINNMargir fara mikinn í réttlætingu á refsiðagerðum gagnvart Rússum. Sitthvað er tínt til. Talað er um „grundvallarsiðgæði" sem aldrei skuli hvikað frá - og alls ekki undir nokkrum kringumstæðum megi láta veraldlega hagsmuni villa sér sýn, til dæmis þegar í húfi sé að koma afurðum á markað. Gott og vel. Erum við tilbúin að gera það? ... Á fjósbitanum fitna nú ýmsir. Harðlínuöfl styrkjast og hergagnaiðnaðurinn fagnar hátíð í bæ. Allt þetta er í góðu samræmi við áherslur ríkisstjórnar Íslands því í skýrslu utanríkisráðherrans  um utanríkismál sem rædd var á Alþingi í mars sl., kemur fram ...

16. September 2015

GÓĐ VERKLOK BJARKAR

Björk Vilhelmsdottir
... Ekki var ég sáttur við yfirlýsingar Bjarkar Vilhelmsdóttur, fráfarandi borgarfulltrúa, um nauðsynlegt  „spark í rassinn" á mörgum þeim sem leita til félagsþjónustunnar. En þeim mun ánægðari var ég með svohljóðandi tillögu hennar í borgarstjórn Reykjavíkur um Palestínu: Borgarstjórn samþykkir að fela skrifstofu borgarstjóra í samvinnu við Innkaupadeild Reykjavíkurborgar að undirbúa og útfæra sniðgöngu Reykjavíkurborgar á ísraelskar vörur meðan hernám Ísraelsríkis á landsvæði Palestínumanna varir."Tillagan var samþykkt og er hún ...

16. September 2015

KASTLJÓS Á LOF SKILIĐ!

Kastljós 1
Kastljós Sjónvarpsins fer vel af stað og eiga aðstandendur þessa mikilvæga fréttaskýringarþáttar Ríkisútvarpsins  hrós og lof skilið fyrir umfjöllun sína um málefni flóttamanna. Þátturinn á mánudag var upplýsandi, lifandi og áhrifaríkur. Svona eiga fréttaskýringarþættir að vera: Fréttamaður á vettvangi, upplýsingar reiddar fram og brotnar til mergjar og síðast en ekki síst, þau sem málefnið brennur á til staðar. Hið síðastnefnda var áhrifaríkast, viðtölin ...

14. September 2015

Á AĐ FÁ SJÁLFAN SKAĐVALDINN AFTUR Á MIĐNESHEIĐINA?

USA - árásarflugvél
Á vefnum,  DEMOCRACY NOW (LÝÐRÆÐI NÚNA), sem er bandarískur fjölmiðill á netinu og öldum ljósvakans er viðtal við Annette Groth, þingkonu Die Linke, Vinstra flokksins í Þýskalandi ... Annette Groth er atkvæðamikill þingmaður í heimalandi sínu og öflugur málsvari mannréttinda ... Í viðtalinu á Democracy Now er hún ómyrk í máli. Spurt er hver sé orsök þessa grýðarlega straums flóttamanna og svarið er þetta:  "Það er stríð, hryðjuverk, og það eru fyrri stjórnvöld í Bandaríkjunum sem bera höfuðábyrgð,  It is war, it is terror, and it is the former U.S. government who is accountable for it." ...  það er náttúrlega með ólíkindum ef rétt er, að íslensk stjórnvöld svo mikið sem hugleiði þann  valkost að fá sjálfan skaðvald númer eitt til að snúa aftur! ...

14. September 2015

GUĐMUNDAR BJÖRNSSONAR MINNNST Á ALŢINGI

Guðmundur landl 2Einar K. Guðfinnsson, forseti Alþingis minntist þess í dag að hundrað ár eru liðin frá því að sett voru ný þingskaparlög á Alþingi en verkstjórn um gerð laganna var á hendi Guðmundar Björnssonar, alþingismanns sem jafnframt var landlæknir. Guðmundur Björnsson var merkur maður og forgöngumaður um ýmis framfaramál  á sinni tíð, allt frá vatnsveitumálum í Reykjavík, stofnun Slysavarnafélags Íslands og nýjunga á sviði heilbrigðismála. Það var vel til fundið hjá forseta Alþingis, að minnast Guðmundar Björnssonar sérstaklega ...

13. September 2015

ŢARF AĐ ŢJÓĐNÝTA NÁTTÚRUPERLUR?

Námaskarð 1
... og norðan heiða segir „verkefnisstjóri" sem óvart er jafnframt landeigandi að svo gæti farið að loka verði við Leirhnjúk fái landeigendur ekki að rukka ...  Ferðamálaráðherrann lætur þetta allt viðgangast og gengur reyndar lengra og blessar athæfið og þar með ríkisstjórnin öll. Auðvitað á að framfylgja lögunum í landinu og taka fyrir óheimila gjaldtöku. Og ef gengið er á almannarétt hljótum við að íhuga þjóðnýtingu náttúruperla. Auðvitað eru þær almannaeign í þeim skilningi að náttúran er okkar allra að njóta. Og ef náttúruperlurnar eru misnotaðar í hagnaðarskyni í krafti einkaeignarréttar ...

12. September 2015

JEREMY CORBYN: MAĐUR MEĐ SANNFĆRINGU

Jeremy corbyn
Jeremy Corbyn vann yfirburðasigur í formannskjöri í breska Verkamannaflokknum. Lýkur þar með vonandi langri eyðimerkurgöngu flokksins um lendur tækifærisstjórnmála og þjónkun við fjármálavald og markaðshyggju. Verkamannaflokkurinn hefur vissulega setið að kjötkötlunum í Whitehall en svo samgróinn varð hann peningavaldi og hernaðarhyggju við þá katla í stjórnartíð Blairs og Browns að iðulega var erfitt að greina á milli forystumanna Verkamannaflokksins og svo aftur hægri mannanna í Íhaldsflokknum breska. Sagt er að Margareth Thatcher hafi haft  ...

12. September 2015

OPINBERAĐ Í PARÍS

Revelation 4
... Svo skemmtilega vildi til að á sama tíma voru opnaðar tvær listasýningar, annars vegar sýning á verkum Errós og hins vegar stór hönnunar- og handverkssýning undir heitinu, Révélations, Opinberanir og gafst tækifæri til að skoða báðar þessar sýningar. Ekki þarf að fjölyrða um hve mikillar virðingar og vinsælda Erró nýtur og sýning á verkum hans því jafnan viðburður. Révélations voru opinberanir að sönnu en sú sýning var  í Grand Palais, rúmlega aldargamalli sýningarhöll í miðborg Parísar, en sýningin sem er samstarfsverkni margra þjóða, vakti mikla og mjög verðskuldaða athygli. Íselnsku listamennirnir voru í sameiginlegum sýningarbás allra Norðurlandanna. Þar var margt frábærlega vel gert og gleðiefni að sjá hve góða listamenn við eigum á ...

10. September 2015

EVRÓPSKUR FLÓTTAMANNAPASSI?

Flóttamenn -
... Þarna eru með öðrum orðum komnar fram tvær hugmyndir um að dreifa byrðum: a) Kvótaskipting á einhverjum forsendum, til dæmis með hliðsjón af fólksfjölda og  b) Opnun inn í alla Evrópu með tilkomu flóttamannapassa. ...Þá var hlýtt á fulltrúa frá mannréttindsamtökum flytja hrikalega skýrslu um Gaza svæðið sem er hluti af hersetinni  Palestínu ...Á fundinum voru fulltrúar Ísraels og Palestínu. Til umhugsunar er sú staðhæfing Palestínumannsins að kannanir bentu til þess að yrðu landamæri Gaza opnuð myndi helmingur íbúanna vilja flytja úr landi og þá að öllum líkindum norður á bóginn, til Evrópu ... Það er nefnilega samhengi á milli yfirgangs og ofbeldis annars vegar og flóttamanna-vandans hins vegar. NATÓ, BNA og ESB,  skiljið þið það?...

9. September 2015

MAKKAĐ MEĐ MILLJARĐA Í BOĐI ALŢINGIS

Birtist í DV 08.09.15.
DV - LÓGÓ... Hlýtur það að vera umhugsunarefni því varla á það að geta gerst að Alþingi samþykki lög sem þingheimur skilur ekki til fulls - einfaldlega vegna þess að ekki eru öll kurl komin til grafar -  og eiga auk þess leynt að fara! Það tók ekki núverandi stjórnarmeirihluta, sem var stjórnarandstaðan á síðasta kjörtímabili, langan tíma að gleyma Icesave lagafrumvarpinu sem gagnrýnt var á svipuðum forsendum: Ógagnsæi, leyndarhyggju, að ógleymdum utanaðkomandi þrýstingi sem beitt var til að keyra það mál áfram ... Hjáleiðin veitir Seðlabankanum ígildi skattlagningarvalds því ...

6. September 2015

MĆLISTIKA FRAMFARA: SAMKEPPNI EĐA SAMVINNA?

Mælistika framfara - markaðshyggja
...Nýlega sagði vefmiðillinn Eyjan frá ákvörðun forstjóra Símans sem sögð var mjög til framfara. Hún gekk út á að stjórnendur og fleiri starfsmenn Símans verði fléttaðir inn í bónus- og eignafyrirkomulag fyrirtækisins. ...  Þá var litið á það sem gríðarlegan sigur að fá lífeyrissjóði inn í eignarhaldið, að ekki sé minnst á erlent fjármagn sem hingað kemur til að sækja arð í eigin vasa. Vantar Símann pening? Eða liggur mönnum á að koma arðinum úr landi? Væru það framfarir? Auðvitað eru þetta engar framfarir, heldur afturför. Sama afturförin og fólgin er í því að erlendir braskarar byggja nú hótel á Hörpureitnum undir óskijanlegum fagnaðarlátum ...

6. September 2015

ŢÚ ERT FÍFL!

MBL- HAUSINN... Sumir stjórnmálamenn standa utan skotlínu. Það eru þau sem hafa litlar skoðanir, annað en að segja að margt sé í mörgu og allt þurfi skoðunar við;  umræða sé góð og þá alls konar umræða og að  flest sé til farsældar ef við bara spjöllum sem mest saman á netinu góða. Netið verður þannig markmið í sjálfu sér. Stór hluti þjóðarinnar telur netið meira að segja vera sjálfan kjarna stjórnmálanna ef marka má skoðanakannanir.  Auðvitað er það sjónarmið að vilja fylkja sér um tæknilegt samskiptaform og auðvitað má segja  að umræða um ekki neitt á hinum eftirsótta miðli sé skaðlaus og óþarfi að amast við henni. Verra er þegar reynt er að kæfa þá sem þar vilja taka þátt og hafa eitthvað  ...

4. September 2015

ESB ER SPENNUVALDUR

Grikkland - mótmæli
Nú vitum við -sem alltaf mátti vita  - að refsivendinum yrði beitt gegn fátækustu ríkjunum, einsog Grikkjum! Hinir ríku refsa með öðrum orðum hinum fátæku . Í Grikklandi  er vaxandi andúð á Þjóðverjum, ríkustu þjóðinni innnan ESB. Og í Grikklandi er vaxandi andúð á þjóðverjum. Og takið eftir, ´ég vísa í þjóðir, ekki bara ríkisstjórnir. Það er ills viti. Evrópusambandið er þar með orðið spennuvaldur en ekki fyrirkomulag sem dregur úr spennu einsog lagt var upp með ...

28. Ágúst 2015

HELGI H. JÓNSSON KVADDUR

Helgi H. JónssonHelgi H. Jónsson, fyrrum fréttamaður er látinn. Við vorum þremennigar að frændsemi þar sem afi minn og amma hans voru systkini, ættuð norðan frá Torfalæk í Húnavatnssýslu. Það voru þó ekki ættartengslin sem leiddu til kynna okkar heldur Ríkisútvarpið, sem um árabil var sameiginlegur samstarfsvettvangur okkar. Á síðustu árum höfum við haft nokkur samskipti þar sem ég kynntist vel hjálpseminni og velviljanum sem bjó með þessum frænda mínum. Eftirfarandi minningarorð birtust í Morgunblaðinu í dag ...

23. Ágúst 2015

LEIĐSÖGUMAĐURINN

Birtist í helgarblaði Morgunblaðsins 22/23.08.15.
MBL- HAUSINN... Það fór nefnilega svo - eða þannig heyrði ég söguna-, að svo kyngimögnuð hafi frásögn leiðsögukonunnar verið, að ferðalangarnir urðu hreinlega uppnumdir og kváðust aldrei hafa komið til eins heillandi og spennandi lands og Íslands. Höfðu þeir þó ekkert séð! ... Það fylgdi sögunni að minningin lifi enn í huga hinna ítölsku ferðalanga. Aðra litla sögu kann ég um mikilvægi leiðsögumannsins. Hún er frá í sumar. Við erum stödd í Víkingasafninu í Reykjanesbæ. Þar er að finna skipið sem hagleikssmiðurinn Gunnar Marel smíðaði og sigldi, ásamt áhöfn sinni,  þöndum seglum alla leið til Vesturheims ... Leiðsögumaður kemur í safnið með hóp bandarískra ferðamanna. Þar eru á ferð verkfræðimenntaðir ...

18. Ágúst 2015

ALTARISTAFLAN Á ÓLAFSVÖLLUM OG AFREKSVERK STEFÁNS STERKA

Altaristafla - Ólafsvellir
Altaristafla listmálarans Baltasars í kirkjunni á Ólafsvöllum á Skeiðum er mögnuð. Myndin sýnir síðustu kvöldmáltíð Krists með lærisveinum - og fleirum. Tuttugustu-aldar manninum Baltasar hefur greinilega fundist ófært að hafa ekki konur með á myndinni ... En það magnaða við töfluna er hvernig samtíminn, og þar með kirkjugesturinn á Ólafsvöllum, rennur inn í heim Biblíunnar ... Við vorum komin að Ólafsvöllum til að sjá eigin augum Prestsskurðinn, sem svo er nefndur, en það er rúmlega kílómeters langur handgrafinn(!) áveituskurður sem séra Stefán Stephensen, prestur á Ólafsvöllum, 1864 til 1885, lét grafa. Sjálfur mun hann reyndar hafa gengið harðast fram í greftrinum. Enginn, sem sér þennan ...

16. Ágúst 2015

EKKI KENNA NATÓ-FYLGISPEKT VIĐ LÝĐRĆĐI!

Nató - Vopn
...Í febrúar 2014 var lýðræðislega kjörinn forseti í Úkraínu settur af með valdi. Hann þótti andsnúinn ESB og hallur undir Rússa.Bandarísk yfirvöld voru staðin að verki um bein afskipti, m.aað vilja handvelja leiðitaman eftirmann ...Fasísk öfl voru gerendur í valdaráninu og eru enn.Eftir hrun Sovétkerfisins var Krím-búum hótað valdbeitingu ...Um er fyrst og fremst að ræða hagsmuni hernaðar og fjármagns.En hvað skyldu þessihagsmunaöfl þurfa að gera til að fylgjendum NATÓ og ESB þætti ástæða fyrir Ísland að rjúfa samstöðuna;„rjúfa samstöðu lýðræðisþjóðanna"?... Við þessu kann ég ekki svar. En það er þetta sem ég á við þegar ég segist sakna Palme-tímans þegar Svíar rufu slíka samstöðu með því að tala máli mannréttinda ...

15. Ágúst 2015

FYRIR HVAĐ ERU ÍSLENDINGAR AĐ REFSA RÚSSUM?

Birtist í DV 14.08.15.
DV - LÓGÓ... Er það vegna þess að rússnesk stjórnvöld virða ekki lýðréttindi í Rússlandi, til dæmis réttindi samkynhneigðra? Nei, sú er ekki ástæðan. Er það vegna þess að Rússar eru almennt ógnun við grannríki sín? Nei, sú er ekki ástæðan ... Er það þá vegna þess að Rússar hafi haft forgöngu um að steypa lýðræðislega kjörnum stjórnvöldum af stóli þar í landi? Nei, það voru Bandaríkin, Evrópusambandið og NATÓ ... Er það ef til vill vegna uppreisnar aðskilnaðarsinna í austurhluta Úkraínu ...Já, nú við erum að hitna ... Og kannski fyrst og fremst vegna þess að Pútín og félagar innlimuðu í Krímskagann í Rússland? Bingó, rétt svar! Rússland virðir með öðrum orðum ekki rétt landamæri Úkraínu... en vilji íbúanna skiptir engu máli ...

14. Ágúst 2015

FJALLAĐ UM KÚRDA OG PALESTÍNUMENN

Annette Groth - skip...Í vikunni sótti ég tvo mjög áhugaverða fundi annars vegar um Kúrda á mánudag á vegum Róttæka sumarháskólans og hins vegar á vegum Félagsins Ísland-Palestínaá miðvikudagskvöld þar sem þýskur þingmaður sem var um borð í hjálparskipinu Mavi Marmara, sem Ísraelar hertóku þegar reynt var að sigla því til Gaza með nauðsynjar og hjálparstarfsmenn fyrir réttum fimm árum. Þessi för endaði með ósköpum.

13. Ágúst 2015

VILJA REISN Í UMRĆĐUNA EĐA KANNSKI EKKI

Þorbjörn og Vilhjálmur B.
...Þingmaður og fréttamaður hafa gefið upp boltann.Þetta eru þeir Vilhjálmur Bjarnason, þingmaður Sjálfstæðisflokksins og Þorbjörn Þórðarson, fréttamaður ... Nú er það svo að í flestum löndum - og öllum löndum sem við helst viljum bera okkur saman við - er reynt að stuðla að því að fólk, sérstaklega ungviði í uppvexti - neyti heilnæmrar fæðu, drekki t.d. mjólk frekar en kók. Þess vegna styrkjum við neytendur með því að hafa verð á heilnæmri matvöru ekki hærra en svo að þeir geti ráðið við að hafa hana á borðum til daglegrar neyslu ... Og ég mótmæli málflutningi af því tagi sem hér hefur verið vísað til og gengur út á það að koma inn sektarkennd hjá íslenskum bændum ...

11. Ágúst 2015

ÁHUGAVERĐUR FUNDUR Í FRIĐARHÚSI!

Annette Groth
Félagið Ísland-Palestína stendur fyrir áhugaverðum fundi í Friðarhúsinu Njálsgötu 87 (horni Njálsgötu og Snorrabrautar) í Reykjavík, miðvikudaginn 12. ágúst klukkan 20 með þýsku þingkonuninni Annette Groth um stöðu mála í Palestínu og Ísrael. Í fréttatilkynningu frá félaginu segir m.a.: "Fimm ár voru liðin í maí s.l. frá því ísraelskar sérsveitir réðust á friðarskipið Mavi Marmara á alþjóðlegu hafsvæði og drápu níu sjálfboðaliða. Skipið var á leið til Gaza með með hjálpargögn og átti um leið að rjúfa herkvína. Annette Groth var meðal sjálfboðaliðanna um borð. Hún hefur ...

11. Ágúst 2015

SJÁLFSTĆĐISFLOKKURINN TALI SKÝRAR UM EINKAVĆĐINGARÁFORM SÍN

Birtist í Morgunblaðinu 10.08.15.
MBL- HAUSINNÓli Björn Kárason‚ varaþingmaður Sjálfstæðisflokksins, hefur tekið að sér að skýra og eftir atvikum verja stefnu flokks síns í heilbrigðismálum. Það er krefjandi viðfangsefni og greinilega ekki alltaf auðvelt. ... Gríðarlega mikilvægt era ð taka þessa umræðu nú áður en fjárfestar taka til sín stefnumótunarvaldið. Mikilvægt er að gefa sér góðan tíma til að brjóta til mergjar reynslu annarra þjóða. Hvað það varðar að fjármagn fylgi sjúklingi, þá mun það til dæmis vera reynsla margra nágrannaþjóða eða svæða innan þeirra, að slík kerfi krefjist mikillar yfirbyggingar ef ...

9. Ágúst 2015

ÍSLAND ÚR NATÓ!

Birtist í Fréttablaðinu 08.08.15.
Fréttabladid haus... Sprengjutilræði ISIS var beint að kúrdískum ungliðasamtökum sem unnu að undirbúningi uppbyggingar í Kobani. Þrjátíu og tveir létust og yfir eitt hundrað særðust. Í kjölfarið myrtu kúrdískir vígamenn tvo tyrkneska lögreglumenn sem sagðir voru hafa aðstoðað ISIS við ódæðið.  Lögreglumannanna tveggja hefnir nú tyrkneski herinn með loftárásum á Kúrda.  Á sameiginlegu tungumáli Tyrklands og NATÓ heitir það að berjast gegn hryðjuverkum. Öllum sem vilja vita er hins vegar kunnugt um að ...

9. Ágúst 2015

HEFURĐU SPURT LAXINN?

Birtist í helgarblaði Morgunblaðsins 08/09.08.15.
MBL- HAUSINNÁ dögunum skaut bandarískur tannlæknir ljón í Simbabwe. Þetta var vinsælt ljón og ekki farið að reglum við drápið. Síðan hefur tannlæknirinn ekki átt sjö dagana sæla enda með dýraverndunarsamtök heimsins á bakinu. Málið hefur vakið umræðu sem spunnist hefur í margar áttir. Þar á meðal hefur verið fjallað um réttmæti sportveiðimennsku. Á Íslandi skemmta menn sér við veiðar. Þeir eltast við rjúpu á haustin, skjóta hreindýr og gæs, að ógleymdum laxinum og silungnum sem margir veiða sér til ánægju. Svo er það sjóstangaveiðin. Sjálfur þekki ég ánægjuna af henni. Bæði við að draga þann gula úr sjó  í góðum félagsskap undir íslenskum bláhimni og síðan að ...

8. Ágúst 2015

ÍSLAND Í TAUMI ESB OG NATÓ

ól
... Og hver skyldi svo hafa staðið í stafni jafnan þegar refsiðgerðir gegn Rússum bar á góma á þeim bænum annar en utanríkisráðherra Íslands, hinn sami og nú hefur áhyggjur af því að Ísland verði látið gjalda afstöðu sinnar af Rússlands hálfu. Ég hélt að áhyggjuefnið hefði verið að Ísland fengi ekki að vera með í undirbúningi hins nýja kalda stríðs og taka fullan þátt í refsiaðgerðum gegn Rússum! Fundarferðir utanríkisráðherra til Kænugarðs með embættismönnum Evrópusambandsins - utanríkisráðherrar ESB ríkja voru fáir eins tíðir gestir og sá íslenski! - vöktu athygli allra þeirra sem ... 

7. Ágúst 2015

AUGLÝST EFTIR UMRĆĐU - OG MEIRI UMRĆĐU!

Míkrófónar 2
...Einhvers staðar sá ég að greiningardeildir alþjóðlegra fjármálastofnana - þær hinar sömu og vilja setja allt á markað, húsnæðiskerfið, heilbrigðiskerfið, auðlindirnar -  telji enga hættu stafa af nýjabruminu í íslenskum stjórnmálum ...Frjálshyggjumenn fagna að vonum árangri sínum og fyrirsjáanlegum sigrum! Og sigurinn verður þeirra ef við ekki tökum alvöru umræðu um þessi mál, heilbrigðiskerfið, markaðsvæðingu náttúrunnar, nýtingu hennar í þágu stóriðju og fjármálakerfi sem við sjáum nú endurfæðast  í svipaðri mynd og ófreskjan frá 2007. Af nógu er að taka til að ræða og spjalla um.  Vantar bara fleiri spjallara.Eða þarf kannski eitthvað meira ...?

6. Ágúst 2015

AUKIN MIĐSTÝRING OG RÁĐHERRARĆĐI

Birtist í DV 05.08.15.
DV - LÓGÓ... Ástæða þess að þetta frumvarp var mjög í brennidepli í vetur og í vor var sú að með frumvarpinu vildi ríkisstjórnin afla viðkomandi ráðherrum lagaheimildar til að flytja stofnanir að vild landshluta á milli. Sjávarútvegs- og landbúnaðarráðherra vildi flytja Fiskistofu frá Hafnarfirði til Akureyrar, en hafði fengið ákúrur Umboðsmanns Alþingis ... Stjórnarandstaðan hafði gagnrýnt ráðslag ráðherrans ... Eftir miklar umræður í þingsal varð niðurstaðan sú að málið var tekið aftur til nefndar og gekkst varaformaður hennar, Brynjar Níelsson, fyrir breytingu ... Þetta er tvímælalaust til mikilla bóta. Sá hængur er hins vegar á þessari ráðagerð að lögin taka ekki gildi fyrr en með haustinu. Það skýrir réttmæta gagnrýni starfsmanna Fiskistofu. En andi laganna svífur þegar yfir og hlýtur sjávarútvegs- og landbúnaðarráðherra að horfa til þess ... 

6. Ágúst 2015

HEILBRIGĐISKERFIĐ TIL UMRĆĐU Á BYLGJUNNI

Bylgjan - í bítið 989
Í morgun ræddum við Guðlaugur Þór Þórðarson, þingmaður Sjálfstæðisflokksins og fyrrverandi heilbrigðisráðherra, um stefnumarkmið ríkisstjórnarinnar í heilbrigðismálum. Mér þykir augljóst að þar eru að verða straumhvörf en eins og fyrri daginn þegar óvinsæl einkavæðingaráform eru á vinnsluborði Sjálfstæðisflokksins vilja talsmenn hans ekki kannast við eigin stefnu ...

5. Ágúst 2015

ÓLA BIRNI SVARAĐ

Birtist í Morgunblaðinu 04.08.15.
MBL- HAUSINN... Óli Björn Kárason segir að sérstaklega sé mér „illa við" nýja fyrirtækjasamsteypu undir stjórn fyrrverandi bæjarstjóra í „heimabæ Bjarna Benediktssonar", einu „helsta vígi sjálfstæðismanna" svo og formanns stjórnar Fjármálaeftirlitsisns. Það er rétt hjá Óla Birni að ég hef harðlega gagnrýnt áform Ásdísar Höllu Bragadóttur, fyrrverandi bæjarstjóra í Garðabæ og forstjóra BYKO að koma á laggirnar einkarekinni heilbrigðisþjónustu með arðsemi að leiðarljósi. Þá finnst mér vera gagnrýnivert að hagsmunatengdur einstaklingur í fyrirtækjarekstri - og læt ég liggja á milli hluta að viðkomandi er „fjárfestir á velferðarsviði", -   skuli vera settur í forsvar fyrir Fjármálaeftirlitið. Þá hef ég gagnrýnt lífeyrissjóðina ...

4. Ágúst 2015

HVORKI ERDOGAN NÉ NATÓ KOMA Á ÓVART

Kúrdar - árásir á
... Tilefnið var árás ISIS samtakanna innan landamæra Tyrklands þar sem 32 Tyrkir voru drepnir og yfir hundrað særðir. En það voru ekki bara einhverjir Tyrkir ... Fórnarlömbin voru ... flest Kúrdar. Í kjölfarið myrtu kúrdískir skæruliðar tvo tyrkneska lögreglumenn sem þeir sögðu hafa aðstoðað ISIS-morðingjana. Fyrir morðin á lögregluþjónunum segjast Erdogan og félagar vera að hefna með loftárásum á stöðvar Kúrda innan og utan landamæra Tyrklands. Við þessar aðstæður er kallað til fundar 28 aðildarríkja NATÓ, til þess - að því okkur er sagt -  að fá móralskan stuðning við baráttu Tyrklands "gegn hryðjuverkum". Gunnar Bragi Sveinsson, utanríkisráðherra Íslands segir að sjálfsagt sé að styðja við baráttu Tyrkja gegn hryðjuverkum ... 

1. Ágúst 2015

MÁLSVARAR RANGLĆTIS?

Birtist í DV 31.07.15.
DV - LÓGÓ... Ég hef það á tilfinningunni að eldheitum Sjálfstæðismönnum þyki vænt um þennan árstíma. Pólitískt starf  þeirra fær þá inntak og tilgang. Hugsjónir loga. Í ágústmánuði mótmæla þeir af tilfinningahita, vísa í baráttu  "skattadags" þar sem "skattaklukkur" tifa, að ógleymdri baráttunni um skattskrána. Baráttufólkið telur það vera skýlaust  brot á helgum mannréttindum að sýna undir kennitölum kjaramisréttið í landinu ... Reyndar fer minna fyrir skattaklukkunum nú en oft áður og get ég mér þess til að það sé vegna þess að þeim fer fjölgandi sem átta sig á tvískinnungnum sem fólginn er í því að berjast gegn almennum tekjutengdum sköttum en láta óátalið að krabbameinssjúklingur borgi tvö hundruð þúsund á ári í ...

29. Júlí 2015

MISMUNANDI SÝN Á SAMFÉLAGSLEGAN BANKA

Helga og Óli Björn
... Þeim virðist fara fjölgandi sem telja að halda eigi Landsbankanum að fullu í ríkiseigu og reka hann sem samfélagslega ábyrgan banka.  Sjálfur hef ég talað fyrir þessu sjónarmiði, Þorleifur Gunnlaugsson, fyrrum borgarfulltrúi hefur gert slíkt hið sama, vill reyndar að stofnaður verði samfélagsbanki í eigu Reykjavíkurborgar og hefur fært fyrir því góð rök,  Frosti Sigurjónsson, þingmaður Framsóknarflokksins og formaður Efnahags- og viðskiptanefndar Alþingis hefur talað mjög í þessa veru og fleiri mætti nefna og þá ekki síst Helgu Þórðardóttur ... Óli Björn Kárason, varaþingmaður Sjálfstæðisflokksins, afkastamikill maður en ekki nákvæmur að sama skapi,  tekur þveröfugan pól í hæðina  ...

28. Júlí 2015

GEFIĐ FYRIR MARKIĐ

Birtist í Morgunblaðinu 27.07.15.
MBL  - Logo... Leitið og þér munuð finna, er inntakið í grein Sigríðar Á. Andersen sem telur að nú sé einmitt tækifæri til breytinga ...  Sem svar við ákalli Sigríðar er mætt á síður Morgunblaðsins önnur Sigríður. Það er Sigríður Snæbjörnsdóttir, framkvæmdastjóri  nýrrar lækninga- og heilsumiðstöðvar í Ármúla í Reykjavík sem ber nafnið Klíníkin  ... Ríkisstjórnin býður upp á tímamótin og Eva Consortium og Klíníkin upp á tækifærin! ... Sjálfum finnst mér ekkert við það að athuga að læknar og hjúkrunarfæðingar reki einkavædda þjónustu. Það er algerlega þeirra mál svo lengi sem þeir vilja ekki fá peninga frá mér og öðrum skattgreiðendum! Þá viljum við hafa hönd í bagga ...ekki koma til greina að ein einasta króna fari til þess að búa til kerfi mismununar ...

26. Júlí 2015

STARFSFÓLKI ÁTVR HALDIĐ Í ÓVISSU

ÁTVR -2015
...Samkvæmt margítrekuðum skoðanakönnunum er yfirgnæfandi meirihluti þjóðarinnar andvígur því að áfengi sé selt í matvörubúðum og vill halda í það fyrirkomulag sem nú er við lýði. Samkvæmt því sem ég best veit er meirihluti Alþingis einnig andvígur því að fyrirkomulaginu verði breytt í þeim anda sem nokkrir þingmenn hafa gert að hugsjón sinni og baráttumáli, nefnilega að afnema ÁTVR og koma víni í almennar búðir. Ef þetta er rétt, er ítrekuð framlagning þingmáls um þetta efni fyrst og fremst aðferð flutningsmanna til að koma málstað sínum á framfæri við þjóðina og hamra á honum í áróðursskyni. En áhrifin eru víðtækari. Yfirvofandi þingmál hefur nefnilega áhrif á líðan starfsfólks ÁTVR sem fyrir bragðið lifir í óvissu um afdrif starfa sinna ...

26. Júlí 2015

ŢAĐ SEM VEL ER GERT

Birtist í helgarblaði Morgunblaðsins 25/26.07.15.
MBL- HAUSINNTalið er að erlendir ferðamenn færi núorðið hátt í fjögur hundruð milljarða inn í þjóðarbúið á ári hverju. Munar um minna. Með tilkomu þeirra verða til myndarlegir tekjustofnar fyrir ríki og sveitarsjóði og þar með fjármunir til að skapa aðkomumönnum þá aðstöðu sem við viljum vera þekkt fyrir að bjóða uppá eftir öll auglýstu heimboðin til Íslands í fjölmiðlum og á skjáskiltum víðs vegar um heiminn. Það má ekki gleymast að við höfum kallað þetta yfir okkur! Á sumum ferðamannastöðum er aðstaða til mikils sóma.  Annars staðar gæti hún verið betri og sums staðar er hún afleit. Brotalamirnar þarf að ....

25. Júlí 2015

HUGLEIĐINGAR UM HAGSMUNI

Birtist í Fréttablaðinu 24.07.15.
Fréttabladid haus...Skylt dæmi eru leigubílstjórar. Innanríkisráðherra segir að nú sé að renna upp tími þar sem leyfisveitingar heyri sögunni til og frjálsræði og samkeppni ráði ríkjum. Þessu er ákaft fagnað í leiðara Fréttablaðsins 11. júlí sl. en þar segir að í núverandi fyrirkomulagi séu fólgnar „ alvarlegar samkeppnishindranir"  ...  Ég hef fylgst vel með skinun og skúrum í leigubílaresktri á Íslandi í langan tíma og hefur mér oftar en ekki þótt fara saman hagur neytenda og skipulagðrar samvinnu leigubílstjóra  um öryggi og þjónustu. Hvað varðar frelsi í leigubílaakstri þarf einnig að ræða skyldurnar; um það hvernig skuli þjónað vöktunum á jólanótt og þegar lítið sem ekkert er að gera og þar með lítill ávinningur af akstrinum. Og hver ætlar að passa upp á að skemmd epli komist ekki  ...

24. Júlí 2015

MARGRÉTAR BJÖRNSDÓTTUR MINNST

Margrét BjörnsdóttirÍ dag er borin til grafar félagi minn úr verkalýðsbaráttunni til margra ára, Margrét Björnsdóttir frá Neskaupsstað. Í rúman aldarfjórðung var hún formaður Starfsmannafélags Neskaupsstaðar, í stjórn BSRB og ýmsum nefndum og ráðum á vegum bandalagsins. Í minningargrein í Morgunblaðinu í dag minnist ég Margrétar Björnsdóttur fáum orðum ...

22. Júlí 2015

LÍN-BREYTINGAR TIL AĐ SKERĐA OG MIĐSTÝRA

Birtist í Fréttablaðinu 21.07.15.
Fréttabladid hausBoðuð er breyting á Lánasjóði íslenskra námsmanna. Aðferðafræðin veit á hvað koma skal. Hún er þessi:
1) Kalla skal hlutina réttum nöfnum einsog það er orðað. Lán skal heita lán og því aðeins teljast sjálfbært að það sé á sambærilegum kjörum og bjóðast á markaði.
2) Það sem þar stendur út af skal heita styrkur ...
Þar með er boðað fráhvarf frá því kerfi sem hér hefur verið við lýði; kerfi sem byggir á lágum vöxtum og tekjutengdum afborgunum. Er boðuð breyting líkleg til að verða til góðs? Ég leyfi mér að efast um það ef hugsunin er sú, sem mér sýnist vera, að skerða eigi  kerfið almennt sem stuðningskerfi við námsmenn og auka áhrif ríkisins í ákvarðanatöku einstaklinganna hvað varðar námsval þeirra ...

21. Júlí 2015

GJALDTAKA OG GRIKKLAND Á SÖGU

Útvarp saga - lógóNú síðdegis var ég gestur Péturs Gunnlaugssonar  á Útvarpi Sögu og sátum við dágóða stund í spjalli um ýmis efni sem hátt ber í umræðunni þessa dagana. Einkum ræddum við um gjaldtöku á ferðamannastöðum, framvinduna í Grikklandi og innan Evrópusambandsins. Um allt þetta hef ég fjallað nokkuð í blaðagreinum að undanförnu  og einnig hér á síðunni en í spjalli okkar reyndum við að fara í saumana á öllum þessum málum. Slóðin á spjall okkar  ...  

20. Júlí 2015

GRIKKLAND MUN GERA OKKUR RÓTTĆKARI

Grikklland - ÖJ
... Síðastliðinn föstudag fékk ég bréf frá annarri grískri vinkonu minni sem er þingmaður stjórnarflokksins, Syriza. Hún sagði að reiði væri ríkjandi, ekki síst innan Syriza. Mörgum þar fyndist ríkisstjórnin og þar með flokkurinn, hafa gengið alltof langt í undanlátssemi  við evrópska auðvaldið og erindreka þess.  Margir væru reiðir og leiðir. Kannski væri depurð rétta orðið. Ég svaraði því til að dagur komi eftir þennan dag. Grikkir hefðu með framgöngu sinni boðið fjármagninu byrginn ...Ég sagði grísku þingkonunni að á Íslandi væri gamla sagan að endurtaka sig ... Íslenskir félagshyggjumenn væru komnir út í horn. Ég sagðist sannfærður um að þeir ættu eftir að reisa sig að nýju ... Þeir myndu þó ekki rísa úr sinni öskustó nema með miklu trúverðugri framgöngu en þeir hafa sýnt um hríð og að þeir þyrftu að ...

18. Júlí 2015

EVRÓPUSAMBAND GEGN LÝĐRĆĐI

Birtist í DV 17.07.15.
DV - LÓGÓ... Rifjast nú upp hugmyndir ættaðar frá Þýskalandi, að Grikkjum beri að einkavæða hafnirnar sínar, þar á meðal í Píreus, og selja eyjarnar. Menn trúðu því varla þegar Merkel Þýskalandskanslari og aðrir æðstu stjórnmálamenn Þjóðverja orðuðu hugsanir á borð við þessa fyrir fáeinum mánuðum ... Þeir vilja að gríska þingið ábyrgist hugsanlega fjárhagsaðstoð frá ríkjum lánadrottna þeirra með því að setja fimmtíu milljarða evra að veði í ríkiseignum ... Krafan um sölu á ríkiseignum og einkavæðingu stendur auk þess óháð þessu veði. Skyldi einhvern ráma í raddir í Hollandi og Bretlandi um að Íslendingar eigi nóg af fallvötnum og hverum sem hægt sé að nýta til að borga niður Icesave?....

16. Júlí 2015

OG FJÖLMIĐLARNIR DANSA MEĐ

Vopnaleit
Fjölmiðlamenn greina alvarlegir í bragði frá fréttum um að plat-sprengjur hafi komist í gegnum vopnaleit á Keflavíkurflugvelli en þar með er sú hætta fyrir hendi að flugvöllurinn verði skilgreindur „óhreinn"...er eftirlitsiðnaðurinn enn að sækja í sig veðrið og innan Evrópusambandsins er það rætt í fullri alvöru að fara að fylgjast með ferðalögum almennings og skiptast á upplýsingum um ferðir okkar ... Ekkert hefur komið fram sem bendir til þess að rándýr vopnaleit á flugvöllum hafi nokkru sinni komið í veg fyrir hryðjuverk.  Samt láta yfirvöldin um heim allan hafa sig í að taka tannkremstúbur af flugfarþegum og skipa þeim að fara úr skóm og taka af sér buxnabeltin ...

15. Júlí 2015

NEYĐARÁSTAND?

Hægðir á þingvöllum
Þegar menn vilja réttlæta gjaldtöku af ferðamönnum við náttúruperlur Íslands er jafnan gripið til þess ráðs að stórýkja þann vanda sem við stöndum frammi fyrir... Nú er ein hrinan að ganga yfir til að svara gagnrýni á stöðumælagjöld í þjóðgarðinum á Þingvöllum. Þúsundir ferðamanna eru sagðir kastandi þar af sér þvagi og saur um allar koppagrundir,  jafnvel „í rjóðri aftan við Þingvallakirkju." Ekki vil ég gera lítið úr þessum ósómaen heldur ekki of mikið ...Stærsta vandamálið er ekki að við séum ekki að hafa nógu mikla peninga af ferðamönnum heldur hitt að á meðal vor eru of margir gráðugir og ósvífnir aðilar að gera út á vasa hins gestkomandi manns á ósanngjarnan hátt ...

15. Júlí 2015

FYRST ŢINGVELLIR SVO ALLIR HINIR!

Birtist í Fréttablaðinu 14.07.15.
FB logo... Ég vona að Koggu gangi vel og Víkingasafninu og fjölskyldunni á Þorvaldseyri og Síldarminjasafninu á Siglufirði og öllum hinum söfnunum og fólkinu sem er að skapa og selja. Við hin hjálpum þessu fólki með því að sjá fyrir gjaldfrírri grunnþjónustu  ... Formaður atvinnuveganefndar Alþingis lýsti því yfir í vor að hann vildi heimila einkaaðilum að rukka - og sekta -  fyrir bílastæði. Og í Fréttablaðinu í byrjun vikunnar  tekur þjóðgarðsvörður á Þingvöllum undir þetta sama sjónarmið. Haft er eftir honum að rukkun á Þingvöllum sé aðeins byrjunin. Aðrir ferðamannastaðir muni fylgja í kjölfarið og  ....

13. Júlí 2015

TVÖ MINNINGARBROT ÚR VIRKJUNARSÖGU ÍSLANDS

Raflínur
... Deilurnar í þinginu í vor snerust hjá fæstum þingmönnum um hvar þeir teldu ásættanlegt að virkja, það er, hvað þeim sjálfum fyndist. Deilurnar snerust fyrst og fremst um form. Hvort farið væri að lagabókstaf og ítrustu reglum um Rammaáætlun. Deilt var um nokkra virkjunarkosti. Hvammsvirkjun þótti standast formreglur. Þar með mátti vita að örlög Þjórsár á því svæði væru ráðin ... Í þessu samhengi verður einnig að spyrja hvort lögin og reglurnar sem við setjum, í þessu tilviki Rammaáætlun, séu í samræmi við þau markmið sem þeim var ætlað að tryggja. Ekki telur Hjörleifur Guttormsson, guðfaðir Rammaáætlunar, svo vera ef dæma skal af skrifum hans ... 

12. Júlí 2015

MEĐ AUGUM OLGU

Birtist í helgarblaði Morgunblaðsins 11/12.07.15.
MBL- HAUSINNUndanfarna daga hefur grísk vinkona fjölskyldunnar verið gestkomandi á heimili okkar. Tæknin gerði okkur kleift að fylgjast með atburðarásinni í Grikklandi í beinni útsendingu ... Olga sagði okkur að hún fyndi til ákveðinnar samkenndar með Íslendingum ... Þótt samfélögin til forna bæði í Grikklandi og á Íslandi væru mjög stéttskipt þá áttum við okkar Alþingi og Grikkir áttu sinn Períkles og nú eigum við það sameiginlegt að hafa efnt til þjóðaratkvæðagreiðslu um hvernig skuli forgangsraða hagsmunum fjármagnsins annars vegar og mannréttindum hins vegar ... Icesave og þjóðaratkvæðagreiðslan gríska væru vörður inn í framtíðina ...

11. Júlí 2015

FYRST ICESAVE SVO GRIKKLAND

Birtist í DV 10.07.15.
DV - LÓGÓ... Einhverjir kunna að spyrja hvort sá sem lánar öðrum peninga eigi þá engan rétt á því að fá þá aftur í hendur. Jú, sá réttur er fyrir hendi, en ekki á hvaða forsendum sem er. Það skiptir máli hvernig til viðskiptanna var stofnað, hvernig  með féð hefur verið farið, á hvaða kjörum það er lánað og hvernig brugðist er við þegar aðstæður verða öllu kerfinu óhagstæðar ...  Í Grikklandi hefur mjög verið horft til Íslands  ... hvernig þjóðin fékk tækifæri til að segja sinn hug í þjóðaratkvæðagreiðslu. Að því leyti má segja að með  Icesave hafi verið brotið blað ... 

10. Júlí 2015

LEIĐARI FRÉTTABLAĐSINS OG HVATNING HJÖRLEIFS

Birtist í Fréttablaðinu 09.07.15.
Fréttabladid haus...En Rammaáætlun samkvæmt hugmyndum Hjörleifs átti að vera hluti af stærri mynd. Þar var grundvallaratriði að byrja á réttum enda, hve mikið og til hvers. Í greinargerð sem Hjörleifur sendi frá sér fyrir nokkrum misserum segir m.a.: " Gera verður þá kröfu til stjórnvalda að þau áætli það heildarmagn framleiddrar orku sem þau telji nauðsynlegt að afla út frá þjóðhagslegri nauðsyn og með tilliti til alþjóðlegra skuldbindinga ... Á meðan ekkert liggur fyrir í því efni birtist okkur Rammaáætlun sem eins konar „kjörbúð‟ sem hver og einn geti leitað inn í og heimtað sitt í tímans rás. Slíkt fyrirkomulag er ógnun við verndarþáttinn. Sérstaklega blasir þetta við þegar ...

6. Júlí 2015

GRIKKIR HORFA TIL ÍSLANDS

Grikkland - þjóðaratkvæði 2015
Þjóðaratkvæðagreiðlan í Grikklandi er stórmerkileg fyrir margra hluta sakir en merkilegust er hún vegna þeirrar þýðingar sem hún hefur fyrir þróun lýðræðisins. Kosið var um ríkisfjármál og milliríkjasamninga sem er fráhvarf frá því sem kapítalisminn og varðstöðumenn hans telja réttlætanlegt. Icesave var af hinum forboðna toga. Þess vegna hafa Grikkir horft til Íslands. Ég hef verið í hópi þeirra sem hafa verið fengnir til að leggja orð í belg í Grikklandi og gerði ég það með greinaskrifum í aðdraganda kosninganna og stóru viðtali í málgagni stjórnarflokksins, Syriza, nýlega. Lilja Mósesdóttir, fyrrverandi þingmaður og hagfræðingur, hefur og verið í hópi þeirra sem hafa ...

3. Júlí 2015

GÓĐ STEMNING Á ŢINGI

Victory 3
... Nú eru margir fyrrum gagnrýnendur Icesave  komnir í stjórnarmeirihluta og þegja þunnu hljóði þegar leyndarhyggja og ógagnsæi eru í algleymi og þegar Seðlabanka Íslands er veitt ígildi skattlagningarvalds, því starfsmenn hans fá samkvæmt lögunum vald í hendur til að setja puttann upp eða niður, til samþykkis eða synjunar ... Þó er þetta helmingi stærra mál en fjárlög íslenska ríkisins í krónum talið og nú búið að úthýsa framkvæmdinni. Fjölmiðlarnir voru líka í góðu skapi í dag  ...

30. Júní 2015

ALLT UPPÁ BORĐIĐ!

stækkunargler
...  Ég borga tekjuskatt, útsvar og fasteignagjöld. Þetta geri ég möglunarlaust og með ánægju svo lengi sem ég trúi því að skattarnir fari til góðra málefna. Kylfan er látin duga á mig en ekki gulrótin. Mér er ekki boðið upp á neinar samningaviðræður um þessar greiðslur. Þar eru skýrar reglur sem eiga að taka til allra. Ég fæ ekki skilið hvers vegna hið sama á ekki að gilda um kröfuhafa í slitabúin, þ.e. vogunarsjóðina og áhættufjárfestana, ómóralskasta  fjárfestnigarfjármagn sem til er. Auðvitað eiga hrægammarnir  að greiða skatt samkvæmt sömu lögunum. Allir sem einn. Og gleymum því ekki að 39% skattur er ekki hár skattur við þessar aðstæður. Þegar það síðan bætist við að ívilnunarviðræðurnar virðast hafa í för með sér að koma eignarhaldi á bönkunum út fyrir landsteinana og skapa óvissu um stórfellt gjaldeyrisútstreymi ... 

28. Júní 2015

ĆFING Í JAFNAĐARGEĐI

Birtist í helgarblaði Morgunblaðsins 27/28.06.15.
MBL- HAUSINNÞað mun hafa verið fáeinum árum eftir að tvíburaturnarnir í New York voru sprengdir að til Íslands komu fulltrúar frá Evrópulögreglunni að fræða þingmenn um öryggi í flugi. Þeir gáfu lítið fyrir öryggisleit á flugvöllum, sögðu að með einni undantekningu hefði hún, að því best væri vitað, aldrei komið í veg fyrir hryðjuverk. Eina undantekningin, flugfarþegi með sprengju í skósóla hefði verið stoppaður á flugvellinum í Los Angeles en það hafi verið vegna þess að bandarísku lögreglunni hefði verið kunnugt um áform hans og varað við. Það þarf varla að taka fram að hinir evrópsku lögreglumenn voru komnir til Íslands að tala máli forvirkra rannsóknarheimilda. Ef valið stendur á milli þess að ...

21. Júní 2015

FJÁRMÖGNUN LÝĐRĆĐISINS - FUNDING DEMOCRACY

Kanada - ráðstefna
Fyrirsögnin er yfirskrift ráðstefnu sem ég sótti í Ottawa í Kanada þriðjudaginn 16. og miðvikudaginn 17. júní. Ég flutti þar fyrirlestur um Hrunið íslenska og afleiðingar þess. Þar var ég í hópi ræðumanna sem ég þekkti suma hverja vel af afspurn, svo sem Robert Reich, fyrrum vinnumálaráðherra og kopp innarlega í búri hjá Clinton og síðar Obama. Þó ekki nógu innarlega til að hafa eins merkjanleg áhrif í gjörðum þessara forseta og mér býður í grun að hann hefði viljað,  því Reich talar langt langt til vinstri við þessa tvo forseta Bandaríkjanna. Annars talaði Reich fyrst og fremst ... 

20. Júní 2015

TRYGGJA ŢARF FRAMBOĐIĐ EN LÍKA RÉTTLĆTIĐ

Kjaramál BHM
Ríkisstjórnin setti sem kunnugt er lög á verkföll BHM og hjúkrunarfræðinga. Í kjölfarið fréttum við af tíðum uppsögnum. Þær eiga ekki að koma á óvart. Hvorki sjúkrahúsin né aðra starfsemi sem verkfallsfólkið starfar við er hægt að starfrækja án þess. Og án starfseminnar getur samfélagið ekki verið. Fyrst svo er þá taka við önnur lögmál: Lögmál framboðs og eftirspurnar. Þau eru mörgum hægri manninum hugleikin. Eru stjórnvöld ef til vill að sækjast eftir því að virkja lögmál framboðs og eftirspurnar á vinnustöðum? Það væri illa ráðið fyrir alla: Stjórnvöldin og reksturinn, starfsandann og starfsfólkið. Hvað er þá til ráða?....

19. Júní 2015

MERKRA TÍMAMÓTA MINNST

Kosningaréttur kvenna - 100 ár
Fyrir réttum hundrað árum, 18. júní árið 1915, var íslenskum konum tryggt kjörgengi til Alþingis svo og kosningaréttur í þingkosningum. Áður var hann kominn til sögunnar í bæjarstjórnum. Að fullu var kosningaréttur kvenna þó ekki tryggður til jafns við karla fyrr en  árið 1920. Á þessum sömu tímamótum hlaut fátækasti hluti þjóðarinnar einnig kosningarétt en með þeim skilmálum þó, að viðkomandi væri ekki í skuld við sveitarfélag sitt! Fátæktin bitnaði á báðum kynjum en konur einar voru látnar gjalda kynferðis síns. Sú tilhugsun að konur skuli ekki hafa búið við áþekkan rétt og karlar hvað varðar þessi grundvallamannréttindi krefst þess beinlínis að staldrað sé við. Einmitt það hefur verið gert í dag og er það vel ...

Kosningaréttur kvenna kom ekki átakalaust.  Það kostaði mikla baráttu

17. Júní 2015

BARÁTTA BER ALLTAF ÁVÖXT

Birtist í DV 16.06.15.
DV - LÓGÓ... En andstæðingar þessarar hugsunar munu ekki hafa árangur sem erfiði ef við aðeins höfum þolinmæði til að setja tímabundið andstreymi í sögulegt samhengi. Ég er nefnilega sannfærður um að samstaða og barátta ber alltaf ávöxt. Hún geri það  á endanum. Samfélaginu er nú öllu ljóst orðið að gegn kröfum launafólks sem lagði niður vinnu á þriðja mánuð verður ekki staðið til lengdar. Það er aðeins tímaspursmál hvenær orðið verður við kröfum þess ...

11. Júní 2015

KK Á FUNDI FÓLKSINS

KK - tónlistarmaður
Ágætlega mæltist Þeim sem töluðu við opnun „Fundar fólksins" í Norræna húsinu í dag, kynninum,  forstöðumanni Norræna hússins og ráðherra norrænnar samvinnu. Lestina rak Kristján Kristjánsson,  KK, söngvarinn og trúbadorinn ágæti og það liggur við að ég bæti við, heimspekingurinn. KK þekkjum við fyrst og fremst með gítarinn og röddina sem hefur fylgt okkur i gegnum tíðina. Á opnunarhátíðinni „fílósóferaði" hann á áhrifamikinn hátt um fordóma og fordómaleysi og hve mikilvægt það væri að fólk reyndi að ná saman í samræðu og rækta hið góða með sér. Þetta, sagði KK. væri inntakið í hugmundinni að baki „Fundar fólksins" sem efnt er til í Norræna húsinu ...

10. Júní 2015

Á OPINBERI GEIRINN AĐ LÚTA Í GRAS?

Birtist í DV 09.06.15.
DV - LÓGÓÞingmenn, einkum úr stjórnarflokkunum, þótt ekki sé það einhlítt, hafa að undanförnu látið þau orð falla að opinberi geirinn eigi að fylgja samningum sem gerðir eru á almennum vinnumarkaði. Verkfallsréttur til að knýja fram aðrar lausnir eigi varla rétt á sér ... Lítum á þrjár fullyrðingar sem jafnframt er ætlað að vera röksemdir fyrir þessum staðhæfingum ...  Mín niðurstaða er sú að það eigi ekki að vera í hendi sjálftökumanna  í atvinnurekstri , sem jafnframt eru ósvífnustu nirflar landsins þegar kemur að kjörum annarra, að ákvarða launakjör á íslenskum sjúkrahúsum. Vissulega er hægt að ofgera vanmáttugum markaðsfyrirtækjum en mér þykja dæmin sanna að ...

9. Júní 2015

AUKIN MIĐSTÝRING Í STJÓRNARRÁĐI OG STJÓRNSÝSLU

Birtist í Morgunblaðinu 08.06.15.
MBL- HAUSINN... Ég er þeirrar skoðunar að mikilvægt sé að staldra við og ... spyrja hvert stefni þegar allt er lagt saman. Ég fæ ekki betur séð við slíka skoðun, að þegar á heildina er liitið stefni í aukið ráðherraræði og aukna miðstýringu á kostnað löggjafans ... Á síðasta kjörtímabili var sett á laggirnar nefnd til að gera tillögur um umbætur ... Árið 2011 leit síðan dagsins ljós stjórnarfrumvarp ... Þar kom í ljós á hvern hátt stuðla mætti að samhæfingu  og „samheldni" innan ríkisstjórna. Gleymum því ekki að þetta gerist á sama tíma og vinsælt var að tala um ketti og kattasmölun svo vísað sé í orðfæri þáverandi forsætisráðherra ... Nú á því herrans ári, 2015 er þáverandi stjórnarandstaða, núverandi stjórnarmeirihluti að leggja til svipaða hugsun ...

7. Júní 2015

HEMSMET Í SKATTAHĆKKUNUM : GOTT EF SATT ER

Ríkisstjórn Jóhönnu
Allt er á sínum stað í gamalkunnri tilveru. Viðskiptaráð býsnast yfir skattahækkunum í tíð síðustu ríkisstjórnar og Staksteinar Morgunblaðsins taka undir og kalla þetta heimsmet í skattahækkunum. Það er vissulega rétt að umtalsverðar breytingar voru gerðar á skattkerfinu í tíð síðustu ríkisstjórnar og eru þær á meðal verka þeirrar stjórnar sem við getum verið einna stoltust af. Markmiðið var þetta: Grípa til ráðstafana sem hlutfallslega léttu skattabyrðum af lágtekjufólki en þyngdu þær á hinum aflögufæru.  Auðlegðarskatturinn var dæmi þar um. Núverandi ríkisstjórn hefur gagnstæð markmið og enda hefur hún sett í forgang að létta sköttum af hátekjufólki. Afnám auðlegðarskatts er dæmi þar um. Margoft hefur komið fram að Viðskiptaráði og Staksteinum þykir núverandi ríkisstjórnin hafa sett sér góð markmið en vera of sein til verka. En væri ef til vill ráð að ...

7. Júní 2015

FRAMFARIR

Birtist í helgarblaði Morgunblaðsins 06.06.15.
MBL- HAUSINNFyrir fáeinum dögum ók ég um Grímsnesið með drasl á kerru sem ætlað var til förgunar. Eitthvað hafði óhönduglega tekist til við fráganginn þannig að heljarmikill plastpoki fauk af kerrunni  einhvers staðar í grennd við gjaldheimtuskúrinn í Kerinu. Ekki uppgötvaði ég þetta þó fyrr en á leiðarenda. Konu minni var ekki skemmt og næst þegar ekið var um þessar slóðir var rýnt mjög eftir plastpokanum sem var auðkennanlegur. Og viti menn. Þarna var hann, bíllinn stoppaður, náð í pokann og honum í kjölfarið komið í förgun. Málið hafði fengið farsælar lyktir. Þessi litla saga varð mér að umhugsunarefni um þá miklu ... 

4. Júní 2015

HRÚTAR: VERĐSKULDUĐ VERĐLAUN Í CANNES

Hrútar - kvikmynd
Ég veit varla hvort voru fallegri fegurðardísirnar eða karlpeningurinn sem á gat að líta í kvikmyndinni sem ég sá í gær.
Alla vega hef ég sjaldan séð fallegri ær og gimbur og þá voru hrútarnir ekki síður föngulegir og flottir. Kvikmyndin er að sjálfsögðu Hrútar Gríms Hákonarsonar, tileinkuð Unni Stefánsdóttur, móður hans. Það var fallegt. Heiti myndarinnar vísar til verðlaunahrúta í eigu tveggja bræðra sem bjuggu á tveimur samliggjandi bæjum á skiptri jörð. Þeir höfðu ekki talast við í fjörutíu ár. Titillinn gæti þess vegna átt við um þá. Myndin er mikið íslensk og þótti mér hún um margt minna á frábæra mynd Benedikts Erlingssonar, Hross í oss. Gráglettinn húmor út í gegn. En undir ...

2. Júní 2015

ÓLAFUR SVARAR ŢÓRÓLFI

Óli Þ. - Þórólfur Matt
... Þórólfi Matthíassyni, prófessor í hagfræði við Háskóla Íslands, mislíkaði pistill sem ég skrifaði í helgarblað Morgunblaðsins fyrir skömmu  um mismunandi vægi atkvæða við rektorskjör og færi vægið eftir prófgráðum. Þórólfur vildi vita hvort það væri ekki örugglega rétt sem fram hafði komið hjá Ólafi Þ. Harðarsyni, prófessor í stjórnmálafræði og álitsgjafa í fjölmiðlum um nýafstaðið rektorskjör, að atkvæði þeirra starfsmanna háskólans sem væru án háskólagráðu hefði þegar upp er staðið haft meira vægi en atkvæði hinna sem hefðu háskólamenntun. Hinu gagnstæða hefði ég haldið fram. Þórólfur beindi því spurningu um þetta efni til Vísindavefs Háskóla Íslands ...

30. Maí 2015

HEFĐARRÉTTUR TIL ŢÚSUND ÁRA

Auðlindir íslands
Þegar til stóð á síðasta kjörtímabili að setja gjald á veiðar umfram það sem kvótahafar gátu sætt sig við var kveðið upp ramakvein mikið og fram á völlinn þustu þeir sjálfir og talsmenn þeirra hrópandi: SKERÐIÐ EKKI EIGNARRÉTTINN! Nær heilagleikanum töldu menn sig ekki komast.Í grein sem Kári skrifar hér á síðuna fjallar hann um kvótakerfið með tilliti til einkaeignarréttar, hefðarréttar og mátar kerfið síðan inn í lagaumhverfi ESB ... Að mínum dómi er réttur þjóðarinnar til sameignar á auðlindum lands og sjávar ótvíræður og verður ekki af henni tekinn. Þessi réttur er okkar allra eðli máls samkvæmt óháð því hvað einstaklingum hefur í rás sögunnar tekist að hrifsa til sín... Ef hins vegar út í það er farið að skoða myndun einkaeignarréttar í ljósi löggjafar og hefðar sem kynni að hafa myndast á allra síðustu árum þá ber okkur að hafa hliðsjón af aldagamalli sögu ...  Ég hvet alla til að lesa frábæra grein Kára! ...

30. Maí 2015

JÓN VILL AĐ ÓSKAR FÁI AĐ SEKTA!

Birtist í DV 29.05.15.
DV - LÓGÓ ... En Jón Gunnarsson er ekki af baki dottinn. Nú er hann kominn fram með nýja hugmynd um gjaldtöku. Samkvæmt henni er ekki nóg með að einkaaðilar fái heimild til að rukka heldur mega þeir samkvæmt hugmynd  hans líka sekta ...Jón Gunnarsson opnaði sig um þessa nýju gjaldheimtuhugmynd Sjálfstæðisflokksins í vikunni og vék hann í máli sínu sérstaklega að Geysissvæðinu og Kerinu í Grímsnesi ... Hvað þýðir þetta? Þetta þýðir að Óskar Magnússon, sem í trássi við lög og undir blaktandi þjóðfánanum, hefur rukkað ferðamenn um aðgang að Kerinu,  á nú í ofanálag að fá leyfi til að krefjast gjalds fyrir að fólk leggi bílum sínum á bílastæðin sem Vegagerðin hefur útbúið ...

29. Maí 2015

EKKI LYFJAAUGLÝSINGAR Í SJÓNVARP!

Paratabs
Fyrir Alþingi liggur nú frumvarp sem kveður á um lögleiðingu sjónvarpsauglýsinga um lausalyf. Þetta er fyrst og fremst sagt vera samræmingarmál því slíkar auglýsingar séu heimilaðar í prentmiðlum. En í þágu hverra er verið að samræma? Framleiðenda og söluaðila? Auglýsingamiðla? Neytenda? Varla þeirra síðastnefndu ... Sjónvarpsauglýsingar eru að jafnaði hughrifsauglýsingar. Oft vitum við ekki fyrr en undir lok sjónvarpsauglýsingar hvað verið er að auglýsa. Bankar sýna okkur glatt og ánægt fólk en segja okkur sjaldnar frá afborgunarskilmálum. Við fáum að vita að fólki líði vel af drykkju tiltekinnar kaffitegundar. Þannig yrði það líka með lyfin ... Sjónvarpsáróður fyrir auknu pilluáti er ekki það sem við þurfum á að halda ... 

26. Maí 2015

TVEIR MENN UM EITT MARKMIĐ

Mobutu og Jón
Mobutu Sese Seko og Jón Gunnarsson eiga fátt sameiginlegt. Annar var forseti, lengst af einræðisherra, Afríkuríkisins Kongo (sem hann í forsetatíð sinni nefndi Zaire) frá 1965 til 1997. Jón Gunnarsson er hins vegar sem kunnugt er, þingmaður Sjálfstæðisflokksins og formaður Atvinnu- og nýsköpunarnefndar Alþingis. En þótt fátt sé sameiginlegt með þessum tveimur mönnum má þó nefna eitt, það er hve fundvísir þeir eru á leiðir til að hygla skjólstæðingum sínum ... Orðfærið er í samræmi við gjaldheimtuáhuga Sjálfstæðisflokksins í seinni tíð. ... „Með bílastæðaleiðnni fengju þessir aðilar heimild til að innheimta bílastæðagjöld og sekta með sama hætti og bílastæðasjóðirnir."...

25. Maí 2015

FLUGVALLARRANNSÓKNIR ÚT Í LOFTIĐ

Flugvöllur út í loftið
... Þessi ákvörðun var tekin þvert á samkomulag sem ég hafði áður gert sem innanríkisráðherra en það fól það í sér að Reykjavíkurflugvöllur yrði, í það minnsta enn um sinn, í Vatnsmýrinni eða svo lengi að forsendur væru fyrir því að ráðast þegar í stað í að reisa þar nýja flugstöð. Ástæðan fyrir því að hin nýja nefnd var sett á laggirnar var augljóslega að hnekkja fyrra samkomulagi enda borgaryfirvöld staðráðin í því að ... Nefndin hefur þegar kostað tæpar 35 milljónir „án vsk" en enn eiga eftir koma inn reikningar m.a. fyrir ógerðar „formlegar veðurmælingar" á Skerjafirðinum ...

25. Maí 2015

SKROKKALDA

Birtist í helgarblaði Morgunblaðsins 23/24.05.15.
MBL- HAUSINNÁ Alþingi hafa nú staðið deilur um það hvort taka eigi tiltekna virkjunarkosti og setja þá í svokallaðan nýtingarflokk Rammaáætlunar. Þingmenn hafa deilt um lögformleg ferli í þessu sambandi en minna um einstaka virkjanir. Þetta er fullkomlega eðlilegt því fara ber að lögum. Virkjanirnar sem um er að ræða eru Urriðafoss, Hvamms- og Holtavirkjun í Þjórsá, Hagavatn við Langjökul og Skrokkalda á ofanverðu vatnsvæði Þjórsár. Og Skrokkalda var það sem leiðarhöfundur Morgunblaðsins gerði nýlega að umfjöllunarefni á eftirminnilegan hátt. Spurt var hve margir þingmanna  ...

25. Maí 2015

MISSKIPTING OG BARNAHÚS RĆDD Í FÉLAGSMÁLANEFND EVRÓPURÁĐSINS

Farell small
Sl. þriðjudag og miðvikudag sat ég fund Félagsmála- og heilbrigðisnefndar Evrópuráðsins en hann fór fram í Chisinau, höfuðborg Moldóvu. Þangað var skemmtilegt og fróðlegt að koma en ekki síður var fundurinn áhugaverður og lærdómsríkur ... Þessi umfjöllun fléttaðist inn í umræðu um evrópsk velferðarkerfi og skýrslu þar að lútandi og einnig um tillögu sem er í smíðum um aðgerðaáætlun. Þar er spurt hvort setja eigi lög um lágmarkslaun - í stað þess að stefna að því að öllum einstaklingum verði tryggð lágmarksframfærlsa. Á þessu tvennu er grundvallarmunur ...Síðari dag fundarins í Chisinau  var að uppistöðu til rætt um ofbeldi gagnvart börnum og vitundarvakningu sem Evrópuráðið hefur staðið fyrir um málefnið undanfarin fimm ár. ... Á fundinum var okkur sagt að nú væri verið að stofna Barnahús í Chisinau, höfuðborg Moldovu að íslenskri fyrirmynd  ...

24. Maí 2015

ÓŢARFA HÓGVĆRĐ RÍKISÚTVARPSINS

rúv - hús
Þegar þau leggja saman Andrés Björnsson, fyrrverandi útvarpsstjóri, séra Gunnar Kristjánsson, fyrrum prófastur á Reynivöllum í Kjós, Þuríður Pálsdóttir óperusöngkona, Gunnar Stefánsson, dagskrárgerðarmaður hjá Ríkisútvarpinu til áratuga og Matthías Johannessen, skáld og fyrrverandi ritstjóri, þá er varla við örðu að búast en eðalefni. Þess vegna þótti mér Ríkisútvarpið óþarflega hógvært í kynningu á nýjum þætti Gunnars Stefánssonar um Matthías sem var á dagksrá á hvítasunnudag ...

22. Maí 2015

ÁSMUNDUR EINAR OG MEINTAR BROTALAMIR

ÁSmundur Einar... Tilefni þessara vangaveltna á opinberum vettvangi eru staðhæfingar um að Ásmundur Einar hafi kastað upp vegna ölvunar um borð í flugvél á leið til Bandaríkjanna. Nokkrir fjölmiðlar hafa útmálað þetta á dramafenginn hátt ... Vitnisburður velviljaðra ferðafélaga kemur heim og saman við kynni mín af Ásmundi Einari. Ég hef kynnst honum vel á undanförnum árum, fyrst sem félaga mínum í VG síðan sem samstarfsmanni á Alþingi. Margoft hef ég tekið þátt í gleðskap með Ásmundi Einari og í ljósi þeirrar reynslu fullyrði ég þetta: Hann er hófsemdarmaður og stendur hann mörgum okkar framar að  því leyti. Hjá flestum ...

17. Maí 2015

BSRB: LÍFEYRIRSJÓĐIR EKKI Í EINKAVĆDDRI HEILBRIGĐISŢJÓNUSTU!

bsrb - lógó 1... Þetta eru orð Elínar Bjargar Jónsdóttur, formanns BSRB og er þetta eftir henni haft í DV. Þar kemur fram að minnsta kosti tveir af þremur lífeyrissjóðum opinberra starfsmanna eigi hlut bæði í fasteignafélaginu Reitum hf, og Kjölfestu slhf. Bæði þessi félög hafa hagsmuna að gæta í Hótel Íslands-húsinu, en þar er meðal annars ætlunin að reka læknamiðstöðina Klíníkin Ármúla. Ég vil taka undir þessi orð formanns BSRB. Það er lofsvert að samtökin andmæli hlutdeild lífeyrissjóða opnberra starfsmanna í einkavæðingu heilbrigðisþjónustunnar og hljóta viðkomandi lífeyrissjóðir að draga fjárfestingar sínar til baka. Þá á DV ... 

16. Maí 2015

SEX RÁĐ TIL AĐ LEYSA VERKFALLSDEILUR

Birtist í DV 15.05.15.
DV - LÓGÓ... Þegar talað er um nauðsyn þess að ríkisvaldið komi að gerð kjarasamninga þarf fólk hins vegar að gæta sín. Þetta hefur nefnilega verið trikkið sem atvinnurekendur hafa alltof oft komist upp með að leika gagnvart ríkissjóði. Þeir hafa látið ríkið borga til að sleppa sjálfir. Hver man ekki eftir milljarðaslettunum í vegi fyrir verktaka, og síðan greiðslum í stofnanakerfi atvinnulífsins .En er ég þá að segja að ríkið eigi hvergi að koma nærri lausn kjaradeilna?
Nei, síður en svo.
Kjörin mótast af því sem fer í launaumslagið, laununum,  og hinu sem úr því umslagi  rennur, útgjöldunum. Þess vegna skiptir máli að ríkið...

15. Maí 2015

GÓĐUR GJÖRNINGUR Í NAFNI ÍSLANDS

Moskan í Feneyjum
... Fulltrúi Íslands á Feneyjatvíæringnum að þessu sinni er Christop Buchel, 48 ára gamall svissneskur og íslenskur listamaður. Hann hefur sérhæft sig í svokölluðum pólitískum gjörningum ... „Moskan" í Feneyjum er ekki neikvæð á nokkur hátt. Hún meiðir engan sem áður segir. Ekkert frekar en gjörningur Rúríar á sínum tíma við Drekkingarhyl  í Almannagjá á Þingvöllum ...

14. Maí 2015

EINSOG BELJUR Á VORI

BELJA 4
... Stjórnarandstaðan bendir á að meirihlutinn á þingi sé að reyna að þröngva í gegn samþykkt þvert á lögformleg ferli. Sú gagnrýni á við rök að styðjast því þingsályktunartillagan sem er til umræðu gengur út á að taka útúr lögformlegu ferli tiltekna virkjunarkosti og setja í  svokallaðan nýtingarflokk ...Einstök náttúra landsins er án nokkurs vafa  stærsta trompspil Íslendinga í atvinnulegu tilliti þegar til framtíðar er horft. Ef náttúran er hins vegar lögð undir malbik hættir hún að sjálfsögðu að vera það tromp sem hún er ennþá ...

10. Maí 2015

FISKABÚRIĐ Í SUNDLAUG VESTURBĆJAR

Birtist í helgarblaði Morgunblaðsins 09./10.05.15.
MBL- HAUSINN... Mér varð þetta tilefni nokkurra hugleiðinga. Í fyrsta lagi spurði  ég hvort það gæti verið að við sem samfélag hefðum færst í þá átt að skera svo við nögl í öllu sem er okkur sameiginlegt að við  tímum ekki lengur að kosta annað en það sem ítrasta nauðsyn krefur? Gæti verið að, nánast án þess að við tækjum eftir  því, værum við komin inn í veröld þar sem augað er aðeins  glatt innan veggja prívatheimsins en síður í sameiginlegu rými? Ég minnist þess þegar ég lenti i fyrsta skipti á JFK flugvellinum í New York og bjóst við glæsilegu umhverfi en áttaði mig svo á að í ríkasta landi heims er ...

10. Maí 2015

FRĆNKAN

Birtist í DV 09.05.15.
DV - LÓGÓJón Kalman Stefánsson er góður rithöfundur. Þess vegna staðnæmdist ég við grein sem hann skrifaði í vefritið Kjarnann í vikunni og að sjálfsögðu dró það ekki úr áhuga mínum þegar ég sá að umfjöllunarefnið var það sem rithöfundurinn kallar "Ögmundar-syndrómið". Þetta er heiti á þeirri kenningu sem öldruð frænka Jóns hefur sett fram um að það sem úrskeiðis hafi farið hjá vinstri mönnum á Íslandi á undanförnum árum og þá sérstakelga á síðasta kjörtímabili sé Ögmundi Jónassyni að kenna. Gefum rithöfundinum orðið ...

6. Maí 2015

TIL HAMINGJU ÁRMÚLASKÓLI !

Fjölbraut Ármúla
Á tímum sem í stöðugt ríkari mæli einkennast af skoðanalogndeyðu virðist kennara í Ármúlaskóla hafa tekist að efna til alvöru umræðu um hugmyndafræðielgar átakalínur. Þótt skoðanaleysið sé nú í tísku hafa andstæður í raunheimum sjaldan verið grimmari en einmitt nú og þar af leiðandi mikilvægara að menn reyni að greina orsakir og afleiðingar skynsamlega og án þöggunar og hræðslu. Umræddur kennari heitir Torfi Stefán Jónsson en samkvæmt umfjöllun Stundarinnar, vann hann sér það til óhelgis að mati Hannesar Hólmsteins Gissurarsonar, prófessors við Háskóla Íslands, að stilla sem andstæðum einkaeignarrétti annars vegar og mannréttindum hins vegar. Greinilegt er af skýringum hans að hér er um að ræða uppsetningu sem hugsuð er sem tilefni til umræðu ...

6. Maí 2015

BURT MEĐ FLOKKSPÓLITÍSKAR SKJALDBORGIR

XB - XD
... Vigdíds Hauksdóttir, Framsóknarflokki, lýsti því yfir á fundi Stjórnskipunar- og eftirlitsnefndar við afgreiðslu skýrslu nefndarinnar um lekamálið að hún talaði fyrir hönd Framsóknarflokks og Sjálfstæðisflokks, þingmenn þessara flokka í Stjórnskipunar- og eftirlitsnenfnd, þegar hún lýsti því yfir fyrir þeirra hönd að þeir segðu sig frá skýrslunni  ... Þeir sem bornir eru röngum sökum, hvort sem eru ráðherra, almennir borgarar, starfsmenn stjórnsýslunnar eða stofnanir og félagasamtök og að sjálfsögðu alþingismenn eiga sinn rétt sem áður segir og flokkspólitískar skjaldborgir mega aldrei koma í veg fyrir að allir hlutaðeigandi fái notið hans. Þá hefði ég haldið að hægt hefði verið að taka undir með okkur, sem ...

5. Maí 2015

ŢEIR VERĐA Í LISTAHÁSKÓLANUM Á FÖSTUDAG KLUKKAN 20!

Ogmundi og Israeli
... Á fyrstu tónleikunum koma þeir fram Tal Hurwitz og Ögmundur Þór Jóhannesson en tónleikar þeirra fara fram í Sölvhól, Listaháskóla Íslands, að Sölvhólsgötu 13, Reykjavík, föstudaginn 8. maí kl. 20:00. Tal Hurwitz sem kemur frá Ísrael, er heimsþekktur listamaður sem unnið hefur til margra alþjóðlegra verðlauna sem gítarleikari og sem tónskáld einnig. Ögmundur Þór hefur einnig skapað  sér alþjóðlega viðurkenningu og hefur hann komið fram á tónleikum og listahátíðum víðs vegar um heiminn á undanförnum árum og á meðal annars kynnt íslenska tónlist. .... Á laugardag koma fram á sama stað klukkan 20  hjónin Veronique van Duurling  frá Belgíu og Harold Gretton  frá Ástralíu. ... Allt hafa þetta verið frábærir tónleikar og ætla ég að hvetja allt áhugafólk um góða tónlist að sækja þessa fyrirhuguðu tónleika, sjálfu sér til skemmtunar og andlegrar heilsubótar og listamönnunum til stuðnings í göfugu hlutverki þeirra.

3. Maí 2015

LOFSVERT FRAMLAG SIGURĐAR JÓNASSONAR

Sigurður JónassonÁrið 1869 kom út í Englandi bókin On the Subjection of Women eftir enska heimspekinginn John Stuart Mill. Sigurður Jónasson (1863-1887) frá Eyjólfsstöðum í Vatnsdal þýddi bókina á íslensku og kom hún fyrst út að tilstuðlan Hins íslenska kvenfélags aldamótaárið 1900 undir heitinu Kúgun kvenna ... Sigurður dó ungur, drukknaði á 24. aldursári, er hann féll útbyrðis af skipi er hann var á leið í framhaldsnám í Kaupmannahöfn. Þýðingarafrek hins unga manns er enn í minnum haft. Hann heyrði kall tímans og brást við því. Ættmenni hans vinna nú að því að reisa minningarstöpul ...Ekki er ég í hópi ...formlegra aðstandenda þessa framtaks en svo gott finnst mér það að ég vil hérmeð vekja á því athygli og hvetja til stuðnings ...

2. Maí 2015

ŢJÓĐARATKVĆĐI UM MAKRÍLINN!

Makríll - mynd
... Nú er ætlunin að taka makrílinn, sem að mestu leyti hefur staðið hefur utan kvótakerfisins, og færa hann undir þetta kerfi ...Og ef úthlutuninni er ekki sagt upp þá tekur við nýtt ár og aftur nýtt þar til hefðarrétturinn sem útvegsmenn vísa gjarnan til um kvótarétt sinn, hefur myndast. Ég viðurkenni að vísu engan slíkan rétt. En dómsvaldið gerir það, stjórnmálavaldið gerir það, akademíska valdið gerir það... og þetta birtist síðan í lífskjörum kvótahafanna ... Hafin er undirskriftasöfnun þar sem skorað er á forseta Íslands að skrifa ekki undir lagafrumvarpið verði það samþykkt á þingi og vísa því til þjóðarinnar. Ég hef skrifað undir þessa áskorun. Ég vona að það geri sem flestir ...

1. Maí 2015

KVEĐJUR Á BARÁTTUDEGI VERKALÝĐSINS

10a
... Esjan ber vott köldu vorinu. Í hlíðum hennar og hamrabeltum er nú meiri snór á þessmum degi en ég man nokkru sinni eftir 1. maí. Hitastigið er þó annað og hærra innra með fólkinu sem sótti baráttufundina í dag ... Engum blöðum er um það að fletta að hugur er mikill með íslensku launafólki. Krafan sem stóð uppúr hverjum manni sem fjölmiðlar ræddu við í dag var JÖFNUÐUR. Fólk vill jöfnuð og fólk vill standa vörð um auðlindir þjóðarinnar og koma í veg fyrir að dólgar steli þeim frá okkur eins það var orðað svo ágætlega á Lækjartorgi í dag ....

26. Apríl 2015

TÍMASKEKKJAN Í HÁSKÓLA ÍSLANDS

Birtist í helgarblaði Morgunblaðsins 25/26.04.15.
MBL- HAUSINNÍ ár minnumst við þess að eitt hundrað ár eru liðin frá því konur fengu kosningarétt og kjörgengi til Alþingis. Við ættum að minnast þess líka að fátækt fólk fékk þá einnig atkvæðisrétt - með skilyrðum þó. Vinnuhjú sem nú máttu kjósa áttu ekki að njóta þess réttar ef þau voru í skuld við sveitarfélagið! Þegar mannréttindasigrum er fagnað er jafnframt hollt að minnast þeirra sem mannréttindi voru brotin á. Þegar litið er um öxl á lýðræðisvegferðinni sjáum við brotalamir sem voru ekki alltaf augljósar í samtímanum. Við undrumst nú þröngsýnina og íhaldssemina sem hafði mannréttindin af konum og eignalausu fólki fyrr á tíð.  En getur verið að við þurfum að bíða enn í hundrað ár eftir því að Háskóli Íslands stígi út úr forneskjunni ...

24. Apríl 2015

EVRÓPURÁĐINU VAR EKKI ĆTLAĐ AĐ VERĐA NATÓ

Evrópuráðið - 47 aðildarríki
... Fulltrúar ríkja sem nýlega eru komin undan  Sovéthælnum eru reiðir og jafnvel, í sumum tilvikum, hatursfullir og eru það vissulega skiljanleg mannleg viðbrögð þótt menn geti ekki leyft sér annað en að taka yfirvegaðar ákvarðanir þegar stigið er inn fyrir dyr Evrópuráðsins. Það hefur ekki öllum auðnast að gera og væri illt ef þetta leiddi til þess að gagnrýnis raddir á þeirra eigin gjörðir ... verði kæfðar  með þöggun  í einhvers konar allsherjar tilinningaofsa ...Ég ... gerði grein fyrir þessum sjónarmiðum og varaði við því að Evrópuráðið sem væri hugsað sem mannréttindstofnun almennings - oft í átökum við ríkisvald - yrði þróað yfir í einhvers konar mini-NATÓ eða Evrópusamband  ... Ég tók einnig þátt í umæðu um njósnir og eftirlit í símkerfum og á netinu, „Mass-Surveillance", einsog það hét á ensku.Fram hafði verið lögð sérdeilis góð skýrsla um efnið ... Breskir íhaldsmenn gerðu sitt til að reyna að vatna skýrsluna út ... en höfðu ekki árangur sem erfiði....

18. Apríl 2015

HVERNIG Á AĐ LÝĐRĆĐISVĆĐA LÍFEYRISSJÓĐINA?

Lýðræði jpg
...Aðuvitað má til sanns vegar færa að allt þetta mætti gera þótt vali á stjórnarmönnum væri öðru vísi háttað. Ég er einvörðungu að benda á að með kerfislægri nánd er ábyrgðin færð nær verkalýðshreyfingunni annars vegar og atvinnurekendum hins vegar, en báðir aðilar tel ég að eigi áfram að eiga aðild að stjórnum lífeyrissjóðanna. Ekki aðeins verkalýðshreyfingin heldur einnig atvinnurekendur verða að finna til sinnar ábyrgðar.  Síðan er það annað mál hvernig við viljum haga lífeyrisfyrirkomulaginu til framtíðar; hvort þar sé þörf á breytingum. Ég tel tvímælalaust svo vera ... Einnig hef ég lýst áhyggjum yfir því hvernig lífeyrissjóðirnir fara með vald sitt í atvinnulífinu. Þar höfum við nýleg dæmi ...

18. Apríl 2015

AĐ SEGJA ALLT SEM SEGJA ŢARF

Fiskvinnsla
Kristján Loftsson, stjórnarformaður Granda, hefur birst okkur í fréttum á undanförnum dögum í sérkennilegu hlutverki. ... Kristján hefur hagað máli sínu á þann veg að fólk flykkist á kjörstað að greiða verkfalli atkvæði sitt ... Fyrir daga uppeldisfræðinnar hefði einhver sagt að svona menn ætti að rassskella. Bót í máli að þeir gera það sjálfir; segja sjálfir allt sem segja þarf ... Einn stjórnarmaður í Granda hefur neitað að taka við hækkuninni. Það er Rannveig Rist, álforstjóri ... ákvörðun Rannveigar Rist gengur þvert á ókurteisi stjórnarformanns Granda; yfirlýsing hennar slær mig sem eins konar afsökunarbeiðni fyrir hönd stjórnenda Granda! Þess vegna skiptir hún máli. Nú þarf að fylgja þeirri afsökunarbeiðni eftir með því að samþykkja hófsamar og sjálfsagðar kröfur Starfsgreinasambandsins ...

16. Apríl 2015

AUĐKENNI: EINKAVĆDD EINOKUN

Birtist í Morgunblaðinu 15.04.15
MBL- HAUSINN... Auðkenni hefur verið starfandi um nokkurra ára bil og haft undarlega greiðan aðgang að Fjármálaráðuneytinu. Fyrir því fann ég þegar ég gegndi embætti  ráðherra í Innanríkisráðuneytinu, sem hefur með málefni rafrænnar þjónustu að gera. Setti ég niður hælana enda leit ég á rafræn skilríki sem hluta af innviðum samfélagsins sem mættu undir engum kringumstæðum ganga kaupum og sölum eða eru menn nokkuð búnir að gleyma áhuga Kínverja á að kaupa íslenskan banka? Skyldi þá ekki skipta máli hvað fylgdi með í kaupunum?  Ég beindi ég sjónum þess vegna  að Þjóðskrá sem ætti að hafa með hendi það hlutverk að byggja upp og treysta þessa innviði. Vinna þar á bæ lofaði góðu - og gerir enn. Þessu kunnu Auðkennismenn og hjálparhellur þeirra innan Stjórnarráðsins illa. Eftir stjórnarskiptin gátu þeir hins vegar ...

15. Apríl 2015

ÁKALL TIL FJÖLMIĐLA

Birtist í Fréttablaðinu 14.04.15.
FB logo... Fjórða valdið snýr þó síður að lýðræðinu og áhrifum almennings á vettvangi fjölmiðla en fremur að eigendum þeirra og starfsmönnum því þeir fá miklu ráðið um hvernig upplýsingar eru matreiddar um gangverk samfélagsins og ákvarðanir sem þar eru teknar og afleiðingar þeirra. Með öðrum orðum, fjölmiðlar fjalla um hagsmuni og stjórnmál og blöndu af þessu tvennu. Þegar fjölmiðlar ráðast til atlögu gegn réttarkerfinu verða þeir að vita að kastjósið kemur til með að beinast að þeim sjálfum ... Ég tek undir með Fréttablaðinu að um þessi mál þarf að fjalla óháð persónum og leikendum. Persónur og leikendur eru engu að síður staðsettir einhvers staðar í veruleika tilfinninga og hagsmuna ... Í mínum huga er niðurlagssetningin í tilvitnuðum leiðara grafalvarleg í ljósi þess að ritstjórinn sem skrifar þessa herhvöt er jafnframt æðsti stjórnandi allrar 365 fjölmiðlasamsteypunnar sem er í eigu málsaðila dómsmála sem undirbúin hafa verið hjá því embætti sem spjótum skal nú beint að ...

13. Apríl 2015

RAFRĆN SKILRÍKI TIL UMRĆĐU Á RÚV

RÚV - smallYfirlýsing fyrirtækisins Auðkennis um gjaldtöku af viðskiptavinum sínum um næstu áramót varð aðstandendum Samfélagsins í nærmynd á Ríkisútvarpinu tilefni til að ræða við mig um rafræna þjónustu í þættinum í dag.
Ég hef verið mjög gagnrýninn á ríkisstjórnina og stjórnsýslunna innan Stjórnarráðsins og þá Fjármálaráðuneytisins sérstaklega, fyrir að draga taum þessa fyrirtækis. Steininn tók úr þegar stjórnvöld gerðu það að skilyrði fyrir skuldaleiðréttinginni svokölluðu að umsækjendur gerðust áður viðskiptamenn þessa einkafyrirtækis. Hér er ... 

12. Apríl 2015

BLOKKIN Í POTSDAM OG HÓTELIĐ VIĐ SKÓGAFOSS

Birtist í helgarblaði Morgunblaðsins 12.04.15.
MBL -- HAUSINN... Allt þetta hefur farið í gegnum huga mér eftir að ég las grein eftir  Hjörleif Guttormsson, náttúrufræðing og fyrrum stjórnmálamann, um Skógafoss og fyrirhugaða hótelbyggingu þar. Hjörleifur hvetur okkur til að hugsa langt fram í tímann og bendir á að með útsjónarsemi megi reisa fyrirhugað hótel í grennd við Skógafoss þannig að hótelgestir megi sem best njóta fossins án þess þó að eyðileggja áhrifin sem frá honum stafa. Ekki er ég þaulkunnugur þessu máli. En hitt veit ég, hve varasamt það er að hlusta ekki á þá sem taka upp hanskann fyrir móður jörð, okkur öllum til farsældar þegar til langs tíma er litið. Þess vegna segi ég, enga Potsdam blokk á Skógasandi. Hlustum á Hjörleif ...

12. Apríl 2015

HJÁLPUM HJÁLPARSVEITUNUM

björgunarsveitir - hellisheiði - þrengsli
Stöðugt fáum við fréttir af björgunarafrekum hjálparsveitanna. Slysavarnafélagið Landsbjörg hefur löngu unnið sér sess í hjarta þjóðarinnar enda eigum við því óeigingjarna fólki sem þar starfar mikla skuld að gjalda. Sjálfum finnst mér það skipta gríðarlegu máli að viðhalda því fyrirkomulagi sem mér finnst reyndar vera aðalsmerki íslensku hjálaparsveitanna að krefja aldrei um gjald fyrir útköll sín. Hugmyndum um slíka gjaldtöku er annað veifið hreyft, sérstaklega eftir að fólk sem hundsað hefur viðvaranir lendir í hrakningum. Um leið og byrjað yrði að rukka þá óttast ég að illa verði aftur snúið og hvar ætti síðan að draga mörkin? Við læknum fólk án gjaldtöku þótt vitað sé að það hafi í neysluvenjum sínum stefnt líkama og sál hraðbyri að sjúkrabeðinu.Tilefni hugleiðinga minna nú eru fréttir vikunnar af ófærð á heiðavegum ...

11. Apríl 2015

UPPSAGNIR ŢVERT Á LOFORĐ

Birtist í DV 10.04.15.
DV - LÓGÓ... En það samkomulag var skilyrt og horfðu starfsmenn til loforða ...skyldu menn ekki missa vinnu sína ... Formaður, SFR, Árni Stefán Jónsson, lýsir vinnubrögðunum á eftirfarandi hátt: „Ekkert samráð var haft og engin upplýsingagjöf önnur en stuttur fundur með trúnaðarmönnum starfsmanna hálftíma áður en starfsmönnum voru tilkynntar fyrirætlanir stjórnenda á starfsmannafundi .... var starfsfólk beðið um að fara á starfsstöðvar sínar þar sem stjórnendur myndu hringja í þá er málið varðaði. Á meðan starfsfólk beið eftir hringingu að ofan, sinntu þeir venjubundnum störfum og svöruðu símanum, milli vonar og ótta, í hvert sinn sem hann hringdi. Sumum var létt en aðrir fengu uppsögn. Flestir voru þannig beint vitni að uppsögn samstarfsfólks enda ríflega 10% starfsmanna sem misstu vinnuna ...". Um þetta þarf ekki að hafa fleiri orð. En hitt er víst að þessu máli er ekki lokið ...

10. Apríl 2015

HVERT NĆR MANNRÉTTINDA RATSJÁ OKKAR?

Guantanamo - búðir
Samkvæmt fréttum í dag hafa ráðherrar varnarmála á Norðurlöndum áhyggjur af Rússum á Norðurslóðum og í Úkraínu. Eflaust eru áhyggjur þeirra réttmætar. Ekki síst í ljósi þeirrar þróunar sem við verðum nú vitni að í átt að kaldastríðs stjórnmálum. Furðu má sæta hve glámskyggnir stjórnmálamenn og fjölmiðlar, margir hverjir, eru á það hvernig stríðsæsingaapparat  hergagnaiðnaðarins er að takast að færa okkur inn í gamalkunnug hjólför kalda stríðsins. Slíkt andrúmsloft er kjörlendi fyrir öfgastefnu og  alræðisöfl. NATÓ ríkin og Evrópusambandið, sem nú langar til að verða stórveldi, neita að horfast í augu við eigin hlutdeild í því hvernig málum er nú komið í Úkraínu en þessi ríki voru beinir aðilar að ...

10. Apríl 2015

TILSKIPANA TÖLFRĆĐI

ESB - stálið
Fréttir herma að ekkert EFTA-ríki standi sig verr í að innleiða tilskipanir frá Evrópusambandinu en Ísland. Jafnframt er okkur sagt „ að sífellt meiri tilhneigingar gæti á meðal EFTA ríkjanna - Íslands, Noregs og Lichtenstein - að óska eftir aðlögunum og undanþágum á EES-gerðum ...Ríkisstjórnin ætlar að bregðast við ...Það er nefnilega það. Í mínum huga eru þetta athyglisverðar fréttir af tveimur ástæðum ...Síðan er hitt sem væri sérstaklega forvitnilegat að fá að vita: Hvað skildu sambærilegar kannanir um innleiðingu á ESB tilskipunum leiða í ljós í sjálfum aðildarríkjum Evrópusambandsins? Skyldu sambærilegar rannsóknar vera gerðar á því hvernig Bretar, Frakkar, Portúgalir, Spánverjar, Grikkir, Pólverjar og ... standa sig? ...

10. Apríl 2015

FRJÁLSIR MENN

Birtist í DV 08.04.15.
DV - LÓGÓÉg er sammála rithöfundunum Einari Kárasyni og Hallgrími Helgasyni að mikið er gefandi fyrir einstaklingsfrelsið. Sjálfur hef ég aldrei getað þolað að vera í umhverfi sem sníður mér þröngan stakk fyrir skoðanir og gjörðir. Hvers kyns hjarðmennska hefur mér frá blautu barnsbeini  verið eitur í beinum ... Báðir rökstyðja rithöfundarnir mál sitt úr eigin reynsluheimi svo og úr veröld óskhyggjunnar. Þannig segir Einar okkur frá því í grein í DV að um tíma hafi hann búið í Berlín í grennd við bensínstöð sem seldi áfengi án nokkurra vandræða ... Bæði Hallgrímur Helgason og Einar Kárason eru skemmtilegir menn og í bland sýnist mér þeir setja mál sitt fram til að skemmta okkur lesendum. Yfirleitt tekst þeim það ætlunarverk sitt vel. Ég ætla hins vegar að ... 

6. Apríl 2015

ŢAKKIR TIL RÍKISÚTVARPSINS

Björk, gunnar. Víkingur heiðar
 ... Í dagskrá Ríkisútvarpsins var ótal aðrar perlur að finna í tónum og mæltu máli, skáldskap, sagnfræði, fróðleik um vísindi og  heimspekilegar vangaveltur m.a. um íslenska umræðuhefð í þætti sem Hallgrímur Thorsteinsson stýrði  og um  „þjónandi stjórnun", sem séra Skúli Ólafsson nefndi svo í ágætu spjalli við þá Ævar Kjartansson og Jón Ólafsson. Margt fleira mætti nefna. Allt það fólk sem lagði hönd á plóg á þakkir skildar. Þetta minnir á mikilvægi þess að hlúð sé að Ríkisútvarpinu og séð til þess að það fái að lifa góðu og gjöfulu lífi sem menningarstofnun sem nærir anda þjóðarinnar ...

4. Apríl 2015

EYGĐU GÓĐA PÁSKA!

páskar 2Sumir eru fundvísari á snjallar hugmyndir en aðrir. Að öðrum ólöstuðum hlýtur  Breki Karlsson að standa þar í fremstu röð. Það hefur hann margsannað með orðsnilli sinni. Í helgarblaði Morgunblaðsins eru nokkrir hugmyndaríkir einstaklingar beðnir um að búa til málshátt. Margir eru þeir skemmtilegir en vinninginn hjá mér fær málsháttur Breka. Hann kveðst vera leiður á kveðjunni eigðu góðan dag (have a good day). Hann hafi hins vegar ákveðið að taka frasann lengra og umbylta honum yfir í málshátt með því að breyta einföldu i í y. Og viti menn, við þetta fær kveðjan aðra og íslenskari merkingu ...

4. Apríl 2015

ÓBEISLAĐUR AF VANAHUGSUN

Frosti Sig 2Í vikunni birti Frosti Sigurjónsson, alþingismaður og formaður efnahags- og viðskiptanefndar Alþingis, skýrslu sem hann vann fyrir forsætisráðuneytið um peningamál  ... Skýrslan og sú umræða sem hún hefur vakið veitir innsýn í margbreytileika fjármálakerfisins. Við minnumst þess að í efnahagshruninu fengum við að sjá að heimur fjármálanna er ekki alltaf í samræmi við veruleika raunverulegrar verðmætasköpunar ... Þetta er önnur saga en þó hluti af þeirri stóru mynd þar sem koma saman hinn verðmætaskapandi veruleiki og heimur fjármálakerfis sem að verulegu marki lifir sjálfstæðu lífi. Á þessi skil beindust kastljós fjölmiðlanna þegar Frosti birti skýrslu sína um leiðir til að takmarka sjálfstæði og þar með völd fjármálakerfisins og sveigja það undir almannahag ... 

3. Apríl 2015

ÖGRANIR Í GARĐ BHM

BHM Lógó...Á þriðjudag hefjast verkafallsaðgerðir félagsmanna í nokkrum félögum háskólamenntaðra starfsmanna ríkisins, BHM. Fyrirhugaðar vinnustöðvanir munu að öllum líkindum hafa lamandi áhrif innan ýmissa lykilstofnana samfélagsins. Páll Halldórsson, formaður BHM, upplýsir í fréttum í dag  að engir samningafundir séu boðaðir fyrr en á miðvikudag! Varla er ég einn um að reka í rogastans. Hvers vegna er ekki boðað til fundar á morgun, laugardag og hvað með mánudag, að ekki sé minnst á þriðjudag? Er fjármálaráðuneytið að reyna að ögra fólkinu? Heldur einhver að starfsfólkið leggi niður vinnu sér til skemmtunar? Halda menn að ...

3. Apríl 2015

LANDHELGISGĆSLAN OG ALŢINGI

Þing og Gæslan
... Þess vegna fagna ég hugmyndum Sigmundar Davíðs Gunnlaugssonar, forsætisráðherra, um að ráðast í byggingar á Alþingisreitnum með það fyrir augum að hafa þingið í eigin húsnæði til frambúðar. Slíkt væri hagstæðara fyrir skattborgarann þegar til langs tíma er litið auk  þess sem þær hugmyndir sem forsætisráðherra hefur sett fram um að byggja á gömlum teikningum Guðjóns Samúelssonar eru um margt skemmtilegar... Ég skal játa að fyrst þegar ég las um þær á forsíðu Fréttblaðsins hélt ég að um aprílgabb blaðsins væri að ræða - ágætlega heppnað ... Gott þótti mér að sjá á prenti hugmyndir forstjóra Landhelgisgæslunnar, Georgs Lárussonar, sem hann kynnti  ...

30. Mars 2015

RÍKISSTJÓRNIN OG HIN VILJUGU RÍKI

Viljugar þjóðir
Bandalag hinna viljugu, Coalition of the willing sem George Bush. Bandarikjaforseti, skipulagði ásamt vafasömum félögum sínum í stjórn Bandaríkjanna í aðdraganda innrásarinnar í Írak vorið 2003 líður fáum úr minni, alla vega ekki Íslendingum sem urðu vitni að því að Íslandi var skipað í þennan hóp að Alþingi forspurðu. Þetta stríddi gegn íslenskum þingskaparlögum því samkvæmt þeim bar að hafa samráð við utanríkismálanefnd Alþingis. Í síðustu viku kom til umræðu á Alþingi stjórnarfrumvarp um breytingu á lögum sem varða þetta mál ...

29. Mars 2015

JE SUIS JAHMI

Birtist í helgarblaði Morgunblaðsins 28./29.03.15.
MBL- HAUSINNEkki er langt síðan að hrollur fór um Parísarbúa. Þetta var skömmu eftir að blaðamenn á franska blaðinu Charlie Hebdo,  sem birtu skopmyndir um Múhameðstrú, voru myrtir í París og öll Evrópa hafði risið upp til að segja hátt og skýrt til að árétta samstöðuna, Je suis Charlie, við erum öll Charlie. Þannig mótmæltum við grimmdarverkunum og sýndum samstöðu með frjálsri fjömiðlun. Líka fjölmiðlun sem við berum ekkert sérstaklega mikla virðingu fyrir. En nú skalf París vegna frétta af mannlausum loftförum, drónum, sem enginn kunni deili á. Drónar höfðu sést sveima við Eiffelturninn og aðrar byggingar í París sem Frakkar líta á sem þjóðargersemar. Sú tilhugsun að ...

28. Mars 2015

ŢAKKIR TIL GUĐLAUGS ŢÓRS

Birtist í DV 27.03.15.
DV - LÓGÓ... En þótt við værum ósammála vil ég engu að síður þakka Guðlaugi Þór fyrir málefnalegt framlag hans til umræðu um gerðardóma ( Investor-State Dispute Settlement, ISDS) í alþjóðlegum viðskiptasamningum ... Því miður fer lítil opinber umræða fram um þetta efni  og þykir mér þakkarvert þegar það er tekið upp af þeim sem hafa lagt sig eftir að kynna sér málavöxtu. Eins og ég skil þá þróun sem orðið hefur í gerð fjölþjóðlegra viðskiptasamninga þá taka þeir grunvallarbreytingum um miðjan tíunda áratug síðustu aldar ... Athyglisvert er hvað segir um gerðsardómafyrirkomulagið í skýrslu utanríkisráðherra en tilefnið eru nýgerðir viðskiptasamningar milli ESB og Kanada sem utanríkisráðuneytið segir hinn „metnaaðrfyllsta" sinnar tegundar þótt ...

27. Mars 2015

FUNDAĐ Í PARÍS UM ÚKRAÍNU, MANNRÉTTINDI OG VELFERĐ

Eiffel...  Kostirnir við þessa nefndarfundi ... er að menn gefa sér betur tíma til að kafa í einstök málefni, kalla til fræðimenn og fulltrúa frjálsra félagasamataka og byggja síðan skoðanaskipti á framlagi þessara gesta, auk þess að koma eigin viðhorfum til skila ... Kynnt var bréf á fundinum frá Pushkov,  formanni rússnesku sendinefndarinnar hjá Evrópuráðinu,  um að Rússar vildu nú engin samskipti við Evrópuráðið út þetta ár, greinilega þreyttir á heiftúðugri umræðu um sjálfa sig - um þá en án þeirra .... Áhugaverður þáttur sem kom til umræðu á þessum fundi sneri að hryðjuverkaárásunum  í París, „Saman um lýðræðislegar lausnir." ...Áhyggjur komu fram í þessari umræðu um að sveiflurnar í evrópsku efnahagslífi, sem sums staðar hefðu orðið að alvarlegri efnahags- og félagskreppu, gætu hæglega þróast í stjórnmálakreppu þar sem sjálft lýðræðið væri í húfi. ...

27. Mars 2015

ÍSLENSK STJÓRNVÖLD VILJA „STÖĐVA NIĐURSKURĐ HERNAĐARÚTGJALDA"!

Öj í ræðustól
Skýrsla utanríkisráðherra um utnaríkismál kom til umræðu á Alþingi fimmtudaginn 19. mars. Í skýrslunni kennir ýmissa grasa. þar kemur til dæmis fram mikill fögnuður yfir því að NATÓ skuli hafa komið sér upp sérstöku „hraðliði" og að bandalgasríkin hafi skuldbundið sig til að leggjast í frekari hernaðaruppbyggingu. Fram kemur að allt þetta styðja íslensk stjórnvöld. Tekist hafi  að stöðva niðurskurð til varnarmála ...og stefna að auknum fjárfestingum á þessu sviði næsta áratuginn." ... Í umræðu um skýrsluna ítrekaði ég það sem ég hef stundum sagt áður að aumasta hlutskipti nokkurrar þjóðar hljóti að vera að slá sér á brjóst fyrir að vera herlaus en halda sig þó innan hernaðarbandalags og samþykkja þar ...

26. Mars 2015

HEILBRIGĐISŢJÓNUSTUNNI Á EKKI AĐ BREYTA Í KYRRŢEY

Birtist í Fréttablaðinu 25.03.15.
Fréttabladid hausÞað mun hafa verið undir aldarlokin að kunningi minn lá banaleguna á Borgarspítalanum í Reykjavík með óviðráðanlegt krabbamein. Á sjúkrahúsinu fékk hann þá umönnun og þjónustu sem völ var á. Þó ekki alveg. Þegar gera þurfti tilteknar röntgenrannsóknir var ekið með hann í sjúkrabíl á Dómus Medica þar sem var að finna enn betri tæki en á sjúkrahúsinu. Hvernig gat þetta verið? Hver hafði greitt fyrir þessi tæki? Greiðslurnar höfðu að sjálfsögðu ... Nú er hættan sú að skrif mín verði  skilgreind sem níð og rógburður um einkarekna heilbrigðisþjónustu. Vísa ég þar í grein eftir Birgi Guðjónsson, lækni, sem ...

25. Mars 2015

HVERNIG SKYLDU ŢAU SOFA Á NÓTTUNNI?

Stundin - Jóhann Páll
Í marsútgáfu Stundarinnar, nýs blaðs sem er að hasla sér völl sem prentmiðill og vefmiðill, skrifar Jóhann Páll Jóhannsson, blaðamaur mjög góða og upplýsandi grein um dróna - mannlaus sprengjuloftför Bandaríkjahers. Ástæða er til að þakka sérstaklega fyrir þessa umfjöllun. Dróna árásunum er stýrt af bandarísku leyniþjónustinni,CIA, sem nýtur þeirra vafasömu forréttinda að vera undanþegin öllu sem kenna má við lög og rétt .... Um leið og fagna ber því að Stundin beini sjónum að þessu máli hvet ég lesendur til að kynna sér grein Jóhanns Páls. Myndin hér á ofan sýnir suma helstu ábyrgðaraðila drone árásanna fylgjast með afreksverkum sínum úr fjarlægð. Í greininni er vísað sérstaklega í nýlegt morð á 13 ára dreng í Jemen, Jahmi að nafni. Hann var ...

21. Mars 2015

FRÁBĆR FÚSI

Fúsi - Dagur Kári
Í ávarpsorðum Dags Kára, kvikmyndaleikstjóra við frumsýningu Fúsa, nýrrar kvikmyndar eftir hann, sem frumsýnd var í dag, sagði hann að hugmyndin hefði kviknað í Leifsstöð fyrir nokkrum árum þegar hann einhverju sinni var þar að bíða eftir flugi. Út um gluggann hefði hann fylgst með öllum þeim sem voru að sýsla í kringum vélarnar, hlaða þær og afferma og svo einnig litlu dráttarbílunum, sem drógu hleðsluvagnana og minntu svo á leikföng. „Mikið rétt" hugsaði áhorfandinn, sem kannaðist við þessa líkingu. „Svo smellti ég í huganum honum Gussa undir stýri í einum slíkum bíl", bætti leikstjórinn við, „ og það var upphafið að  ...

20. Mars 2015

ATTAC STENDUR VAKTINA

Attac -
Samtökin ATTAC  voru stofnuð árið 1998 til að standa vaktina gegn ásælni alþjóðafjármagnsins ... Hér á landi hafa ATTAC samtökin staðið að því að vekja fólk til vitundar um ágengni hins alþjóðlega auðvalds, meðal annars með upplýsingafundum um fjölþjóðlega viðskiptasamninga á borð við TiSA samningana ... Mér var boðið að halda erindi á einum slíkum fundi í vikunni ... Á fundinum vakti  forrmaður ATTAC samtakanna hér á landi, Sólveig Jónsdóttir, máls á ýmsum hliðum TiSA samninganna og benti m.a. á hve varasamt væri að leggja að jöfnu hagsmuni einstakra fyrirtækja, annars vegar  og almannahag, hins vegar. Gunnar Skúli Ármannsson, læknir  flutti inngangstölu um efnið en hann hefur skrifað afbragðsgóðar greinar um þetta málefni og annað skylt í blöð, meðal annars ...

20. Mars 2015

ŢAĐ HEFUR FORGANG AĐ STAĐFESTA

Skuldaleiðrétting - auðkenni
Í sölum Alþingis og í ræðu og riti í fjölmiðlum ... hef ég gagnrýnt hvernig ríkið hefur reynt að þvinga einstaklinga til þess að gerast viðskiptavinir fyrirtækisins Auðkennis sem er í eigu bankanna,  til að fá svokallaða rafræna aðkomu í því skyni að staðfesta leiðréttingu lána sinna hjá embætti Ríkisskattstjóra ... er mikilvægt að fólk láti ekki andúð sína á þessum makalausu vinnubrögðum ríkisins verða til þess að missa af því að staðfesta endurútreikninga lána sinna. Ég hvet alla sem eru svipaðs sinnis og ég að leiða þessa deilu hjá sér um sinn því á mánudag, 23. mars, rennur frestur út  til staðfestingar á endurútreikningi . Það verður að hafa forgang að ...

18. Mars 2015

BJARNI OG DRÍFA

Birtist í DV 17.03.15.
DV - LÓGÓ...  DV greindi nýlega frá því að Bjarni Benediktsson, fjármálaráðherra, væri með á döfinni breytingu á lögum sem fæli í sér afnám á launaþaki á forstjóra ríkisstofnana. Í fréttum hefur jafnframt komið fram að Starfsgreinasambandið ... undirbúi nú verkfallsaðgerðir. Framkvæmdastjóri Starfsgreinasambandsinbs, Drífa Snædal, hefur skýrt  frá því í fjölmiðlum hvers vegna kjaradeilan er að þróast í átakafarveg gagnvart Samtökum atvinnulífsins. ... Greinilegt er að Bjarni Benediktsson, fjármálaráðherra og formaður Sjálfstæðisflokksins, hefur komist við þegar á hans fund hafa gengið forstjórar og forstöðumenn ...

18. Mars 2015

HAGSMUNABARÁTTA Á ALŢINGI

Birtist í Fréttablaðinu 17.03.15.
Fréttabladid haus... Ég hef aldrei farið dult með að ég hef viljað láta kjósa mig á þeirri forsendu að ég muni reyna að standa vörð um hagsmuni almenns launafólks, velferðarþjónustunnar, gegn einkahagsmunum sem ásælast hana í fjárgróðaskyni, með náttúrunni, gegn stóriðju, gegn hernaðarhagsmunum stórvelda, með útgöngu Íslands úr NATÓ, gegn alþjóðasamningum á forsendum auðvaldshagsmuna, svo sem TiSA samningnum, með lýðheilsusjónarmiðum og gegn því að ÁTVR verði lagt niður! Allt hefur þetta verið skýrt í mínum málflutningi og með sanni má færa fyrir því rök að ég „gangi erinda" framangreindra hagsmuna. Ekki myndi ég gera athugasemd við það. Alls ekki vil ég þó snúa út úr orðum Sifjar Sigmarsdóttur og hún hefur það til sín máls þegar hún gagnrýnir skrif mín að hugtakið að "ganga erinda" hefur ...

17. Mars 2015

GREIN SEM ÖLLUM ER HOLLT AĐ LESA

Kristinn H. Gunn
Kristinn H. Gunnarsson, fyrrverandi alþingismaður skrifar grein í Fréttablaðið 9. mars síðastliðinn undir fyrirsögninni, Málfrelsi LÍÚ. Greinin ætti í mínum huga að vera skyldulesning fyrir alla þá sem vilja standa vörð um málfrelsi og lýðræði. Upphafsorð Kristins eru þessi: "LÍÚ hefur gefið út línuna um það hverjir eru þeim þóknanlegir og hverjir ekki. LÍÚ hefur gefið út línuna um það hverjir eru þeim þóknanlegir og hverjir ekki. Samtökin taka ekki þátt í opnum upplýsingafundum um sjávarútvegsmál ef einhver annar hefur framsögu en samtökin hafa stimplað og vottfest ... Samherji fékk því ráðið árið 2002 að alþingismaður Norðurlandskjördæmis eystra fyrir Vinstri græna flutti ekki hátíðarræðuna á sjómannadeginum á Akureyri. Gengið hafði verið frá því að þingmaðurinn talaði en hinn langi armur kvótaauðvaldsins á staðnum sætti sig ekki við ræðumanninn ....

16. Mars 2015

ERLENT ÁRÓĐURSFÉ

Birtist í helgarblaði Morgunblaðsins 15.03.15.
MBL- HAUSINN... Saudi Arabía styður trúboð um heim allan ... Á Reykjavíkurborg að beita sér fyrir því að koma í veg fyrir fjárstuðning  frá Saudi Arabíu við byggingu mosku í borginni? Eða á að láta slíkt óátalið svo lengi sem farið er að lögum? Er eitthvað rangt við að einstaklingar, samtök eða ríki styrki meinta samherja eða málstað yfir landamæri? Eða fer það eftir aðstæðum, hver málstaðurinn er, hver umgjörðin er, hver tilgangurinn er og hvaða aðferðum er beitt? Ætli það hljóti ekki að vera svo. Þannig finnst okkur flestum, hygg ég ...

15. Mars 2015

RÍKISSTJÓRNIN OG ESB UMSÓKNIN

European Union... Við hljótum að gera þá kröfu til ríkisstjórnarinnar að hún komi hreint fram og virði lög og grundvallar þingræðis- og  lýðræðishefðir. En viðþurfum líka að koma hreint fram gagnvart Evrópusambandinu ... Ef veruleikinn er sá að við erum ekki að sækjast eftir aðild að Evrópusambandinu þarf það að koma fram á afgerandi hátt. Auðvitað var fráleitt að sækja um aðild að Evrópusambandinu án þess að spyrja þjóðina áður ... Það sem þarf nú að breytast er framkoma ríkisstjórnarinnar í þessu máli og reyndar ekki síður í öðrum málum þar sem grundallarreglur eru ekki virtar ....

14. Mars 2015

VARAR VIĐ LÁGUM ÚTGÖNGUSKATTI

LILJA - MOSLilja Mósesdóttir, hagfræðingur og fyrrverandi alþingismaður, skrifar athyglisverða grein í Fréttablaðið í dag undir fyrirsögninni HAGSMUNIR ÞJÓÐRINNAR EÐA HRÆGAMMANNA.  Hún varar við því að settur verði of lágur útgönguskattur á kröfuhafa í þrotabú banakanna og jafnframt að bjóða vildarkjör á ríkisskuldabréfum: "Tillögur sem heyrst hafa frá sérfræðingum ríkisstjórnarinnar um afnám hafta fela í sér útgönguskatt á bilinu 20-45% og tilboð um ríkisskuldabréf til 30 ára á afslætti. Með því að hvetja kröfuhafa gömlu bankanna til að festa eignir sínar í 30 ára ríkisskuldabréfum er í raun verið að leggja til að skuldum einkafyrirtækja verði breytt í ríkisskuldir. Stjórnvöld munu ....

14. Mars 2015

ÓSKAĐ EFTIR ENDURUPPTÖKU

Geirfinnsmál
Lúðvík Bergvinsson, lögmaður erfingja þeirra Tryggva Rúnars Leifssonar og Sævars Ciesielski, hefur lagt fram endurupptökubeiðni fyrir Endurupptökunefnd. Í beiðninni er farið fram á að dómur í Guðmundar- og Geirfinnsmálunum svokölluðu  verði tekinn upp aftur. Þessu ber að fagna sérstaklega. Endurupptökubeiðinin byggir á lagafrumvarpi sem Alþingi samþykkti fyrir þinghlé í desember...

13. Mars 2015

AGS ENDURTEKUR SIG ENN OG AFTUR ... OG AFTUR ...

IMF 2
Í fréttum í dag er því slegið upp að Alþjóðagjaldeyrissjóðurinn sé ánægður með Ísland og íslenskt efnahagslíf. Það sé jafnvel að verða  betra en fyrir hrun! Að vísu séu nokkrir skafankar sem þurfi að laga, leysa þurfi vanda Íbúðalánasjóðs til að draga úr kostnaði ríkissjóðs. ... Þetta hljómar allt kunnuglega. Ég varð þess heiðurs aðnjótandi að hitta fulltrúa AGS fyrir hrun þegar þeir voru hér á hefðbundinni yfirreið. Það var ekki samkvæmt þeirra ósk heldur minni. Ég vildi gjarnan hitta þessa fulltrúa alþjóðalögreglu kapítalismans fyrir hönd heildarsamtaka opinberra starfsmanna, BSRB ... En viti menn, AGS fulltrúarnir voru yfir sig hrifnir og ánægðir og sögðust ekki sjá betur en Ísland væri eins heilbrigt og heilbrigt mætti verða fyrir utan nokkra skafanka. Það þyrfti  t.d. að leysa vanda Íbúðalánasjóðs ...

11. Mars 2015

OKKUR BER SKYLDA AĐ STYĐJA LÁGLAUNAFÓLK

DRIFA SNÆDALEftir að hlusta á einkavæðingarloforð fjármálaráðherrans á undanförnum dögum, fréttir af peningagjöfum kvótahafa til stjórnarlokkanna, að ógleymdri lekaráðgjöf til Stjórnarráðsins fyrir milljónir, kveður skyndilega  við annan og eftirsóknarverðari tón í fjölmiðlum. Þar fer Drífa Snædal, framkvæmdastjóri Starfsgreinasambandsins, og talar fyrir kjarakröfum láglaunafólks  - 300 þúsund króna mánaðarlaun innan þriggja ára er krafan ... Innan Starfsgreinasambandsins undirbúa þau nú  verkfall ... En til verkfalls á ekki að þurfa að koma. Þjóðin vildi klára samninga við lækna á dögunum og nú vill hún án efa klára kjarapakka Starfsgreinasambandsins. Allir vissu að samfélagið átti ekki annarra kosta völ en semja við lækna. Við eigum ekki heldur annarra kosta völ en semja við íslenskt láglaunafólk þannig að nokkur sómi sé af. ...

11. Mars 2015

AFTURHALDIĐ Í ÁFENGISMÁLUM

Birtist í Fréttablaðinu 10.03.15.
Fréttabladid hausAlþingismenn sem ákafast berjast fyrir því að koma áfengi inn í almennar matvöruverslanir telja sumir hverjir að þeir séu eins konar kyndilberar framfara. Þetta er mikill misskilningur. Nánast alls staðar í heiminum eru heilbrigðisyfirvöld, forvarnar- og lýðheilsustofnanir og almannasamtök að vísa inn í framtíðina í gagnstæða átt. ... Hins vegar gera allir sér grein fyrir því að gríðarlegir hagsmunir eru í húfi sérstaklega fyrir stóru verslunarkeðjurnar að komast yfir áfengissöluna. Bæði gefur hún möguleika á gróða og er auk þess talin geta örvað önnur viðskipti. Ömurlegt er til þess að hugsa að hópur alþingismanna skuli vera reiðubúinn að ganga erinda þessara hagsmuna og vinna ... 

10. Mars 2015

FÉLAGI KVADDUR

Albert KristinssonÁ morgun fer fram í Hafnarfirði útför Alberts J. Kristinssonar. Hann var varaformaður BSRB þegar ég steig inn á vettvang þeirra góðu samtaka í byrjun níunda áratugar síðastu aldar sem formaður Starfsmannafélags Sjónvarps og varamaður í stjórn  bandalagsins. Albert J. Kristinsson verður þeim sem honum kynntust eftirminnilegur fyrir tvennt, höfðinglega framkomu og fas og málflutning sem einkenndist af rökvísi og kurteisi. Hann var enginn hávaðamáður en á hann var hlustað. Ekki vorum við Albert pólitískir samherjar en samherjar vorum við hins vegar á ...

10. Mars 2015

NÝHUGSUN Í FJÁRMÁLAHEIMINUM

Royal Bank of Scotland
Breskir skattgreiðendur hafa látið £45.5 milljarða sterlingspunda af hendi rakna til Royal Bank of Scotland frá árinu 2008 en þá ákvað breska ríkisstjórnin að forða bankanum frá gjaldþroti. Fjármálaráðherra Breta hefur að undanförnu haft á orði að tímabært sé nú orðið að koma bankanum að nýju í einkahendur. Ekki eru þó allir sammála því. Þeim fer fjölgandi sem vilja gera uppskurð á fjármálakerfunum. ... Rökin fyrir því að kljúfa bankann upp eru meðal annars þau að með meiri áherslu á staðbundin sjónarmið muni byggðarlög styrkjast og smárekstur einnig en reynslan sýni að minni bankar séu opnari fyrir lánveitingum til smárra og meðalstórra fyrirtækja en stórir bankar almennt eru. Þá sé líklegt að aukin dreifstýring í fjármálakerfinu geri það stöðugra ...

9. Mars 2015

VIĐSKIPTARÁĐ VIĐ MJALTIR Í BOĐI FORMANNS SJÁLFSTĆĐISFLOKKSINS

Mjalta-menni kapítal
Nú er ég farinn að kannast við mína menn, hina pólitísku handlangara Viðskiptaráðs.  Fjármálaráðherrann er greinilega þegar farinn að undirbúa sig undir að svara kalli Viðskiptaráðs ... Eins og útfarinn fjósamaður þekkir fjármálaráðherrann sínar kýr og veit nákvæmlega hver nytin er í hverri þeirra. Augljóst er af fréttum að nú er verkefnið að koma sínum mönnum til mjalta undir gjöfulustu kúnum. Bjarni Benediktsson, fjármálaráðherra og formaður Sjálfstæðisflokksins, veit að Leifsstöð malar gull og hann veit að fríhöfnin þar gerir slíkt hið sama. Hún malar líka gull - fyrir ríkissjóð ...

8. Mars 2015

VIĐ EĐA HRĆGAMMARNIR?

Hrægammarnir
... Til eru þeir - og er ég í þeim hópi - sem þykir þetta vera eignaupptaka á kostnað íslensks samfélags sem hefur fengið að blæða illilega vegna hrunsins. Þessi síðustu brask-kaup nema þó mun hærra hlutfalli af nafnvirði en fyrri kaup sem fóru að sögn niður í 4% af nafnvirði ... Skattlagningartölurnar sem stjórnvöld ættu að vera að tala um - og þar með kröfur þess aðila sem mest hefur verið hlunnfarinn, íslensks samfélags - ættu að lágmarki að liggja í 60-70% ef þá ekki hærri. Eða hvers vegna ættu þeir allra séðustu sem keyptu kröfur á 4% af nafnvirði að geta gengið út með fullar endurheimtur? En jafnvel þótt þeir fengju aðeins brotabrot af nafnvirði fjárfestingarinnar væri gróði þeirra eftir sem áður gríðarlegur. ... Þegar skattprósentan verður ákveðin verður spurningin á hvora sveifina stjórnvöld ætla að leggjast, með hrægömmunum eða þjóðinni ....

7. Mars 2015

NOKKUR DĆMI UM HAGSMUNAGĆSLU UTAN ŢINGS OG INNAN

Brennivín í búðirnar
Nýlega heyrði ég þingmann sem styður að Áfengsverslun ríkisins verði lögð niður og áfengi hér eftir selt í almennum matvörubúðum réttlæta skoðun sína  með þeirri „röksemd" að það væri „eitthvað" rangt við að ríkið verslaði með áfengi. En ef það skyldi nú vera að aðkoma ríkisins að áfengissölunni væri betri frá lýðheilsu sjónarhorni, væri það eftir sem áður „eitthvað" rangt við það? ... Annan stuðningsmann brennivínsfrumvarpsins heyrði ég spurðan hvers vegna hann styddi mál sem væri augljóslega okkur sem neytendum í óhag því úrvalið yrði minna og verðlagið hærra ... Er það ekki þetta sem er kallað að ganga erinda hagsmuna? Það þarf í sjálfu sér ekki að vera slæmt ef málstaðurinn er verðugur. Sjálfur vil eg gjarnan ganga erinda Barnaheilla, Foreldrasamtaka gegn áfengisauglýsingum, Landlæknisembættisins, Alþjóðaheilbrigðisstofnunarinnar auk ...

5. Mars 2015

LÝĐRĆĐISVĆĐUM SAMEINUĐU ŢJÓĐIRNAR!

unpa 2
Í dag lagði ég fram á Alþingi tillögu til þingsályktunar um stofnun þings kjörinna fulltrúa innan Sameinuðu þjóðanna og tek þar með undir með alþjóðlegum samtökum sem beita sér fyrir því að gera stjórnkerfi Sameinuðu þjóðanna lýðræðislegra ... Til þess að breyta stofnanankerfi Sþ þarf  samþykki 2/3 aðildarríkjanna og neitunarvald stórveldanna í Öryggisráðinu nægir til að fella allar breytingartillögur.  Þess  vegna er erfitt að hnika nokkru til sem ógnar núverandi fyrirkomulagi þar sem stórveldin ráða lögum og lofum. Með þingsályktunartillögunni læt ég fylgja ...

4. Mars 2015

HAMINGJUSAMASTI HĆGRI MAĐUR Í HEIMI

Hanni hamingjusami
Vísir.is segir frá sérstæðri könnun háskólamanna. Hún varðar samhengið á milli hamingju og stjórnmálaskoðana.Samkvæmt kenningunni eiga eindregnir hægri menn að vera hamingjusamari en þeir sem eru vinstrisinnaðir....Vefmiðillinn leitar eðlilega til prófessors Hannesar Hólmsteins Gissurarsonar, sem er tvennt í senn, hægri sinnaður og gríðarlega hamingjusamur að eigin sögn. Hann er ekki aðeins spurður út í eigin hamingju heldur einnig hvað hann haldi um líðan mína því samkvæmt keningunni geti ég varla verið mjög hamingjusamur. Hannes telur líklegt að kenningin sé rétt og dæmi hann það af ...

4. Mars 2015

TiSA

Birtist í Fréttablaðinu 03.03.15.
FB logoTiSA hljómar einsog kisa. Kisa og TiSA eiga ýmislegt sameiginlegt, fara hljóðlega um, læðast og læðupokast, saklaus á að sjá, þótt í eðlinu sé að finna grimma og óvægna þætti. Það þekkja smáfuglarnir þegar kisa er annars vegar. Aðstandendur TiSU segja að hún sé einsog kisulóra  besta grey og sárasaklaus. Ekki þykir vanmáttugum og fátækum ríkjum svo vera. Og sama gildir um verkalýðshreyfingu í okkar heimshluta sem vill standa vörð um velferðarþjónustu og sporna gegn því að ...

4. Mars 2015

NÁTTÚRUPASSI OG RUKKUN: STJÓRNSÝSLAN Á AĐ SEGJA SATT!

Stefán Þ ÞórssonÁ föstudag fyrir tæpri viku birtist athyglisverð grein í Fréttablaðinu eftir Stefán Þorvald Þórsson, landfræðing, um náttúrupassamálið. Greinin er athyglisverð en hún er gagnrýnin á framgöngu ferðamálaráðherrans, Ragnheiðar Elínar Árnadóttur en ekki síður á stjórnsýsluna sem undir hana heyrir.
Í grein Þorvaldar segir m.a.:  "Ráðuneyti Ragnheiðar Elínar ferðamálaráðherra tekur þátt í leikritinu um ágæti náttúrupassans og fer fram með ósannindi á heimasíðu ráðuneytisins. Þar er m.a. að finna svar við eftirfarandi spurningu: "Kemur náttúrupassi í veg fyrir gjaldtöku á einstökum ferðamannastöðum?" Svar ...

4. Mars 2015

FJÁRMÁLAKERFIĐ: PRÓFRAUN Á OKKUR ÖLL

Birtist í DV 03.03.15.
DV - LÓGÓ... Ég hef tekið því fagnandi að reynt skuli að færa lánastabbann niður með svokölluðum leiðréttingum stjórnvalda. Í þessu eru fólgin pólitísk skilaboð inn í framtíðina. Það á að vera hægt að færa peninga frá bröskurum til almennings, ekki bara á hinn veginn ...Útundan okkur sjáum við atganginn í kröfuhöfunum og útsendurum þeirra sem reyna allt hvað þeir geta til að bægja skattheimtumönnum almennings frá og má það ekki gerast að undan þeim verði látið. Nauðsynlegt er að bankarnir bæti það tjón sem þeir hafa valdið samfélaginu og tryggja þarf að Ísland sé í jafnvægi í stað þess að verðmætasköpunin sé soguð út úr hagkerfinu með vöxtum og arði. Hvernig til tekst í þessu efni er prófraun á fjármálakerfið og stjórnmálin ... 

3. Mars 2015

ŢANNIG SKILGREINR UTANRÍKISRÁĐUNEYTIĐ FRELSI

Tisa - hlekkir
...Eflaust er til of mikils mælst að Ísland sýni það sjálfstæði og þá reisn að standa fyrir utan þetta makk. Spurning er þó hvort ekki megi hlífa okkur við öllu tali um frelsi þegar í reynd er verið að innleiða helsi, takmörkun á frelsi almennings en rýmkun á athafanrými fjármagnisns. Látum vera að ríki taki tímabundið ákvörðun um að opna landamæri sín fyrir tilteknum viðskiptum. Hitt er verra þegar ríkin eru látin skuldbinda sig með óafturkræfum ætti að samsvarandi þjónusta innanlands megi undir engum kringumstæðum njóta opinbers stuðnings umfram þann sem aðkomufyrirtækið fengi ...

2. Mars 2015

AF LÍFI OG SÁL

Birtist í helgarblaði Morgunblaðsins 01.03.15.
MBL- HAUSINNAldrei minnist ég þess í uppvexti mínum og á yngri árum að hafa hugleitt aldur stjórnmálamanna. Annað hvort höfðaði málflutningur þeirra til mín eða hann gerði það ekki. Einn aðaltöffari undir lok sjöunda áratugar aldarinnar sem leið, þegar ég var pólitískt að vakna til lífsins, var breski heimspekingurinn og mannréttindafrömuðurinn Bertrand Russell. Hann lést árið 1970, 98 ára að aldri. Kornungur í anda og róttækari með hverju árinu sem leið ... Þetta kom mér í hug þegar ég las um niðurstöðu könnunar þar sem fullyrt var að þjóðin hefði fengið nóg af „sjónarmiðum sjötugra." Mér þótti þetta forvitnilegt og las meira. Einn aðstandenda þessarar könnunar sagði í blaðaviðtali að  augljóst væri að ungt fólk hafnaði „umræðuhefð" og „orðræðu" sjötugra! Gildi þessarar kynslóðar væru úrelt ...

2. Mars 2015

TiSA Á ALŢINGI: MIKILVĆGAR YFIRLÝSINGAR

Tisa - ÖJ - 2
Í dag fóru fram, að mínu frumkvæði, umræður utan dagskrár á Alþingi um TiSA viðskiptasamningana. Ég tel að Ísland eigi ekki erindi í þessar viðræður af ýmsum ástæðum ... Þegar GATS viðræðurnar strönduðu um miðjan fyrsta áratuginn vegna andstöðu verkalýðshreyfingar, almannasamtaka, að ógleymdum þróunarríkjunum, sem ekki vildu fá alþjóðafjármagnið inn á gafl til sín, þá ákváðu vildarvinirnir góðu (Really Good Friends, sem fimmtíu ríkustu ríki heims kölluðu sig) að efna til leyniviðræðna ... Það sem ávannst við umræðurnar í dag voru yfirlýsingar utanríkisráðherrans, Gunnars Braga Sveinssonar, og formanns utanríkimálanefndar Alþingis, Birgis Ármannssonar um að ekkert yrði undirritað án samþykkis Alþingis ...

2. Mars 2015

HVERNIG BREGĐAST EIGI VIĐ HRYĐJUVERKAÓGNINNI

Bylgjan - í bítið 989
Á Bylgjunni í morgun ræddum við Guðlaugur Þór Þórðarson, þingmaður Sjálfstæðisflokksins, um hryðjuverkaógnina sem svo er nefnd og hvernig brugðist skuli við henni. Æði margir setja dæmið þannig upp að hryðjuverkaógnin sé að færast nær okkur. Ég tel að spyrja eigi hins gagnstæða, hvort við séum að færa okkur nær óginnni. Það sé spurning sem mótendur íslenskrar utanríkisstefnu verði að spyrja sjálfan sig. Umræðan er hér ...

1. Mars 2015

ÍSLENDINGAR SEGI SIG FRÁ TiSA VIĐRĆĐUM

TISA
... Hvað sem segja má um Alþjóðaviðskiptastofnunina - og er ég þar ekki  fremstur í hópi aðdáenda - þá er hún engu að síður vettvangur ríkja heims til að reyna að ná samkomulagi um markaðsvæðingu heimsviðskipta á sviði þjónustu. Innan Alþjóðaviðskiptastofnunarinnar eru 160 ríki en 123 þeirra höfðu tekið þátt í GATS viðræðunum þegar þær strönduðu ... Aðild að TiSA eiga hins vegar aðeins 50 ríki - forréttindahluti heimsins. Hlutskipti Íslands er í sjálfu sér ekki vesælla en hinna ríkjanna 49 sem standa að TiSA viðræðunum. En aumt er það og væri okkur sómi að því að segja okkur frá þessum viðræðum ... Fróðlegt verður að heyra um stöðu málsins af Íslands hálfu, frá Gunnari Braga Sveinssyni, utanríkisráðherra, í umræðu sem fram fer um þetta málefni á Alþingi á morgun (mánudag) ...

1. Mars 2015

MÁLŢING TIL HEIĐURS GUNNARI KRISTJÁNSSYNI

Gunnar kristjánsson 70
... Séra Gunnar Kristjánsson hefði sómt sér vel á biskupsstóli eða kennarastóli í háskóla, sagði Ævar, enda væri hann „sannur fulltrú hinnar evrópsku menntamannahefðar". Ævar Kjartansson gerðist jafnframt gamansamur og sagði að eftir að hann hefði séð heimildarmynd um prófastinn á Reynivöllum væri augljóst að enn væri eitt sætið sem hann hefði sómt sér vel á og það væri traktorssæti og þá við landbúnaðarstörf. Að Reynivöllum hefði séra Gunnar setið með reisn ásamt Önnu konu sinni. Hann hefði „tekið sinn pól í hæðina" ... hefði prófasturinn á Reynivöllum „veitt valdsmönnum íslenskrar þjóðkirkju nauðsynlegt aðhald. Það má segja að Gunnar Kristjánsson hafi allan sinn starfsferil verið einörð en málefnaleg stjórnarandstaða innan íslensku kirkjunnar... 

28. Febrúar 2015

HVER ÁKVEĐUR HVAĐ SAMIĐ ER UM Í TiSA VIĐRĆĐUM?

Birtist í DV 27.02.15.
DV - LÓGÓGunnar Bragi Sveinsson, utanríkisráðherra, hefur lýst því yfir að TiSA samningurinn um markaðsvæðingu þjónustuviðskipta verði „gerður opinber strax og hann verður undirritaður." Væri ekki ráð að samningurinn eða öllu heldur samningsdrögin verði gerð opinber áður en þau verða undirrituð af Íslands hálfu? TiSA samningarnir um markaðsvæðingu þjónustuviðskipta, (Trade in Services Agreement), hafa verið í burðarliðnum í um þrjú ár eða eftir að GATS viðræðurnar um sama efni sigldu tímabundið í strand vegna andstöðu ýmissa þróunarríkja svo og verkalýðshreyfingar sem andæfðu því að  ...

27. Febrúar 2015

EFTIRMINNILEGUR MAĐUR

Páll Guðmundsson 4Í gær fór fram útför Páls Guðmundssonar, kennara og skólastjóra með meiru. Reyndar miklu meiru. Þannig kynntist ég Páli í hinu mikla verkfalli BSRB árið 1984 þar sem hann stýrði aðgerðum. Páll hafði einnig verið í verkfallstjórn í kjaradeilu opinberra starfsmanna árið 1977 en þá var ég ekki til staðar og beið það haustsins 1984 að leiðir okkar lægju saman. Aðgerðum í verkfallinu, sem stóð í næstum heilan mánuð, var stýrt úr höfuðstöðvum BSRB en í nábýli við aðgerðastjórnina var síðan hin fámenna ritstjórn BSRB tíðinda  ...  Ekki verður sagt að ritstjórn BSRB tíðinda hafi verið sérlega undanlátssöm þessa októberdaga. Þvert á móti vildi hún að gengið yrði fram af sem mestri hörku. Ekki brást okkar góði foringi, Páll Guðmundsson, í því efni. það gerði hann þó ...

26. Febrúar 2015

ŢVERPÓLITÍSK SAMSTAĐA UM SANNGIRNISBĆTUR TIL LANDAKOTSBARNA

Landakotskirkja
Í niðurlagi fréttafrásagnar vefmiðilsins Lifðu núna (lifdununa.is) um ný-framkomið frumvarp sem borið er fram af fulltrúum allra flokka á Alþingi og opnar á sanngirnisbætur til þolenda ofbeldis í Landakotsskóla á sinni tíð, segir m.a.:  "Landakotsbörnin hafa reynt að ná fram réttlæti í sínu máli og hafa leitað leiða til að fá fulltrúa Vatikansins til að rannsaka mál þeirra.  Þau telja að málið snúist ekki eingöngu um sanngirnisbætur heldur að kirkjan viðurkenni þessi brot og biðjist opinberlega afsökunar.... Þetta er mergurinn málsins. Viljaleysi Kaþólsku kirkjunnar að leysa málið með sóma veldur því að umrætt frumvarp er lagt fram. Þegar allt kemur til alls var og er Landakotsskóli hluti af íslenska skólakerfinu ... Sjá frétt ... af viðbrögðum þolenda ...

25. Febrúar 2015

FJALLAĐ AF ŢEKKINGU UM RÍKISVALD OG ŢEKKINGU

Sveinn Máni JóhannessonÍ gær sótti ég athyglisverðan og vekjandi fyrirlestur Sveins Mána Jóhannessonar, sagnfræðings, um ríki og þekkingu í Bandaríkjunum á 19. öld. Sveinn Máni leggur stund á sagnfræðirannsóknir í Cambridge í Englandi.og fjallar doktorsritgerð hans um þetta efni ... Í rauninni er það mjög merkilegt að í Bandaríkjunum, landi einkaeignarréttarins, hefur fram á þennan dag verið ríkjandi það viðhorf að aðgangur að rannsóknum og þekkingu eigi að vera frjáls og óhindraður. Í þessu hefur reynst vera fólginn gríðarlegur jákvæður sprengikraftur ... 

24. Febrúar 2015

TISA: LEYNISAMNINGAR UM AUKIĐ GAGNSĆI

Birtist í Morgunblaðinu 23.02.15.
MBL- HAUSINN... Ef ekki hefðu komið til uppljóstranir Wikileaks sl. sumar, væri fátt vitað um samningsdrögin eins og þau hafa þróast. Vissulega var vitað um að viðræður færu fram en að mjög takmörkuðu leyti hafði verið látið uppskátt um tilveru þeirra og er reyndar enn gengið út frá því að þau gögn sem byggt er á verði ekki opinber fyrr en fimm árum eftir að samningur er frágenginn! Í júní í fyrra voru birt á vegum Wikileaks drögin einsog þau stóðu í apríl og fékk umheimurinn þá fyrst nákvæmar upplýsingar um hvað var verið að véla á bak við lokuð tjöld. ...Það gagnrýnisverða við TiSA viðræðurnar er að með þeim reyna 50 ríki ( af 123 sem upphaflega undirrituðu GATS) að fara á bak við almenning og einnig ...

24. Febrúar 2015

TÍMI UPPRIFJUNAR UM ŢJÓĐARSÁTT

bsrb - 1. maí
... Þetta eru nokkrar ýkjur en engu að síður er hægt er að taka undir það sjónarmið að Þjóðarsáttin hafi varað stutt en það var fyrst og fremst vegna þess að varla hafði blekið þornað á undirskriftum samninganna þegar atvinnurekendur tóku að knýja á um margvíslegar kerfisbreytingar, þjónustugjöld í heilbrigðiskerfinu og einkavæðingu sem átti eftir að ágerst eftir því sem leið á tíunda áratuginn ...Yfirlýsingar atvinnurekenda og stjórnvalda nú um að huga beri að þjóðarsáttarlausnum í anda þess sem gert var 1990 minnir okkur á mikilvægi sagnfræðinnar. Vönduð sagnfræði kennir að lífið er ekki alltaf alveg eins einfalt og það virðist við fyrstu sýn. Þannig þýðir lítið fyrir samtök atvinnurekenda að biðja lægst launaða fólkið að sætta sig við bág kjör sín á meðan ... ójöfnuður vex í þjóðfélaginu  og pólitískir samherjar þeirra í Stjórnarráðinu boða einkavæðingu í heilbrigðiskerfinu ...

24. Febrúar 2015

“ŢVÍLÍK SKÖMM”

Birtist í Fréttablaðinu 23.02.15.
Fréttabladid haus... Ekki svo að slkilja að ég vilji gera lítið úr formi og formgöllum. Réttarkerfið er eðli máls samkvæmt grundvallað á formi. Form og formfesta er andstæðan við duttlunga og  geðþótta. En form getur líka verið uppspretta mistaka ef ekki er nægur mannskapur og fjármunir fyrir hendi. Þess vegna leita efnamenn jafnan varna í forminu en síður í efnisatriðum. Og þeir, og stðuningsmenn þeirra, vita sem er, að öruggasta leiðin til að vernda efnaða lögbrjóta er að skera niður hjá ákæruvaldinu. Í Kastljósi Sjónvarps var fyrir nokkrum dögum mætt til leiks Eva Joly, ráðgjafi Sérstaks saksóknara í kjölfar hrunsins. Í viðtalinu  ...

22. Febrúar 2015

GRIKKIR, PENINGAR OG PÓLITÍK

Grikkland 2015
... Við skulum ekki gleyma hver pólitískur litur er á valdaöflum ESB. Merkel hin þýska  er sama Merkel og orðaði þá snjöllu hugmynd á sínum tíma að Grikkir seldu eyjarnar sínar til að grynnka á skuldum - af sama toga og það væri að ráðleggja okkur að selja Gullfoss  - og Cameron hinn breski hefur litla samúð með vinstrisinnuðum félagshyggjuöflum. Hollande hinn franski virðist aðallega vera áhugamaður um Hollande hinn franska. Verkefnið hjá þessum aðilum verður nú að grafa undan grísku félagshyggjustjórninni, neyða hana til að gefa loforð sín og áform upp á bátinn þannig að enginn fái þá grillu í höfuðið að mannréttindi en ekki einka-eignarréttindi geti orðið vegvísir út úr kreppum kapítalismans - kerfis misskiptingar og sérhyggju. Fróðleg grein í ...

21. Febrúar 2015

BIĐLAUNARÉTTUR ENDURVAKINN

Birtist í Fréttablaðinu 20.02.15.
Fréttabladid haus... Ástæðan fyrir því að þessar stofnanir voru gerðar að hlutafélögum var einmitt sú að með því móti yrði unnt að hafa réttindi af hinum almenna starfsmanni ... En jafnframt var takmarkið að finna fyrirkomulag sem tryggði að stjórnendur yrðu frjálsari að hygla toppunum ... Ég er þeirrar skoðunar að biðlaunaréttur eigi að taka til alls vinnumarkaðarins, ekki aðeins starfsmanna ríkisins. ... Stundum er því haldið fram að „mannauðsmál" einsog í tísku er í seinni tíð að kalla starfsmannamál, hafi færst til betri vegar hin síðari ár ... Þetta tel ég vera alrangt. Almennt eru opinberir vinnustaðir harðneskjulegri en þeir voru fyrir tíð mannauðsfræðinganna og vísindalegrar  píramídastjórnunar að ofan. Áður var algengara að reyna að leysa málin með aðkomu trúnaðarmanna ... þar sem jafningjar leysa málin ...

19. Febrúar 2015

BIĐLAUNAFRUMVARP: ÚT ÚR DUTTLUNGAKERFI OG INN Í RÉTTINDAKERFI

RÉTTLÆTISVOGIN... Starfslokasamningar tíðkast enn þrátt fyrir þetta fyrirkomulag og eru iðulega gerðir himinháir samningar við toppana hjá stofnunum og sveitarfélögum, jafnvel þegar þeir taka sjálfir ákvörðun um að víkja úr starfi. Iðulega er þessum samningum haldið leyndum enda þola þeir margir illa dagsljósið. Þessir samningar byggja á geðþótta og samkennd valdafólks sem vill hugsa vel hvert um annað. Hver veit hver næst þarf á góðri umbun að halda? Þetta er kerfi mismununar. Eitt gildir um þá sem standa hátt. Annað um þá sem standa lágt. Þannig á þetta ekki að vera. Þess vegna hef ég lagt fram frumvarp um að endurvekja biðlaunarétt fyrir almenna starfsmenn ...

17. Febrúar 2015

EVA JOLY HELDUR OKKUR VIĐ EFNIĐ

Eva Joly - Paris
Aðkoma Evu Joly að rannsókn hrunmála á fyrri hluta árs 2009 skipti sköpum. Fyrir hennar orð var embætti Sérstaks saksóknara gert að því sem það varð ... Kastljós Sjónvarps á lof skilið fyrir að birta ítarlegt viðtal við Evu Joly þar sem hún leggur mat á stöðu mála og minnir á að Ísland skeri sig að því leyti úr að hér á landi sé spurt fyrir dómstólum um persónulega ábyrgð á misnotkun fjármálakerfisins ... Í stað þess að skera niður við embætti Sérstaks saksóknara ber ríkisstjórninni að endurmeta fjárþörf embættisins þannig að það geti lokið ætlunarverki sínu... Aðkoma Evu Joly að skattaundanskotsmálum - milliganga hennar -  er þakkarverð og við eigum að taka mjög alvarlega áskoranir hennar um að fara rækilega í saumana á hugsanlegum skattsvikum fjölþjóðlegra fyrirtækja sem starfa hér á landi ... 

16. Febrúar 2015

AĐ VERA BARA PÓLITÍSKUR

Birtist í helgarblaði Morgunblaðsins 15.02.15.
MBL- HAUSINNÍ vikunni gat að líta eftirfarandi fyrirsögn í Morgunblaðinu: „Verslun er ekki hlutverk ríkisins."  Þetta er gamalkunn pólitísk kennisetning  enda höfð eftir stjórnmálamanni. ... við sem hvetjum til að menn forðist hina hugmyndifræðilegu nálgun og velji hina praktísku, spyrjum: Ef grundvallarbreyting á sölufyrirkomulagi áfengis verður gerð á kostnað heilbrigðissjónarmiða, með tapi fyrir ríkissjóð, minna úrvali, hærra verði og lakari þjónustu fyrir neytendur, þarf þá ekki að spyrja, til hvers er unnið? Getur það gengið að vera bara pólitískur en ekkert praktískur...? ....

14. Febrúar 2015

NĆĐINGUR, GARRI OG AMRANDI Í NORRĆNA HÚSINU

Norræna húsið -
Fyrirsögnin eru heitin á köflunum í nýju tónverki  Þóru Marteinsdóttur,  "Blæs" . Þetta tónverk var frumflutt á tóneikum í Norræna húsinu í dag. Það var Tríó Aurora sem flutti verkið en þetta magnaða tríó skipa Sigrún Eðvaldsdóttir, fiðluleikari, Selma Guðmundsdóttir, píanóleikari og Ögmundur Þór Jóhannesson, gítarleikari, allt listamenn á heimsmælikvarða ... En aftur að Þóru Marteinsdóttur sem óhætt er að fullyrða að hafi heillað okkur öll með Bæstri sínum. Næðinginn og Garrann þekkjum við. Segja má að þetta hafi verið dagur óvægins Garra svo mikið gekk á í himninum í dag. Amranda þekki ég hins vegar ekki sem veðurtilbrigði. En áheyrendur velktust þó ekki í vafa um að Amrandi er ...

14. Febrúar 2015

VIĐSKIPTARÁĐ VILL REYNA AFTUR

Birtist í Fréttablaðinu 13.02.15.
Fréttabladid haus... Fróðlegt er að skoða afleiðingar þessarar stefnu. Nýlega fengum við fréttir af 28,5 milljarða gjaldþroti Geysi GreenEnergy orkufyrirtækisins, bankarnir urðu taumlausri græðgi eigenda og stjórnenda að bráð, Reykjanesbær sem lengst gekk í sölu eigna sinna varð nánast gjaldþrota, einkaframkvæmd reyndist skattborgurum dýrkeypt og engin deilir lengur um að mannfækkun á umönnunarstofnunum, „aukin framleiðni" þar, hefur reynst dýrkeypt. En nú stígur Viðskiptaráðið aftur fram eins og ekkert hafi í skorist með glænýrri áskorun en um leið svo gamalkunnri ...Skyldum við eiga von á dr. Pieri með vorinu...?

11. Febrúar 2015

TRÍÓ Í NORRĆNA HÚSINU: SIGRÚN, ÖGMUNDUR OG SELMA

Tríó - aurora
Næstkomandi laugardag, klukkan 17, verða áhugaverðir tónleikar haldnir í Norræna húsinu í Reykjavík. Það er Tríó Aurora sem þá heldur tónleika. Þetta eru fyrstu tónleikar triosins en margt er í vændum hjá þessum frábæru tónlistarmönnum, ekki síst á erlendri grundu. Í frétt frá Norræna húsinu segir m.a. : „Í tríóinu eru þær Sigrún Eðvaldsdóttir fiðluleikari og konsertmeistari og Selma Guðmundsdóttir píanóleikari, sem eiga langt samstarf að baki og eru vel þekktar í íslensku tónlistarlífi.  Auk þess hefur Ögmundur Jóhannesson gítarleikari slegist í hópinn, en þessi framúrskarandi, ungi gítarleikari hefur þegar skapað sér alþjóðlegan feril." Í frétt Norræna hússins kemur fram að listamennirnir muni ...

11. Febrúar 2015

HUGSJÓNIR OG HAGSMUNIR

vín-hornið
Ungliðadeild Sjálfstæðisflokksins - þ.e. frjálshyggjuvængur hennar - sendir nú án afláts áskoranir til alþingismanna um að hjálpa til við að koma áfengi í matvörubúðir með því að styðja lagafrumvarp þess efnis. Þau sem senda okkur þingmönnum nöfn sín í þessum tilgangi eru greinilega mjög nýtið fólk því ég sé ekki betur en sömu nöfn séu notuð oftar en einu sinni ... En það eru fleiri en hugsjónamenn sem láta þetta mál til sín taka. Þar eru ekki síður á ferð  hagsmunaaðilar sem sjá gróðamöguleika fyrir sjálfa sig takist að telja Alþingi á að koma ÁTVR fyrir kattarnef og brennivíninu þá jafnframt inn í vöruhillurnar hjá Högum, Nettó, Krónunni og ... Þess vegna er það ekki út í hött þegar lesandi spyr hér á síðunni hvort kostnaðarsamar áróðursherferðir kunni að vera á vegum hagsmunaaðila auk hugsjónafólksins í Heimdalli ...

11. Febrúar 2015

NEI, BJARNI!

Birtist í DV 10.02.15.
DV - LÓGÓ... Allt er þetta liðin tíð - eða hvað? Því miður virðist gamla kerfið og gamla sérgæskan aldrei hafa skilið við okkur og enn er rætt um skattaparadísir. Nema nú eru uppi gagnrýnni viðhorf sem betur fer. Fyrir fimmtán árum voru ekki margar raddir sem vildu láta upplýsa um undanskotsmenn úr hópi hinna dáðu útrásarmanna ...Þetta mál er á ábyrgð ríkisstjórnarinnar og fjármálaráðherra sérstaklega. Fjármálaráðherra og formaður Sjálfstæðisflokksins eru einn og sami maðurinn. Formaður Sjálfstæðisflokksins má ekki komast upp með að beita ríkisvaldinu til varnar ríkum skattsvikurum ...

9. Febrúar 2015

PENINGAR Í PARADÍS

peningahausinnGrein með sama titli birti ég í Morgunblaðinu í árslok árið 2000 og er hana að finna hér á síðunni... Ábendingar mínar - sem þó margoft voru ítrekaðar- vöktu lítinn áhuga.  Ungir sjálfstæðismenn héldu uppi hugsjónabaráttu sinni um að hjúpa skattskrárleynd og höfðu ekkert við leyndarhyggju auðmanna að athuga  ...Síðan varð hrun af völdum þeirra sem leituðu í skjólin - ekki síst skattaskjólin.Okkur bjóðast nú til kaups upplýsingar um skattundanskotin - sem á íslensku má einnig kalla þjófnaðinn. Ríkisstjórnin virðist vera að taka afstöðu með sínum málstað, sínum mönnum ...

8. Febrúar 2015

HVERJU Á MAĐUR AĐ TRÚA?

Leiðtogar í París
... Ef til vill skiptir ekki höfuðmáli hvort stjórnmálamennirnir voru aðeins á myndum sem teknar voru til hliðar því þeir voru þrátt fyrir allt mættir til að sjást og tengjast samstöðufundinum. En ef þetta er aukaatriði þá gildir það varla um þögn fjölmiðlanna og samvinnu (samsekt?) þeirra í að klippa saman í eitt, fjöldann og forystumennina, og láta líta svo út að þeir hafi staðið í farabroddi fólksfjöldans. Þetta virðist nefnilega hafa kallað á natni og yfirlegu að láta ...

6. Febrúar 2015

ÓLAFUR SVARAR ŢÓRÓLFI

... Þórólfi Matthíassyni, prófessor í hagfræði við Háskóla Íslands, mislíkaði pistill sem ég skrifaði í helgarblað Morgunblaðsins fyrir skömmu  um mismunandi vægi atkvæða við rektorskjör og færi vægið eftir prófgráðum. Þórólfur vildi vita hvort það væri ekki örugglega rétt sem fram hafði komið hjá Ólafi Þ. Harðarsyni, prófessor í stjórnmálafræði og álitsgjafa í fjölmiðlum um nýafstaðið rektorskjör, að atkvæði þeirra starfsmanna háskólans sem væru án háskólagráðu hefði þegar upp er staðið haft meira vægi en atkvæði hinna sem hefðu háskólamenntun. Hinu gagnstæða hefði ég haldið fram. Þórólfur beindi því spurningu um þetta efni til Vísindavefs Háskóla Íslands ...

5. Febrúar 2015

MANNRÉTTINDI TIL UMRĆĐU Í ALŢJÓĐADÓMSTÓLNUM Í HAAG

Alþjóðadómstóllinn Haag
Í vikunni var mér boðið að sækja, og reyndar einnig stjórna, ráðstefnu sem haldin var á vegum Institute of Cultural Diplomacy í samvinnu við Alþjóðadómstólinn í Haag í Hollandi en ráðstefnan fjallaði um  mannrétti og alþjóðarétt: "An Interdisciplinary Analysis of the Role of International Law in Promoting Human Rights." Á fjórða tug mjög áhugaverðra fyrirlestra voru haldnir á ráðstefnunni en fyrirlesarar voru þingmenn víðs vegar að úr Evrópu sem hafa látið mannréttindi til sína taka, fræðimenn frá nokkrum Evrópulöndum, að ógleymdum dómurum bæði við Alþjóðadómstólinn í Hag, þar á meðal forseti og varaforseti dómstóldins og  dómarar við Alþjóðaglæpadómstólinn og aðrir aðilar innan þessara stofnana.Dómararnir sem töluðu á ráðstefnunni komu frá öllum heimshornum ... Hér að neðan er erindi mitt á ráðstefnunni ...

2. Febrúar 2015

VALD TIL SÝNIS

Birtist í helgarblaði Morgunblaðsins 01.02.15.
MBL- HAUSINNNýlega kom ég í Colosseum, fjölleikahús Rómverja til forna. Það rúmaði á sinni tíð sjötíu þúsund áhorfendur. Þeim var skipað á bekk eftir þjóðfélagsstöðu, keisarinn og aðrir ráðamenn í bestu sætum  en efst voru þeir sem neðst stóðu í þjóðfélagsstiganum. Boðskap sýninganna í Colosseum var þó ekki síst beint að þeim. Leikarnir stóðu að jafnaði  ...

28. Janúar 2015

VOĐAVERKIN Í PARÍS OG VELFERĐ TIL UMRĆĐU Í STRASBOURG

París - blóm - small
Á þingi Evrópuráðsins sem situr þessa dagana í Strasbourg hefur að venju verið rætt um velferðarmál og er þetta þing þar engin undantekning. Í dag bar Velferðarvaktina íslensku á góma. Hennar var getið í skýrslu sem danski þingmaðurinn Nikolaj Villumsen vann fyrir Evrópuráðið. Skýrslan fjallar um efnahagsþrengingar og viðbrögð við þeim og er talsvert vikið að Íslandi í henni, fyrst og fremst á lofsamlegun notum ...Þá hefur verið rætt um fjölmiðla og frelsi þeirra í ljósi voðaverkanna í París. Ég var talsmaður vinstri flokkanna hér á þinginu í umæðu um voðaverkin í París og er ræða mín hér að neðan ...

28. Janúar 2015

TEKIĐ UNDIR MEĐ LANDVERND

Landvernd - lógó... Auðvitað má færa rök fyrir því að Alþingi hafi rétt á að breyta ákvörðunum fyrri þinga. Þetta mál snýst hins vegar ekki um það eitt. Málið er miklu stærra. Það snýst um það hvort stjórnarmeirihlutinn ætli að hafna aðferðafræði sem reynt hefur verið að þróa á undanförnum árum í því augnamiði að ná breiðri sátt um ákvarðanir sem á undaförnum árum hafa skapað illvígar deilur með þjóðinni. Getur það virkilega verið að ríkisstjórnin og stjórnarmeirihlutinn gefi ekkert fyrir sjónarmið  Landverndar eða annarra náttúruverndarsamtaka? Ætlar ríkisstjórnin virkilega að stefna ákvörðunum um landnýtingu og náttúruvernd í gamalkunnan átakafarveg? Ég hélt að menn hefðu fengið nóg af slíku og vildu þróa fagleg og lýðræðisleg vinnubrögð við ákvarðanatöku....

 

28. Janúar 2015

LEKAMÁLIĐ OG FJÖLMIĐLAR

Birtist í DV 27.01.15.
DV - LÓGÓ... Lekamálið hefur vakið ýmsar spurningar um ábyrgð stjórnmálamanna, stjórnsýslunnar og fjölmiðlanna. Við hljótum að spyrja hvort fjölmiðill sem býr yfir upplýsingum um að heimildarmaður segi ekki rétt frá og varpi þar með grun á saklaust fólk, hafi skyldur gagnvart honum á kostnað sannleikans. ... Mikilvægt er að allir þeir aðilar sem hafa aðhalds- og eftirlitshlutverki að gegna standi sína vakt. Það er vissulega áhyggjuefni hvernig eignarhaldi á fjölmiðlum er háttað og virðist enn sækja í einokunarfarveg. Á sama tíma og ... 

24. Janúar 2015

LEKAMÁL Á OPNUM FUNDI STJÓRNSKIPUNAR- OG EFTIRLITSNEFNDAR ALŢINGIS

Lekinn 23.1.2015
Umboðsmaður Alþingis hefur nú kynnt niðurstöður sínar í svokölluðu lekamáli sem í haust leiddi til afsagnar innanríkisráðherra, Hönnu Birnu Kristjánsdóttur. Umboðsmaður hefur haft málið til rannsóknar frá því í júlílok í sumar og hefur Stjórnskipunar- og eftirlitsnefnd Alþingis haldið að sér höndum á meðan rannsókn hans hefur staðið yfir. Áður hafði verið fært til bókar í Stjórnskipunar- og eftirlitsnefnd Alþingis að málið væri alvarlegt og hlyti að koma til kasta nefndarinnar. Á fundi sínum í gær ákvað Stjórnskipunar- og eftirlitsnefnd Alþingis að rita fyrrverandi ráðherra bréf og og bjóða .... 

21. Janúar 2015

LĆRDÓMURINN AF ORKUBRASKINU

Gjaldþrot GGE kópia
Fjölmiðlar greina nú frá 28,5 milljarða gjaldþroti Geysi GreenEnergy.  ... Í ábendingu til þingmanna frá sívakandi manni um íslensk þjóðfélagsmál er vakin athygli á þessu máli sem víti til varnaðar og er það vel. Í ábendingunni er látið að því liggja að þegar Geysir Green, Magma Energy og önnur braskfyrirtæki í orkubransanum fóru mikinn fyrir fáeinum árum með stuðningi ráðandi stjórnmálaafla,hafi lítið verið um gagnrýni - „enginn sagði neitt".
Ég ætla að leyfa mér að segja að sú staðhæfing stenst ekki ...

19. Janúar 2015

ŢÖRF Á AĐ STANDA VAKTINA

Birtist í helgarblaði Morgunblaðsins 18.01.15.
MBL- HAUSINNÉg er einn þeirra sem gladdist mikið við lok læknaverkfallsins. Við rekum ekki spítala án lækna. Og góða spitala viljum við hafa með færustu læknum og öðru heilbrigðisstarfsfólki,  sem völ er á. Ég trúi því að hefði ekki samist á forsendum sem læknar töldu ásættanlegar hefði straumur þeirra legið úr landi. Læknar höfðu þjóðina með sér. Eða eigum við að segja að  heilbrigðiskerfið hafi haft þjóðina með sér. Og þannig held ég að það verði áfram svo lengi sem okkur tekst að varðveita ...

18. Janúar 2015

GEGN FORDÓMUM OG ÓTTA Í PARÍS OG REYKJAVÍK

parísarfundurinn
Umræðan um hryðjuverk, tjáningarfrelsið og  öfgafulla múhameðstrú, er lífleg þessa dagana. Hér á landi skamma menn Sigmund Davíð Gunnlaugsson, forsætisráðherra, ótæpilega fyrir að hafa ekki farið til Parísar ... Það er margt gott að segja um samstöðufundinn í París. Þarna fengu t.d. hófsamir  forsvarsmenn Múhameðstrúar vettvang til að sverja tjáningarfrelsinu hollustu sína. Og - eins og það var svo ágætlega orðað af íslenskri stúlku í París - samstaðan bægði óttanum frá. Að þessu leyti voru fjöldafundirnir í Frakklandi og víðar mikilvægir og merkilegir og jákvæður vitnisburður um vilja almennings til að verja frelsi og lýðræði.... Og mér fannst líka gott að heyra af grasrótarfundinum í Iðnó á laugardag. Þar mun hafa farið fram góð umræða og góðviljuð. Enginn að pirrast út í allt það fólk sem ekki kom  ...

15. Janúar 2015

GOTT AĐ RĆĐA ŢAĐ SEM BRENNUR Á ALLRA VÖRUM

Málþing - islam
Á laugardag kl. 13 verður haldið málþing í Iðnó í Reykjavík undir yfirskriftinni, Stafar hætta af múslimum á Íslandi? ... mig langar til að þakka fyrir þetta frumkvæði að umræðu um málefni sem brennur á allra vörum. Fordómar þrífast vegna vankunnáttu og misskilnings og stundum blöndu af þessu tvennu. Með opinni umræðu og skoðanaskiptum má forðast slíkt. Það góða við samstöðufundina í Frakklandi og víðar í kjölfar hryðjuverkanna í París, var meðal annars að skapa mörgu velviljuðu fólki af öllum trúarbrögðum og skoðunum vettvang til að viðra sjónarmið sín og skiptast á skoðunum við aðra. Fundurinn í Iðnó er tilraun til slíkra skoðanaskipta ...

14. Janúar 2015

Á FERĐALAGI MEĐ PÉTRI GUNNARSSYNI

Veraldarsaga P GunnUndanfarna daga hef ég verið á viku ferðalagi suður í Evrópu með viðdvöl í tveimur löndum, Ítalíu og Þýskalandi. Ég hef líka ferðast aftur í tímann. Það gerði ég með hjálp Péturs Gunnarssonar, rithöfundar. Aðgangsmiðinn að því  ferðalagi er nýjasta bók hans, Veraldarsaga mín. Fyrir okkur sem munum og lifðum umrótið í lok sjöunda áratugarins og byrjun hins áttunda, sérstaklega kennt við árin ´68-´69, hefur bókin aukið gildi því hún rifjar skemmtilega upp hughrif og stemningu þess tíma. Pétur lagði ...

6. Janúar 2015

BARÁTTUKONUR FYRIR EINKAVĆĐINGU HEILBRIGIĐSŢJÓNUSTUNNAR FENGNAR TIL EFTIRLITS OG LEIĐSAGNAR!

Bjarni - ásdís - ásta -kristján - takk
Ýmsum  - þar á meðal mér- þótti ekki boða gott þegar heilbrigðisráðherra þjóðarinnar, Kristján Þór Júlíusson,  mætti við kynningu þeirra Ásdísar Höllu Bragadóttur og viðskiptafélaga hennar á nýjum bisnissáformum "á velferðarsviði"  fyrir rétt rúmu ári ... Fyrr á árinu, í júní 2013, höfðu þær Ásdís Halla Bragadóttir og  Ásta Þórarinsdóttir, sem Bjarni Benediktsson, fjármálaráðherra og formaður Sjálfstæðisflokksins, hefur nú skipað nýjan formann Fjármálaeftirlitsins, birst gaðhlakkalegar eftir að lífeyrissjóðir höfðu gengið til liðs við þær í viðleitni til að taka yfir heilbrigðiskerfið...

5. Janúar 2015

RÁĐIST Á FÁTĆKA Í OKKAR NAFNI

Birtist í helgarblaði Morgunblaðsins 04.01.15.
MBL- HAUSINN...  Þeim okkar sem hafa fulla vinnu og búa við sæmileg launakjör væri hollt að hugleiða hvað okkur finnist um þá tilhugsun að búa við 178 þúsund krónur á mánuði fyrir skatt og þurfa síðan að sæta skerðingu eins og gerðist um þessi áramót hjá allstórum hópi fólks. Ekki nógu stórum til að ógna einni ríkisstjórn nema að við verðum nógu mörg sem sættum okkur ekki við tíðaranda þröngrar eigngirni og svörum herhvöt Þorleifs Gunnlaugssonar til varnar tekjulægsta fólkinu á Íslandi.  ...

4. Janúar 2015

ÁRAMÓTAŢANKAR UM TÍMANN SEM LÍĐUR OG ŢANN SEM LIFIR

Tíminn 2
Ég minnist þess að sem ungum dreng þótti mér áramótin í bland vera þrungin trega. Nú árið er liðið í aldanna skaut, var sungið og barnið sat eftir með þá hugsun að hið liðna væri okkur á einhvern hátt gengið úr greipum, glatað - kæmi aldrei til baka. Þessu fylgdi óútskýrð eftirsjá. En um leið var nýr forvitnilegur tími að hefjast. Áramót voru því í senn tími eftirsjár og eftirvæntingar. KK sagði einhverju sinni í áramótaspjalli um nýliðið ár, að það hefði verið gott ár. Verst hve illa hefði verið talað um það! Eftir því sem árin líða finnst mér það ...

1. Janúar 2015

ÓSKAĐ ÁRS OG FRIĐAR

Nýárs - mynd
Ég sendi landsmönnum öllum kveðju á nýbyrjuðu ári um leið og ég þakka kynni og samstarf á því ári sem nú er liðið. Megi árið 2015 færa ykkur öllum gleði og gæfu!


Bréf til síđunnarRSS Fréttaveita

Frá lesendum

16. Nóvember 2017

KLÓKT?

Þá eru þeir mættir, Gylfi frá ASÍ og Halldór Benjamin frá SA, yfir sig hrifnir af stöðugleikanum sem nú er boðaður á forsendum SALEK. Það þýðir að enginn má hækka í launum nema þeir  félagar samþykki. Sigurður Ingi, framsóknarmaður, sagði að það hafi verið "klókt" að fá þá á fund flokksformannanna sem nú eru að ganga frá stjórnarsáttmála sínum. Allt þetta er nú ekki klókara en svo að þessi málatilbúnaður hefur hrakið framkvæmdastjóra Starfsgeinasambandisns, Drífu Snædal, frá borði. Hef ég þó grun um að hún hafi ekki sagt sitt síðasta orð. Er það vel.
Jóhannes Gr. Jónsson 

15. Nóvember 2017

HVERJIR HRÓSA HAPPI?

Ýmsir geta nú hrósað happi yfir að fátt er um illa-smalanlega ketti í VG. En hverjir skyldu það vera sem hrósa happi yfir því? Almenningur eða Sjálfstæðisflokkurinn?
Jóel A.

13. Nóvember 2017

VILJANDI TÝNA TÖLU

Vinstri Grænir velja brátt
viljandi týna tölu.
Við Íhaldið þeir semja sátt
og enda á útsölu.


Nú er allt farið sem farið getur
fjandans Íhaldið áfram situr
Og mikið grætur nú gamli Pétur
gott er að vera eftir á vitur.
Pétur Hraunfjörð

11. Nóvember 2017

ÚTFÖRIN

Vinstri-Grænum fer nú frá
Þeir fóru yfir strikið.
Með Íhaldinu margir sjá
útför fyrir vikið.
Pétur Hraunfjörð

11. Nóvember 2017

HĆGRI STEFNA Í BOĐI VG?

Hvað er eiginlega að gerast í íslenskum stjórnmálum? Þarf fleiri Borgunarmál, áframhaldandi aðgang einkavæðingarsinna að stjórnsýslunni, meiri misskiptingu, meiri stóriðju, með öðrum orðum, meira af Sjálfstæðisflokknum - og allt þetta, HÆGRI STEFNA í boði VG? 
Jóhannes Gr. Jónsson

8. Nóvember 2017

SLEGINN

Vinstri-Grænir vilja nú
vera hægramegin.
Á þeim hafði trölla trú
töluvert er nú sleginn.
Pétur Hraunfjörð

28. Október 2017

LJÓĐMĆLI

Að kosningum komið er
kannski velurðu rétt.
En sitt sýnist hverjum hér
svo það verður ekki létt.
...
Pétur Hraunfjörð

28. Október 2017

MUNIĐ AĐ KJÓSA RÉTT

Í Panama hafa pokann geymt,
peningar og valdastétt.
Mörgu logið, margt er gleymt,
munið þó að kjósa rétt.
Kári

28. Október 2017

KOSNINGAŢANKAR

Nú bíður oss bláahöndin
betri sultarkjör
krjúpum og kysum vöndinn
ei verðum á lofið spör.
...
Pétur Hraunfjörð

18. Október 2017

SÚPERCHRIST BRÁTT FYRIRGEFIĐ?

Lögbannið er lyginni næst,
enn lengist á gosa nefið.
Og Bjarna Ben súperchrist,
verður brátt fyrirgefið.
Pétur Hraunfjörð


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

12. Október 2017

Kári skrifar: FÁEIN ORĐ UM VEGTYLLUR, SKYNFĆRI OG MANNGREINAR-ÁLIT

Mannvirðingar meta best,
máta flokka, stöður þrá.
Til Himnaríkis heldur lest,
henni vilja margir ná.

Hugtakið "vegtylla" er skilgreint í íslenskri nútímamálsorðabók svona: "sýnileg upphefð, viðurkenning eða góð staða". Mikilvægt er að hafa þessa skilgreiningu á hreinu, enda sækjast margir eftir vegtyllum sem svo eru kallaðar. Eins og skilgreiningin ber með sér, má ljóst vera að "sýnileg upphefð" er einhvers konar "upphefð" sem maður, eða menn, sýnir öðrum manni eða mönnum. Þetta er með öðrum orðum ...

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta