Beint á leiđarkerfi vefsins

Annađ

31. Desember 2016

HVERNIG FÓRUM VIĐ AĐ ŢVÍ AĐ KOMAST FRÁ DREKKINGARHYL OG INN Í SAMTÍMANN?

Drykkingarhylur
... Ég sagði í ávarpi mínu að ég minntist umræðunnar á síðasta aðalafundi Dómarafélagsins. Þar hefði verið varað við sviptivindum í samtímanum þegar réttarkerfið væri annars vegar; að dómstólar mættu ekki láta almenningsálitið ná inn í réttarsalinn. Nú, á nýjan leik færi fram á síðum dagblaða umræða um hina „illu" dómara, stjórnmálamenn og jafnvel embættismenn sem létu stjórnast af illviljuðu almenningsáliti. Mig langaði hins vegar nú að taka upp hanskann fyrir „almenningsálitið" eða „tíðarandann", og spyrja hvering við fórum við að því að komast frá Drekkingarhyl og inn í mannréttindaákvæði stjórnarskrár og laga sem kveða á um frelsi einstaklingsins til orða og athafna? Ætli það sé ekki ...

30. Desember 2016

VERĐLAUNAĐIR AĐ VERĐLEIKUM

Geir Hallst. og Guðmundur Gísla
... Þar staldra ég að sjálfsögðu við einstaklingana tvo, sem fengu eins konar allsherjar viðurkenningu fyrir framlag sitt til íþrótta á löngum og farsælum ferli sínum. Það voru sundkappinn Guðmundur Gíslason og handboltamaðurinn Geir Hallsteinsson, nöfn sem stöðugt voru í fréttum áratugum saman ... Það var dæmigert fyrir báða þessa menn af hve mikilli hófsemd og lítillæti þeir höfðu orð á eigin framlagi við athöfnina í gær enda minnist ég þeirra beggja einmitt alveg sérstaklega fyrir slíka framkomu, jafnvel þegar þeir höfðu unnið sín mestu afrek ...

29. Desember 2016

ALŢINGI FRELSAR FORSTJÓRANA

Fréttabladid hausBirtist í Fréttablaðinu 28.12.16.
Ef einhver skyldi halda að lægst launuðu stéttirnar séu óhamingjusamastar yfir launakjörum sínum og kvarti sárast þá er það mikill misskilningur. Sennilega eru vansælastir forstjórarnir og forstöðumennirnir sem síðustu árin hafa heyrt undir Kjararáð. Hvers vegna skyldu þeir hafa verið vistaðir þar? Það var til þess að tryggja að naflastrengur væri á milli þeirra og annars launafólks sem starfaði á vegum hins opinbera. Reynslan kenndi að nauðsynlegt væri að hafa hemil á þeim. Ég fullyrði að ein meginástæða þess að þessir aðilar voru margir hverjir á sínum tíma þess mjög fýsandi að stofnanir þeirra yrðu gerðar að hlutafélögum, hafi verið sú að ...

28. Desember 2016

HUGSUM Í ÖLDUM EKKI SEKÚNDUBROTUM!

VATN 2
...Nú vill annar auðkýfingur, að þessu sinni Indverji, eignast vatnslindir í Borgarfirði eystra ...  eignarlandi fylgja auðlindir í jörðu þar með talið vatnið sem við hefðum að sjálfsögðu átt að vera búin að þjóðnýta, hvern einasta dropa í samræmi við anda íslenskrar hefðar frá örófi alda. Það er ekki fyrr en líður á 20. öldina að einkaeignarrétturinn fer að færa sig upp á skaftið. En nóg um það að sinni og spyrjum hvað beri nú að gera og það þegar í stað! ... Nú vill annar auðkýfingur, að þessu sinni Indverji, eignast vatnslindir í Borgarfirði eystra ...

27. Desember 2016

BLAIR OG BOGESEN Í BERLIN

Ríki maðurinnUm miðjan desember sótti ég ráðstefnu á vegum Institute for Cultural Diplomcy, ICD, í Berlín ... Ég flutti erindi á ráðstefnunni ..., Democracy in an Age of Uncertainty, Lýðræði á Öld Óvissunnar ... Þar kom Bogesen við sögu... The Icelandic Nobel Prize winner in literature, Halldór Laxnes in his books dealt with the realities of life. One such book is called Salka Valka and tells the story of a poor working class girl and her relationship with the big wealthy merchant, Mr. Bogesen who ... had the life of the entire community in his hands. But he was there and he was visible. And the fate of the people was visible to him. Not any more ...

25. Desember 2016

ŢÓRĐARGLEĐI

MBL  - LogoBirtist í helgarblaði Morgunblaðsins 24/25.12.16.
... Sú gleði varð mér nefnilega umhugsunarefni, svo áleitin varð hún á aðventunni. Hámarki náði Þórðargleðin þegar brúneggjamálið svonefnda gaus upp. Eðlilega urðu þeir neytendur foxillir, sem keypt höfðu hin brúnu egg með auka álagi á verðlagið, í þeirri trú að framleiðslan væri vistvænni en almennt gerðist og umhyggjan fyrir dýrunum sér á parti; hæna og maður væru undursamlega hamingjusöm í brúneggjaframleiðslunni, færandi okkur í búðarhillurnar vistvæna afurðina, sérmerkta sem slíka. Að því marki sem þetta var gabb, þá var reiðin réttmæt. Á hinum endanum var svo Þórðargleðin. Hún veitti mörgum mikla fró þessa dimmu skammdegisdaga. Auk þess að geta glaðst yfir  ...

22. Desember 2016

VOPNIN KVÖDD Á ALŢINGI

Uppgjöf
... Veruleikinn er sá að nú hefur sá draumur ræst að færa lífeyrisréttindi opinberra starfsmanna niður samkvæmt gammalli kröfu Samtaka atvinnurekenda og því miður Alþýðusambands Íslands - það er hin napra staðreynd eins ömurlegt og það er að þurfa að segja það. Alþingi rekur nú smiðshöggið á verkið með því að styðja á atkvæðistakkann. Það er afreksverkið sem þingmenn gumuðu af í umræðu um málið.  Alingi hefði getað stöðvað þetta ólukkans mál - það hefði ekki þurft fjölmenna sveit til þess. En til þess hefði þurft vilja, öflugri en þann sem gengur út á það fyrst og síðast að ...

21. Desember 2016

REFSIVALDI BEITT Í FJÖLMIĐLUM

Magnús Skarphéðinsson
Einstaklingur hlýtur dóm fyrir áreiti. Hann er sagður hafa tekið í buxnastreng drengs í heitum potti sundlaugar og haft við hann óviðurkvæmileg ummæli. Þau ummæli hafa nú verið rækilega tíunduð í fjölmiðlum - alls ekki öllum þó - undir myndbirtingu af viðkomandi einstaklingi. Svívirðilegt ofbeldi viðgengst. Stundum er dæmt og stundum sýknað. Umrætt brot fellur tæpast undir alvarlega ofbeldisglæpi. Fjarri því. Samt refsar dómstóll með tveggja mánaða fangelsi skilorðsbundnu og milljón í miskabætur! Síðan kemur fjölmiðill með sína refsingu, myndbirtingu af hinum dæmda manni. Hvaða viðmið skyldi viðkomandi fjölmiðill setja sér hvað varðar ...

20. Desember 2016

ĆTLAR ALŢINGI AĐ SKERĐA LÍFEYRISKJÖR OPINBERRA STARFSMANNA?

Lífeyrissjóðir
... Ég var enn á þingi þegar samkomulagið var kynnt í október sl.. Þau sem að kynningunni stóðu áttu eitt sameiginlegt, nefnilega að ekki yrði skert hár á höfði þeirra! Bara þeirra sem á eftir koma!! ...  En hvað skyldi Alþingi gera? Ég neita því ekki að um mig fer svolítill hrollur þegar ég hugsa til umræðunnar sem fram fór  á milli þingmanna við kynningu frumvarpsins. Hún var ekki traustvekjandi og yrði seint talin hafa verið vel upplýst. Vonandi hefur þetta nú færst til betri vegar. Um það verða fjölmiðlar að fræða okkur. Ég tel tvímælalaust að stöðva beri málið í þinginu. Margt er þar óljóst en það hins vegar eitt ljóst að um stórfellda kjaraskerðingu yrði að ræða nái þetta frumvarp fram að ganga.  

19. Desember 2016

SALAN Á GRÍMSSTÖĐUM: VITNISBURĐUR UM VESALDÓM STJÓRNVALDA

Grímsstaðir - Sigurður og Bjarni
... Þetta mál er stærra en virðist við fyrstu sýn. Annars vegar tel ég það vera grundvallaratriði að halda eignarhaldi á landi innan landsteinanna, að það verði í eigu aðilja sem búa á Íslandi. Tilteknir eigendur kunna að vera í góðu lagi eins og sagt er. En þeir eru dauðlegir sem kunnugt er og að þeim gengnum tekur markaðurinn við eignum þeirra. Í annan stað þarf að koma í veg fyrir að stór landsvæði safnist á hendur fárra auðmanna. Í þriðja lagi þarf að tryggja eignarhald á náttúrudjásnum Íslands hjá þjóðinni. Kaup ríkisins á Grímsstöðum á Fjöllum hefði verið til marks um skilning á slíkum sjónarmiðum og virðingarvottur við allt það fólk sem beðið hefur stjórnvöld að taka tillit til slíkra viðhorfa. Í stað þess sitjum við nú uppi með ...

18. Desember 2016

BREIĐFIRĐINGAKÓRINN SYNGUR OKKUR INN Í JÓLIN

Breiðfirsk jólalög 2
Hjá mér hefjast jólin á tónleikum Breiðfirðingakórsins. Í kvöld söng hann í Fella- og Hólakirkju og var söngskráin í senn hátíðleg og skemmtileg, blanda af innlendum og erlendum lögum, gömlu og nýju. Sérstaklega hafði okkar ástsæla tónlistarmanni, Þorgeir Ástvaldssyni, verið boðið til tónleikanna í tilefni þess að kórinn flutti lag hans við ljóð Helgu Þorgilsdóttur, Velkomin jól. Það var vel við hæfi. Síðan var þarna að sjálfsögðu á dagskránni Sigvldi Kaldalóns með ... 

12. Desember 2016

Í VIĐTALI HJÁ KATOIKOS.EU

FIB - OJ -II
... Hér fylgir bæði slóð á viðtal sem fréttakonan Marta Paceco tók við mig fyrir fáeinum dögum og einnig viðtalið sjálft en frásögn af heimsókn bandarísku lögreglunnar, FBI til Íslands sumarið 2011 með það að markmiði að finna höggstað á Julian Assange og Wikileaks, hefur vakið athygli fjölmiðla hér heima og erlendis þótt hún sé ekki ný af nálinni...

11. Desember 2016

VIĐ HÖFUM HLUSTANDA Á LÍNUNNI

MBL  - LogoBirtist í helgarblaði Morgunblaðsins 10/11.12.17.
... Einu sinni lokaðist ég inni í neðanjarðarlestakerfinu í París. Ég hafði týnt miðanum sem ég þurfti nú sárlega á að halda til að opna mannlaus járngrindarhliðin. Einhvern veginn komst ég þó út á endanum. Á sama hátt kemur yfirleitt að því um síðir að maður kemst í samband við lifandi rödd. En oftar en ekki erum við þá búin að hlusta á spiladós segja okkur á hvaða takka við eigum að styðja ef við viljum fá upplýsingar um fyrirtæki og hver takkinn er ef um er að ræða einstaklinga eða hvort við erum að leita eftir upplýsingum um vélbúnað eða hugbúnað, og hvort við höfum ef til vill áhuga á að tala ensku ...

3. Desember 2016

FÉLAGSAMÁLALNEFND EVRÓPURÁĐSINS: VERKALÝĐSBARÁTTA DREGUR ÚR MISSKSIPTINGU

Evrópuráð - fánar
... Til umfjöllunar á fundinum í Flórens var skýrsla sem ég hef unnið að, og er sett fram í mínu nafni, um stöðu verkalýðshreyfingar í Evrópu. Verulega hefur verið þrengt að réttarstöðu hennar, sumpart í tengslum við efnahagsþrengingar undangenginna ára. Á sama tíma eykst ójöfnuður í álfunni og bendir margt til þess að tengsl séu þarna á milli. Í ályktunartillögum sem settar eru fram í skýrslunni eru aðildarríki Evrópuráðsins hvött til þess að virða evrópska og alþjóðlega sáttmála um réttarstöðu verkalýðshreyfingarinnar og vinna að því að efla þá og styrkja og jafnframt vinda ofan af löggjöf sem sett hefur verið á undanförnum árum verkalýðsbaráttu til höfuðs ...

30. Nóvember 2016

ORĐSENDING TIL SENDIHERRA BRETA Á ÍSLANDI

MBL  - LogoBirtist í Morgunblaðinu 29.11.16.
...  Eitt áttu gestgjafar okkar sameiginlegt, nefnilega að telja að Íslendingar standi sameinaðir að baki óskum um að fá sæstreng lagðan til Bretlands til að flytja um íslenskt rafmagn. Ég hafði á tilfinningunni að þegar gestgjafar okkar - og það átti við um fulltrúa allra flokka - vildu gleðja okkur, þá sögðu þeir að mikilvægt væri að skoða með jákvæðu hugarfari lagningu slíks strengs. Nú fáum við fréttir af því að breskir fjárfestar biðja ríkisstjórn sína um stuðning við slík áform. Í kjölfar Brexit þurfi að horfa til nýrra uppspretta verðmætanna. Ég tók það að mér í Bretlandsferðinni  - og létu ferðafélagar mínir það óátalið - að benda á ...

28. Nóvember 2016

BRASKAĐ MEĐ SKÓLABYGGINGAR

Jóakim
... En stóra samhengið vekur ekki síður athygli. Það er umfang góðabrallsins á þessu sviði. Í Fréttatímanum sl. föstudag segir að FM hús (sem mér skilst að eigi hina hafnfirsku skóla sem eru í einkaeigu) hyggist „selja skólabyggingar í Garðabæ og Hafnarfirði til tryggingafélagsins VÍS fyrri 3,7 milljarða króna. Á meðal eigna er Áslandsskóli og tveir leikskólar." Það er nefnilega það. Þetta minnir á Blair tímann í Bretlandi ... og Jóakim von And og félaga ...

27. Nóvember 2016

ERU NEYTENDASAMTÖKIN FYRIR NEYTENDUR EĐA NEITENDUR?

MBL  - LogoBirtist í helgarblaði Morgunblaðsins 26/27.11.16.
Samkeppni er alltaf til góðs fyrir neytendur, sagði formaður Neytendasamtakanna í sjónvarpsþætti í liðinni viku. Tilefnið var úrskurður um að Mjólkursamsalan hefði ekki gerst brotleg við lög, gagnstætt því sem Samkeppniseftirlitið hafði staðhæft. En samvinna? Getur verið að hún sé góð fyrir neytendur? Ekki var á formanni Neytendasamtakanna að skilja að svo væri. En ég leyfi mér að spyrja hvort það kunni ekki að vera svo, að stundum sé samkeppni góð fyrir neytendur og stundum sé samvinna góð fyrir neytendur; og stundum blanda af ...

27. Nóvember 2016

BURT MEĐ ÁFENGISAUGLÝSINGAR

Vín - auglýsing
Gott var það hjá Sjónvarpinu í sunnudagsfréttatímanum að taka fyrir áfengisauglýsingar í Leifsstöð. ÁTVR á að sjá sóma sinn í því að taka þær allar niður þegar í stað! Og Sjónvarpið mætti að sama skapi sjá sóma sinn í því að taka fyrir áfengisauglýsingar í auglýsingatímum Sjónvarpsins. Burt með tvískinnunginn í ÁTVR og í RÚV. Dapurlegt hefur verið að fylgjast með fjölmiðlum leyfa óprúttnum framleiðendum áfengis að fylla blöð sín og sjónvarpsskjái auglýsingum um áfengi sem lögum samkvæmt eru ekki leyfilegar.  Komist er ...

27. Nóvember 2016

OKKUR AĐ ŢAKKA!

Bylgan í bítið - Heimir og Gulli
Í liðinni viku fór ég í heimsókn til þeirra Heimis og Gulla í Bítið á Bylgjunni. Alltaf gaman að spjalla við þá og svo var einnig að þessu sinni. Við komum víða við, heima og heiman. Við ræddum Brexit og ég skýrði hvers vegna ég hefði kosið með Brexit, nefnilega gegn óhugnanlegri ... Svo ræddum við pólitískar og efnahagslegar horfur hér innanlands og þar kom að við fjölluðum um vaxtarsprotana sem nú eru heldur betur að dafna og vaxa, ekki síst í ferðaiðnaði. Varla er það þó Vinstri grænum að þakka sögðu þeir félagar með glott á vör. Skyldi ekki Eyjafjallajökull hafa skipt þar meira máli ...

26. Nóvember 2016

KLÍNIKIN ehf. SEGIST VILJA MEIRA AF SKATTFÉ OKKAR - ANDSTAĐA GEGN ŢVÍ HLJÓTI AĐ VERA ÓMÁLEFNALEG!

Heilbrigðismál - einka 2
... Allir gera sér grein fyrir þörfinni á auknu fjármagni til heilbrigðiskerfisins. En þegar spurt er um hvernig þessu aukna framlagi skattgreiðenda skuli varið, byrjar pólitíkin. Hún fjallar um farvegi fjármagnisins ... Forsvarsmenn Heilsugæslunnar komu einnig fram í fjölmiðlum í vikunni til að tala máli Friedman-frjálshyggjunnar um að fjármagn skuli fylgja sjúklingi. Kváðu þeir gríðarlega framför fólgna í því að fólk geti ráfað á milli heilsugæslustöðva með vasa fulla skattfjár ... Einn þriggja höfunda greinar í Fréttablaðinu þessu til lofs og dýrðar er innfluttur bisnisslæknir með reynslu - úr einkageiranum í Svíþjóð, líkt og kolleginn í Klínikinni ehf. ...

22. Nóvember 2016

LANDSPÍTALI OG HÁSKÓLI ÍSLANDS VIRĐA ALŢINGI AĐ VETTUGI

MBL  - LogoBirtist í Morgunblaðinu 21.11.16.
... Ég geri engar athugasemdir við þá einstaklinga sem skipaðir hafa verið til rannsóknarstarfsins af hálfu Landspítala háskólasjúkrahúss og Háskóla Íslands. Ég get þó ekki annað en undrast þá ákvörðun hlutaðeigandi einstaklinga að taka verkið að sér vitandi að aðkoma verkbeiðenda er umdeild og í ljósi þess að opinberlega hefur komið fram að Alþingi hafði óskað eftir því að annað verklag yrði haft á. Undirritaður gegnir ekki lengur formensku Stjórnskipunar- og eftirlitsnefndar Alþingis. Ég vil þó leyfa mér að efast um að nefndin muni frekar aðhafast í málinu að sinni alla vega, vegna framangreindrar framvindu málsins ...

19. Nóvember 2016

EFTIRLITSRÍKIĐ SĆKIR Á

Eftirlitsríkið
... Þingbálkurinn sem breska þingið samþykkti sl. fimmtudag kallast lög um rannsóknarheimildir,"The Investigatory Powers Act", og lögleiðir hann alls kyns heimildir til handa öryggisþjónustunni til að brjótast inn í prívatlíf fólks og fullyrðir Guardian "að lengra hafi ekki verið gengið af hálfu nokkurs ríkis í Vestur-Evrópu, jafnvel í Bandaríkjunum." Búist hafði verið við hörðum mótmælum og að draga þyrfti í land að einhverju leyti í meðförum þingsins, en sú hafi ekki orðið raunin. Edward Snowden sendi eftirfarandi frá sér af þessu tilefni ...

15. Nóvember 2016

KENNING BRYNJARS UM RĆTNA VINSTRIMENN

Brynjar NíelssonÁn efa fór það illa í marga bandaríska kjósendur þegar andstæðingar Donalds Trumps sögðu hann vera  fordómafullan heimskingja. Þetta getur hafa stappað stálinu í marga kjósandur sem töldu Trump segja sitthvað þeim að skapi. Brynjar Níelsson, þingmaður Sjálfstæðisflokksins hér uppi á Íslandi, telur ástæðu til að taka upp hanskann fyrir  hinn meinta heimskingja sem senn verður forseti Bandaríkjanna og stuðningsfólk hans. Látum það vera. En Brynjar segir jafnframt það vera einkennandi um aðferðir vinstri manna að vera fordæmandi um innræti manna og ...

14. Nóvember 2016

MANNRÉTTINDI VERĐI OKKAR ĆR OG KÝR

Mannréttindi - alþjóðamál
... Almennt virtust flestir ráðstefnugestir þekkja til íslenska Barnahússins og hver fyrirmynd og hvatning það hefði orðið öðrum þjóðum. Nánast allir ráðstefnugestir þekktu til þess og margir vísuðu til frumkvæðis Íslands í erindum sínum og í almennri umærðu. Bragi Guðbrandsson - Braggi Gúdbrandsen - forstöðumaður Barnaverndarstofu, var rástefnugestum einnig að góðu kunnur, en hann hefur gegnt mikilvægu hlutverki á alþjóðavettvangi, m.a. verið formaður svokallaðrar Lanzerotenfndar, sem hefur þessi mál á sinni könnu hjá Evrópuráðinu. Ég átti samræður við ýmsa sem hafa komið að  stofnun og starfsemi Barnahúsa að íslenskri fyrirmynd og ... 

13. Nóvember 2016

Á AĐ LÖGSĆKJA VERULEIKANN EĐA BREYTA HONUM?

MBLBirtist í helgarblaði Morgunblaðsins 12/13.11.16.
Þingmaður segist ætla að stefna Kjararáði vegna nýuppkveðins úrskurðar um verulegar hækkanir á launum alþingismanna, ráðherra og forseta Íslands. Þetta muni hann gera ef forseti eða þing skerist ekki í leikinn. Ég er sammála þingmanninum að Alþingi beri að snúa ákvörðun Kjararáðs til baka að fullu eða hluta til með lögum, en af allt annarri ástæðu en þingmaðurinn. Röksemdir hans eru þessar ...

10. Nóvember 2016

NÝ ÚTGÁFA AF VITRINGUNUM ŢREMUR

Trump - Palin - Bolton
... Völd Bandaríkjaforseta liggja ekki síst í fólkinu sem þeir skipa í áhrifastöður. Því heyrist nú fleygt að erki afturhaldsamaðurinn John Bolton kunni að verða næsti sendiherra BNA hjá Sameinuðu þjóðunum! Og að Sarah Palin, ein helsta talskona „Teboðshreyfingarinnar",  verði ráðherra. Fyrir mitt leyti þarf ég ekki lengri upptalningu til að kalt vatn renni milli skinns og hörunds. Bandarískt samfélag býður upp á margt það besta ...

8. Nóvember 2016

VIĐSKIPTARÁĐ VAKIR

Engill - viðskiptaráð
Eins konar millibilsástand er nú í stjórnmálunum. Kosningar nýafstaðnar og stjórnmálamenn þurrausnir af yfirlýsingum og fyrirheitum. Ný ríkisstjórn ekki kominn á koppinn og þar af leiðandi enginn stjórnarsáttmáli að rýna í. Bara getgátur um hver fari með hverjum. En ein er sú móðir sam vakir. Og það er að sjálfsögðu Viðskiptaráð sem í dag sendi frá sér einkunnagjöf um frammistöðu síðustu ríkisstjórnar og síðan ráðleggingar til næstu stjórnar. Hæstu einkunn í bekknum fær Bjarni Benediktsson, fjármálaráðherra og formaður Sjálfstæðisflokksins, sem dúxar með fyrstu einkunn, +73! Í einkunnakladdi ...

8. Nóvember 2016

VÖKNUM OG VEKJUM AĐRA TIL VITUNDAR UM EINELTI

Birtist á visir.is 08.11.16.
Helga Björk - Ogmundur
Dagurinn í dag - hinn 8. nóvember - er alþjóðlegur baráttudagur gegn enelti. Undanfarin ár höfum við undirrituð sameiginlega sent frá okkur hvatningu af þessu tilefni. Tildrög þessa er samstarf sem við áttum á árinu 2009 þegar annað okkar var heilbrigðisráðherra en hitt aktívisti sem beitti sér fyrir aðgerðum gegn einelti ... Eineltisdagurinn er hugsaður til að halda okkur við efnið. Þess vegna eru allir sem vilja ljá þessari mannréttindabaráttu stuðning hvattir til að hringja bjöllum eða þeyta flautur og horn á slaginu klukkan 13:00 og á næstu sjö mínútum, eina mínútu  fyrir hvern dag vikunnar ...

6. Nóvember 2016

SAMTAL Í FLUGVÉL

Dónald og Hillary II
Vettvangur: Flugvél á leið frá Búkarest til Chisinau, höfuðborgar Moldóvu. Hlið við hlið sitja Íslendingur og Bandaríkjamaður, ungur tölvumaður frá Silicon Valley í Kaliforníu í Bandaríkjunum.
Íslendingur: Það eru örlagaríkar kosningar í vændum í þínu heimalandi.
Bandaríkjamaður: Já.
Íslendingur: Úrslitin gætu orðið ógnvænleg (scary).
Bandaríkjamaður: Já, ógnvænleg eða að þau muni hafa mikið skemmtigildi (entertaining).
Íslendingur: Ha?
Bandaríkjamaður: Það er „scary" ef Hillary Clinton vinnur, „entertaining" ef Donald Trump vinnur.
Hillary er nefnilega ...

5. Nóvember 2016

BIĐLAUN ERU EKKI SIĐLAUS

DV - LÓGÓBirtist í DV 04.11.16.
Í DV að afloknum kosningum, birtust fráfarandi þingmenn og ráðherar á flenniopnu með mynd og undir henni nafn og upphæð samanlagðrar biðlaunagreiðslu sem bíður viðkomandi. Framsetningin minnir á myndir af brotamönum enda yfirbragð þessarar framsetningar greinlega til að skapa þau hughrif, að um sé að ræða vafasamar greiðslur og viðtakendur eins konar siðferðilegir brotamenn. En mér verður á að spyrja hvort það geti verið, í fyrsta lagi að biðlaunagreiðslur séu almennt rangar og í öðru lagi að þessar biðlaunagreiðslur séu það sérstaklega. ...

4. Nóvember 2016

MÓTMĆLUM TYRKNESKUM FASISMA!

Tyrkjapistill 2
... Á meðal hinna fangelsuðu nú eru þingmenn sem setið hafa á þingi Evrópuráðsins en þaðan hafa borist hörð mótmæli í dag. Það gladdi mjög hjarta mitt hve afdráttarlaust formaður Dómarafélags Íslands, Skúli Magnússon, hefur mótmælt ofbeldinu í dag  í nafni íslenskra dómara og krafðist hann þess á fundi me utanríkisráðherra að ríkisstjórnin léti frá sér heyra á afgerandi hátt. Undir orð hans og hvatningu skal tekið ...

4. Nóvember 2016

UNDRALAND MIĐJUSĆKINNA HÓFSEMISAFLA

Lísa í Miðjulandi
Ég hef hingað til bara haft gaman að Pawel Bartoszek, hann er ferskur og hefur verið óhræddur að koma til dyranna eins og hann er klæddur. Gangast við sjálfum sér. Það er að segja hingað til. Úr gömlu blaðaviðtali minnist ég frásagnar hans af rölti á milli kosningaskrifstofa flokkanna, sennilega einhvern tímann upp úr aldamótum, þar sem hann vildi heyra sjónarmið forsvarsfólks og áherslur framboðanna. Á þessu rölti sínu mun Pawel hafa komið á skrifstofu VG. Þar hafi hann hitt fyrir undiritaðan. Að spjalli okkar loknu, segir Pawel frá, að svo hafi þyrmt yfir sig að ...

3. Nóvember 2016

VANTAR ERR Í GAMMA

GAMMA 2
Gamalkunnur kórsöngur heyrist nú kyrjaður um kröfu til einkavæðingar almannaþjónustunnar. Að þessu sinni er  forsöngvarinn fyrirtækið Gamma og sakna ég þess að hafa ekki r aftan á heitinu til að minna okkur á frekjufjárfesta sem vilja næra sig í öruggu umhverfi skattgreiðenda. Þannig hefur okkur verið kynnt að "beggja vegna Atlantsála" bíði nú fjársetar þess að komast inn í íslenska samgöngu- og orkugeirann og að sjálfsögðu heilbrigðiskerfið - Landspítalinn er nefndur sérstaklega ...

2. Nóvember 2016

BJÖRNEBANDEN MÓTMĆLIR !!!

Björnebanden
... Það sem Samtök atvinnulífsins og Viðskiptaráð eiga að sjálfsögðu að gera er að beina orðum sínum til eigin félagsmanna - og helst fyrir framan spegil til að muna eftir því hver þau eru - og segja, er ekki komið mál að við, hinir eiginlegu gerendur misréttisins öxlum ábyrgð? ...

1. Nóvember 2016

LÖG Á ÁKVÖRĐUN KJARARÁĐS EĐA HINIR LĆGSTU FÁI MILLJÓN Á MÁNUĐI!

Réttlætisgyðjan 11 - 2016
Okkur er sagt að verið sé að jafna kjörin á við dómara. En hvers vegna ekki jafna kjörin við lægst launuðu stéttirnar sem ríkið semur við, að ógleymdu því fólki sem þarf að reiða sig á almannatryggingarnar um lífsframfæri? ... Þessi ákvörðun grefur illilega undan samstöðu-samfélaginu ef ekki fylgja þegar í stað kjarabætur til hinna lægst launuðu. Fyrsta verk Alþingis þegar það kemur saman á að vera að ráðast í stórfelldar kjarabætur til hinna lægstu ella verði þessari ákvörðun Kjararáðs snúið til baka með lagasetningu ...

31. Október 2016

EIN RÖDD Í MÖRGUM FLOKKUM

Hermannalappir
Eftir þessar kosningar hefur pólitíkin í íslenskum þingsal færst langt til hægri. Við sem héldum að hinn pólitíski pendúll væri að byrja að snúa aftur til vinstri-félagshyggju höfðum rangt fyrir okkur því nú tók hann afturkipp til hægri-sinnaðrar sérhyggju ... Allt þetta sá ég einhvers staðar frammákonu í Sjálfstæðisflokknum kalla sigur frjálslyndra afla! Hvílíkur brandari. Þessi öfl hafa ekkert með frjálslyndi að gera. Miklu fremur einsýni ... Píratar fagna griðarlega og verð ég að játa að ég skil ekki vel þann mikla fögnuð. Píratar þóttu góð hugmynd, sem mældist upp á þrjátíu prósent í fjarlægð, en í nálægð fór hún niður ... Stjórnmálamönnum verður tíðrætt um hinn mikla fjölbreytileika á nýju þingi. Vissulega sjáum við þar nú marga flokka en ég sé ekki betur en að flestir tali þeir einni röddu ... 

30. Október 2016

HVERS VEGNA ALŢINGISRĆĐURNAR VORU BETRI Á 19. ÖLD

MBLBirtist í helgarblaði Morgunblaðsins 29/30.10.16.
Ég held að ekki hafi verið fluttar margar lélegar ræður á Alþingi á nítjándu öld og að hið sama hafi átt við um fyrstu áratugi hinnar tuttugustu aldar. Skýringin er margþætt. Margir orðsnillingar voru á þingi á þessum tíma og síðan er það hitt hvort menn kunni að hafa vandað sig betur en síðar varð, því þeir hafi borið meiri virðingu fyrir „orðinu", hinu talaða og þá ekki síður hinu skrifaða. Og það er náttúrlega mergurinn málsins. Hið talaða orð var skrifað. Ræður, grundvallarræðurnar, sem fluttar voru á Alþingi á fyrri tíð voru flestar skrifaðar frá orði til orðs, framtíðarsýn eða úthugsaðar vangaveltur um þau mál sem brunnu á samtímanum. Síðan líður tíminn ...

24. Október 2016

MAGNAĐ DÚÓ Í NORRĆNA HÚSINU

Tónleikar í Norræna húsinu - 2
Mig langar til að vekja athygli lesenda á tónleikum þeirra Judith Ingólfsson, fiðluleikara og Vladimir Stoupel, píanóleikara, en þau koma hingað frá Berlín, til að flytja okkur tónlist eftir Fauré, Vierne og Rudi Stephan.í Sal Norræna hússins þriðjudaginn, 25. október kl. 20:00-21:30.

24. Október 2016

Á SPJALLI VIĐ ÓĐIN

Óðinn Jónsson Rás 1 - mynd 2
...Þá ræddum við muninn á þeirri tegund þjóðarhyggju sem byggði á virðingu fyrir margbreytileika og menningarlegri arfleifð sögunnar annars vegar, og hins vegar þeirri hrokafullu sýn að mitt væri best en þitt einskis vert. Þá fjölluðum við um nýlega ferð mína til Suður-Afríku en þar var ég í boði embættis sem er helst sambærilegt við umboðsmann Alþingis hér á landi, Public Protector heitir embættið þar á bæ. Thuli Madonsela heitir sú mæta kona sem bauð mér í krafti formennsku minnar í Stjórnskipunar og efirlitsnefnd Aliþngis en þó ekki síður vegna þess að hingað til lands hafði hún komið á ráðstefnu sem ég skipulagði ásamt Eddu, rannsóknarsetri Háskóla Íslands og Institute of Cultural Diplomcy í Berlín undir heitinu Reykjavík Round Table on Human Rights ...

20. Október 2016

HVERNIG VĆRI AĐ MĆTA EVU JOLY MÁLEFNALEGA?

Eva _ Joly 2
Mikill hugaræsingur hefur blossað upp út af yfirlýsingum Evu Joly í Kastljósi Sjónvarpsins. Það er ekki í fyrsta sinn. Þeir sem áður löstuðu hana bera nú sumir hverjir á hana lof og öfugt. Sumir standa staðfastlega við hennar hlið enda trúir hugsjónum sínum og nefni ég þar sérstaklega Jón Þórisson, nánasta samstarfsmann Evu Joly hér á landi.
En hvað hefur breyst? Ekki Eva Joly. Eva Joly er að segja það sama og hún gerði þegar hún fyrst kom hingað til lands og ráðlagði okkur um hvernig taka bæri á hruninu. Þá svitnaði undir mörgum hvítflibbanum. Svo varaði hún við Icesave. Þá var röðin komin að öðrum að svitna. Svona er lífið. En hvernig væri nú að ... 

17. Október 2016

UM FRAMFARIR OG FRAMFARAMENN

Andres BjornssonSannast sagna hélt ég að Ómar vinur minn Ragnarsson, sá góði maður, skildi gráglettinn húmor, öðrum mönnum fremur. Meistari slíks húmors var Andrés Björnsson, fyrrverandi útvarpsstjóri. Í sjónvarpsþætti um sögu íþróttafrétta í Sjónvarpi segir Ómar þá sögu að Andrés hefði einhvern tímann sagt að allar framfarir væru til ills! Þessu virðist Ómar hafa trúað sem nýju neti og segir að þarna sé eflaust komin skýring á því að útvarpsstjórinn þáverandi hafi lagst gegn beinum útsendingum frá íþróttaviðburðum. Enda maðurinn á móti framförum!!!  En svona til vara bætti Ómar því við, að kannski hafi verið slökkt á heyrnartæki útvarpsstjórans og hugsanlega því einhver misskilningur uppi. Ætli það ekki.Nema að eftir situr, að í þætti sem ætlað er að verða söguleg heimild um Ríkisútvarpið, erum við skilin eftir með þá tilfinningu ...

17. Október 2016

FRÁSÖGN AF ŢINGI EVRÓPURÁĐSINS Í STRASBOURG

Evrópuráðið - 8
Fréttin frá ársfjórðungsþingi Evrópuráðsins sem ég sat fyrir hönd Alþingis í Strasbourg í síðustu viku, þótti mér vera ákall þeirrar nefndar þingsins sem fjallar um félagsmál, að Evrópusambandið skrifi að sinni ekki undir CETA samninginn ... Markverð þótti mér umræðan um skattaskjól og leynihreiður fyrir peninga.... Sú umræða sem kynnti mest upp í tilfinningum á þinginu að þessu sinni var umræða um staðgöngumæðrun.... Spennandi verður að fylgjast með umræðu sem hófst á síðasta ári um að reynt verði að blása nýju lífi í samstarf Evrópuríkja á sviði mannréttindamála með nýjum leiðtogafundi sem þá yrði hinn fjórði í sögu Evrópuráðsins. Þar kæmu saman ... ...

16. Október 2016

ŢEGAR EITTHVAĐ VERĐUR AĐ EINHVERJU

MBLBirtist í Morgunblaðinu 15/16.10.16.
... Stjórnmálamenn halda þó stundum að þeir ráði meiru en þeir gera í reynd. Þegar til lengri tíma er litið snýst spurningin um það hvað samtíð þeirra lætur þá komast upp með. Tíðarandinn fjötrar eða auðveldar stjórnmálamönnum lífið eftir atvikum. Og í mótun tíðarandans taka miklu fleiri þátt en stjórnmálamennirnir einir. Það gerir fjölmiðlafólk, skáldin, rithöfundarnir, kvikmyndagerðarmenn og aðrir listamenn, námsmannahreyfingar, hvers kyns baráttusamtök, verkalýðshreyfing, umhverfissamtök, áhugasamir einstaklingar, pabbi og mamma, afi og amma. Já, umhverfisverndarsamtök. Þegar ég kom fyrst inn á þing fyrir rúmum tuttugu arum ...

13. Október 2016

HVORIR ERU BETRI SÓSÍALDEMOKRATAR EĐA VIĐREISNARKRATAR?

Fyllibyttan
Hvað sem segja má um sósíaldemókrata eru þeir þó illskárri en Viðreisnarkratar. Nú heyrum við að Viðreisnarkratar vilji selja aðgang að náttúruperlum. Skyldu þeir líka vilja einkavæða velferðarþjónustuna og selja aðgang að henni?Þegar Samfylkingin var stór hýsti hún frjálshyggjukratana og sósíaldemókratana. Það var hennar styrkleiki en um leið veikleiki. Viðreisnarkratar hafa tekið yfir hægra fylgið frá Samfylkingunni. Hægri kratar hafa aldrei reynst heilsusamlegur kokteill. Skyldi þjóðin vilja bergja á þeim kokteil? Vonandi ekki.

8. Október 2016

Í HEIMSÓKN TIL SUĐUR AFRÍKU

Ögmundur - suður Afríka 2
... Frá því er skemmst að segja að Thuli Madonsela bauð mér til Suður-Afríku til að halda erindi og taka þátt í umræðu um leiðir til að veita framkvæmdarvaldinu aðhald og var þá m.a. horft til þess að ég er formaður Stjórnskipunar- og eftirlitsnefndar Alþingis sem í bland hefur þetta hlutverk með hendi. Ég þáði þetta boð með þökkum og sé ekki eftir því. Umræðan og erindin á ráðstefnunni voru í senn fræðandi og vekjandi. Þarna voru saman komnir umboðsmenn frá nokkrum Afríkuríkjum og fræðimenn á þessu sviði víðs vegar að, þó einkum frá Suður-Afríku. Mín aðkoma var úr heimi stjórnmálanna og fjallaði ég um mikilvægi þess að stuðla að samspili milli þeirra stofnana sem sinna aðhaldi og eftirliti annars vegar og þjóðþinganna hins vegar. Úr hinni síðarnefndu áttinni væri sú nefnd sem ég hef veitt formennsku gott dæmi um. Ég ætla ekki að rekja þau erindi sem voru flutt á ráðstefnunni en þar voru óspart látin fljúga ... 

8. Október 2016

GEYSIR Í HÖFN, NĆST ERU ŢAĐ GRÍMSSTAĐIR Á FJÖLLUM!

Grímsstaðir á Fjöllum 2
Frá því er greint í fréttum að ríkið hyggist festa kaup á þeim hluta Geysissvæðisins sem ekki er í ríkiseign. Fyrir þetta eiga stjórnvöld mikið lof skilið!  Kaupverð er ekki frágengið. En svo er að skilja á fréttum að málið sé í höfn. Inn í þá höfn þarf nú að halda með fleiri náttúruperlur. Ég nefni Grímsstaði á Fjöllum! Jörðin er risastór og myndar ásamt Möðrudal og fleiri jörðum í eigu ríkisins umgjörð um örævi  Íslands. ... Fólk úr öllum starfsstéttum, öllum stjórnmálaflokkum, á öllum aldri og úr öllum byggðarlögum landsins hefur skorað á stjórnvöld að festa kaup á jörðinni. Sýnið sama ...

8. Október 2016

BRETAR ÁFORMA AUGLÝSINGABANN Á SPILAVÍTI

Spilavandi 2
Í Bretalandi er nú unnið að löggjöf sem leggur bann við auglýsingum spilavíta og er ekki annað að skilja á frétt breska stórblaðsins Times en að bannið komi til með að taka til hvers kyns veðbanka, spilavítisvéla (á borð við þær sem Háskóli Íslands,  Landsbjörg og fleiri, reka hér á landi) og netspilafyrirtækjanna. Hið fyrirhugaða bann á aðeins að gilda yfir daginn en síðan megi auglýsa þegar ætla megi að ungviðið sé gengið til náða. Hvers vegna? Ástæðan er tvíþætt....

3. Október 2016

BARA LEYFILEGT AĐ BREYTA KOMMUSETNINGU!

MBLBirtist í helgarblaði Morgunblaðsins 01/02.09.16.
Skrýtinn titill en ég mun skýra hann í ljósi dæmisögu sem mig langar til að segja. Þetta er dæmisaga um orð og athafnir, að menn geti sagt eitt en gert annað. Þetta er jafnframt reynslusaga, ekki löng en segir engu að síður af stóru máli ...

30. September 2016

LOKAORĐ Á ALŢINGI

Ögmundur kveður Alþingi
Á  miðnætti í kvöld held ég alla leið til Suður-Afríku en mér var boðið að halda fyrirlestur á ráðstefnu í Jóhannesarborg í næstu viku um aðhalds- og eftirlitshlutverk Alþingis. Í framhaldinu sit ég þing Evrópuráðsins í Strasbourg þannig að sýnt er að ég verð ekki viðstaddur þinglokin. Þess vegna þakkaði ég fyrir mig og kvaddi þingið á þingfundi í gær, flutti þar mín lokaorð. Vænt þótti mér um orð forseta Alþingis í kjölfarið. Hér er slóð á þessar umræður en þar vakti ég athygli á mikilvægi þess að ... 

29. September 2016

ŢARF EKKI AĐ ENDURREISA PÓLITÍKINA Í STÚDENTAPÓLITÍKINNI?

Stúdentar - LÍN
Á vinnsluborði Alþingis er frumvarp sem, ef samykkt, hefði í för með sér stórkostelga skerðingu á kjörum hinna efnaminni að námi loknu og þýðir í reynd að verið að takmarka að fólk geti farið í nám sem ekki er öruggt að skili miklum tekjum ... Og viti menn, nánast sameinuð námsmannahreyfingin íslenska sendir eftirfarandi frá sér í gær.... Við erum með ríkisstjórnina eins og hún er. Í ofanálag  fáum við nú námsmannahreyfingu sem eru rústir einar miðað við það sem áður var ... Þarf ekki að endurreisa pólitíkina í stúdentapólitíkinni? Og þá er ég að sjálfsögðu að tala um pólitík sem byggir á félagslegri sanngirni.    

29. September 2016

MUNUR Á ÁSETNINGI OG MISTÖKUM

bankarnir
„Einkavæðing bankanna, hin síðari" er orðalag úr ranni Hrunverjanna, sem um aldamótin einkavæddu íslenska bankakerfið og komu því í hendur pólitískra vina sinna. Siðferðisbrot frá þessum tíma voru ófá og úr þessu ferli er enn verið að rannsaka að hvaða marki saknæmt atferli hafi átt sér stað. Fáir deila um það - opinberlega alla vega - að rannsókn hafi verið réttlætanleg og nauðsynleg af hálfu réttarkerfisins og þeirra sem eiga að standa vörð um regluverkið og siðferðið. Stjórnmálamenn úr sakbitnum stjórnmálaflokkum, sem stóðu fyrir ...

29. September 2016

TVĆR EINFALDAR SPURNINGAR TIL SJÁLFSTĆĐISFLOKKSINS

Spurningar til XDBjarni Benediktsson, formaður Sjálfstæðisflokksins, kom fram á ráðstefnu síns flokks og í kjölfarið í fjölmiðlum og sagðist tala fyrir einföldum lausnum. Ég sperrti við eyrun og fór síðan að hugsa ... Formaður Sjálfstæðisflokksins sagðist vilja „almannavæða" bankana. Þetta orð er nýtt úr munni formanns Sjálfstæðisflokksins. Dulmálsaðferðin er þó ... Formaður Sjálfstæðisflokksins sagðist vilja heilbrigðiskerfi sem ekki mismunar sjúklingum á grundvelli  ...

24. September 2016

STÓRMÁL HEIMA FYRIR, MISSKIPTING Í EVRÓPU OG TYRKLAND

Alþingi og Evrópuráð 2
Slæmt er að vera fjarri þinginu þessa daga þegar stórmál eru til umræðu, lífeyrismálin, almannatryggingar, LÍN og fleiri stórmál. Nánast þykir mér það vera siðlaust af hálfu ríkisstjórnarinnar að ætla sér að afgreiða stórmál af þessu tagi með því að vinna þau með hraði á handarbakinu ... Þannig hljómar það ævintýralegt, eða eigum við að segja hrollvekjandi, að ætla sér að leggja niður lífeyriskerfi opinberra starfsmanna rétt sisona! ... Ég virði það að sjálfsögðu að samtök opinberra starfsmanna hafi lengi setið yfir málinu og hér er vissulega um að ræða kjör sem þau eiga að semja um. En jafnframt þarf að virða rétt þingsins og samfélagsins alls. Ef aðstandendur málsins eru eins vissir í sinni sök og þeir segjast vera, þá hlýtur málið að þola almenna umræðu ... En hvers vegna er ég fjarri þingsal Alþingis?...

23. September 2016

SPURT UM FINNAFJÖRĐ

FrettablaðiðBirtist í Fréttablaðinu 22.09.16.
Hún var ekki fyrirferðarmikil Fréttablaðsfréttin fimmtudaginn fimmtánda september sl. um áform Þjóðverja um höfn í Finnafirði. Hún var ekki fyrirferðarmikil Fréttablaðsfréttin fimmtudaginn fimmtánda september sl. um áform Þjóðverja um höfn í Finnafirði. Alla vega var hún minni um sig en umfang áformanna gefur tilefni til ... „Við upplifum þetta þannig að það sé að færast aukin alvara í þessi áform," segir Elías Pétursson, sveitarstjóri Langanesbyggðar, um heimsókn fulltrúa Bremenports sem hafa verið að skoða uppbyggingu stórskipahafnar í Finnafirði ... Ég þakka Fréttablaðinu fyrir að hafa þó einhver orð um málið og hafði blaðið reyndar áður gert það í örfrétt níunda september sl. Í öðrum fjölmiðlum hefur ríkt grafarþögn ... 

19. September 2016

ENGIN SKERĐING?

snoðkollur 2
Á fundi fulltrúa fjármálaráðuneytisins með stjórnarandstöðunni á Alþingi í dag, var okkur kynnt nýtt samkomulag, um lífeyrissjóði opinberra starfsmanna. Sagt var að samkomulagið væru gleðileg tíðindi því ekki hafi þurft að „fórna neinum réttindum." Þetta er rétt. Það er að segja ef átt er við samningafólkið beggja vegna borðsins. Það fórnar engu. Það er hins vegar fórnað á kostnað komandi kynslóða og hlýtur að teljast nokkur nýlunda. Á móti lífeyrisskerðingunni - sem enginn deilir um að er gríðarleg og talin í milljarðatugum - eiga að koma vélrænar kauphækkanir til opinberra starfsmanna til að jafna stöðu þeirra á við það sem gerist á almenna markaðnum. Ekki hef ég trú á slíku vélgengi. Vandinn er svo sá ...

18. September 2016

VILJUM VIĐ VERA VÉL?

MBLBirtist í helgarblaði Morgunblaðsins 17/18.09.16.
... Vinnuheiti þessara áforma er SALEK. Þegar SALEK verði að raunveruleika, er vonast til að öll verkföll verði úr sögunni enda verði nú allt ákveðið af fagmönnum á miðstýrðu borði. Talsmenn atvinnurekenda, með úttroðin prívatveskin sín, eru spenntir og fjármálaráðherra telur að hér með verði vandi allra fjármálaráðherra úr sögunni - engin verkföll framar enda allur mannskapurinn hlekkjaður og blóðlaus í þokkabót eins og vélar náttúrlega eru. Svo fýsandi eru opinberir starfsmenn að fá aðgang að vélrænum kauphækkunum, að þeir bjóðast til að semja niður lífeyrisréttindi - að vísu ekki sín eigin - heldur þeirra sem á eftir koma. Þetta var reynt á níunda áratug síðustu aldar en var afstýrt á síðustu stundu. Fyrir vikið ...

18. September 2016

ASBJÖRN WAHL UM BREXIT

Asbjörn Wahl
Norski þjóðfélagsrýnirinn Asbjörn Wahl hefur gert mjög góða úttekt á ástæðunum fyrir niðurstöðunni í Brexit þjóðaratkvæðagreiðslunni í Bretlandi síðastliðið vor. Sjálfur hef ég fagnað niðurstöðunni á mjög svipuðum forsendum og Asbjörn Wahl telur að alltof fáir vinstri sinnar hafi gert, nefnilega andstöðu við markashyggjudekur Evrópusambandsins.... Asbjörn Wahl telur það vera félagshyggjunni stór varasamt að láta hægri vængnum eftir ganrýni á Evróupsambandið. Þar með skekkist öll myndin og hætt við því að gagnrýni, af gerólíkum rótum sprottin, verði grautað saman. Jafnaðarmannaflokkar séu haldnir þeirri ranghugmynd að ...

17. September 2016

VITA MENN AF HVERJU ŢEIR ERU SVONA REIĐIR?

Hnefinn 2
Mikill hugaræsingur er víða vegna nýgerðra búvörusamninga. Brigslyrði og ásakanir ganga á víxl. Fjölmiðlar, sumir hverjir, krefja þingmenn sagna um afstöðu eða afstöðuleysi eftir atvikum og er sérstaklega til umræðu að margir hafi setið hjá við atkvæðagreiðslu. Sumir eru gamansamir. Forstjóri Haga, skrifar þannig grein til að útskýra hvernig hjásetumenn hafi brugðist bændum! Ekki standast allir þessa ágjöf sem er þó skopleg í bland. Þannig sjást þess dæmin um hjásetumenn sem ákaft iðrast og skrifta opinberlega í von um syndaaflausn. Enda stutt í kosningar ...

15. September 2016

POMPIDOU STOFNUN RĆĐIR VÍMUEFNAFORVARNIR

Pompidou 2Síðastliðinn þriðjudag flutti ég erindi á námskeiði sem haldið var í Stokkhólmi fyrir sérfræðinga í vímuefnaforvörnum. Það er svokölluð Pompidou stofnun Evrópuráðsins sem skipulagði ráðstefnuhaldið og er þetta í þriðja skipti sem mér er boðið til fyrirlestrarhalds á vegum þessarar stofnunar, í Aþenu í haustið 2014, Reykjavík í mái síðastliðnum og nú í Stokkhólmi. Nú er ég enginn sérfræðingur í vímuefnavörnum enda var mitt viðfangsefni aðeins óbeint tengt þeim. Það sem ætlast var til af mér var að fjalla um samstarf opinberra aðila við grasrótarsamtök í því skyni að vinna að sameiginlegum markmiðum ...

11. September 2016

Í TILEFNI AF 9/11

nine eleven
Á heimasíðu sænsku friðarstofnunarinnar Transnational Foundation for Peace and Future Research, TFF, er tilvitnun í fransk/kúbanska rithöfundinn Anaïs Nin þar sem hún segir á þessa leið: Við greinum veröldina ekki eins og hún er, heldur eins og við erum. En þá vaknar spurning í mínum huga, hvernig erum við? Að hvaða leyti höfum við breyst á liðnum árum og áratugum, og þá sé ég "okkur" sem heild, eins konar tíðaranda? Hvernig lítur samtíð okkar á veröldina? Tilefni þessara hugrenninga er dagurinn í dag, 11. spetember ...

10. September 2016

MISSTI AF FRELSISŢÖGNINNI

FrettablaðiðBirtist í Fréttablaðinu 09.09.16.
Forsvarsmenn nokkurra einkarekinna útvarpsstöðva hafa í tvígang skrifað sameiginlega greinar í blöð til að leggja áherslu á kröfur sínar um að skatta- og lagaumhverfi ljósvakamiðlanna tryggi þeim jafna samkeppnisstöðu á við Ríkisútvarpið. Þetta er skiljanlegt baráttumarkmið. Belgingurinn í þessum skrifum þykir mér hins vegar meiri en innistæða er fyrir. Okkur er sagt að Stöð 2, Síminn, Hringbraut, ÍNN og Útvarp Saga séu „frjálsu fjölmiðlarnir" og Ríkis­útvarpið þá væntanlega ófrjálst. Við erum minnt á að „frjálsu fjölmiðlarnir" hafi orðið til í verkfalli BSRB árið 1984 en þá hafi ...

9. September 2016

EKKI SKERĐA LÍFEYRISRÉTTINDIN!

OJ - Lífeyrir
... En besta gulrótin í því samhengi hafa reynst vera réttindin. Og þá ekki síst lífeyrisréttindin. Vonandi standa menn vörð um þau. Í vikunni var rætt um breyttan lífeyrisaldur í alannatryggingakerfinu á Alþingi. Augljóst er að þær breytingar sem þar eru boðaðar ganga út frá hækkun lífeyrisaldurs í lífeyrissjóðakerfinu eigi síður en í almannatryggingum. Kerfið býður upp á sveigjanleika um töku lífeyris gagnstætt því sem stundum er haldið fram. Tilfærlsa aldursmarka lýtur þess vegna ekki að starfslokum heldur hvort rýra eigi kjör lífeyrisþega umfram það sem nú er ... 

9. September 2016

GRASRÓTARPÓLITÍK AĐ KVIKNA?

FrettablaðiðBirtist í Fréttablaðinu 08.09.16.
Þegar ég hóf langskólanám undir lok sjöunda áratugar síðustu aldar, voru námslánin enn lágt hlutfall af framfærslukostnaði. Flest, ef ekki öll, áttum við á þeim árum aðgang að mikilli launavinnu yfir sumarmánuðina. Fæstir unnu með náminu á sjálfum námstímanum. En með þessu tvennu, námslánum þótt lág væru og mikilli sumarvinnu, tókst okkur að kljúfa kostnaðinn enda byggðu lög sem sett voru árið 1967 á því „að opinber aðstoð við námsmenn nægi þeim til þess að standa straum af árlegum námskostnaði, þegar eðlilegt tillit hefur verið tekið til aðstöðu þeirra til fjáröflunar". Það er ekki fyrr en ...

8. September 2016

SINFÓNÍAN, GAMMA OG VIĐ

SINFÓ
Greint hefur verið frá því að fjárfestingarfyrirtækið Gamma sé „aðalstyrktaraðili" Sinfónuíuhljómsveitar Íslands. Á vefsíðu GAMMA segir: „Samningurinn gildir til september 2020 og styrkir GAMMA hljómsveitina um tæplega 90 milljónir króna næstu fjögur ár. Meginmarkmið samningsins er að styðja við öflugt starf hljómsveitarinnar, efla kynningu á fjölbreyttu verkefnavali ..." Þetta er flott og kannski hægt að kynna svoldið GAMMA í leiðinni einsog Hið íslenska bókmenntafélag sem einnig nýtur ástríkis GAMMA. Auðvitað getur það verið göfugt að styðja við göfuga starfsemi. En á því eru líka ákveðin velsæmismörk. Í blaðagrein  ...

4. September 2016

Á AĐ RÉTTA LÍFEYRISHALLANN UPP Á VIĐ EĐA NIĐUR Á VIĐ?

Lífeyrissjóðirnir 2
... En við hljótum að spyrja þegar verkefnið er sagt vera „að jafna lífeyrisréttindin í landinu" - sem er hið besta mál og reyndar eftirsóknarvert - hvort við samningaborðið eigi ekki að sitja þau sem hallað er á; það er fólk á almennum vinnumarkaði og þá ekki síður atvinnurekendurnir sem þar halda um pyngjuna. Eru það ekki aðilarnir sem eiga að semja - upp á við. Átti Þorsteinn Víglundsson, fráfarandi framkvæmdastjóri atvinnurekendasamtakanna, SA, og (að öllum líkindum)  tilvonandi þingmaður, ekki eitthvað ógert í þessu efni? Í umfjöllun fjölmiðla kemur glögglega í ljós að Gylfi Arnbjörnsson, forseti ASÍ, telur það vera verkefnið að að draga úr lífeyrisréttindum opinberra starfsmanna en ekki að rétta hallann upp á við þannig að öllum verði tryggð réttindi á borð við það sem best gerist hjá opinberum starfsmönnum. Haft var eftir forseta ASÍ ...

4. September 2016

HVER Á AĐ HIRĐA FÉĐ?

MBL- HAUSINNBirtist í helgarblaði Morgunblaðsins 03/04.09.16.
... Menn kann að reka minni til þess að upp úr aldamótum var sagt að í sparisjóðum væri mikið „fé án hirðis" og lægi mikið við að finna fjárhirða fyrir þetta munaðarlausa fé. Var lögum og reglum því breytt til að svo mætti verða. Var nú hart gengið fram í því að beintengja hagsmuni eigenda sjóðanna, svokallaðra stofnfjáreigenda, við reksturinn. Því meira fé sem stofnfjáreigendur fengju ofan í sinn eigin vasa þeim mun betur mætti ætla að þeir gegndu hlutverki hins góða fjárhirðis. Ekki var nóg með að stofnfjáreigendur, sem áður var bannað að braska með bréf sín, fengju nú lausari taum til að bæta eigin hag með prívatbraski með bréfin sín, heldur mátti nú líka ...

30. Ágúst 2016

VILJUM ŢJÓĐARATKVĆĐAGREIĐSLU UM REYKJAVÍKURFLUGVÖLL!

Kjörkassar II
Ljóst er að meirihluti þingmanna styður að efnt verði til þjóðaratkvæðagreiðslu um framtíð Reykjavíkurflugvallar. Tuttugu og fimm þingmenn eru flutningsmenn þingsályktunartillögu þessa efnis og enn aðrir styðja málið. Má þar nefna flesta ráðherra ríkisstjórnarinnar og fleiri þingmenn ...Tillagan er sú að niðurstaða atkvæðagreiðslunnar yrði ráðgefandi og er það gert að yfirveguðu ráði. Ef einhver atkvæðagreiðsla á að vera ráðgefandi þá er það í þessu máli á þessu stigi. Bæði ríki og Reykjavíkurborg koma nefnilega að ákvörðunartöku um flugvöllinn og ... 

28. Ágúst 2016

SIGUR BILALS KAYEDS!

Bilal - Palestína 2
Palestínski hungurfanginn Bilal Kayed hefur nú ákveðið að hætta svelti sínu eftir rúmlega 70 daga föstu. Ísraelsk yfirvöld, sem hafa haldið honum í fangelsi undanfarna mánuði án dóms og réttarhalda, hafa fallist á að láta hann lausan 12. desember næstkomandi... Eftir að ég kom heim hefur fjöldi Íslendinga lagt lóð á vogarskálar með því að vekja athygli á hlutskipti þessa unga manns í fjölmiðlum og með því að sækja samstöðufund sem haldinn var honum til stuðnings. Er ástæða til að þakka öllum sem lagt hafa sitt af mörkum um leið og samfagnað er með Bilal Kayed og fjölskyldu hans ...

24. Ágúst 2016

EINS OG ŢAĐ HEFĐI GERST Í GĆR ...

Bónuspottur Kaupþings 2016
... Forsíða DV í vikunni vakti þessi hugrenningatengsl. Þar segir frá eitt þúsund og fimm hundruð milljón króna bónus potti fyrir nokkra stjórnendur í Kaupþingi, nái þeir að braska þannig með eignir að góður gróði hljótist af. Á innsíðum blaðsins er okkur síðan sagt að tillaga liggi fyrir um að stjórnarmenn í Kaupþingi eigi að fá þrjátíu og þrjár milljónir á ári eða tæpar þrjár milljónir á mánuði og stjórnarformaðurinn helmingi meira, sextíu og sjö milljónir í árslaun sem gerir fimm og hálfa milljón á mánuði. Þetta er kallað „þóknun" á tungumálinu sem talað er  ...

23. Ágúst 2016

ÁKALLI SVARAĐ

P 1
Hvert sæti var skipað á efri hæðinni í Iðnó í gærvöld þegar ég sagði frá ferð minni til Palestínu í síðustu viku til að safna liði til stuðnings baráttufanganum Balil Kayed, sem nú hefur verið hátt í 70 daga í mótmælasveiltii. Ég beindi sjónum að hlutskipti hans og annarra fanga sem nú taka þátt í andófi gegn fangelsun án dóms og réttarhalda sem nú færist í vöxt af hálfu ísraelska hernámsliðsins í Palestínu. Í dag sendi ég baráttukveðjur frá fundinum ...

22. Ágúst 2016

JÖFNUĐUR OG JAFNRÉTTI Á LJÓSVAKANUM

Bylgjan - RUV
... Það fór líka ágætlega á með okkur þingmönnunum, Hönnu Birnu Kristjánsdóttur, Karli Garðarssyni og Björt Ólafsdóttur - alla vega framan af - í þættinum Í Vikulokin á laugardag. Þegar við tókum að ræða vinnubrögðin á þingi og afstöðu þingmanna og framkomu hvert við annað og þá hvort hún mótaðist af kynferði syrti hins vegar í álinn. Ég kvaðst líta svo á að einstaklingar væru mismundi óháð kynferði þeirra og bætti því við að ... 

22. Ágúst 2016

ÁKALL FRÁ PALESTÍNU

Palestínufundur
Í kvöld klukkan 20 efnir féagið Ísland Palestína til fundar í Iðnó í Reykjavík, þar sem ég mun koma á framfæri ákalli baráttufangans Bilals Kayed, honum og öðrum pólitískum föngum til stuðnings. Bilal Kaeyd hefur verið rúma tvo mánuði í mótmælasvelti og er mjög hætt kominn. Hann er hlekkkjaður á höndum og fótum á sjúkrahúsi á vegum ísraelskra yfirvalda, sem neita að sleppa honum þrátt fyrir að hann hafi fullnustað 14 og hálfs árs dóm. Bilal átti að sleppa 13. júní en var þá settur í stjórnvaldsvarðhald án dóms og réttarhalda. Sjö þúsund aðrir pólitískir, palestínsir fangar eru í ísraelskum fangelsum en þar ...

21. Ágúst 2016

HĆSTIRÉTTUR OG KONFEKTKASSINN Í VATNSMÝRINNI

MBL- HAUSINNBirtist í helgarblaði Morgunblaðsins 20/21.08.16.
... Undirréttur hafði áður dæmt Reykjavíkurborg í vil í deilum við ríkið um framtíð Reykjavíkurflugvallar, á grundvelli samkomulags sem gert hafið verið á milli aðila, í byrjun þessa kjörtímabils. Hæstarétti þótti hins vegar ekki nóg að gert og dró samkomulag, sem ég hafði áður undirritað sem innanríkisráðherra í lok síðasta kjörtímabils, inn í rökstuðning fyrir því að hafa bæri réttinn af núverandi innanríkisráðherra til að standa vörð um flugvöll í Vatnsmýrinni. Þetta var furðuleg niðurstaða. Samningurinn, sem hér um ræðir, var undirritaður vorið 2013 og bar yfirskriftina, „Samkomulag um endurbætur á aðstöðu fyrir farþega og þjónustuaðila á Reykjavíkurflugvelli". Skýrar verða samningsmarkmið varla skilgreind. Enda var þetta  ...

20. Ágúst 2016

HĆTTULEGUR HEILSUKOKTEILL

FrettablaðiðBirtist í Fréttablaðinu 19.08.16.
... Ástæðan er sú að við búum við kokteil í rekstrarformum sem getur reynst göróttur ef hann er vitlaust blandaður. Þannig finnst okkur mörgum að einkapraksís í smáum skömmtum geti verið í góðu lagi og skapað jafnvel æskilegan sveigjanleika í heilbrigðiskerfinu. Verði þessi geiri hins vegar stór, hvað þá þegar hann er skipulagður sem hver annar atvinnurekstur sem fjárfestar setja fjármagn í til að hafa af honum arð, þá eru strax blikur á lofti. Við skulum aldrei gleyma því að ...

19. Ágúst 2016

VARNARVÍSITALA LÁGLAUNAFÓLKS KOMIN FRAM Á ALŢINGI

Launamunur
Þingmáli mínu um lögbundinn hámarks launamun og vísitölubindingu lágmarkslauna, hefur nú verið dreift á Alþingi.
Þingmálið gengur út það að launastefna ríkisins fyrir starfsmenn sína byggi á því að lægst launaða fólkið verði aldrei með lægri laun en sem nemur þriðjungi af hæstu launum. Hvað þýðir þetta í reynd? Lægstu laun á launamarkaði eru um 260 þúsund krónur á mánuði. Til eru lægri taxtar en samkvæmt kjarasamningum skal greidd uppbót til þeirra sem ekki ná þessu marki. Hæstu laun hjá ríkinu eru laun forseta Íslands sem eru um 2,5 milljónir króna á mánuði. Forsætisráðherra hefur 1,5 milljónir í mánaðarlaun en á milli þessara fjallatoppa er nokkur fjallgarður. Samkvæmt þeirri launastefnu sem ég tala fyrir ...

19. Ágúst 2016

TEKIĐ UNDIR BÓKUN BJARKA Í MOSFELLSBĆ

VG LOGAlltaf hef ég vitað að bæjarfulltrúar VG í Mosfellsbæ eru eindregnir stuðningsmenn almannarekinnar heilbrigðisþjónustu. Mér brá því sannast sagna í brún þegar því var slegið upp í fjölmiðlum að þeir væru orðnir sérstakir stuðningsmenn einkasjúkrahúsa! Ég fór því að skoða málið, hafði samband við félaga mína í Mosfellsbæ sem hvöttu mig til að fara í gegnum bókanir bæjarfulltrúa. Við þann lestur sannfærðist ég um að fyrst og fremst var þráttað um það hvort samningur við bissnissfyrirtæki, sem vill reisa einkasjúkrahús í Mosfellsbæ, hafi verið góður eða slæmur; með öðrum orðum  ...

17. Ágúst 2016

YFIRLÝSING AĐ LOKINNI PALSTÍNUFÖR: BILAL KAYED VERĐI LÁTINN LAUS ŢEGAR Í STAĐ!

BILAL - PALESTÍNA
... Við undirrituð, þingmenn og stjórnmálafólk frá þremur ólíkum Evrópulöndum, svöruðum neyðarbeiðni frá mannréttindasamtökum og samþykktum að taka þátt í Ad hoc alþjóðlegri sendinefnd til Palestínu til stuðnings kröfunni um að Bilal Kayed verði þegar í stað látinn laus. Bilal Kayed er 35 ára gamall og hefur setið af sér 14 og hálfs árs dóm. Hann átti að losna úr fangelsi þann 13. júní 2016. Bilal var hins vegar i staðinn beittur handahófskenndri stjórnsýslu og fangelsun hans framlengd með varðhaldi án ákæru og án réttarhalda. Bilal Kayed hóf mótmælasvelti til að krefjast síns frelsis og er nú á 64. degi í því. Hann hefur verið lagður á sjúkrahús og er haldið þar hlekkjuðum á höndum og fótum og er nú ...

16. Ágúst 2016

MEĐ BARÁTTUMÓĐUR

Palestína pistill 2 - mynd 1
Eftir hádegið var haldið til Nablus. Þar hittum við fjölskyldu Bilal Kayed sem hefur verið í mótmælasvelti í rúma tvo mánuði eins og greint var frá í pistli hér á síðunni í gær. Óttast er um líf hans. Fjölskyldan er að sjálfsögðu afar áhyggjufull en býr yfir ótrúlegri staðfestu. Móðir Bilals hélt sigurmerki jafnan á lofti á stuðningsfundi við baráttu hans sem við sóttum í tjaldi sem komið hafði verið upp í miðborginni í Nablus. Ég ávarpaði þennan fund og lýsti markmiðum komu okkar fjórmenninganna, sem hér vorum, þingmanna frá Írlandi og Grikklandi  auk mín.

15. Ágúst 2016

TVEIR ÍRAR, EINN GRIKKI OG ÍSLENDINGUR Í PALESTÍNU

Palestína - I
Ég er nú á ferð í Ísrael og Palestínu ásamt þremur öðrum þingmönnum, tveimur Írum og einum frá Grikklandi til þess að ljá lið baráttunni gegn fangelsun án dóms. Um 750 Palestínumönnum er nú haldið í ísraelskum fangelsum án þess að hafa hlotið dóm, og eru þar á meðal fangar á barns- og unglingsaldri. Pólitískir fangar í Ísrael eru miklu fleiri - núna munu þeir vera um 7000 - en fjöldinn er nokkuð sveiflukenndur. Af þessum fjölda eru um 350 undir átján ára aldri.

13. Ágúst 2016

SJÁLFSTĆĐISFLOKKURINN MINNIR Á HVER HANN ER

xd - flokkurinn 2Ég finn hjá mér löngun til að skrifa þakkarpistil til Sjálfstæðisflokksins fyrir að minna okkur á það í hverra þágu flokkurinn starfar. Og í þessu sambandi vil ég sérstaklega þakka Guðlaugi Þór Þórðarsyni, sem í vikunni talaði í fjölmiðlum fyrir hönd meirihluta fjárlaganefndar Alþingis um að hann vildi færa eignarhaldið á alþjóðaflugvelli Íslendinga í Leifsstöð í hendur svokallaðra fjárfesta, sem er spariheiti fyrir braskara eins og við þekkjum svo vel frá tímum fyrr og nú ... Leifsstöð er að verða ein mesta gullgerðarvél landsins. Á henni þarf að hafa samfélagslegt taumhald. Um það kann ég litla dæmisögu....

13. Ágúst 2016

SAFNIĐ AĐ SKÓGUM OG SKAPARI ŢESS

Þórður að Skógum og aðrir
Í júlí var förinni heitið að Skógum. Opinberlega var erindið að skoða byggðasafnið þar. En í sannleika sagt var það fyrst og fremst frumkvöðullinn, sem byggði safnið upp, sem vakti forvitni. Með öðrum orðum, markmið fararinnar var fyrst og fremst að skoða Þórð Tómasson! Um þennan ungling á tíræðisaldri, sem ég leyfi mér að nefna svo, segir í fróðlegum og vel gerðum bæklingi um Skógasafnið, sem þar er til sölu ...Skógasafnið er mjög áhugavert og fræðandi  og er verulega skemmtilegt að fara þar um. En enn eftirminnilegri verður þó stundin með þeim systkinum Þórði Tómassyni og  Guðrúnu Tómasdóttur ...

9. Ágúst 2016

LÓNKOT Á LANDAKORTI SĆLKERANS OG HRAFNA-FLÓKI ŢAR Á KORTI SEM ENGINN BJÓST VIĐ HONUM

Hrafna - Flóki
... Ég nefni þetta nú vegna þess að síðastliðinn laugardag kom ég að minnismerkinu um Hrafna-Flóka og minntist hátíðarinnar sumarið 2012 og varð það síðan tilefni til að rifja upp þennan atburð og síðan enn á ný hinar fornu sögur ...  Við hjón gerðum annað og meira í norðanför okkar um síðastliðna helgi. Við komum meðal annars í Lónkot í Sléttuhlíð, gourmet-staðinn sem enginn sælkeri verður svikinn af. Þarna borðuðum við í ágúst 2007, fyrir níu árum - tíminn flýgur.  Í endurminningunni fannst okkur þetta einn besti veitingastaður sem við höfðum komið á og spennandi að sjá hvort ...

9. Ágúst 2016

AĐFERĐAFRĆĐIN FRÁ HIRSOHIMA ENN Á SÍNUM STAĐ!

FrettablaðiðBirtist í Fréttablaðinu 09.08.16.
... Obama baðst ekki afsökunar heldur talaði í kringum efnið ... Kjarnorkuveldin tala um "fælingarmátt" vopna sinna til að láta líta svo út að þessar þjóðir séu alltaf í vörn. Fælingarmátturinn byggir á því að "óvinurinn" trúi því að ásetningur sé að baki hótunum um að beita kjarnorkuvopnum ...Skilaboðin til samtímans ættu að vera þau að afleiðingarnar tali til okkar öllum stundum. Þær eiga að vera okkur víti til varnaðar. Þess vegna er hollt að minnast þessara atburða. Þess vegna er það orðinn árlegur viðburður á Íslandi í ágústmánuði að fleyta kertum í minningu fórnarlambanna frá Hiroshima og Nagasaki.

8. Ágúst 2016

ALŢINGI Á AĐ RÁĐA EF STYTTA Á KJÖRTÍMABIL

MBLBirtist í helgarblaði Morgunblaðsins 06/07.08.16.
 ... Kannaður verði vilji þingsins til að stytta kjörtímabilið. Um þetta greiddum við atkvæði í vor og var tillagan felld - illu heilli. Um þetta ætti enn að greiða atkvæði og væri ekki slæmt ráð að hafa atkvæðagreiðsluna leynilega til að losa menn undan hugsanlegum þrýstingi til fylgispektar við flokkslínur. Í þessu máli - sem reyndar öðrum - á hver maður að vera frjáls sem fuglinn fljúgandi ... Sumir þingmenn - og ekki síst þeir sem segjast leggja mikið uppúr prinsippum og formfestu - hafa í hótunum um að skemma þinghaldið verði ekki gengið til kosninga á næstu vikum. Það skulum við að sjálfsögðu gera ef fram kemur þingvilji til þess ...

7. Ágúst 2016

NÁNASTI SAMSTARFSMAĐUR EVU JOLY Í FRAMBOĐ

Eva og jón
Hvorki er ég Pírati né stuðningsmaður Pírataflokksins. Ég fagna því hins vegar þegar inn á hinn pólitíska vettvang - og gildir þá einu hvort það er innan Píratahreyfingarinnar eða annars staðar -  stíga einstaklingar sem ég tel líklega til að láta gott af sér leiða. Það á svo sannarlega við um Jón Þórisson, nánasta samstarfsmann Evu Joly hér á landi til margra ára. Jón Þórisson hefur flestum mönnum fremur kappkostað að ...

7. Ágúst 2016

BĆTUM GOTT HEILBRIGĐISKERFI

MBLBirtist í Morgunblaðinu 06.08.16.
... Í grein sinni svara þau eftirfarandi spurningu: Stendur heilbrigðiskerfinu ógn af fyrirætlunum um nýtt einkasjúkrahús fyrir útlendinga? Svarið er mjög afdráttarlaust, nefnilega að svo sé og fyrir því eru færð mjög skilmerkileg rök. Þau vara við tvöföldu heilbrigðiskerfi og hve ill áhrif sambýlið við almannakerfið hefði. En það sem mér þótti ekki síður umhugsunarvert er lýsing læknanna þriggja á kostum heilbrigðisþjónustunnar og þá sérstaklega þess sviðs sem þau starfa á, þ.e. hjartalækningum ...

6. Ágúst 2016

ÍSLENDINGAR GLEYMA EKKI KÚRDUNUM

DV - LÓGÓBirtist í DV 05.08.16.
Eitt er alveg víst. Ef Evrópa sinnir ekki neyðarkalli Kúrda í dag,  þá munu þeir minna á sig á morgun þegar þeir banka upp á sem flóttamenn. Það gerðu þeir margir hverjir þegar þeir flúðu til að bjarga lífi sínu og sinna undan ofbeldi og morðárásum herja Saddams Hussein í Kúrdahéruðum Íraks, á sínum tíma ...Frá því er skemmst að segja að fundurinn var afar gagnlegur og ríkti um það þverpólitísk samstaða að mótmæli Íslands ættu ekki að einskorðast við mannréttindabrot sem framin hefðu verið síðustu vikur heldur skyldi einnig horft til ofsókna á hendur Kúrdum síðustu mánuði. Undir þetta tók utanríkisráðherra, Lilja Alfreðsdóttir og er það vel. Nú er þess beðið að utanríkismálanefnd Alþingis álykti ... 

31. Júlí 2016

KRISTÍNAR HALLDÓRSDÓTTUR MINNST

Kristín Halldórsdóttir... Það er mikil eftirsjá að Kristínu Halldórsdóttur, fyrrum alþingiskonu. Það er vandséð hvernig á að titla Kristínu því hún lét víða að sér kveða, í réttindabaráttu kvenna, í umhverfis- og náttúruverndarmálum og í stjórnmálum almennt. Hún sat á Alþingi um árabil og áttum við þar samleið um nokkurra ára skeið. Hún var í hópi þeirra sem stóðu að því að gera Vinstrihreyfinguna grænt framboð að pólitísku afli, í upphafi innan þingsalarins, reyndar áður en flokkurinn var formlega stofnaður og síðar sem ...

26. Júlí 2016

VARNARVÍSITALA LÁGTEKJUFÓLKS

FrettablaðiðBirtist í Fréttablaðinu 25.07.16.
Tillaga: Samið verði um vísitölubundið launabil. Fjármálaráðuneytið eða stofnanir sem undir það heyra semji á þann veg í kjarasamningum að lægstu föstu launagreiðslur verði aldrei lægri en þriðjungur af hæstu föstu launagreiðslum
... Þá má ætla að samningamenn reyndu að koma ákvæðum um varnarvísitölu lágtekjufólks inn í kjarasamninga á almenna markaðnum. Viðmiðið gæti verið meðaltalslaun stjórnar Samtaka atvinnulífsins. Án öryggistappa af þessu tagi yrði víðtækt handjárnað samflot á launamarkaði alltaf á forsendum hátekjufólksins. Enda mikill ákafi þar á bæ að koma slíku fyrirkomulagi á ...

25. Júlí 2016

KREDDUFÓLKI BREGĐUR Í BRÚN

Mjólk 2
Mikil og að mestu leyti jákvæð viðbrögð hafa orðið við grein sem ég skrifaði síðastliðinn miðvikudag í Fréttablaðið um einelti Samkeppniseftirlitsins á hendur Mjólkursamsölunni, en sem kunnugt er vill Samkeppniseftirlitið sekta MS um nær hálfan milljarð fyrir - að því er ég fæ best séð - að fara að þeim lögum sem Alþingi hefur sett mjólkuriðnaðinum! Engin niðurstaða er fengin í þetta makalausa kærumál ... Arnar Sigurðsson skrifar stundum pistla á Eyjuna. Sjaldnast erum við sammála ... 

24. Júlí 2016

DRENGURINN OG STEĐJINN

MBLBirtist í helgarblaði Morgunblaðsins 23/24.07.16.
Tuttugasta öldin var mesta framfaraskeið mannkynssögunnar. Framfarirnar náðu vissulega ekki til allra jarðarbúa, fjarri því. Og hvergi var öldin gallalaus. Þetta var öld styrjalda, alræðiskerfa, yfirgangs fjármagns og ofbeldis í margvíslegri mynd. En aðgangur að síbatnandi heilbrigðisþjónustu, menntun, húsnæði, vatni og rafmagni, sem og framfarir í samgöngum tryggðu almenningi stórbætt lífskjör. Sama gildir um framfarir í framleiðslutækni sem gerði erfiðsvinnu auðveldari. Tilfinningin var sú að ...

24. Júlí 2016

STĐYJUM SKÁTANA Á ÚLFLJÓTSVATNI

Skátar 2
... Þegar ég heimsótti skátamótið á Úlfljótsvatni í gær ásamt fjölskyldu,  varð einhverjum á orði hve merkilegt væri að verða vitni að öflugu æskulýðsstarfi skátanna þar sem nánast allt væri unnið í sjálfboðavinnu og af einskærum áhuga. Slíkt væri á hverfanda hveli í heimi sem rukkaði fyrir allt stórt og smátt. En þarna eru allir veitendur og gefendur. Skátarnir og starfsemi þeim tengd er af þeim toga. Til skátanna nær að sjálfsögðu naflastrengurinn til Landsbjargar og hjálparsveitanna sem eiga sér langa hefð og sögu í skátahreyfingunni. Undanfarna daga hafa á þriðja þúsund manns dvalið á Úlfljótsvatni ...

21. Júlí 2016

MS ENN Í EINELTI

Fréttabladid hausBirtist í Fréttablaðinu 20.07.16.
Samkeppniseftirlitið hefur frá því sú stofnun varð til, haft hin meira en lítið vafasömu Bændasamtök í sigti. Frægt varð þegar samtökin voru sektuð fyrir að leyfa umræðu um afkomu bænda og verðlagsmál á þingi sínu. Slíkt flokkaðist að mati eftirlitsins undir verðsamráð sem á að vera alveg bannað þegar bændur eiga í hlut. Við hljótum að bíða þess að verkalýðssamtökunum, sem Margaret Thatcher, járnfrúin breska, kallaði verstu einokunarfyrirbæri samfélagsins, verði sektuð fyrir að efna til funda um hvernig megi samræma kröfur um verð fyrir launavinnu. Minna hefur farið fyrir gagnrýni Samkeppnisstofnunar á þann hluta ...

15. Júlí 2016

ŢÖRF Á YFIRVEGAĐRI UMRĆĐU UM FLÓTTAFÓLK

MBLBirtist í Morgunblaðinu 14.07.16.
Nýlega var því slegið upp í fréttatíma Ríkisútvarpsins að fulltrúi No Borders samtakanna vildi að við segðum okkur frá Dyflinnarsamkomulaginu og hættum að senda umsækjendur um alþjóðlega vernd (hælisleitendur) úr landi. Mátti skilja að stjórnvöld skýldu sér á bak við samkomulagið til að geta vísað sem flestum hælisleitendum úr landi. Með öðrum orðum, skákað væri í skjóli Dyflinnarsamkomulagsins til að losna við þá af höndum okkar, og að það væri gert að óathuguðu máli. Nú kann vel að vera að einhverjir hugsi á þennan veg en varasamt er að ...

15. Júlí 2016

FYRSTA SJÁLFTÖKUMYNDIN!

Bylgjan - fyrsta selfie
Það er ekki seinna vænna að nútímavæðast. Í morgun bauðst mér að sitja fyrir á sjálftökumynd - hinni margrómuðu SELFIE - og er það í fyrsta skipti sem ég er myndatökumaður á slíkri mynd! Þetta var að loknu útvarpsspjalli í Bítinu á Bylgjunni með þeim Þorbirni Þórðarson og Hugrúnu Halldórsdóttur þar sem umræðuefnið var markaðsvæðing innan heilbrigðisþjónustunnar með sérstakri tilvísan til heilsugæslunnar á höfuðborgarsvæðinu. Eins og sjá má eru þau Þorbjörn og Hugrún fullkomlega ...

14. Júlí 2016

SJÁ MARKAĐINN!

FrettablaðiðBirtist í Fréttablaðinu 13.07.09.
Fréttablaðið valdi réttilega forsíðu sína til að segja okkur að fyrir hönd okkar skattgreiðenda hefði Sjálfstæðisflokkurinn nú ákveðið að ganga til viðræðna við einkaaðila um rekstur tveggja heilsugæslustöðva á höfuðborgarsvæðinu. Fréttin var ekki orðuð með þetta beinum hætti. Sjálfstæðisflokkurinn var ekki nefndur á nafn og þaðan af síður skattgreiðendur en öll vitum við að ríkisstjórnin er að reyna ná langþráðu takmarki peningafrjálshyggjunnar um að koma á heilbrigðismarkaði. Einnig vitum við að allt er þetta hugsað í boði ...

10. Júlí 2016

KLAPPAĐ FYRIR FÓTBOLTAHETJU Í MOLDÓVU

MBLBirtist í helgarblaði Morgunblaðsins 9/10.07.16.
Í æsku spilaði ég fótbolta á túninu við Neskirkju í Reykjavík. Sigtryggur glímukóngur - „Sigtryggur vann" - var foringinn. Maður með gullhjarta en ekkert sérstaklega góður í fótbolta, en það var ég ekki heldur. Samt skemmtum við okkur vel. Allir sveittir og rjóðir og svo fékk maður sér mjólkurhristing á Hjarðarhaganum. Á Melavöllinn fór ég til að styðja Þrótt, sem upphaflega var á Grímsstaðaholtinu og frændur mínir höfðu átt þátt í að stofna ásamt Eyjólfi sundkappa og Dóra fisksala, sem frægt varð í Djöflaeyjunni, en á endanum ...

4. Júlí 2016

ŢJÓĐREMBA Í LAGI

EM _ Ísland
Á Íslandi er flest annað hvort í ökkla eða eyra. Sú var tíðin, og ekki fyrir ýkja löngu, að nánast var bannað, samkvæmt ófáum sjálfskipuðum siðameisturum, að segjast þykja vænt um landið sitt og finnast það fallegt. Ennþá alvarlegri vísbending um illa þjóðrembu var að vilja standa vörð um íslenska menningu og tungu. Þetta þótti stórvarasamt og fengu þau, sem gerðust sek um slíkt, orð í eyra. Nú hefur dæmið hins vegar snúist við. Allir klappa og „húa", nánast klæðast íslenska fánanum og kyrja um ágæti þess að komast „heim" þar sem allt sé svo gott og eftirsóknarvert. Með stolti er sagt að Ísland og íslenskt samfélag hafi alið af sér íþróttafólk í fremstu röð. Hvergi er minnst á þjóðrembu. Enda væri slíkt ...

27. Júní 2016

TÖFFARINN Í RÓM

Frans páfi 2
... Hann segir að kaþólska kirkjan eigi að biðja samkynhneigða fyrirgefnigar á framkomu í þeirra garð. Líka marga aðra, konur í nauðum og börn í þrælkun. Einnig á hún að iðrast fyrir að blessa vopnin. Fréttaskýrendur telja að skírskotun til vopna hafi verið til fylgispektar ýmissa kirkjunnar manna við stríðsrekstur almennt. Ég held ekki. Prestar í Bandaríkjunum (sumir hverjir, ekki allir!)  blessuðu sprengjuflugskeyti á níunda áratugnum, með upplyftum örmum í átt til himins og báðu fyrir því að skeytin mættu ná markmiðum hönnuða sinna! Í alvöru, þá var þetta svona. Ég man þetta vel frá fréttamannsferli mínum og notaði ég  ...

27. Júní 2016

NÝR FORSETI

Bessastaðir 4
Niðurstaðan í forsetakosningum liggur fyrir. Hún er afgerandi og við sameinumst nú um nýjan forseta Íslands, Guðna Th. Jóhannesson. Vegni honum sem best, megi hann verða farsæll í starfi og hafa áhrif til góðs. Þannig á foresti að vera, áhrifamikill af eigin verðleikum, en ekki valdamikill samkvæmt stjórnarskrá eða kosningaúrslitum. Í því samhengi var það engan veginn slæmt að mínu mati að hann skyldi ekki fá hreinan meirihluta á bak við sig. Forsetaembættið á ekki að vera eða verða valdaembætti. Sjá fyrri ...

26. Júní 2016

UM LÍFLEGT EVRÓPURÁĐSŢING OG KPPHLAUP VIĐ TÍMANN

Evrópuráðið - 47 aðildarríki
... Annars fer starf á vettvangi Evrópusambandsins að mestu leyti fram í nefndum líkt og á Alþingi Íslendinga. Þar eru drög lögð að skýrslum og álitsgerðum og stefnumótun rædd. Ég vinn nú að rannsóknarskýsrlu um orsakir misskiptingar og stöðu verkalýðshreyfingar. Spurt er hvort þverrandi áhrif verkalýðshreyfingar kunni að einhverju leyti að skýra vaxandi misskiptingu og þá einnig hvort eðli verkalýðsbaráttunnar kunni að hafa breyst. Og ef svo er, hvað sé þá til ráða til að styrkja réttindabaráttu launafólks. Áform mín höfðu verið að ljúka verkefninu fyrir næsta vor áður en kjörtímabilinu lyki. Áform um að stytta kjörtímabilið setja hins vegar strik í reikninginn og kalla á kapphlaup við tímann ... 

26. Júní 2016

EKKI GRĆT ÉG BREXIT!

Brexit
... Svo eru það skýringar úr gagnstæðri átt, nefnilega andstaða við sívaxandi miðstýringu innan Evrópusambandsins og markaðshyggju sem aðildarríkjunum er þröngvað til að undirgangast. Þá er nefnd þjónkun við fjármálakerfi og peningavald og andstaða við stofnanaveldið almennt.  Sjálfur hefði ég kosið með útgöngu á síðari forsendunum. Ég tel að tími sé kominn til að setja niður hælana gegn langvarandi og sífellt ágengari markaðshyggju Evrópusambandsins. Ef Evrópusambandið hefði borið gæfu til að þróast sem lausbeislaðra tollabandalag, nær gömlu Efta hugmyndinni og síðan lagt rækt við mannréttindaþáttinn á vettvangi Evrópuráðsins þá værum við á betra róli. Auðvitað eiga Íslendingar erindi í náið samstarf Evrópuríkja á ýmsum sviðum. Öðru máli gegnir um fyrirskipanir um hvernig við skipuleggjum innviði okkar. Slíkar kvaðir eru hluti af EES pakkanum. Því miður.  ...

26. Júní 2016

VÉLFLUGAN RÝFUR ŢÖGNINA

MBLBirtist í helgarblaði Morgunblaðsins 25/26.06.16.
... Og er þar komið að tilefni þessara hugleiðinga. Í vikunni las ég um ákvörðun bandarísku flugumferðarstjórnarinnar að heimila notkun vélflugna í viðskiptum. Stærðarmörk eru sett en almennt dregið úr hömlum. Þó er gerð sú krafa að stjórnandinn geti fylgst með flugu sinni öllum stundum og eru þar með settar skorður við vélrænu póstsendingarkerfi sem Amazon og fleiri eru að þróa. Hvað sem öllum hömlum líður er ljóst hvað bíður okkar. Verið er að greiða leið vélflugunnar - ekki bara einnar eða fárra heldur gerinu öllu - inn í tilveru okkar. Ekki er þetta sérstaklega skemmtileg tilhugsun. En það er náttúrlega einn kostur í stöðunni ...

23. Júní 2016

FJÖLMIĐLAHREIĐUR Í EFSTALEITI?

FrettablaðiðBirtist í Fréttablaðinu 22.06.16.
 Ég þykist vita að skipulagsferli Útvarpsreitsins í Efstaleiti í Reykjavík sé á síðustu metrum. Enn er þó auglýst eftir athugasemdum við skipulagið. Mín athugasemd birtist hér. Hún felur jafnframt í sér andmæli gegn vaxandi verktakaræði. Ef mig ekki misminnir þá var upphaflega gert ráð fyrir þremur stórum RÚV byggingum á reitnum, þ.e. fyrir Útvarpið og Sjónvarpið og síðan upptökusali. Aldrei voru þó byggðar fleiri byggingar en ein á reitnum, sem ég hygg að hafi teygt sig frá Bústaðavegi að Listabraut. Hugsunin var sú að byggja þyrfti yfir margvíslega þjónustu og menningarstarfsemi sem þessi fjölmiðill þjóðarainnar sinnti. Vigdís Finnbogadóttir, forseti Íslands, sagði  ...

17. Júní 2016

ŢAĐ Á HELST EKKI AĐ LOKA FÓLK INNI

Vernd - 2016 -small
Í nýjustu útgáfu Verndarblaðsis, sem félagasamtökin Vernd gefa út, birtist grein eftir mig sem ber sömu fyrirsögn og þessi pistill. Ég færi rök fyrir því að refsidómar yfir fólki eigi að byggjast á uppbyggilegum forsendum og eigi ekki undir neinum kringumstæðum að mótast af hefnigirni af neinu tagi. Siðað réttarríki byggi meðal annars á því að sækjast eftir réttlæti en ekki hefnd, svo vitnað sé í titil frægrar bókar. Í greininni vík ég að breytingum sem gerðar voru á lögum um fullnustu dóma í tíð minni sem innanríkisráðherra á síðasta kjötrtímabili og má þar nefna rafrænt efirlit og aukna áherslu á samfélagsþjónustu. Greinin er hér að ...

16. Júní 2016

VILJA FLYTJA KÝR Í FLUGVÉLUM

FrettablaðiðBirtist í Fréttablaðinu 15.06.16.
  Það er ekki nóg með að ríkisstjórnin vilji gera kýr að flugvélafarþegum. Hún vill senda heilar hjarðir í heimsreisur. Og ekki bara nautgripi heldur líka kjúklinga og svín. Að vísu ekki  lifandi, heldur dauð. Steindauð, tilbúin á steikarfatið.Heimsreisur? Mér er sagt að ódýrustu kjúklingar á markaði í Evrópu séu komnir alla leið frá Austur-Asíu, Kína og Taílandi. Þetta er inntakið í ...

12. Júní 2016

EKKI KAUPA FLEIRI SKURĐGRÖFUR!

MBL  - LogoBirtist í helgarblaði Morgunblaðsins 11/12.06.16.
Í aðdraganda hrunsins var ofsaþensla í flestum geirum atvinnulífsins. Byggingakranar gnæfðu alls staðar við himin. Og flutningaskip voru yfirfull af stórvirkum vinnuvélum á leið til landsins. Líkt og nú, var auglýst um allar álfur eftir starfsfólki að taka þátt í dansinum. Svo kom hrunið. Nýbyggðu húsin stóðu auð og ónotuð, heilu hverfin. Talsmenn aðgerðalausra vinnuvéla voru að vonum miður sín og kröfðust verkefna. Vildu virkja, fá margbreiða vegi, ef skattgreiðandinn borgaði ekki beint, mætti rukka hann í veghliðum. Þarfir skurðgröfunnar og hagsmunir skyldu með öðrum orðum hafðir í fyrirrúmi. Móður jörð ...

11. Júní 2016

TIL VARNAR PÓLITÍSKUM FÖNGUM Í ÍSRAEL

Palestínumenn í fangelsi
Á laugardag fyrir réttri viku, sótti ég í Brussel ráðstefnu evrópskra þingmanna sem beina sjónum að pólitískum föngum í Ísrael, einkum unglingum. Samtökin heita European Alliance in Defence of Palestinian Detainees. Í forsætisnefnd samtakanna situr Annette Groth sem kom til Íslands síðastlið sumar að fjalla um stöðu mannréttindamála í Ísrael og Palestínu. Fróðlegt var að hlýða á Feliciu Langer, ísraelskan gyðing, sem í áratugi hefur staðið í fararbroddi mannréttindabaráttu og hlotið ...

10. Júní 2016

FANGELSIĐ Á HÓLMSHEIĐI OPNAĐ

Ólöf Nordal - Hólmsheiði 06 2016Ólöf Nordal, innanríkisráðherra, opnaði í dag fangelsið á Hólmsheiði og markar það tímamót í sögu fangelsismála í landinu. Tilkoma þessa nýja fangelsis gerði kleift að loka Kvennafangelsinu í Kópavogi og Hegningarhúsinu við Skólavörðustíg í Reykjavík sem lengi hefur verið talið með öllu óviðunandi. Í nýja fangelsinu verður unnt að aðgreina fanga, ekki aðeins konur og karla, heldur einnig þau sem hljóta fangelsisdóm innan átján ára aldurs. Eftirlitsaðilum Evrópuráðsins í mannréttindamálum þótti stríða gegn samningi Sameinuðu þjóðanna um réttindi barna eða ekki væru til fangelsisúrræði fyrir yngsta fólkið. Við höfum hins vegar leyst þessi mál með því að ...

8. Júní 2016

ŢEGAR ŢÖGNIN TALAR

Amma II „ ...Það er auðvelt fyrir svo nákominn ættingja að skrifa um mannkosti hennar, gjafmildi og hugprýði, en þar sem ég kann ekki að setja það í ljóðstafi, sem hún ætti skilið, gríp ég til þeirrar aðferðar stærðfræðinga að làta þögnina skýra það sem á vantar. ..." Svona skrifar Ketill Ingólfsson um móðursystur sína, Margréti Helgu Vilhjálmsdóttur, tengdadmóður mína, í minningargrein um hana. Ketill segir listilega vel það sem við mörg hefðum viljað sagt hafa; að þrátt fyrir orð í minningargreinum hefðum við viljað segja svo miklu meira, það verði þó aðeins sagt í ljóði eða í þögulli minningu ...

4. Júní 2016

ALŢINGI EKKI RÍKISSTJÓRNIR RÁĐI ŢINGLOKUM

Fréttabladid hausBirtist í Fréttablaðinu 03.06.16.
... Nú fór hins vegar af stað atburðarás framan við og aftan við tjöldin. Ríkisstjórnin vildi kaupa sér meintan velvilja með því að flýta kosningum um tæpt ár og segist nú bundin af slíku loforði. En gagnvart hverjum? Og hvað veitir stjórnmálamönnum, hvort sem er í stjórnarmeirihluta eða stjórnarandstöðu á þingi heimild til að makka með slíkt fyrir hönd þingmanna almennt? Hér gegnir allt öðru máli en eðlileg tillaga um vantraust og þingrof. Hér er líka allt annað uppi á teningnum en ...

29. Maí 2016

ŢETTA ER MATURINN OKKAR

MBL  - LogoBirtist í helgarblaði Morgunblaðsins 28/29.05.16.
Kál er ekki sama og kál. Til er kál til manneldis og það er misjafnt að gæðum. Síðan er til kál til fóðureldis fyrir svín. Einnig það er misjafnt að gæðum. Og þarna er náttúrlega skörun á milli. En eflaust má koma öllu þessu káli fyrir í búðarhillum. Og þar gefst neytendum kostur á að velja á grundvelli verðlags og gæða. Efnalitlir munu neyðast til að sætta sig við lökust gæði vegna verðlagsins en efnameira fólkið skiptir verðlagið minna máli. Eins er það með aðra matvöru. Kjöt er ekki sama og kjöt. Til er ...

29. Maí 2016

MARGRÉT INDRIĐADÓTTIR KVÖDD

margrét indriðadóttir
Ég hef stundum hugsað til þess hve magnaður vinnustaður Ríkisútvarpið var lengst af, á öldinni sem leið. Örugglega ekki alltaf auðveldasti vinnustaður í heimi með öllum þeim stórveldum sem þar var að finna. Á Ríkisútvarpinu hafði nefnilega verið safnað saman eða kannski höfðu þar bara safnast saman um segulinn sem þessi menningarstofnun var, margir sterkir persónuleikar, gáfað fólk og hæfileikaríkt, skaphitafólk með metnað og miklar skoðanir - og  miklar kröfur. Óhætt er að segja að á Ríkisútvarpinu hafi starfað kröfuhart fólk sem vildi aðeins það besta. Allt þetta var einkennandi fyrir Margréti Indriðadóttur ...

28. Maí 2016

JÓNAS KRISTJÁNSSON LEIĐRÉTTUR

Jónas - 2
Jónas Kristjánsson, fyrrverandi ritstjóri, skrifar pistla á heimasíðu um menn og málefni. Mér virðist hann þar leggja meira upp úr stílbrögðum en sannleiksgildi orða sinna. Það er hans val. En þegar Jónas fer rangt með er það jafnframt val annarra að leiðrétta rangfræslur hans. Ég hef fram til þessa tekið þann kost að gera það ekki þótt stundum hafi verið tilefni til, einfaldlega vegna þess að stílistum á að leyfast ákveðið skáldaleyfi. Mér finnst það í góðu lagi. En jafnvel skáldskap eru takmörk sett ...

23. Maí 2016

FORGANGSRAĐAĐ Í ŢÁGU ERLENDRA KRÓNUHAFA

EVRUR
Í gær var samþykkt á Alþingi frumvarp sem tengist losun gjaldeyrishafta. Umræður urðu nokkrar og sumt fróðlegt sem þar kom fram - bæði um málið og ekki síður um málflytjendur. Margir vildu vita hverjir væru hinir raunverulegu aflandskrónu-eigendur sem nú skal forgangsraðað umfram innlenda handhafa fjármagns sem vilja út úr kerfinu. Þetta er réttmæt ósk. Þess vegna hljóma undarlega áhyggjur Pírata um „persónuverndarsjónarmið" í þessu samhengi og er illskiljanleg mótsögnin, sem alla vega mér virðist vera, í kröfu þeirra um allt upp á borðið suður í Panama en lok og læs á Íslandi. Björt framtíð sagði losun hafta eitt mikilvægasta verkafni „stjórnmála í samtímanum". Nóg um það. Samfylkingin sagði ...

19. Maí 2016

Í MINNINGU TENGDAMÓĐUR

Amma II... Lýsandi þykja mér þau orð dóttursonar í minningaroðrum hans um ömmu sína, að þótt hún hefði „ávallt sterkar skoðanir á málefnum líðandi stundar og þótti gaman að ræða þjóðfélagsmálin" ... þá var þó „ alltaf ró og yfirvegun sem lá í loftinu þegar maður kom á heimili hennar." Það er þessi andlega kjölfesta sem allir sakna og hugsa til, að tengdamóður minni genginni. Saman fóru yfirvegun og ró annars vegar og miklar skoðanir hins vegar. Sennilega hefur það verið svo að allir hafi fundið fyrir lífinu innra með sjálfum sér í návistinni við hana! Það er ekki öllum gefið að framkalla slíkt í umhverfi sínu ...

15. Maí 2016

PENINGAR OG VALD

MBL  - LogoBirtist í helgarblaði Morgunblaðsins 14/15.05.16.
Samtök Iðnaðarins segjast gjarnan vilja hlaupa undir bagga með ríkissjóði og kosta framkvæmdir við hafnir, flugvelli og vegi. Alls staðar þurfi að taka til hendinni og vilji samtökin leggja sitt af mörkum. En bíðum við, er ekki eitthvað ósagt í þessu tilboði? Varla ætla Samtök iðnaðarins að gefa okkur vegina, flugvellina og hafnirnar. Nei, svo er að sjálfsögðu ekki. Hugmyndin er sú, að fyrirtæki sem aðild eiga að SÍ, taki lán og leggi síðan út fyrir framkvæmdunum. Þá komi að okkur, notendunum að taka upp veskið, borga framkvæmdina, vaxtakostnaðinn og síðan arðsemisþóknun til ...

8. Maí 2016

SAMTÖK IĐNAĐARINS HUGSI ÚT FYRIR (SINN) RAMMA

Kassinn II
Samtök iðnaðarins minna eina ferðina enn á stærð sína eða smæð - eftir atvikum. Í grein í helgarútgáfu Morgunblaðsins kveðst framkvæmdastjóri SÍ vilja fá samgöngukerfi landsmanna afhent í hendur félagsmönnum sínum til að hagnast á.
Í stað þess að styrkja við frumlega hugsun og nýjungar í framleiðslu og þjónustu, staðnæmast samtökin við það sem þegar er búið að skapa eða þar sem kúnninn er færður þeim nánast í fjötrum. Þannig vilja Samtök iðnaðarins ...

8. Maí 2016

ŢEIM FJÖLGAR SEM VILJA KJÓSA Á NÝJU ÁRI

Fréttatíminn - rétt mynd
Það er misskilningur hjá Fréttatímanum að ég hafi sérstöðu um það í stjórnarandstöðunni að telja heppilegra að kjósa næsta vor en að kjósa með hraðupphlaupi í haust. Ég studdi eindregið tillögu stjórnarandstöðunnar að efna til vorkosninga núna og talaði og skrifaði í þá veru innan þings sem utan. Vorkosning var hugsuð sem viðbrögð við aðstæðum sem kölluðu á viðbrögð ... Svo fór að tillagan um vorkosningar var felld sem kunnugt er.  Eftir standa þá tveir kostir haust- eða vorkosningar. Hvað ræður þar úrslitum í mínum huga? Stjórnarandstaðan hlýtur að ...

1. Maí 2016

MÁL TIL KOMIĐ AĐ KVEĐJA ALŢINGI

Ögmundur kveður Alþ
Ég hef ákveðið að bjóða mig ekki fram í næstu þingkosningum. Komið er að því að breyta um umhverfi. Uppáhaldsdagurinn minn, 1. maí, baráttudagur verkalýðsins, þykir mér góður fyrir þessa ákvörðun. Á þessum degi líta menn yfir farinn veg en fyrst og fremst er horft fram á veginn. Það geri ég fullur tilhlökkunar um leið og ég þakka öllum þeim sem hafa stutt mig til verka á þingferli mínum. Annars er ég ekki alveg hættur á þingi. Ég stend að sjálfsögðu mína vakt til loka kjörtímabilsins, hvenær sem nú ákveðið verður að láta því ljúka. Þá taka við ný verkefni. Ég ráðgeri ekki að .... 

1. Maí 2016

1. MAÍ: BARÁTTUDAGUR FYRIR JÖFNUĐI

Fyrsti maí - 2
... Þörf er á baráttumarkmiðum verkalýðshreyfingarinnar nú sem fyrr. En verkalýðshreyfingunni er um margt meiri vandi á höndum en áður þegar allar átakalínur voru skýrari. Sem stjórnendur lífeyrissjóða og þátttakendur atvinnurekendamegin í atvinnulífinu í gegnum þá sjóði, þarf hreyfingin að vera á tánum. Hún þarf líka að gæta sín á stofnanaveldinu, að ánetjast því ekki, fara ekki að finnast allra meina bót að fá stuðning við stofnanir hreyfingarinna en gleyma þeim sem raunverulega bera þessa hreyfingu uppi og hún á að þjóna, hinum almenna launamanni. Verkalýðshreyfingin þarf að vera róttæk og herská í þágu almenns launafólks, í þágu jafnaðar og í þágu lýðræðis. Þessi dagur er til að minna á þá staðreynd. ...

1. Maí 2016

HVERNIG Á AĐ BREYTA STJÓRNARSKRÁ ÍSLANDS?

MBLBirtist í helgarblaði Morgunblaðsins 30.04/01.05.16.
.... Þannig fannst mér sjálfum Stjórnlagaráð fullíhaldssamt að heimila ekki að almenningur gæti krafist þjóðaratkvæðagreiðslu um fjárhagsleg málefni og milliríkjasamninga á borð við Icesave! Sömuleiðis þótti mér Stjórnlagaráð bregðast varðandi einkaeignarrétt. Í mínum huga get ég fallist á að binda í stjórnarskrá rétt til eignar á íbúðarhúsnæði, bújörð eða fyrirtæki. En á það líka að gilda um tvö hundruð þúsund milljarða? Er það heilagur réttur til eignar, og á hann að vera stjórnarskrárvarinn  ... 

30. Apríl 2016

REYKJAVÍK ROUND TABLE ON HUMAN RIGHTS

Reykjavík - yfirlit
Í vikunni fór fram í Reykjavík ráðstefna sem Edda, Öndvegissetur Háskóla Íslands, í samstarfi við Institute of Cultural Diplomacy, ICD, stóðu fyrir undir heitinu Reykjavík Round Table on Human Rights.
Grundvallarþema ráðstefnunnar var hvernig megi brúa hið síbreikkandi bil á milli góðra áforma einsog þau birtust okkur í margvíslegum alþjóðasáttmálum og skuldbindingum annars vegar og veruleikans á taflborði valdastjórnmálanna hins vegar. Að þessari umræðu komu ...

24. Apríl 2016

GUĐMUNDUR GUĐJÓNSSON KVADDUR

Guðmundur Guðjónsson 2Guðmundur Guðjónsson, söngvari var borinn til grafar miðvikudaginn 20. apríl. Vegna veru minnar á þingi Evrópuráðsins gat ég ekki fylgt Guðmundi til grafar og þótti mér það mjög miður. Guðmundi kynntist ég á árunum sem ég starfaði í Sjónvarpinu. Hann var þar sviðsstjóri, skipulagði alla umgjörð í sjónvarpssal og sá til þess að öllum innan hennar liði vel. Það leit hann á sem sitt hlutverk, sem lá náttúrlega ekkert í augum uppi. En hvílíkur meistari! Þessi glæsilegi og fágaði maður kom ...

23. Apríl 2016

ŢINGVIKA EVRÓPURÁĐSINS

Evrópuráðið - 8
... Ekki var síst rætt um nýlegan samning Evrópusambandsins við Tyrkland sem mörgum þykir mjög ámælisverður. Í honum er skilgreint að Tyrkland sé „öruggt ríki". Allir sem vilja vita, hljóta að viðurekkna að svo er ekki. Þeim fer fjölgandi sem dregnir eru fyrri dóm vegna skoðana sinna og þykir þá saknæmt að móðga forsetann. Í Evrópu er fjöldi kúrdískra flóttamanna. Ég þekki marga þeirra persónulega, þar á meðal menn sem setið hafa í fangelsi fyrir að vilja tala móðurmál sitt. Þetta fólk er nú hægt að senda til Tyrklands í öruggan faðm Erdogans forseta! Á þinginu hlýddum við á ...

21. Apríl 2016

ÁSKORUN

Birtist í Morgunblaðinu 20.04.16.
MBL- HAUSINNÍ lok ágúst 2012 birtist í fjölmiðlum áskorun til Alþingis og ríkisstjórnar undir yfirskriftinni Grímsstaðir á Fjöllum verði þjóðareign. Skorað var á stjórnvöld að koma í kring kaupum ríkisins á jörðinni og gera hana að almannaeign ... Undir fyrrnefnda áskorun skrifuðu um 150 einstaklingar nöfn sín og vekur athygli hve víða að úr þjóðfélaginu þeir eru og úr öllu litrófi stjórnmálanna.
Og þetta var fólkið:

16. Apríl 2016

JÖKULSÁRLÓN ER EKKI FLOKKSPÓLITÍSKT

Birtist í helgarblaði Morgunblaðsins 16/17.04.16.
MBL -- HAUSINNÁsmundur Einar Daðason, þingflokksformaður Framsóknarflokksins, minnti okkur á það í vikunni að fyrirhuguð sala á Jökulsárlóni verðskuldaði þjóðarathygli. Jökulsárlón ætti að vera í þjóðareigu ... Steinunn Þóra Árnadóttir, þingkona VG, hefur einnig brugðist við og lagt fram fyrirspurn á þingi um framhald þessa máls. Og viti menn Sigrún Magnúsdóttir, umhverfisráðherra ... En skiptir máli hvort eignarhaldið er útlent eða innlent? Flokkast slíkar vangaveltur ef til vill undir illa þjóðrembu? ...

13. Apríl 2016

ŢAĐ Á AĐ KJÓSA Á VORIN

DV - LÓGÓBirtist í DV 12.04.16.
...
Annars er mikilvægt að ríkisstjórnin byrji að reyna að skilja hverju fólk er að mótmæla. Það er verið að mótmæla skattaskjólum og þeim sem þangað hafa leitað, það er verið að mótmæla Borgunarhneykslinu, það er verið að mótmæla arðtökunni úr tryggingafyrirtækjunum, það er verið að mótmæla fyrirhugarðri sölu bankanna og minn skilningur er sá að það sé líka verið að mótmæla  markaðsvæðingu heilbrigðisþjónustunnar. Allt eru þetta mál sem ögra fólki. Auðvitað á fólk að tala yfirvegað og af sanngirni. Það á líka við um Austurvöll. En förum varlega í að tala niður réttmæta gagnrýni í þjóðfélaginu gegn yfirgangi peningavalds og markaðshyggju. ...

10. Apríl 2016

MÓTMĆLIN STĆRRI EN EINN MAĐUR

Þingrof -ÖJ
Mín tilfinning er sú að mótmælin undanfarna daga eigi sér dýpri rætur en svo að þau verði einungis rakin til Tortóla peninga. Fráfarandi forsætisráðherra sagði í umræðu um vantraust á ríkisstjórnina á Alþingi síðastliðinn föstudag að varla væru mótmælin vegna verka ríkisstjórnar Framsóknarflokks og Sjálfstæðisflokks, slík væri afrekaskráin! Ég held að mótmælin séu einmitt vegna ...

8. Apríl 2016

DRÖGUM FÉLAGSHYGGJUFÁNANN AĐ HÚNI!

Birtist í Fréttablaðinu 07.04.16.
FrettablaðiðÁnægjulegt hefur mér þótt hve góð viðbrögðin hafa verið við tveimur greinum sem ég hef nýlega fengið birtar í Fréttablaðinu með því inntaki að mikilvægt sé að vinstri stefna gangi í endurnýjun lífdaganna. Í þessum skrifum benti ég á að samhliða vaxandi gengi nýfrjálshyggjunnar undir aldarlok og í byrjun nýrrar aldar, hafi hinn pólitíski pendúll færst til hægri ... ég að hvetja til þess að við reynum öll, hvar á báti sem við erum ... að endurmeta viðhorf okkar og leiðir sem við veljum til að ná settu marki. Þannig hef ég fagnað útlistunum þeirra Frans páfa og Frosta framsóknarmanns á samfélagsbankahugmyndinni ...

3. Apríl 2016

GEIR EKKI BĆNHEYRĐUR

GEIR - GUÐ BLESSI
Frægt varð þegar Geir H. Haarde bað almættið að blessa Ísland í þann veginn sem Hrunið var að bresta á. Margt fór vissulega á betri veg en á horfðist þessa haustdaga árið 2008. Íslendingar lögðust á árarnar og saman komumst við á  lygnari sjó. Eða það héldum við, ekki vitandi að forsætisráðherrann þáverandi var ekki bænheyrður - alla vega ekki til langs tíma. Eftir allar rannsóknar skýrslurnar og allar heitstrengingarnar kemur nú í ljós að 800 aflandsfélög tengjast Íslendingum sem fyrir bragðið verða að viðundri á heimsvísu ... Nú þarf tvennt að gerast ... 

3. Apríl 2016

TÖKUM STEFNUNA AFTURÁBAK!

Trilljón dollarar
Síðastliðinn miðvikudag og fimmtudag sat ég málþing á vegum Public Services International, Alþjóðasamtaka starfsfólks í almannaþjónustu, um skuldsetningu ríkja. Á ráðstefnunni voru tekin dæmi af efnahagsþrengingum af völdum skuldsetningar ... Sjónir fundarfólks beindust þó fyrst og fremst að Púertó Ríkó en ráðstefnan fór fram í höfuðstað eyjarinnar, San Juan ...Borgarstjórinn í San Juan, Carmen Yulin Cruz, flutti eftirminnilegt ávarp í tengslum við ráðstefnuna og sagði hún meðal annars að framvindan væri vægast sagt ískyggileg fyrir Púertó Ríkó. Dagurinn í dag væri verri en gærdagurinn ... 

3. Apríl 2016

GEYSIR OG HUGARFARIĐ

MBLBirtist í helgarblaði Morgunblaðsins 02/03.04.16.
... Ég hef það fyrir satt að gæfa Klúbbsins Geysis hafi síðan verið að þangað hafi jafnan valist til starfa og þátttöku jákvætt fólk sem knúið er áfram af ríkri hugsjón. Nú sýnist mér þetta vera að endurtaka sig á öðrum vettvangi, nefnilega á meðal fólks sem orðið hefur fyrir heilaskaða ... Fyrir fáeinum vikum gengu á fund allra þingflokka tvær ungar konur til að kynna stjórnmálamönnum félagið Hugarfar ... Markmiðið væri að tengja saman fólk með sambærilega reynslu og verða jafnframt hvati að framþróun á þessu sviði. Báðar höfðu þessar konur lent í bílslysi og hlotið ....

2. Apríl 2016

VINSTRI STEFNA Í ENDURNÝJUN LÍFDAGANNA

FrettablaðiðBirtist í Fréttablaðinu 01.04.16.
Fyrir fáeinum dögum skrifaði ég grein í Fréttablaðið undir fyrirsögninni, „Það þarf að byrja upp á nýtt!" Frá því greinin birtist hafa margir tekið undir þetta í mín eyru og sagt að nákvæmlega þessa væri þörf. Félagshyggjufólk þyrfti að endurmeta gildi sín og alla nálgun að stjórnmálum. Staðreyndin væri sú að vinstri menn hefðu glatað tiltrú vegna þess að sjálfir hefðu þeir misst trú á eigin lausnum ... Þá mun fólk sem nú segist ætla að styðja Pírata vegna þess að þeim sé svo umhugað um tölvur og internet og „alls konar" svo vitnað sé í aðra stjórnmálahreyfingu sem naut skyndikynna við þjóðina; þá verður að nýju horft til stjórnmálahreyfinga sem eru með raunverulegar lausnir til úrbóta fyrir hina daglegu lífsbaráttu ...

2. Apríl 2016

SKULDSETT RÍKI HORFA TIL ÍSLANDS

DV - LÓGÓBirtist í DV 01.04.16.
... Skuldirnar eru að uppistöðu komnar til vegna tilrauna til að byggja upp trausta félagslega innviði í þessu fátæka ríki. Þegar í ljós kom að farið hafði verið of geyst var byrjað að selja ríkiseignir og einkavæða sem á endanum síðan kom í bakið á ríkinu með vaxandi útgjöldum, svipað og menn fengu að kynnast í Reykjanesbæ og víðar, eftir að eignir höfðu verið seldar og menn fóru að leigja í húsnæði sem áður hafði verið eigu bæjarins! Síðan vatt þetta upp á sig. Ríkið skuldsetti sig og viti menn, á himninum birtust hrægammar, sem okkur eru ekki ókunnir, og tóku að ...

1. Apríl 2016

ILLUGA SVARAĐ: LÍĐAN EFTIR ATVIKUM GÓĐ

Birtist á vef Stundarinnar en þar skrifar Illugi Jökulsson
Stundin... Við erum orðin allvön skrifum af þessu tagi frá hendi hóps manna, sem reyndar er ekkert óskaplega fjölmennur, en þeim mun stærri eru orðin sem hann velur sér. Þetta er ekki nýtt í stjórnmálum. Það þekkist víða að þeir sem leyfa sér að hlíta ekki möglunarlaust skipunarvaldi flokksforystu þykja hafa unnið sér til óhelgi þótt síðar meir komi iðulega í ljós að fleiri vildu gjarnan hafa tekið sama pól í hæðina ...

26. Mars 2016

ŢEGAR OFBELDIĐ RĆĐUR FÖR

Abu Graib fangelsi
Til eru þeir í heimi fjölmiðlunar sem reyna að skilja hvað liggi að baki hryðjuverkunum í Evrópu að undanförnu. Dæmi um slíkt eru nýlegar fréttir á RÚV annars vegar og umfjöllun Styrmis Gunnarssonar, fyrrum ritstjóra Morgunblaðsins í laugardagsútgáfu síns gamala blaðs hins vegar ... Því meira ofbeldi sem samfélag er beitt þeim mun meiri hljómgrunn fá hinir hefnigjörnu ... Ég get vel ímyndað mér að hefði ég verið teymdur nakinn á fjórum fótum um fangelsið í Abu Graib af Vesturlanda-sadistum, hýddur og pyntaður, þá efast ég um að sálarró mín væri sú sem hún þó er ....

25. Mars 2016

MEĐ HEIĐU Á SKÍRDAG EN Á LEIĐ TIL PUERTO RICO

Heiða - pönkari... Í Puerto Rico mun ég flytja erindi og taka þátt í umræðu, m.a. um alþjóðaviðskiptasamninga, ágengni vogunarsjóða gagnvart auðlindum og sókn þeirra í að eignast þá samfélagsinnviði sem gefa eitthvað af sér. Puerto Rico minnir um margt á Ísland í aðdraganda hrunsins. Meira um það síðar. Þessar línur eru hins vegar fyrst og fremst skrifaðar til að þakka henni Heiðu, Ragnheiði Eiríksdóttur, fyrir skemmtilegan þátt að kvöldi skírdags. Í þættinum, Skírdagskvöld með Heiðu lék hún lög sem hittu beint í hjartastað gamals blús/beat aðdáanda sjöunda og áttunda áratugar aldarinnar sem leið ...

23. Mars 2016

MINNINGARBROT INN Í HRYĐJUVERKAUMRĆĐU

Reagan og Gorbasjof
Ég minnist þess þegar þeir komu hingað til leiðtogafundarins, Reagan Bandaríkjaforseti og Gorbachev, Sovétleiðtogi, haustið 1986. Ég var fréttamaður Sjónvarps og sagði fréttir af fundinum. Fylgdi þessum höfuðkempum hvert fótmál frá því þeir lentu á Keflavíkurflugvelli. Það kom mér á óvart að sovésku öryggisverðirnir voru slakari en bandarískir starfsbræður þeirra. Þeir síðarnefndu voru á taugum eins og sagt er. Gekk á með stöðugri leit, heilu húsin og bílar rifin í sundur ef þar skyldi vera að finna árásarvopn. Allir grunaðir um græsku. Eftirfarandi tilgáta var sett fram

23. Mars 2016

FORELDRASAMTÖK GEGN ÁFENGISAUGLÝSINGUM NÁ ÁRANGRI!

Árni guðmundsson - vín... Í  baráttu gegn þessum ósvífnu lögbrotum hafa Foreldrasamtök gegn áfengisauglýsingum staðið í fararbroddi. Þau hafa gert það með kærum og ábendingum til ákæruvaldsins, til lögreglu, til stjórnmálamanna; reynt hefur verið að höfða til ábyrgðarkenndar ... Ekki reyndist vilji á Alþingi til að veita málinu brautargengi en talsverður vilji hins vegar til að þvælast fyrir ... En þrautseigja Árna Guðmundssonar, hins gamalreynda félagsmálamanns úr æskulýðsstarfi og verkalýðsbaráttu,  og félaga hans í Foreldrasamtökunum gegn áfengisauglýsingum lætur ekki að sér hæða.

20. Mars 2016

BROSAĐ GEGN GJALDI

Birtist í helgarblaði Morgunblaðsins 19/20.03.16.
MBL... Vel má vera að hjá einhverjum ráðist upphæðin af því hve stimamjúkt þjónustufólkið er, hve mjög það krjúpi greiðanda sínum en yfirleitt er þetta nú ekki rishærra en svo, að menn láta sig hafa það að borga það gjald sem þeir telja að reiknað sé með. Einhverjir sem hafa mikil efni kunna að vilja borga ríflega til að fá enn meiri þjónustu og enn meira beygt og bukkað. Ekki mikil reisn þar, hvað þá jafnræði með þeim sem þjónar og hinum sem þjónað er ...

16. Mars 2016

FÉLAGIĐ HUGARFAR LEITAR EFTIR ATHYGLI OKKAR

HUGARFAR LOGO 3Fyrir nokkru fengum við í þingflokki VG athyglisverða heimsókn tveggja kvenna. Reyndar held ég að allir þingflokkar hafi fengið þessar ágætu konur í heimsókn. Þær voru að kynna okkur félagið HUGARFAR en það er félag fólks sem orðið hefur fyrir heilaskaða, aðstandenda og áhugafólks um málefnið. Talskonur félagsins sögðu að fólk sem yrði fyrir slíkum áföllum bæri skaðann ekki utan á sér og önnur þeirra greindi okkur frá bílslysi sem hún varð fyrir með þeim afleiðingum að hluti heilans varð óvirkur, sjónin hefði skerst, lyktarskynið horfið, minnið ekki sem áður og stöðug og viðvarandi þreyta ...

16. Mars 2016

ŢAĐ ŢARF AĐ BYRJA UPP Á NÝTT !

Birtist í Fréttablaðið 15.03.16.
Fréttabladid haus...Vinstri hreyfingin á við erfiðleika að etja vegna þess að hún trúir ekki á eigin lausnir. Þær lausnir eiga hins vegar við nú, ekkert síður en á fyrri öld. Sumir ætla að akkilesarhæll síðustu ríkisstjórnar hafi verið innbyrðis átök. Nokkuð margar greinar hafa verið skrifaðar í þá veru. Þetta er alrangt að mínu mati. Vandræðin á vinstri vængnum hafa verið, og eru enn, vantrú á eigin lausnir. Þess vegna hafa þær ekki verið framkvæmdar þegar færi hefur gefist.
Það þarf að skilja það að ... 

16. Mars 2016

TYRKNESKT ÚTGÖNGUBANN Í BOĐI NATÓ

Birtist í DV 15.03.16.
DV - LÓGÓ... Útgöngubann er mjög harkaleg kúgunaraðgerð. Strangt útgöngubann þýðir að fólki er með öllu bannað að fara út af heimili sínu til að afla matar, lyfja og annarra nauðsynja. Slíkt útgöngubann hefur til dæmis verið í höfuðstað Kúrdabyggðanna í Tyrklandi, Diyarbakir, að meira eða minna leyti í þrjá mánuði. Þessu hefur fylgt takmörkun á rafmagni og einnig vatni. Hvað gerir fólk við slíkar aðstæður? Einhverjir reyna að sæta færis og fara á milli húsa án þess að eftir verði tekið. Þá eiga þeir það hins vegar á hættu að verða fyrir skothríð hersins. Frá því ofbeldið gegn Kúrdum hófst nú í haust  hafa tvö hundruð og níutíu einstaklingar verið drepnir með þessum hætti- skotnir á færi! Ekki nóg með það ...

15. Mars 2016

GÍTARLEIKARAR Á HEIMSMĆLIKVARĐA

Midnight - Ögm
Unnendur klassískrar gítartónlistar eiga góða daga framundan því í hönd fer  Midnight Sun Guitar Festival, sem er alþjóðleg gítarhátíð sem mun fara fram í fjórða sinn á Íslandi vikuna 17 - 20 mars 2016. 
Í fréttatilkynningu segir að listrænir stjórnendur hátíðarinnar séu Ögmundur Þór Jóhannesson og Svanur Vilbergsson. Hátíðin samanstendur af tónleikum, masterklössum og námskeiðum ...

12. Mars 2016

ASÍ ÓSKAĐ TIL HAMINGJU MEĐ ALDAR AFMĆLIĐ

ASÍ 100 ára
Rétt öld er nú liðin frá stofnun Alþýðusambands Íslands. Hinn 12. mars árið 1916 var sambandið stofnað samhliða Alþýðuiflokknum en ASÍ og Alþýðuflokkurinn voru eitt fram til ársins 1940 þegar klippt var á þetta samband.
Síðar um haustið á stofnári ASÍ, var Framsóknarflokkurinn stofnaður en hann áti eftir að hafa náin tengsl við samvinnuhreyfinguna. Bæði verkalýðshreyfingin og samvinnuhreyfingin voru í burðarleiðnum undir og uppúr aldamótunum 1900. Þegar AlÞýðusambandið var stofnað voru félagsmenn fimmtán hundruð talsins í allnokkrum félögum sem þegar voru starfandi og samvinnuhreyfingin sem átti rætur norður í Þingeyjarsýslu  hafði þá einnig verið að þróast í allnokkur ár. Jónas Jónsson frá Hriflu síðar ... 

6. Mars 2016

ŢURFUM MENNINGARBYLTINGU

Birtist í helgarblaði Morgunblaðsins 05/06.03.16.
MBL- HAUSINNBest að taka fram í upphafi að ég er ekki að biðja um menningarbyltingu eins og hjá Maó í Kína, þegar reynt var að þvinga fólk með valdi inn á veg dyggðarinnar; láta þau sem urðu viðskila við pólitískan rétttrúnað ganga svipugöng undir háværum fordæmingum. Bæði í refsiskyni fyrir villu síns vegar og öðrum sem víti til varnaðar. Meiningin var að fá þau og aðra til að „hugsa rétt" og „breyta rétt". Ekki reyndist þetta farsæl leið til að kenna góða breytni.  Viðfangsefnið sem ég hef í huga undir fyrirsögninni á þessum pistli er vissulega þankagangur og breytni. Nánar tiltekið hvernig ...

6. Mars 2016

ICESAVE OG ÓFĆRĐ RĆDD Í WESTMINSTER

Breska þingið 2
Í síðustu viku heimsóttum við þrír þingmenn, Þórunn Egilsdóttir, Össur Skarphéðinsson og ég, undir forystu Einars K. Guðfinnssonar forseta Alþingis, breska þingið í Lundúnum og þing Wales í Cardiff. Þetta var boðsferð af hálfu Breta sem hafði tvíþætt markmið: Endurgjalda góðar viðtökur breskra þingmanna undanfarin ár en allar götur frá árinu 2008 hefur Íslandsnefnd breska þingsins sótt okkur heim. Hefur þeim jafnan verið afar vel tekið þótt heimsóknirnar hafi verið óformlegar. Mun þetta boð til Íslendinga vera hugsað á þann veg að hér eftir verði tengslin í formlegri farvegi en til þessa. Í annan stað var greinilegt að Bretum er í mun að færa samskipti Íslands og Bretlands í vinsamlegan farveg eftir Icesave deiluna. Fleiri en einn ....

27. Febrúar 2016

HVERJUM VILL RIO TINTO KOMA Á HNÉN?

Birtist í DV 26.02.16.
DV - LÓGÓ... Annars hef ég grunsemdir um að hótanir um lokun beinist að fleirum en skipulagðri verkalýðshreyfingu. Afkoma álversins ræðst af markaðsverði á áli, rekstrakostnaði og síðast en ekki síst af raforkuverði. Gæti verið að þegar allt kemur til alls þá sé það ekki bara verkalýðshreyfingunni og samtökum atvinnurekenda sem Rio Tinto vilji koma á hnén? Getur verið að á endanum sé það einn aðili til viðbótar sem ætlast sé til að knékrjúpi? Þar er ég að sjálfsögðu að tala um seljanda orkunnar, íslenska ríkið. Það má aldrei  ...

26. Febrúar 2016

FORMANNI HEIMILISLĆKNA VELKOMIĐ AĐ FARA Í BISNISS

Heilbriðis - kerfi
Fréttablaðið og Eyjan í kjölfarið, greina okkur frá áhuga formanns Félags íslenskra heimilislækna á því að fara út í bisniss. Hann vill jafnframt að heilsugæslustöðvar verði einkavæddar og geti greitt út arð eins og „önnur heilbrigðisfyrirtæki." Haft er eftir formanninum, Þórarni Ingólfssyni að „ungir, velmenntaðir læknar hefðu áhuga á að standa í eigin rekstri." Gott og vel. Það bannar þeim enginn að gera það! Ef þeir hins vegar ætlast til þess að ...

24. Febrúar 2016

EVRÓPURÁĐSHEIMSÓKN LOSAR PÓLITÍSKAN FANGA ÚR HALDI!

Moldóvía OJ og fl - 2
Þessa dagana er ég staddur í Moldovíu á vegum Evrópuráðsins. Á þingi ráðsins í janúar var ég ásamt Valentínu Leskaj, þingmanni frá Albaníu, settur til þess að gefa þinginu skýrlsu um stöðu mannréttindamála í  Moldóvíu. Í heimsókn okkar höfum við átt viðræður við dómsmálaráðherra Moldóvíu, ríkissaksóknara, fangelsisyfirvöld, fulltrúa allra stjórnmálaflokka og almannasamtaka og heimsótt fanga sem Evrópuráðið telur að sæti ekki eðlilegri málsmeðferð í réttarkerfi Moldóvíu. ...

22. Febrúar 2016

LANGTÍMASÁTT UM LANDSPÍTALA

Birtist í helgarblaði Morgunblaðsins 20/21.02.16.
MBL- HAUSINN... Þá er komið að minni spurningu. Útilokar önnur staðsetningin hina? Ef við nú leyfum okkur þann munað að hugsa langt fram í tímann, svona fimmtíu til hundrað ár, sem reyndar er ekkert óskaplega langt, ef út í það er farið, má þá ekki vel framkvæma hvoru tveggja: Byggja upp aðstöðu við Hringbraut sem þjóni okkur næstu áratugi en halda jafnframt Keldnalandinu óspjölluðu fyrir framtíðaráform um heilbrigðismiðstöð allra landsmanna?Til umhugsunar er að hin glæsilega gamla höfuðbygging Landspítalans ...

20. Febrúar 2016

SAMFÉLAGSLAUN GEGN VELFERĐARGREIĐSLUM

Pírata - lógó -2... Látum hugmyndir um samfélagslaun verða okkur tilefni til að taka þessa grundvallarumræðu. En yfirborðsleg má hún ekki verða. Þannig gætu orðið til varasöm kosningamál. Píratar segjast vilja að menn setjist yfir hugmyndina um samfélagslaun. Gerum það fyrir alla muni. En Píratar verða þá líka að horfast í augu við að  tillaga þeirra er engin alvöru tillaga fyrr en hún byggir á alvöru útfærslu. Annars er hún bara: Við leggjum til að allir hafi það miklu betra  ...

17. Febrúar 2016

BANKAKERFIĐ TIL UMRĆĐU Á BYLGJUNNI

ÖJ og GÞÞ - Bylgjan
... Guðlaugur Þór lagði ríka áherslu á það í  málflutningi sínum að vaxtakostnaður væri þriðji hæsti útgjaldaliður ríkissjóðs og væri afar nauðsynlegt að ná honum niður. Mikið rétt. Því er ég sammála. En inni í hvaða röksemdafærslu skyldi þessa athugasemd hans hafa verið að finna? Jú, þetta var réttlætingin á því að selja bankana og verja andvirðinu til að ná niður skuldum. Með öðrum orðum, skammtímahugsun á kostnað langtíma skynsemi. Það er alla vega mín skoðun. Til framtíðar skiptir máli að ...

17. Febrúar 2016

SAMFÉLAGSBANKI Í SÓKN

Birtist í DV 16.02.16.
DV - LÓGÓ... Í erindi sínu staðnæmdist Ellen Brown við þekktasta samfélagsbanka Bandaríkjanna, ríkisbankann í Norður-Dakota. ... þessi banki slapp óskaddaður úr bankakreppunni 2008 enda bannað að taka þátt í hvers kyns braski. ... Sparikassarnir þýsku eru ein meginstoðin í þýska fjármálakerfinu .... Í þessu kerfi tíðkast engir bónusar, sem eru, þegar öllu er á botninn hvolft, fyrst og fremst siðlausir fjárhagshvatar til að ganga hart að viðskiptavinum ... Allt þetta minnir okkur á hverju Íslendingar fórnuðu í aðdraganda hrunsins. Í fyrsta lagi voru sparisjóðirnir eyðilagaðir. Þeir höfðu marga eiginleika samfélagsbanka þar til Alþingi lét undan gróðafíklum þar innandyra sem ... 

7. Febrúar 2016

HVAĐ Á LEIFSSTÖĐ AĐ VERĐA STÓR?

Birtist í helgarblaði Morgunblaðsins 06/07.02.12.
MBL -- HAUSINN... Gæti komið til greina að í Leifsstöð væri tekin ákvörðun um að hægja á stækkun og fjölgun afgreiðslusvæða? „Því miður, allt uppbókað! Það er opið á Akureyri, Egilsstöðum og Ísafirði, en hér er fullt." Í stað þess að loka Þingvöllum og selja aðgang að Gullfossi, þá væri hemlað í Reykjanesbæ. Ef til vill þykir mörgum goðgá að hugsa á þennan veg. Ferðafyrirtækjunum  verði skilyrðislaust að þjóna. En eiga duttlungar þeirra og gróðamöguleikar að ráða för, jafnvel á kostnað ... 

6. Febrúar 2016

TISA Á ŢINGI, Í FJÖLMIĐLUM OG NORRĆNA HÚSINU

ÖJ - TISA - 2
Sem betur fer virðist fólk vera að vakna til vitundar um hve mikilvægt er að fylgjast með TiSA viðræðunum og aðkomu Íslands að þeim. Ég hef ítrekað tekið TiSA upp á Alþingi frá því að viðræðurnar hófust formlega sumarið 2013. Þá hef ég á þingi fjallað um forvera þessara alþjóðlegu viðskiptasamninga, sem Gunnar Bragi Sveinsson, utanríkisráðherra, telur vera hefðbundna samninga sem óþarfi sé að æsa sig yfir! Þetta kom m.a. fram í utandagskrárumræðu um málið á Alþingi á fimmtudag ... 

4. Febrúar 2016

VELKOMINN HEIM?

Milton friedman og Pinochet
Að vísu eru það svolítið seint nú að spyrja hvort Nóbelsverðlaunahafinn í frjálshyggjuhagfræði og ráðgjafi Pinochets einræðisherra í Chile, Milton Friedman, væri velkominn í Pírataflokkinn íslenska væri hann íslenskur þegn. Friedman andaðist nefnilega fyrir tíu árum. Það veit líka Elín Hirst, þingmaður Sjálfstæðisflokksins, sem beindi þessari  spurningu til Helga Hrafns Gunnarssonar, kapteins Pírata. Markmiðið var augljóslega að varpa ljósi á pólitíska afstöðu Pírataflokksins. Og það tókst. Milton Friedman væri velkominn til Pírata, sagði Helgi Hrafn, ef hann  ...

1. Febrúar 2016

EVRÓPURÁĐIĐ: FLÓTTAMENN, NAGARNO-KARABACH, STAĐGÖNGUMĆĐRUN OG DÓMSTÓLAR

Evrópuráðið - 47 aðildarríki
... Staðgöngumæðrun kom einnig til umræðu, að vísu ekki á þinginu sjálfu heldur í Félagsmálanefnd, en þar á ég sæti. Umræðan var hatrömm. Fyrir nefndinni lágu drög að skýrslu um staðgöngumæðrun, en á daginn hafði komið að höfundurinn, sósíaldemókrati frá Belgíu, var jafnframt læknir við sjúkrahús í Ghent, þar sem m.a. er fengist við staðgöngumæðrun. Andstæðingar skýrslunnar sögðu að hér væri um að ræða óeðlileg hagsmunatengsl og yrði skýrsluhöfundur að víkja. Ég tel að þessi tengsl hafi verið vituð, en að andstæðingar málsins hafi einfaldlega viljað koma í veg fyrir að umræðan færi fram. Ég lagðist gegn því að skýrsluhöfundi yrði bolað frá, en án nokkurra skuldbindinga ...

24. Janúar 2016

SPURT ER

Birtist í helgarblaði Morgunblaðsins 23/24.01.16.
MBL- HAUSINNEf í ljós kæmi í þjóðaratkvæðagreiðslu eða fram kæmu sannfærandi vísbendingar í skoðanakönnunum, að tiltekið lagafrumvarp stríddi gegn meirihlutavilja þjóðarinnar, öll almannasamtök sem tjáðu sig um frumvarpið væru því andvíg, fagaðilar og sérfræðingar vöruðu við því, það kæmi óvéfengjanlega til með að bitna á ríkissjóði og þar með skattgreiðendum, það myndi koma illa við neytendur í verðlagi og vöruúrvali -  hvað mynduð þið kalla það ágætir lesendur ef um helmingur þingmanna tæki sig til við slíkar aðstæður og ákvæði að virða lýðræðislegan vilja að vettugi, hunsa þá sem hefðu mesta þekkingu á málinu, blása á allar rannsóknarskýrslur og lögfesta frumvarpið? Ég gleymdi einu ...

21. Janúar 2016

BJARNI MÁ EKKI RÁĐSTAFA LANDSBANKANUM - ŢJÓĐIN KJÓSI UM FRAMTÍĐ HANS

Bjarni og Landsbankinn 2016
Bjarni Benediktsson, fjármálaráherra og formaður Sjálfstæðisflokksins, mætti í Kastljós Sjónvarps í kvöld ... Rætt var um auðgunarmálið sem kennt er við Borgun og tengist Landsbankanum ... Bjarni sagði að málið hefði fengið vonda umræðu og væri því slæmt mál - klúður. Einhverjir kynnu að vilja snúa röksemdinni við og segja að málið væri vítavert og hneyksli enda hafi umræðan verið í samræmi við það ... Rætt var um framtíð Landsbankans ... Nær allir markaðsfræðingar - sem ekki eiga persónulegra hagsmuna að gæta - telja að sala banka nú væri óráðleg fyrir utan það glapræði að afsala okkur eign sem gefur milljarða í ríkissjóð. Þjóðin verður að leita ráða til að sporna gegn því að Landsbankinn verði frá henni tekinn. Eðlilegt væri að  ...

18. Janúar 2016

ÓBOTNUĐ SETNING BRYNJARS: "FROSTI VERĐUR AĐ GERA UPP VIĐ SIG HVORT HANN STYĐJI RÍKISSTJÓRNINA ..."

Brynjar og Frosti 2016
Brynjar Níelsson, þingmaður Sjálfstæðisflokksins og varaformaður efnahags- og viðskipanefndar Alþingis, hafði í dag í heitingum við formann þessarar sömu nefndar, framsóknarmanninn Frosta Sigurjónsson. Brynjar finnur Frosta það til foráttu að hann hafi gagnrýnt Bjarna Benediktsson, fjármálaráðherra og formann Sjálfstæðisflokksins, fyrir að skuldbinda íslenska skattgreiðendur um 2,3 milljarða í stofnfé til svokallaðs innviðabanka Asíu. Röksemdirnar eru í rýrara lagi en gamalkunnar: Allir eru að gera það! ... Bjarni hefur svarað því til að óeðlilegt sé að ríkið sé að vasast í bankastarfsemi. Nema náttúrlega austur í Asíu! Tvískinnungur? Miklu verra en það! Hér er ríkisstjórnin að ...  

17. Janúar 2016

ĆVINTÝRIN GERAST ENN

Bónus 2
Forstjóri verslunarkeðjunnar Haga, Finnur Árnason, segir fyrirtæki sitt styðja frumvarp sem liggur fyrir Alþingi um bann við aðkomu ríkisins að sölu áfengis. Hugmynd flutningsmanna þessa frumvarps er sem kunnugt er að loka ÁTVR og færa áfengissölunna inn í matvöruverslanir á borð við verslanir Haga ... Andinn í þessari yfirlýsingu kemur eflaust fáum á óvart  enda kappsmál helstu verslunarkeðjanna að komast yfir áfengissöluna. Það kann hins vegar að vekja undrun hve ævintýralega ósvífin yfirlýsingin er. Þrjár grundvallar rangfærslur eru í þessari einu setningu sem vísað er til ... 

10. Janúar 2016

VIL VALDALAUSAN FORSETA MEĐ ÁHRIFAMÁTT

Bessastaðir 380
... Þar til þessu fyrirkomulagi hefur verið komið á hér á landi er málskotsréttur forseta mjög mikilvægur. En vel að merkja forsetinn er hér aðeins milliliður. Hann tekur vissulega ákvarðanir um hvaða mál þjóðin fær til úrskurðar. Endanleg niðurstaða liggur hins vegar hjá þjóðinni sjálfri. Forseti Íslands getur haft mikil áhrif beiti hann sér af viti og hyggindum en að mínu mati á hann að hafa mjög takmarkað vald á hendi enda kjörinn sem einstaklingur en varla á grundvelli afstöðu til þeirra pólitísku málefna sem brenna á samtímanum hverju sinni. Þess vegna er ekki nauðsynlegt að forseti hafi meirihluta þjóðarinnar á bak við sig. Deila má um það hvort það einu sinni er æskilegt. Forseti sem kynni að skírskota til þess ... 

10. Janúar 2016

VILJUM VIĐ SAMFÉLAGSLAUN?

Birtist í helgarblaði Morgunblaðsins 09/10.01.15.
MBL  - LogoÉg minnist þess að fyrir nokkrum árum væru sænskir frjálshyggjumenn allra manna fúsastir að taka á móti flóttamönnum og innflytjendum. Svíþjóð ætti að vera öllum opin. Mér þótti þetta aðdáunarverð afstaða en lagði við hlustir þegar spurt var hvað yrði um gjaldfrjálst velferðarkerfi; risi það undir hundruðum þúsunda snauðra aðkomumanna hvað sem síðar yrði þegar þeir væru komnir til starfa og orðnir bjargálna. Þá væri að sönnu enginn munur á þeim og hinum sem fyrir voru. En í millitíðinni? „Hver segir að kerfið eigi að vera gjaldfrjálst", var þá spurt á móti. „Við ...

9. Janúar 2016

HVAĐ SEGJA EIGENDUR SÍMANS UM SKAMMARVERĐLAUNIN?

Birtist í Fréttablaðinu 08.01.16.
Fréttabladid haus... Hin fyrri verðlaun læt ég að sinni liggja á milli hluta að öðru leyti en því að áhöld þykja mér vera um það hvort ekki hefði verið nær að sæma hrægammana verðlaunum fyrir hagstæðustu viðskipti ársins fremur en ríkisstjórnina. Það er hins vegar skammarútnefningin sem ég staðnæmist við ... þykir mér sýnt að lífeyrissjóðirnir þurfa að taka upp gagnrýna umræðu um hvernig farið er með það vald sem eitt hundrað milljarða fjarfestingargeta á ári veitir. Almennt tel ég að ...

7. Janúar 2016

HEIĐURSMAĐUR VERĐUR HEIĐURSBORGARI

Sveinn Rúnar Hauksson 2016
Sveinn Rúnar Hauksson, læknir, formaður Félagsins Ísland-Palestína, hefur verið gerður að heiðursborgara í Palestínu. Þetta þykja mér góðar fréttir og viðurkenningin afar verðskulduð. Sveinn Rúnar segir þetta vera viðurkenningu fyrir framlag Félagsins Ísland-Palestína og íslenska ríkisins til sjálfstæðisbaráttu Palestínumanna. Undir þetta tek ég ... En að öllum ólöstuðum stendur Sveinn Rúnar Haukssn þarna í fararbroddi ... Það var vel til fundið hjá Fréttablaðinu að skrifa leiðara af þessu tilefni og leyfi ég mér að gefa hér slóð á afar góðan leiðara Óla Kristjáns Ármannssonar...

3. Janúar 2016

MEGI KOMANDI ÁR VERĐA FARSĆLT

Ísland í vetrarbúningi
Fátt er eins fallegt og Ísland í góðu skapi. Og þrátt fyrir rysjótt veður víða um landið í aðdraganda áramótanna, hafa áramótin sjálf verið falleg víðast hvar á landinu, snjór yfir öllu kalt og stillt. Ísland upp á sitt besta!  Nákvæmlega svona er æskuminning mín af nýársdegi og upphafi nýs árs. Snjór, kuldi og stilla.
Á seinni árum hafa blandast inn í þessa björtu mynd vonir um gott komandi ár. Vinum og öllum þeim sem ég hef átt samstarf og samskipti við á árinu sem nú er liðið sendi ég þakkarkveðjur og öllum lesendum síðunnar sendi ég óskir um gott og farsælt komandi ár!  

3. Janúar 2016

GJALDŢROT ECA ER ŢÖRF ÁMINNING

ECA 2
... Ég get upplýst að á fyrri stigum mun hafa verið velvilji gagnvart þessari ráðagerð frá aðilum sem tengdust NATÓ en eftir því sem á leið varð ég var við efasemdir úr þeirri átt ... Þrýstingur innan úr NATÓ kann að hafa að einhverju leyti skýrt áfergjuna í að fá þessa „fjárfesta" hingað til lands en mestu hygg ég að hafi valdið von um auðfenginn gróða  ... ECA er ágæt áminning um annað: Mikilvægi þess að hafa hér vakandi fjölmiðla ...

Bréf til síđunnarRSS Fréttaveita

Frá lesendum

18. September 2017

UM KOSNINGAR OG RÍKISSTJÓRN

 Ef valdið heim nú viljið þið,
verður nýtt að prófa.
Kosningu ef klúðrum við,
kætist flokkur bófa.
...
Kári

15. September 2017

LANDINN FRJÁLS

Loksins verður landinn frjáls,
losnar við Íhaldið.
Ber þá enga hespu um háls
og alþýðan fær valdið.
Pétur Hraunfjörð

6. September 2017

HEIMSVIĐSKIPTIN ŢRÓUĐ Í FINNAFIRĐI

Efla hefur þróað Finnafjarðarverkefnið. Það er kallað viðskiptaþróun. Hugmyndin er að olíuhreinsunarstöðin risastóra verði í Finnafirði. Þá er hægt að nýta höfnina bæði fyrir olíuskip og fyrir siglingar yfir Norðurpólinn þegar ísinn verður bráðnaður.
Ingibjörg Elsa Björnsdóttir

6. September 2017

ERUM Á LEĐINNI

Stærsta höfn á norðurhveli í Finnafirði og stærsti flugvöllur á norðurslóðum í Keflavik. Ætlum við að láta Björgólf hjá Icelandair, Skúla í Wow og bæjarstjórann í Langanesbyggð færa okkur inn í 21. öldina á sínum forsendum? Ég held við þurfum ekki fleiri stýrimenn til að komast fram af brúninni. Við virðumst vera á réttri leið til að komast þangað.
Haffi

6. September 2017

ENN UM MINNISVARĐA

Fróðelgt væri að fá fréttir af því hver urðu afdrif beiðni stríðsminjanefndar Bandaríkjanna um minnisvarða í Höfða um framlag BNA til freslsisbaráttu mannkyns á seinni hluta tuttugustu aldar, þar með talið Víetnam og Hiroshima. Sagt var að Reykjavíkurborg væri að skoða þessa málaleitan. Hver skyldi hafa orðið niðurstaðan?
Jóel A. 

30. Ágúst 2017

VERĐUR ŢETTA SVONA?

Pistill þin hér á heimasíðunni um fyrirhugaðan minnisvarða í Höfða er umhugsunarverður! Ég hafði svo sannarlega ekki hugsað þetta á þennan veg en er sammála því að það þurfi að gera. Það undarlega er hve lítil umfjöllun er um þetta! Verður þetta svona, hvernig væri að einhver fréttamiðill beindi þeirri spurningu til borgaryfirvalda?
Jóhannnes Gr. Jónsson

25. Ágúst 2017

GÓĐ KVEĐJA!

... I represent a collective (@NirAadCollectiv) opposing Indias draconian biometric ID program, called Aadhaar. I read with great interest the article http://www.katoikos.eu/interview/icelandic-minister-who-refused-cooperation-with-the-fbi-ogmundur-jonasson-in-an-interview.html ... and I was quite taken in with your viewpoints expressed with such clarity and preciseness. There are so many sentences that can be quoted in this interview. Since I was extremely impressed with this interview and since your ideas and thoughts resonated with our, I wanted to drop you a message of gratitude. In solidarity towards a more socially just world. PS: I hope this small letter reaches you :)
Nir Aadhaar Collective

17. Ágúst 2017

ĆRULAUSIR MENN

Hafa löngum kerfið kreist,
kraflað út á jaðar.
Upp ei verður æra reist,
sem engin er til staðar.
Kári

30. Júlí 2017

DÝR VERĐUR SOPINN

Það er rétt hjá þér að þegar við höfum tapað frá okkur neysluvatninu og það komið á einkahendur verður dýr vatnssopinn, jafnvel þótt við böðum okkur ekki úr einkavæddu flöskuvatni! En það verður líka dýrt að ferðast um Ísland og dýrara með hverri vikunni sem líður því sífellt fleiri stökkva upp á rukkunarvagninn. Ríkisstjórnin er hin ánægðasta með einkavæðingu náttúrunnar og almenningur andvaralaus ef þá ekki ...
Jóel A.

30. Júlí 2017

ÚTI AĐ VINNA!

Nú fangarnir frá Kvíabryggju
frjálsir um sveitina vinna
Vanti þig aðstoð þá hafðu í hyggju
að óþrifa verkum sinna.
...
Pétur Hraunfjörð



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

16. Maí 2017

Sigríđur Stefánsdóttir skrifar: ÉG FER Í STURTU A.M.K. EINU SINNI Á DAG OG NOTA HÁHRAĐA-TENGINGU ALLAN SÓLARHRINGINN

Þannig hef ég hugsað mér að hafa það svo lengi sem hægt er - með eða án aðstoðar.  Hve lengi er hægt er að halda þessari stöðu fer að sjálfsögðu eftir því hve miklu fjármagni er veitt til velferðarmála svo sem félagslegrar heimaþjónustu.  Það eru einkum tvær hugmyndir sem ég hef lengi staldrað við í sambandi við aðstoð við einstaklinga sem hafa þörf fyrir hana, þ.e. markmiðið að fólk skuli geta búið sem lengst á eigin heimili og að þjónustan skuli m.a. vera félagsleg.  Hvort tveggja er afar teygjanlegt, háð persónulegu mati, mannafla, launum og auðvitað fjármunum. Þurfi ég aðstoð við að komast í sturtu og geti fengið hana heima einu sinni í viku lít ég svo á að ég geti ekki búið heima - eða ættu ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta