Beint á leiđarkerfi vefsins

Annađ

30. Apríl 2018

AĐFÖRIN AĐ SANNGIRNINNI

VEL - AED
... Hvað vakir fyrir þessu fólki; að komast til botns í tilteknum kvörtunarmálum eða eyðileggja framboð Íslands? Ég hallast að hinu síðarnefnda. Það skýrir hve iðnir þingmenn eru við kolann. Fullyrðingar og aðdróttanir, sem varla geta talist annað en ærumeiðandi komu fram á þessum undarlega sjónvarpsfundi, án þess að forstöðumaður Barnaverndarstofu hafi fengið tækifæri til að standa fyrir máli sínu frammi fyrir nefndinni. ...

29. Apríl 2018

MUN HALLDÓRA MOGENSEN, FORMAĐUR VELFERĐARNEFNDAR ALŢINGIS, SEGJA AF SÉR?

Halldóra Mogensen 2Um nokkurra vikna skeið höfum við fylgst með deilum sem snúa að barnaverndarmálum, skipulagi málaflokksins, samskiptum stofnana og mismunandi aðila innan kerfisins. Inn í þessar deilur steig nýr velferðarráðherra, Ásmundur Einar Daðason, við stjórnarskiptin sl. haust. Nú hefur þess verið krafist að hann segi af sér embætti! Á hvaða forsendum skyldi slík krafa vera reist? En áður en ég vík nánar að kröfum um afsögn langar mig til að hafa örfá orð um eigin reynslu ...

28. Apríl 2018

Í HJÓLFÖRUM NÍTJÁNDU ALDAR

MBLBirtist í helgarblaði Morgunblaðsins 28/29.04.18.
 
Smám saman rennur upp fyrir okkur sú kreppa sem heimurinn er í; hve vanmegna hann er frammi fyrir stríðsátökum og ofbeldi. Árás þriggja NATÓ-ríkja á Sýrland minnir á þetta og þá ekki síður yfirlýsingar stjórnmálamanna í kjölfarið, hér á landi sem annars staðar. „Alþjóðasamfélagið brást því Öryggisráðið náði ekki samkomulagi", segir einn, „þetta var víðbúið", segir forsætisráðherra, og „skiljanlegt" segir utanríkisráðherrann, „því miður erum við ekki komin með nýja stjórnaskrá, annars hefði Alþingi rætt málið", segir stjórnarandstaðan ...

25. Apríl 2018

TEKST SJÚKRALIĐAFÉLAGI ÍSLANDS ŢAĐ SEM MÉR HEFUR EKKI TEKIST?

Vísir.is _réttBirtist á visir.is 24.04.18.
Í maí á síðasta ári var efnt til opins borgarafundar í Iðnó í Reykjavík um málefni eldra fólks með sérstakri áherslu á heimaþjónustu og mannréttindi.
 Fullt var út úr dyrum á fundinum og í kjölfarið rigndi yfir okkur, sem fram komum þar, fyrirspurnum og hvatningu um að halda málefninu á lofti. Það kom ekki á óvart. Aðhlynning aldraðra snertir ekki aðeins hinn aldraða einstakling heldur aðstandendur einnig. Ég stend í þeirri trú að allir stjórnmálaflokkar, alla vega þeir sem komnir eru til ára sinna, hafi lofað ...

24. Apríl 2018

VALKVĆTT ĆVIKVÖLD - HVER ER STEFNAN?

MBLBirtist I Morgunblaðinu 23.04.18.
... Fram kom að það væri mat velferðarsviðs að ekki væri nægilega margt fólk að sinna verkefninu miðað við umfang þess og fjölgun aldraðra. Með öðrum orðum, þróunin stefnir niður á við. Með öðrum orðum, margrómað valkvætt ævikvöld er einfaldlega ekki fyrir hendi hjá því fólki sem um langt árabil hefur verið lofað slíku í ellinni. Annars vegar er ekki nægilega vel búið að stofnunum aldraðra af hálfu fjárveitingavaldsins - og hefur svo lengi verið með undantekningum þó - og þjónusta við aldrað fólk sem býr heima er langt frá því að vera fullnægjandi og stefnir niður á við. Þess ber þó að geta  ...

23. Apríl 2018

RÁĐSTEFNA UM RÉTTINDI ALDRAĐRA Á FIMMTUDAG!

SFLÍ - rétt. aldr. - 22
Á fimmtudag klukkan 13- 17 efnir Sjúkraliðafélag íslands til ráðstefnu á Hótel Natura, um réttindi aldraðra með áherslu á þjónustu. Ég hvet alla sem eru áhugasamir um málefnið að kynna sér dagskrána sem er að finna í slóð hér að neðan auk leiðbeininga um hvernig hægt er að skrá sig á ráðstefnuna. Þau sem þetta málefni brennur á vita hve mikilvægt það er. Fyrr eða síðar brennur það á okkur öllum ...

22. Apríl 2018

HVERNIG HEIMSPRESSAN TEKUR GAGNRÝNI

Silfrið - Sýrland 2
Í Silfri Egils í dag var rætt talsvert um nýafstaðnar árásir Bandaríkjanna, Breta og Frakka á Sýrland, að sögn til að senda "skýr skilaboð um að notkun efnavopna yrði aldrei liðin". Öll árásarríkin hafa haft efnavopn og sýklavopn í sínum vopnabúrum. En látum það liggja á milli hluta, þótt siðferði og tvískinningur eigi náttúrlega aldrei að liggja á milli hluta. En tvískinningur í fréttaflutningi var hins vegar mál málanna í umæðunni í Silfrinu í dag. Í því samhengi vísaði ég í athyglisverð skrif Jonathans Cooks ...

19. Apríl 2018

TRAUSTUR VINUR Í BASLI MEĐ REYNSLUVÍSINDIN

Butler - Eamonn 2
... Eamonn Butler er náttúrlega fyrst og fremst traustur og staðfastur vinur einkavæðingar og þeirra sem hagnast á henni og því við hæfi að Samtök atvinnulífsins bjóði honum að flytja sérstakt heiðursávarp við opnun þings samtakanna. Verst að Adam Smith Institute, sem Eamonn Butler veitir forstöðu, er engin sérstakur vinur reynsluvísindanna. Það hlýtur að teljast ókostur, sérstaklega þegar verið er að tala fyrir tiltekinni stefnu gagnvart stjórnvöldum; að henni beri að koma í framkvæmd. Og í þeim tilgangi er Eamonn Butler kominn hingað til lands, til að styðja við bakið á íslenskum atvinnurekendum í baráttu þeirra fyrir einkavæðingu. En aftur að reynsluvísindum ...

18. Apríl 2018

BYRJAĐ AĐ AFHJÚPA LYGAVEFINN Í STRÍĐINU GEGN SÝRLANDI

Douma -22
... Nú eru alvöru fréttamenn smám saman að koma á svæði í Sýrlandi sem hafa verið þeim meira og minna lokuð - ekkert sérstaklega eftirsóknarvert að fara inn á svæði þaðan sem við höfum séð afhoggin höfuð erlendra fréttamanna á undanförnum misserum. Einn þeirra fréttamanna sem nú eru komnir á vettvang er Robert Fisk, hinn virti og margverðlaunaði fréttamaður margra vestrænna fréttamiðla í Mið- Austurlöndum frá áttunda áratugnum, aðalfréttaritari Independent í þessum heimshluta frá 1989. Hann setur fram alvarlegar efasemdir við yfirlýsingar árásarríkjanna þriggja eins og lesa má um í frétt hans sem hér að neðan má nálgast. Íslenskir stjórnmálamenn hafa verið ósparir á yfirlýsingar síðustu daga  ...

14. Apríl 2018

RÍKISSTJÓRN ÍSLANDS FORDĆMI ÁRÁSIRNAR Á SÝRLAND!

USA - Sýrland
Ríkisstjórn Íslands ber siðferðileg skylda til að fordæma villimennsku Bandaríkjamanna, Breta og Frakka sem í nótt gerðu eldflauga- og loftárásir á Sýrland. Árásirnar voru gerðar á sama tíma og sérfræðingar OPCW, alþjóðastofnunar sem beitir sér fyrir banni efnavopna, voru væntanlegir til Sýrlands að hefjast handa um rannsóknir sínar. Sú spurning vaknar hvort tímasetning árásanna sé til að torvelda að RAUNVERULEG rannsókn fari fram á meintri efnavopnaárás og í framhaldinu hverjir beri þar ábyrgð ef sannast að efnavopnum hafi verið beitt.  Evrópusambandið styður árásirnar og er athyglisverður sá tónn sem áður hefur heyrst frá þeim bænum ...

14. Apríl 2018

HVAĐ VEIST ŢÚ UM ATKVĆĐAGREIĐSLU ÖRYGGISRÁĐSINS?

MBL  - LogoBirtist í helgarblaði Morgunblaðsins 14/15.04.18.
Fyrir nokkrum dögum fór fram atkvæðagreiðsla í Öryggisráði Sameinuðu þjóðanna um meinta efnavopnaárás í Sýrlandi. Heimurinn stóð á öndinni enda vita menn að þarna var tekist á um forsendur sem síðan er stuðst við til að réttlæta frekari árásir og blóðsúthellingar. Forystumenn bandalagsríkja Íslands tala nú um hefndaraðgerðir. Atkvæði voru greidd og síðan komu fréttirnar. Á síðum dagblaða, í útvarpi og sjónvarpi stóð það upp úr að Rússar hafi beitt neitunarvaldi til að koma í veg fyrir rannsókn á meintri eiturefnaáras sýrlenska stjórnarhersins. Þetta er okkur þá ætlað að vita. Hitt er okkur síður ætlað að vita að alls voru greidd atkvæði um þrjár tillögur ...

13. Apríl 2018

TÍMABĆR UPPRIFJUN

Bresinski
Ari Tryggvason rifjar upp í bréfi til síðunnar viðtal við öryggismálafulltrúa Jimmy Carters Bandaríkjforseta, Zbigniew Brzezinski frá árinu 1998. Í viðtalinu er ljósi varpað á þann hráskinnaleik sem iðulega er að finna að baki heimsfréttunum. Blálkalt er logið að fjölmiðlum sem alltof of oft dansa með. Merkilegt í þessu viðtali er þetta ...

10. Apríl 2018

ENN UM SÖGU SFR

Hrafn Magnússon...Er það minn spádómur að sagnfræðingar muni reiða sig á þetta rit sem grundvallarrit í söguskráningu verkalýðsbaráttunnar, einkum innan almannaþjónustunnar á síðari hluta tuttugustu aldar og fyrstu árum þessarar aldar. Þeim mun mikilvægara er að kalla fram umræðu um ritið og þá helst sýn þeirra sem voru sjálfir í hringiðu atburða ... Hrafn Magnússon birtir grein hér á síðunni og fer almennt lofsamlegum orðum um bókina þótt hann komi einnig athugasemdum á framfæri. Grein Hrafns ber fyrirsögnina Leiftursókn frá hægri. Þar segir hann frá átakafundi árið 1975 þar sem stjórnmálin komu við sögu en Hrafn telur að þá hafi orðið þáttaskil ...

9. Apríl 2018

MÁ BJÓĐA UPP Á EINN BOLTON MEĐ KAFFINU?

JOHN BOLTON 2Fyrir þau ykkar sem eigið lausa stund sendi ég fjórar slóðir á skrif hér á síðunni um John R. Bolton, öryggismálafulltrúa Donalds Trump, Bandaríkjaforseta, frá og með deginum í dag, 9. apríl. Eflaust hef ég birt fleiri greinar þar sem þessi alræmdi andstæðingur lýðræðis og alþjóðasamvinnu kemur við sögu en þetta kom upp í leitarvélinni í fyrstu atrennu. Ég er ekki að segja að kaffið verði betra með Bolton  - smákaka er að sjálfsögðu miklu betri. En ágætt er fyrir Íslendinga að hafa það algerlega á hreinu í hvaða hús við leitum skjóls í stormasömum heimi, okkur til öryggis og andlegs föruneytis.Í embætti sem ...

6. Apríl 2018

VÍSINDAFÉLAG ÍSLENDINGA 100 ÁRA

vísindafélag Ísl
... Í útvarpsþættinum Samfélaginu, sem slóð hér að neðan vísar til, ræðir Leifur Hauksson, sá frábæri útvarpsmaður, við Ernu Magnúsdóttur, formann Vísindafélagsins og Valgerði Andrésdóttur, sameindaerfðafræðing um veirurannsóknir á Keldum og hvernig þær tengjast alþjóðlegum vísindarannsóknum, m.a. á HIV veirunni. Báðar verða þær, Erna og Valgerður, ásamt Þorsteini Vilhjálmssyni, prófessor emeritus og Sigurði Guðmundssyni, fyrrverandi landlækni og prófessor, á fyrsta fundi Vísindafélagsins í fyrrgreindri fundaröð. Fjallað verður um vísindasögu og framlag Íslendinga á sviði  veirurannsókna. Fundurinn verður í Safnaúsinu við Hverfisgötu á laugardag í Reykjavík og stendur frá klukkan 13:30 til kl. 15:00  eða þar um bil ...

5. Apríl 2018

HEPPNI OLOFS PALME

FrettablaðiðBirtist í Fréttablaðinu 04.04.18.
Ekki alls fyrir löngu fjallaði leiðarahöfundur Fréttablaðsins um stríðið í Sýrlandi. Eða öllu heldur um þá sem fjalla um þau stríðsátök og bar leiðarinn yfirskriftina, Upplýsingastríð. Tilefnið var fundur sem undirritaður hafði staðið að í Safnahúsinu í Reykjavík þar sem bresk rannsóknarblaðakona, Vanessa Beeley, flutti erindi. Vanessa Beeley kom hreint til dyranna, tók afstöðu með Sýrlandsstjórn í stríðinu á þeirri forsendu að um væri að ræða innrás í fullvalda ríki og rifjaði upp að Sýrland hefði ...

1. Apríl 2018

GLEĐILEGA PÁSKA

Páskar 2
Mikið er það gott þegar sölu-Ísland slakar á, verslanir loka, ljósvakinn fer í sparifötin og blöðin vanda sig þá sjaldan sem þau koma út; birta okkur efni sem þeim þykir við hæfi á hátíðarstundu - það er að segja þau þeirra sem vilja leggja uppúr hátíðarstundum. Það er nú samt það sem þjóðin vill grunar mig; að eiga sparistundir þar sem helst allir - eða sem flestir fjölskyldumeðlimir - eru í fríi og saman. Þetta verða síðan stundir minninga. Auðvitað sjá ekki allir þetta svona. Föstudagurinn langi hljóti ...

Bréf til síđunnarRSS Fréttaveita

Frá lesendum

21. Júlí 2018

TIL HAMINGJU!

Nú sjötugur ´ann segist vera
og sennilega er rétt
En ellina mega ýmsir bera
Ögmundur gerir það létt.
...
Pétur Hraunfjörð

19. Júlí 2018

Á AFMĆLISDEGI ÖGMUNDAR

Árin jarðnesk aldrei tel,
endar víst með tapi.
Innri maður yngist vel,
oft að sama skapi.
Kári

15. Júlí 2018

HUGSAĐ TIL VINAR

Brátt áratugina sérðu sjö
samt gefurðu lítið eftir
Ævikvöld eignist eflaust tvö
Þar ekkert ykkur heftir!!
...
Pétur Hraunfjörð

21. Júní 2018

NÚ ÁHUGI MINN ALLUR FÓR

Nú áhugi minn allur fór
er af leið var haldið
Katrín valdi auðvalds-kór
og kaus Íhaldið.
...
Pétur Hraunfjörð

17. Júní 2018

Í FRAMHALDI AF OLÍFUVIĐAR-GREIN

Í framhaldi af grein þinni um Ólífuviðargrein þá er vert að rifja upp ferð Apolli 11 til tunglsins í júlí 1969. Merki ferðarinnar (Mission Emblem) var hannað af geimförunum sjálfum. Þeir komu upp með þá hugmynd að nota ameríska örninn og tunglferjan sjálf var kölluð "Eagle". Í lokafasa hönnunarferlisinu þótti geimförunum útlit arnarins vera of ...
Sveinn V. Ólafsson

7. Júní 2018

„SKILAR SÉR MEST TIL ŢEIRRA STĆRSTU"

Við sjáum lekinn ljótan
Þar lítið var um þref
gjaldlítinn gaf ´ún kvótann
ei Lilju fyrirgef.
Pétur Hraunfjörð

28. Maí 2018

LÍTIĐ MAĐUR SEGJA MÁ

Lítið maður segja má
orðin margir bera
sannleika að segja frá
sjaldan aðrir gera.
Málavexti þá muna skalt
ef margir á þig hlýða
Og ekki bæta í sárið salt
sem aðrir fyrir líða.
Pétur Hraunfjörð

19. Maí 2018

SVO ER ÖNNUR TEGUND FROĐUFRÉTTA

... Þakka pistilinn um daginn um hvernig fjölmiðlamenn forheimska opinbera umræðu um stjórnmál með að slá upp fyrirsögn um ýmis mál og með viðbótinni "segir stjórnmálafræðingur" í meginmáli. Í aðdraganda kosninga halda þeir sínu striki með þetta en bæta við annarri tegund froðufrétta sem felst í því að skrifa fyrirsögn hvern dag um hvort meirihlutar standi eða falli. Í meginmáli er síðan vísað til skoðanakannana. Sífelldar fréttir af skoðanakönnunum er sennilega einföld leið til að fylla síður blaða og framkalla uppgerða spennu í stað þess að taka til umfjöllunar viðfangsefni stjórnmála og mikilvægi almannaþjónustu fyrir lífskjör. Aukið vægi ...
Sigfinnur

18. Maí 2018

BARNAVERNDAR-MÁL EIGA BETRA SKILIĐ EN AĐ RÁĐIST SÉ GEGN EFTIRLITS-AĐILUM

Sæll Ögmundur. Takk fyrir góða og tímabæra grein þína um fréttaflutning af barnaverndarmálum. Ég var rétt í þessu að lesa einkar einkennilega grein eftir Auði Jónsdóttur á vef Kjarnans, en hún virðist ímynda sér að ábending þín í lok greinarinnar um möguleg tengsl blaðamanns Kjarnans og aðila sem barnaverndarmálum - að þarna sé að finna tengsl ekkert síður en annars staðar - sé megininntakið í umfjöllun þinni. Það er afskaplega undarlegur málflutningur, órökvís og óheiðarlegur, og mér finnst þessi mikilvægi málaflokkur eiga betra skilið en slíka útúrsnúninga. Maður veltir fyrir sér ...
Þorsteinn Siglaugsson 

16. Maí 2018

GETUR EKKI ORĐA BUNDIST

Var að lesa það sem félagi Einar Ólafsson ritar. Eg get ekki orða bundist: Að jafna einni skelfilegustu harðstjórn sem mannkynið hefur nokkru sinni upplifað við Evrópusambandið botna eg ekkert í. Evrópusambandið hefur verið byggt á grundvallarmannréttindum og að útfæra lýðræði á kannski eitthvað öðruvísi hátt en íhaldinu á Íslandi hugnast. Í mínum augum er fáni Evrópusambandisin tákn um betra lýðræði og aukin mannréttindi. Og að ala á tortryggni gagnvart því sem vel hefur verið gert skil eg ekki. Vilja menn þessa endalausu vitleysu með þennan efnahagsleik með ...
Guðjón Jensson


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

3. Júlí 2018

Kári skrifar: ŢJÓĐAREIGN OG KVÓTAKERFI Í LJÓSI SAMKEPPNIS-RÉTTAR

... Löggjafinn, Alþingi, er hins vegar rígbundinn margskonar hagsmunaöflum sem í raun stjórna ferðinni og því ekki við miklu að búast úr þeirri áttinni. Umræða um „hag­ræðingu" kemur fyrir lítið, eigi menn ekki það sem hagræðingin snertir. Með öðrum orðum; eignarréttur íslensku þjóðarinnar var hafður að engu. Þjóðareign varð að „þjófaeign". Það er kjarni málsins. Hið svokallaða „framsal" er því lögleysa frá upphafi þegar af þeirri ástæðu. Þar að auki hefur íslenska þjóðin notið í litlu meintrar hag­ræðingar sem hefur að stærstum hluta endað í vösum braskara og hluthafa útgerðarfyrirtækja ...

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta