Beint á leiđarkerfi vefsins

Annađ

31. Janúar 2017

HVENĆR VERĐUR HEILBRIGĐISRÁĐHERRA KOMINN NÓGU LANGT?

MBL  - LogoBirtist í Morgunblaðinu 30.01.17.
"Ef fordómum í garð einkarekstrar væri ýtt til hliðar mætti leysa margan heilbrigðisvanda", segir í leiðara Morgunblaðsins, sl. föstudag og er þar vitnað til orða forsvarsmanna einkasjúkrahússins sem nefnist því erfiða heiti, Klínikin.
Þetta fær illa staðist. Það er vandséð að það geti verið rétt að ef almenningur, stjórnmálamenn og heilbrigðisstéttir, létu af andstöðu gegn einkavæðingu heilbrigðiskerfisins, hyrfi allur vandi þess eins og dögg fyrir sólu.

Hvað með allan hinn vandann?

Spurningin er hvaða áhrif einkavæðingin hefði bæði á fjárhagsvandann og skipulagningu heilbrigðiskerfisins.Við höfum þegar heyrt hvert mat stjórnenda Landspítalans er að þessu leyti.
Ef ótakmarkað fé væri fyrir hendi og vinnuaflið til staðar, segir það sig sjálft að allt viðbótarfjármagn inn í kerfið minnkar vandann. En málið er að sjálfsögðu margslungnara en svo.
Einkavæðingin sem nú er talað fyrir er frábrugðin einkarekstri einyrkjanna sem stunda sitt fag einir á báti eða í samlegð með öðrum. Til slíks rekstrar þekkjum við vel á Íslandi og hef ég margoft talað fyrir því að hófleg blanda af einkapraxís og almannarekinni þjónustu kunni að vera í lagi, það er að segja, ef einkarekstrinum er haldið í skefjum og hann aldrei látinn soga til sín óhóflegt fjármagn sem því miður hefur orðið raunin í seinni tíð. Munurinn hins vegar á slíkum rekstri og einkareknu sjúkrahúsi á borð við Klínikina, er sá að nú eru komnir til sögunnar fjárfestar sem ætla að hafa arð af starfseminni og vel að merkja eru byrjaðir að dæla hundruðum milljóna ofan í sína vasa.

Vilja að skattgreiðendur borgi eigendum arð!

Það er því óneitnalega svolítið óþægileg tilfinning að hlusta á talsmenn Klíníkurinnar, sem er fyrirtæki hugsað sem gullgerðarvél fyrir eigendur sína, tala fyrir því að skattgreiðendur borgi allt það sem þeim detti í hug að framkvæma. Í umræddum leiðara er vitnað með velþóknun  í framkvæmdastjórann sem segir að það sé "bjargföst trú þeirra sem ynnu á Klíníkinni að ríkið ætti að fjármagna heilbrigðiskerfið og að greiðsluþátttaka sjúklinga ætti að vera sem minnst." Prýðilegt, en hvað með arðinn? Á ríkið, það er, við sem skattgreiðendur, líka að borga hann? Hundruð milljóna? Hvers vegna í ósköpunum ættum við að gera það?

Víglína Kristjáns Þórs

Ég hélt að seint færi ég að sjá eftir síðasta heilbrigðisráðherra, sjálfstæðismanninum Kristjáni Þór Júlíussyni, en hann bjó þó til eina víglínu þótt hann léti hrekjast undan á öðrum sviðum. Þessi víglína var mikilvæg en hún var sú, að ríkið ætti ekki að fjármagna einkarekna heilbrigðisþjónustu ef henni væri ætlað að skapa eigendunum arð. Þegar Kristján Þór fór að bjóða út rekstur heislugæslustöðva á höfuðborgarsvæðinu í gríð og erg samkvæmt forskrift Miltons Friedmans, sem sagði að allra meina bót væri að láta sjúklinga vera á stöðugu vafri um kerfið í leit að "góða lækninum."
Þeir sem reka heilbrigðiskerfi vita hins vegar hvers konar óhagræði af þessu hlýst og hvað þetta þýðir fyrir þá sem eru að skipuleggja ráðstöfun takmarkaðra fjármuna á eins hagkvæman hátt og kostur er. Og höfum hugfast að þrátt fyrir alla vankanta á íslenska heilbrigðiskerfinu var það lengi vel mat OECD að hvergi væri betri nýtung á fjármunum en í íslenksa heilbrigðiskerfinu.
Þannig að þegar allt kemur til alls, eru meiri veikleikar fólgnir í tilvitnuninni í upphafi þessarar greinar en mörgum kann að virðast við fyrstu sýn, bæði veikleikar af fjárhagslegum og skiplagslegum toga.

Andstaðan er ekki byggð á fordómum!

Án þess að hafa rannsakað það sérstaklega, þá geri ég ráð fyrir því að hugtakið fordómar, sem vísað er til í tilvitnuninni, byggi á því að dómur sé felldur um málefni án þress að málavextir séu kunnir. Menn gefi sér, með öðrum orðum, niðurstöður fyrirfram, að óathuguðu máli, dæmi fyrirfram.
Nú er það svo að þessi umræða um einkavæðingu heilbrigðisþjónustunnar er ekki ný af nálinni. Heita má að hún hafi verið mál málanna undangenginn aldarfjórðung.
Maður hefði því haldið að stjórnmálamenn væru flestir með á nótum um málefnið og hefðu á því úthugsaða skoðun. Þeir séu því í stakk búnir að taka afstöðu, ekki á grundvelli fordóma heldur á fullkomlega málefnalegum forsendum. Því er það að mínu mati hreinlega út í hött að halda því fram að andstaða gegn einkavæðingu heilbrigðiskerfisins byggist á fordómum; þvert á móti byggir hún á staðreyndum og reynslu.
Óttarr Proppé, heilbrigðisráðherra, var spurður í fjölmiðlum á þá leið hvort hann myndi heimila eigendum einkasjúkrahúss að seilast ofan í vasa okkar skattgreiðenda. Hann sagðist "ekki vera kominn svo langt" að hann gæti svarað þessari spurningu.

Örlagarík niðurstaða

Ég ætla að spara alla vandlætingu þótt ég þurfi að taka mig talsvert á til þess; hélt einfaldlega að ráðherra heilbrigðismála hefði mótaða afstöðu til þessa grundvallarmáls.
Skipulag heilbrigðiskerfisins er flókið viðfangsefni en þær spurningar sem Óttar Proppé, heilbrigðisráðherra, stendur frammi fyrir eru hins vegar sáraeinfaldar. Á heilbrigðiskerfið að verða eins og hver annar bisniss og ennfremur, eiga viðskiptahagsmunir að móta farvegi heilbrigðiskerfisins inn í framíðina? Spurningarnar eru skýrar og í reynd einfaldar. Svörin eru þeim mun örlagaríkari.


Bréf til síđunnarRSS Fréttaveita

Frá lesendum

19. Maí 2018

SVO ER ÖNNUR TEGUND FROĐUFRÉTTA

... Þakka pistilinn um daginn um hvernig fjölmiðlamenn forheimska opinbera umræðu um stjórnmál með að slá upp fyrirsögn um ýmis mál og með viðbótinni "segir stjórnmálafræðingur" í meginmáli. Í aðdraganda kosninga halda þeir sínu striki með þetta en bæta við annarri tegund froðufrétta sem felst í því að skrifa fyrirsögn hvern dag um hvort meirihlutar standi eða falli. Í meginmáli er síðan vísað til skoðanakannana. Sífelldar fréttir af skoðanakönnunum er sennilega einföld leið til að fylla síður blaða og framkalla uppgerða spennu í stað þess að taka til umfjöllunar viðfangsefni stjórnmála og mikilvægi almannaþjónustu fyrir lífskjör. Aukið vægi ...
Sigfinnur

18. Maí 2018

BARNAVERNDAR-MÁL EIGA BETRA SKILIĐ EN AĐ RÁĐIST SÉ GEGN EFTIRLITS-AĐILUM

Sæll Ögmundur. Takk fyrir góða og tímabæra grein þína um fréttaflutning af barnaverndarmálum. Ég var rétt í þessu að lesa einkar einkennilega grein eftir Auði Jónsdóttur á vef Kjarnans, en hún virðist ímynda sér að ábending þín í lok greinarinnar um möguleg tengsl blaðamanns Kjarnans og aðila sem barnaverndarmálum - að þarna sé að finna tengsl ekkert síður en annars staðar - sé megininntakið í umfjöllun þinni. Það er afskaplega undarlegur málflutningur, órökvís og óheiðarlegur, og mér finnst þessi mikilvægi málaflokkur eiga betra skilið en slíka útúrsnúninga. Maður veltir fyrir sér ...
Þorsteinn Siglaugsson 

16. Maí 2018

GETUR EKKI ORĐA BUNDIST

Var að lesa það sem félagi Einar Ólafsson ritar. Eg get ekki orða bundist: Að jafna einni skelfilegustu harðstjórn sem mannkynið hefur nokkru sinni upplifað við Evrópusambandið botna eg ekkert í. Evrópusambandið hefur verið byggt á grundvallarmannréttindum og að útfæra lýðræði á kannski eitthvað öðruvísi hátt en íhaldinu á Íslandi hugnast. Í mínum augum er fáni Evrópusambandisin tákn um betra lýðræði og aukin mannréttindi. Og að ala á tortryggni gagnvart því sem vel hefur verið gert skil eg ekki. Vilja menn þessa endalausu vitleysu með þennan efnahagsleik með ...
Guðjón Jensson

4. Maí 2018

MÁLAVEXTIR OG MĆĐRAHYGGJA

Ég þakka þér fyrir að greina frá allri þessari uppákomu í Velferðarráði varðandi hæfni Braga. Er það ekki rétt skilið að afskipti Braga snéru aðeins að því að amman fengi að umgangast barnabörn sín áður en hún dæi? Og eins og þú segir, hefði verið ámælisvert og vanræksla ef Bragi hefði ekki haft afskipti af því. Það hefur nú komið fram að ástæða hefur verið til að Barnaverndarstofi skipti sér af/komi með athugasemdir á starfsháttum barnaverndarnefnda á t.d. höfuðborgarsvæðinu í gegnum tíðina, eins og hefur komið fram í fjölmiðlum. Ég leyfi mér að vitna í eftirfarandi: "Í umræðu sem spannst um þessa lagasetningu og aðkomu mína að henni var ég harðlega gagnrýndur fyrir að draga taum mæðra - væri mæðrahyggjumaður eins og ...
Ari Tryggvason

15. Apríl 2018

SITT SÝNIST HVERJUM

Ögmundur minn kæri. Ég hefi nú um langt skeið ekki tjáð mig varðandi mál líðandi stundar. Ég get þó ekki orða bundist hversu harkalega öfl innan VG fara gegn Katrínu okkar Jakobsdóttur. Mér finnst helv hart hversu sú er við tók af þér og ég veitti brautargengi á sínum tíma fer grimmilega fram gegn okkar frábæra formanni og kann ég henni litlar þakkir fyrir. Auðvitað stöndum við öll gegn beitingu vopnavalds og ég tala nú ekki um beitingu efnavopna, en mér finnst aðallega vera mesti hávaðinn eftir að Trump og co fóru fram og eyðilögðu efnavopnaverksmiðjurnar, þessi háværu mótmæli voru ekki mjög svo í frammi þegar Rússar og stjórnvöld í Sýrlandi voru að berja á þjóðinni. ...
Óskar K Guðmundsson fisksali

14. Apríl 2018

UTANRÍKIS-NEFND ALŢINGIS TAKI AF SKARIĐ

Albert Jónsson fyrrverandi sendiherra og núverandi fréttaskýrandi RÚV, segir í fréttum að samkvæmt foringja NATÓ styðji Ísland árásirnar á Sýrland, það standi þar til annað verði sagt. Um þetta hlýtur utanríkismálanefnd Alþingis að greiða atkvæði þegar hún kemur saman eftir helgi - eða hvað?
Jóel A.

14. Apríl 2018

LÍĐUR STRAX BETUR EN SPYR SAMT HVORT ENGIN TAKMÖRK SÉU FYRIR RUGLINU

Mér líður strax betur eftir að hlusta á fréttir RÚV og Stöðvar 2 af árásunum á Sýrland.Trump skýrði fyrir okkur hvers vegna árásirnar voru nauðsynlegar og síðan komu Guðlaugur utanríkisráherra og Katrín forsætisráðherra og sögðust hafa skilning á árásinni, hún  hefði verið "víðbúin", sagði forsætisráherra. Albert Jónsson, fyrrverandi sendiherra mætti svo í fréttir til að segja að engin stórhætta væri á ferðum, árásarþjóðirnar ætluðu ekki að fara að blanda sér í átökin í Sýrlandi, það hefði aldrei verið vilji til þess af þeirra hálfu!!! En herskipin halda áfram að safnast við Sýrlandsstrendur og Trump segir að Bandaríkjamenn séu tilbúnir að halda árásum áfram. Hann talar fyrir hönd ríkis sem tekið hefur þátt í stríðinu og ausið milljörðum til stðunings leppherjum sínum ... Eru engin takmörk fyrir ruglinu? ...
Jóhannes Gr. Jónsson

11. Apríl 2018

TIL UPPRIFJUNAR

Var fyrst núna að hlýða á viðtalið á Kjarnanum í kjölfar fundarins við V. Beeley. Verð að segja að ég dáist að þolinmæði þinni, æðruleysi og staðfestu gagnvart þessum blessuðum, að mér finnst ófaglegum frétta-gösprurum. Ég sá að Z.Brzezinski lést í maí síðastliðnum, vissi það ekki. Set þessa þýðingu á viðtali við hann á Le Nouvel Observateur 1998 þar sem hann viðurkennir að stuðningurinn við Mujahiddin hófst 1/2 ári fyrir innrás Sovétríkjanna inn í Afganistan. Við hæfi að ...
Ari Tryggvason

7. Apríl 2018

ÉG ER Í LIĐI GUĐS, ŢÚ SATANS

Egill Helgason hefur farið mikinn um fréttaflutning frá Sýrlandi síðustu daga. Hann komst að því eftir að reyndur blaðamaður sendi honum ábendingu að þeir sem ekki eru sama sinnis og almennt gerist skapi vísvitandi upplýsingaóreiðu svo réttsýnir menn missi sjónar á veruleikanum og glati trú á réttum málstað ...Það eru margar sjálfstæðar heimildir til að véfengja túlkun hernaðarvelda vesturlanda um Sýrlandsstríðið. Viðbrögð þeirra Egils og Boga um að veröldin sé ekkert flóknari en Nató-línan gefur í besta falli til kynna ...
Árni V.

7. Apríl 2018

EINHVER ÚR NĆR-UMHVERFINU, GEOGRAFÍSKU EĐA ANDLEGU

Veistu eftir hverjum þetta er haft? Þakka þér svo fyrir góða grein. "...að háskalegt væri að rugla fólk í ríminu með tali af þessu tagi; almenningur gæti hætt að trúa alþjóðlegum fréttamiðlum ef bátnum væri ruggað um of og vísað var í enn aðra „sérfræðinga" sem sögðu að ekkert alvörufólk tæki Vanessu Beeley alvarlega,..."
Ari Tryggvason


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

3. Febrúar 2018

Einar Ólafsson skrifar: ŢEGAR NÝJA MARKIĐ SÁ DAGSINS LJÓS

Takk Ögmundur fyrir frumkvæði þitt að fundinum í dag. Það var mjög athyglisvert að hlusta á Zoe Konstantopoulou. Þegar hún var að tala um Evrópusambandið og evruna kom mér í hug klausa úr gamalli norskri skáldsögu (gamalli eða ekki, hún kom út á æskuárum okkar). Einn merkasti rithöfundur Norðmanna eftir Ibsen og Hamsun var Jens Bjørneboe, lítt þekktur hér. Merkasta bók hans, að mér finnst, kom út árið 1966, Frihetens øyeblikk. Þorsteinn bróðir minn gaf mér hana í jólagjöf árið 1970. Eftir að ég las hana var ég ekki samur maður. Ég byrjaði að þýða hana ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta