Beint á leiđarkerfi vefsins

Annađ

11. Febrúar 2017

RÖDD ÚR TYRKNESKU FANGELSI: VONIN SAMEINAR

DV - LÓGÓBirtist í DV 10.02.17.
Stöðugt berast fregnir af nýjum fangelsunum í Tyrklandi, þar á meðal fangelsunum kjörinna fulltrúa, bæjarstjóra og þingmanna, úr röðum Kúrda.
Sjálfur hef ég á þingi Evrópuráðsins kynnst þingmönnum sem nú sitja á bak við lás og slá. Í fæstum tilvikum hafa sakir verið bornar á hendur þeim annað en að þeir hafi tengsl við ólöglega hópa og séu þar með sjálfir ógn við öryggi ríkisins.
Svona hefur fasisminn yfirleitt hagað sér, skilgreinir öll andófsöfl sem hryðjuverkasamtök og síðan í framhaldinu að öll samskipti við þau séu saknæm. Þetta opnar stjórnvöldum leið til að fangelsa nánast að geðþótta.

Valdi fangelsaðan þingmann af handahófi

Ég ákvað að velja einn fangelsaðan þingmann Kúrda, nánast af handahófi og grennslast fyrir um sögu hans og hvaða ástæður væri gefnar fyrir því að hann hefði verið sviptur frelsi.
Fyrir valinu varð maður að nafni Ferhat Encü. Hann er fæddur árið 1985 í Sirnakhéraði í austanverðu Tyrklandi og er því þrjátíu og tveggja ára. Hann nam námaverkfræði og lagði stund á hana þar til hann var kosinn á tyrkneska þingið í júní 2015.  
Á árunum 2013 til 2015 var þíða í samskiptum tyrkneskra yfirvalda í Ankara og Kúrda, sem barist höfðu  fyrir lýðréttindum, ekki síst sjálfstjórn í menningarlegum efnum, meðal annars að fá að tala tungumál sitt. Almennt var því trúað að Erdogen, æðstráðanda í Tyrklandi annars vegar, og forystu Kúrda hins vegar, væri alvara í því að ná samkomulagi um friðsamlega lausn á átaka- og deilumálum sínum.

Skýlaus mannréttindabrot segir Amnesty International

Þegar Kúrdar hinsvegar náðu verulega góðum árangri í þingkosningum í júní 2015 og Erdogan missti þingmeirihluta sinn, varð viðsnúningur af hans hálfu og ofbeldið hófst að nýju.
Í skýrslum Amnesty International er talað um mjög alvarleg mannréttindabrot af hálfu tyrkneska hersins og staðhæft er í skýrslum Evrópuráðsins að um hálf milljón Kúrda í austurhéruðum Tyrklands séu á vergangi eftir langvinnt hernaðarofbeldi og útgöngubann í heilum héruðum og borgum, sem takmarkað hafi aðgang að drykkjarvatni og vistum með skelfilegum afleiðingum.

Viljum ná tali af Öcalan

Þessu fæ ég að einhverju leyti að kynnast í næstu viku, gangi öll áform eftir um að ég heimsæki helstu byggðir Kúrda  í Tyrklandi. Þar verð ég í tólf manna sendinefnd sem formlega fer þess á leit við tyrknesk yfirvöld að ná tali af Öcalan, leiðtoga Kúrda, sem haldið hefur verið í fangelsi síðan 1999, lengstum í einangrun, á eynni Imrali í Marmarahafinu.

Fjölskyldan stráfelld í loftárás

Til að skilja hlutskipti Ferhat Encü, þarf að hverfa nokkur ár til baka, rétt áður en tími þíðunnar hófst. Hinn 28. desember árið 2011 gerði tyrkneski herinn loftárás á hóp fólks í fjallahéruðunum sem liggja að Írak. Í valnum lágu tæpir fjórir tugir manna, flestir unglingar. Flest hinna myrtu voru skyldmenni Ferhat Encü, þar af ung systkini hans og frændsystkini.
En hver var skýringin á loftárásinni? Jú, að þarna hafi smyglarar verið staðnir að verki. Ég spurðist fyrir um þetta hjá fólki frá þessum slóðum. Svarið var á þá lund að þarna í fjallahéruðunum sé skilningur á þýðingu landamæra takmarkaður.  Fólk úr einu þorpi hafi um aldir verslað við fólk úr öðrum þorpum, óháð landamærum. Landslögum samkvæmt hafi eflaust verið um smygl að ræða en varla til að myrða alla hlutaðeigandi!
Að sögn voru lík unglinganna svo illa brunnin eftir eldregnið úr sprengjuvélum tyrkneska hersins að þau voru illþekkjanleg!

Knúinn áfram af harmi og ástríðu fyrir réttlæti

Sorgin sagði til sín og réttlætiskennd hins unga manns varð þess valdandi að hann vildi að rannsókn færi fram á fjöldamorðinu. Hann fór að láta til sín taka í stjórnmálum og var kjörinn á þing 2015.
Þegar hann var á flugvellinum í Istanbul á leið úr landi 4. nóvember sl. á leið til Brüssel , voru tekin af honum ferðaskilríki og í kjölfarið var hann hnepptur í fangelsi. Ákæra í mörgum liðum var síðan gefin út þar sem, að því er ég kemst næst, krafist var dauðadóms.

Skilaboð úr tyrknesku fangelsi ...

Úr fangelsinu hafa borist skilaboð frá Ferhat Encü á þessa leið: Við stöndum í strangri baráttu, þúsundir hafa fallið. Við verðum að standa gegn ofbeldinu og kveða það niður. Það er hægt og það mun takast með samstöðu okkar gegn fasismanum. Þegar við finnum fyrir henni kviknar vonin og hún sameinar okkur!

... og skilaboð frá Íslandi

Þetta er ekki í síðasta skipti sem ég skrifa um Ferhat Encü. Ég er staðráðinn í því að fylgjast með framvindu hans mála og ber ég þá von í brjósti að síðar eigi ég eftir að færa af honum góðar fréttir. Það mun þó ekki gerast nema valdhafar í Tyrklandi finni að fylgst er með þeim og að samstöðu við frelsisbaráttu Kúrda sé að finna víða um heim, þar á meðal á Íslandi.

Bréf til síđunnarRSS Fréttaveita

Frá lesendum

19. Maí 2018

SVO ER ÖNNUR TEGUND FROĐUFRÉTTA

... Þakka pistilinn um daginn um hvernig fjölmiðlamenn forheimska opinbera umræðu um stjórnmál með að slá upp fyrirsögn um ýmis mál og með viðbótinni "segir stjórnmálafræðingur" í meginmáli. Í aðdraganda kosninga halda þeir sínu striki með þetta en bæta við annarri tegund froðufrétta sem felst í því að skrifa fyrirsögn hvern dag um hvort meirihlutar standi eða falli. Í meginmáli er síðan vísað til skoðanakannana. Sífelldar fréttir af skoðanakönnunum er sennilega einföld leið til að fylla síður blaða og framkalla uppgerða spennu í stað þess að taka til umfjöllunar viðfangsefni stjórnmála og mikilvægi almannaþjónustu fyrir lífskjör. Aukið vægi ...
Sigfinnur

18. Maí 2018

BARNAVERNDAR-MÁL EIGA BETRA SKILIĐ EN AĐ RÁĐIST SÉ GEGN EFTIRLITS-AĐILUM

Sæll Ögmundur. Takk fyrir góða og tímabæra grein þína um fréttaflutning af barnaverndarmálum. Ég var rétt í þessu að lesa einkar einkennilega grein eftir Auði Jónsdóttur á vef Kjarnans, en hún virðist ímynda sér að ábending þín í lok greinarinnar um möguleg tengsl blaðamanns Kjarnans og aðila sem barnaverndarmálum - að þarna sé að finna tengsl ekkert síður en annars staðar - sé megininntakið í umfjöllun þinni. Það er afskaplega undarlegur málflutningur, órökvís og óheiðarlegur, og mér finnst þessi mikilvægi málaflokkur eiga betra skilið en slíka útúrsnúninga. Maður veltir fyrir sér ...
Þorsteinn Siglaugsson 

16. Maí 2018

GETUR EKKI ORĐA BUNDIST

Var að lesa það sem félagi Einar Ólafsson ritar. Eg get ekki orða bundist: Að jafna einni skelfilegustu harðstjórn sem mannkynið hefur nokkru sinni upplifað við Evrópusambandið botna eg ekkert í. Evrópusambandið hefur verið byggt á grundvallarmannréttindum og að útfæra lýðræði á kannski eitthvað öðruvísi hátt en íhaldinu á Íslandi hugnast. Í mínum augum er fáni Evrópusambandisin tákn um betra lýðræði og aukin mannréttindi. Og að ala á tortryggni gagnvart því sem vel hefur verið gert skil eg ekki. Vilja menn þessa endalausu vitleysu með þennan efnahagsleik með ...
Guðjón Jensson

4. Maí 2018

MÁLAVEXTIR OG MĆĐRAHYGGJA

Ég þakka þér fyrir að greina frá allri þessari uppákomu í Velferðarráði varðandi hæfni Braga. Er það ekki rétt skilið að afskipti Braga snéru aðeins að því að amman fengi að umgangast barnabörn sín áður en hún dæi? Og eins og þú segir, hefði verið ámælisvert og vanræksla ef Bragi hefði ekki haft afskipti af því. Það hefur nú komið fram að ástæða hefur verið til að Barnaverndarstofi skipti sér af/komi með athugasemdir á starfsháttum barnaverndarnefnda á t.d. höfuðborgarsvæðinu í gegnum tíðina, eins og hefur komið fram í fjölmiðlum. Ég leyfi mér að vitna í eftirfarandi: "Í umræðu sem spannst um þessa lagasetningu og aðkomu mína að henni var ég harðlega gagnrýndur fyrir að draga taum mæðra - væri mæðrahyggjumaður eins og ...
Ari Tryggvason

15. Apríl 2018

SITT SÝNIST HVERJUM

Ögmundur minn kæri. Ég hefi nú um langt skeið ekki tjáð mig varðandi mál líðandi stundar. Ég get þó ekki orða bundist hversu harkalega öfl innan VG fara gegn Katrínu okkar Jakobsdóttur. Mér finnst helv hart hversu sú er við tók af þér og ég veitti brautargengi á sínum tíma fer grimmilega fram gegn okkar frábæra formanni og kann ég henni litlar þakkir fyrir. Auðvitað stöndum við öll gegn beitingu vopnavalds og ég tala nú ekki um beitingu efnavopna, en mér finnst aðallega vera mesti hávaðinn eftir að Trump og co fóru fram og eyðilögðu efnavopnaverksmiðjurnar, þessi háværu mótmæli voru ekki mjög svo í frammi þegar Rússar og stjórnvöld í Sýrlandi voru að berja á þjóðinni. ...
Óskar K Guðmundsson fisksali

14. Apríl 2018

UTANRÍKIS-NEFND ALŢINGIS TAKI AF SKARIĐ

Albert Jónsson fyrrverandi sendiherra og núverandi fréttaskýrandi RÚV, segir í fréttum að samkvæmt foringja NATÓ styðji Ísland árásirnar á Sýrland, það standi þar til annað verði sagt. Um þetta hlýtur utanríkismálanefnd Alþingis að greiða atkvæði þegar hún kemur saman eftir helgi - eða hvað?
Jóel A.

14. Apríl 2018

LÍĐUR STRAX BETUR EN SPYR SAMT HVORT ENGIN TAKMÖRK SÉU FYRIR RUGLINU

Mér líður strax betur eftir að hlusta á fréttir RÚV og Stöðvar 2 af árásunum á Sýrland.Trump skýrði fyrir okkur hvers vegna árásirnar voru nauðsynlegar og síðan komu Guðlaugur utanríkisráherra og Katrín forsætisráðherra og sögðust hafa skilning á árásinni, hún  hefði verið "víðbúin", sagði forsætisráherra. Albert Jónsson, fyrrverandi sendiherra mætti svo í fréttir til að segja að engin stórhætta væri á ferðum, árásarþjóðirnar ætluðu ekki að fara að blanda sér í átökin í Sýrlandi, það hefði aldrei verið vilji til þess af þeirra hálfu!!! En herskipin halda áfram að safnast við Sýrlandsstrendur og Trump segir að Bandaríkjamenn séu tilbúnir að halda árásum áfram. Hann talar fyrir hönd ríkis sem tekið hefur þátt í stríðinu og ausið milljörðum til stðunings leppherjum sínum ... Eru engin takmörk fyrir ruglinu? ...
Jóhannes Gr. Jónsson

11. Apríl 2018

TIL UPPRIFJUNAR

Var fyrst núna að hlýða á viðtalið á Kjarnanum í kjölfar fundarins við V. Beeley. Verð að segja að ég dáist að þolinmæði þinni, æðruleysi og staðfestu gagnvart þessum blessuðum, að mér finnst ófaglegum frétta-gösprurum. Ég sá að Z.Brzezinski lést í maí síðastliðnum, vissi það ekki. Set þessa þýðingu á viðtali við hann á Le Nouvel Observateur 1998 þar sem hann viðurkennir að stuðningurinn við Mujahiddin hófst 1/2 ári fyrir innrás Sovétríkjanna inn í Afganistan. Við hæfi að ...
Ari Tryggvason

7. Apríl 2018

ÉG ER Í LIĐI GUĐS, ŢÚ SATANS

Egill Helgason hefur farið mikinn um fréttaflutning frá Sýrlandi síðustu daga. Hann komst að því eftir að reyndur blaðamaður sendi honum ábendingu að þeir sem ekki eru sama sinnis og almennt gerist skapi vísvitandi upplýsingaóreiðu svo réttsýnir menn missi sjónar á veruleikanum og glati trú á réttum málstað ...Það eru margar sjálfstæðar heimildir til að véfengja túlkun hernaðarvelda vesturlanda um Sýrlandsstríðið. Viðbrögð þeirra Egils og Boga um að veröldin sé ekkert flóknari en Nató-línan gefur í besta falli til kynna ...
Árni V.

7. Apríl 2018

EINHVER ÚR NĆR-UMHVERFINU, GEOGRAFÍSKU EĐA ANDLEGU

Veistu eftir hverjum þetta er haft? Þakka þér svo fyrir góða grein. "...að háskalegt væri að rugla fólk í ríminu með tali af þessu tagi; almenningur gæti hætt að trúa alþjóðlegum fréttamiðlum ef bátnum væri ruggað um of og vísað var í enn aðra „sérfræðinga" sem sögðu að ekkert alvörufólk tæki Vanessu Beeley alvarlega,..."
Ari Tryggvason


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

3. Febrúar 2018

Einar Ólafsson skrifar: ŢEGAR NÝJA MARKIĐ SÁ DAGSINS LJÓS

Takk Ögmundur fyrir frumkvæði þitt að fundinum í dag. Það var mjög athyglisvert að hlusta á Zoe Konstantopoulou. Þegar hún var að tala um Evrópusambandið og evruna kom mér í hug klausa úr gamalli norskri skáldsögu (gamalli eða ekki, hún kom út á æskuárum okkar). Einn merkasti rithöfundur Norðmanna eftir Ibsen og Hamsun var Jens Bjørneboe, lítt þekktur hér. Merkasta bók hans, að mér finnst, kom út árið 1966, Frihetens øyeblikk. Þorsteinn bróðir minn gaf mér hana í jólagjöf árið 1970. Eftir að ég las hana var ég ekki samur maður. Ég byrjaði að þýða hana ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta