Beint á leiđarkerfi vefsins

Annađ

2. Apríl 2017

„NÚTÍMAMAĐURINN LĆTUR EKKI BLEKKJAST AF AUGLÝSINGUM!"

MBL  - LogoBirtist í helgarblaði Morgunblaðsins 01/02.04.17.
Ralph Nader kemur alltaf upp í huga minn þegar sannleiksgildi auglýsinga er annars vegar. Ég leyfi mér að efast um að hann myndi skrifa upp á fullyrðingu fyrirsagnarinnar.

Um miðjan sjöunda áratug síðustu aldar kom Ralph Nader eins og hvirfilbylur inn í bandaríska þjóðamálaumræðu með útgáfu bókar sinnar Óöruggur á hvaða hraða sem er (Unsafe at any speed). Þessi bók var ákæra á hendur bílaiðnaðinum í Detroit. Í bókinni var því haldið fram að framleiðendur legðu meira upp úr útliti bifreiða en öryggi þeirra, sýndarveruleika en veruleikanum sjálfum og í samræmi við það væru þær kynntar í auglýsingum.

Skömmu eftir útgáfu bókarinnar tóku ný alríkislög gildi í Bandaríkjunum um öryggi bifreiða og er lagasetningin rakin til bókarinnar og þeirrar umræðu sem Ralph Nader vakti með skrifum sínum og fyrirlestrum um blekkingar í auglýsingum.

Ralph Nader beindi sjónum sínum víðar og sífellt fjölgaði þeim sem vildu setja auglýsendum stólinn fyrir dyrnar. Ég minnist fyrirlesturs frá þessum tíma sem hafði mikil áhrif á mig og varð þess valdandi að ég hef alla tíð talið neytendasamtök gegna lykilhlutverki sem varnarsamtök fyrir sannleikann.

Slík samtök fóru semsé mikinn á þessum árum vestanhafs og stefndu óhikað framleiðendum fyrir dómastóla ef þeir voguðu sér að setja fram fullyrðingar um vöru sína og þjónustu sem ekki voru sannleikanum samkvæmar.

En hver eru hugrenningatengslin við Ralph Nader? Þau eru til komin vegna viðtals sem ég hlýddi nýlega á í útvarpi. Fyrir svörum var talsmaður auglýsingaiðnaðarins. Honum vafðist ekki tunga um tönn enda viss í sinni sök. Tvennt stóð upp úr.

Bann við áfengisauglýsingum á Íslandi væri hlægileg tímaskekkja og svo að skilja að þeir sem héldu slíkri tímaskekkju fram væru nánast hlægilegir sjálfir. Við lifðum í landamæralausum, alþjóðlegum heimi þar sem tækni fjölmiðlunar virti engin landamæri. Þetta yrðu menn að skilja! Hitt atriðið sneri að auglýsingum almennt. Það þyrfti ekki að hafa áhyggjur af ágengni auglýsinga, nútímamaðurinn léti ekki blekkjast af auglýsingum!

Hvoru tveggja er ég ósammála og kalla ég Ralph Nader og neytendafrömuði heimsins mér til vitnis.

Heimur auglýsenda er vissulega alþjóðlegur en heimur baráttufólks fyrir siðlegum auglýsingum og skorðum við auglýsingum er það líka. Þess vegna er Alþjóðaheilbrigðisstofnunin að hvetja Íslendinga til dáða, að gefast ekki upp fyrir ágengum fíkniiðnaði hvort sem er í dreifingarmáta áfengis eða takmörkunum á auglýsingum um vín og tóbak.

Í mínum huga eru auglýsingar hvorki góðar né slæmar sem slíkar. Upplýsandi auglýsingar eru góðar en blekkingar slæmar. Hvað varðar meint ónæmi „nútímamannsins"  fyrir blekkingum þá hefur talsmaðurinn ákafi þó eitt sér til málsbóta. Flestar sjónvarps og útvarpsauglýsingar, hvort sem þær eru frá bönkum, tryggingafyrirtækjum eða kaffiframleiðendum, segja neytandanum lítið sem ekkert um vöruna. Menn gera sér gjarnan leik að því geta sér til um hvað sé verið að auglýsa áður en það er upplýst í blálokin. Auglýsingar á ljósvakanum eru því í bland samkvæmisleikir.

Markmið ímyndarauglýsinga nú sem fyrr er að skapa jákvæð hughrif, hvort sem er til bifreiðarinnar, kaffipokans eða bankans. Til sanns vegar má hins vegar færa að slíkar auglýsingar án innihalds, segi ekki ósatt.

En þær blekkja.  

 


Bréf til síđunnarRSS Fréttaveita

Frá lesendum

13. Apríl 2017

MINNIĐ OG ERFĐILEIKA-KAĐALLINN

Ólafur óskar eftir fundi
um Búnaðarbanka slag
því allt í einu eitthvað mundi
er minnið komið í lag?

Nú framtíð okkar fara með
frændurnir Bjarni og Bensi
...
Pétur Hraunfjörð

10. Apríl 2017

STÖRF AUGLÝST HJÁ SAMSKIPUM

...
Þeir auglýstu þarna störf
eftir fólki með gott orð
Hjá Samskip er söguleg þörf
fyrir sakarvottorð.
Pétur Hraunfjörð

9. Apríl 2017

HÁDEGISFUNDUR Á HÓTEL KEA

Ræddu mál af miklum hita
já meiriháttar fundur
Þarna var eins og allir vita
einmitt sjálfur Ögmundur.
Pétur Hraunfjörð

8. Apríl 2017

VILL AĐ REYKJAVÍKUR-BORG SVARI

Ég las grein þína um Iðnó og að borgin væri að fá nýjum rekstraraðilum húsið í hendur. Ég er leiklistarkona í efri aldursflokki og hef sitgið inn fyrir dyr í Iðnó fyrr og þá á sviðið, og síðar sem áhugamanneskja. Alltaf hefur Iðnó tekið vel á móti mér og í seinni tíð þakka ég það Margréti núverandi rekstraraðila. Þurfa fulltrúar okkar í stjórn Reykjavíkurborgar (sem ég jú kaus í síðustu kosningum) ekki að ...
Leikkona á besta aldri

8. Apríl 2017

MINNIĐ FARIĐ

Nú lygin mær frá Lómatjörn
hér leggst í undarlega vörn
gamla skarið
minnið farið
Alzheimers nú tekur törn.
Pétur Hraunfjörð

8. Apríl 2017

MNNISLEYSI VALGERĐAR

Minnið virðist Valgerðar,
vera oft með glöppum.
Tilfinningar tákngerðar,
í tímans dansi kröppum.
Kári

8. Apríl 2017

NÚ RĆĐUR KYLFA

Nú ræður kjaftur og kylfa
og kúvendum öllu þar
Reynum Ragnar í stað Gylfa
og rekum gamalt skar.
Okkur leiðist þar lyga rausið
sem launþegaforingjar tjá
Velgjörðar væntingum er ausið
en vanefndir allir sjá.
Pétur Hraunfjörð

7. Apríl 2017

Á BÓLAKAFI

Á bólakafi í blekkingum,
borgarstjórnin nú.
Hótel sér í hyllingum,
heillar mammonstrú.
Kári

4. Apríl 2017

HAFA LANDIĐ LEIKIĐ GRÁTT

Nú er vargöld valdamanna
verjumst öll í takt
Sjálfstæðismenn dæmin sanna
ei sofum á okkar vakt
Þeir hafa leikið landið grátt
lygin var ómæld ausin
Eignuðust allt smátt og smátt
og settu landið á hausinn.
Pétur Hraunfjörð

4. Apríl 2017

ŢAĐ HEFUR ŢÓ BREYST!

Sæll Ögmundur og þakka þér fyrir hnitmiðaða greiningu á kaupbraskinu í tengslum við Arion banka. Þessi skrif minna mig á öflug skrif þín I tengslum við einkavæðingu bankanna fyrir fimmtán til tuttugu árum. Þá vildu fáir hlusta og þú jafnvel úthrópaður. Það hefur þó breyst!
Jóhannes Gr. Jónsson 



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

23. Apríl 2017

Sveinn Elías Hansson skrifar: VISTARBANDIĐ (kemur ţađ aftur?)

... Líkja má fólki sem ekki hefur efni á að kaupa húsnæði við jarðnæðislaust fólk á árum áður,  það var neytt í  vinnumennsku hjá bændum gegn húsaskjóli og fæði. Fyrirtæki eins og Vísir í Grindavík hafa keypt heilu blokkirnar undir starfsfólk sem var flutt frá Húsavík, þegar fiskvinnsla var þar lögð niður. IKEA hyggst reisa nýjar íbúðir fyrir starfsmenn sína, kísilverið á Bakka við Húsavík er að reisa íbúðir þar fyrir starfsmenn og svo mætti eflaust lengi telja. Hver er hin raunverulega hugsun bak við þessar aðgerðir fyrirtækjanna? Nú spyr eflaust einhver. Af hverju er maðurinn að velta þessari spurningu fyrir sér? ...

3. Apríl 2017

Einar Ólafsson skrifar: FÁTĆKT ER PÓLITÍSK ÁKVÖRĐUN

... Efnahagsástandið á Íslandi er nú með þeim hætti að enginn íbúi landsins ætti að þurfa að búa við fátækt. Með réttri stefnu, ákvörðunum og aðgerðum geta stjórnvöld komið í veg fyrir fátækt. Fátækt er því í raun pólitísk ákvörðun.
... það breytir því þó ekki að fyrir þá sem búa við efnislegan skort er það engin sárabót þótt þeir séu hlutfallslega færri hér en annars staðar, staða þeirra er jafn sár fyrir því. En á hinn bóginn skyldi maður ætla að það sé auðveldara að ráða bug á þessum vanda eftir því sem hlutfallið er lægra og því minni afsökun að láta það undir höfuð leggjast ... Þótt efnislegur skortur sé tiltölulega fátíður hér miðað við önnur lönd gefa niðurstöðurnar í skýrslu UNICEF sannarlega tilefni til viðbragða. ...

24. Mars 2017

Kári skrifar: NÝGENGI FJÁRGLĆFRA-MENNSKU Á ÍSLANDI

Frá aldamótunum 2000 og fram að hruni íslenska efnahagsundursins, árið 2008, mátti greina stóraukið nýgengi fjárglæframennsku á Íslandi. Nýgengið[1] minnkaði nokkuð fyrstu árin eftir hrun en fjárglæframönnum[2] hefur fjölgað mjög á nýjan leik. Er þess að vænta að Viðskiptaráð og Samtök atvinnulífsins láti sig málið varða.
Margt bendir til þess að sumt fólk þrói með sér ákveðna „fjárglæframenningu" enda virðast fjárglæfrar ganga meira í ...  Í skýrslu nefndar um skipulag og tilhögun rannsókna og saksóknar í efnahagsbrotamálum, og lögð var fyrir Alþingi á 143. löggjafarþingi 2013-2014, segir m.a. svo: „Ljóst er að efnahagsbrot snúast að jafnaði um mun meiri fjárhaglega hagsmuni en aðrar tegundir brota[8] og af því leiðir að þau eru til þess fallin að valda meira tjóni en önnur brot."[9] .Er nú svo komið að þrátt fyrir verulegar gjaldeyristekjur þjóðarbúsins, vegna ferðamanna, eru innviðir samfélagsins allir meira og minna í niðurníðslu. Mikill fjárhagsvandi ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta