Beint á leiđarkerfi vefsins

Annađ

3. Júní 2017

UM KÚRDA, KONUR OG FEHRAT ENCU

DV - LÓGÓBirtist í DV 02.06.17.
Eins og fram hefur komið í fjölmiðlum hef ég nú í nafni svokallaðrar Imrali sendinefndar afhent Blaðamannafélagi Íslands skýrslu um stöðu mannréttindamála í Tyrklandi og þá ekki síst um brot sem framin eru á Kúrdum. Imrali vísar til eyju í Marmarahafinu þar sem tyrkneska stjórnin hefur haldið Öcalan, leiðtoga Kúrda, í einangrunarfangelsi síðan 1999. Umrædd sendinefnd, sem var í Tyrklandi í febrúar síðastliðnum, vildi hitta Öcalan og þingmenn sem sitja á bak við lás og slá en þeir eru flestir úr röðum Kúrda. Sú beiðni var að vettugi virt.

BÍ birtir skýrsluna

Blaðamannafélag Íslands hefur birt skýrslu Imrali sendinefndarinnar á fréttavef sínum og er í fréttatilkynningu BÍ, eðli máls samkvæmt, fyrst og fremst vísað í umfjöllun Imrali hópsins um tjáningar- og fjölmiðlafrelsi sem nú fer mjög hrakandi í Tyrklandi og var þó ekki gott fyrir, þúsundir manna dregnar fyrir dómstóla vegna skoðana sinna, bæði fréttamenn og fólk sem tjáir sig á samfélagsmiðlunum svonefndu á gagnrýnin hátt gagnvart stjórnvöldum. Hvet ég lesendur DV til að kynna sér efni umræddrar skýrslu á vef Blaðamannafélags Íslands.

„En við hefðum ekki getað hist því ég var í fangelsi."

Þann tíma sem ég sat á þingi Evrópuráðsins í Strassborg lagði ég mig sérstaklega eftri því að fylgjast með málstað Kúrda. Hafði ég haft áhuga á frelsisbaráttu þeirra allar götur frá því Erlendur Haraldsson, prófessor var einn helsti talsmaður þeirra í Evrópu. Síðan tók það að vekja athygli mína hve sterkar lýðræðisáherslur voru í málflutningi þeirra. Og þegar ég á eigin vegum heimsótti Diyarbakir, höfuðstað Kúrda í Austur-Tyrklandi og fór þar víða um héruð árið 2014, vakti það athygli mína að tal þeirra um jafnrétti kynjanna var meira en orðin tóm. Þar sem þeir höfðu náð kosningu til að stýra sveitarfélögum, voru bæjarstjórarnir alltaf tveir, karl og kona, svo áþreifanlegt dæmi sé nefnt.
Þegar komið var fram á árið 2015 hitti ég sendinefnd sem komin var til Strassborgar að tala máli  Kúrda. Í hópnum var ungur lögfræðingur, Erdu Günay. Á daginn kom að hún var frá Diyarbakir. „Synd að við hittumst ekki þar", sagði ég hugtekinn af frásögnum hennar, „ég var þarna á ferð í febrúar 2014".„Ég var þá líka í Diyarbakir", sagði hún, „en við hefðum ekki getað hist því ég var í fangelsi." Ég starði í forundran á stúlkuna sem gæti hafa verið dóttir mín.
„Mín sök var að vinna með lögfræðiteymi Öcaalns eftir að ég lauk námi, fyrir vikið sat ég fimm ár á bak við lás og slá."

Þær eru að koma til Íslands!

Nú er þessi kona, Erdu Günay að koma til Íslands og verður í Iðnó í hádeginu á laugardag, klukkan tólf. Og líka Havin Guneser, sem er höfuðþýðandi rita Öcalans, þekkt baráttukona. Þegar ég hitti hana fyrst færði hún mér ný-þýdda bók, volga úr prentsmiðjunni. Hún sagði að önnur væri á leiðinni. „Þegar hún kemur út, þá býð ég þér til Íslands sagði ég." Og nú er Havin að koma hingað til lands og hvet ég alla til að hlýða á mál hennar og Erdu Günay í Iðnó á laugardaginn.
Einhver bið verður hins vegar á því að Fehrat Encu komi hingað til lands. Um hann hef ég fjallað áður í DV og sennilega er Encu eini fangelsaði tyrkneski þingmaðurinn sem hefur rýnt af áhuga í skrif þessa blaðs.

Fehrat Encu í DV

Þannig er málum háttaðég ákvað að velja, nánast af handahófi, þingmann sem hefði verið fangelsaður, og rýna í hans mál sérstaklega. Fyrir valinu varð þessi einstaklingur, Fehrat Encu þingmaður Lýðræðisfylkingarinnar, HDP sem er flokkur Kúrda. Hann var fangelsaður í byrjun nóvember á síðasta ári ásamt tólf öðrum þingmönnum og fjölda stjórnmálamanna sem starfa á sveitarstjórnarstiginu.
Ferhat Encü er 32 ára aldri. Í DV fjallaði ég á sínum tíma um baráttu hans fyrir því að fá opinbera og óvilhalla rannsókn á fjöldamorðum sem framin voru í desember árið 2011 en flestir þeirra sem þá féllu fyrir sprengjuregni tyrkneska lofthersins í fjallahéruðum sem liggja að Írak, voru á unglingsaldri og flestir í fjölskyldu Ferhats, þar á meðal ung systkini hans. Í kjölfar þessara atburða bauð Ferhat sig fram til þings og hlaut kosningu í júníkosningunum 2015, en þá vann HDP flokkurinn stórsigur.

Gladdist yfir blaðaskrifum

Víkur nú sögunni að nýju til Imrali sendifararinnar í febrúar síðastliðnum. Að sjálfsögðu spurðist ég þá fyrir um fangann sem ég hafði valið að fylgjast sérstaklega með. Og viti menn. Daginn sem við komum til Istanbúl, eftir för okkar til Diyarbakir þar sem Kúrdar eru fjölmennastir,  fréttum við að hann hefði þá fyrr um daginn verði látinn laus. Kom hann á hótelið þar sem við dvöldum og átti með okkur fund. Notaði ég tækifærið og sýndi honum umfjöllunina um hann í DV. Gladdi það hann. En það ver skammvinn gleði því fáienum klukkustundum síðar var hann aftur kominn á bak við rimlana og er þar enn!

Þeirra rödd mun hljóma á laugardag

Þetta á að verða okkur hvatning sem viljum vekja athygli á mannréttindabrotum gegn Kúrdum.
Á laugardag klukkan 12 á hádegi eigum við þess kost að hlýða á baráttukonurnar fyrrnefndu, fræða okkur og hvetja. Það á að hlusta á einstaklinga sem sýnt hafa í verki að eru tilbúnir að fórna frelsi sínu í þágu mannréttinda. Þeirra rödd verður að ná eyrum okkar. Og þeirra rödd mun hljóma í Iðnó á laugardag.


Bréf til síđunnarRSS Fréttaveita

Frá lesendum

15. Apríl 2018

SITT SÝNIST HVERJUM

Ögmundur minn kæri. Ég hefi nú um langt skeið ekki tjáð mig varðandi mál líðandi stundar. Ég get þó ekki orða bundist hversu harkalega öfl innan VG fara gegn Katrínu okkar Jakobsdóttur. Mér finnst helv hart hversu sú er við tók af þér og ég veitti brautargengi á sínum tíma fer grimmilega fram gegn okkar frábæra formanni og kann ég henni litlar þakkir fyrir. Auðvitað stöndum við öll gegn beitingu vopnavalds og ég tala nú ekki um beitingu efnavopna, en mér finnst aðallega vera mesti hávaðinn eftir að Trump og co fóru fram og eyðilögðu efnavopnaverksmiðjurnar, þessi háværu mótmæli voru ekki mjög svo í frammi þegar Rússar og stjórnvöld í Sýrlandi voru að berja á þjóðinni. ...
Óskar K Guðmundsson fisksali

14. Apríl 2018

UTANRÍKIS-NEFND ALŢINGIS TAKI AF SKARIĐ

Albert Jónsson fyrrverandi sendiherra og núverandi fréttaskýrandi RÚV, segir í fréttum að samkvæmt foringja NATÓ styðji Ísland árásirnar á Sýrland, það standi þar til annað verði sagt. Um þetta hlýtur utanríkismálanefnd Alþingis að greiða atkvæði þegar hún kemur saman eftir helgi - eða hvað?
Jóel A.

14. Apríl 2018

LÍĐUR STRAX BETUR EN SPYR SAMT HVORT ENGIN TAKMÖRK SÉU FYRIR RUGLINU

Mér líður strax betur eftir að hlusta á fréttir RÚV og Stöðvar 2 af árásunum á Sýrland.Trump skýrði fyrir okkur hvers vegna árásirnar voru nauðsynlegar og síðan komu Guðlaugur utanríkisráherra og Katrín forsætisráðherra og sögðust hafa skilning á árásinni, hún  hefði verið "víðbúin", sagði forsætisráherra. Albert Jónsson, fyrrverandi sendiherra mætti svo í fréttir til að segja að engin stórhætta væri á ferðum, árásarþjóðirnar ætluðu ekki að fara að blanda sér í átökin í Sýrlandi, það hefði aldrei verið vilji til þess af þeirra hálfu!!! En herskipin halda áfram að safnast við Sýrlandsstrendur og Trump segir að Bandaríkjamenn séu tilbúnir að halda árásum áfram. Hann talar fyrir hönd ríkis sem tekið hefur þátt í stríðinu og ausið milljörðum til stðunings leppherjum sínum ... Eru engin takmörk fyrir ruglinu? ...
Jóhannes Gr. Jónsson

11. Apríl 2018

TIL UPPRIFJUNAR

Var fyrst núna að hlýða á viðtalið á Kjarnanum í kjölfar fundarins við V. Beeley. Verð að segja að ég dáist að þolinmæði þinni, æðruleysi og staðfestu gagnvart þessum blessuðum, að mér finnst ófaglegum frétta-gösprurum. Ég sá að Z.Brzezinski lést í maí síðastliðnum, vissi það ekki. Set þessa þýðingu á viðtali við hann á Le Nouvel Observateur 1998 þar sem hann viðurkennir að stuðningurinn við Mujahiddin hófst 1/2 ári fyrir innrás Sovétríkjanna inn í Afganistan. Við hæfi að ...
Ari Tryggvason

7. Apríl 2018

ÉG ER Í LIĐI GUĐS, ŢÚ SATANS

Egill Helgason hefur farið mikinn um fréttaflutning frá Sýrlandi síðustu daga. Hann komst að því eftir að reyndur blaðamaður sendi honum ábendingu að þeir sem ekki eru sama sinnis og almennt gerist skapi vísvitandi upplýsingaóreiðu svo réttsýnir menn missi sjónar á veruleikanum og glati trú á réttum málstað ...Það eru margar sjálfstæðar heimildir til að véfengja túlkun hernaðarvelda vesturlanda um Sýrlandsstríðið. Viðbrögð þeirra Egils og Boga um að veröldin sé ekkert flóknari en Nató-línan gefur í besta falli til kynna ...
Árni V.

7. Apríl 2018

EINHVER ÚR NĆR-UMHVERFINU, GEOGRAFÍSKU EĐA ANDLEGU

Veistu eftir hverjum þetta er haft? Þakka þér svo fyrir góða grein. "...að háskalegt væri að rugla fólk í ríminu með tali af þessu tagi; almenningur gæti hætt að trúa alþjóðlegum fréttamiðlum ef bátnum væri ruggað um of og vísað var í enn aðra „sérfræðinga" sem sögðu að ekkert alvörufólk tæki Vanessu Beeley alvarlega,..."
Ari Tryggvason

6. Apríl 2018

BĆTA KJÖR SÍN UMFRAM ALMENNING

Bættu kjör sín ansi bratt
á botninum hinir frjósa
Og líklega er það líka satt
að bráðlega skuli kjósa.
...
Pétur Hraunfjörð

27. Mars 2018

GEGN PÓLITÍSKUM RÉTTTRÚNAĐI

... Hlustaði á viðtalið þitt á Harmageddon og kom mér skemmtilega á óvart að einhver málsmetandi á Íslandi sé fær um að sjá í gegnum málatilbúnað USA og UK í Sýrlandi. Það sem ég hef þó meiri áhuga á hér úr þessu viðtali er að þú bendir á það að Nató hafi gefið Tyrkjum grænt ljós á hertar aðgerðir gegn Kúrdum. Þar sem við erum hluti af Nató að þá höfum við nú látið óátalin morð á væntanlega hundruðum ef ekki þúsundum Kúrda. Ekki orð um það frá Utanríkisráðuneyti Íslands. Nú hins vegar er búið að draga okkur á asnaeyrunum inn í kalt stríð við Rússa og þar eru ...
Bjarki Ágústsson

13. Mars 2018

ISS BLÓMSTRAR, VALT GENGI VG, OG UM ŢINGMANNAKĆK

Já víst er lánið ósköp valt
í Vinstri/Grænum hlakkar
En undurfljótt mun anda kalt
og útúr þessu bakkar.
....
Pétur Hraunfjörð.

25. Febrúar 2018

ASSGOTI ...

Assgoti er allt hér rotið
almenningur grætur
Með pólitíska flokka potið
og langleguafætur!
Pétur Hraunfjörð


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

3. Febrúar 2018

Einar Ólafsson skrifar: ŢEGAR NÝJA MARKIĐ SÁ DAGSINS LJÓS

Takk Ögmundur fyrir frumkvæði þitt að fundinum í dag. Það var mjög athyglisvert að hlusta á Zoe Konstantopoulou. Þegar hún var að tala um Evrópusambandið og evruna kom mér í hug klausa úr gamalli norskri skáldsögu (gamalli eða ekki, hún kom út á æskuárum okkar). Einn merkasti rithöfundur Norðmanna eftir Ibsen og Hamsun var Jens Bjørneboe, lítt þekktur hér. Merkasta bók hans, að mér finnst, kom út árið 1966, Frihetens øyeblikk. Þorsteinn bróðir minn gaf mér hana í jólagjöf árið 1970. Eftir að ég las hana var ég ekki samur maður. Ég byrjaði að þýða hana ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta