Beint á leiđarkerfi vefsins

Annađ

25. Júní 2017

HUGBÚNAĐUR OG HEILABÚNAĐUR

MBL  - LogoBirtist í helgarblaði Morgunblaðsins 24/25.06.17.
Mér þóttu það góðar fréttir þegar menntamálaráðherra kynnti verkáætlun um máltækni fyrir íslensku á komandi árum. Fram kom að áætlunin hefði verið í smíðum frá haustinu 2016 og hefur því notið stuðnings tveggja menntamálaráðherra, en vinna hins vegar hvílt á herðum færustu íslenskumanna og kunnáttufólks í tækni og samskiptaferlum. Hugsunin er sú að nota megi íslensku í öllum tækjabúnaði og í hugbúnaði stærstu tæknifyrirtækja heims.

Þarna sýna íslensk stjórnvöld framsýni og vilja til að taka á vanda sem er mjög raunverulegur. Nýlega heyrði ég tvo íslenska drengi tala saman - á ensku. Það var þeim fullkomlega áreynslulaust enda aldir upp í enskumælandi tölvuheimi. En um leið og enskan var drengjunum ungu áreynslulaus þá heyrðist mér þeim vefjast tunga um tönn þegar þeir ætluðu að bregða sér yfir á íslenskuna.

Er þessi þróun ef til vill í góðu lagi? Það finnst mér ekki og hef ég stundum tínt til röksemdirnar á þessum vettvangi. Og sem betur fer er ég ekki einn um þá afstöðu. Nú sýna stjórnvöldin vilja sinn í verki, og áður gáfu Samtök atvinnulífsins fyrirheit um átak  til varnar og sóknar fyrir íslenska tungu. Útvarps- og sjónvarpsfjölmiðlar sýna sumir lofsvert framtak hvað þetta varðar og á RÚV sérstaklega lof skilið.

En eitt vantar og það er að stimpla þessi viðhorf inn í heilaforrit atvinnulífsins. Þrátt fyrir góðan ásetning SA og hins galvaska framkvæmdastjóra þar á bæ, þá eru liðsmennirnir staddir einhvers staðar úti í móa eða mýri. Það var einmitt í Vatnsmýrinni í Reykjavík sem Flugfélag Íslands hélt til. Það er nú liðin tíð. Í stað þess er komið eitthvað sem heitir Iceland connect. Forsvarsmenn fyrirtækisins sögðu að þetta væri nauðsynleg nafnbreyting og auk þess bráðsnjöll. Connect væri enska orðið fyrir að tengja og farþegar færu í undirmeðvitundinni að tengja við allt mögulegt, náttúruna og valkosti í ferðaþjónustu. Ég held þeir hafi ekki nefnt íslenska menningu. Enda náttúrlega óþarfi ef við kunnum að connecta á ensku.

Sú var tíðin að kappkostað var að útlendingar sem hingað kæmu til starfa og langdvalar lærðu íslensku. Það tók þá mislangan tíma enda aðstæður mismunandi. En yfirleitt skorti ekki viljann fremur en hjá okkur þegar við leitum út fyrir landsteinana. Þá reynum við að ganga inn í það málumhverfi sem þar er ríkjandi. Og enn er það nú svo þrátt fyrir alla túristana að við viljum flest geta talað íslensku í verslunum og veitingastöðum hér á landi. Við höfum skilning á því að nýaðkominn einstaklingur geti ekki talað málið frá fyrstu stundu. En hann getur fljótlega lært að segja gjörið svo vel og takk. Í Bónus er búið að kenna öllum að segja „poka?" með spurnartón, þegar viðskiptavinurinn gerir upp innkaupin.

Á vönduðum veitingastað í fögru umhverfi við þjóðveginn komst ég að raun um að enginn á staðnum talaði íslensku. Það var afsakanlegt. Verra var að enginn sýndi minnstu tilburði til þess eða löngun.

Niðurstaðan er þessi: þrjú hundruð þúsund manna þjóð ver ekki tungu sína áreynslulaust hversu litrík, skemmtileg, ylhýr og ástkær sem hún kann að vera. Þetta skildu fyrri kynslóðir og var verkefni þeirra þó auðveldara en nú. Sérstaklega vegna þess að margir þeirra sem þá stóðu í fararbroddi eru komnir á heybrókina og óttast að vera kenndir við þjóðlegan útúrboruhátt ef þeir grípa til varna fyrir íslenska tungu og menningu.

En nú á semsagt að taka til hendinni í vélbúnaðinum og ber að fagna því. En eftir stendur að breyta hugarfarinu hjá ýmsum lykilaðilum í atvinnurekstrinum. Þetta gæti þó reynst þrautin þyngri því sennilega er erfiðara að breyta heilabúi í manni en hugbúnaði í vél.


Bréf til síđunnarRSS Fréttaveita

Frá lesendum

16. Nóvember 2017

KLÓKT?

Þá eru þeir mættir, Gylfi frá ASÍ og Halldór Benjamin frá SA, yfir sig hrifnir af stöðugleikanum sem nú er boðaður á forsendum SALEK. Það þýðir að enginn má hækka í launum nema þeir  félagar samþykki. Sigurður Ingi, framsóknarmaður, sagði að það hafi verið "klókt" að fá þá á fund flokksformannanna sem nú eru að ganga frá stjórnarsáttmála sínum. Allt þetta er nú ekki klókara en svo að þessi málatilbúnaður hefur hrakið framkvæmdastjóra Starfsgeinasambandisns, Drífu Snædal, frá borði. Hef ég þó grun um að hún hafi ekki sagt sitt síðasta orð. Er það vel.
Jóhannes Gr. Jónsson 

15. Nóvember 2017

HVERJIR HRÓSA HAPPI?

Ýmsir geta nú hrósað happi yfir að fátt er um illa-smalanlega ketti í VG. En hverjir skyldu það vera sem hrósa happi yfir því? Almenningur eða Sjálfstæðisflokkurinn?
Jóel A.

13. Nóvember 2017

VILJANDI TÝNA TÖLU

Vinstri Grænir velja brátt
viljandi týna tölu.
Við Íhaldið þeir semja sátt
og enda á útsölu.


Nú er allt farið sem farið getur
fjandans Íhaldið áfram situr
Og mikið grætur nú gamli Pétur
gott er að vera eftir á vitur.
Pétur Hraunfjörð

11. Nóvember 2017

ÚTFÖRIN

Vinstri-Grænum fer nú frá
Þeir fóru yfir strikið.
Með Íhaldinu margir sjá
útför fyrir vikið.
Pétur Hraunfjörð

11. Nóvember 2017

HĆGRI STEFNA Í BOĐI VG?

Hvað er eiginlega að gerast í íslenskum stjórnmálum? Þarf fleiri Borgunarmál, áframhaldandi aðgang einkavæðingarsinna að stjórnsýslunni, meiri misskiptingu, meiri stóriðju, með öðrum orðum, meira af Sjálfstæðisflokknum - og allt þetta, HÆGRI STEFNA í boði VG? 
Jóhannes Gr. Jónsson

8. Nóvember 2017

SLEGINN

Vinstri-Grænir vilja nú
vera hægramegin.
Á þeim hafði trölla trú
töluvert er nú sleginn.
Pétur Hraunfjörð

28. Október 2017

LJÓĐMĆLI

Að kosningum komið er
kannski velurðu rétt.
En sitt sýnist hverjum hér
svo það verður ekki létt.
...
Pétur Hraunfjörð

28. Október 2017

MUNIĐ AĐ KJÓSA RÉTT

Í Panama hafa pokann geymt,
peningar og valdastétt.
Mörgu logið, margt er gleymt,
munið þó að kjósa rétt.
Kári

28. Október 2017

KOSNINGAŢANKAR

Nú bíður oss bláahöndin
betri sultarkjör
krjúpum og kysum vöndinn
ei verðum á lofið spör.
...
Pétur Hraunfjörð

18. Október 2017

SÚPERCHRIST BRÁTT FYRIRGEFIĐ?

Lögbannið er lyginni næst,
enn lengist á gosa nefið.
Og Bjarna Ben súperchrist,
verður brátt fyrirgefið.
Pétur Hraunfjörð


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

12. Október 2017

Kári skrifar: FÁEIN ORĐ UM VEGTYLLUR, SKYNFĆRI OG MANNGREINAR-ÁLIT

Mannvirðingar meta best,
máta flokka, stöður þrá.
Til Himnaríkis heldur lest,
henni vilja margir ná.

Hugtakið "vegtylla" er skilgreint í íslenskri nútímamálsorðabók svona: "sýnileg upphefð, viðurkenning eða góð staða". Mikilvægt er að hafa þessa skilgreiningu á hreinu, enda sækjast margir eftir vegtyllum sem svo eru kallaðar. Eins og skilgreiningin ber með sér, má ljóst vera að "sýnileg upphefð" er einhvers konar "upphefð" sem maður, eða menn, sýnir öðrum manni eða mönnum. Þetta er með öðrum orðum ...

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta