Beint á leiđarkerfi vefsins

Annađ

5. Maí 2018

ŢÖRF Á STÓRÁTAKI Í BANRANVERNDARMÁLUM!

DVBirtist í DV 05.05.18.
Að undanförnu hefur farið fram hatrömm umræða í þjóðfélaginu um mál sem á sér marga snertifleti: Barnaníð, aðkomu stofnana að slíkum  málum, samskiptum þeirra á milli, aðkomu eftirlits- og aðhaldsaðila, leka úr stjórnsýslunni, pólitískri ábyrgð ráðherra, hvað telja má siðlegt og ósiðlegt í umfjöllun fjölmiðla, aðkomu Alþingis og einstakra alþingismanna.
Málið varðar ágreining sem uppi hefur verið frá því á síðasta ári eftir að félagsmálaráðuneyti bárust kvartanir barnaverndarnefnda í Reykjavík og Hafnarfirði yfir afskiptum og aðfinnslum frá hendi Barnaverndarstofu og þá einkum forstjóra þeirrar stofnunar við vinnubrögð barnaverndarnefnda í þessum sveitarfélögum. Tiltekin mál voru þar tilgreind. Við þessum kvörtunum hafði ráðuneytið tekið en það á að hafa eftirlit með Barnaverndarstofu sem aftur á móti á að sinna aðhaldshlutverki gagnvart barnaverndarnefndum sveitarfélaganna.

Barnaverndarstofu ber að veita aðhald

Málin sem deilurnar virðast vera sprottnar af eru annars vegar aðfinnsla Barnaverndarstofu við framgöngu barnaverndarnefndar Reykjavíkur af máli sem var gerð skil í sjónvarpsþættinum Kveik nýlega og hafði djúpstæð áhrif. Alla vega hefði mér þótt undarlegt ef ekki hefði komið fram mjög eindregin viðbrögð af hálfu Barnaverndarstofu, ef þá ekki áminning.
Hafnafjarðarmálið er öllu flóknara að sjá - og enn flóknara hefur það orðið eftir að ný gögn hafa komið fram; gögn sem ráðuneytið virðist ekki hafa skoðað áður en komist var að niðurstöðu þar á bæ.


Fyrrverandi ráðherra vill ekki rannsókn - á sér!

Til að flækja málið enn frekar hefur forstjóri Barnaverndarstofu gert athugasemd við málsmeðferð ráðuneytisins, ekki síst í aðdraganda rannsóknar. Aðkoma ráðuneytisins hafi verið óbilgjörn, stjórnsýslureglur ekki virtar, málsgögnum verið lekið í fjölmiðla og Þorsteinn Víglundsson ráðherra tjáð sig opinberlega um efni málsins áður en rannsókn þess hafi raunverulega verið hafin.
Ef til vill er því ekki undarlegt að Þorsteinn Víglundsson, fyrrverandi félagsmálaráðherra vilji nú ljúka málinu hið fyrsta. Honum hrís líklega hugur við því að embættisfærsla hans verði undir í þeirri skoðun  sem nú hefur verið ákveðið að efna til.
Það ætti hins vegar að vera öllum fagnaðarefni að fram skuli fara óháð rannsókn á aðkomu allra hlutaðeigandi aðila að þessum undarlega málatilbúnaði öllum.

Enn eitt flækjustigið

Er þá komið að því að kynna til leiks enn eitt flækjustigið. Umræddur Bragi Guðbrandsson er í framboði til setu í Barnaréttarnefnd Sameinuðu þjóðanna. Sumir eru framboði hans mjög hlynntir - og er ég í þeim hópi. En einnig eru til þau sem eru þessu framboði andvíg. Þetta er skýringin á öllum þeim hauggreftri sem í gangi er til að finna ávirðingar á hendur Braga til að gera framboð hans tortryggilegt.
Í barnaverndarmálum er að finna marga sem telja sig ekki hafa notið réttar síns í íslenska barnaverndarkerfinu gegnum áratugina þótt hin séu líka mörg sem telja að þar hafi verið vörn að fá. Á báða bóga verða til bjargvættir og andstæðingar.

Undantekning en ekki regla

En þrátt fyrir allar aðfinnslur þá er veruleikinn nokkuð annar en upp hefur verið dregin í fjölmiðlum. Svo er að skilja að þegar á heildina er litið hafi samstarf milli þeirra aðila sem nú deila verið með ágætum. Hér sé um að ræða undantekningar sem sanni þá reglu. Og ástæðan fyrir því að framboð Braga Guðbrandssonar til nefndar SÞ nýtur víðtæks stuðnings á alþjóðavettvangi er barátta hans fyrir réttindum barna og tilvísan í íslensku barnahúsin sem hafa verið sett á laggirnar að hans frumkvæði.

Leki þá og leki nú

Í umræðunni að undanförnu ægir öllu saman og mótsagnirnar himinhrópandi. Sömu aðilar og kvörtuðu yfir leka í Tony Omosmálinu um viðkvæmar persónuupplýsingar, skirrast ekki við að koma slíkum upplýsingum á framfæri og birta kinnroðalaust. Lögð er að jöfnu málsmeðferð ráðherra í gerólíkum málum, alþingismenn slá fram órökstuddum upphrópunum um einstaklinga og viðkvæm málefni barna án þess að hafa kynnt sér málavöxtu, fjölmiðill og er ég þar að vísa til Stundarinnar, sýnir tilburði til að sameina það í sínum verkum að gerast upplýsingamiðill og síðan dómari á grundvelli tilviljanakenndra gagna.
Og allir þykjast vera að gera þetta allt fyrir börn sem þurfi á vernd að halda!

Treysti Ásmundi Einari

Hvernig væri nú að skapa samstöðu um að taka allt þetta kerfi til gagngerrar endurskoðunar og uppstokkunar eftir atvikum. Þarna eru nefnilega ótal brotalamir sem þarf að laga. Nákvæmlega þetta hafa verið skilaboð Ásmundar Einars Daðasonar, félagsmálaráðherra um að þurfi að gera. Ég trúi því að hann meini það og það sem meira er, ég treysti honum til þeirra verka.

 


Bréf til síđunnarRSS Fréttaveita

Frá lesendum

20. September 2018

HERĆFINGAR NATÓ MEĐ MEIRU

Herskipin nú hópast að
í heræfingum gellur.
Og flugvélar hér fylltu hlað
að sækja Kanamellur.
Pétur Hraunfjörð

16. September 2018

ŢARF AĐ TALA SKÝRAR UM PENINGAÖFLIN

Sæll Takk fyrir fundinn fyrr í dag (í gær). Verður hægt að nálgast glærurnar og upptöku af fundinum? ... Eitt sem mér fannst nokkuð einkennilegt var að mikið var talað um peningaöfl en samt ekki hver þau í raun væru í núverandi samfélagi. Orðin ferðaþjónustua og hótel voru lítið sem ekkert notuð. Það gæti enginn sagt að VG hefði gert neitt nema að beygja sig niður fyrir þeim öflum á kostnað íbúa borgar og lands. Líf dásamar airbnb og heldur áfram núverandi meirihluta. Katrín talar á móti skattalagabreytingum því hún vinni gegn minni félögum. SJS gerir lítið út umhverfisáhrifum ferðaþjónustunnar ...
Daníel Þór

12. September 2018

ŢEGAR JÓAKIM VON AND FĆR VÖLDIN

Þakka þér fyrir að standa fyrir fundi um braskavæðingu borgarinnar. Ég hvet sem flesta að leggja leið sína í Efstaleitið og verða vitni að því sem þar er að gerast. Í stað opins fallegs svæðis þar sem Útvarpshúsið naut sín vel er nú komin mini-Manhattan nema að á Manhattan hefði þetta aldrei verið leyft! Vísa ég þar í Central Park sem ...
Jóel A.  

12. September 2018

HAG-FRĆĐINGAR TIL LIĐS VIĐ SA

Kjararáðið kepptist við,
k
aupið hækka toppa.
Fjögur prósent fáið þið,
flóðið viljum stoppa.
Kári

23. Ágúst 2018

MEIRIPOKA-MENN HANNESAR

Meiri pokann margur vó,
Mammons trú þeir játa.
Í minni pokann mega þó,
menn við dauða láta.
Kári

21. Júlí 2018

TIL HAMINGJU!

Nú sjötugur ´ann segist vera
og sennilega er rétt
En ellina mega ýmsir bera
Ögmundur gerir það létt.
...
Pétur Hraunfjörð

19. Júlí 2018

Á AFMĆLISDEGI ÖGMUNDAR

Árin jarðnesk aldrei tel,
endar víst með tapi.
Innri maður yngist vel,
oft að sama skapi.
Kári

15. Júlí 2018

HUGSAĐ TIL VINAR

Brátt áratugina sérðu sjö
samt gefurðu lítið eftir
Ævikvöld eignist eflaust tvö
Þar ekkert ykkur heftir!!
...
Pétur Hraunfjörð

21. Júní 2018

NÚ ÁHUGI MINN ALLUR FÓR

Nú áhugi minn allur fór
er af leið var haldið
Katrín valdi auðvalds-kór
og kaus Íhaldið.
...
Pétur Hraunfjörð

17. Júní 2018

Í FRAMHALDI AF OLÍFUVIĐAR-GREIN

Í framhaldi af grein þinni um Ólífuviðargrein þá er vert að rifja upp ferð Apolli 11 til tunglsins í júlí 1969. Merki ferðarinnar (Mission Emblem) var hannað af geimförunum sjálfum. Þeir komu upp með þá hugmynd að nota ameríska örninn og tunglferjan sjálf var kölluð "Eagle". Í lokafasa hönnunarferlisinu þótti geimförunum útlit arnarins vera of ...
Sveinn V. Ólafsson


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

3. Júlí 2018

Kári skrifar: ŢJÓĐAREIGN OG KVÓTAKERFI Í LJÓSI SAMKEPPNIS-RÉTTAR

... Löggjafinn, Alþingi, er hins vegar rígbundinn margskonar hagsmunaöflum sem í raun stjórna ferðinni og því ekki við miklu að búast úr þeirri áttinni. Umræða um „hag­ræðingu" kemur fyrir lítið, eigi menn ekki það sem hagræðingin snertir. Með öðrum orðum; eignarréttur íslensku þjóðarinnar var hafður að engu. Þjóðareign varð að „þjófaeign". Það er kjarni málsins. Hið svokallaða „framsal" er því lögleysa frá upphafi þegar af þeirri ástæðu. Þar að auki hefur íslenska þjóðin notið í litlu meintrar hag­ræðingar sem hefur að stærstum hluta endað í vösum braskara og hluthafa útgerðarfyrirtækja ...

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta