Beint á leiđarkerfi vefsins

Annađ

8. Ágúst 2018

TÍMABĆRT AĐ SPYRJA RÍKISSTJÓRNINA UM JAFNRĆĐISKENNINGUNA

MBL  - LogoBirtist í helgarblaði Morgunblaðsins 04/05.08.18.
Í lögum mun vera ákvæði þess efnis að ef landeigandi vill girða land sitt af þarf nágranninn sem á aðliggjandi land að taka þátt í tilkostnaðinum til helminga. Fyrir fáeinum dögum bárust fréttir af því að peningamaður sem vildi bola fjárvana nágrönnum frá landi sínu, vakti upp þetta  girðingarákvæði. Skömmu síðar var jörð eins blanka bóndans orðin auðmannsins. Auðurinn og valdið voru með öðrum orðum á sömu hendi eins og fyrri daginn.

Einn ríkasti auðkýfingur Bretlands kaupir miklar lendur á Íslandi. Hann er sagður mikill náttúruverndarsinni þótt heima fyrir sé hann þekktur fyrir annað. Fyrir skömmu kom fram í fréttum að hann hafi selt virkjunarrétt í á sem liggur um land hans. Með öðrum orðum, peningarnir hafa forgang þar á bæ umfram náttúruvernd. Og nú fara Bretar að kannast við sinn mann.

Norður af Vík í Mýrdal er svissneskur auðkýfingur að láta þann draum rætast að geta lokað að sér í heiðalandinu sínu og þar með látið sem hann búi á tunglinu. Einfalt mál ef seðlarnir eru nógu margir.

Í Fljótum gefur hver bóndinn á fætur öðrum eftir land sitt í hendur peningamanna sem vilja gera Fljótin að auðmannaparadís með lúxushótelum. Hjá þeim munu engir sjúkraliðar, kennarar eða trésmiðir gista. Til að njóta dýrðarinnar verður þú að vera hluti af hinum dýra heimi.

Og nú heyrum við í einkaþotunum að nýju á Reykjavíkurflugvelli. Déjà vu heitir hún á frönsku, tilfinningin að þú hafir lifað þessa tíma áður.

En eitt hefur reyndar breyst frá því í aðdraganda hrunsins. Fjárfestar eins og þessi mannskapur er kallaður, eru búnir að uppgötva hvílíka auðlind er að finna í eignarhaldinu á íslensku landi, í heimi sem allur er að verða upp á túrismann og þarf auk þess í sívaxandi mæli á hreinu drykkjarvatni að halda að ógleymdri orkunni. Allt þetta, náttúruperlurnar, vatnið og orkuna, fá menn í kaupbæti geti þeir komist yfir land íslenska bóndans.

Og það er þarna sem ríkisstjórnin kemur inn í myndina. Í fyrsta lagi virðist hún ætla að festa í sessi þá ósvinnu að landeigendur geti rukkað okkur fyrir að njóta sköpunarverksins. Þetta er grafalvarlegt mál og má furðu sæta að enginn skuli taka þetta  upp í ríkisstjórn eða á Alþingi.

Í öðru lagi er tímamótayfirlýsingin úr Stjórnarráðinu í vikunni um jafnræðið: Eitt verður yfir alla að ganga, sagði dómsmálaráðherrann, það yrði að virða jafnræði einstaklinganna. Þannig gengi ekki að setja eina reglu fyrir almenning og aðra fyrir auðmenn. Og alls ekki megi gera greinarmun á Íslendingum og útlendingum, slíkt hlyti að flokkast undir rasisma heyrðist sagt í spjallþætti!

Eitt verður yfir alla að ganga, hvað þýðir það? Getur verið að svo sé litið á, að jafnræði sé með blanka bóndanum og ríka manninnum sem komst yfir land þess fyrrnefnda í krafti auðlegðar; að jafnræði sé með náttúruverndarsinnanum í Kópavogi og breskum auðkýfingi sem báðir hafa skoðun á því hvort virkja eigi í Þverá í Vopnafrði?  

Er ekki eitthvað bogið við jafnræðisreglu sem aldrei spyr um vald auðsins? Eða er eitthvað bogið við ríkisstjórn sem túlkar jafnræðið óháð valdi og auðlegð? Hvað segir okkar ágæti dómsmálaráðherra um það? Held reyndar að tímabært sé að spyrja ríkisstjórnina alla.

Bréf til síđunnarRSS Fréttaveita

Frá lesendum

21. Júlí 2018

TIL HAMINGJU!

Nú sjötugur ´ann segist vera
og sennilega er rétt
En ellina mega ýmsir bera
Ögmundur gerir það létt.
...
Pétur Hraunfjörð

19. Júlí 2018

Á AFMĆLISDEGI ÖGMUNDAR

Árin jarðnesk aldrei tel,
endar víst með tapi.
Innri maður yngist vel,
oft að sama skapi.
Kári

15. Júlí 2018

HUGSAĐ TIL VINAR

Brátt áratugina sérðu sjö
samt gefurðu lítið eftir
Ævikvöld eignist eflaust tvö
Þar ekkert ykkur heftir!!
...
Pétur Hraunfjörð

21. Júní 2018

NÚ ÁHUGI MINN ALLUR FÓR

Nú áhugi minn allur fór
er af leið var haldið
Katrín valdi auðvalds-kór
og kaus Íhaldið.
...
Pétur Hraunfjörð

17. Júní 2018

Í FRAMHALDI AF OLÍFUVIĐAR-GREIN

Í framhaldi af grein þinni um Ólífuviðargrein þá er vert að rifja upp ferð Apolli 11 til tunglsins í júlí 1969. Merki ferðarinnar (Mission Emblem) var hannað af geimförunum sjálfum. Þeir komu upp með þá hugmynd að nota ameríska örninn og tunglferjan sjálf var kölluð "Eagle". Í lokafasa hönnunarferlisinu þótti geimförunum útlit arnarins vera of ...
Sveinn V. Ólafsson

7. Júní 2018

„SKILAR SÉR MEST TIL ŢEIRRA STĆRSTU"

Við sjáum lekinn ljótan
Þar lítið var um þref
gjaldlítinn gaf ´ún kvótann
ei Lilju fyrirgef.
Pétur Hraunfjörð

28. Maí 2018

LÍTIĐ MAĐUR SEGJA MÁ

Lítið maður segja má
orðin margir bera
sannleika að segja frá
sjaldan aðrir gera.
Málavexti þá muna skalt
ef margir á þig hlýða
Og ekki bæta í sárið salt
sem aðrir fyrir líða.
Pétur Hraunfjörð

19. Maí 2018

SVO ER ÖNNUR TEGUND FROĐUFRÉTTA

... Þakka pistilinn um daginn um hvernig fjölmiðlamenn forheimska opinbera umræðu um stjórnmál með að slá upp fyrirsögn um ýmis mál og með viðbótinni "segir stjórnmálafræðingur" í meginmáli. Í aðdraganda kosninga halda þeir sínu striki með þetta en bæta við annarri tegund froðufrétta sem felst í því að skrifa fyrirsögn hvern dag um hvort meirihlutar standi eða falli. Í meginmáli er síðan vísað til skoðanakannana. Sífelldar fréttir af skoðanakönnunum er sennilega einföld leið til að fylla síður blaða og framkalla uppgerða spennu í stað þess að taka til umfjöllunar viðfangsefni stjórnmála og mikilvægi almannaþjónustu fyrir lífskjör. Aukið vægi ...
Sigfinnur

18. Maí 2018

BARNAVERNDAR-MÁL EIGA BETRA SKILIĐ EN AĐ RÁĐIST SÉ GEGN EFTIRLITS-AĐILUM

Sæll Ögmundur. Takk fyrir góða og tímabæra grein þína um fréttaflutning af barnaverndarmálum. Ég var rétt í þessu að lesa einkar einkennilega grein eftir Auði Jónsdóttur á vef Kjarnans, en hún virðist ímynda sér að ábending þín í lok greinarinnar um möguleg tengsl blaðamanns Kjarnans og aðila sem barnaverndarmálum - að þarna sé að finna tengsl ekkert síður en annars staðar - sé megininntakið í umfjöllun þinni. Það er afskaplega undarlegur málflutningur, órökvís og óheiðarlegur, og mér finnst þessi mikilvægi málaflokkur eiga betra skilið en slíka útúrsnúninga. Maður veltir fyrir sér ...
Þorsteinn Siglaugsson 

16. Maí 2018

GETUR EKKI ORĐA BUNDIST

Var að lesa það sem félagi Einar Ólafsson ritar. Eg get ekki orða bundist: Að jafna einni skelfilegustu harðstjórn sem mannkynið hefur nokkru sinni upplifað við Evrópusambandið botna eg ekkert í. Evrópusambandið hefur verið byggt á grundvallarmannréttindum og að útfæra lýðræði á kannski eitthvað öðruvísi hátt en íhaldinu á Íslandi hugnast. Í mínum augum er fáni Evrópusambandisin tákn um betra lýðræði og aukin mannréttindi. Og að ala á tortryggni gagnvart því sem vel hefur verið gert skil eg ekki. Vilja menn þessa endalausu vitleysu með þennan efnahagsleik með ...
Guðjón Jensson


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

3. Júlí 2018

Kári skrifar: ŢJÓĐAREIGN OG KVÓTAKERFI Í LJÓSI SAMKEPPNIS-RÉTTAR

... Löggjafinn, Alþingi, er hins vegar rígbundinn margskonar hagsmunaöflum sem í raun stjórna ferðinni og því ekki við miklu að búast úr þeirri áttinni. Umræða um „hag­ræðingu" kemur fyrir lítið, eigi menn ekki það sem hagræðingin snertir. Með öðrum orðum; eignarréttur íslensku þjóðarinnar var hafður að engu. Þjóðareign varð að „þjófaeign". Það er kjarni málsins. Hið svokallaða „framsal" er því lögleysa frá upphafi þegar af þeirri ástæðu. Þar að auki hefur íslenska þjóðin notið í litlu meintrar hag­ræðingar sem hefur að stærstum hluta endað í vösum braskara og hluthafa útgerðarfyrirtækja ...

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta