Beint á leiđarkerfi vefsins

Annađ

30. September 2018

UM UTANRÍKISMÁL OG ALDUR

MBLBirtist í helgarblaði Morgunblaðsins 29/30.09.18.
Staðnæmumst við tvær nýlegar greinar þar sem utanríkismál og aldur koma við sögu. „Það steðja nýjar hættur að Íslandi í breyttum heimi" er fyrirsögnin á laugardagspistli Styrmis Gunnarssonar, fyrrum ritstjóra þessa blaðs, fyrir réttri viku. Tilefnið var fréttir af samningaviðræðum við erlenda fjárfesta um uppbyggingu hafnarinnar í Þorlákshöfn og að þar hefðu kínverskir fjárfestar komið við sögu.
Niðurlagsorðin í grein Styrmis eru þessi:„Sjálfstæði Íslands er hætta búin úr nýjum áttum í breyttum heimi. Sjálfstæði Íslands getur reyndar líka verið í hættu vegna þess að nýjar kynslóðir stjórnmálamanna virðast ekki hafa næga þekkingu á okkar eigin sögu til þess að skilja hvað er að gerast í kringum okkur hvort sem um er að ræða orkupakka ESB eða kínverska stórveldið sem læðist með veggjum í viðleitni við að endurheimta fyrri stöðu Kína á heimsbyggðinni. Þá er ekki um annað að ræða en að hin aldna sveit rísi upp!"
Þar kom aldurinn.

Ég skildi þessi orð svo að lífsreynslan ætti að hafa kennt okkur að varast það að undirgangast, hvort heldur væri, miðstýrða markaðskreddu eða ítök erlendrar valdstjórnar í innviðum Íslands. Þessu er ég sammála.
Sjálfum hafði mér brugðið við að lesa hraustlega yfirlýsingu ágæts sveitarstjórnarmanns sem greinilega gaf lítið fyrir varnaðarorð úr ranni reynslunnar en honum hafði mælst svo: "Auðvitað þekkjum við umræðuna um hina stórhættulegu. "auðmenn" sem vilja komast í fjárfestingar. Við óttumst hins vegar ekki aðkomu þeirra að hinu öfluga Ölfusi."

Um hin skrifin, sem fjalla um útlönd og aldur, hef ég meiri efasemdir. Þar er því fagnað sérstaklega, og þykir mikið þroskamerki af hálfu Vinstrihreyfingarinnar græns framboðs, sem nú fari með forsætisráðuneytið, að leyfð hafi verið á Íslandi "myndarleg" heræfing NATÓ og önnur slík, væntanlega enn myndarlegri, í bígerð. Hér er vísað í leiðara Morgunblaðsins frá 25. september: "Flokkur fullorðnast". 

Ég get mér þess til að höfundur leiðarans sé vel að sér í stjórnmálum kalda stríðsins enda sækir hann þangað í gamalkunna þrætubók. Heimurinn sé að vísu breyttur en vinirnir hinir sömu og vélarnar til varnar óbreyttar. Þar hafi ekkert breyst, eða öllu heldur, þar megi ekkert breytast!

Þarna ætla ég að leyfa mér að efast um að rétt sé að leggja að jöfnu aldur og yfirvegun því staðreyndin er sú að heimurinn er ekki samur og áður var og þar hefur margt breyst og riðlast, sem aftur kallar á breytt viðhorf, tæki og tól.

Í vikunni sem leið var sýndur í Sjónvarpinu þáttur sem tekinn var í Írak um ofbeldið sem kynlífsþrælar Íslamska ríkisins höfðu sætt á yfirráðasvæði ISIS í Norður-Írak og Norðaustur-Sýrlandi fyrir fáeinum misserum. Rætt var við konu sem hafði mátt þola slíkt ofbeldi en einnig var rætt við ISIS-liða, geranda í ofbeldinu. Bæði viðtölin voru hrollvekjandi, hvort á sinn hátt.  Sjálfum finnst mér það slæm tilhugsun að "við", þ.e. bandamenn Íslands, skuli hafa stutt ISIS á þessu örlagaríka tímaskeiði.

Samkvæmt þrætubók kalda stríðsins var í framangreindum leiðara spurt hvar Vinstrihreyfingin grænt framboð hefði verið þegar ráðist var á Líbíu um árið; hvort VG hafi ekki setið þá í ríkisstjórn. Mikið rétt, en ófá voru þau sem mótmæltu, höfðu með öðrum orðum ekki fullorðnast samkvæmt kenningum leiðarahöfundar.
Í kjölfar þess að reynt var að eitra fyrir manni að nafni Sergei Skripal í enska bænum Salisbury fyrr á árinu ákvað hin fullorðna ríkisstjórn, sem nú situr, að afpanta miða á HM í fótbolta í Rússlandi. Sennilega ekki vegna þess að Skripal hafi verið valinn, af öllum fórnarlömbum ofbeldis í heiminum, til að taka upp hanskann fyrir. Skripal þessi var njósnari Rússa sem síðan seldi Bretum þjónustu sína til að njósna um sína fyrri húsbændur. Við stóðum með öðrum orðum varla  með fórnarlambinu Skripal heldur bandamönnum okkar í NATÓ sem í heimi hinna fullorðnu bar að sýna stuðning.

En hve langt erum við reiðubúin að ganga til að sýna Trump slíka hollustu, einræðisherranum Erdogan, May, Merkel eða Macron?
Hversu fullorðin viljum við verða?

 


Bréf til síđunnarRSS Fréttaveita

Frá lesendum

17. Október 2018

HVER ER SKOĐUN PÍRATA?

Ég var að lesa pistil þinn um mál/fréttaflutning um Evrópuráðið. Ég er sammála þér um að frétta/málflutningurinn fer fram úti á þekju eins og þú orðar það. Hvers vegna var Þórhildur Sunna, Pírati ekki spurð í RÚV hvað henni finnist um brottrekstur Rússa af Evrópuráðsþinginu? En við hvern er að sakast, þegar svona ...
Jóhannes Gr. Jónsson

17. Október 2018

AĐ HRUNI KOMINN

Nú er Hannes Hólmsteinn loksins að Hruni kominn - og það á tíu ára afmælinu. Eftir allan komma áróðurinn hefur hann með glöggum hætti leitt okkur í allan sannleikann um að það voru ekki nýfrjálshyggjan, ekki íslensk stjórnvöld og því síður nýríkir íslenskir kapítalistar sem leiddu hörmungarnar yfir okkur haustið 2008. Nei, það voru útlendingar með George Best forsætisráðherra Bretlands...
Fannar Freyr

14. Október 2018

LANG - LANG BEST

Allsherjar samstaða ákveðin sést
upp sultarkjörin skal hífa
Og auðvitað væri það lang-lang ...
Pétur Hraunfjörð

7. Október 2018

GUĐ BLESSI HEIMINN

Geir bað Guð að blessa landið,

gjaldþrotið og þjóðarstrandið.

Við höfum þanka

...

Pétur Hraunfjörð

 

3. Október 2018

UPPGJÖRIĐ VIĐ UPPGJÖRIĐ: ÍSLENSKIR BANKSTERAR Í AĐAL-HLUTVERKI

Uppgjör við útrás landans
ugglaust ræða má
þegar allt fór til fjandans
og fjöldinn hrunið sá.
...
Pétur Hraunfjörð

2. Október 2018

BRENNIVÍN Í BÚĐIR

Áfengið þau elska mest,
ölið kæra, sanna.
Þörfu ráðin þekkja flest, þ
etta má ei banna.
Kári

20. September 2018

HERĆFINGAR NATÓ MEĐ MEIRU

Herskipin nú hópast að
í heræfingum gellur.
Og flugvélar hér fylltu hlað
að sækja Kanamellur.
Pétur Hraunfjörð

16. September 2018

ŢARF AĐ TALA SKÝRAR UM PENINGAÖFLIN

Sæll Takk fyrir fundinn fyrr í dag (í gær). Verður hægt að nálgast glærurnar og upptöku af fundinum? ... Eitt sem mér fannst nokkuð einkennilegt var að mikið var talað um peningaöfl en samt ekki hver þau í raun væru í núverandi samfélagi. Orðin ferðaþjónustua og hótel voru lítið sem ekkert notuð. Það gæti enginn sagt að VG hefði gert neitt nema að beygja sig niður fyrir þeim öflum á kostnað íbúa borgar og lands. Líf dásamar airbnb og heldur áfram núverandi meirihluta. Katrín talar á móti skattalagabreytingum því hún vinni gegn minni félögum. SJS gerir lítið út umhverfisáhrifum ferðaþjónustunnar ...
Daníel Þór

12. September 2018

ŢEGAR JÓAKIM VON AND FĆR VÖLDIN

Þakka þér fyrir að standa fyrir fundi um braskavæðingu borgarinnar. Ég hvet sem flesta að leggja leið sína í Efstaleitið og verða vitni að því sem þar er að gerast. Í stað opins fallegs svæðis þar sem Útvarpshúsið naut sín vel er nú komin mini-Manhattan nema að á Manhattan hefði þetta aldrei verið leyft! Vísa ég þar í Central Park sem ...
Jóel A.  

12. September 2018

HAG-FRĆĐINGAR TIL LIĐS VIĐ SA

Kjararáðið kepptist við,
k
aupið hækka toppa.
Fjögur prósent fáið þið,
flóðið viljum stoppa.
Kári



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

8. Október 2018

Gunnar Örn Gunnarsson skrifar: MANNAUĐS-STJÓRNUN EĐA „ŢRĆLAHALD".

Það er sorglegt að átta sig á því að alþjóðlegir auðhringar, eigendur allrar stóriðju á Íslandi, sem hugsa fyrst og fremst um hagnað og gróðavon, fari miklu betur með sinn mannauð en opinberar stofnanir sem reknar eru að meirihluta til af almannafé. Mikil umræða hefur verið um styttingu vinnuvikunnar og sitt sýnist hverjum og veltur það aðallega á „hagsmunum" þeirra sem um fjalla eða á misskilinni hagsmunagæslu ákveðinna aðila. Það skal tekið fram að eftirfarandi samanburður er ekki gerður til að öfundast út í þá sem vinna í stóriðju eða til að grafa undan þeim réttindum og kjörum sem þar hafa náðst ...

27. September 2018

Ţórarinn Hjartarson skrifar: HĆGRI-POPÚLISMINN - HELSTA ÓGN VIĐ LÝĐRĆĐIĐ?

RÚV, popúlisminn og hnattvæðingin; Hvaðan kemur hægri-pópulisminn, hvert er samband hans við hnattvæðinguna og ríkjandi stjórnmálastefnur á vesturlöndum, hvað vantar í greiningu/umfjöllun fjölmiðla og meginstraums-stjórnmálaflokka á honum? Ef hlustað er á RÚV fæst sú mynd að mesta vandamál í stjórnmálum Vesturlanda og jafnvel heimsins alls sé hægripopúlismi/ þjóðernispopúlismi. Sem er ekki rétt, en stafar af því að RÚV er málgagn markaðsfrjálslyndrar, hnattvæddrar, kapítalískrar heimsvaldastefnu (vestrænnar). Sem stafar aftur af því að ...

3. Júlí 2018

Kári skrifar: ŢJÓĐAREIGN OG KVÓTAKERFI Í LJÓSI SAMKEPPNIS-RÉTTAR

... Löggjafinn, Alþingi, er hins vegar rígbundinn margskonar hagsmunaöflum sem í raun stjórna ferðinni og því ekki við miklu að búast úr þeirri áttinni. Umræða um „hag­ræðingu" kemur fyrir lítið, eigi menn ekki það sem hagræðingin snertir. Með öðrum orðum; eignarréttur íslensku þjóðarinnar var hafður að engu. Þjóðareign varð að „þjófaeign". Það er kjarni málsins. Hið svokallaða „framsal" er því lögleysa frá upphafi þegar af þeirri ástæðu. Þar að auki hefur íslenska þjóðin notið í litlu meintrar hag­ræðingar sem hefur að stærstum hluta endað í vösum braskara og hluthafa útgerðarfyrirtækja ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta