Eldri greinar 2006

NAUÐSYN Á UMRÆÐU UM SPILAFÍKN

...Einnig hafa mér borist umvandanir og varnaðarorð þar sem hvatt er til hófsemi í umræðunni. Allt er þetta vel meint. Af viðbrögðum fólks úr báðum herbúðum ræð ég hins vegar hve bælt vandamál er hér á ferðinni. Fólk sem haldið er sjúklegri spilaáráttu, og þá ekki síður aðstandendur þeirra, vilja umræðu um vandann, þótt þeir eigi illmögulegt að taka þátt í henni; þeir sem fá afraksturinn í vasann vilja helst að um vandann sé þagað. Háskóli Íslands og líknar- og hjálparstofnanir á borð við Rauða kross Íslands, Landsbjörg og SÁÁ, sem hagnast á spilavítisélum, verða að axla ábyrgð í þessu efni og það gera þau á þann hátt einan að segja sig algerlega frá fjáröflun af þessu tagi. Augljóst er að það ætlar að  reynast þessum aðilum þrautin þyngri. Í reynd eru það tveir aðilar sem háðir eru spilafíkninni: Sá sem spilar og hinn sem hagnast á sjúkleika hans. Að sumu leyti er síðara hlutskiptið...

Lesa meira

VELJUM SKYNSAMLEGUSTU LEIÐIRNAR

Birtist í Morgunblaðinu 08.07.06.
Föstudaginn 30. júní ritar Sturla Böðvarsson samgönguráðherra grein í Morgunblaðið undir fyrirsögninni "Verðum að leita allra leiða". Greinin er svargrein við skrifum mínum þar sem ég gagnrýni ásetning ráðherrans um einkaframkvæmd í ýmsum vegaframkvæmdum sem framundan eru ... Staðreyndin er því miður sú að á seinni árum hefur einkavæðing - hvort sem hún kallast einkaframkvæmd eða öðrum nöfnum - verið á dagskrá svo mjög að þau hagkvæmnissjónarmið sem ráðherrann kallar eftir hafa verið látin lönd og leið... Lesa meira

ER SAMA HVERNIG HÁSKÓLA ÍSLANDS ER KOMIÐ Í FREMSTU RÖÐ?


Og nú spyr ég: ætlar Háskóli Íslands sér að halda inn í framtíðina, þar sem hann vill skipa sér í fremstu röð, á kostnað þessa fólks? Ætlar hann áfram að nýta sér neyð spilafíkla sjálfum sér til fjárhagslegs ábata? Og hvað um Rauða kross Íslands eða Landsbjörg? Stendur þessum aðilum á sama hvaðan þeir draga sér fé í bú? Ég segi fyrir mitt leyti að fremur vil ég að Háskóli Íslands hafni í 101., jafnvel 500. sæti á meðal  rannsóknarstofnana heimsins en sem "háskóli í fremstu röð", rekinn á kostnað spilafíkla. Ég vil leyfa mér að frábiðja ræðuhöld um ágæti Rauða krossinns, Landsbjargar eða Háskóla Íslands á meðan þessir aðilar leyfa sér að hafa fé af veiku fólki. Það er nefnilega rétt sem Ágúst segir: "Sem virkum spilafíkli fer það mest í taugarnar á mér þegar f...

Lesa meira

A JOYFUL OCCASION?

...Fulltrúa þessa kerfis er nú – einmitt nú þegar heimurinn er að vakna til vitundar um hættuna, sem stafar af ráðandi öflum í Bandaríkjunum -  boðið sem sérstökum heiðursgesti að Bessastöðum. Hvers vegna í ósköpunum? Ef bjóða á kunnum Bandaríkjamanni til Íslands og að Bessastöðum, væri hægt að finna ótölulegan fjölda vísinda- og listamanna, baráttumanna fyrir mannréttindum og lýðræðislegum gildum í stað þess að velja fulltrúa hernaðar- og heimsvaldastefnu.
Það á að vanda gestavalið á Bessastöðum. Eðlilegast er að þangað komi gestir sem eru í forsvari fyrir þjóðir, stofnanir og samtök. Þegar sleppir formlegheitunum taka við hin persónulegu tengsl. Ef forseta Íslands langar til að fara í brúðkaup barna norræns þjóðhöfðingja þá fer hann það á eigin vegum, prívat og persónulega. Ef hann langar til að taka á móti föður Bandaríkjaforseta, þá gildir hið sama. Um leið og slíkt er gert í ... Lesa meira

FRÁ FÆÐINGU KÓLUMBUSAR AÐ VINNA UPP Í STARFSLOKASAMNING


...Blaðið

segir að þessi samningur hafi verið gerður á milli forstjórans og þáverandi stjórnarformanns. Í fréttinni er svo haft eftir honum að hann myndi"ekkert eftir því hvernig samningar voru gerðir á sínum tíma."  Milljarður til eða frá, hver man eftir slíku smáræði? Það er tímanna tákn að starfslokasamningur af þessu tagi skuli varla vekja athygli sem nokkru nemur enda þjóðin orðin vön að fylgjast með slættinum í milljarðamæringunum. Hér er þó um að ræða upphæð sem tæki láglaunamann með 150 þúsund á mánuði "einungis" fimm hundruð fimmtíu og fimm ár að vinna fyrir. Hann hefði með öðrum orðum verið sleitulaust að frá árinu 1451, því herrans ári sem landkönnuðurinn mikli Kólumbus fæddist, en óþarfi er að kynna þann fræga Ameríkufara til sögunnar. Fyrir nokkrum árum var mikil gagnrýni uppi í þjóðfélaginu vegna ...

Lesa meira

SAMGÖNGURÁÐHERRA TALAR FYRIR AUKINNI GJALDTÖKU

Birtist í Morgunblaðinu 28.06.06.
...Að undanförnu hafa landsmenn fengið að heyra alls kyns uppástungur um veg hér og veg þar, sem einkaaðilar vilja leggja. Síðan er ætlunin að rukka okkur fyrir afnotin. Samgönguráðherra er ábyrgur fyrir samgöngukerfi landsins. Það á að vera okkur öllum til afnota. Ráðherrann verður að færa haldbær rök fyrir máli sínu áður en hann veitir fyrirtækjum frekari aðgang að pyngjum okkar en þegar hefur verið gert.
Samgönguráðherra leggur til dýrara fyrirkomulag en við búum nú við og jafnframt aukna skattheimtu. Þetta gengur ekki án nánari skýringa og umræðu...

Lesa meira

GOTT FRAMTAK HJÁ ÁLFHEIÐI OG HELGA

Álfheiður Ingadóttir og Helgi Hjörvar, sem sæti eiga í stjórn Landsvirkjunar kröfðust þess á stjórnarfundi í gær að aflétt yrði leynd yfir verði á raforku til stóriðjufyrirtækja.
Forstjóri Landsvirkjunar mætti í kjölfarið í alla fjölmiðla og sagði að slíkt væri af og frá því þá gætu væntanlegir stóriðjukúnnar borið sig saman við fyrri kúnna og það væri Landsvirkjun ekki hagstætt. Les: Svo slæma samninga hefur Landsvirkjun gert að ekki er rétt að upplýsa væntanlega viðskiptavini í stóriðjubransanum um kjörin! ...Helgi Hjörvar var eini Samfylkingarfulltrúinn í stjórn Landsvirkjunar sem greiddi atkvæði gegn samningunum við Alcoa á sínum tíma, hinir studdu hann. Á þeim tíma átti VG ekki fulltrúa í stjórn Landsvirkjunar.  Það var ekki fyrr en vorið 2003 að Álfheiður Ingadóttir var kjörin stjórnarmaður í Landsvirkjun og hún stóð að fyrrnefndri tillögu í gær. Hvernig skyldi standa á því að í fjölmiðlum skuli hún ekki innt álits á málinu, aðeins Helgi Hjörvar? Hafi Morgunblaðið og Fréttablaðið ekki fundið myndir af Álfheiði Ingadóttur í safni sínu, þá bæti ég úr því með því að birta hér mynd af fulltrúa VG í stjórn Landsvirkjunar og er fjölmiðlum frjálst að nýta hana í frekari fréttaflutningi af þessu máli..

Lesa meira

EINAR ÖGMUNDSSON ALLUR: GEKK HVERGI SPORLAUST YFIR JÖRÐ

Í dag var borinn til grafar Einar Ögmundsson, frændi minn og náinn vinur. Útför hans var gerð frá Dómkirkjunni í Reykjavík og var prestur séra Þórir Stephensen en hann var þremenningur við Einar að frændsemi og var með þeim vinátta. Séra Þóri mæltist einstaklega vel og flutti hann einhverja sterkustu ræðu sem ég hef heyrt flutta við slíka athöfn. Var þetta almennt mál manna. Hinn pólitíski litur séra Þóris Stephensens er ekki rauður heldur blár eins og þeir vita sem til þekkja. En vini sínum - skoðunum hans og hugsjónum -  var hann trúr. Þess vegna var ræðan undir áhrifum hinna rauðu baráttufána hins unga Einars Ögmundssonar...

Lesa meira

MÖGNUÐ MENNINGARHÁTÍÐ Í MUNAÐARNESI


Einhverjar ánægjulegustu samkundur sem ég kem á eru hinar árlegu Menningarhátíðir BSRB í Munaðarnesi. Þar rekur BSRB öflugustu orlofsbyggð verkalýðshreyfingarinnar í landinu, hátt í hundrað sumarhús ásamt þjónustumiðstöð. Í Munaðarnesi er á hverju sumri - og hefur verið allar götur frá byrjun tíunda áratugar síðustu aldar - efnt til málverkasýningar en við opnun hennar er síðan haldin Menningarhátíð sem við BSRBarar skrifum með stórum staf því svo heitir þessi viðburður.  Á Menningarhátíðinni er boðið upp á það besta á sviði ljóðlistar og í söng og músík. Listamaðurinn sem sýnir í Munaðarnesi að þessi sinni er Gísli B. Björnsson og kallar hann sýningu sína, Ljós og litur í landslagi. Verk hans...

Lesa meira

EFTIRÁFRÉTTAMENNSKA

Í kvöldfréttatíma RÚV í dag var prýðilega unnin og upplýsandi frétt um ný lög um flugleiðsöguþjónustu og flugvallarekstur. Þessi starfsemi, sem í eðli sínu er einokunarstarfsemi, verður markaðsvædd, þ.e. gerð að hlutafélagi. Þessi lög voru samþykkt á Alþingi í gær gegn mótmælum starfsmanna, bæði þeirra sem eru í Félagi flugumferðarstjóra og Félagi flugmálastarfsmanna. Þessi félög höfðu reitt fram ýmis gögn máli sínu til stuðnings. Ég hef grun um að fáir hafi kynnt sér þau. Ekki ætla ég að lasta fréttaflutning RÚV í kvöld. Hann var þvert á móti prýðilegur sem áður segir. En hvers vegna fengum við ekki slíka umfjöllun fyrr, áður en lögin eru samþykkt og allt um seinan?  Í fréttatímanum var rætt við Loft Jóhannsson, formann Félags flugumferðarstjóra. Hann var greinargóður að vanda. Hann...

Lesa meira

Frá lesendum

LOFORÐAVERTÍÐIN BYRJUÐ

Nú kjörtímabilið er klárlega búið
kófsveittir akta á bæði borð
En samstarfið var jú lélegt og lúið
lítið heyrðust trúverðug orð.

Í frjálshyggjunni ei frelsi sést

flokksmenn snúa til varna
En væri ekki lang lang best
að leiða í burtu Bjarna?
...
Höf. Pétur Hraunfjörð

Lesa meira

JÁ NÚ ER KOMIÐ AÐ ÞVÍ

Nú sósíalistar setjast á þing
Sjálfstæðis flokks að gæta
Með alþýðu nú Nallann syng
úr neyðinni vaskir bæta.

Hér svik og lygi sitt á hvað
sjáum nú alla daga
í September við sjáum það
hverjir sultarkjörin laga.

Í lífsins skóla lærði fljótt
að loforð frambjóðenda
Lifðu alls ekki eina nótt
á lygina vildi benda.
...
Höf. Pétur Hraunfjörð

Lesa meira

BRANDARAKALLARNIR SEM GERÐU ÍSLAND GJALDÞROTA

Óli Björn gerir grín að sósíalisma – „Kastró er ekki búinn að vera fimm mínútur í helvíti og við erum þegar byrjaðir að fá flóttamenn“.  Ég man Þegar Íhaldið sá um fjármálaráðuneytið 2008 og Gerði Ísland GJALDÞROTA. Almenningur missti húsnæði og vinnu og FLÚÐI land!

Brandara kallinn Óli Björn
baunar á sósialisma
Virðist í frjálshyggju vörn
hatar víst komonista.

Sósíalistum ég sendi hug
saman hafið valdið
Með samstöðunni sýnið dug
sækið á auðvaldið.

Ráðherraliðið rauk nú austur
í rólegheita kjaftalotu
En fáránlegur var fjáraustur
fóru víst í einkaþotu.
...
Höf. Pétur Hraunfjörð.

Lesa meira

NÚ ER ÞAÐ NALLINN!

Sósíalistar sigla á þing
seinna á þessu ári
Auðvitað nú Nallann syng
nelgdu það Gunnar Smári.

Aðalheiður er alveg óð
aldeilis illa hitti
segir sjómenn veiða kóð
og sýkta ormatitti.

Sautjándi júlí kemur senn
sjötíu og fjagra verður þá
Hann segist í fullu fjöri enn
farðu varlega og slakaðu á.
...

Höf. Pétur Hraunfjörð.

Lesa meira
Allt Frá lesendum

Fréttabréf

 

Frjálsir pennar

Þórarinn Hjartarson skrifar: ÓPERASJÓN BARBAROSSA – ENN OG AFTUR

Áttatíu ár eru í dag liðin frá innrás Þýskalands í Sovétríkin, Óperasjón Barbarossa, mannskæðasta glæp veraldarsögunnar. Haldið er upp á afmælið með mikilli samræmdri heræfingu í Austur-Evrópu undir bandarískri stjórn, gegn Rússlandi. Æfingin sem nefnist  DefenderEurope 2021 stendur nú yfir en er dreift á nokkrar vikur í 12 Austur-Evrópulöndum, á landi og sjó. Þátt taka 37 þúsund hermenn frá 27 löndum, þar á meðal frá hinum 14 nýju aðildarríkjum NATO í Austur-Evrópu. Öll fer æfingin fram í Austur-Evrópu, frá Eystrasalti til Svartahafs og Balkanskaga ...

Lesa meira

Baldur Andrésson skrifar : “VANDASAMT ER VEGABRASK”

... Árás á sameignarviðhorf um almannavegi birtist í Vaðlaleiknum. Það högg reyndist klámhögg og verður því ekki sértjaldað vegabraski til framdráttar. Sú er ástæðan fyrir þöggun og yfirklóri, enda eru önnur plön um vegabrask í bígerð. Að auki er orðstýr skapara absúrd Vaðlaleiks þeim mikilsverðastur af öllu. Því er reynt að fela öll óhreinindin, allt kusk á hvítflibbum dustað af þeim sem með spunavald fara gagnvart almenningi. Eftir stendur þó ...

Lesa meira

Kári skrifar: HVER Á VINDINN? - BRASK MEÐ ALMANNAGÆÐI

Umræða um vindorkuver á Íslandi hefur varla farið framhjá nokkrum einasta manni undanfarna mánuði og ár. Fjölmiðlar hafa greint frá mjög glannalegum áformum um stóra vindorkugarða, oft í eigu erlendra aðila. Þetta er enn einn anginn af botnlausri græðgisvæðingu samfélagsins. Ætlunin er að fórna landsvæði, útsýni og fuglalífi á altari fáeinna braskara og jafnvel fjárglæframanna.  Fjölmiðlar margir eru gagnrýnislausir, segja einungis frá áformunum en tengja þau ekkert við stærra samhengi. Eftir því sem áherslan eykst á „græna orkugjafa“ sjá braskararnir sér einfaldlega leik á borði að ...

Lesa meira

Þórarinn Hjartarson skrifar: FRÁSÖGN KJARTANS ÓLAFSSONAR AF ÍSLENSKUM KOMMÚNISTU

...Pólitískur klofningur verkalýðsaflanna á Íslandi birtist í stofnun KFÍ og brösóttri sambúð hans við Alþýðuflokkinn. Af hverju var sú sambúð svo erfið? Hverjir klufu mest? ASÍ var samvaxið Alþýðuflokknum frá stofnun, 1916. Allt frá 3. áratugnum predikuðu kommúnistar aðskilnað verkalýðsfélaga frá flokknum og stofnun óháðs verkalýðssambands, en kratar hindruðu það. Flokksfélögum kommúnista var meinuð aðild að Alþýðusambandinu, og ekki bara það – krataforingjarnir ákváðu að aðeins Alþýðuflokksmenn skyldu kjörgengir til trúnaðarstarfa innan sambandsins. Þeir klufu verkalýðsfélög hiklaust ef kommúnistar höfðu þar forustu, stofnuðu ný félög og véku hinum úr ASÍ. Þetta var alvarlegasta klofningsstarfið í hreyfingunni. Kjartan Ólafsson kemur inn á þessa klofningsaðferð kratanna, lýsir henni málefnalega (t.d. bls. 87) en hefur samt ekki um hana mörg orð ...

Lesa meira

Baldur Andrésson skrifar: FUGLAR OG FÓLK.

Rjúpa ein hvílir í klóm frænda síns, fálka. Haldin Stokkhólmseinkenni, unir rjúpa sér vel eftir atvikum og bæði segja samband sitt samþykkt í nafni samstöðu. Yfir sveimar vígalegur konungur fugla, fálka og rjúpu, örn, sem kallast Sammi á stundum og veit vel af yfirvaldi sínu yfir þeim frændsyskinum í samstöðubandinu.
Með sunnavindi bárust nýlega öllu fuglageri Íslands vondu tíðindin af harmi kúgaðs fólks í Palestínu, fjöldadrápi á fólki í fangabúðum, fjölþættum ofsóknum um langan tíma á svæði þar sem hatrið ríkir. Hugaður ...

Lesa meira

Kári skrifar: STOFNUN UM SAMVINNU LANDSREGLARA (ACER) - Framsal íslensks ríkisvalds  - Framhaldsumræða

  Í síðustu grein var rætt um tilurð og stofnun ACER og reglugerðirnar sem þessi stofnun landsreglara byggist á. Eftir því sem sumir stuðningsmenn orkupakkanna, sérstaklega á þingi, tjá sig oftar og meira, þeim mun augljósari verður djúpstæður þekkingarskortur þeirra á heildarsamhengi málsins. Málflutningur þeirra minnir helst á tal krakka sem eru að byrja að átta sig á heiminum og reyna að skilja muninn á hlutbundnum og óhlutbundnum veruleika...

Lesa meira
Allt Frjálsir pennar