Nýir kjölfestufjárfestar í Atlantsskipum

Undir myndinni af Atlantsskipum er alrangur myndatexti og ávallt skal hafa það sem sannara reynist: Nýir kjölfestufjárfestar í Atlantsskipum: Ögmundur Gróðdalín til vinstri, Össur Bisness til hægri. Að sögn Stefáns Kjærnested, sem er fyrir myndinni miðri, var tími til kominn að hleypa nýju blóði í starfsemina og stokka aðeins upp. "Reksturinn hefur jú verið í járnum vegna launakostnaðar, í áhöfnum skipanna hafa verið allra þjóða kvikindi sem gefa ekkert eftir þegar peningar eru annars vegar. Verstir eru andskotans Pólverjarnir." Nú er stefnt að því að skera þennan kostnað verulega niður með kaupum á górillum. "Það hefur sýnt sig að górillur geta með sáralítilli þjálfun leyst margvísleg störf af hendi," segir Össur Bisness en hann hefur víðtæka þekkingu á þessu sviði og er dýrafræðingur að mennt. "Skipperinn verður auðvitað að vera í mannsmynd en að öðru leyti gerum okkur vonir um að apa megi skipin upp komplett", bætir Ögmundur við og segir að þeir félagarnir hafi þegar kynnt sér afstöðu Dýraverndunarsamtaka Íslands, sem hafi tekið málinu með opnum huga og af mikilli jákvæðni. Já, það verður ekki annað sagt en spennandi hlutir séu að gerast í íslenskri flutningastarfsemi. Landinn má búast við snarlækkandi farmgjöldum og þar af leiðandi lægra vöruverði.

Jón frá Bisnesi

Ágæti Jón! Ekki ætla ég að hafa mörg orð um þetta en ekki er ég viss um að við Össur skrifum upp á þennan myndatexta sem hér er lagður til.

Ögmundur

Fréttabréf