Fara í efni

Þegar blautligur húsgangur verður að vinstrigrænni þjóðrembu

Ekki verður á fyrrverandi framsóknarmenn og núverandi flokksbræður þína logið Ögmundur. Nú hafa þeir kumpánar Jón Bisnes og Ormur á Kögunarhóli tekið gamlan húsgang úr hreppunum og snúið honum upp í níð um flokk Jónasar frá Hriflu eða Gunnar á hólmanum. Húsganginn kenndi fóstra mín mér þegar kynhvötin var að vakna hjá mér og ég hálf skammaðist mín fyrir draumfarir mínar. Þennan kviðling sagði hún hafa gengið mann fram af manni í hreppnum okkar og ungum piltum ævinlega sagður til að gera þeim grein fyrir að þessar heimsóknir í æsandi draumalönd væru öllum náttúruleg.

Húsgangurinn fer hér á eftir og síðan birti ég vísur þeirra Orms og Jóns og sér þá hver heilvita maður að þeir hafa hafa afskræmt þennan blautliga húsgang all verulega. 

 
Í drauminum fagra ég dáleiddur sá
Drottningu sem kynhvötin eigi fær flúið
Flaggstöngin stælt af þrútinni þrá
Þursinn öskrar og svo er allt er búið 

Þjóðremba Orms: 

Í hólminum fagra ég heillaður sá,
þar sem hetjan forðum lét aftur snúið,
í tunglskini fugla, fífur og strá
og fagurt himinhvel gimsteinum búið. 

Vinstragrænt bull Jóns: 

Nú er landstólpi fallinn í dauðadá
og dóminn hinsta fær enginn flúið.
Hann er nú sem lítill steinn eða strá,
stríðið er tapað og senn er það búið.

Fróði á Rofabarði