Um unglingadrykkju

Blessaður.
Þetta er fínt innleg hjá Guðrúnu (sjá les.bréf 10/3). Hins vegar er unglingadrykkja þ.e.a.s hve oft unglingar "detta í það " að aukast hvernig sem á  það er litið og því ekki um tegundabreytingu að ræða . Breytingin er  sú að unglingar drekka bjór í miklum mæli. "Landi"  kemur alltaf upp af og til og landasölumenn "aðlaga alltaf verið" kúnnunum, hafa heppilegar pakkningar 1/2 liter  á 1.000 kall eða eitthvað álíka, allt miðað út frá kaupgetu unglinganna.
Neysla er  að aukast  og samkvæmt niðurstöðu Rannsóknar og Greiningar þá hefur neyslan aukist einna mest hjá stúlkum í 10. bekk. Foreldrasamtök, skólinn  og félagsmiðstöðvabransinn hefur haft þau markmið að hafa grunnskólann  vímuefnalausan. Í þeim efnum haf menn komist afar nærri og  náð  verulegum árangri sérstaklega ef litið er til lengri tíma t.d. ef borinn eru saman skóladansleikir fyrir 30 árum  og í dag. Hins vegar sýna kannanir að við erum að missa hluti til baka  og  þar koma til sögu  að mínu mati þessar grímulausu áfengisauglýsingar sem sérstaklega er beint að börnum og ungu fólki.
Áfengiskultúr og bjórinn er  önnur umræða því vissulega er margt sem breyst hefur til batnaðar með tilkomu bjórsins , annað getur verið umdeilanlegt  og enn annað algerla út úr korti  eins og hvernig framleiðendur og innflytjendur bjórs virða algerlega að vettugi rétt barna og unglinga með grímulausum áfengisauglýsingum sem  sérstaklega er gerðar með þennan hóp í hug.  Þetta stríðir gegn uppeldismarkmiðum foreldra , foreldrasamtaka , skóla og fleiri og um þetta snýst umræðan . Vímuefnalaus grunnskóli er raunhæft og gott markmið, vel framkvæmanlegt svo fremi sem menn fá frið til þessa að sinna því fyrir þessum boðflennum sem áfengisauglýsingar eru í lífi barna og unglinga.
Kveðjur Árni