AÐ HRUNI KOMINN 2004

Hér á síðunni hefur þú oft vakið athygli á ýmsu uppbyggilegu sem er að gerast á róttækari væng stjórnmálanna, eða eigum við einfaldlega að segja, á þeim væng stjórnmálanna þar sem ekki ríkir doði og meðvitundarleysi.  Mig langar til að vekja athygli á námssmiðju um NATÓ, sem á að hefjast á miðvikudaginn n.k. kl. 17-19 og á að enda í lok janúar. Nemendur hittast á tveggja vikna fresti. Staður...
N.N.

Einu sinni var kanadískt olíufélag sem langaði að slá sér niður á Íslandi og selja Íslendingum ódýrara bensín og útgerðinni ódýrari olíur. Þetta vildi olíufélagið gera vegna þess að það vissi, eins og við öll, að hér ríkti fákeppni og hér var hægt að græða á bensínsölu. Þetta var um svipað leyti og Reykjavíkurlistinn lagði íhaldið að velli í Reykjavík. Áhugi Kanadamannanna vakti vonir alþýðukonu um lægra orkuverð og hún fylgdist spennt með tilraunum þeirra til að koma sér fyrir í Reykjavík og nágrenni. Eitthvað gekk það illa. Skyndilega varð lítið framboð af lóðum undir bensínstöðvar, erfiðleikar að koma olíuskipum að í höfnum í Reykjavík og þannig mætti ...
Ólína

...Það var nefnilega þannig að þegar Ingibjörg réði Þórólf sagði hann henni sjálfur frá því að hann væri í rannsókn Samkeppnisstofnunar vegna meintrar aðildar hans að samráðinu. Hún vissi því af áhættunni og þetta sagði Þórólfur henni til að hún gæti metið áhættuna af því að ráða hann. Hún hefði getað leitað til manna einsog Ragnars Aðalsteinssonar hrl., eða leitað óformlega ráða hjá Samkeppnisstofnun. Ingibjörg Sólrún klúðraði hvorutveggja. Hún sagði ekki einu sinni...
MT

...Annars erum við í Snotru á því að þetta sé aðeins lítið brot af ísjakanum. Hvað um samráð tryggingafélaganna, bankanna, símafélaganna,  byggingarvöruverslana, matvöruverslana og fleiri og fleiri? Gunnar Birgisson, þingmaður Íhaldsins, hélt tárvota ræðu á þinginu í vikunni þar sem þessi mál voru til umræðu. Hann sagðist harma að menn væru tilbúnir að hengja þá menn sem hrasað hefðu í þessu máli. Um bæinn gengju menn með snærishönk í vasanum, þá væntanlega til að hafa hengingarsnúruna klára. Ábúendur hér í Snotru eru ekki mikið gefnir fyrir að hengja fólk, erum því reyndar fráhverf. Hins vegar þarf að ...
Runki frá Snotru  

...Nú er skyndilega komin upp ný staða. Tveir risar hafa slegið sér niður á fjölmiðlamarkaðnum og báðir eru símafyrirtæki, dreifendur og framleiðendur efnisins sem fjölmiðlarnir framleiða. Á blaðamarkaðnum ráða Norðurljós yfir dreifingunni, og í ljósvakanum eru Síminn og Og fjarskipti dreifendur og framleiðendur efnis. Brynjólfur Bjarnason forstjóri Símans er aðal talsmaður Skjás eins og norðurljósabatteríð, eða fjölmiðlarnir sem eru undir því skilti, eru nú undir stjórn eins manns sem að því er virðist er bæði handgenginn aðaleigendum samsteypunnar og er þarf fyrir utan einn af eigendum fyrirtækisins...Talsmenn Norðurljósa halda ekki vatni yfir stjórnvisku Sigurðar G. Guðjónssonar...Ef marka má yfirlýsingar norðurljósamanna á hann stærstan þátt í að koma í veg fyrir endanlegt gjaldþrot Norðurljósa. Af hverju var hann þá rekinn, eða af hverju þurfti að fórna honum? Getur verið að hann sé...
Stefán

...Þú nefnir þarna að Ríkisstjórnin sé að koma Þjóðareignum til fákepnisrisanna. Hefði ekki átt að samþykkja fjölmiðlafrumvarpið? En áfram með Olíufélögin. Þetta er Þjófnaður um hábjartan dag.
kv. Gunnar

BSRB á þakkir skildar fyrir að standa að fundinum um drög að þjónustutilskipun ESB, þar sem fulltrúar samtaka evrópskra opinberra starfsmanna kynntu viðhorf sín. Mér finnst hins vegar upplýsingar þeirra undirstrika enn frekar nauðsyn þess að menn einsog Ögmundur sláist í lið með okkur Evrópusinnum, taki upp baráttuna fyrir að ganga þar inn, til að við getum læst okkur þar saman í sameiginlegri baráttu gegn ýmsu miður góðu sem þar er á ferð. Ég trúi því nefnilega í hjarta mínu að það sé ekki erfitt að breyta Evrópusambandinu í átt að auknu lýðræði, og í átt að vinsamlegri stefnu gagnvart þróunarríkjunum. Viðskiptafrelsi þeirra inn á svæði ESB tel ég vera bestu aðferðina til að hjálpa þeim til að brjótast til bjargálna. Ég treysti mér til að fara langt í að breyta sambandinu í þá átt ef ég hef vaska baráttumenn einsog eiganda þessarar heimasíðu...
Össur Skarphéðinsson,
formaður Samfylkingarinnar.

Þú segir: "Talið er að fjárfestingin fyrir hvert starf í tengslum við stóriðjuna fyrir austan kosti á bilinu 300 til 500 milljónir króna." Ég spyr því, hvað tekur langan tíma að borga það niður? Þetta er væntanlega tekið af skattpeningum okkar Íslendinga...
Hrafnkell Daníelsson

Vinstri menn og konur fóru um langa hríð í árvissar Keflavíkurgöngur gegn hersveit á Miðnesheiði. Nú er varnarliðið farið, en þá allt í einu spretta  fram Vinstri grænir og taka sér varðstöðu - um íslenska kvótahafa. Hvað næst? Keflavíkurgöngur gegn Vinstri grænum?
Svik sjálfsæðismanna við eigin gildi, þeas eignaréttinn og frjálsa samkeppni eru svo sem augljós. Þeir mega þó eiga það 1% hægrimennirnir að þeir eru ...
Emil J. Ragnarsson.

Á húsvögnum nú hendast um landið
hamast við að slappa af
Með kórónuveiruna blús og blandið
og fimmþúsundin sem Bjarni gaf.

Nú Samherjasirkusinn sjáum
því saklausar aðgerðir dáum
múlbinda tarfinn
börnin fá arfinn
öllu haldið á svæðum gráum?
...
Höf. Pétur Hraunfjörð. 

Undan flæddi ógnarhratt,
áttu von á meiru.
Þegar fór svo fylgið bratt,
flaut á Kóvíd-veiru.
...
Kári

Flugfreyjur eiga í fágætum vanda
félagsmenn þarna nú illa standa
verður sú raunin
að lækka launin
og nýja félagið samningum landa.
Höf. Pétur Hraunfjörð.

Í fjölmiðlum kemur fram að innan heilbrigðisgeirans sé gagnrýnt hve hratt eigi að fara í að opna landið fyrir ferðamönnum. Nú les ég að skattgreiðendur verði látnir greiða reikning til breskrar auglýsingastofu upp á fleiri hundruð milljónir til að trekkja að sem allra flest aðkomufólk. Af þessi vakna tvær spurningar: 1) Meina stjórnendur þessa lands ekkert með tali sínu og skrifum um að kaupa eigi íslenskt? 2) Eitt er að opna landið, annað að vilja gleypa allan heiminn! Þykir þetta góð dómgreind? Var meiri hófsemi í ferðamennskunni ekki ...
Sunna Sara

Oft hef ég séð þig skrifa til stuðnings ferðamennsku Ögmundur. Ég hef verið þér sammála en finn að ég er að snúa við blaðinu - svona innra með mér.
Nú í veirufárinu er ferðamennskan fyrir bí - í bili.
Hvílíkur léttir! Getur ekki orðið of mikið um áganginn af ferðamönnum - bæði þeim hér og þá sömuleiðis af okkur í útlöndum? Barselóna og Feneyjar vilja helst ...
Jóhannes Gr. Jónsson

Útgerð fær án endurgjalds,
auðinn kvóta hylja.
Draga tauminn dýpra valds,
drekkja þjóðarvilja.
...
Kári

Kapítalisminn er kominn að þrotum
kemur ei lengur að nokkrum notum
lítill er gróði
misnota sjóði
og væla út fé með augum tárvotum.
Höf. Pétur Hraunfjörð.

Með fagurgölum og fuglasöng
ferðumst í gegnum lífið
Kannski verður kreppan löng
upp kærleikann því hífið.
Höf.Pétur Hraunfjörð.

Komdu sæll og ávallt blessaður. Þar eð þú ert fyrrum þing- og enbættismaður langar mig að koma því í letur til þín nú þegar allar horfur eru á að mikill fjöldi manna verði á launum  hjá ríkinu að þegar túrisminn kom svo ört til landsins að fólkið örnaði sér úti um móa og holt í landinu til litils sóma, hvort ekki væri nú tækifæri nú til að setja göngustíga, varnargirðingar, salerni með nýfengnu vinnuafli? ...
Jónas