AÐ HRUNI KOMINN Nóvember 2005

...Hef miklar áhyggjur af útþynningu tungunnar, sem er viðvarandi vandi. Er ekki hins vegar ráð að fara dusta af orðinu "maður" og árétta að það á bæði við um konur og karla. Eða eru karlar einungis þeir sem geta verið mannlegir og konur þá kvenlegar þegar talað er um humanity! Þingkonur er svo sem í lagi, en ambögurnar þingkarlar, sýslukonur, o.fl eru ekki fallegar né hafa nokkurt gildi í jafnréttisbaráttunni. Stóru málin eins og launaleynd, takmörkuð starfsréttindi trúnaðarmanna á vinnustöðum við að ná fram upplýsingum um launakjör o.fl halda áfram að verða...
Borgþór

Þrátt fyrir bölv og ragn vegna Kárahnjúka fer frændi minn þangað alltaf aftur - og aftur.  Kemur svo þaðan enn verri en fyrr. Síðast spurði hann mig. "Getur það verið eðlilegt að vinna við það að snúa bor inní miðju fjalli í hálft ár án sýnilegs árangurs?"
"Er eitthvað vit í að líma saman grjót?" Síðan spurði hann: "Er eðlilegt að ég sé farinn að sakna Kolkrabbans og hafa samúð með  Hannesi  Hólmsteini?"
Svo endar hann alltaf á þessu...
Runki frá Snotru

Það er frábært að fá Guðmund Magnússon inn á þing sem varamann þinn Ögmundur. Hann er góður málsvari okkar öryrkja einsog þú ert reyndar einnig sjálfur. Ég er ekki VG fyllilega sammála í Evrópumálum og er ekkert svona óskaplega uppsigað við Kárahnjúkavirkjun og ykkur í VG. Í samfélgsmálum er ég hins vegar...
Öryrki (sem mun kjósa VG )

Ég les um það í fjölmiðlum að forseti Íslands Ólafur Ragnar Grímsson og Dorrit Moussaieff forsetafrú hafi þegið boð um að vera viðstödd embættistöku Alberts II. fursta af Mónakó. Okkur er sagt að þessu fylgi veisluhöld, hersýning og fótboltaleikur "í tilefni embættistökunnar." Eflaust er það rétt, sem Morgunblaðsvefurinn segir okkur "að ýmsir þjóðarleiðtogar víðsvegar að úr Evrópu" verði einnig viðstaddir embættistökuna. Nú er Monakó furstadæmi sem fyrst og fremst byggir á spilavítum og þar með grundvallað á afar vafasömum grunni. Mér finnst forsetanum frjálst að heimsækja þetta fólk sem prívatpersóna en vafasamt að gera það í okkar nafni. Í nafni þjóðarinnar á ekki að ...
Sunna Sara

Eru þið Guðmundur Gunnarsson, Össur og fleiri orðnir kolvitlausir í ummælum ykkar um starfsmannaleigur. Eru engin lög um neitt á Íslandi t.d. meiðyrði. Geta ríkisfyrirtæki notað glæpaaðferðir til að koma á hné fyrirtækjum sem þeim er illa við? Ég þekki hjónin sem stofnuðu 2B og veit að þau reyndu að gera allt eins rétt og löglegt sem kostur er og hafa samráð við alla þá aðila sem NÚ vilja koma þeim á kné, löglega eða ólöglega. Þau voru himinglöð í byrjun því að þetta var svo gaman, því báðir aðilar voru himinlifandi, bæði Pólverjar og ísl. atvinnurekendur. Svo varð fjandinn laus og...
Guðmundur Eiríksson, Selfossi

Ekki veit ég hvort okkur hér á Snotru misheyrðist, þegar menntamálaráðherrann okkar lýsti því yfir á Akureyri nýlega, að það sýndi framsýni hjá skólastjórn Háskólans á Akureyri að leggja niður tvær deildir af sex. Sjálfsagt hefði skólastjórnin að mati ráðherrans sýnt enn meiri framsýni ef hún hefði ákveðið að leggja skólann allan niður. Sjálf hefur Þorgerður menntamálaráðherra sýnt mikla framsýni í málefnum Listdansskóla Íslands því hún tilkynnti nýlega að til stæði að loka þeim skóla fyrir fullt og allt. Þessu var mótmælt eins og þeirri framsýni ráðherrans að vilja...
Runki frá Snotru

Halldór Ásgrímsson svaraði í dag spurningum þingmanna Vinstrihreyfingarinnar græns framboðs á Alþingi um álstefnu Framsóknarflokksins. Þessu voru gerð góð skil í sjónvarpsfréttum í kvöld. Framsókn er sem kunnugt er haldin óstöðvandi áhuga á að reisa álver. Þegar smíði eins álvers lýkur þarf að hefjast handa um smíði næsta álvers eða stækka þau álver sem fyrir eru.  Engu líkara er en Framsókn vilji gera Ísland að einu stóru álveri. Stalín hefði ekki gert betur sagði Jón Bjarnason. Stundum hafa menn líkt áláfergju Framsóknar við trúarbrgögð. Spurning hvort formaður Framsóknaflokksins líti ekki einmitt svo á sjálfur eða var hann kannski bara seinheppinn þegar hann sagði...
Sunna Sara

Þær eru margar og mis matarmiklar lífeyris og eftirlaunakökurnar í þessu þjóðfélagi sem þeir sem gegnt hafa ráðherra- og alþingismennsku hafa bakað sér, með hráefni frá okkur almúganum; alveg einstaka og matarmikla eftirlaunaköku og það sem meira er þeir geta farið að borða hana löngu áður en þeir í raun hætta störfum, eins og dæmin sýna. Síðan eru það starfsmenn ríkis og bæja. Á þeim bænum er alveg gulltryggt að kakan sem býður þeirra við starfslok, er alltaf fersk og heldur sínu næringargildi á öllum tímum. Komi í ljós að minnsta rýrnun hafi orðið á næringargildinu , þá er bara náð í meira fóður...
Sævar Helgason

Eru borgarstjórnarkosningar nú á föstudaginn? Það er algjörlega með ólíkindum hvað þessi fánýti slagur milli tveggja karla tekur mikið pláss, tíma og athygli fjölmiðla nú dögum og vikum saman. Talað er eins og verið sé að takast á um eitthvað sem máli skiptir. Á dögunum var í morgunsjónvarpi Stöðvar 2 beinlínis sagt að borgarstjórnarkosningarnar byrjuðu nú á föstudaginn en þó tók steininn úr þegar Ólafur Þ. Harðarson prófessor var tekinn tali í fréttum Ríkissjónvarpsins og spurður hvernig hann læsi í ...
Fjóla

Væntumþykja voldug er
í vísukorni mínu;
er unaðar ég óska þér
á afmælinu þínu.
...
Kristján Hreinsson

Hamingjuóskir færðu hér
til hamingju með daginn.
Þetta er frá Þóru og mér
eigðu afmælisbraginn. 
Höf. Pétur Hraunfjörð

Í allri umræðunni um OP3 er fáum ljós sú staðreynd að ESB þarf ekki, frekar en aðrir, að seilast yfir lækinn eftir orku. Eftir um 3 ár eða svo þarf ekkert ríki að ásælast orkuauðlindir annarra, hana er næga að finna í bakgarðinum heima hjá hverjum og einum. Þetta er hægt að færa sönnur á hér heima og HÍ hefur lofað framtakið, gefið grænt ljós EN ekkert verður úr vegna þvermóðsku tæknistoðkerfisins.
Hafsteinn Hafsteinsson

Á flugmarkaði er fjandinn laus
fjölmörg sjáum þreifin
Nú Icelandair víst hallar haus
á hálfvirði fáum bréfin.

Tómur af viti er talinn
en tækifæra sál
Samt var ´ann valinn
að sjá um bankamál. 
Höf. Pétur Hraunfjörð.

Landsréttur er liðónýtt undur
og lagalegt fúafen
Sjáið kaldrifjað klíku dundur
eftir Sigríði Andersen!!
...
Höf. Pétur Hraunfjörð.

Alheims-kreppan kemur brátt
kunnugir hafa þanka
því Haarde ætlar stefna hátt
og rústa Alþjóðabanka.
...
Höf. Pétur Hraunfjörð

Nú lifnar við gamli vaninn
víst þekjum öll leiðina
Kominn er helvítis kaninn
aftur á Miðnesheiðnina. 

Gáfnasvip hann Bjarni ber
þó brösugleg sé slóðin
Ég fljótlega mun forða mér
fái ´ann þjóðarsjóðinn.
...
Höf. Pétur Hraunfjörð.

Ellina hér flestir fá
og falla í kör
Upphefð jú allir þrá
að verða SÖR.
Höf. Pétur Hraunfjörð.

Ég er jafngamall lýðveldinu
einn af fyrstu börnum þess
Yfir alþingi lauslátu og linu
er landinn almennt óhress.
...
Höf. Pétur Hraunfjörð

Íslnskir blaða- og fréttamenn hafa ályktað til varnar Wikileaks. Það er fagnaðarefni og um leið undrunarefni. Ég hélt sannast sagna að íslenskir fréttamenn hefðu almennt lagt sig til svefns og svæfu svefninum langa þegar kæmi að gagnrýninni fréttamennsku, hvað þá að verja þá sem NATÓ ríkin ofsækja. Á þingi er í seinni tíð hins vegar lítið um varnir og orði aldrei hallað á blóðugt NATÓ hernaðarbandalagið. Um mál Julian Assange er helst spurt hver hafi sagt hvað og hver megi segja hvað, aldrei er spurt um afstöðu eða hún viðruð í málum af þessu tagi. Það róttækasta sem heyrist úr þinghúsi og ráðhúsi er krafa um að kæligeymslu verði komið fyrir í ...
Sunna Sara