NÆST JAFNVÆGI Á VINSTRI KANTINUM?

Á það var bent hér fyrir nokkrum dögum að styrkur VG lægi í því að flokkurinn hefði þorað aða tala.  Við þorum þegar hinir þegja var sagt.  Daginn eftir að þess var getið hér á síðunni hafði  Ingibjörg Sólrún Gísladóttir bersýnilega lært af síðunni ogmundur.is og sagði enfremur að fylgisleysi Samfylkingarinnar stafaði af því að Samfylkingin væri of pólitisk. Þetta er reyndar næsta átakanleg skýring en engu að síður athyglisverð einkum þegar þess er gætt að hún kemur frá formanni stjórnmálaflokks sem eiga að jafnaði að vera frekar pólitískir ef eitthvað er. En fylgistapið stafaði af því sagði hún að við þorum þegar hinir þegja. Hún hélt ræðu um efnið í flokki sínum á laugardag en meginhluti ræðunnar fjallaði annars um Baug. Annar leiðtogi stjórnarandstöðunnar hélt ræðu sama dag og talaði mest um útlendinga en gleymdi að geta þess  sem er aðalatriðið að innflutt vinnuafl hefur bjargað efnahagslífinu í byggingarkranafrumskóginum Íslandi. Svo kom Jón Baldvin Hannibalsson og talaði skynsamlega um efnahagsmál en lét þess ekki getið að öll pólitíkin sem hann rakti út úr sér var pólitík VG; hann gat hins vegar ekki höfundarins. Hvorki Steingríms eða Ögmundar.

Veruleikinn er þessi: Vg hefur boðað nýja hagstjórn.

Vg hefur boðað stöðvun á stóriðjuæðinu.

Vg hefur boðað endurreisn velferðarkerfisins og þar með afnám komugjalda og sjuklingaskatta, ókeypis skólakerfi, nýja menntastefnu.

Samfylkingin boðar hins vegar aðild að Evrópusambandinu og evruna.  Hvort ætli eigi frekar erindi við íslenskan þjóðfélagsveruleika?

Næst þegar JBH talar fyrir stefnu VG á hann að geta höfundar og næst þegar ISG notar slagorð af  ogmundur.is þá á hún að geta upprunans.

Það em getur reist stjórnaranstöðuna til sigurs  er virðing fyrir sjónarmiðum hvers annars. Heiðarleg umgengni við samherjana í stjórnarandstöðunni. Þess vegna er síðasta skoðanakönun einmitt mikilvæg. Þar er jafnvægi á vinstri kantinum. Þegar það liggur fyrir þá er sigurinn brátt í höfn; ef S og VG vilja verða samferða. Og kannski er að að gerast: Þegar JBH talar  fyrir stefnu VG og ISG hirðir fyrirsagnir af síðu Ögmundar. Þá er jafnvægi.

Sigríður Þórarinsdóttir

Fréttabréf