FRÁBÆR HÖNNUN Á GÖNGULAGI

Myndirnar af þeim Ingibjörgu Sólrúnu, Geir okkar Haarde, T. Blair og G.W. Bush eru prýðilegar. Ég er þér þakklát fyrir að birta þetta á síðunni. Mér finnst Ingibjörg Sólrún hafa náð göngulaginu betur en Geir, sérstaklega armsveiflunum. Hann er einhvern veginn daufari, mér finnst hann skorta sömu innlifun og hún greinilega hefur fyrir stundinni. Svo er Geir náttúrlega ekki eins hljólbeinóttur og Bush. Það dregur aðeins úr líkindum með þeim. Sennilega er það hestamennskan í uppvexti. Er það ekki rétt hjá mér að George W. sé frá Texas? Cowboys? Þrátt fyrir allt þetta finnst mér Geir samt gera sig betur en George þegar þeir "taka ganginn." Hver skyldi hafa hannað þetta? Stefán nefnir Hvíta húsið? Er sú auglýsingastofa ekki hætt? Varla eru sömu aðilar með Samfylkinguna í leikmyndahönnun og hönnuðu Ólaf Ragnar á sínum tíma? Spyr sú sem ekki veit? Það breytir því ekki að hönnunin er frábær. Sannkallað fagfólk. Alltaf gaman þegar fólk gerir eitthvað vel.
Sunna Sara

Fréttabréf