ÞURFUM VALKOST VIÐ "FRJÁLSA" FJÖLMIÐLA AUÐVALDSINS!
22.03.2008
Sæll Ögmundur ..
Bankarnir eru nú á heljarþröm, jafnvel eftir að hafa arðrænt og platað fólk og umskapað þjóðféalgið í þágu fjármagnsaflanna! Takið eftir, að það er nóg af peningum til í hina svokölluðu "útrás" sem mikið er gapað yfir og er lítið annað en að fela peninga erlendis sem sognir eru úr íslenska þjóðarlíkamanum! Án skattagreiðslu til íslenska ríkisins!
Eftir að æðstu menn hafa dekrað við þrælaveldið Kína, flutt inn Kínverja til landsins og baðað síðan út öngum sínum í allar áttir að hætti viti firrtra ofsatrúarmanna, og talað um "falin göng," eða eitthvað á þá leið í háðungarskyni við sértrúarandófið í Kína - þá leyfa þeir sér að horfast í augu við eigin þjóð og tala um að ekkert sé þeim ofar í huga en mannréttindi!
Eftir að heildsalar hafa flutt inn eitruð leikföng fyrir börn okkar ásamt aðrar vörur framleiddar af barnaþrældómi í Kína. Eftir að verða vitni að kínverskum valdamönnum kúga Tíbeta og aðrar þjóðir við landamæri Kína í áratugi - þá leyfa þeir sér að horfast í augu við eigin þjóð og tala um að ekkert sé þeim ofar í huga en mannréttindi!!
Nú þegar búið er að slátra, pynta og kúga fólk í Írak í fimm ár og delar sem gerðu íslensku þjóðina að aðildarþjóð þessara níðingslegu voðaverka, ganga lausum hala í þjóðfélaginu, jafnvel eins og fínir menn í fínum fötum og í fínum hálaunuðum stöðum - þá leyfa sömu aðilar sér að horfast í augu við eigin þjóð og tala um að ekkert sé þeim ofar í huga en mannréttindi!!!
Nú þegar búið er að stela helstu eignum íslenska þjóðfélagsins sem forverar okkar börðust fyrir að þjóðin eignaðist til öryggis og þjónustu við landsmenn, og hinn almenni skattgreiðandi hefur staðið kostnað af - þá stíga þeir hinir sömu og sviptu okkur eignum okkar fram á sjónarsviðið og spyrja hvort við séum ekki þakklát fyrir alla einkavæðinguna - hún sé jú svo nútímaleg!
Eftir að fyrirséð er að þjófarnir ætla að eigna einkagræðginni heilbrigðiskerfi íslensku þjóðarinnar, þarmeð sjúkrahúsin, allavega gróða af kostnaði rekstursins sem hinum almenna skattgreiðanda er ætlað að fjármagna þá er enn talað um nútímavæðingu og spurt um þakklæti. Já þetta er furðulegt og ekki síður furðulegt að nokkur íslensk manneskja fáist til þessara vandræðaverka, og það í tilgangi þess að græða á ódæðinu. Ömurlegast er að heyra þá „röksemd" að aðrar þjóðari fari eins að! Með öðrum orðum múghyggja á heimsvísu á að stýra okkur! Og hverjir skyldu hafa skapað þessa múghyggju aðrir en gróðapungarnir?
Eftir að alþingismenn Íslendinga hafa tekið sjálfum sér til handa forréttindi og stórfé úr vösum sligaðs almennings, með skipulögðu undirferli af hálfu sjálfs háttvirts Alþingis Íslands - þá horfast þeir hinir sömu í augu við þjóðina og biðja hana um að sýna hófsemi og hafna allri heimtufrekju!
Við hverju má búast nú þegar stærsti "jafnaðarmanna og félagshyggju" flokkurinn, -Samfylkingin- hefur svikið kjósendur sína í kjölfar síðustu alþingiskosninga og gengið í faðm auðvaldsins og þeirra sem vilja selja útlendingum forráð íslensku þjóðarinnar á Íslandi!
Já... gagnvart öllu þessu og miklu meira, hafa svokallaðir fjölmiðlar landsins sem líkjast meira auglýsingapistlum en fjölmiðum, reynst handónýtir við að taka á ósómanum og breiða þeir frekar en hitt yfir hann með kænskubrögðum og þegjandahætti!
Það er rétt hjá Guðfríði Lilju Grétarsdóttur að okkur beri að rækta innvið íslensku þjóðarinnar áður en lengra verður farið!
Það má vel vera að ástæða þess að fjölmiðarnir landsins eru ónýtir sem málgagn í þágu almennings, sé sú að þeir eru í eigu sömu þrjótanna sem um er að ræða, eins og Helgi Guðmundsson segir í ágætri grein sinni hér á síðunni undir fyrirsögninni "ORÐ SEM ENGIN TEKUR EFTIR"! Helgi er ekki sá eini sem gerir sér grein fyrir þessu! Ögmundur Jónasson alþingismaður skrifar góða grein í sama dúr hér á síðunni undir fyrirsögninni "VÆRUKÆRIR FJÖLMIÐLAR SVÆFA SAMFÉLAGIÐ"! ALLT hugsandi fólk skilur hvað um er að ræða! Jafnvel þrjótarnir vita skömmina á sig!
Þá er spurningin hvað verkalýðshreyfingin og þjóðrænt fólk er eiginlega að hugsa. Eitt er klárt, að verkalýðshreyfingin verður að gerast þjóðlegt pólitískt afl að nýju, ef tilvera íslensku þjóðarinnar á hreinlega að bjargast fyrir horn? Annað er að menn verða að yfirgefa fínu plússstólana á Alþingi, og taka til verka úti í þjóðfélaginu!
Því eru "frjálsir" fjölmiðar ekki á boðstólnum undir stjórn og eigu félagshyggjufólks og góðra Íslendinga? Jú það er rétt að það kostar mikið að koma góðum fjölmiðum í gang og það verður síðan að reka þá vel og af alúð, jafnvel svo að þeir borgi sig fjárhagslega og skili hagnaði. Þetta er ekkert auðvelt og það er enginn að halda því fram að svo sé. Það er heldur enginn að ræða um að lífsbaráttan sé auðveld og alltaf dans á rósum, því tilverubarátta íslensku þjóðarinnar er og verður alltaf að vera virk og ósérhlífin.
Auðvitað ber verkalýðshreyfingunni og félagshyggjuþenkjandi stjórnmálamönnum hreinlega skylda til að spyrna við ofbeldi auðvaldsins, með heiðarlegum og vel reknum fjölmiðlum. Hvernig má almenningur í landinu annars treysta því að sannleikurinn sé á borð borinn og vakað sé yfir hagsmunum hans? Ber umræddum félagshyggjuöflum ekki skylda til að leita fjár til fjármögnunar á stofnun og frumrekstri kröftugra fjölmiðla í landinu, sem síðar meir kæmu til með að borga sig? Verður ekki að ráða færasta fólk til að hrinda þessu í framkvæmd og síðan til annast reksturinn? Er lífeyrissjóðunum betur varið í græðgishyggjuframkvæmdir og áróður í þágu auðvaldsins, en að einhverjum hluta fjármagns þeirra sé varið í svo mikilvægt þjóðþrifamál og hér hefur verið vikið að? Það þýðir ekki að væla endalaust, jafnvel mannalega og með mælskukúnstm, það verður að gera eitthvað verklegt með viti gegn yfirgangi auðvaldsins sem er að gleypa allt! Fyrr en síðar verður ekki aftur snúið!
Úlfur
Bankarnir eru nú á heljarþröm, jafnvel eftir að hafa arðrænt og platað fólk og umskapað þjóðféalgið í þágu fjármagnsaflanna! Takið eftir, að það er nóg af peningum til í hina svokölluðu "útrás" sem mikið er gapað yfir og er lítið annað en að fela peninga erlendis sem sognir eru úr íslenska þjóðarlíkamanum! Án skattagreiðslu til íslenska ríkisins!
Eftir að æðstu menn hafa dekrað við þrælaveldið Kína, flutt inn Kínverja til landsins og baðað síðan út öngum sínum í allar áttir að hætti viti firrtra ofsatrúarmanna, og talað um "falin göng," eða eitthvað á þá leið í háðungarskyni við sértrúarandófið í Kína - þá leyfa þeir sér að horfast í augu við eigin þjóð og tala um að ekkert sé þeim ofar í huga en mannréttindi!
Eftir að heildsalar hafa flutt inn eitruð leikföng fyrir börn okkar ásamt aðrar vörur framleiddar af barnaþrældómi í Kína. Eftir að verða vitni að kínverskum valdamönnum kúga Tíbeta og aðrar þjóðir við landamæri Kína í áratugi - þá leyfa þeir sér að horfast í augu við eigin þjóð og tala um að ekkert sé þeim ofar í huga en mannréttindi!!
Nú þegar búið er að slátra, pynta og kúga fólk í Írak í fimm ár og delar sem gerðu íslensku þjóðina að aðildarþjóð þessara níðingslegu voðaverka, ganga lausum hala í þjóðfélaginu, jafnvel eins og fínir menn í fínum fötum og í fínum hálaunuðum stöðum - þá leyfa sömu aðilar sér að horfast í augu við eigin þjóð og tala um að ekkert sé þeim ofar í huga en mannréttindi!!!
Nú þegar búið er að stela helstu eignum íslenska þjóðfélagsins sem forverar okkar börðust fyrir að þjóðin eignaðist til öryggis og þjónustu við landsmenn, og hinn almenni skattgreiðandi hefur staðið kostnað af - þá stíga þeir hinir sömu og sviptu okkur eignum okkar fram á sjónarsviðið og spyrja hvort við séum ekki þakklát fyrir alla einkavæðinguna - hún sé jú svo nútímaleg!
Eftir að fyrirséð er að þjófarnir ætla að eigna einkagræðginni heilbrigðiskerfi íslensku þjóðarinnar, þarmeð sjúkrahúsin, allavega gróða af kostnaði rekstursins sem hinum almenna skattgreiðanda er ætlað að fjármagna þá er enn talað um nútímavæðingu og spurt um þakklæti. Já þetta er furðulegt og ekki síður furðulegt að nokkur íslensk manneskja fáist til þessara vandræðaverka, og það í tilgangi þess að græða á ódæðinu. Ömurlegast er að heyra þá „röksemd" að aðrar þjóðari fari eins að! Með öðrum orðum múghyggja á heimsvísu á að stýra okkur! Og hverjir skyldu hafa skapað þessa múghyggju aðrir en gróðapungarnir?
Eftir að alþingismenn Íslendinga hafa tekið sjálfum sér til handa forréttindi og stórfé úr vösum sligaðs almennings, með skipulögðu undirferli af hálfu sjálfs háttvirts Alþingis Íslands - þá horfast þeir hinir sömu í augu við þjóðina og biðja hana um að sýna hófsemi og hafna allri heimtufrekju!
Við hverju má búast nú þegar stærsti "jafnaðarmanna og félagshyggju" flokkurinn, -Samfylkingin- hefur svikið kjósendur sína í kjölfar síðustu alþingiskosninga og gengið í faðm auðvaldsins og þeirra sem vilja selja útlendingum forráð íslensku þjóðarinnar á Íslandi!
Já... gagnvart öllu þessu og miklu meira, hafa svokallaðir fjölmiðlar landsins sem líkjast meira auglýsingapistlum en fjölmiðum, reynst handónýtir við að taka á ósómanum og breiða þeir frekar en hitt yfir hann með kænskubrögðum og þegjandahætti!
Það er rétt hjá Guðfríði Lilju Grétarsdóttur að okkur beri að rækta innvið íslensku þjóðarinnar áður en lengra verður farið!
Það má vel vera að ástæða þess að fjölmiðarnir landsins eru ónýtir sem málgagn í þágu almennings, sé sú að þeir eru í eigu sömu þrjótanna sem um er að ræða, eins og Helgi Guðmundsson segir í ágætri grein sinni hér á síðunni undir fyrirsögninni "ORÐ SEM ENGIN TEKUR EFTIR"! Helgi er ekki sá eini sem gerir sér grein fyrir þessu! Ögmundur Jónasson alþingismaður skrifar góða grein í sama dúr hér á síðunni undir fyrirsögninni "VÆRUKÆRIR FJÖLMIÐLAR SVÆFA SAMFÉLAGIÐ"! ALLT hugsandi fólk skilur hvað um er að ræða! Jafnvel þrjótarnir vita skömmina á sig!
Þá er spurningin hvað verkalýðshreyfingin og þjóðrænt fólk er eiginlega að hugsa. Eitt er klárt, að verkalýðshreyfingin verður að gerast þjóðlegt pólitískt afl að nýju, ef tilvera íslensku þjóðarinnar á hreinlega að bjargast fyrir horn? Annað er að menn verða að yfirgefa fínu plússstólana á Alþingi, og taka til verka úti í þjóðfélaginu!
Því eru "frjálsir" fjölmiðar ekki á boðstólnum undir stjórn og eigu félagshyggjufólks og góðra Íslendinga? Jú það er rétt að það kostar mikið að koma góðum fjölmiðum í gang og það verður síðan að reka þá vel og af alúð, jafnvel svo að þeir borgi sig fjárhagslega og skili hagnaði. Þetta er ekkert auðvelt og það er enginn að halda því fram að svo sé. Það er heldur enginn að ræða um að lífsbaráttan sé auðveld og alltaf dans á rósum, því tilverubarátta íslensku þjóðarinnar er og verður alltaf að vera virk og ósérhlífin.
Auðvitað ber verkalýðshreyfingunni og félagshyggjuþenkjandi stjórnmálamönnum hreinlega skylda til að spyrna við ofbeldi auðvaldsins, með heiðarlegum og vel reknum fjölmiðlum. Hvernig má almenningur í landinu annars treysta því að sannleikurinn sé á borð borinn og vakað sé yfir hagsmunum hans? Ber umræddum félagshyggjuöflum ekki skylda til að leita fjár til fjármögnunar á stofnun og frumrekstri kröftugra fjölmiðla í landinu, sem síðar meir kæmu til með að borga sig? Verður ekki að ráða færasta fólk til að hrinda þessu í framkvæmd og síðan til annast reksturinn? Er lífeyrissjóðunum betur varið í græðgishyggjuframkvæmdir og áróður í þágu auðvaldsins, en að einhverjum hluta fjármagns þeirra sé varið í svo mikilvægt þjóðþrifamál og hér hefur verið vikið að? Það þýðir ekki að væla endalaust, jafnvel mannalega og með mælskukúnstm, það verður að gera eitthvað verklegt með viti gegn yfirgangi auðvaldsins sem er að gleypa allt! Fyrr en síðar verður ekki aftur snúið!
Úlfur