Í HVAÐA LIÐI ERUÐ ÞIÐ?

Stjórnarliði Ögmundur, stjórnarliðar allir! Þið hafið völdin, þið setjið lögin, þið getið ergo sum breytt lögum, þið hafið valdið á tökkunum í þingsal. Í þágu bankaglæpona? Vandi fjármálanna er tæknilegur; spurning um færslur á tölum á milli boxa excel skjalanna. Þetta vitið þið jafnvel og ég. Þetta vita allir. Og engir vita það betur en bankaglæponar, sem þið virðist dansa sem mest í kringum þessa dagana. Gullkálfa diskó-liðið á tökkunum. Vandi ykkar, sem er hinn pólitíski vandi, er hinn eini stóri vandi. Hinn eini risavaxni æxlis-vandi og sá vandi á ekki að snúast bara um stundarhagsmuni ykkar bólstruðu afturenda augnabliksins. Þið hafið völdin nú um sinn, en ættuð kannski fremur að horfa til framtíðar og líta hvert ykkar í eigin hugarrann og minnast þess að þið farið nú með ófriði gegn alþýðu þessa lands. Valdhafar sem fara með ÓFRIÐI gegn alþýðu lands síns munu ALLTAF lúta að lokum í duftið. Gerið þið ykkur virkilega enga grein fyrir því - með hversu mikilli nauðgun og ófriði þið farið? Eruð þið virkilega orðin svo snarblind á öll siðræn gildi og á alla pólitíska og sögulega sýn? Hugsið og endurhugsið í samræmi við óskir umbjóðenda ykkar, Þá getum við rætt um friðinn og framtíðina. Þá fyrst. Þá fyrst. So this is Christmas......................................................? Verðið þið í liði með Nixon eða Lennon? Heims-kapítalismans eða fólksins? Hugsið -hvert ykkar og eitt- hugsið í hvert sinn sem þið snertið takkana á þingi? Við, umbjóðendur ykkar, munum dæma ykkur.........að lokum.
Með kveðju,
Pétur Örn