AÐ HRUNI KOMINN Mars 2010

...Reyndur jafnaðarmaður með 32 ára þingreynslu sem hefur helgað krafta sína baráttu fyrir lýðræðislegum leikreglum gerir ekki meðvitað stjórnunarstíl Halldórs Ásgrímssonar að sínum. Ekki nema náttúrulega eitthvað hafi komið fyrir viðkomandi. Önnur staðfesting á því að forsætisráðherra skrifaði ekki Tomma og Jenna ræðu sína sjálf er hugmyndin um að leggja niður 80 ríkisstofnanir. Þær hugmyndir eru jafn merkingalausar og að þykjast vera að byggja upp norrænt velferðarkerfi í miðju hruninu. Norrænt velferðarkerfi sem byggist á bótaskerðingu, skerðingu velferðarþjónustu og aumingjagæsku gagnvart auðmönnum! Hvaða stofnanir er ráðherra að tala um? Hvaða 2000 ríkisstarfsmenn eru það sem sitja daginn inn og út og naga blýanta? Ef ekki væri fyrir aumingjaskapinn væru bæði BSRB og BHM samtökin búin að ...
Hafsteinn

Erlendur bankamaður sagði eitt sinn um bólur að hraðinn dræpi engan heldur yrðu menn fyrir skaða sem stöðvuðu mjög snögglega. Viðskiptaráðherra virðist hrifinn af svona hundalógík því í ræðu sem hann hélt nýlega í Háskólanum kom hann með eigin útgáfu sem hljóðar nokkurn veginn þannig að vandi Íslendinga í dag sé ekki tilkominn "vegna hrunsins heldur vegna bólunnar (sem orskakaði hrunið)". Þessi orð ráðherrans eru mjög upplýsandi fyrir umræðuna sem ...
Árni V.

Ég fagna því að komin sé af stað umræða á afskriftum skulda hjá almenningi, þ.e.lækkun höfuðstóls lána í það sem þau voru fyrir hrun. Mér finnst hins vanta umræðu um lán sem fólk er með hjá lífeyrissjóðum. Ég er viss um að þar sé svigrúm fyrir LEIÐRÉTTINGU á lánum. Eitt lítið dæmi: við hjónin tókum framkvæmda lán sem átti að vera til skamms tíma fyrir framkvæmdum við húsbyggingu þar til við mundum selja fasteignina okkar. Lánið var 21,7 milj upphaflega tekið í okt ´08. í dag erum við búin að borga 1,7 milj og höfuðstóllinn stendur í 24,8. Eignin okkar hefur ...
Valgerður

Eins og þú veist þá vill Landsvirkjun eyðileggja Þjórsá með virkjunum og hefur rétt okkur sveitamönnunum sleikibrjóstsykur að ekki eigi að selja orkuna til álvera. En það er annað sem er að ergja mig og ég spyr hver á Landsvirkjun? Ég hélt að við þjóðin ættum fyrirtækið eða svo hefur mér verið sagt. Nú er það svo að ekki er búið að sammþykkja að reisa þessar virkjanir en stjórn Landsvirkjunar er greinilega búin að ákveða það. Stjórn Landsvirkjunar er að byggja fjós og íbúðarhús að bænum Akbraut í Rangárvallasýslu og einnig er hún að ...
 Viðar Magnússon

...Spurningarnar sem fjölmiðlar, t.d. Morgunblaðið, ætti að leita svara við nú eru meðal annars þessar þessar: Var það í tíð Vilhjálms Egilssonar, stöðugleikamanni og þáverandi framkvæmdastjóra Verslunarráðs og formanns efnahags- og viðskiptanefndar sem þessar reglur urðu til? Var þetta gert að kröfu Viðskiptaráðs og Samtaka atvinnulífsins? Studdi ASÍ lagabreytingar sem fæddu af sér þessar ruglreglur? Það þarf að setja heimilisfang á hrunið og ábyrgðina. Með nákvæmni gæti verið að þeir sem mest sjást og heyrast í fjölmiðlum nú óskuðu sér framtíðar, án þess að þurfa að burðast með fortíðina. Það er kannske það sem...
Ólína 

...Fiskurinn er auðlind sem á ekki að verða vandamál févana þjóðar heldur happ sem nýta ber af skynsemi. Og það ógnar allri dómgreind að stöðugleikasáttmáli svonefndur sé hafður að hótunarefni ef það verður ekki viðurkennt að fyrir meðafla grásleppukarla á Norðurlandi skuli greiða okurleigu til sunnlenskra útgerðarfyrirtækja. Íslenska þjóðin krefst þess að umboðsmenn hennar vinni verk sín eins og fullorðið fólk. Nú er í höndum löggjafans að nýta undanhald LÍÚ til að ganga af djörfung til móts við vilja meirihluta þjóðarinnar í því að ...
Árni Gunnarsson

...Í þessu tilliti eru þeir Svavar vopnabræður og samherjar því ef marka má þeirra eigin orð og framsetningu stendur það upp úr í þessu máli að þeir mega ekkert aumt sjá. Í því ljósi er það skemmtilegt að Indriði væni aðra um heimsfrelsunaráráttu. Þeir eru þeir einu sem ég man eftir sem hafa lýst því yfir að þeirra markmið í málinu sé að verja hagsmuni þeirra sem minna mega sín. Nú vil ég ekki gera lítið úr slílum ásetningi. Heimurinn væri eflaust betri staður ef allir hugsuðu eins og þeir...
Árni V.

Þakka þér fyrir að taka áfengisauglýsingar til umræðu á Alþingi. Einhverjum kann að finnast þú skjóta föstum skotum að Ríkisútvarpinu, mér finnst eins og þú gefir á þá lausan bolta, en af hverju segi ég það? Ég segi það vegna þess að að vinsælir þættir; dæmi - danski þátturinn Klovn - er kostaður af Tuborg fyrirtækinu, eða af þeim sem selja Tuborginn hér á landi. Það er umdeilanlegt að public-service fyrirtæki eins og Ríkisútvarpið skuli láta kostunarmöguleika (vilja fyrirtækja til að borga dagsskrárliði) ráða útsendingu sinni og það er óþolandi að svona fyrirtæki skuli gera út á áfengisdrykkju, ungra sem aldinna. En þetta er ekki það eina. Allur íþróttaheimurinn leggur ...
Hafsteinn

...En þá kemur Indriði með útúrsnúningsgrein um hversu vinstri menn sem börðust á móti upphaflegum Icesave samningum eru vitlausir að halda fram sjónarmiðunum "berjast á móti heimskapítalismanum". 2. Hvað er embættismaður eins og Indriði sem hefur verið lofsamaður fyrir margt og er nokkuð vel liðinn að setja fram grein sem er jafn illa skrifuð og ómálefnaleg eins og þessi grein er. Fyrir mér var þetta bein og fremur illskeytt árás á það vinstri sinnaða fólk sem var á móti upphaflegu Icesave samningunum.
Ágúst Valves Jóhannesson

...Sem áhugamanneskju um samfélagsmál þykir mér verst að talskona Samtaka ferðþjónustunnar skuli hafa látið hjá líða að beita sér í málinu, eins og hún gerir jafnan þegar deilur eru uppi sem sannanlega skaða ferðaþjónustuna. Hún á að gæta hagsmuna þjónustufyrirtækja í ferðaþjónustunni og hefði átt að gagnrýna Icelandair flugfélagið fyrir að stofna fyrirtækjunum í voða með því að neita að semja við flugvirkjana. Til allrar hamingju er samhljómurinn milli Alþýðusambands Íslands,  Samtaka atvinnulífsins og Viðskiptaráðsins að ekki þarf að ...
Jóna Guðrún

Kvótann nú köllum inn
og kröfunni viðhaldið
Eflaust mætast stálin stinn
við stórútgerða valdið. 
Höf. Pétur Hraunfjörð.

Til Ólafsvíkur leggjum leið
líka fólk í hrönnum
Á Skerið liggur gata greið
og kvótamál þar könnum.

Landsbyggðin vill lífsins njóta
í líkingu við Reykjavík
Við köllum til baka gjafa kvóta
og kynnumst því að verða rík.
Höf. Pétur Hraunfjörð.

Þreyttur er og þungt skapið
að þurfa horfa á leiki ljóta
þeir sífellt vilja telja upp tapið
og tala um sinn eignakvóta

í Þorlákshöfn því mætum nú
þar rætt verður um kvóta
auðlindina við eigum ég og þú
en auðmenn aðeins njóta.
Höf. Pétur Hraunfjörð.

Mér sýnist fjölmiðlar, sumir hverjir alla vega, ætlist til að við gleðjumst yfir að alþjóðastofnunin hennar Ingibjargar Sólrúnar, OSCE, ætli “að aðstoða” í Klaustursmálinu; engu skuli til sparað svo við fáum endurheimt sjáfsvirðingu okkar. Að vísu svolítið skrítið að fá þessa “sérfræðinga” núna til að rífa ofan af sári sem kannski var að gróa. Steingrímur forseti þingsins mætti - ekkert mjög óhamingjusamur - í fréttir Sjónvarps til að andvarpa yfir syndugum mönnum. En fyrirgefið, sá yðar sem syndlaus er … og var fjármálaráðherrann, yfirmaður skattamála í landinu, ekki í Panamaskjölunum; er sjávarútvegsráðherrann ekki “okkar maður” Samherja … og er VG ekki að ...
Ársæll

Stýrivextir nú stöðugt lækka
styrkir og bætir okkar hag
Verðbætur þá hætta að hækka
og hamingjan kemst í lag.
...
Höf. Pétur Hraunfjörð.

Við að yrkja yndisljóð
ýmsir frægir reyna.
Vísa Eldjárns virðist góð
vil því ekki leyna. 
Höf. Pétur Hraunfjörð.

Gott er að vita dáðadrenginn
dyggðaveginn bruna:
Ögmundur er aftur genginn 
inn í þjóðkirkjuna.
Þórarinn Eldjárn

Tilefni er jú tvímælalaust
að taka höndum saman.
Hefjum öll upp háa raust
og heftum Kvóta gaman.

Byggðarkvóta nú bráðliggur á
Þá batnar dreifbýlisvandi.
Lífskjör mín myndu breytast þá
og margra úti á landi.
Höf. Pétur Hraunfjörð.

Ég sótti fund þinn í Þjóðmenningarhúsinu um kvótann fyrir skömmu. Fyrir fundinn fannst mér það orka tvímælis að fá Gunnar Smára Egilsson, sósíalistaforingja, til að flytja höfuðerindið á fundinum. Ég verð hins vegar að segja að mér þótti hann gera þetta mjög vel, ný og góð og róttæk nálgun. Ekkert galdrabrennutal en krafa um uppstokkun á kerfinu í anda yfirskrifatar fundarins: Kvótann heim! Þessu er ég sammála.
Jóel A.

Afhverju var þessu máli ekki áfrýjað til Hæstaréttar á sínum tíma sem fjallað var um í þessari grein ,,Kvótakerfið hangir á bláþræði'' fyrir bráðum 14 árum ? Úgerðarmenn þorðu ekki með málið lengra því Hæstarréttur hefði líklega staðfest dóminn sem hefði líklega framkallað bankahrun 2 árum áður en bankahrunið varð flestum ljóst í okt. 2008 https://www.mbl.is/greinasafn/grein/1067864/
Baldvin Nielsen