NÓG KOMIÐ!

Ögmundur, í pistlinum þínum: HVERS VEGNA EKKI FYRSTA FRÉTT, segirðu: "Að lokum: Er baráttan gegn Magma Energy Sweden vegna sviksemi fyrirtækisins einvörðungu? Nei, en sviksemin ein er nægilega ástæða til að rifta kaupunum. Hitt er morgunljóst í mínum huga að orkuauðlindir verða ekki nægilega tryggðar sem þjóðareign ef ráðstöfunarrétturinn er með þeim hætti sem nú er. Fráleitt er annað en að stærstu orkufyrirtækin verði í almannaeign. Hvers vegna í ósköpunum ættum við að gefa frá okkur mjólkurkýrnar? Þegar það er gert - og í ofanálag í hendur - loddara, þá verður mér spurn: Hvers vegna er þetta ekki fyrsta frétt?"
Ég vil taka undir hvert orð. Nú hefur komið fram í fréttum að iðnaðarráherra úr kol-spilltu fylkingunni og samstjórnarflokki ykkar, leiðbeindi MAGMA að opna skúffufyrirtæki og ná þannig HS Orku. Kemur ekki á óvart, sama stelpa og ýtti undir að Björgólfur Thor ICESAVE-MEISTARI OG ICESAVE-SKULDARI fengi skattaafslátt/styrk við að setja á stofn gagnaver. Manngarmur sem ætti heldur að dúsa á bak við rimla og vera FULLKOMLEGA ÚTLÆGUR úr öllum fyrirtækjum landsins.
Nei, mann skal ekki undra neitt ljótt og rangt sem kemur úr spilltum Jóhönnu-flokki og Jóhönnu-stjórn. Núna langar mig að vita hvað þið ætlið að ganga langt í eyðileggingunni og landsölunni með þeim hættulega flokki. Fyrst pínduð þið saman í gegn EU-umsókn, næst var það ICESAVE-NAUÐUNGIN og stendur enn yfir. Og nú MAGMA. OG ALLT VAR ÞAÐ GERT VEGNA UNDIRLÆGJU OG ÞVINGANA HINNAR HÆTTULEGU SAMFYLKINGAR JÓHÖNNU OG ÖSSURAR.
ElleE

Fréttabréf