ÞÖRF Á NÝRRI FORGANGSRÖÐUN

Fyrir alllöngu síðan fannst mér að sökum ýmissa afleikja ríkisstjórnarinnar væri fokið í svokölluð flest skjól. Með ótrúlegum klókindum hefur stjórninni þó tekist að skríða inní nokkur slík kennd við skálka. Þar er þó ekki hægt að hírast lengi enda efniviður slíkra skjóla ótraustur sakir fúinna haldreipa. Aftansöngur ríkisstjórnarinnar er hafinn það er held ég flestum sem eitthvað eru læsir á stöðuna nokkuð ljóst. Þar sem mörgum þykir gott að hlusta á aftansöng, ber þeim þó saman um að hann megi ekki vera of langur. Þess vegna kalla ég eftir ábyrgum og öflugum aðilum til að hefja viðskilnaðarferlið. Ég ætlast til að þú Ögmundur verðir þar stafnvörður. Ég ætlast til að áður en svörðurinn verður endanlega fótum troðinn, staðan óendurreisnarhæf og tilgangur fararinnar týndur að þú komir að málum með þínu fólki og það er eins og þú eflaust veist, stór hópur, mjög stór. Þú sækir fylgi þitt ekki eingöngu inní raðir VG og þess vegna geri ég þá kröfu til þín að þú farir að láta meira til þín taka, jafnvel farir að láta sverfa til stáls. Fólk er upp til hópa orðið langþreytt á forgangsröðuninni. Evrópusambandið og aðildarumsóknin, glæpsamlegar vangaveltur samfara hörmungar skynvillu þar að lútandi. Þegar slíkt bull er fremst í forgangi, þá kalla ég eftir að tafarlaust verði endurforgangsraðað um leið og tekist hefur að stýra þessarri hripleku skelfingarskútu á haf út. Óskar K Guðmundsson fisksali.

Fréttabréf