ÓÞOLANDI ÁRÁSIR

Sæll Ögmundur.
Erfitt er að horfa upp á endalausar árásir og níð Evrópubandalagssinna og svokallaðra ´jafnaðarmanna´ gegn Jóni Bjarnasyni fyrir að það eitt að standa eins og maður í lappirnar og krefjast þess að umsóknin inn í Evrópusambandið verði dregin til baka. Fáráðsumsóknin var blekking ein um ´viðræður´ sem hafa enga þýðingu og sótt var um með pólitísku ofbeldi gegn vilja stærri hluta þjóðarinnar sem vildu fá að kjósa fyrst. Skrýtin eru rök Evrópusambandssinna, sem halda oft bæði fram að við missum ekki fullveldið og líka að við getum ekki stjórnað okkur sjálf og þurfum þessvegna víst að fara undir lög og vald miðstýringarveldisins þarna í Evrópu. Hvernig getur það passað saman að við gefum ekki upp fullveldið ef við erum undir miðstýringu og æðra valdi heimsveldis?? Geta þeir ekki komið með sterkari rök en þessar mótsagnir og níðyrði um okkur hin, stærri hluta þjóðarinnar, uppnefndum eins og ofstækismenn og þjóðernisöfgamenn??? Og nei, ég er ekki LÍÚ-stuðningsmaður, vil kvótann hjá þjóðinni, en vil ekki gefa upp fullveldi landsins fyrir neitt. Vona að Jón Bjarnason gefi ekkert eftir með Evrópumálið og loks DRAGI ICESAVE-JÁ-IÐ SITT TIL BAKA. VIÐ SKULDUM EKKI ICESAVE.
ElleE

Fréttabréf