GEGN EITRI

Tollararnir okkar í flugstöðinni eru hetjur í mínum augum fyrir að reyna sitt besta í niðurskurði að vernda börnin okkar fyrir eiturbyrlurum. E töflur og LSD er ekkert annað en rottueitur vegna afleiðinganna við neysluna og ættu því í raun að vera sett á slíkan lista hér og lögsækja sem tilraunir til manndráps og við getum bara ekki horft fram hjá þessu með einhverjum silkihönskum. Þetta andskotans eitur herjar á inngöngu í landið sem aldrei fyrr og eiga strákarnir okkar í Keflavík og Reykjavík mikinn heiður skilið fyrir vaska framgöngu af litlum efnum. Alþingi þarf að taka til hendi og verja landið með bitstæðum refsiramma burtséð frá dómavenjum og setja lámark 5 ár án tillits til magns á þessu eitri og cocaini. Þá þarf líka að breyta lögum um að Fangelsismálastofnun hafi ekki leyfi lengur til að breyta dómum í samfélagsþjónustu því dómarinn sjálfur ætti að hafa það vald. Setja þarf á stofn nefnd sem metur hæfi fanga sem sækja um reynslulausn í stað ákvæða um 3/4 hlutfallið.
Þór Gunnlaugsson

Fréttabréf