Fara í efni

LEPPAR AUÐVALDSINS

Sæll hæstvirtur ráðherra mannréttindamála. Nú skrifar þú pistil um orðræðu Darling á RÚV ohf. og í sjálfu sér ágætlega orðaðan pistil ... ekki vantar það. Svo vel finnst mér þú reyndar orða hlutina að mig langar til að taka mér það bessaleyfi að vitna beint, sem væri ég að míga á dýrðina á vakninga-samkundu hjá Vilhjálmi Þorsteinssyni, viðskipta-makker Björgólfs Thor, lepps Deutsche Bank og kannski Goldman Sachs líka: "Icesavedeilan minnir á að þegar valið stendur á milli eignarréttinda og mannréttinda velkist alþjóðaauðvaldið ekki í vafa um hvernig á að forgangsraða." Velkist þú nokkuð í vafa Ögmundur, sem ráðherra mannréttindamála? Þér til upplýsingar er ég talsmaður þess að Wall Street og City ættu fyrir löngu að vera komin í djeilið, en Darling gleymdi alveg að minnast á bjálkann, þegar hann og Sigrún spjölluðu um afleiddu flísina. Þessir íslensku vitleysingar eru leppar á leikborði alþjóðaauðvaldsins. Segjum við ekki örugglega báðir NEI við handrukkun alþjóðaauðvaldsins ... Ögmundur minn, þegar til krossunar kemur? Tökum við ekki örugglega á þessari vitleysu bæði forvirkt og afturvirkt núna? Eða ætlarðu að láta þjóðina borga fyrir það, að Steingrímur gerði í brókina ... Brown as Puuh?
Jón Jón Jónsson