TREYSTU ÞJÓÐINNI!

Um leið og ég sendi þér hugheilar jólakveðjur Ögmundur, þá vind ég mér snarhendis og vafningalaust í meginmál. Ég vitna nú beint, hvorki meira né minna, í orð fjölmiðils allra fjölmiðla, sjálfan ríkis-valds-fjölmiðilinn, RÚV ohf, sem boðar oss vesælum á Þvísalandi fagnaðarerindið um að vér áður EES-prímsignaðir af Davíð kóngi og Jóni Hannibal fursta af Eystrasalti, skulum nú aðlagast að fullu sjálfri dýrð regluverks allra regluverka og vitna ég nú beint í sjálfan ríkis-valds-fjölmiðilinn, sem ég aumur get ekkert annað en meðtekið, enda er ég skattlagður til að móttaka dýrðina, hvort sem ég vil eða ekki, svonefnd ríkis-valds-nauðgun: "Skrifstofa landstengiliðs fær tæpar 270 til að annast samræmingu, stjórn og eftirlit með framkvæmd IPA-aðstoðarinnar. Þýðingarmiðstöð fær rúmar 240 milljónir til að þýða regluverk Evrópusambandsins á íslensku. Hluti styrksins er ætlaður í tækjakaup við nýja námsbraut fyrir ráðstefnutúlka við Háskóla Íslands. Hagstofan fær um 132 milljónir króna til að bæta gerð þjóðhagsreikninga."
Jæja Ögmundur minn, þykist þú enn enga ábyrgð bera á þessari aðlögun, sem fleiri og fleiri hugmyndafræðilegar stofnanir ríkis-valdsins eru hægt og bítandi að njörva líf okkar aumra niður, án þess að þjóðin hafi nokkru sinni beðið um það? Þjóðin hefur aldrei beðið um eða kosið um inngöngu og aðlögun að ESB!
Þú Ögmundur, sem hluti valda-kerfisins, hefur vald til að stoppa þetta rugl af. Þú ert mas. í odda-stöðu, veistu það ekki? Það eina sem þú þarft að gera er að láta skeika að því sem verða vill og sprengja þessa helferðarstjórn í tætlur og leyfa eðlilegri framrás lýðræðisins að streyma fram til nýrra kosninga.
Ríkisstjórn Jóhönnu Sigurðardóttur og Steingríms Jóhanns Sigurðssonar hefur svikið flest það sem lofað var fyrir kosningar. Vilt þú Ögmundur að þín verði minnst sem mannsins sem vildi vel, en valdi fremur að hanga á sínu aðlagaða valda-roði? Hvort treystir þú betur þjóðinni eða ríkis-valdinu ... aðlöguðu til federalískrar nómenklatúru????
Einungis um 10% þjóðarinnar treystir núverandi þingi. Við þig Ögmundur, mann hins opna og virka lýðræðis segi ég því: Treystu þjóðinni Ögmundur, það er komið að ögurstundu, því þetta helvíti laumuspils og aðlögunar gengur ekki lengur. Hér þarf ferska lýðræðisstrauma.
Gapandiundrandi

Fréttabréf