ÓLEYFILEGAR SKOÐANIR?

Lofa þingmenn ekki að fylgja sannfæringu sinni? Ef þú styður Þorleif og Dögun í sveitarstjórnarkosningunum, er þá ekki heiðarlegt að ganga úr VG? Þú hefur aðeins eitt atkvæði eins og allir aðrir. Þetta gerðu félagar þínir Jón Bjarnason, Lilja Mósesdóttir, Hjörleifur Guttormsson o.fl. kjósendur fylgdu þeim að vísu ekki, varla fjölskyldurnar einu sinni, en það er annað mál.
Pétur

Sæll Pétur.
Þakka þér bréfið. Þetta er þín útlegging, þínar sögulegu skýringar og svo náttúrlega tillögur. Ég hef sagt að mér fyndist afleitt að missa Þorleif Gunnlaugsson úr borgarpólitíkinni. Hann hefur ljáð fólki rödd sem enga hafði og vísa ég þar ekki síst til útigangsmanna en einnig húnæðislausra og  lágtekjufólks. Ef þér finnst að ég megi ekki segja þetta þá erum við einfaldlega ósammála - nema þú viljir kalla þetta óleyfilegar skoðanir.
Kv.,
Ögmundur

Fréttabréf