AÐ HRUNI KOMINN Mars 2015

Manni hlýnar alltaf um hjartaræturnar þegar maður sér að eitthvað er eftir af baráttugleði íslenskrar verklýðsstéttar. Ég hlustaði á hana Drífu í fréttunum í gær og hún komst alveg sérstaklega vel frá þessu. Málflutningur hennar var svo sanngjarn að ég held að allt fólk með réttlætirtilfinningu í blóðinu hljóti að styðja kröfur hennar og þeirra út í ystu æsar.
Svanur Jóhannesson

Hrægamma mjaltirnar horfum við á
helst vilja almenning lifandi flá
á kröfunum græða
við munum blæða
eignalaus landinn nú forða sér má                            

Pétur Hraunfjörð

Hvernig væri ef þessi vesæla og sjálfumlykjandi ríkisstjórn setti á sig rögg, kæmi einu sinni án stórlætis fram við láglaunafólk og byði því hækkun skattleysismarka um leið og hún lýsti því yfir að ríkisbubbar og "stórútgerðin" yrðu í staðinn látin greiða meira til samfélagsins en þau hafa gert í tíð hennar, hingað til.
Edda

Okkur er sagt í fréttum að auglýsingastofa hafi verið fengin til að ráðleggja  fyrrverandi innanríkisráherra í lekamálinu og fengið ríflega greitt fyrir. Önnur auglýsingastofa mun hafa ráðlagt núverandi ferðamálaráðherra vegna ferðamannapassans. Í hvorugu tilviki virðist ráðgjöfin hafa borið tilætlaðan árangur - nema kannski síður sé. Fróðlegt væri að fá að vita hvað ráðherrunum var ráðlagt. En enn meira spennandi verður að fylgjast með því hvort Ríkisendurskoðun fer fram á að höfðað verði skaðabótamál á hendur ráðgjöfunum fyrir vörusvik.
Haffi  

Mér sýnist flestir vera í þann veginn að sjá í gegnum náttúrupassaruglið. Það snýst bara um eitt, að búa til réttlætingu fyrir því að landeigendur geti rukkað fyrir aðgang að landi "sínu". Milljarðar streyma þegar inn í landið með ferðamönnum og talsvert af þeim fjármunum rrata í ríkissjóð í gegnum skatta. Þessa peninga á að nota til að bæta aðstöðu við ferðmannastaði em eru þó ekki eins illa farnir og keyptir áróðursmeirstarar gjaldheimtumanna vilja vera láta. Þetta er ein stór leiksýning en markmiðið með þeirri sýningu er hvorki göfugt né gott.
Jóhannes Gr. Jónsson

Bankarnir hafa algerlega glatað trúverðugleika sínum. Nú er ekki um annað að gera en byrja frá grunni, láta núverandi kerfi lönd og leið, því er ekki viðbjargandi og síðan eigum við, almenningur, að stofna banka sem þjónar okkur og engum öðrum. Það er löngu kominn tími til. Bankarnir eru nbotaðir af eigendum og stjórnendum til að maka krókinn á og græða á kostnað almennings. Nú er nóg komið. Svo einfalt er málið.
Jóel A.

Sæll Ögmundur, ég vildi vita hvort þú styddir þessar erlendu lántökur bankanna í ljósi þess að þær leiddu til sögulegs fjármálahruns hér fyrir 7 árum. Auk þess vildi ég kanna afstöðu þína til þess að verja neytendur gegn óhóflegum þjónustugjöldum, af 80 milljarða hagnaði bankanna þriggja voru 30 milljarðar bara í formi þjónustutekna. Eftir allt erfiðið og blóðtökuna sýnist manni að lánaball númer 2 sé að hefjast, er ekki hægt að koma í veg fyrir þessa þróun? Svo virðast sérlögmál gilda um kjör stjórnenda fjármálafyrirtækja, það virðist ekkert hafa breyst eftir hrun ...
Gunnar

Ég er sammála því sem þú sagðir einhvers staðar í fjölmiðlum, að Kaþólska kirkjan á að borga sanngirnisbætur fyrir þau ungmenni sem urðu fyrir ofbeldi í Landakotsskóla og langar mig til að hvetja ríkisstjórnina til að höfða mál á hendur kirkjunni til að ná í þessa peninga. Það má hins vegar ekki tefja að gengið verði frá greiðslum til fórnarlamba. Skaðabótakrafa ríkisins á hendur kirkjunni á að koma síðar. Kaþólska kirkjan er moldrík og á ekki að komast upp með að horfast ekki í augu við eigin misgjörðir. Slíkt er ekki sæmandi.
Hafdís Guðmundsdótir

Ég hef verið að fylgjast með umræðum á Alþingi um bónusa í bönkunum og verð að segja eins og er að ég ætlaði varla að trúa því að ríkisstjórnin vogaði sér að setja fram frumvarp um auknar heimildir til bónusgreiðslna. Bankarnir sýndu hreinan gróða upp á tæpa hundrað milljarða árið 2014. Þar af komu þrjátíu milljarðar af þjónstugjöldum, hitt af háum vöxtum og braski. Bónusarnir eru þá væntanlega til að örva mannskapinn til að ná enn meira til eigenda sinna með ennþá hærri vöxtum og ennþá hærri þjónstugjöldum!...
Jóhannes Gr. Jónsson 

Lesandi segir í bréfi hér á síðunni að það sé hugsjónamál þingmanna Sjálfstæðisfkokksins að koma brennivíni í matvörubúðir. Þetta er engin hugsjón Sjálfstæðisflokksins og fer því fjarri að svo sé. Ég hef alltaf kosið Sjálfstæðisflokksins en vil ekki sjá áfengi í almennum matvörubúðum. Ég trúi því ekki fyrr en ég sé það gerast að þingmenn Sjálfstæðisflokksins samþykki að stíga þetta óheillaspor!
Stína

Gaman er að finna fyrir samstöðu Íslendinga í baráttunni við kórónaveiruna. Heilbrigðisyfirvöldum og almannavörnum er mætt á jákvæðan hátt og farið að þeirra ábendingum. Einhver meiningarmunur kemur öðru hvoru fram innan heilbrigðiskerfisns og er það traustvekjandi. Umræðulaus hlýðni er aldrei góð og meiningarmunur málefnalega fram settur er ekkert annað en jákvæður.
Haffi

Ég vil þakka Grími sem skrifar í dálkinn “frjálsir pennar” fyrir að hreyfa Vaðlaheiðarmáli. Ég hef saknað þess að fjölmiðlar færu í saumana á því máli. “Orsök VHG-19 kreppunnar eru gamlir misreikningar. Sérfróðir búast við að þá gjaldfallnar, enn vaxandi skuldir VHG hf við ríkið gætu orðið 19 milljarðar 2021.” Þetta skrifar Grímur. Eru þessir 19 milljarðar ekki helmingi meira en lagt var upp með? Væri hægt að ...

Jóel A.

Ef kvótann ég ætti
ég ýmisleg mætti
Ég hokri þá hætti
ég hamingju bætti.
...
Höf. Pétur Hraunfjörð

Margir hæddust að Ingu Sæland, alþingiskonu, þegar hún vildi loka landinu og helst smala öllum aðkomumönnum til landsins í sóttkví, eins konar fangabúðir. Á Aþlingi ver hlegið að Ingu og hún var síðan fengin sérstaklega í Kastljós  svo þjóðin fengi líka að hlæja. Svo lokaði Trump Bandaríkjunum, síðan var Danmörku lokað og Noregi og svo Evrópusambandinu. Á Ítalíu fór fólk að deyja í hundraðavís á dag… Nú er ekki lengur hlegið að Ingu Sæland. Ef fer fram sem horfir ...
Sunna Sara

Í sóttkví og sídrykkju detta
sem leiðindin vonandi létta
vinna nú heima
láta sig dreyma
og duglega þar í sig skvetta.
...
Höf. Pétur Hraunfjörð.

Ég er sammála Jóhannesi Gr. Jónssyni í bréfi til síðunnar að ekki síður mikilvægt en að ná verðtryggingunni burt er að banna vexti – þar er ekki gengið lengra en kirkjan gerði á miðöldum! Svo þarf að banna allan innheimtukostnað. Ég þykist vita að innheimtuskrifstofurnar hugi nú gott til glóðarinnar eins og jafnan í kreppu. Þá eru jólin ...
Sunna Sara

Í rauninni er þessi krafa þín um 0% vexti, Ögmundur, mikilvægari en afnám verðtryggingarinnar, eins mikilvæg og hún þó er. Ef vextir yrðu 0% þá kann einhverjum að þykja óþarfi að lögbinda bann við dráttarvöxtum. Fjámálastofnunum væri þó trúandi til þess að viðhalda þeim væru þeir ekki bannaðir. Þess vegna þyrfti bann við dráttarvöxtum og innheimtukostnaði að vera líka í frumvarpi um 0% vexti. 
Þetta þarf ríkisstjórnin að leggja til strax og Alþingi að samþykkja strax! Ef ríkisstjórnin gerir þetta ekki þarf Alþingi að taka frumkvæðið. 
Jóhannes Gr. Jónsson

Nú Haukur virðist í hanaati
hér sýndi Ögmundi klærnar
Í sósíalísku svindli og plati
sér Ömmi fram fyrir tærnar.
...
Höf. Pétur Hraunfjörð.

... Ekki fylgdi sögunni hvort hinn grunaði hefði verið borinn út á börum, eða hvort hann gekk úr vélinni með geimverunum, eftir að hafa setið í þrjá klukkutíma með öllum hinum farþegunum. Eru menn nokkuð að missa sig? Mátti ekki taka á móti hinum grunaða með grisjur sem þá einnig væru settar yfir vit farþegans og þess vegna hafa fólk í geimbúningum í bílnum á leið í sóttkví ...
Jóel A.

Varasama ég veiru tel,
víða dæmin sanni.
En Lóu ekki líkar vel,
að lúta ferðabanni.
Kári