AÐ HRUNI KOMINN Apríl 2015

Fjármálalæsi og flétturnar kenna
flestir í Grundó á Kvíó nú renna
í fjármála skóla
hjá Sigga og Óla
og brátt mun engin á sjóinn hér nenna.

Þurfum ekki þeirra skóla
þessi aðferð illa gekk
Sendum burtu ....
Pétur Hraunfjörð

Ég var að hlusta á þig í Samfélaginu á RÚV þar sem þú varst að tala um rafræn skilríki. Þar langaði mig að bæta í vopnabúrið gegn Auðkenni að þegar verið er að treysta á markaðsöflin þá er afdráttarlaus frumforsenda að til staðar sé samkeppni, annars falla þau um sjálf sig. Ríkisstudd einokun einkaaðila veit bara á eitt.
Magnús Bergur Magnusson

Í HB Granda ´ann hefur völd
þar hrokinn ræður ríkjum
fjöldanum finnst  kveðjan köld
og Kristjáni einum líkum.

Að rassskella Kristján nú reyndar er þöf
Því ræfillinn hagnast við fiskvinnslustörf
milljarða telur
en...

Pétur Hraunfjörð.

Það er hárrétt hjá þér að hægt er að leysa kjaradeilurnar og koma í veg fyrir verkföll ef komið er til móts við láglauna- og millitekjufólkið og hálaunafólkið lækkar um leið við sig kjörin. Þá held ég að yrði fljótsamið. Láglaunafólk þarf aukinn kaupmátt og um leið meira sýnilegt réttlæti.
Jóel A.

Ég er sammála þér að það var rétt hjá Rannveigu Rist að afþakka stjórnarhækkun í Granda og það beri að líta á afþökkun hennar sem afsökunarbeiðni fyrir ruglið í stjórnarformanninum, Kristjáni Loftssyni, og að afsökunarbeiðninni, sem þú kallar svo, beri að fylgja eftir með alvöru kjarajöfnun! Byrja á því að hækka láglaunafólkið! Um leið og núna strax þarf hátekjuaðallinn að LÆKKA við sig launin! Dapurlegt er að heyra þetta lið segja að launahækkun nú sé röng tímasetning. Þetta er hárrétt tímasetning ef fólki finnst þetta á annað borð rétt að gera. Að gera þetta þegar láglaunafólkið er bundið af kjarasamningi er hið fullkomna siðelysi. Þetta er ALLTAF röng tímasetning.
Sunna Sara 

Þakka þér fyrir umfjöllun þína um páskadagskrá Ríkisútvarpsins, gott að hrósa því sem gott er. Ég fór að hugsa við samantekt þína hve ágæt dagskráin stundum er og mikilvægt að þakka fyrir vel unnin störf. Nóg er af niðurrifinu!
En mig langaði að segja að ég saknaði í upptalningu þinni sérstaklega tveggja þátta. Annars vegar frábærs sjónvarpsþáttar um Eddu Heiðrúnu Backman og hins vegar sjónvarpsþáttar þar sem Þórarinn Eldjárn, rithöfundur,  rifjaði upp minningar af Þjóðminjasafninu þar sem hann var alinn upp en sem kunnugt er var Kristján faðir hans þjóðminjavörður áður en hann var kjörinn forseti Íslands. Báðir þessir þættir voru ...
Lína 

Ástæðan fyrir skyndifylgi Pirata, áður Bjartrar framtíðar og þar áður Besta flokksins er óánægja með stjórnmálin almennt. Allir stjórnmálaflokkar að undanskildum framangreindum flokkum hafa komist í aðstöðu til að svíkja kosningaloforð sín og allir hafa gert það hressilega. Nú er kjörtímabilið hálfnað og ættu allir stjórnmálaflokkar að lofta út hjá sér og horfast í augu við eigin gjörðir ... Nema menn vilji flokka í meirihluta sem eru svo loðnir í tali að erfitt mun verða að henda reiður á hvenær þeir svíkja! ... Það má náttúelega ekki gleyma að Besti flokkurinn komst til valda, en kom nokkurn tímann ísbjörn í Húsdýragarðinn einsog var lofað eða var gert "alls konar" fyrir öryrkja? Eða var þetta sagt bara til að hæðast að ...
Jóhannes Gr. Jónsson  

... Fyrrnefndir flokkar hamra á mikilvægi þess að rökræða en þegar til kastanna kemur fælast þeir og fela sig þegar spurt er um afstöðu til mikilvægra málefna, eignarhald og ráðstöfun auðlinda, skipulag heilbrigðismála, aðild að hernaðabandalögum svo dæmi séu nefnd. Vilja Píratar vera í NATÓ? Það hefur aldrei komið fram svo ég viti. Vill Björt framtíð meiri einkavæðingu í heilbrigðiskerfinu? Hvað með orkugeirann? Píratar segjast bara taka upplýstar ákvarðanir. Ekki sýnist mér þær vera neitt sérstaklega upplýstar. Ekki umfram ákvarðanir annarra stjórnmálamanna. Ef eitthvað er þá eru þær heldur ruglingslegri ....
Haffi

Verkföll BHM eru að bresta á eftir helgina. Forseti ASÍ mætti í útvarpsviðtal til að leggja ríkisvaldinu línuna. Hann sagði að ASÍ muni fylgjast með því hvaða stefnu ríkið taki gagnvart BHM, ég skildi það þannig að fylgst yrði með því hvernig staðið verði gegn verkfallsfólkinu. Ég held að það væri ráð að ASÍ kontórinn einbeitti sér að því að ná hluta af kvótagróðanum til launafólks í fiskvinnslu og tengdum greinum eins og Starfsgreinasambandið er að reyna að gera, og léti aðra í friði. Öðru máli gegndi ef við hefðum sammælst um launastefnu. Það höfum við ekki gert.  
Opinber starfsmaður á leið í verkfall

Mig langar til að hrósa þér fyrir grein þína um Frosta Sigurjónsson. Maður á ekki að venjast því að stjórnmálamenn tali vel um aðra stjórnmálamenn, að ekki sé minnst á ef þeir koma  úr öðrum flokkum. það er greinilegt að Frosti gárar vatnið víðar en hér ...Þetta segir mér að Frosti hefur hreyft við kerfinu og einsog þú segir Ögmundur, þá er hann að vísa veginn inn í umræðu nánustu framtíðar þar sem reynt verður að koma böndum á sjálfala bankakerfi sem oftar en ekki vinnur gegn almannahag.
Framsóknarmaður af eldgamla skólanum, kannski að komast í tísku aftur

Ætti að kalla inn með hraði,
allan kvóta strax.
Alþingi ranglega úthlutaði,
eigum þjóðfélags.
Kári

Gjafakvóti auðinn ól
sem aflandssjóðir geyma
hagnaðinn í skattaskjól
en skuldin vistuð heima

Með kveðju,
Gunnar Hólm Hjálmarsson

Sæll Ögmundur.
Langar að senda þér þennan link en þar kemur ýmislegt fram um kvótakerfið til upplýsingar fyrir þig eða til þeirra sem ætla sér að taka við keflinu til að búa til nýtt stjórnmálaafl fyrir næstu kosningar til alþingis kannski í vor ...
Baldvin Nielsen

Landsbyggðina hér lögðu í rúst
fyrir liðlega þrjátíu árum
Þá notaði elítan klíku og kúst
og kynntu undir sárum auðlindina.
...
Höf. Pétur Hraunfjörð.

Þá landinn kallar kvótann inn
þá kafnar elítu valdið
Þá lagast hagur þinn og minn
Þá hækkar veiðigjaldið. 
...
Höf. Pétur Hraunfjörð.

Hvernig er hægt að skrifa um fyrirkomulag fiskveiða við strendur landsins án þess að minnast á að setja allan afla á uppboðsmarkað? Að klippa milli veiða og vinnslu er forsenda breytinga. Kvótinn var settur til að vernda fiskinn í sjónum en ekki fiskvinnslur í landi.
Tryggvi L. Skjaldarson
...

Fljótlega lendum í lukkunni
léttari daga sjáum
Þeir segjast seinka klukkunni
sofa út þá fáum.
Höf. Pétur Hraunfjörð.

Kannski við fáum farsælt ár
svo fólkinu líði betur
Þerrum nú burtu trega tár
og sjáum hvað setur.
Höf. Pétur Hraunfjörð.

Nú er árið næstum allt
Nú má hafa gaman
Nú fá allir mikið malt
Nú má drekka saman.
Höf. Pétur Hraunfjörð.

Sendi því hérna lítið ljóð
líður að ári nýju.
Við hvort annað verið góð
virkið ást og hlýju.
Höf. Pétur Hraunfjörð.