AÐ HRUNI KOMINN Maí 2015

Ég sé að innanríkisráðherra hefur upplýst þig í formlegu svari að starf Rögnu-nefndarinnar svokölluðu um framtíð Reykjavíkurflugvallar að reikningurinn sé kominn í 35 milljónir og enn sé starfinu ekki lokið því á skorti "formlegar veðurmælingar" á Skerjafirði. Hvernig stendur á því að fjölmiðlar sýna þessum gagnslasa fjáraustri engan áhuga? ...
Haffi

Ég minnist þess þegar ég mörgum sinnum heimsótti frænda minn í Bandaríkjunum á níunda áratugnum, hann stundaði  þar sérnám í dýrasjúkdómum, hve oft hann vakti þá athygli mina á lyfjaauglýsingum í útvarpi og sjónvarpi. Hann sagði að gott væri til þess að vita að Íslendingar væru lausir við þennan ófögnuð. Sem betur fer væru hans sjúklingar lausir við áreitið! En manneskjurnar tryðu því miður áróðrinum og ruglinu og væri afleiðingin stóraukin lyfjaneysla. Og nú ætlar Alþingi að samþykkja heimild til lyfjaframleiðenda að hefja áróðursstríðið á ljósvakanum. Þetta verður að stöðva!!!
Jóel A.  

Sammála þér Ögmundur um grein Kára um auðlindirnar og eignarréttinn. Hún er frábær!
Sunna Sara

Um áratugaskeið hafa helstu rök virkjanasinna og náttúruverndarsinna, þegar tekist er á um virkjun eða vernd, verið þau að nauðsynlegt sé að flokka virkjunarkosti á faglegan hátt, annað hvort vernda viðkomandi náttúru eða virkja, gera rammaáætlun ... Ég stend með verndun náttúrunnar en sætti mig við Rammaáætlun. En ég sætti mig engan veginn við frekari uppbyggingu stóriðju. Nóg er búið að rústa óafturkræft af íslenskri náttúru fyrir stóriðju sem íslenska ríkið þénar ekki krónu á heldur verður að borga með.
Pétur Kristjánsson

Hvað líður ályktun gegn veru okkar í Nato? Hér er linkur á áhugaverða grein og video ...
Birgir Rúnar Sæmundsson 

Já víst er það vandamál
að venjast þessu hokri
Ef bankar æsa verðbólgu bál
með bónusum og okri.
...
Pétur Hraunfjörð

... Menn hafa ekki viljað ræða verkföllin hjá heilbrigðisstéttunum. Það kemur mér á óvart. Þessi verkföll eru mjög óvægin og ekki skánar þetta með verkfalli hjúkrunarfræðinga. ...
Stefán Einarsson

Auðvitað á að haga kjaraviðræðum þannig að þær fari stöðugt fram allan ársins hring með skipulegum hætti þannig að reynt verði að ná niðurstöðu ÁÐUR en kjarasamningar eru lausir. Þannig má forðast illvíg verkföll. Hvenær ætla Íslendingar að læra?
Ljósmóðir

Andskoti er allt orðið spillt
á fátt má orðið stóla
þeir ferlega fóru mannavillt
að fangelsa vitlausan Óla.

Pétur Hraunfjörð

Kvótann nú köllum inn
og kröfunni viðhaldið
Eflaust mætast stálin stinn
við stórútgerða valdið. 
Höf. Pétur Hraunfjörð.

Til Ólafsvíkur leggjum leið
líka fólk í hrönnum
Á Skerið liggur gata greið
og kvótamál þar könnum.

Landsbyggðin vill lífsins njóta
í líkingu við Reykjavík
Við köllum til baka gjafa kvóta
og kynnumst því að verða rík.
Höf. Pétur Hraunfjörð.

Þreyttur er og þungt skapið
að þurfa horfa á leiki ljóta
þeir sífellt vilja telja upp tapið
og tala um sinn eignakvóta

í Þorlákshöfn því mætum nú
þar rætt verður um kvóta
auðlindina við eigum ég og þú
en auðmenn aðeins njóta.
Höf. Pétur Hraunfjörð.

Mér sýnist fjölmiðlar, sumir hverjir alla vega, ætlist til að við gleðjumst yfir að alþjóðastofnunin hennar Ingibjargar Sólrúnar, OSCE, ætli “að aðstoða” í Klaustursmálinu; engu skuli til sparað svo við fáum endurheimt sjáfsvirðingu okkar. Að vísu svolítið skrítið að fá þessa “sérfræðinga” núna til að rífa ofan af sári sem kannski var að gróa. Steingrímur forseti þingsins mætti - ekkert mjög óhamingjusamur - í fréttir Sjónvarps til að andvarpa yfir syndugum mönnum. En fyrirgefið, sá yðar sem syndlaus er … og var fjármálaráðherrann, yfirmaður skattamála í landinu, ekki í Panamaskjölunum; er sjávarútvegsráðherrann ekki “okkar maður” Samherja … og er VG ekki að ...
Ársæll

Stýrivextir nú stöðugt lækka
styrkir og bætir okkar hag
Verðbætur þá hætta að hækka
og hamingjan kemst í lag.
...
Höf. Pétur Hraunfjörð.

Við að yrkja yndisljóð
ýmsir frægir reyna.
Vísa Eldjárns virðist góð
vil því ekki leyna. 
Höf. Pétur Hraunfjörð.

Gott er að vita dáðadrenginn
dyggðaveginn bruna:
Ögmundur er aftur genginn 
inn í þjóðkirkjuna.
Þórarinn Eldjárn

Tilefni er jú tvímælalaust
að taka höndum saman.
Hefjum öll upp háa raust
og heftum Kvóta gaman.

Byggðarkvóta nú bráðliggur á
Þá batnar dreifbýlisvandi.
Lífskjör mín myndu breytast þá
og margra úti á landi.
Höf. Pétur Hraunfjörð.

Ég sótti fund þinn í Þjóðmenningarhúsinu um kvótann fyrir skömmu. Fyrir fundinn fannst mér það orka tvímælis að fá Gunnar Smára Egilsson, sósíalistaforingja, til að flytja höfuðerindið á fundinum. Ég verð hins vegar að segja að mér þótti hann gera þetta mjög vel, ný og góð og róttæk nálgun. Ekkert galdrabrennutal en krafa um uppstokkun á kerfinu í anda yfirskrifatar fundarins: Kvótann heim! Þessu er ég sammála.
Jóel A.

Afhverju var þessu máli ekki áfrýjað til Hæstaréttar á sínum tíma sem fjallað var um í þessari grein ,,Kvótakerfið hangir á bláþræði'' fyrir bráðum 14 árum ? Úgerðarmenn þorðu ekki með málið lengra því Hæstarréttur hefði líklega staðfest dóminn sem hefði líklega framkallað bankahrun 2 árum áður en bankahrunið varð flestum ljóst í okt. 2008 https://www.mbl.is/greinasafn/grein/1067864/
Baldvin Nielsen