AÐ HRUNI KOMINN September 2015

Sæll Ögmundur. Ég vildi heyra frá þinni hendi af hverju þú sagðir upp ráðherradómi á sínum tíma. Gjarnan hvort og hvernig það tengdist Icesave málinu ...
Stefán Einarsson

Hér formenn fjárlaganefndar
og framsóknaríhaldið kalt
Finna til frjálshyggjukenndar
nú frelsa skal Island allt. 
....
Pétur Hraunfjörð   

Ég er borinn og barnfæddur Sjálfstæðismaður eins og þú veist. Hefur þú nokkra skýringu á því hvers vegna tölvuskeyti til mín frá flokknum lenda nú orðið alltaf í svokölluðum "ruslpósti"? Eftirfarandi póstur beið mín t.a.m. í sorpinu í kvöld ...
Árelíus

Frosti og Franciscus Páfi,
á fjármálum hafa vit.
Þó um víðan völlinn ráfi
velst ég í skuldastrit.

Pétur Hraunfjörð

KB segir hér í lesendabréfi að ekki megi horfa framhjá Hamas samtökunum þegar Ísrael er fordæmt. Þetta er nokkuð sem jafnan er notað til að réttlæta ofbeldi Ísraelsstjórnar. Auðvitað er til ofbeldissinnað og öfgafullt fólk á meðal Palestínumanna eins og í flestum samfélögum. Sú kúgunarstefna sem Ísrael hefur fylgt í áratugi er sem næring í æð slíkra afla. Ísrael er hins vegar hinn raunverulegi gerandi á sama hátt og Suður-Afríkustjórn var hvað varðar aðskilnarstefnuna í Suður-Afríku. Andspyrnuhreyfingin, ANC, greip til vopna og framdi ódæðisverk. En hún var ekki hinn raunverulegi sökudólgur ...
Sunna Sara  

Heldur þykur mér þú skjóta yfir markið. Alvarlegustu mannréttindabrotin eru þau sem Hamas ber ábyrgð á. Því lítur þú framhjá því?
Með góðri kveðju,
KB

Mig langar að forvitnast um þína tíð sem innanríkisráðherra.Samkvæmt þeim heimildum, sem ég hef þá hafðir þú ekki mjög mikinn áhuga á eða tíma til að sinna fangelsismálum. nú er andrúmsloftið í þjóðfélaginu orðið þannig að fólk telur að betra sé að "betra" fanga í stað þess að refsa þeim. Á Íslandi er refsistefna sem hefur verið við lýði í áratugi og hefur aldrei breyst. Við erum í raun með sama refsistefnukerfið og USA og UK þó vissulega séum við ekki með dauðarefsingar og aðbúnaður er mun betri hérna. Það sýnir sig líka í endurkomutíðni í fangelsin sem er sú sama hjá okkur og í þessum löndum. En aðbúnaður er samt sem áður ekki aðalatriðið heldur þarf ...
Arnar Jónsson

Nú Framsókn og BF vill gefa því gætur,
að glæpamenn fái atvinnuleysisbætur
því Siggi & Óli
á Kvíó skjóli
af blankheitum sofa nú illa um nætur.
Pétur Hraunfjörð

... Svo er hitt alveg rétt hjá henni að dýrkun á óhamingju og óhöppum í lífinu keyrir stundum um þverbak. Í tilraunum blaða til að seljast og tilraunum pólitíkusa að koma sjálfum sér á framfæri. Grafið er upp allt það sem úrskeiðis hefur farið í lífinu, veikindi, ofbeldi,nauðganir, barnamissir, lystarstol og annað sem talið er geta orðið góð söluvara fyrir blað eða pólitíkus. Þetta getur orðið ósköp hvimleitt.
Gott hjá Björk að vekja máls á þessu.
Vinstri maður

Þakka þér fyrir grein þín um að "skaðvaldinn" viljum við ekki aftur á Miðnesheiðina og það sem meira er, Ísland úr NATÓ, strax!
Jón Gr. J. 

Hvað er varaflugvöllur?  Flugvélar á leið til Íslands, Keflavíkur eða Reykjavíkur, þurfa að hafa varaflugvöll ef veður breytist á leiðinni og ekki hægt að lenda við komu til landsins. Sá varaflugvöllur þarf eðli málsins samkvæmt að vera á öðru veðursvæoi svo tryggt sé. Varaflugvellir Keflavíkur- og Reykjavíkurflugvalla eru og hafa verið um áratugi, Akureyri, Egilsstaðir og Glasgow. Umræða um ...
Grétar H. Óskarsson,
flugvélaverkfræðingur

Stálhanski í starfið velst,
sterkur undir kæru.
Árangri leitum eftir helst,
úlfi í sauðagæru.
Kári

Stýrivaxta stjórnlaust okur
er stjórnarskrár brot
Eftir stendur staðlað hokur
og stefna í gjaldþrot.
Höf. Pétur Hraunfjörð.

Ágæt grein hjá Ögmundi um snjallmæla. Snjallmælar gera það mögulegt að breyta orkuverðinu fyrirvaralaust. Það getur breyst frá klukkutíma til klukkutíma. Orkusalar geta því búið til svo flóknar gjaldskrár með hærra verði á daginn en á nóttunni, og á matartíma og utan, lægra um helgar en á virkum dögum og hæst kl 15- 19 á aðfangadag. Þá veit enginn í raun hvað hann er að borga ...
Mkk. Jónas

Ekki er hún Drífa öll
eins og menn halda
iðjusöm hún flutti fjöll
fyrir það skal gjalda.
...
Höf. Pétur Hraunfjörð.

Tryggingastofnun ríkisins(TR) verði gert óheimilt að skerða húsnæðisbætur langveikra og fatlaðra örorkulífeyrisþega og eftirlaunaþega í EIGNARHÚSNÆÐI, ef þeir leigja út frá sér.
Litið verði á leigutekjur sem atvinnufrítekjur sem er um 107. þús. kr. á mánuði hjá öryrkjum en u.þ.b. 200. þús. kr. á mánuði á öldruðum. SAMBÆRILEGT ÞVÍ SEM GERT ER Á NORÐURLÖNDUM. Ath! Öryrkjar og aldraðir mega vinna "úti" án þess að lífeyrisbætur skerðist. - Hver er munurinn á sitthvoru? Nú er bráðavöntun á húsnæði, jafnt fyrir ...
Björk Magnúsar og Grétudóttir

Í ellinni eitthvað að vafra
eins og honum ber
Sagður nú sjötíu og fjagra
sóma drengurinn hér.

Nú árin telur ansi mörg
að telja þau ei nenni
Æskann farin fyrir björg
orðinn gamalmenni.
...
Höf. Pétur Hraunfjörð.

Tímarnir breytast og mennirnir með
í pólitík margan þar snúning hef séð
ei lygina segi
villast af vegi
og fullreynt virðist á langlundargeð.
...
Höf. Pétur Hraunfjörð.

Kyssa vöndinn Vinstri Græn
verja nú Bjarna kallinn
Veikluleg og alls-ekkert væn
vísast er stjórnin fallin.

Með verðbólgu og verðlag hátt
venjast má öllu smátt og smátt
ég lyktina finn
í sjöunda sinn
allt á fleygiferð í gjaldþrota átt.
...
Höf. Pétur Hraunfjörð.

Allrahanda eðalglingur,
allt úr gulli í salnum.
Elísabet er Íslendingur,
ættuð úr Víðidalnum.

Fljótt ég þetta færði í tal,
fleiri kunna að meta.
Virðuleg kona úr Víðidal,
valdist í hásæti Breta.
...
Kári