ORKUPAKKAR OG KVÓTI

Það sinnir ekki þjóðarvakt,
það við skulum muna.
Alþingi gengur alveg í takt,
við íslensku mafíuna.

Sala áfengis í gegnum vefverslun

Þjóðin er farin að þekkja prjálið,
í þinginu taka á sig lykkju.
Svo þegar byrjaði Samherjamálið,
svarað með áfengisdrykkju.

Öskudreifing og áfengisdrykkja

Áfengisdrykkjunni ætla að veifa,
ölinu hreyfa og kanna grundir.
Athygli þessu er ætlað að dreifa,
öskuna leyfa um koppagrundir.

Ráðherra vill vín í pósti

Virðast telja á víni skort,
vilja drykkju auka.
Stjórnarfarið vonda vort,
verndun ættarlauka.
Kári

 

Fréttabréf