AÐ HRUNI KOMINN Apríl 2020



JÓN BJARNASON Í NÝJU LJÓSI

Mig langar til að þakka þér fyrir umræðuþættina um kvótamálin. Ég horfði á síðasta þátt þar sem makríldeilurnar voru raktar þannig að þær urðu skiljanlegar. Jón Bjaranson, sem hefur verið úthrópaður vegna þess sem hann aðhafðist á sínum tíma sem sjávarútvegsráðherra varðandi makrílinn, sé ég nú í algerlega nýju og miklu jákvæðara ljósi. En hvar eru fjölmiðlar landsins? Kannski að undantekinni Stundinni eru þeir steindauðir að öðru leyti en því japla á kórónaveirunni daginn út og daginn inn. Allir virðast þeir vera búnir að gleyma Samherja og ...
Jóhannes Gr. Jónsson  

Lesa meira

KÓRÓNA OG KREPPA

Fljótt sjáum tima fátæktar
færast í aukana
En líka endalok allsnæktar
og sparibaukanna.

Um kórónuveiru og kreppuna syngja
kapítalisminn okkur virðist íþyngja
bágt er tjónið
við Bláalónið
en þar virðist alveg galtóm pyngja.
...
Höf. Pétur Hraunfjörð.

Lesa meira

VILTU SPÁ?

Telur þú meiri eða minni líkur á að Alþingi setji lög sem banni eignasöfnun auðmanna á landi? Heldurðu að ríkisstjórnin telji sig komast upp með að láta sitja við það eitt að setja lög um að upplýst verði hver eigi landið eins og frumvarp er komið fram um? Punktur basta?
...
Jóhannes Gr. Jónsson

Lesa meira

ÞÖRF Á BARÁTTU GEGN FÁTÆKT

... Hvað þarf ég að bíða lengi eftir því, að þú látir til skara skríða gegn fátækt á Íslandi. Svo ég sé alveg heiðarleg og hreinskilin við þig, þá efast ég stórlega um að þú hafir þurft að leita með betlistaf í hönd til hjálparstofnana á Íslandi, né ættmenn þínir. - Þar skiljast okkar leiðir. Þú nefndir það við mig, í Borgartúni 22, þarna um árið að þér  hugkvæmdist að ráðmenn væru á launum, sem svaraði þremur á móti einum. Hvað reikninglíkan þú áttir við, veit ég ekki. - Þú mátt gjarnan útskýra það fyrir mér nánar. Komið hefur fram sú hugmynd að ráðamenn væru "hæst" á þreföldum ...
Helga Björk Magnúsd. Grétudóttir,
Aðgerðarhóp Háttvirtar Öryrkja.

 

Lesa meira

SAMA GAMLA SAGAN

Lífeyrissjóðirnir leiðindi skapa
ljótt er ástandið hér 
Hjá Icelandair sínu hlutafé tapa
skerða svo hjá mér.

Múgæsingu hér margir dá
Þegar mikið er undir
Lýðskrum nota lygnir þá
og lofa betri stundir.
...
Höf. Pétur Hraunfjörð.

Lesa meira


HÆGRI SINNUÐ HRÆÐSLA

Ég er algerlega sammála þér að hræðsla hægri manna við róttækni magnast í réttu hlutfalli við björgunarprógrömmin sem nú eru kynnt um allan hinn kapítalíska heim. Skyndilega er allt hægt! En eftir því sem sjóðir almennings eru opnaðir þá opnast líka augu fólks fyrir því sem áður var ekki sýnilegt. Allt í einu eru til ótakmarkaðir peningar svo bjarga megi kapítalismanum en áður var aldrei neitt til og allra síst til að rétta hlut öryrkja og þeirra sem minnst hafa. En nú þegar misréttið verður sífellt fleirum sýnilegt þá er beðið um stjórnmál, helst svo leiðinleg að þau verði með öllu ósýnileg.Ef þetta er ekki ...
Jóel A.     

Lesa meira

VIÐ FLÓR OG AUSU

Forstjórar hérna röfla og rausa
reyndar hafa þeir skrúfu lausa
nú syngur kórinn
moka skal flórinn
og peningum í taprekstur ausa. 

Tíföld laun´ann leggur til
Það launaskrið má kanna
Ágúst gerir þar góðu skil
gleður fjölda listamanna.

Höf. Pétur Hraunfjörð

Lesa meira

Frá lesendum

ÓVÖNDUÐ FRÉTTASTOFA SJÓNVARPS

... Engar vangaveltur voru um málið og þá hvort ekki hefði verið rétt að leyfa fólkinu að fara til síns heima eins og við hin gerum ef við smitumst af veirunni! Er það þá líka forréttindafrekja? Ferðamennirnir sem hingað komu vitandi um sóttkvíarskylduna færu síðan á hótel og greiddu þar að sjálfsögðu fyrir sig. Í fréttatíma Sjónvarps var ekki boðið upp á slíka málefnalega umfjöllun.  
Fréttastofa sem setur málin svona fram í viðkvæmu deilumáli veldur ekki hlutverki sínu um að vera upplýsandi og málefnalegur miðill heldur kemur fram eins og dómgreindarlaus áróðursvél fyrir sjónarmið valdhafa.
Í þessum viðkæmu málum er beinlínis óábyrgt að ...
Sunna Sara  

Lesa meira

Á HVAÐA VEGFERÐ ERUM VIÐ?

Það var illa  til fundið af Kára Stefánssyni í Kastljósi Sjónvarpsins að sveija á Brynjar Níelsson, alþingismann, og uppnefna hann fyrir að hafa vogað sér að fara til útlanda. Ef Brynjar Níelsson hlítir sóttvarnareglum á hann ekki að þurfa að sitja undir svívirðingum, hvorki af hálfu Kára Stefánssonar né annarra. Hvert stefnir þetta þjóðfélag okkar?
Jóhannes Gr. Jónsson

Lesa meira

VIÐREISN ÁLYKTAR OG ÞINGMAÐUR KÆRIR - SIG SJÁLFAN

Að standa í þessu er stöðugt puð,
styðjum við Frakka og Belga.
Við trúum á okkar evrópska guð,
inngöngu í sambandið helga.

Að sitja á þingi og sulla með leir,
sannleikann móta ég hálfan.
Þruglið úr höfðinu þoli ekki meir,
þess vegna kæri mig sjálfan.

Evrópu selja áfram völd,
engar leiðir góðar.
Braska þau á bakvið tjöld,
beygja stoðir þjóðar.
...
Kári

Lesa meira

HÆLIÐ FYRIR ÖSKURAPA:

Hælið fyrir ríka öskurapa: Öskur og hvæs taugatrekktra og ríkra í hátalarakerfi, gegn óþolandi kyrrð öræfa landsins og gegn kyrrlæti valdra náttúrudásemda, varð stofn að ríkiskynningu til erl.ferðamanna nýlega.”Þeir ríku gráta mest” er sagt, þeir búa oftast við sálarkvalir. Slíkt mannval er einmitt æskilegast gesta til landsins, peningar þeirra í boði. “ Komið og öskrið á kyrrðina” (gegn greiðslu), er því tilboð íslenskra stjórnvalda til ríkisfólks heimsins, þess sem oftast grætur í hjarta sér þótt úr gulli sé gert. Þekkingu á bágu sálarlífi auðmanna er vel til að dreifa á Íslandi, hana má fénýta alþjóðlega. “ Komið til Islands, grátið, gólið, hvæsið, öskrið að vild” og græjurnar eru til reiðu. Vonin er ...
Grímur

Lesa meira

SKAMMHLAUP Í HEILABÚI STJÓRNVALDA?

Ég er sammála þér varðandi skynsemina, hún hlýtur að þurfa að fá að vera með. Ferðamálaráðherrann sem fór í partí með vinkonum sínum í miðju kófinu lætur nú loka annað fólk inni í hótelfangelsi og ríkisstjórn sem lætur milljarða í að auglýsa að fólk eigi að drífa sig til Íslands, lokar svo gestina inni í fangabúðum sem skattgreiðendur þurfa að borga fyrir. Eru engin takmörk? Var verið að tala um skynsemi eða kannski skort á henni?  Auðvitað átti ekkert að auglýsa að fólk ætti að koma við þessar aðstæður! Og þarf ekki að ræða við ferðafyrirtækin sem auglýsa helgarferðir til að sjá eldgos? Hvernig væri að slá í einn fund í þjóðaröryggisráðinu þar sem þau sem í því sitja gætu tekið púls hvert á öðru? Það er orðið eitthvert skammhlaup í heilabúunum sýnist mér.
Sunna Sara

Lesa meira

LEITIN AÐ ARFTAKA

Nú leita að liðlegum manni
sem á lýðinn vill óheft herja
Trúfestu hann sýni og sanni
og liðsinni Samherja.

Nú birtir yfir borginni okkar
bráðum kemur vorið hlýtt
Sjórinn tær og sveitin lokkar
og sumarið blómum prýtt.
...
Höf. Pétur Hraunfjörð.

Lesa meira
Allt Frá lesendum

Fréttabréf

 

Frjálsir pennar

Baldur Andrésson skrifar: UM VANDASAMT VEGABRASK

... Vaðlaheiðargöng, braskdæmið í skötulíki, eru nú kölluð hluti af þjóðvegakerfi, sem að öðru leyti er i sameign þjóðar. Áfram er þó vegabrask kappsmál. Megináherslan er því á að skuggsetja Vaðlaklúðrið, göng skráð sem séreign hlutafélags með eignaraðild stórfyrirtækja, en kostuð með almannafé. Vegabrask er ennþá pólitískt kappsmál. Síst er að vænta andstöðu SF eða VG við þann draum nýfrjálshyggjuafla. Vaðlaheiðargöng eru í raun ríkiseign, en þó ennþá skráð sem séeign ábyrgðarlauss skúffufélags, VHG hf. Pínlegan ruglandann skal þagga sem kostur er, þótt ...

Lesa meira

Kári skrifar: ÁHRIF MARKAÐSVÆÐINGAR ORKUMÁLANNA Í BRETLANDI - INNRI ORKUMARKAÐUR EVRÓPUSAMBANDSINS -

Glöggir menn hafa réttilega bent á það undanfarið hvernig Landsvirkjun virðist reka sjálfstæða „orkustefnu“. Á sama tíma vinna stjórnvöld markvisst að því að innleiða orkustefnu Evrópusambandsins en hafa enga sjálfstæða stefnu. Er Ísland þó ekki aðili að sambandinu. Lausnin á vandanum er hins vegar ekki sú að búta Landsvirkjun niður og afhenda fjárglæframönnum bútana. Það mun einungis leiða til miklu hærra raforkuverðs, ofurskuldsetningar og síðan gjaldþrota [„bankaformúlan“]. Þá er það skelfileg tilhugsun að dreifikerfið (Landsnet) lendi í höndum braskara og ...

Lesa meira

Grímur skrifar: TÝNDUR Í TVÖ ÁR. ÓFUNDINN ENNÞÁ

...Almenningur er því varaður við þáttöku í leitinni, en engum fundarlaunum er heitið, nema þá helst ómerkilegum blaðamanna verðlaunum, mjög varasömum. Stökkbreytti týndi Vaðlaverðmiðinn var óásjálegur við fyrstu sýn 2012, en óx og dafnaði vel í kjölfarið, enda vel fóðraður. Glataða niðurstaðan frá í mars 2019 finnst þó síðar verði er hald margra, nema ef leit verði stöðvuð, vegna sprengjuhættu eða ...

Lesa meira

Kári skrifar: KAUPHALLARRAFMAGN OG EINKAVÆÐING LANDSVIRKJUNAR

Nú sem fyrr treysta íslenskir stjórnmálamenn á „minnisleysi“ kjósenda. Fjölmiðlar sem styðja stjórnmálin auðvelda það með því að fjalla ekki um mikilvæg mál og beina sjónum kjósenda í aðrar áttir. Á meðan eru margskonar „myrkraverk“ unnin af hálfu stjórnmála- og embættismanna. Það er kallað „gagnsæi“. En fyrirbærið nær ekki til kjósenda. „Gagnsæið“ merkir í raun upplýsingaskipti innan valdaklíkunnar og til vina hennar ...

Lesa meira

Þórarinn Hjartarson skrifar: STRÍÐSLOK OG ENDURREISN Í SÝRLANDI - EÐA EKKI?

Sýrlandsstríðið varð að nýju dálítið fréttaefni í íslenskum fjölmiðlum um daginn þegar Bandaríski herinn kastaði sprengjum á landamærasvæðið milli Sýrlands og Írak 25. febrúar að skipun Joe Bidens. Heima fyrir fékk forsetinn reyndar dálitla gagnrýni fyrir að hefja loftárásir án þess að bera undir þingið. Einn forsetaframbjóðandi Demókrata gekk þó mun lengra í gagnrýni og fordæmdi þá stefnu sem málefni Sýrlands ætla að taka hjá nýjum húsbændum  í Hvíta húsinu. Þetta er Tulsi Gabbard sem nú er nýhætt á þingi. Hún lýsir yfir: ...

Lesa meira
Allt Frjálsir pennar