HÆLIÐ FYRIR ÖSKURAPA:

Öskur og hvæs taugatrekktra og ríkra í hátalarakerfi, gegn óþolandi kyrrð öræfa landsins og gegn kyrrlæti valdra náttúrudásemda, varð stofn að ríkiskynningu til erl.ferðamanna nýlega.”Þeir ríku gráta mest” er sagt, þeir búa oftast við sálarkvalir. Slíkt mannval er einmitt æskilegast gesta til landsins, peningar þeirra í boði. “ Komið og öskrið á kyrrðina” (gegn greiðslu), er því tilboð íslenskra stjórnvalda til ríkisfólks heimsins, þess sem oftast grætur í hjarta sér þótt úr gulli sé gert. Þekkingu á bágu sálarlífi auðmanna er vel til að dreifa á Íslandi, hana má fénýta alþjóðlega. “ Komið til Islands, grátið, gólið, hvæsið, öskrið að vild” og græjurnar eru til reiðu. Vonin er að öskrum fylgi tár úr eðalsteinum og perlum, beint í hendur annarra gróðapunga, sem stýra stjórnvöldum á Íslandi. Í lúkur þeirra sem sjálfir gráta mikinn á lokuðum gullkömrum sínum. En eru þó bara hressir þess á milli, þegar vel er borið í aska þeirra af sístarfandi þjónum, stjórnvöldum.
Grímur