Frá lesendum

...Ögmundur, ég vona að þú finnir þessum íslenska fána góðan stað, þar sem ber mikið á honum, og takir hann jafnvel á ræðufundi og samkomur, til að minna fólk á að þetta er fáninn sem núverandi stjórnvöld Framsóknarflokksins og Sjálfstæðisflokksins höfnuðu og fundu engan stað fyrir, hvorki á byggðu bóli, né í hjörtum sínum!
Ég ber mikla virðingu fyrir Pétri Kristjánssyni og hafi hann þökk og heiður fyrir framtak sitt. Ég vona að þessi heiðursgjöf hans verði hvatning til þess að íslenskir fánar verði í hávegum hafðir miklu meir en áður hefur verið! Hvarvetna sem ...
Helgi

... Ætti að mati Vinstri Grænna að loka öllum álverum í heiminum...?
Jón Þórarinsson

Nú er lag til að fagna. Ég og aðrir umhverfisverndarsinnar bíðum eftir því að þú fagnir þeirri ákvörðun Hitaveitu Suðurnesja að falla frá umsókn um rannsóknarleyfi í Brennisteinsfjöllum. Það voru kratarnir í Hafnarfirði sem áttu stóran þátt í þessari ákvörðun HS. Bæjarstjórnin fagnaði ákvörðuninni og hvatti Orkuveitu Reykjavíkur og Landsvirkjun til að falla einnig frá umsókn um rannsóknarleyfi. Þetta eru sömu kratarnir og ætla að láta bæjarbúa ákveða með atkvæðagreiðslu hvort af stækkun álversins í Straumsvík verði. Ég veit að VG hefur reynt að gera þá atkvæðagreiðslu torkennilega ...
Kveðja Sáfi

Ég  er einn þeirra sem staðið hefur frammi fyrir því að ákveða hvort ég taki við starfi hjá Matís ohf, hinu hlutafélagavædda fyrirtæki, sem áður samanstóð af Rannsóknarstofnun fiskiðnaðarins, Matvælarannsóknum á Keldnaholti og rannsóknarstofu Umhverfisstofnunar. Ég skal játa að ég var í hópi þeirra sem lét mig litlu varða hvort stofnanir væru færðar í búning hlutafélags eður ei. Eftir að kynnast atgangi nýrra stjórnenda með persónubundna ráðningarsamninga upp á vasann, nánast í einelti gagnvart einstökum starfsmönnum og andúð þeirra á stéttarfélögum, eru skoðanir mínar í þeim efnum gerbreyttar. Ég ásaka sjálfan mig fyrir...
Hlutafélagavæddur ríkisstarfsmaður  

...Það var ánægjuleg samstaða í borgarráði nú rétt fyrir jólin um spilakassana í Mjódd. Borgin hefur áður reynt að nýta skipulagsvald til að banna spilakassa (á Skólavörðustíg) en var gerð afturreka með þá ákvörðun af dómstólum. Nú er spurning hvort unnt sé að tryggja lagagrundvöll fyrir sveitarfélög til að koma í veg fyrir spilakassastarfsemi þar sem þau vilja ekki heimila hana...
Árni Þór Sigurðssson

Ég verð að segja eins og er að tónleikarnir á aðfangadagskvöld voru frábærir. Óskar Einarsson er alveg á heimsmælikvarða og svo auðvitað Edgar Smári og María Másdóttir. Þarna voru líka dívur úr Gospelheimum sem ég þekki ekki nafnið á og sungu eins og englar...Mér finnst leiðinlegt hvað kennimennirnir í frjálsu söfnuðunum eru langt að baki söngfólkinu í framsetningu á Orðinu. Þakkir til sjónvarpsins fyrir að flytja þennan þátt inn í stofu til okkar. Svo vil ég þakka þér Ögmundur fyrir að standa vörð um rétt okkar þessa venjulega manns og óska þér gleðilegs árs og velfarnaðar á komandi ári.
Bjarni

...Það er hrikalegt að hlusta á fjármálaráðherrann og forsætisráðherrann koma fram í fjölmiðlum og segja að það komi þeim á óvart að alþjóðlegt matsfyrirtæki vari við áframhaldandi þenslu í íslensku efnahagslífi...Hvers vegna láta fjölmiðlar þessa menn komast upp með þetta rugl? Að ógleymdum iðnaðarráðherranum sem segir að ríkisstjórnin sé fyrir löngu hætt að reka stóriðjustefnu. Þetta segir þessi ráðherra, sem jafnframt er formaður Framsóknarflokksins, á sama tíma og ríkisstjórnin greiðir götu stórðjunnar sem aldrei fyrr...!
Haffi

...Ég skora á þig að svara eftirfarandi spurningum. 1. Er eðlilegt að ríkið leggi 24,5% virðisaukaskatt á lyf? 2. Ef þú ert ekki sammála því munt þú þá koma fram með tillögu til lækkunar? 3. Munt þú vinna að því að einokun tveggja smásölukeðja í lyfjasölu verði skoðuð og að t.d. samskonar verðsstýringu verði komið á og nú er á innflutningi frumlyfja þ.e. að aðeins verði leyfð 7-13% álagning á lyf í smásölu eins og í heildsölu? eða að álagning í smásölu verði ákveðin af lyfjaverðlagsnefnd eins og er gert fyrir heildsölurnar. 4. Munt þú styðja að samhliðainnflutningur lyfja lúti sömu reglum um verðmyndun, upprunavottun og rekjanleika eins og innflutningur frumlyfja frá umboðsaðilum? 5.Munt þú styðja að leyfisgjöld verði lækkuð og að S merk lyf þurfi ekki að lúta sömu ströngu skilyrðum og lyf á endursölumarkaði varðandi þýðingu ofl. til að ná niður kostnaði? 6. Munt þú beita þér fyrir því að samheitalyf verði á sama verði hér og í Danmörku eins og gert hefur verið varðandi frumlyf? 7. Hefur þú skoðað stærðarmuninn á lyfjamarkaði hér og í Danmörku þar sem allt Ísland er álíka mikill markaður og meðalborg í Danmörku eins og Aarhus...
Sigurður Sigurðarson

...Gaman að sjá þig á ráðstefnu RSE. Þar sagðir þú að eignarréttindin væru ekki þín uppáhalds mannréttindi. Hver eru þín uppáhalds mannréttindi?
Jóhann J. Ólafsson.

...Við skulum ekki láta blekkjast af  stundargróða af völdum braskvæðingar þjóðfélagsins. Þessa dagana er verið að loka útíbúi Íslandspósts í Skipholti í Reykjavík. Enn ein lokunin. Landsbyggðin hefur þó farið mun verr út úr því dæmi en höfuðborgarsvæðið. Það er af sem áður var að Pósturinn nyti sambýlisins við Símann. Nú er hlutafélaginu Íslandspósti hf hins vegar settar strangar markaðsskorður. Síminn er hins vegar löngu orðið fjárfestingarfyrirtæki fyrir eigendur sína og hagar sér sem slíkt – jafnvel þótt við hefðum getað verið óheppnari með eigendur. Hér sendi ég slóð
Grímur
107 Reykjavík  

...Formaður var spurður hvort hann ætti einhverja ósk flokknum til handa. Ég hélt að Jón myndi segja að hann vonaði að flokknum auðnaðist að snúa af villu síns vegar, segja skilið við stóriðjustefnuna, einkavæðingarspillinguna, Íraksundirgefnina og misréttispólitíkina. Nei, aldeilis ekki. Framsóknarfóstrinn sagðist eiga þá ósk að Framsóknarflokkurinn fengi sanngjarnan dóm og yrði dæmdur af verkum sínum. Þá er væntanlega vísað til framgöngu flokksins við Kárahnjúka, einkavæðingu þjóðareignanna, misbeitingu valds í þágu pólitískra vildarvina, þjónkun við Bush og Blair og skattastefnu í þágu hinna efnuðu. Auðvitað get ég ekki annað en tekið undir með Jóni Sigurðssyni að...
Haffi

Mig langar til að þakka þér fyrir prýðilega hugvekju um gjörninginn hennar Rúrí á Þingvöllum í sumar. Það fór nefnilega fyrir mér eins og þér að með gjörningnum lifnaði sagan – hún öðlaðist líf. Rúrí gaf að nýju lífið stúlkunum sem samferðamenn þeirra – samfélag fyrri tíðar – ofsótti og tók af lífi á grimmilegan hátt. Ég tek undir hvert orð sem þú skrifaðir í pistli þínum um þennan gjörning og...
Ólöf

Það sem mig langar að spyrja þig um snýr að olíufélögunum, sá í fréttum að eitt af þeim vann mál í héraðsdómi, varðandi verðsamráðið. Það sem mig langar að vita er, hversu lengi ætlar alþingi að leyfa þeim að stunda verðsamráð eins og þeir gera í dag. Það er ekki einu sinni þannig að félögin séu að fara leynt með það heldur auglýsa þau verðhækkanir í fjölmiðlum. Það er, hvort sem fólki líkar betur eða verr, ekkert annað en verðsamráð. Sá fyrsti sem ákveður að hækka verð sendir hinum upplýsingar um það í fjölmiðlum svona...
Baldur

Merkilegt var að fylgjast með þeim Geir H. Haarde, formanni Sjálfstæðisflokksins og Ingibjörgu Sólrúnu Gísladóttur, formanni Samfylkingarinnar rífast um það í Kastljósi Sjónvarpsins hvort væri harðdrægara í skattaniðurskurði. Ingibjörgu Sólrúnu þótti ekki gengið nógu hart fram gagnvart landbúnaði en Geir varðist og sagði að stuðningur við landbúnaðinn yrði skorinn niður með tíð og tíma! Hvort þeirra skyldi vera ...
Haffi

Heill og sæll og til lukku með gott gengi í forvalinu. Það er stundum haft á orði að við kjósendur höfum ekki minni nema á við þokkalega greinda gullfiska. Þetta er líklega rétt. Ég var nefnilega á gangi yfir Lækjargötuna hér í borg fyrir nokkrum dögum þegar að framhjá mér ók maður sem ég áttaði mig á að ég átti að muna hver var (er) - en mundi ekki. Ég gekk áfram vestur Austurstræti og snaraði mér inn í bókabúðina sem eitt sinn var kennd við Eymundsson (eitthvað hefur víst aukist á henni nafnið - man bara ekki á hvaða lund). Þar sem ég fer að fletta í jólabókunum rekst ég á væna bók um Ólafíu Jóhannsdóttur, þann kvenskörung og mannvin. Sem ég er að handleika þá bók rifjast upp fyrir mér hver maðurinn var sem ók framhjá mér...
Guðmundur Brynjólfs.

Sæll, Ögmundur og til lukku með fínann árangur þinn, í forvalinu. Hefði þér samt ekki frekar þótt við hæfi, að góðir sjómenn og verkamenn hefðu komizt einhverri skör ofar, á listanum en þetta menntafólk upp á bókina, sem kappnóg er af; fyrir á Alþingi ? Við þurfum fólk, með þjóðlegar artir, og góðar kenndir til landsins sjálfs nú á þessum síðustu tímum. Miklu frekar vil ég þakka þér þá ábendingu, sem þú gafst Birgi Ármannssyni, kollega þínum á Alþingi, á dögunum. Það er nóg komið, af útrásar sjálfbelgingnum og monti ný-kapítalistanna, víðsvegar um veröldina, ekki satt Ögmundur? Það vill oft brenna við...
Óskar Helgi Helgason frá Gamla Hrauni og Hvítárvöllum

Ég var spurður um daginn hvað ég kysi. Án þess að vita nákvæmlega hvaða kosningar eða kosti væri átt við svaraði ég hátt og skýrt “vinstri”. Uppi varð fótur og fit og ég spurður hvort ég vildi semsagt borga hærri skatta. Ég svaraði viðstöðulaust, “já!” Þá sló þögn um sig á kaffistofunni og starað var á mig stórum augum. Ég sagðist vilja að tekjum mínum væri ráðstafað fyrir mig á sem bestan hátt fyrir mig og alla. Þá var ...
K.I.P. 

Þessu er beint til þín, Ögmundur, sem þátttakanda í forvali Vg 2.des næstkomandi: Kæri frambjóðandi. Munt þú koma til með að beita þér fyrir því að hjólreiðabrautir komist í vegalög, svo hjólreiðar verði raunhæfur samgöngukostur í
Heimir Viðarsson

Upplýsingarnar um að heima - og vinnusímar Hannibals Valdimarssonar hafi verið hleraðir eru enn eitt áfallið fyrir íslensk stjórnvöld. Nei, þetta er enn eitt áfallið fyrir íslenskt samfélag. Falleinkunn hins unga íslenska lýðveldis. Og það er ekki aðeins að brotið hafi verið á Hannibal Valdimarssyni. Það var brotið á allir fjölskyldunni. Hvers átti Sólveig Ólafsdóttir eiginkona Hannibals að gjalda? Ógnaði hún öryggi ríkisins? Hvers áttu börn Hannibals að gjalda sem notuðu heimasímann 1961, barnabörnin, vinirnir eða skyldmennin sem notuðu símann? Brotin gegn þessu fólki og öðrum sem beittir voru órétti af því tagi sem íslenska ríkið gerði sig sekt um eru svo alvarleg að ekki verður við unað. Handhafar þess valds sem fóru fram á að brotið væri gegn helgum rétti einstaklinga eru aumkunarverðir þótt tekið sé...
Ólína

Ég vil byrja á að þakka þér fyrir þessa mjög svo góðu heimasíðu þína, hún er öðrum til eftirbreytni. En eitt er það sem hefur verið að trufla mig undangengnar vikur, það eru ummæli þín um bankana og þátt þeirra í vaxandi ójöfnuði hér á landi. Áður en ég geng að kjörborðinu nú á vori komanda verð ég að vita hvort þetta sé eitthvað sem þú og þínir flokksbræður-og-systur komið til með að ...
Sigurjón Njarðarson

Hlustaði á ritstjóra Morgunblaðsins segja frá lífi sínu og samferðamanna sinna í kvöld og fannst hann mannlegur af því hann er augsýnilega breiskur. Hann sagði frá því af hverju hann kaus á þessari öld að birta ekki einkagögn sem hann gerði útá á síðustu öld. Hér á ég við hin persónulegu Baugsgögnin annars vegar, sem hann geymdi í skúffu sinni, og hins vegar SÍA skjölin sem hann birti á sínum tíma  þótt gögnin væru bæði persónuleg og stolin. Birting á hvoru tveggja fór fyrir dómsstóla. Mér fannst hann líka mannlegur af því hvernig hann talaði um vini sína sem hann leggur sig fram um að halda góðu sambandi við. Það rennur líka í honum réttlætistaug í samfélagsmálum. Kannski var það þess vegna sem þeir kölluðu hann...
Ólína 

...Lokaði Davíð ekki "vitleysumræðunni" um Íraksstríðið með yfirlýsingu um að það væru allir Írakar himinlifandi með innrásina utan að það væru einhverjar hnippingar og minniháttar áflog í einum fimm hreppum sem litlu máli skiptu náttúrlega í svona stóru samhengi. Og enn koma mér í hug orð eins bóndans og sóknarbarns afa míns fyrir vestan þegar hann bar sig upp vegna ósmekklegrar orðræðu granna sinna um hann ómaklega: "Ef þetta eru menn, séra Árni, af hverju er ég þá ekki eitthvað meira en maður".
Árni Gunnarsson frá Reykjum.

Mig langar til að forvitnast um hvort ykkur v.g. sé alvara með að auka réttlæti þeirra innflytjenda sem hér búa hvað varðar laun og húsnæði? og hvort að þið hafið kannað hvort að Íslendingar myndu láta bjóða sér að búa við þær aðstæður sem margir ss. Pólverjar þurfa að búa við þ.e. í gámum sem staðsettir eru á vinnusvæðum. Dæmi eru gámar við nýja Ikea húsið og Loftorku í Borgarnesi og fyrir ofan Húsasmiðjuna í Reykjanesbæ. Ég er nefnilega að finna mér stað í flokki ...
Hrönn Guðmundsdóttir,

...Við veltum fyrir okkur af hverju sjónvarpið hefði tekið að sér að betrekkja strætó í Reykjavík með auglýsingum um “upplýst fólk”. Ein okkar sem býr á Akureyri sagði að þetta ráðslag stingi í augu utanbæjarmanns sem heimsækti borgina þessa dagana. Önnur velti fyrir sér hvort auglýsingafé þessu væri ekki betur varið í framleiðslu innlends menningarefnis sem útvarpsstjóranum er svo tamt um að halda á lofti í aðdraganda einkavæðingar og sumir listamenn lofa og prísa. Kannske eru þeir í auglýsingageiranum? Svo ræddum við hvernig á því stæði að stofnun sem stærir sig af metáhorfi kvöld eftir kvöld, stofnun sem nýtir sér ríkistryggða yfirburði gagnvart keppinaut á markaði sem reyndar horfir upp á hrun á hlutabréfamarkaði meðal annars vegna frumvarps menntamálaráðherra, teldi sig þurfa að..
Ólína

...Það er ekki nóg að vera endalaust að þvarga um virkjanir og mengun á meðan að fólk á hvorki til hnífs né skeiðar, á meðan að geðfatlaðir eiga vart húsaskjól, á meðan að spilafíklar hafa í fá hús að venda, á meðan að alkahólistar horfa örvæntingafullir á fagaðila þrasa um hæfi hvers annnars, á meðan að ungar stúlkur ganga kaupum og sölum á götum borgarinnar. Við sem erum í VG þurfum að staldra við nú þegar að nálgast kosningar og þó fyrr hefði verið - það er fátækt á Íslandi og böl af öllum sortum, það er það sem fyrst þarf að laga. Segiði mér svo af virkjunum og grænum túnum...
Guðmundur Br.

Ég vil að þið komist í stjórn og hækkið skattleysismörk - uppí 150. 000. Ég er öryrki og bý í húsnæði sem er 23 fm.. En það er sumt á stefnuskrá ykkar sem ég er samt mjög hrædd við. Ég þekki hagfræðinga og þeir eru algjörlega sammála um það að hækka fjármagnstekjuskatt verði til þess að minna komi í ríkiskassann. Af hverju ætlið þið þá að gera það? Sjálf er ég sammála um að þetta skilar minna. Það má heldur ekki gera neitt svona sem veikir atvinnulífið, svo mikið skil ég, og þarna finnst mér þið stundum algjörir glannar. Auk þess...
Öryrki

...Málið um verðsamráð olíufélaganna hefur loksins verið dómtekið. Samkvæmt öruggum heimildum Valhallar er þessi óvænta stefna sem málið hefur nú tekið mikill léttir fyrir forstjóra olíufélaganna enda er það samdóma álit þeirra að um venjuleg tæknileg mistök hafi verið að ræða. Fleira er..
Úr sarpi Þjóðólfs

Hvað finnst þér um að embættismenn í Stjórnarráðinu eru teknir við því furðulega hlutverki að selja hvalket til Japan eins og fram hefur komið í fréttum? Mér kom þetta mjög á óvart og eðlilega er þetta bæði vont fordæmi og afar slæmt afspurnar. Hélt að hlutverk embættismanna á þeim bæ væri annað mikilvægara en að setja sig í stöðu Kaupa-Héðins. Á heimasíðu Félags leiðsögumanna http://www.touristguide.is  er sagt frá fundi félagsmanna við Ásbjörn Björgvinsson hjá Hvalasafninu á Húsavík. Þar kom margt fróðlegt fram um...
Guðjón Jensson,
Mosfellsbæ

...Mér fannst hins vegar gott hjá þér að rétta kúrsinn varðandi mikilvægi skatttekna frá bankageiranum einsog  þú gerðir í grein þinni í Fréttablaðinu síðastliðinn laugardag. Þar hafði mér fundist þú kominn út á grátt svæði og létti þegar þú skýrðir málið nánar. Ég tek heilshugar undir með þér að slagurinn snýst um hvers konar þjóðfélag við viljum og hvort þotuliðið eigi að geta stillt okkur hinum upp við vegg og umturnað hér öllu sér í hag. Sigurður Einarsson hjá KB- banka sem fer fyrir þotuliðnu, skildi nákvæmlega hvert þú varst að fara og sagði réttilega í Kastljósviðtali að ...
Haffi

..."Ofurgróðinn" er einfaldlega hlutfall af eigin fé bankans, því fé sem í honum er bundið, og er nauðsynlegur ef bankinn á að vera heilbrigður og gegna hlutverki sínu í hagkerfinu. Svo ég komi aftur á byrjunarreit, þá þýðir ekki í nútímasamfélagi að tala í upphrópunum og láta eins og einföldustu hagfræðilögmál gildi ekki. Þá eru menn í reynd að segja að þeir vilji fara yfir í Sovétkerfi með fullkomlega miðstýrðu hagkerfi án tengingar við framboð og eftirspurn. Ef það er tilfellið er betra að segja það hreint út.
Vilhjálmur

Úr hverju er þessi þjóð búin til? Á sama tíma og ríksstjórnin talar um að lækka skatta stórfyrirtækja niður í 10% er verið að bjóða öldruðum smá mola með stig lækkun á skerðingu ellilífeyris sem taka á gildi í áföngum yfir mörg ár... Fólk sem ekki hefur efni á lyfjunum sínum, sérfræði læknisþjónustu eða sjúkraþjálfun. Landinn er orðinn svo þraut þjálfaður í að láta beygja sig og ...
Guðrún Hreinsdóttir

...Ef þingflokkur VG væri helmingi fjölmennari en nú er eins og skoðanakannanir að undanförnu hafa sýnt, væri staðan heldur betur bærilegri en hún hefur verið undanfarin ár. Þið hafið staðið ykkur með ólíkindum vel og fengið ótrúlega miklu áorkað en það er ekki leggjandi á ykkar fámennu sveit að standa ein undir þessu mikla álagi til frambúðar. Nú er að efla VG og fjölga á þingi. Fleiri Álfheiðar og hennar líka í hópinn...
Sjöfn

...Ég er fullkomlega sammála afstöðu þinni sem kemur fram í pistlunum “HVERN ER VERIÐ AÐ HAFA AÐ FÍFLI? “ og “BANKARNIR RÍFI SIG EKKI FRÁ SAMFÉLAGINU “ á vefsíðunni þinni! Mér finnst þó að það hefði mátt benda á að enda þótt  “hlutafélagsformið”, geti verið ágætt þar sem það á við og er heiðarlega rekið, hafi mönnum engu að síður tekist að spilla því og misnota eins og önnur efnahags- og þjóðfélagsúrræði. Það á við um þetta mannanna verk eins og mörg önnur, jafnvel sjálft lýðræðið, að því má snúa upp í andhverfu sína. Auðmenn og fjármálaklíkur kaupa sér það hlutfall eigna hlutafélagsins sem ...
Úlfljótur

... Í þáttinn var Guðfríði Lilju greinilega boðið vegna þeirrar ákvörðunar hennar að gefa kost á sér á lista Vinstrihreyfingarinnar græns framboðs í komandi prófkjöri á höfuðborgarsvæðinu. Ég sannfærðist þá um að þau orð Hrafns Jökulssonar á heimasíðu hans á þá leið að með henni bættist VG mikill liðsstyrkur, ættu við rök að styðjast, sbr...
Skákkona í VG

...Tek heilshugar undir sjónarmið þín, viðvíkjandi gróðahyggju og aukna ásælni svokallaðra útrásarmanna á kostnað íslenzkrar þjóðfélagsgerðar, og sem jafnframt skreyta sig, og sín fyrirtæki með útlendum orða- og nafnaskrípum. Réttast væri, að þjóðnýta þessar 3, af 4 stoðum bankakerfisins. Þarf að fara að draga niður í þessu sjálfumglaða þotuliði, sem braskar með þjóðarfé, jafnt erlendis sem innanlands.
Eru ekki nægar nauðsynjar fyrir þessa fjármuni hér heima fyrir ? Samgöngukerfi - heilbrigðiskerfi t.d. Nóg komið af...
Óskar Helgi Helgason

... Þú vilt fórna bönkunum úr landi og þar með taka atvinnuna af fleiri þúsundum manna sem vinna hjá bönkunum. Væri það virkilega gott fyrir efnahaginn og þá sem hafa lægri tekjur og þurfa á ýmissri aðstoð að halda frá ríkinu, ef bankarnir færu úr landi? Það eru ekki bara 12 milljarðar af skatti sem færi, hvað með tekjuskattinn og gjöldin sem allir starfsmennirnir borga. Ekki heldur gleyma því að ... "Jafnaðarsamfélag" er náttúrulega ekkert annað en kommúnismi, og flestir vita að það gengur hreinlega ekki upp, hefur þú komið til Norður ...
Davíð Stefánsson

...Sannast sagna þóttu mér yfirlýsingar Magnúsar Þórs Hafsteinssonar, þingmanns Frjálslyndra, fara yfir strikið og báru þess vott að hann vildi gera út á þetta málefni í kosningum. Árásir og gagnrýni á alla aðra stjórnmálaflokka á Alþingi - þ.e. alla aðra en hans eigin flokk - báru þessu vott. Auðvitað er hér á ferðinni mál sem taka þarf á af yfirvegun og með víðtækri sátt og einingu í þjóðfélaginu. Áhyggjur Magnúsar Þórs eru ekki nýjar af nálinni. Þú gerðir þetta sérstaklega að umræðuefni á nýafstöðnu þingi BSRB, Ögmundur, og fannst mér áherslur þínar þar hárréttar. Þær hafa verið til umræðu mikið á netinu að undanförnu og fannst mér Guðmundur Magnússon, blaðamaður og rithöfundur hitta...
Grímur

...Það eru hinsvegar söfnun eigna og eignatekjur manna og sem jafnvel ekki er greiddur eðlilegur skattur af sem mér blöskrar. En þeir vinna ekki endilega í bönkum. Það er annað mál.  Ég held og er reyndar viss um að láglaunastefnan og samfélagsbreytingin  gegnum innflutning á erlendu vinnuafli sem hagstjórnartæki stjórnvalda er  miklu alvarlegra mál fyrir velferð og jöfnun tekna í landinu en há laun toppanna í bönkunum - hversu siðlaus þau annars kunna að vera. Haldi fram sem horfir getur verið styttra í en margan hyggur að  þeir sem starfa sem  verkfræðingar,  háskólakennarar, læknar  og bankamenn hér á landi verði ótalandi á íslensku einmitt í nafni "jafnlaunastefnu" stjórnvalda  og þannig hugsandi fyrirtækja. Ekki er það þróun sem við...
JB

...Mér finnst einmitt athyglisvert að þú skulir ræða hversu miklu þurfi að fórna til að "losna" við nokkra stráka og stelpur í silkigöllum. Nú er það svo að bankarnir eru nú þegar búnir að borga 16,7 ma.kr. fyrstu 9 mánuðí ársins en ekki 11 (samkvæmt ársreikningum) auk þeirra skatttekna sem laungreiðslur "þotuliðsins" skila og annara greiðsla og framlaga banka til samfélagins. Til að setja þetta í samhengi má benda á að fyrir þessa upphæð má til dæmis...
Pétur

Hvers vegna talar þú svona niðrandi um þá aðila sem vinna hjá bönkunum og hafa komið sér vel áfram í grein þinni 1.11.06? Mér finnst skrif þín ekki hæfa stjórnmálamanni sem situr á alþingi sem málsvari þjóðarinnar og óska eftir að þú endurskoðir ummælin. Að lokum...
Björgvin

...Norður í Atlantshafi býr fámenn þjóð á lítilli eyju sem talin er ein mesta gersemi jarðarinnar vegna hreinni auðlinda til láðs og lagar en önnur þjóðríki. Umrædd skýrsla um ástand lífríkis jarðarbúa bar í sér frétt sem hvergi hefur sést fyrr. Golfstraumurinn sem er grunnforsenda alls lífs á þessari eyju hafði nýlega stöðvast í einhverja daga. Líklega á sama tíma og stjórnvöld okkar voru að hugleiða nýjan samning um orkusölu til mengandi stóriðju. Hvorki ríkisstjórn né stjórnarandstaða þessarar þjóðar sér ástæðu til að boða til fundar á Alþingi og ræða þetta smámál og móta tillögur um viðbrögð. Bág er þessi ríkisstjórn en snautlegri er þó stjórnarandstaðan...
Árni Gunnarsson frá Reykjum

...Eru fjölmiðlarnir, stjórnmálamenn og almenningur staurblindir Ögmundur? Af hverju eru rýrar skattgreiðslur af ofsagróða ekki fréttaefni? Hvernig má það vera að afkomuupplýsingar banka og skattgreiðslur eru lesnar upp eins og veðurfréttir án frekari umræðu og gagnrýni? Ég hef heyrt menn segja að ef þrengt verður að bönkunum þá fari þeir úr landi. Starfsemi þeirra sé alþjóðleg og mikilvægt að halda fyrirtækjunum hér. Ég vildi snúa þessu við og spyrja: Höfum við efni á þessum dýru drengjum? Er siðferðilega rétt að búa bönkum skattaskjól eins og tölurnar bera með sér? Er ekki betra að láta þetta lið sigla sinn sjó og starfa í útlöndum? Slyppum við þá ekki við að leggja lóð okkar á vogarskál óréttlætisins sem við gerum nú með því að versla við bankana? Legg fyrir þig dæmi Ögmundur, sem mætti nota á samræmdum prófum í framhaldinu...
Ólína

Lærið þið aldrei neitt, þið vinstri menn? Ekki einu sinni af reynslunni? Og svo er mótsögnin í umræðum ykkar og rökum brosleg. Í einu orði kvartið þið yfir skattahækkunum og í öðru yfir skattalækkunum! Þið virðist ekki skilja enn að því minna sem hið opinbera hrifsar til sín af fjármagni sem í umferð er því betur vinnur fjármagnið í þjóðfélaginu...
Gunnar Th. Gunnarsson

...Almenningur er á móti því að hlutafélagavæða Ríkisútvarpið. Engan hef ég hitt sem er sáttur við þá gjörð. Nema nokkra verktaka, kvikmyndaframleiðanda og músíkanta, sem ég sé skrifa hástemmdar greinar um hve hamingjusamir þeir séu yfir þessu frumvarpi. Eitthvað fara þessi skrif viðskiptavina RÚV fyrir brjóstið á mér. Kannski á að skoða þetta sem fyrirhyggju í viðskiptum. Ekki kann ég að meta hana. Mér finnst meira að segja lítið til hennar koma.
Sunna Sara

Ég þakka þér svar við spurningu minni um Samvinnutryggingar (hér). Ég hefði átt að vita að þar leyndist Finnur Ingólfsson. En hvað um það, ekki amalegt að vinna hjá ekki fyrirtæki á ofur launum. Sjá frétt af ruv.is .Hver er réttur okkar viðskiptavina Samvinnutrygginga í samvinnufélaginu? Hvað borgaði þetta fyrirtæki í kosningasjóð ...
Fyrrverandi viðskiptavinur Samvinnutrygginga.

...Í úrskurði þessum er fyrrum framkvæmdastjóra Sjálfstæðisflokksins fært á silfurfati á 3ja hundrað milljónir króna í bætur fyrir eignanám á 3,6 ha spildu við Rauðavatn. Rökstuðningur nefndarinnar er sérstaklega allra athygli verður: hver fermetri í eigu fyrrum framkv.stj. er metinn á verði og lagt til grundvallar hæsta fermetraverð sem greitt hefur verið fyrir á höfuðborgarsvæðinu. Ljóst er að verulegur hluti þessarar einna dýrustu lóðar Íslandssögunnar verður einungis helgunarsvæði samgöngumannvirkja, vega og hringtorgs! Þar verður sennilega lítið byggt, kannski ekki nokkur skapaður hlutur. Þá er gróður á spildunni metinn á 6.4 milljónir eða meira en góð frístundalóð kostar! Dýr myndi allur gróðurinn í Kárahnjúkadölum verða metinn...
Guðjón Jensson, Mosfellsbæ

...Ég vildi benda þér á blekkingarfrumvarp Samfylkingarinnar, sem nú er í bígerð. Það ætlar að rætast sem ég óttaðist: Boðað frumvarp Jóhönnu og Margrétar um skerðingu á eftirlaunum "æðstu manna"er fyrirlitleg blekking...Andstaða þjóðarinnar við eftirlaunalögin byggðist ekki á því að fyrrverandi ráðherrar gætu verið í fullu starfi og þegið jafnframt eftirlaun. Þann agnúa afhjúpuðu fjölmiðlar mánuðum eftir að lögin voru samþykkt. Andstaðan byggðist á forréttindahyggjunni sem grasseraði í frumvarpinu, eins og þú veist... Ekkert hálfkák, enga uppgerð, engar blekkingar. Hér er uppkast að frumvarpi...
Hjörtur Hjartarson

Ég hef lesið greinar þínar um samskipti þeirra Jóns Baldvins, Steingríms Hermannssonar og Svavars Gestssonar af athygli. Ég er sammála þér að auðvitað áttu þeir tvímenningar að koma hreinna fram gagnvart Svavari. Mér finnst það sannast sagna aumt af þeim að geta ekki viðurkennt það og beðist afsökunar. Hitt ætla ég þó að sé rétt að hvorugur þeirra JBH né SH hafi trúað nokkru misjöfnu upp á SG varðandi Austanmenn. Það gerði þjóðin ekki heldur eins og þú reyndar segir. Í ljósi þessa þykir mér þú gera of mikið úr þessum landráðabrigslum. Þau voru aldrei sett fram nema þá af einstaka öfgamanni sem vildi sverta vinstri menn og halda Rússagrýlunni á lífi. Ástæðan fyrir því að Svavar varð fyrir skeytum nokkurra hægri öfgamanna var einfaldlega sú að hann var mjög öflugur talsmaður vinstri stefnu. Þess vegna var reynt að grafa undan honum og gera hann ótrúverðugan. Aldrei hef ég hins vegar ...
Samfylkingarmaður sem áður var í Alþýðubandalagi

...Ég er sammála þér og Sunnu Söru, hvað komu Roman Abromovits og hans líka til landsins snertir. Mér skilst að Roman Abromovits sé góðvinur Ólafs Ragnars og konu hans...Kemur hann með Bónus flugvél, eða í sinni eigin? Ögmundur, við eigum nóg af okkar eigin heimabökuðu þjófum sem eru ekkert betri miðað við fólksfjölda, og eftir er að afgreiða...
Úlfljótur

Ég las um það í Blaðinu að Roman Abromovits, Chelsea-eigandi, væri kominn til Íslands í opinberri heimsókn á vegum forsetaembættisins. Ef ég man rétt þá er var Abromovits einna afkastamestur í hópi þeirra manna sem stálu eignum rússnesku þjóðarinnar á einkavæðingartímanum í Rússlandi. Finnst þér rétt Ögmundur að bjóða stórþjófi í opinbera heimsókn til Íslands, jafnvel þótt Íslendingar geti hagnast á því? Mér finnst það ekki. Forsetaembættið á að...
Sunna Sara

...Vinstri hreyfingin grænt framboð greiddi atkvæði gegn Kárahnjúkavirkjun en Framsókn, Samfylking og Íhaldið greiddu atkvæði með Kárahnjúkavirkjun. Ég man ekki betur en að Frjálslyndi flokkurinn hafi líka greitt atkvæði gegn Kárahnjúkavirkjun alla vega var Ólafur F Magnússon sá sem talaði gegn þessari virkjun og...
Jón Þórarinsson

Á forsíðu Morgunblaðsins sl. sunnudag  er greint frá því, að nú sé hart barist í prófkjörsslag Sjálfstæðisflokksins vegna þingkosninga að vori. Lengi vel voru það einkum lögfræðingar sem voru valdir á lista Sjálfstæðisflokksins en nú þurfa þeir sem hyggja að leggja fyrir sig þingmennsku að vera sæmilega loðnir um lófana til þess að geta gert hosur sínar grænar fyrir verðandi kjósendum. Mér finnst vera uggvænlegt að auðurinn sé sífellt að verða aðalatriðið en ekki hugsjónir og sannfæring fólks. Áður fyrr var...
Guðjón Jensson

...Það gengur algerlega fram af mér að menn skuli voga sér að fara erlendis og semja við erlent ríki fyrir hönd íslensku þjóðarinnar og undirrita, að sögn forsætisrráðherrans “nýjan varnarsamning”  við Bandaríkin.  Þessi samningaferð Geirs Haarde, Björns Bjarnasonar og Valgerðar Sverrisdóttur til að undirrita nýjan varnarsamning við Bandaríkin er gerð án umfjöllunar á háttvirtu Alþingi Lýðveldisins, án umræðu og samþykkis utanríkimálanefndar, og að mér skilst án leyfis forseta Íslands, sem skal vera allavega í samráði í samningsgerðum stjórnvalda við útlönd og verður að samþykkja þá, svo ég vísi aðeins til 21. greinar stjórnarskrárinnar.
Að umræddir ráðherrar skuli vera í tygjum við hina bandarísku FBI, sem er innanríkislögregla Bandaríkjanna, er...
Helgi

Mig langar til að þakka þér kærlega fyrir bréfið góða sem þú sendir mér og öðrum íbúum Snæfellsbæjar, varðandi aðför meirihluta Sjálfstæðismanna í bæjarstjórn Snæfellsbæjar, að starfsmönnum bæjarins. Það er nefnilega svo, að þessi ógeðfellda aðför, er ekki bara aðför að einum tilteknum starfsmanni íþróttahússins, heldur að öllum íbúum bæjarins. Yfirvöld Snæfellsbæjar eru með framgöngu sinni að segja: ef þið sitjið ekki og standið, talið og hugsið, eins og við viljum, skulið þið hafa verra af. Því miður sýnist mér að valdstjórnaræði...
Jóhannes Ragnarsson, Ólafsvík.

Mogginn á það til að bregða sér í skemmtigallann og rífa sig upp úr gráu hversdagslegu farinu, sem einkennir hann enn, þótt tíminn hafi stungið þetta annars ágæta dagblað af. Fyrir okkur lesendur jafnast skemmtidagar Moggans á við að lesa ljóð, eða jafnvel frekar flókna glæpasögu, útlenda. Svona dagur var í dag. Bjartur, tær og spennandi. Síða tvö í Mogganum. Fyrst fréttin um að sími utanríkisráðherra hafi verið hleraður og efasemdir fyrrverandi samgönguráðherra um að það hafi verið svo. Síðan neðri fréttin á sömu síðu svo að segja í sama ramma: Samstarf á nýjum grunni fer vel af stað. Þarna standa þeir Bjarnason, Mueller og Haarde i höfuðstöðvum FBI, bandarísku ríkislögreglunnar sem Hoover gerði svo fræga, og þarna voru þeir samkvæmt yfirlýsingum forsætisráðherra vegna “plaggsins” sem...
Ólína

Ég las umræðu þína og Gríms um lækkun matarskatts.  Ég er svolítið ósammála ykkur báðum, en þó sammála á vissum sviðum. Jú auðvitað verður að hafa matarverð eins lágt og hægt er, en svo er einnig með húsnæði, rekstur á bifreið, verð á fatnaði og lærdómstækjum, sérstaklega fyrir börn, o.s.f.v., o.s.f.v.
Jafnframt því að lækka skatta á matvælum, ætti að hækka alla skatta á auðkýfingunum, til dæmis tekjuskatt og eignaskatt. Það mætti hækka óskattlagt kaup fólks og afnema algjörlega tekjuskatt á öldruðum upp að t.d. 200.000 kr. á mánuðu með skattfrjálsum tekjum.  Látum ... 
Helgi

Ósköp er hún einhliða umræðan um lækkun matarskatta. Nánast allir virðast vera sammála um ágæti þessara aðgerða. Frá mínum bæjardyrum er þetta ekki eins einfalt mál og menn vilja vera láta. Í fyrsta lagi er það óumdeilt að því lægri skattar þeim mun betra fyrir neytandann þröngt skoðað. Ef þetta hins vegar leiðir til þess að neytandinn þurfi að greiða hærri gjöld annars staðar, t,d. á sjúkrahúsum, þá horfir málið öðru vísi við. Það vill nefnilega gleymast að skattalækkun þýðir tekjurýrnun hjá ríkissjóði og sveitarsjóðum! Þetta hefur nánast ekkert verið rætt í tengslum við fyrirhugaða lækkun á virðisaukaskatti á matvörur, nema þá að sagt hafi verið ...
Grímur

Sú var tíðin að ég tryggði mínar litlu eignir hjá Samvinnutryggingum. Skyndilega var ég orðinn viðskiptavinur VÍS við sameiningu Samvinnutrygginga og Brunabótafélag Íslands sem var í ríkiseign.
Hvað um það nú er Helgi nokkur Guðmundsson...
F yrrverandi viðskiptavinur Samvinnutrygginga.

... Í stefnuskrá VG er kafli um jafnrétti. Mig langar til að spyrja þig, sem formann Fjölskyldu- og styrktarsjóðs, hvort að það samræmist stefnu flokksins að greiða ekki körlum úr sjóðnum?
Haraldur Geir Eðvaldsson

Húsvíkingar hefðu betur fylkt liði í baráttu gegn kvótakerfi sem rænt hefur samfélagið drúgri lífsbjörg og einnig leitað í margrómaða hugmyndaauðgi Þingeyinga um atvinnuuppbyggingu. Samfélagið hefur ekki staðið sem skyldi að byggðastefnu og þar með atvinnuuppbygingu á landsbyggðinni á hálfan annan áratug. Þín orð Ögmundur, spurning: vildir þú geta úthlutað kvóta? Og þá til hverra? þeirra sem ...
Pétur

Varðandi umræðuna um símahleranir og njósnir á árum Kalda stríðsins sem hafa orðið töluverðar á undanförnum vikum er spurning hvort af tvennu illu væri ekki hyggilegt að fremur væru sett skynsamleg lög um þessi mál en engin. Þar þarf að kveða skýrt á um það við hvaða skilyrði megi hlera síma og stunda njósnir og í hvaða tilgangi. Slíkar heimildir þurfa auðvitað að vera mjög þröngar og rökstyðja þyrfti þörfina hverju sinni. Eitt af skilyrðunum er, að öll gögn beri að varðveita og að þau...
Guðjón Jensson

Nú er herinn farinn - það er að segja líkamlega. Þessi her fer aldrei úr vitund þjóðarinnar - etv. sem betur fer. En þó er það einnig miður. Viðskilnaðurinn er í þeim anda sem til var stofnað í upphafi: Smánarlegur fyrir íslenska þjóð og íslenskt land. ...Ég rakst á - ég held ekki fyrir tilviljun - limru eftir Þorstein Valdimarsson. Hún er svona:

Það er svipað um hernámið hér 
og helvítis rykið hjá mér: 
Það seiglast að falla, 
það svínar út alla - 
og sést ekki fyrr en það fer.

Mér sýnist þetta nokkuð rétt - eða hvað?
Guðmundur Brynjólfsson

... eigum við að kenna þeim um morðin og ofbeldið á saklausu fólki ásamt pyntingabúðum víðsvegar um heim ásamt flugi með ódæmda fangana í íslenskri flughelgi? ... Nei, Ögmundur, það gerum við ekki. Látum þá bara skammast sín ef þeir hafa einhvern manndóm til þess!  Hugsandi fólk sér í gegnum málatilbúnað þeirra!
En minnumst ætíð með þakklæti, þeirra góðu Íslendinga sem börðust fyrir herlausu og sjálfstæðu Íslandi!   Fyrir Íslandi án erlendrar hersetu!!   Fyrir Frjálsri þjóð!!!
Helgi

...Líklegt er að þessi versnandi lánskjör bitni á viðskiptavinum bankanna  innanlands því ekki geta þeir boðið viðskiptavinum sínum erlendis þessi lánskjör.
Af kauptíðindum bankanna má skilja að unnir hafi verið miklir varnarsigrar með þessari fjármögnun og eftirspurn eftir skuldabréfum þeirra hafi verið langt umfram framboð. Er það óeðlilegt í ljósi þess hvað almennt gerist á þessum markaði, er ekki ástæða til að halda að hægt sé að gera mun betur í þessum málum? Víst er að einkavæðing bankanna hefur ekki skilað okkur betri lánskjörum og þeir vísu menn sem nú í  stafni standa hafa ekki staðið undir væntingum þrátt fyrir ...
Bjarni

Mér finnst sjálfsögð sú krafa að Alþingi verði kallað saman áður en fyllt verði á Hálslón. Í fyrsta lagi til að ákveða hvort þörf sé á rannsókn á öllu ferlinu og í framhaldi hvort ekki eigi að fresta fyllingu lónsins á meðan rannsóknarnefnd Alþingis kanni málið. Saga málsins mun viðhalda þeim klofningi sem verður meðal þjóðarinnar ef af verður. Þetta er óafsakanlegt...
Ingvar

...Ég sé ekki betur en allskonar lið sé nú orðið óskaplega grænt og sjái ekkert því til fyrirstöðu að sameina bæði umhverfisverndina og þjónkun undir alheimskapítalið. Hefði þá ekki verið betra að við sossarnir sem ekki skrifum upp á einkavinavæðinguna og sjálftökukerfið hefðum gefið skít í Samfylkingarkratismann og haldið áfram að andæfa græðginni á hreinum vinstri forsendum? Ég var að lesa eitthvað eftir einhvern nýjan Samfylkingarmann sem var eins og dæmigerður já og nei maður, og talaði um umhverfismálin eins og hreinræktaður Framsóknarmaður og að það væri hægt að vera hvorki til hægri né vinstri og bara taka svona meðaltalið af þessu öllu saman. Ég held hann heiti Dofri ...
Jónatan

Iðnaðarráðherra og formaður Framsóknarflokksins er illa upplýstur og  fer með ósannindi um stöðu virkjanamála í Skagafirði.
Allt er til reiðu fyrir Villinganesvirkjun, aðeins skortir leyfi sveitarstjórna. Nýr meirihluti Samfylkingar og Framsóknar í sveitarstjórn Skagafjarðar hefur gefið grænt ljós á að fórna Jökulsánum  og vill heimila bæði Villinganesvirkjun og Skatastaðavirkjun á skipulagi.
Í þættinum „Ísland Í  Dag“ á NFS  í gærkvöldi  var Jón Sigurðsson iðnaðarráðherra og formaður Framsóknarflokksins spurður um afstöðu til virkjana í Jökulsánum í Skagafirði. Ráðherrann svaraði spurningunni á þann veg að virkjanaáformin í Jökulsánum  væru mjög skammt á veg komin og aðeins hefði verið veitt rannsóknaleyfi fyrir Villinganesvirkjun en virkjunarleyfi hefði ekki verið veitt.
Þetta er rangt hjá ráðherranum. Með...
Skagfirðingur

Er Kárahnjúkavirkjun hægra og vinstra hvel allrar hugsunar hjá VG ?...
Kalli

Ögmundur, í viðtali við Morgunblaðið, miðvikudaginn 13/9 sl., var Alain Belda, aðalsforstjóri  ALCOA m.a. spurður um ástæðu þess að einungis stæði til að nota þurrhreinsibúnað í stað þurrhreinsi- og vothreinsibúnaðar. Hann bar fyrir sig niðurstöður Skipulagsstofnunar, sem nýlega birti álit um umhverfismat álversins. Þar kemur fram að báðir kostir væru fullnægjandi til að halda loftmengunneðan tilgreindra marka! Þessi hluti svars forstjórans er vel að merkja réttur. Skipulagsstofnun grundvallar sitt álit á þeirri mengunarviðmiðun, sem gildir innan Evrópusambandins. Þar nýtast ALCOA þeir einstöku kostir að fá tækifæri til að hleypa mun meira magni mengandi efna út í andrúmsloftið yfir Íslandi vegna "hreinleika loftsins", en ella væri ef á Íslandi væri mengandi iðnaður fyrir.
Sveinn

... öll röskun á rafmagnsflæði frá Kárahnjúkum yrði ekkert annað en rothögg fyrir íslenskt efnahagslíf og reyndar sýnist mér að skaðinn yrði enn meiri en Sigurður áætlar. Eftir að hafa sett allar breytur inn í dæmið er niðurstaða mín sú að þjóðin mundi tapa 952 milljörðum króna á tveimur árum. Og rétt er að hryðjuverkaöflin til vinstri svari eftirfarandi spurningu; hvar ætla þau að sækja það fjármagn? Á kannski ...
Jón Bisness, athafnaskáld

Sæll! Mig langaði bara til að komast að því hvað er að gerast þarna við Eyjabakka. Nú er það þannig að ég þekki mann sem er að vinna þar sem gröfumaður(og er búinn að vera það í ca. ár) og hann segir að það sé verið að sökkva Eyjabökkum svona án þess að segja neinum. Hann er búinn að vera þarna í langan tíma þannig að þetta er búið að vera að gerast í einhvern tíma. Það á víst að reisa þar einhverjar stíflur og læti. Getur það verið? Er þetta rétt hjá honum? Með kveðju,
Guðrún Beta

...Það er vissulega fagnaðarefni ef Samfylkingin ætlar að leggja aukna áherslu á umhverfismál. Þegar talsmenn hennar fjalla um stefnu VG er hins vegar vinsamlegast mælst til þess að farið sé með rétt mál.
Sjálfur var ég á sínum tíma fylgismaður Samfylkingarinnar og trúði á fagurgalann um hina umhverfisvænu stefnu. Eftir atkvæðagreiðsluna um Kárahnjúka ákvað ég að ég myndi ekki framar láta sannfærast af fögrum orðum. Eftirleiðis yrðu stjórnmálamenn að sýna mér hug sinn í verki. Síðan hef ég fylgt VG að málum og líkar það vel. Þar er stefnan skýr.  
Umhverfisvænn félagi í VG

...Afhverju er ekki löngu búið að beita ályktun 377 í öryggisráðinu gegn Ísrael og fram hjá Bandaríkjunum? 
Jón Þórarinsson

...Þetta veit Valgerður Sverrisdóttir, háttvirtur ráðherra og þingmaður til margra ára, eins vel og ég og því er eðlilegt að spyrja: Hvenær og með hvaða hætti voru athugasemdir Gríms hraktar “með vísindalegum rökum”? Hvaða vísindamenn unnu það verk og af hverju hafa niðurstöður þeirra ekki verið birtar opinberlega? Einmitt með opinberri birtingu á þessu vinnuferli væri málsvörn Valgerðar ef til vill aðeins betur borgið. Varla getur það verið...
Þjóðólfur    

...Vilja Vinstri græn álverslaust ísland?
Bestu kveðjur,
Jón Þórarinsson

...Sannast sagna ætlaði ég upphaflega að fylgja Samfylkingunni að málum. Var henni meira sammála um ýmislegt en ykkur í VG. Ég set hins vegar umhverfismálin í forgang. Þess vegna styð ég VG en ekki Samfylkinguna sem gengur í meðmælagöngu fyrir áli á Húsavík, vill álver í Helguvík og stækka í Straumsvík, eða hvað segið þið um þessar fréttir hér að neðan? Eftirfarandi fréttir eru á vef RÚV 13. sept. 2006. Trúverðugt? Ég bara ...
Snjólfur.

...Styð þig heilhsugar í aðgerðum þeim er þú gekkst út af fundi Iðnaðarnefndar til að mótmæla leynipukrinu.  Þjóðin á rétt á því að öll spilin verði lögð á borðið.  Skora á þá er lesa síðuna þína að taka undir í baráttu fyrir opnu og lýðræðislegu þjóðfélagi...
Sigurbjörn Halldórsson

Nú ætla ég að koma með ábendingu. Nú vantar starfsfólk á Kefluvíkurflugvöll og það væri hægt að ráða allt það starfsfólk sem kæmi frá varnarliðinu mjög einfalt og gott. Þar þarf engin álver...
Jón Þórarinsson

...Svo á að heita að við Íslendingar búum í elsta lýðræðisríki heimsbyggðarinnar, sem ætti að vera stór fjöður í okkar hatt. En lýðræðið á að vera í alvöru, ekki bara í sögubókum, hvað þá sýndarveruleiki. Það er til lítils að gleðjast yfir fornri frægð ef við höfum ekki manndóm til að gefa lýðræðinu inntak á vorum dögum. Ég er nánast orðlaus yfir leynimakkinu og finnst bæði Alþingi og okkur öllum - íslensku þjóðarfjölskyldunni – gerð skömm til. Og það mega menn vita að ef lýðræði á að vera annað og meira en orðin tóm verður þjóðfélagið að vera opið og þjóðin virk í málum sínum! Ég er svo sannarlega sammála þér Ögmundur, og geri ráð fyrir að öll þjóðin sé það líka, að það sé komin tími til að ...
Helgi Geirsson

Háttalag LSV að því er "upplýsingamiðlun" um starfsemi fyrirtækisins varðar, líkist sífellt meir því sem viðgengist hefur meðal leyniþjónusta þeirra ríkja sem eiga í hernaðarátökum. Landsvirkjunarmenn finna sig greinilega í svipaðri stöðu, verandi í "hernaði gegn landinu og hluta landsfólksins". Háttur leyniþjónusta við slíkar aðstæður er ekki hvað síst að miðla "misvísandi" upplýsingum. Þannig er allt gert til að fegra ástandið þegar illa gengur. Þetta hefur ...
Sveinn

...Látum vera að þingmenn væru prívat og persónulega þeirrar skoðunar að það bæri að virkja við Kárahnjúka. En að sjálfsögðu átti að leyfa  okkur – þjóðinni – að ráða í þessu mikla deilumáli! Ég fletti upp á þessari atkvæðagreiðslu á vef Alþingis og sé þar að enginn (!!!!) utan VG treysti sér til þess að greiða þessari tillögu atkvæði. Skyldi umhverfissinnað fólk muna þetta í næstu kosningum? Hér má sjá atkvæðagreiðsluna um nefnda tillögu...
Sunna Sara

Í mjög góðri og athyglisverðri grein eftir bandaríska metsöluhöfundinn, William Rivers Pritt, sem meðal annars hefur skrifað tvær bækur um Írak stríðið, eru raktar lið fyrir lið lygar Bush Bandaríkjaforseta og ráðandi manna í ríkisstjórnum hans, um Írak stríðið og langar mig Ögmundur til þess að birta hana sem eins konar viðhengi við þetta bréf mitt til þín. Hún er á ensku og ég hef ekki tök á að þýða hana en fyrir þá sem skilja ensku er greinin ómetanlegur gagnabanki.
Umrædd grein heitir: We used to impeach liars. Á íslensku myndi þetta útleggjast, Við vorum vön að ...
Haffi  

Hugmynd um Keflavíkurflugvöll; Í gær sótti ég málþing um eldfjallagarð á Reykjanesi og kom þar upp hugmynd um að nýta byggingarnar á herstöð Keflavíkur til þess að byggja upp háskólasamfélag sem ætlað væri að laða að fólk erlendis frá í rannsóknir og nám í jarðfræðunum öllum, bæði BA, Master og Doktorsnám. Þar væru nemar og vísindafólk í næsta nágrenni við plötuskil og eldfjallagarðinn sem gengur inn á land þarna við Atlantshafið. Hvernig væri að kanna ...
Andrea

...Þeir sem annað veifið fá þessa græðgikveisu ættu að skoða reynslu nærliggjandi landa, sem hafa farið út í einkabisnis með heilbrigðiskerfið og læknaþjónustu. Reynslan kennir að það hefur hvergi gengið blessunarlega. Ef læknar eru ekki á annað borð orðnir forfallnir aurasjúklingar, ættu þeir að lesa hvatningu og óð Hippocratesar, draga djúpt andann, taka eina magnil og skammast sín svolítið. Íslenska hjúkrunarkerfið, sem komin er góð reynsla á, hefur lengi verið öðrum löndum til mikillar fyrirmyndar, og hafa Íslendingar ástæðu til að vera hreyknir af því.  Bandaríska heilbrigðiskerfið sem gróðahyggjufólkið einblínir á, er til dæmis margfalt dýrara og þyngra í vöfum bæði opinberi og einkaeignar þátturinn. Þá er auðvitað ekki verið ræða um þær stofnanir sem þjóna eingöngu ríku fólki og auðkýfingum sem þurfa ekki að hafa áhyggjur af kostnaðinum.  Svo skal benda á, að...
Helgi Geirsson        

...Víst eru Kárahnjúkar stór mál en af hverju heyrist lítið frá ykkur um mál Keflavíkurflugvallar? Það er mál sem þarf að tala meira um svo ekki fari illa.
Haraldur Magnússon

Það er verið að auglýsa ráðstefnu um Schengen og EES að Bifröst 8. þessa mánaðar. Samferða er látið líta svo út að aðal hlutverk Schengen snúist um fjölþjóða lögreglumál, sem hljómar gott og vel. Hvaða Íslendingur telur ekki nauðsynlegt að hafa hendur í hári erlendra glæpamanna sem hópast til landsins, og Halldór Ásgrímsson drap á í kveðjuræðu sinni og háttvirtur dómsmálaráðherra sagðist sammála í vefpistli sínum.  Auðvitað eigum við að hafa náið samband við allar grannaþjóðir okkar, ef ekki allar þjóðir heims, hvað lögreglusamstarf snertir, og þá að koma glæpamönnum á bak við lás og slá. En það er ekki aðal ástæðan fyrir Schengen! Að halda því fram er einfaldlega fals og lygi...
Úlfljótur 

Mér finnst ótrúlegt að sumir þingmenn Samfylkingarinnar hafi greitt atkvæði með Kárahnjúkavirkjun þrátt fyrir skort á upplýsingum, þeir hefðu betur greitt atkvæði gegn Kárahnjúkavirkjun vitandi það að það skorti upplýsingar en ég er ánægður með að VG greiddu atkvæði gegn ...
Jón Þórarinsson

Ég er sammála Hirti Hjartarsyni að þörf er á meiri fagmennsku í fréttirnar. Vaðandi hringlið í skattamræðunni hefur hreinlega skort á að fjölmiðlarnir sjálfir færu í saumana á málunum. Eftir það geta stjórnmálamenn og aðrir rifist um stefnu. Þeir eiga ekki að þurfa að rífast um hverjar eru staðreyndir mála. Síðan er náttúrlega hitt, að ríkisstjórnir undangenginna ára skuli hafa komist upp með annað eins niðurrif á samfélagi og eyðileggingu á landi án þess að þurfa í alvöru að standa skil gerða sinna frammi fyrir þjóðinni. Þar ber stjórnarandstaðan ábyrgð að undanskilinni...
Haffi

...Ekki þarf að taka fram að það hýrnaði heldur betur yfir forsætisráðherranum við þessa játningu fréttamannsins. Svipað er uppi á teningnum á NFS, þar sem fréttamaður spyr ekki út í málsatvik og rök viðmælenda sinna, heldur kemur eitthvert stefnulaust bull líkt og: "Eruð þið ekki bara að reyna finna eitthvað upp til að tefja fyrir fyllingu Hálslóns." Mér finnst vanta á fagmennsku í íslenskri fjölmiðlun. Rás 1 ber þó af og Jóhanna kastljóska hefur gert góða hluti.
Hjörtur Hjartarson

Nokkur umræða hefur verið um viðtal Kristjáns Kristjánssonar við Valgerði Sverrisdóttur fyrrverandi iðnaðarráðherra í Kastljósi þar sem hún reyndi að gera sem minnst úr skýrslu Gríms Björnssonar jarðeðlisfræðings um þær hættur sem hann telur að séu til staðar á virkjunarsvæðinu. Mér fannst frammistaða þáttastjórnandans Kristjáns Kristjánssonar til mikillar fyrirmyndar. Hann sætti sig ekki við útúrsnúninga Valgerðar um það hvers vegna skýrslunni var stungið undir stól á sínum tíma og efni hennar leynt fyrir þjóðinni og kjörnum fulltrúum hennar.
Þorleifur

...Ef það er rétt sem þú segir hér á síðunni, Ögmundur, að Steingrímur J. Sigfússon hafi verið búinn að fallast á að mæta Valgerði Sverrisdóttur í Kastljósi en hún hafi neitað að mæta nema ein, eins og þú getur þér til um að hafi gerst, þá áttu Kastljósmenn að láta Steingrím mæta einan en ekki Valgerði, sem setti afarkostina. Í sæti Valgerðar hefði mátt setja spjald þar sem á stæði að hún hefði neitað að mæta til þess að verja sinn málstað frammi fyrir pólitískum andstæðingi sínum. Sjónvarpið á ekki að láta bjóða sér þessa framkomu, ekki bara fyrir eigin hönd, heldur fyrir hönd okkar hlustenda og áhorfenda. Mér fannst ...
Sunna Sara

...Mig langar að vita hvaða afstöðu Vinstri græn taki til fóstureyðinga? Gott væri ef að í svari kæmi fram t.d hvort þið séuð með eða á móti...
Steini

Í leiðara Fréttablaðsins 29. ágúst fjallar Þorsteinn Pálsson um þátt Valgerðar í því að leyna upplýsingum fyrir Alþingi. Þorsteinn telur ekki réttmætt að krefjast afsagnar ráðherrans. Í fyrsta lagi vegna þess að ráðherranum bar engin lagaskylda til að koma upplýsingunum á framfæri við Alþingi og hins vegar vegna þess að ráðherrann verður "ekki sakaður um að hafa hindrað að kjörnir fulltrúar almennings kæmust á snoðir um efni skýrslunnar. Það má til að mynda ráða af því einu að skýrslan var afhent Landsvirkjun. Í stjórn hennar sitja lýðræðislega kjörnir fulltrúar löggjafarsamkomunnar ...", eins og segir í leiðaranum.
Þetta er hæpin röksemdarfærsla hjá Þorsteini en ...
Hjörtur Hjartarson

Þú talar réttilega um “pólitískt misferli” vegna þagnarskyldunnar sem sett var á vísindanmenn, sem gagnrýndu Kárahnjúkaframkvæmdina. Í framhaldinu spyrðu hvernig ríkisstjórnin ætli að axla ábyrgð. Það er bara eitt að gera. Fyrrverandi iðnaðarrráðherra, Valgerður Sverrisdótttir á að segja af sér vegna málsins þegar í stað. Helst vildi ég losna við ríkisstjórnina alla, ekki bara vegna þessa máls heldur vegna þess hvernig hún hefur leikið land og þjóð á þeim þremur kjörtímabilum sem hún hefur setið! Kjósendum gefst sem betur fer tækifæri til þess að hreinsa út úr Stjórnarráðinu í Alþingiskosningum næsta vor. Það er hins vegar að mínu mati ...
Haffi

Það var glatt á hjalla hjá þeim Framsóknarmönnum nú um helgina. Þeir sem töpuðu voru sagðir meiri stjórnmálamenn en áður (hvað sem það þýðir), sem sé ungmennafélagsandinn sveif yfir vötnunum. Lítið var rætt um pólitík, enda stefnan löngu týnd og reyndar óþörf, völd er grunnur góðrar ráðningarstofu.
Hins vegar var farið með gamanmál, mikið var hlegið af því þegar Jón Sigurðsson lagði túnþökur hjá Guðna Ágústssyni og græna hliðin snéri upp, en sem kunnugt er þá er Framsóknarflokkurinn frægastur fyrir að ...
Runki frá Snotru 

Það er alveg hárrétt að virkjanamálin hér í Skagafirði eru á fullri ferð undir yfirborðinu eins og oddviti VG í Skagafirði vekur athygli á og þú tekur einnig undir hér á heimasíðu þinni. Fremur hljótt er farið með þessi áform nú og kæmi mér ekki á óvart að lítið yrði látið á þeim bera fram yfir næstu kosningar. Í bænarskjalinu fræga sem forystumenn Sjálfsstæðisflokks, Framsóknarflokks og Samfylkingar  hér Skagafirði sendu frá sér sl. vetur lýstu þeir sig reiðubúna til að fórna Jökulánum undir...
Skagfirðingur

Ég var að hlusta á mjög áhugaverðan þátt Jóns Ólafssonar og Ævars Kjartanssonar í morgun (sunnud) þar sem fjallað er m.a. um kenningar bókstafstrúarmanna um Ísrael og endalok heimsins og áhrif slíkra kenninga á stefnu Bandaríkjanna og stuðning trúarhópa þar við Ísrael. Þessi þáttur var víst fyrst sendur út 2003 - en er ekki síður aktúell í dag (sjá ruv.is). 
Læt einnig fylgja tengil á magnaða grein um þessi mál sem birtist í ameríska tímaritinu Vanity Fair (sem varla telst til byltingarblaða!)... 
Jón Þórisson

...Eins og málum er nú komið styð ég heilshugar og virði tilvist Ísraelsríkis og óska Ísraelum og nágranaþjóðunum friðar, öryggis og velmegunar um alla framtíð. En, ef Ísraelar halda að þeim takist að tryggja og  treysta öryggi sitt með yfirgangi og hernaðarofbeldi gagnvart nágrannaþjóðum sínum, þá skjátlast þeim herfilega. Annars er undarlegt hve glámskyggnir menn eru iðulega á bandamenn sína. Þannig eiga forsvarsmenn Bretlands og Bandaríkjanna ekki nógu sterk orð um trúarofstæki leiðtoga Írans. Þeir virðast hins vegar ekki sjá hvað Íran og Ísrael eiga sameiginlegt. Bæði ríkin eru byggð á trúarbrögðum ef ekki trúarofstæki. Ísrael er fyrst og síðast ...
Velvakandi

...Nú svo kemur Vilhjálmur Egilsson, framkvæmdastjóri með þau rök að fjármagnstekjuskatturinn sé í raun allt að því 20-30% þar sem hann sé reiknaður einu sinni ári og sé greiddur til ríkisins eftir á. Verðbólguálagið sé þar að auki tapa fjármagnseigenda. En ég fæ ekki betur séð en verðbólgan vinni einnig með þeim því þeir greiða mun minna í skatt einmitt vegna verðbólgunnar, þar sem hundraðkallinn var verðmætari í fyrra en hann er núna. Í raun ættu fjármagnseigendur að greiða dráttarvexti af skattinum en ekki öfugt. Það má til sanns vegar færa, að ...
Rúnar Sveinbjörnsson

...Nú ganga margir fram og hneykslast þessi ósköp sem á undanförnum árum hafa hrósað þessu nýríka útrásarliði og dásamað dugnað þess og snilld. Ég man ekki eftir því að Morgunblaðið eða Ingibjörg Sólrún Gísladóttir hafi tekið mikið undir með ykkur Vinstrigræningjum þegar þið voruð að andæfa þessari einkavæðingarstefnu og gróðastefnu, sem auðvitað elur svonalagað af sér. Hvað halda menn, að það sé hægt að skrúfa hér þjóðfélagið áfram í átt til græðgis og gróðahyggju á öllum sviðum án þess að fá fylgifiskana með sem eru...
Gunnar

Gott er að heyra forsvarsmenn verslunarmanna lýsa yfir áhyggjum af kjaraþróuninni í landinu. En með fyllstu virðingu fyrir því ágæta fólki, langar mig þó til að spyrja hvort það hafi ekki einmitt verið VR sem lagði af kauptaxtakerfið í samningum sínum og hvatti þess að í staðinn ætti hver og einn einstaklingur að semja beint við forstjórann um launin sín og freista þess að ná eins miklu fram einn síns liðs. Hver man ekki eftir auglýsingaherferðinni þar sem kvenfólk var hvatt til að hafa sig vel til fyirir forstjóraviðtalið! Er það ekki nákvæmlega þetta sem síðan hefur gerst? Þeir sem ...
Haffi 

...Hinn ágætlega haldni kunningi minn sagði að fjárhagsstaða fyrirtækisins væri slík að það þyrfti að spara á öllum sviðum, þá helst hvað laun starfsmanna snerti ásamt þjónustu við farþega. þess vegna væri almennings-sætunum svo þétt staflað saman, að fólk gæti ekki rétt úr sér, jafnvel í langflugi, alla leið frá Keflavík til San Francisco. Í framhaldi af þessari ályktun sagði hann að fyrirtækið ætlaði að ráða Pólverja til að ferma og afferma flugvélarnar til að spara pening.
Ég spurði hann hvort hann virkilega teldi að það skipti sköpum fyrir fjárhagslega afkomu fyrirtækisins að pína niður laun lægst launaða fólkisins í farangursafgreiðslunni hjá fýrirtæki vel að merkja sem greiddi hákörlum sínum hundruð miljóna á ári og jafnvel einum þeirra sem hafði ekki starfað nema í nokkra mánuði, vel yfir hundrað miljónir, bara fyrir að hætta, utan...
Helgi

Ég var að lesa ágæta grein Þorleifs Gunnlaugssonar á síðunni þinni.  Ég er sammála flestu sem þar kemur fram viðvíkjandi innrás Ísraelsmanna í Líbanon, morðunum þar og skemmdaverkunum, í skjóli Bandaríkjanna og Bretlands.
Hryðjuverk Síonista í skjóli ríkistjórna Bandaríkjanna og Englands eiga sér engar málsbætur... Það má vera kaldranalegt að segja sannleikann, en hann er sá að við Íslendingar eigum nóg með sjálfa okkur. Við getum lítið gert annað en að gaspra upp í vindinn gagnvart hörmungunum erlendis og staðreyndin er sú, að margur potturinn er brotinn hjá okkur sjálfum sem okkur ber að laga, áður en við förum að segja öðrum þjóðum fyrir verkum. 
Úlfljótur

Fyrir stuttu síðan kaus ég vinstri græna og var ánægður með það, vildi sjá ykkar sem leiðandi afl í borginni. Sjálfur er ég ekki mikið pólitískur, en mér leist bara vel á flokkinn og hugmyndir flokksins í mikilvægum málum. En að undanförnu hef ég verið að fylgjast með skrifum þínum og ummælum vinstri manna á því ástandi sem ríkir fyrir botni Miðjarðarhafs. Ég sé mikið eftir að hafa kosið flokkinn þinn eftir að ég sé hversu einhliða skoðanir ykkar eru á ástandinu þar. Ég hef verið í mörg ár mikill vinur Ísraels, en ég tek það fram að...
Steini

Það var hárrétt ábending hjá Jóni Bjarnasyni, alþingismanni, í kvöldfréttum RÚV, að það er iðulega – kannski oftast – við fjárveitingavaldið að sakast þegar stofnanir fara fram úr fjárlögum en ekki við þær sjálfar eða stjórnendur þeirra. Ég starfa á sjúkrahúsi og hef ég fylgst af forundran með umræðunni að undanförnu um meint ábyrgðarleysi ríkisstofnana vena framúrkeyrslna. Það er líka rétt, sem fram kom í viðtalinu við Jón Bjarnason að stundum er fjárveiting skorin við nögl af yfirveguðum pólitískum ásetningi. Það var til dæmis gert á mínum vinnustað, Landspítalanum. Um það er ég sannfærð. Þetta var gert til þess að...
Ein starfandi á LHS

...Er ekki hægt að beita Bandaríkin viðskiptaþvingunum? T.d. með því að hætta að kaupa kók. Mætti ekki flytja íbúa Ísraels til USA...?
Sólveig

Þorleifur Gunnlaugsson, formaður Vinstrihreyfingarinnar græns framboðs í Reykjavík hvetur í grein sinni hér á síðunni að stjórnmálasambandi verði slitið við Ísrael og viðskiptabann sett á landið.  Ég vil taka undir þetta, það er orðið löngu tímabært. Við verðum að sýna það í verki að við erum á móti drápum á saklausu fólki og eyðileggingunni sem fylgir stríði Ísraels á nágrannaríki sín. Frá því Ísrael var stofnuð hefur ríkisstjórn þess hvorki farið eftir ályktunum Sameinuðu þjóðanna, né alþjóðalögum. Það þýðir ekki að taka alltaf á brotum Ísraela með silkihhönskum. Eigum við að að horfa upp á ...
Salmann Tamimi

Morgunblaðið stærir sig af því að greina á milli frétta annars vegar og ritstjórnarpistla hins vegar. Ég skal viðurkenna að stundum tekst blaðinu þetta bærilega. Það þýðir hins vegar að mótsagnirnar í Mogga verða oft tröllvaxnar. Það gerist þegar skoðanir blaðsins eru mjög á skjön við veruleikann. Fréttir af nýlegum fundi við sendiráð Bandaríkjanna í Reykjavík voru myndarlegar og réttar – meira aðsegja settar á forsíðu – reyndar eins og tilefni var til. Ég tók líka eftir því að Morgunblaðið gerði mjög vel grein fyrir bréfi þingflokks VG til forseta ísraelska þingsins nýlega, þar sem þið mótmæltuð stríðsglæpum Ísraela. Morgunblaðið skyldi vel að það var verulega fréttnæmt að íslenskur þingflokkur gripi til þessa ráðs.  Auðvitað mættu fréttir Morgunblaðisins af stríðsrekstri Ísraela vera gleggri en þar er blaðið á sama báti og flestir vestrænir fjölmiðlar, sem óneitanlega eru mjög hallir undir Ísraela. Þegar kemur að skoðunum blaðsins í leiðurum og Staksteinaskrifum blasir við miklu einleitari mynd.  Skoðunum blaðsins verður varla lýst öðru vísi en...
Haffi

Ég fletti upp í dagatalinu mínu til þess að sjá hvort við værum einhvers staðar nærri 1. apríl, þegar ég las um það í blöðum fyrir nokkrum dögum að hingað til lands hefði komið hópur þingmanna úr allsherjarnefnd fulltrúadeildar japanska þingsins  til að kynna sér einkavæðingu á Íslandi og læra af Íslendingum um hvernig ætti að bera sig að! Og hverjir skyldu lærimeistararnir hafa verið? Jú, það var helbláir ráðuneytisstarfsmenn og starfsmenn einkavæðingarnefndarinnar, sem sett var á laggirnar í umboði þeirra Davíðs Oddssonar og Halldórs Ásgrímssonar. Skyldu japönsku þingmennirnir hafa fengið að hitta S-hópinn? Skyldi þeim hafa verið boðið á málverkasýningu Björgólfs Landsbankaeiganda, þar sem hann sýnir Kjarvalsmálverk, sem hann ...
Sunna Sara

Ég var á útifundinum við sendiráð Bandaríkjanna á Laufásvegi í kvöld og klappaði þegar þú fagnaðir því að ríkisstjórn Íslands krefðist vopnahlés í Líbanon. Auðvitað fögnuðum við þessu. En svo fór ég heim og hlustaði á fréttir. Frétttastofa Sjónvarpsins sagði að utanríkisráðherra hefði sent utanríkisráðherra Ísraels harðort bréf og Valgerður, utanríkisráðherra, sagði að vissulega væri "langt gengið" með þessu bréfi. Hvílkt endemis rugl og hjá fréttastofu Sjónvarps er þetta sljóleiki og dómgreindarleysi eða hrein fréttafölsun. Þegar bréf ríkisstjórnarinnar er skoðað fer því afar fjarri að bréfið sé harðort. Formúleringin er hin gamalkunna, að Ísrael hafi rétt til að verja sig; Íslendingar skilji að staðan "sé flókin"  og að það sé bráðnauðsynlegt að Ísraelar verji sig..."vital need of Israel to defend itself". Engu að síður séu aðstæður oðnar þannig fyrir hundruð þúsunda að Ísraelar eru hvattir til að "leita leiða" til að koma á vopnahléi...
Haffi

Þakka greinaskrifin um ofbeldið gegn Palestínumönnum og innrásina í Líbanon. Sérstaklega var ég ánægður með bréf þingflokks VG til forseta ísraelska þingsins. Það var kominn tími til að láta í sér heyra vegna ofbeldis ísraelska hersins gegn saklausu fólki í Palestínu og Líbanon. Er ekki kominn tími á útifund og það meira að segja...
HH

Hvernig líst ykkur á að hefja aðildarviðræður um kosti og galla evru og sjá svo til eða vitið þið kannski allt um evru...?
Jón Þórarinsson

Sú var tíð að mest lá á því í íslensku samfélagi að selja Lyfjaverslunina sem við þegnarnir áttum - skuldlausa. Gengu ákveðin öfl (Sjálfstæðisflokkurinn) ötullega fram í því að koma gjörningi þessum í höfn. Beitt var hinum ódauðlegu, varanlegu og einu rökum frjálshyggjunar: "Ríkið á ekki að vera að vasast í... bla bla bla". Engum vörnum var við komið, enda rökin afar sterk og greindarlega fram sett eins og ævinlega úr þeirri áttinni. Helst var að skilja að þessi Lyfjaverslun okkar væri helsti dragbítur á framfarir og ...
Guðmundur Brynjólfsson

Það gladdi mig og ég fann til stolts að heyra viðtal við Laufey Erlu Jónsdóttur landvörð í Kverkfjöllum í útvarpsfréttum í gærkveldi  og einnig á baksíðu Morgunblaðsins í  dag. En flaggað var í hálfa stöng víða á hálendinu í gær. 19. júlí 2002 er dapur dagur í sögu þjóðarinnar en þá skrifuðu   íslensk stjórnvöld og erlendi álrisinn Alcoa undir viljayfirlýsingu um byggingu  álvers á Reyðarfirði og  mestu náttúruspjöll Íslandssögunnar af mannavöldum, Kárahnjúkavirkjun var sett af stað." Við viljum tjá sorg okkar vegna landsins sem verður fórnað undir virkjanir á hálendinu“ sagði Laufey Erla Jónsdóttir, sem hefur á hverju ári síðan þá tjáð náttúrunni tilfinningar sínar og annarra landvarða með þessum hætti.
 Mér er líka misstæð barátta Vinstri grænna á Alþingi gegn þessum hervirkjum , en þá stóðu þið einir flokka með náttúru Íslands gegn Kárahnjúkaflokkunum, Framsókn, Sjálfstæðisflokki og Samfylkingu sem allir studdu hermdarverkin við Kárahnjúka  hvort sem var á Alþingi eða í Borgarstjórn Reykjavíkur. Laufey minntist á að ..
.Hafdís Guðmundsdóttir

Gott er að sjá að heimasíðan er aftur komin í gang en aldrei þessu vant kom ekkert inn á hana í nokkra daga. Ég man ekki eftir því að áður hafi þetta gerst! Ég saknaði þess að sjá ekki ný skrif á ogmundur.is, því það er orðin föst rútína hjá mér að opna síðuna með morgunkaffinu. Hvað um það, þá er eitt sem veldur mér heilabrotum og hlýtur svo að eiga við um fleiri. Út kom skýrsla formanns matvælaverðsnefndar eins og alþjóð veit. Að baki henni stóð hann einn en ekki nefndin sem hann stýrði. Hins vegar fóru nefndarmenn og fulltrúar þeirra samtaka sem að baki þeim standa að tjá sig um málefnið. Skyldi vera jafnræði með þeim og sjónarmiðum þeirra gert jafnhátt undir höfði í fjölmiðlum? Aldeilis ekki. Þeir sem hafa uppi gamla...
Grímur G.

Las grein þína hér á síðunni um spilakassana, ekki þá fyrstu. Mér finnst rosalega sterkt orðalag hjá þér að "frábiðja sér ræðuhöld um ágæti Rauða krossins, Landsbjargar og HÍ á meðan þessir aðilar hafa fé af veiku fólki". Við þessa upptalningu mætti svo væntanlega bæta SÁÁ að ógleymdri íþróttahreyfingunni eins og hún leggur sig (eða er Lottóið og Getraunirnar þar sem aldurstakmarkið er ekkert undir aðra sök seld heldur en kassarnir)? Stóra spurningin er, og henni hef ég aldrei heyrt þig svara og kalla því eftir því hér...
Tumi Kolbeinsson

Mér þótti gott að sjá bréfið frá Ágústi um spilafíknina. Sjálf þekki ég þennan vanda vel því sonur minn er háður þessum fjanda. Það er hárrétt hjá Ágústi að þetta friðþægingartal þeirra sem reka spilakassana um að flestir sem spili geri það fyrir lítinn pening og sjálfum sér að skaðlausu, er algerlega út í hött. Það er þessum aðilum til vansa að gera út á veikt fólk og get ég skrifað upp á hvert einasta orð þitt Ögmundur í grein þinni hér á síðunni um fjármögnun Háskóla Íslands. Ég hef enga þolinmæði fyrir þetta tal um “háskóla í fresmtu röð” ef hann á að komast þangað með því að...
Helga

Í sambandi við grein þína um starfslokagreiðslu fyrrum forstjóra Straums-Burðaráss, langar mig að benda á eftirfarandi: Hugsanlegt er að deyfð fólks gagnvart málinu megi meðal annars rekja til fulltrúa þess á Alþingi. Á Alþingi tóku forystumenn stjórnarandstöðunnar höndum saman við þá Halldór og Davíð og sviku út forréttindi sjálfum sér til handa. Eftirlaunaforréttindi með lítilli 50% launahækkun til formanna stjórnarandstöðunnar sem viðbit. Þótt litið sé fram hjá launahækkun til formanna stjórnarandstöðuflokkanna, hafa Samtök atvinnulífsins virt eftirlaunaforréttindin ein til 50 milljóna kr. starfslokagreiðslu fyrir þingmenn og til 100 milljóna kr. starfslokagreiðslu fyrir ráðherra. Síðustu fréttir af málinu eru þær að...
Hjörtur Hjartarson

...Sem virkum spilafíkli fer það mest í taugarnar á mér þegar forsvarsmenn halda þeim þvættingi fram að stærstur hluti teknanna komi frá fólki sem setji 500-þúsundkall í kassana og láti það got heita. Sem einstaklingur sem spilað hefur í þessum kössum í langan tíma, mér og mínum nánustu til mikils skaða, get ég sagt með fullri vissu að a.m.k. 90 prósent þeirra peninga sem í spilakassa fara eru frá sjúku fólki sem lagt hefur fjárhag, og það sem verra er, geðheilsu sína og sinna nánustu í rúst. Ég geri mér grein fyrir því að ...
Ágúst

Ég horfði á Kastljós Sjónvarpsins í kvöld þar sem fjallað var um lyfjaverð. Landlæknir sagði að mönnum hlyti að hafa verið ljóst hvað í vændum var þegar lyfjasalan var gefin “frjáls” í stjórnartíð Kratanna á fyrri hluta tíunda áratugarins. Ég man ekki betur en á þetta væri bent og þá einkum af hálfu BSRB. Menn vildu hins vegar ekki hlusta á varnaðarorðin. Nú horfa menn upp á afleiðingarnar – einokun þar sem neytendur og skattgreiðendur eru hafðir að féþúfu – og stjórnmálamenn að fíflum (það er að segja sumir þeirra).Væri ekki ástæða til að ...
Grímur

Þakka þér fyrir umfjöllun þína um starfslokasamninginn hjá forstjóra Straums Burðaráss uppá milljarð. Reyndar er ástæða til að þakka Blaðinu fyrir að segja okkur fréttir af þessu máli. Það segir sína sögu að það myndi taka láglaunamann 555 ár - eða frá fæðingu Kristófers Kólumbusar árið 1451 - að vinna fyrir þessum starfslokasamningi! Ef þessi samlíking þín opnar ekki augu manna fyrir misréttinu þá er samfélagið orðið blint. Síðan er hitt að nú talar ríkisstjórnin um aðhaldsaðgerðir. Hver skyldi eiga að sýna aðhald? Skyldu það vera milljarðamæringarnir sem hafa farið ránshendi um samfélagið? Nei, ríkisstjórninni kemur ekki til hugar að anda á þá vini sína. Þeir sem eiga að sýna aðhald eru... 
Sunna Sara

Ég hlustaði á alþingismennina Jón Bjarnason, VG, og Ingibjörgu Sólrúnu Gísladóttur, Samfylkingu, tjá sig um efnahagsaðgerðir ríkisstjórnarinnar í þættinum Ísland í dag. Málflutningur Jóns Bjarnasonar var mér að skapi og vissulega sumt í málflutningi Ingibjargar Sólrúnar. Þó ekki daður hennar og Samfylkingarinnar við stóriðjustefnuna. Ég heyrði ekki betur en hún mælti því bót að reisa enn eitt álverið og mælti hún í þættinum með Húsavík! Er ekki nóg komið af þessu rugli? Það er hárrétt sem fram kom hjá Jóni Bjarnasyni að ríkisstjórnin á að...
Haffi

Ég trúi ekki að þið klárið þessa kjarasamninga, án þess að eftirlaunasamningar þingmanna verði endurskoðaðir, þeir eru ekkert nema rán, ef ekki má hrófla við þeim þá er það annað en aðrir verða að þola. Ég er nú ekki ánægð með mín eftirlaun og er þar að auki spyrt við eftirlaun mannsins míns, eins og það er nú líka niðurlægandi. En um daginn var ég á ferð með konum, öllum á eftirlaunaaldri og ein þeirra tjáði mér aðspurð að hún hefði unnið 32-33 ár á öldrunarstofnun í nágrenni Reykjavíkur og væri afraksturinn á milli...
Edda

...Hjá Viðskiptaráði segja þeir sjálfir að Alþingi hafi í níu tilvikum af hverjum tíu farið eftir kröfum ráðsins. Þeir segjast ekki hafa Alþingi í vasanum og þeir halda því ekki fram að þeir hafi komið í veg fyrir að Framsóknarflokkurinn fengi fjármálaráðuneytið og þeir sjá ekkert athugavert við að einmitt hagsmunasamtök auðvaldsins skuli hafa slík hreðjatök á löggjafarsamkundunni. Vissir þú þetta Ögmundur? ...Hverjir það eru í efnahags- og viðskiptanefnd Alþingis sem sinna sérhagsmunum Viðskiptaráðs af svo miklu kappi. Svo eruð þið vinstri sinnarnir að þvæla um það fram og aftur, eyðandi í það ómældum tíma og fyrirhöfn að diskútera reglur um fjármögnun stjórnmálaflokka. Þið gangið ekki á öllum, eins og sagt er. Pétur og Páll, sem formlega hafa atkvæðisrétt, vita það báðir að...
Ólína

Allir vita að Geir H. Haarde er formaður Sjálfstæðisflokksins. Enginn veit hins vegar hver er formaður Framsóknarflokksins. Sennilega er Halldór Ásgrímsson það enn að forminu til. En hann er farinn. Það er deginum ljósara. Svo mjög er hann farinn að okkur er sagt að Þorgerður Katrín, menntamálaráðherra verði staðgengill Geirs H. Haarde sem forsætisráðherra ef til kemur. Íhaldið er þannigt búið að taka Framsókn í fóstur eins og gert var í uppgræðsluátakinu um árið og hét, ef ég man rétt: Flag í fóstur. Draumur Hannesar Hólmsteins Gissurarsonar um að sameina Sjálfstæðisflokk og Framsóknarflokk er þannig orðinn að veruleika í reynd. Framsóknarflagið er orðið...
Haffi

Hvers vegna vilja framsóknarmenn virkja? Hvaða hagsmuna eiga þessir menn að gæta?
Þórður B. Sigurðsson

... Ég er 34 ára læknir búsettur og starfandi í Svíþjóð eins og er en stefni að sjálfsögðu á að flytja aftur til Íslands, ef eitthvað verður eftir af landinu. Ég hélt mig hafa þvegist af allri vinstrihneigð í Svíþjóð þar sem þar er ansi margt sem sannarlega mætti betur fara og vinstri stjórn verið lengi að. Rangt hjá mér. Eins og vonandi með marga aðra vaknaði heldur betur líf í "gömlum" glæðum og logar glatt nú eftir lestur Draumalandsins og ég spyr því...
Vallitralli

Var Þingvallabærinn byggður fyrir Framsóknarflokkinn? Hvað var formaður Framsóknarflokksins, stjórn sama flokks og formenn framsóknarfélaganna um allt land að gera í Ráðherrabústað forsætisráðherra Íslands á Þingvöllum?! Þetta er hneyksli og gera verður kröfu um að ríkissjóður að minnsta kosti rukki Framsóknarflokkin fyrir aðstöðuna. Hélt að nóg væri að félagsheimilum um allt...
Borgþór

Í nýlegri skoðanakönnun kom Guðni Ágústsson út sem vinsælasti ráðherrann í ríkisstjórninni. Ekki gef ég mjög mikið fyrir slíkar kannanir. Þó verður að líta á þær sem vísbendingu um vinsældir. Hlýtur það ekki að bera vott um lánleysi Framsóknar að telja það helst til árangurs í boðuðu "endurreisnarstarfi" að koma Guðna Ágústssyni, vinsælasta ráðherranum út í hafsauga? Þetta sé meira að segja sérstakt forgangsverkefni...Og konurnar slást ekkert síður en karlarnir. Þannig sagði Jónína Bjartmarz að ef formaður og varaformaður ættu að axla ábyrgð af slæmri útkomu flokksins í sveitarstjórnarkosningunum þá ætti...
Sunna Sara

Fjölmiðlar greina frá því þessa dagana að Finnur Ingólfsson sé á leiðinni aftur í stjórnmálin. Fór hann einhvern tíma úr þeim? Það vantar hugmyndaflug og vit í þá sem um fjalla. Svaraði Finnur ekki kalli þegar ríkisstjórnin í einkavinavæðingunni auglýsti: Háseta vantar á bát? Var það ekki Finnur sem tók með sér Ólaf Ólafsson og Bakkavararbræður inn í Búnaðarbankann og Símann? Var það ekki Finnur sem ...
Stefán

...Kannski er ekki við RÚV að sakast - kannski koma fréttirnar svona frá Framsókn. Og afhverju ætti svo Finnur að verða formaður Framsóknar? Jú svarið er einfalt. Hann er einn af þeim mönnum sem gekk út einn dag sem launamaður og gekk inn þann hinn næsta sem milljarðamæringur. Af hverju? Spyrjiði vindinn. Eða svokallaðann S-hóp, menn ná alltaf betri árangri í hópum.
Guðmundur Brynjólfsson

...Þá hefði Halldór gert Geir H. Haarde grein fyrir því endanlega að hann vildi hætta, að Geir H. yrði að fara í forsætisráðherrann, Finnur í fjármálin sem utanþingsmaður og að Guðni Ágústsson myndi hætta sem varaformaður til að koma Finni að í það embætti. Í þessu sambandi sagði þessi fyrrum grannkona mín að Sjálfstæðisflokkur og Frjálslyndir í borginni og Sjálfstæðirflokkur og Framsókn við landsstjórnvölinn væru barasta element sem ekki gengju upp. Villi athugaði svo baklandið, eins og hann kallaði það, sem voru skilaboð frá Geir um að gleyma Frjálslyndum og kippa framsóknardrengnum upp í til sín. Þannig skýrðum við þetta, gamlar vinkonur á Spáni, báðar með barnabörnin með okkur, og kallarnir heima. Þetta kostaði að vísu nokkur...
Ólína

Morgunblaðskálfurinn um sigur í landhelgismálinu jaðrar við að vera sögufölsun. Útfærsla auðlindalögsögunnar í 200 sjómílur var í takt við það sem búið að ná saman um í raun á hafréttarráðstefnunni í Caracas 1974...Sjálfstæðisflokkurinn þurfti hins vegar að laga ásýnd sína í landhelgismálinu og færði út í 200 mílur - áður en búið var að segja gjörið svo vel. Lúðvík Jósepsson gnæfir yfir aðra stjórnmálamenn þegar kemur að landhelgisdeilunum. Morgunblaðið fær því ekki breytt.
Hjörtur Hjartarson

Í vikunni fylgdi "kálfur" Morgunblaðinu sem fjallaði um baráttu þjóðarinnar í landhelgismálunum. Það vakti athygli mína að með ótrúlegum hætti var í þessu blaði skautað framhjá þátttöku manna eins og Lúðvíks Jósepssonar í þessu máli. Þessi þögn um hans hlut er þeim mun athyglisverðari nú þegar hlerunarmálin eru í deiglunni. Þar boða stjórnarflokkarnir "hlutlausa rannsókn fagaðila". Skyldi svipað hlutleysi verða uppá teningnum í þeirri ...
Guðmundur Brynjólfsson

Nýr borgarstjórnarmeirihluti í Reykjavík á sumt sammerkt með Bush hinum bandaríska. Þá er ég ekki að tala um stuðninginn við innrásina í Írak sem Bush, Framsókn og Sjálfstæðisflokkur studdu. Ég er að hugsa til þess að báðir ...
Haffi

Hafið þið Vinstri Græn ekki áhyggjur af aukinni umferð bíla og strætóa t.d. þegar að nýtt hverfi rís þar sem Reykjavíkurflugvöllur er núna...?
Jón Þórarinsson

Ég legg til að sýni úr íhaldsmanni verði send í erfðagreiningu! ...Frjálshyggjustefna og auðvaldshyggja ásamt gengdarlausri fyrirgreiðslupólitík og sóðaskap, á kostnað þeirra verst settu í þjóðfélaginu. Skrítin pólitík og aumkunnarverð. Ég ætla rétt að vona að finnist mótefni við þessari lífseigu íhaldsveiru, allavega fyrir næstu alþingiskosningar. Sendum samt samúðarkveðjur til allra sjálfstæðismanna í von um skjótann bata :)
Valgeir

...Lengi vel bar herferð framsóknarauðvaldsins engan árangur, fylgið bifaðist ekki. Síðustu daga hefur hins vegar sigið á ógæfuhliðina og á sjálfan uppstigningardag gerast þau ótíðindi að fulltrúi EXBÉ tekst skyndilega á loft, kemst í 6% fylgi í skoðanakönnun, og mun samkvæmt því brjóta sér leið inn í Ráðhúsið. Eins og útlitið er í dag eru því talsverðar líkur á því að peningamafíu Framsóknarflokksins muni takast að selja borgarbúum auglýsingahannaðan loforðapakka sinn. Og þeim mun verra er að nú virðist sú óskastaða upp komin í kortum milljarðamæringanna að þeir geti látið fulltrúa sinn ná nytinni úr borgarkúnum í notalegri og góðri samvinnu við Sjálfstæðisflokkinn. Víst er að spjallið í því fjósinu mun ekki snúast um nein velferðarmál, það verður ekki einu sinni raupað eða hlegið á laugardagskvöldum að geggjuðum hugdettum eins og  til að mynda flugvelli á Lönguskerjum. Nei, í því fjósi verður fyrst og fremst rætt um hörðu pakkana, Orkuveitu Reykjavíkur og annað bitastætt sem skella má upp á veisluborð einkavinanna og kostunaraðilanna...
Þjóðólfur

Eins og ég á kyn til lifna ég allur við þegar peningar í eigin vasa eru annars vegar. Mig langar því að leggja örfá orð í belg undir lok kosningabaráttunnar og einkum vegna þeirra tilboða sem Björn Ingi Hrafnsson og hans ágæta exbé-framboð hefur gert mér og minni fjölskyldu í einföldum skiptum fyrir atkvæði. Fyrst vil ég víkja að því rausnarlega tilboði að senda okkur hjónunum 500 þúsund krónur eftir söluna á hlut borgarinnar í Landsvirkjun. Það er auðvitað engin spurning að svona pólitík kann ég að meta, kannast reyndar aðeins við hana úr pússi ...
Jón Bissnes

Nýjasta útspil Björns Inga Hrafnssonar...er loforð um að flytja Esjuna nær miðbænum nái hann kjöri í borgarstjórn n.k. laugardag. Með flutningnum vill hann mynda öflugan skjólvegg gegn norðanáttinni í Kvosinni og nágrenni...Degi B. Eggertssyni, borgarforingja Samfylkingarinnar, finnst hugmyndin spennandi. Hann telur þó rétt að setja málið fyrst í þverfaglegan rýnihóp og ...Ólafur helgi, oddviti Frjálslyndra og syndlausra, er algerlega á móti flutningnum enda sé fjallið náttúruminjar rétt eins og flugvallarperlan í Vatnsmýrinni. Þá undirstrikar hann sérstöðu Frjálslyndra og syndlausra í þessu sem og öðru og segir að...Græningjunum sé ekki treystandi í stóra Esju-málinu fremur en í öðru. Vilhjálmur Þ. Vilhjálmsson telur flutninginn vel koma til greina enda geti með honum skapast ....
Þjóðólfur

Ég var að lesa pistil þinn um Jeltsínpólitík Framsóknarflokksins þar sem flokkurinn reynir beinlínis að kaupa sér atkvæði. Þú spyrð  “Á hvaða vegferð er Framsóknarflokkurinn eiginlega?” Þarf að spyrja að því? Kjósendur geta ekki ætlast til neins af þeim flokki lengur, hann svíkur öll loforð, meira að segja kvartmilljónin mun aldrei skila sér. Sá leikur að lofa beingreiðslum við einkavæðingu er ekki nýr af nálinni. En hefur einhver orðið var við þær eða þá ávinninginn af einkavæðinginni? Ég held þær hafi líka ...
Haffi

Nýlega  varð til nýr meirihluti í borgarráði og vakti athygli: Alfreð Þorsteinsson og Vilhjálmur Vilhjálmsson. En þetta var ekki í fyrsta sinn; staðreyndin er sú að allt kjörtímabilið hefur  þessi stjórnmálaflokkur látið á sér kræla í borgarstjórn eða allt frá því að Sjálfstæðisflokkurinn missti meirihlutann 1994. Í borgarstjórn voru þá eins og kunnugt er tvær fylkingar; Sjálfstæðisflokkurinn  og Reykjavíkurlistinn. Fljótlega varð til í einu og einu máli bandalag þeirra félaga. Það er ein skýringin á ofurvöldum Alfreðs Þorsteinssonar að Vilhjálmur hefur alltaf ...
Sigurður Bjarnason

Mér finnst einkennilegt að jafnvel þeir sem hafa umfjöllun um peninga að atvinnu skuli botna jafnlítið í þeim: Trúlítill ritstjóri Jón G. Hauksson ritstjóri er stórhneykslaður. Hneykslunarefnið er áskorun Þjóðarhreyfingarinnar til stjórnmálaflokkanna um að taka höndum saman og auglýsa ekki í ljósvakamiðlum fyrir komandi sveitarstjórnarskosningar. Jafnframt áskoruninni bendir Þjóðarhreyfingin á leiðir til að tryggja að sjónarmið þeirra sem hafa takmarkaðan aðgang að peningum komist að í ljósvakamiðlum til jafns við sjónarmið annarra. Ljósvakamiðlar eru tilteknir sérstaklega vegna þess að þeir eru þegar háðir leyfum og skilyrðum sem aðrir miðlar eru ekki; þeir eru takmörkuð gæði. Auk þess eru þeir dýrir auglýsingamiðlar og áhrifamestir. Þetta sjónarmið er uppi víða um heim þótt ekki finnist það í hugarheimi...
Hjörtur Hjartarson

Þakka þér ábendinguna Ögmundur minn varðandi fjarveru þeirra félaga Björns Inga og Dags B. Eggertssonar á fundi ungliða í Starfsmannafélagi Reykjavíkurborgar og SFR sem fram fór síðastliðið miðvikudagskvöld. Kvaðst ég hafa “fyrir því nokkuð traustar heimildir að þeir hafi báðir legið yfir sjónvarpinu og horft á viðureign Arsenal og Barcelona í úrslitaleik Meistaradeildar Evrópu.” Ef þetta er rangt eins og þú segir í athugsemd, þá er sjálfsagt að biðjast afsökunar á því. Þá er það hárrétt hjá þér að stjórnmálamenn geta verið, og hafa fullan rétt á, að vera forfallaðir eða veikir eins og aðrir. Og þegar...
Helgi Þ.

...Ungir og glæsilegir fulltrúar framboðanna fimm í Reykjavík gerðu grein fyrir ýmsum stefnumálum flokka sinna. Stóðu sig allir vel en sérstaklega fannst mér ánægjulegt að hlusta á málflutning Bolla Thoroddsen frá Sjálfstæðisflokki og Katrínar Jakobsdóttur varaformanns Vinstri grænna. Fram kom m.a. í máli Bolla hvernig uppeldisaðstæður geta stuðlað að óæskilegri pólitískri mótun en hann ólst t.d. upp við þau afarkjör að vera skikkaður til að blása linnulítið í rauðar blöðrur á flokkskrifstofum A-flokkanna sálugu, fyrst Alþýðubandalagsins og síðan Alþýðuflokksins. Er vonandi að Bolli fái sem fyrst nóg af blæstrinum í bláu blöðrurnar í Valhöll og snúi sem fyrst aftur og heim í heiðardalinn. Að framsögum loknum var svo gefinn kostur á fyrirspurnum úr sal. Fjarvera borgarstjóraefnanna tveggja kom nokkuð á óvart og spurði einn fundargesta hvar Björn Ingi væri eiginlega niðurkominn, kvaðst enda mættur á staðinn til þess að fá nánari útlistanir á boðuðu skautasvelli Framsóknarforingjans á Perlunni...
Helgi Þ.

...Það eru kreddur að útiloka eitthvað vegna þess að það fellur ekki að einstrengingslegum hugsunarhætti Vinstri grænna. Það þarf að auka þau störf sem borga vel, það þýðir meiri tekjur í vasann á almennu verkafólki og jafnframt meiri tekjur fyrir fjárvana sveitarfélagið. En félagi Ögmundur má ekki til þess hugsa að fólki úti á landi sé borguð mannsæmandi laun. Félagi Ögmundur má ekki til þess hugsa að úti á landi fari fram atvinnusköpun. Af hverju? Ég held að það sé út af því að Vinstri grænir eru í eðli sínu óánægjuframboð. Þeir þrífast best á...
Jón Einarsson

Ég hef ábendingu til þín fremur en spurningu í framhaldi af umfjöllun þinni "Sadistar í sjónvarpi" hér á síðunni nýlega. Ef þú horfir á nokkra þætti í sjónvarpinu, Rúv, Skjá einum, eða öðrum rásum, þá snúast þeir að miklu leyti um niðurlægingu. Alls kyns keppni þar sem fólki er hafnað, verið að velja kvonfang, eyðileggja efnilega tónlistarmenn og gvuð veit hvað. Þetta er lengi búið að ...
Sigga

Má reka Íslendinga úr vinnu og ráða útlendinga í staðinn? Því miður er þessi staða komin upp í dag á íslenskum ...
Valgerður

Þakka þér fyrir ágæta grein þína um stjórnmál í Skagafirði. Þú fagnar meintum sinnaskiptum sjálfstæðismanns í virkjunar- og stóriðjumálum og vitnar í því sambandi í skrif Páls Dagbjartssonar, frambjóðanda Sjálfstæðisflokksins á Skagafjarðarvefnum, skagafjörður.com. Ég vek athygli þína á að Páll er ekki andvígari þessum stóriðjuáformum en svo, að hann talar enn fyrir virkjunum, sbr. eftirfarandi ummæli...
Tónninn í  Samfylkingunni,  sem hefur stutt virkjunar- og stóriðjuáformin til þessa, er sá, að nú séu stóriðjuáform ekki á dagskrá þannig að umræðan sé ekki aðkallandi, Sjálfstæðisflokkurinn er í raun með sömu áherslur, sbr. "slakann" í umræðunni sem Páll Dagbjartsson talar um og þú gerir að umtalsefni. Framsókn segir lítið en allir þekkja hjartsláttinn í þeim flokki. Allt ber að sama brunni...
Skagfirðingur  

...Vænst þótti mér um skýra afstöðu hans í velferðarmálum. Það er alveg rétt hjá Hugin að alltof mikið er hugsað um steinsteypu og skipulagsmál í Reykjavík og ekki nægjanlega hugsað um félagslegt réttlæti. Við blasir vandi í velferðarkerfinu eins og við öllum þekkjum. Því er nauðsynlegt að huga að þeim málaflokkum eins og reyndar félag eldri borgara og Öryrkjabandalagið hafa bent á. Stjórnmálaflokkar þurfa að...
Bergþóra

...Svandís hefur náð að leggja línurnar í kosningabaráttunni og haft algjört frumkvæði í umræðum um menntamál, umhverfismál og skipulagsmál. Hinir flokkarnir elta svo VG, Dagur er farinn að tala um gjaldfrjálsan leikskóla, Vilhjálmur um flugvöll á Hólmsheiði og allir flokkarnir þykjast vera umhverfissinnaðir. Spurningin er bara hversu trúverðugir þeir eru...Mér finnst samt alvarlegra mál hvernig Framsóknarmenn reyna nú í örvæntingu að varpa rýrð á valinkunna embættismann sem hafa unnið að stefnumótun varðandi nýjan flugvöll á Hólmsheiði. Þar á meðal Helgi Hallgrímsson, fyrrverandi vegamálastjóri...
Steini H.

Við vorum að ræða það vinkonurnar yfir grillinu í blíðunni hvernig Davíð Oddsson plummaði sig í Seðlabankanum. Ein okkar var viss um að hann væri í sínu besta stuði. Önnur sagðist vita það í gegnum mág sinn, en ég var ekki viss. Ég var alltaf svolítið svag fyrir honum í menntó og kaus hann í borginni, en mér fannst hann svíkja þegar hann flutti sig yfir á Lækjartorg og hætti því. Hann var að vísu...Hagstjórnin er í molum, Seðlabankinn bilaður og efnahagsbyltingin étur börnin sín. Hvernig stendur á því Ögmundur að þið í stjórnarandstöðunni gerið ekki athugasemdir við faglega getu Seðlabankans til að sinna hlutverki sínu? Ég spyr af því þú veist að...
Ólína

Allt fram undir að Steingrímur Hermannsson hætti að leiða framsóknarmenn á landsvísu hafði það merkingu að tala um að flokkurinn væri "opinn í báða enda". Þetta þýddi meðal annars að stundum töldu forustumenn framsóknarmanna að þeir þyrftu að vinna með hægri mönnum og stundum var "allt betra en íhaldið" og þá var unnið til vinstri. Tvíeðli framsóknar birtist okkur dauðlegum sem ...Víðast hvar bjóða framsóknarmenn fram undir merkjum B listans og víða virðast þeir standa sæmilega. Í Reykjavík býður flokkurinn ekki fram undir merkjum B lista heldur undir merkjum ex-B, eða fyrrverandi Framsóknarflokks. Verður ekki að hæla aðstoðarmanni forsætisráðherra fyrir hreinskilnina, að lýsa yfir andláti flokksins fyrirfram. Ex-B, ex-Björn, ex-wife. Þetta er alveg ný útgáfa af tvíeðlinu; Framsókn og ex-Framsókn.
Stefán

Ég spyr hvort þér finnist við hæfi að birta nafnlausar dylgjur og skítkast í garð Framsóknarflokksins í Reykjavík á heimasíðu þinni. Þú mátt þó eiga það að þú skrifar undir þitt skítkast þó ekki skáni það mikið við það...
Stefán Bogi Sveinsson

...Og eins og myndin sýnir er Hummerinn líka tákn fyrir lítilsvirðingu Framsóknar fyrir öryrkjum. Hann er lýsandi tákn fyrir hrörnun Framsóknaflokksins sem ekki vil kannast við sjálfan sig eða fortíð sína. Um framtíðina á heldur ekki að hugsa – það á bara að framkvæma  - og eitt dæmi um þá stefnu í verki er einmitt Hummerinn – ef þú slærð um þig á nógu flottum bíl þá hlýtur pöpulinn að heillast. Ertu ekki með?
Fyrrum framsóknarmaður

...Ríkisútvarpið var eitt sinn fjölmiðill sem rökstyðja mátti að stæði undir nafni, en ríkisútvarpið eins og það er rekið nú er að mínum dómi að verða eins og skæri í höndum óvita. Það er nánast gefið að hann slasar bæði sig og aðra svo klaufalega sem hann beitir tólunum sem menn og konur fengu honum og eftir er að kvitta fyrir. Í þessu ljósi er ekki víst að þeir stjórnmálamenn sem þágu kynningarboð útvarpsstjóra í haust þægju þau nú, en þeir ættu kannski að segja frá þeim nú. Ég veit ekki með þig Ögmundur en mér stendur ógn af því sem ég hef séð til samstarfs sjónvarpsins og Morgunblaðsins undanfarna daga. Jafnvel Gestir í sjónvarpssal fá ekki rönd við reist. Í þessu sambandi verða allir svínabændur...
Ólína

...Síðan segir Geir Haarde, hæstvirtur utanríkisráðherra, að koma þurfi ,,viti fyrir stjórnvöld í Íran". Eru menn hreinlega gengnir af göflunum? Ætla íslensk stjórnvöld virkilega að styðja Bandaríkjastjórn í þessu máli eftir allt sem á undan er gengið í Írak? Ég treysti því Ögmundur að Vinstri Grænir taki skýra afstöðu í þessu máli og tali harkalega gegn öllum áætlunum um að beita vopnavaldi gegn Íran. Að lokum vil ég segja að fólk ætti ekki að gleyma því að Íranir hafa ekki haft í hótunum við nokkurt ríki eins og margir fjölmiðlar hafa haldið fram síðustu misseri, heldur hafa þeir einungis sagt að þeir muni verja sig ef á þá verði ráðist. Eins og svo oft áður eru það aðeins...
Sigurður Þ.

Það var sem mig grunaði að annað hvort hefði það verið fatlaður starfsmaður Framsóknarflokksins sem lagt hefði Hummer-jeppanum í stæði fatlaðra við Rimaskóla á dögunum eða, sem náttúrulega var vel til í dæminu, að ungur sjálfboðaliði – einhver sem ekki kynni á siðareglur flokksins og algert bann hans  við að leggja í stæði fatlaðra, hefði fallið í þá gryfju að parkera á þennan hátt.  Nú hefur komið á daginn að einmitt hið síðara gerðist eins og fram kemur í sérstakri yfirlýsingu frá ex-bé í Reykjavík. Þar er vísað í “Það leiðinlega atvik” þegar ”ungur sjálfboðaliði á vegum framboðsins...
Haffi  

...Orðrétt sagði ég m.a.: “Þannig boðar Framsóknarflokkurinn nú “sjóminjasafn á Grandagarði”, safn sem var formlega opnað með pompi og prakt fyrir ári síðan, einmitt á þeim stað sem Framsóknarframboðið telur ákjósanlegan. Þeim mun meira kemur þetta á óvart þar sem forstöðumaður Sjóminjasafnsins heitir Sigrún Magnúsdóttir, fyrrverandi borgarfulltrúi Framsóknar, en stöðuna fékk hún að sjálfsögðu án þess að borgaryfirvöld létu svo lítið að auglýsa starfið. Þetta hefðu nú Björn Ingi og félagar átt að vita en þeir hafa kannski ekki lesið stefnuskrána nægilega vel enda í mörg horn að líta þessa dagana.” Nú hafa þau tíðindi gerst að EXBÉ hefur leiðrétt kúrsinn í sjóminjasafns-málinu. Stefnuskráin hefur breyst. Í dag les ég nefnilega, ef marka má endurbætta netútgáfu stefnuplaggsins um þetta mál að framsóknarmenn hafa fallið frá því að byggja “sjóminjasafn á Grandagarði”, nú er boðuð “Stækkun Sjóminjasafns á Grandagarði.” Aðstandendur EXBÉ virðast hafa áttað sig á því að ekki er hægt að bjóða kjósendum upp á ýmsa “smávægilega” feila, rangfærslur ef ítrustu kurteisi er gætt í orðavali, því auðvitað hlýtur fólk að spyrja: hvað liggur að baki stóru stefnumálunum fyrst sláandi óvandvirkni og flumbrugangur blasir meira segja við í þeim málum sem ...
Þjóðólfur

...Í 9.grein þess frumvarps er talað um að veita Vegagerðinni lögregluvald til að stöðva, rannsaka,og sekta bíla á þjóðvegum landsins. Ég hef sjálfur verið stöðvaður af þeim, þar sem ég ók vörubíl , og var sektaður fyrir að vera of þungur , og var ekki boðin lögregla eða að fá lögfræðing á staðinn. ...Og svo ég spyr í allri minni hógværð , hver er yðar skoðun á þessu...
Halldór Sigurðsson

...Ég er sammála Hljóðólfi að það megi alls ekki byggja flugvöll á vatnsverndarsvæðinu, og er furðulegt að náttúruverndarfélagið “Vinstri Grænir” skulu láta sér detta slíkt  í hug. Ég minnist þess þegar eitt olíufélaganna vildi byggja bensínstöð við þjóðveginn fyrir neðan Geitháls.  Þá urðu ýmsir sem þekkingu höfðu til að bera til að mótmæla þessari bíræfni svona nálægt Gvendarbrunnum og vatnssvæðinu umhverfis þá. Gagnrýnendur höfðu betur enda byggðu þeir á þekkingu. Sem betur fer var sú tíðin þá að menn létu segjast ef rökin voru fyrir hendi! Hér tala ég af nokkurri reynslu...Annað sem ég tel að væri ekki svo vitlaust Ögmundur; er að nítísku “sporvagnar” sem “héngu á einum teini” (“Monorail”) í hvora átina væru lagðir “strax” á milli Keflavík til Reykjavíkur, með afleggjara til flugvallarins og viðkomustað á ýmsum þéttbýliskjörnum á leiðinni. Þetta mundi þjóna flugvellinum, og öllu svæðinu allt frá Suðurnesjum upp í Kjós...
Helgi

Ég tók eftir því nú um daginn að nýjustu skoðanakannanir hér og í Bandaríkjunum um vinsældir forvígismanna, sýna að foringi íslensku ríkisstjórnarinnar Halldór Ásgrímsson hefur minna traust hjá sinni þjóð í skoðanakönnunum en Bush Bandaríkjaforseti nýtur í Ameríku og þykir það þó ekki mikið. Stríðsrekstur Bush, Rumsfeld og félaga í Írak og Afganistan er sem kunnugt er að kosta Bandaríkjamenn óhemju peníng og þúsundir ungra Bandaríkjamanna hafa látið lífið. Eitthvað af óvinsældum Halldórs kann að stafa af því að hann...Helst að maður hafi áhyggjur af því að Framsókn takist að fela sig á bak við x-b og Sjálfstæðisflokkurinn komist upp með að þykjast nú mikill vinur gamla fólksins. Hvað er hægt að gera Ögmundur til að ...
Gaui

...Ég hef verið búsett í Bandaríkjunum í nokkur ár og kann ekkert nema gott um land og þjóð að segja. Ég sendi ykkur heima á Fróni litla myndasyrpu af nokkrum forsetum Bandaríkjanna fyrr og nú þar sem gamansamur “listamaður” hefur sett þá í eins konar drag-gervi. Þetta á engan að meiða og er hugsað til gamans.
Kveðja,
Guðrún N.

Finnst þér í lagi að byggja flugvöll á Hólmsheiði í næsta nágrenni við vatnsverndarsvæði okkar? Er þetta ekki tvískinnungur VG í hnotskurn? Væntanlega birtirðu ekki gagnrýnisbréf frá lesendum bara gagnrýni á aðra en ég sendi þér þetta ...
Hljóðólfur

Hvað vakir fyrir þeim sem vilja telja fólki trú um að örfáar sálir hafi mætt í kröfugönguna 1. maí í Reykjavík að þessu sinni? Fjögur hundruð manns hafi verið í göngunni, átta hundruð á baráttufundinum á Ingólfstorgi, sagði Útvarpið að kvöldi dagsins, Blaðið át þetta síðan upp daginn eftir og síðan kjamsar einhver fréttmaður á Fréttablaðinu á þessu rugli í blaði sínu í dag. Það vill nú svo til að ég var í göngunni og þegar ég var í Bankastræti og horfði niður eftir Austurstræti var þar múgur og margmenni og gangan að fara inn á Ingólfstorgið. Þá átti öll hersingin eftir að ...Að mínum dómi var dagurinn einstaklega vel heppnaður – enda tóku þúsundir þátt.
Kristín

Nú er hafinn bútasaumur á RÚV frumvarpinu, það sem þú kallar lýtaaðgerðir. Hvað segir það okkur? Það segir okkur að frumvarpið var stórgallað og að nauðsynlegt hafi verið að bæta það. En er ekki eitthvað meira sem þarf að skoða? Ég hefði haldið það. þessu frumvarpi er einfaldlega stórlega ábótavant og því ber að fresta afgreiðslu þess. Það besta sem sagt hefur verið um þetta frumvarp er frá Ólínu komið hér á heimasíðunni hjá þér, sérstaklega það sem hún hefur sagt um þá fjársjóði ...Atli Gíslason hefur líka gert þessu rækilega skil í þinginu...
Sunna Sara

Björn Ingi Hrafnsson, aðstoðarmaður forsætisráðherra og nú einnig borgarforingi Framsóknar, fylgdist að eigin sögn með baráttufundi reykvísks launafólks í fyrra. Þótti honum æði fámennt á þessum baráttufundi - enda ekki nema von. Hann var, eða fylgdist með fundi á Lækjartorgi. Baráttufundurinn var hins vegar á Ingólfstorgi. Á þessu vakti ég athygli hér í lesendahorninu 6. maí á síðastliðnu ári, sbr. upplýsingar á...
Þjóðólfur   

Haffi sem stundum er að skrifa inn á síðunni hjá þér er að undrast á ráðstefnunni sem Steingrímur J. vakti athygli á í Mogganum og velta fyrir sér liðinu sem þar á að safna saman undir merkjum stóriðjustefnunnar og útsölu á orkunni og náttúrunni. Mér finnst þetta nú allt saman frekar einfalt. Liðið sem hefur bullandi efasemdir um það að við Íslendingar getum yfir leitt klárað okkur sjálfir og rekið hér okkar eigið og gott samfélag leggst alltaf flatt ef einhverjir útlendingar sýna okkur áhuga. Nú finnst mönnum svo merkilegt að Economist skuli hafa uppgötvað Ísland að ólíklegasta fólk leggur nafn sitt við svona útsölu kynningu á landinu og náttúrunni... Það er aldeilis kostaboð að fá að koma og hlusta á Halldór, Árna fjármálaráðherra og Ingibjörgu Sólrúnu tala undir þessum formerkjum, í einn dag, fyrir 160 þúsund eða meira. Eru það ekki eins og hálfs mánaðar laun hjá starfsfólki á elliheimilunum? Í hvaða heimi lifir þetta fólk? Heldur það að ...
S. Pálsson 

...Það sem mér blöskrar einna mest, er að ALCOA skuli voga sér þá bíræfni að bjóða “the Economist” með óþjóðlegan áróður sinn til Íslands, til að narra fleiri sér líka til föðurlands vors.  Hafa þeir hreinlega tekið Ísland eignarnámi og farnir að stjórna beint, sem sé ekki í gegnum “Sjálfstæðisflokkinn” og  “Framsóknarflokkinn”? Eða eru nornir og spunakarlar hér að verki?
Ég vona að...
Úlfljótur

Ég á vægast sagt engin orð yfir ósvífni Alcoa og íslenskra stuðnigsfyrirtækja að bjóða Economist til að efna hér til frjálshyggjuhátíðar til að fagna einkavæðingu undangenginna ára og örva fjölþjóðlega auðhringa til að sækja í orku okkar landsmanna á komandi árum fyrir eiturspúandi stóriðjuver sín. Steingrímur J. Sigfússon reifar þetta ágætlega í Morgunblaðsgrein sinni í dag sem þú einnig birtir hér á síðunni. Hann talar þar um að ekkert nema "stofuhreinir stuðningsmenn Kárahnjúkavirkjunar" komist á umræðupall á þessari makalausu ráðstefnu sem kostar vel á annað hundrað þúsund krónur að sækja. En hverjir skyldu vera hinir stofuhreinu? Ég sé í bæklingnum, sem þú gefur slóðina fyrir, að...
Haffi

...Ekki tekst betur til en svo að hugmyndasmiðirnir skila til kjósenda berrössuðum flokki, hugsjónalausum og klyfjuðum sviknum loforðum. Þetta gera þeir m.a. með endurvinnslu á gömlum og innantómum slagorðum. Þá skreyta þeir plaggið með stolnum fjöðrum úr smiðjum annarra framboða, stundum bregða þeir einfaldlega á leik sér og öðrum, nema þá kannski einhverjum framsóknarmönnum, til nokkurrar skemmtunar. Og þegar allt um þrýtur gefa þeir loforð um merkilegar framkvæmdir en sem þegar eru orðnar að veruleika. Hér á eftir verður stiklað á stóru til frekari kynningar á stefnuskránni og ofangreindum niðurstöðum til stuðnings...Loks vil ég drepa á tvö atriði sem ég veit ekki fyrir víst hvort ímyndarhönnuðir auglýsingastofunnar gerðu sér til skemmtunar, eða af vanþekkingu einni saman, að setja inn í stefnuskrána svokölluðu loforð um málefni sem þegar hefur verið unnið dyggilega að á vegum borgaryfirvalda og þarfnast engrar sérstakrar endurvinnslu. Þannig boðar Framsóknarflokkurinn nú “sjóminjasafn á Grandagarði”, safn sem var formlega opnað með pompi og prakt fyrir ári síðan, einmitt á þeim stað sem Framsóknarframboðið telur ákjósanlegan. Þeim mun meira kemur þetta á óvart þar sem forstöðumaður Sjóminjasafnsins heitir...
Þjóðólfur

...Þetta gerist með því að RÚV verður skipt í almannaþjónustufyrirtæki og samkeppnisrekstur með fullri aðgreiningu. Undir samkeppnishattinum getur RÚV, eða útvarpsstjóri, ákveðið að stofna fyrirtæki með öðrum, og nú skal ég taka fyrir þig dæmi: Morgunblaðið, Síminn og Páll Magnússon ákveða að koma á fót framleiðslufyrirtæki sem hefur að markmiði að framleiða íslenskan spennuþátt í tíu þáttum. Morgunblaðið leggur fram 100 milljónir króna í fyrirtækið, Síminn 100 milljónir og Páll Magnússon leggur til aðstöðu, tæki og “know how” sjónvarpsins fyrir 100 milljónir króna. Fyrirtækið Mosírúv framleiðir svo þessa tíu þætti sem fjármagnaðir eru af KB banka. En þá þarf að fá einhevrn til að kaupa þættina og greiða bæði hagnað og fjármagnskostnað! 365 miðlarnir hafa ekki áhuga og þættirnir seljast ekki fyrsta kastið á erlendum vettvangi. Kemur þá ekki sjónvarpið sterkt inn. Páll Magnússon ákveður að kaupa þættina tíu af Mosírúv fyrir hluta af nefskattinum sem öllum er gert að ...
Ólína

RÚV-frumvarpið er dæmigerð framsóknarhraksmán, flutt af íhaldinu og er ekkert nema skref á einkavæðingarleiðinni. Ég er satt að segja alveg gáttaður á Framsókn að láta draga sig á þessum asnaeyrum, og tvennar kosningar í uppsiglingu. Það er eins og flokkurinn sé haldinn sjálfseyðingahvöt þessi árin. Fyrir utan háeffið í RÚV frumvarpinu er nefskatturinn tóm endaleysa eins og ríkisskattstjóri hefur bent á. RÚV er prinsipp, mannréttindamál jafn sjálfsagt að hafa aðgang að og að vatninu. Við borgum fyrir vatnið í gegnum...
hágé

Undir forystu forsætisráðherra Framsóknarflokksins er boðuð einkavæðing á öllum sviðum. Ekki er því úr vegi að spyrja: Hversu langt er ríkisstjórnin tilbúin að ganga? Búið er að markaðsvæða bankana, fjarskiptin, póstþjónustuna, raforkufyrirtækin svo fátt eitt sé nefnt, og stefnt að því að auka enn á einkavæðinguna. Stjórnin vill halda áfram og markaðsvæða Landsvirkjun, Ríkisútvarpið og ÁTVR. Við þetta er að bæta að...Nú liggur til að mynda fyrir að stórlega skortir á umræðu um efnahagsmál og þann veruleika sem blasir við að verðbólgan er komin af stað, skuldir heimilanna aukast og efnahagskerfið veikist. En í stað þess að...
Hjálmar frá Hóli

...Alla vega vottar ekki fyrir trúverðugleika hjá Framsókn í þessu efni eftir að hún lak niður í RÚV-málinu og nú síðast gagnvart Íbúðalánasjóði. En þótt Framsókn og Íhald séu runnin saman í eitt er ekki þar með sagt að Ríkisstjórnarflokkurinn sé samstiga. Þar er hver höndin upp á móti annarri og ræður yfirformaðurinn, Halldór Ásgrímsson, ekki við neitt á sama tíma og undirformaðurinn, Geir H. Haarde, er alltaf í útlöndum og því fjarri góðu gamni. Á meðan logar þjóðarskútan stafna á milli. Slæmt að...
Haffi

...Það er alls óeðlilegt að fulltrúar tveggja púkaflokka sem rétt mörðu meirihluta í síðustu alþingiskosningum, og samkvæmt skoðanakönnunum eru nú sennilega í minnihluta, þar sem annar þeirra er líklegast horfin af sjónarsviðinu sem stjórnmálaflokkur,  skuli voga sér að ræna eignum þjóðarinnar í þágu einkavæðingarinnar. Og ekki nóg með það því nú stendur til að láta greipar sópa um Ríkisútvarpið og þá ómetanlegu menningarsjóði sem þar eru. Slíkt væri meira en furðulegt, það væri svívirðilegt! Ég er einnig sammála Ólínu um að það sé í meira lagi slappt, svo ekki sé dýpra tekið til orða, að “stjórnarandstaðan”, þar með verkalýðshreyfingin, menningafrömuðir og aðrir góðir Íslendingar, skuli hreinlega láta þetta landráð viðgangast! Núverandi stjórnvöld hafa fyrir löngu...
Úlfljótur

Til hamingju með afmæli síðunnar. Höfum oft undrast það hjónin hve mjög þú leggur þig fram um að halda sambandi við umheiminn í skrifuðu máli. Þakka þér fyrir áminninguna um ríkisútvarpið sem þú birtir af gefnu tilefni. Menning er nefnilega merkileg skepna. Einn daginn áþreifanleg og lifandi í annan tíma fer hún með löndum. Dúkkar svo allt í einu upp og glóir sem gull. Mér kom í hug menningin Ögmundur á dögunum þegar ég heyrði viðtal við Erling Blöndal Bengtsson, cellóleikarann dáða. Hann var að segja frá uppvexti sínum og æsku, tengslunum við Ísland, og heimsóknina til landsins þegar hann var fjórtán ára og hélt tónleika í Gamla bíói. Svala Nielsen, frænka hans, sagði líka frá heimsókn hans til landsins strax að styrjöldinni lokinni, og Erling sagði frá hvernig Ragnar í Smára og tveir aðrir ... En er þetta ekki einnmitt gull Ögmundur? Ekki leikfang heldur gersemi? Þúsund svona molar, þúsund brot af menningu þjóðar eru geymd í ósýnilegum sjóðum ríkisútvarpsins. Þúsund brot sem geta hvenær sem er...Menningin getur verið sögulaus eins og þjóð. Hún getur verið minnislaus eins og skáld, ráðherrar eða fyrrverandi ráðherra. Hvar eru nú allir þeir sem ættu að gera sér grein fyrir hrákasmíðinni sem er á frumvarpinu sem sagt er að sé frumvarp menntamálaráðherra? Er hugmyndin til dæmis sú að Páll Magnússon geti einn ráðstafað þeim eignum sem hér hafa verið gerðar að umtalsefni...?
Ólína

Valgerður Sverrisdóttir kom fram í fréttum í kvöld. Maður hreinlega frýs þegar hún hefur upp raust sína. Hún sagði þrennt sem olli mér ónotum. Í fyrsta lagi staðfesti hún uppgjöf Framsóknar varðandi Íbúðalánasjóð. Nú yrði að horfa til framtíðar, hét það á hennar tungumáli þegar hún réttlætti að bönkunum yrði afhentur sjóðurinn. Í öðru lagi sagði hún að það væri efnahagslífinu mikilvægt að halda stóriðjustefnunni til streitu. Um þetta þarf ekki að hafa mörg orð. Í þriðja lagi sagði hún, að ef "fyrirtækin" vildu athafna sig frekar hér á landi þá væri það hið besta mál. Með öðrum orðum, ef Alcan, Alcoa og hvað þau öll heita, vilja áfram fá náttúruperlurnar ókeypis, rafmagn á útsöluprís og skattafríðindin, þá eru þessir fjölþjóðahringar velkomnir! Ég á bara til eitt að segja...
Haffi

Ég var að lesa pistil þinn með fyrirsögninni “ÞINGMENN SJÁLFSTÆÐISFLOKKSINS Í HUGSJÓNAHAM” og ég er fullkomlega sammála viðhorfi þínu...Ég skil ekki hvað þeir telja kostinn með þingskjali sínu númer 1056, og óréttlætinu og áhyggjunum sem þeir vilja í garð starfsfólks...helst get ég ímyndað mér að þetta fólk viti ekki betur, og viti ekki hvað það eigi að gera við tímann!  Heilbrigðast væri að það fengi sér störf, til dæmis á sjónum eða í frystihúsi, þar sem það gæti haft hugann við þörf störf og skilað einhverju til samfélagsins...
Úlfljótur

...Framboð Framsóknarflokksins í Reykjavík undir nýju vörumerki - exbé - á eftir að skila sér á kjördag. Sérstaklega mun ungt fólk kunna að meta svona „fansí" nafn. Tala nú ekki um ef framsóknarmenn láta áfengi og pizzu fylgja með vörunni. Nútímalegt og skilvirkt framsóknarlýðræði. Framboð framsóknarmanna í Reykjavík undir merkinu exbé nefnir í milljónaauglýsingum sínum hvorki Framsóknarflokkinn né lætur sjást í formanninn, Halldór Ásgrímsson forsætisráðherra. Sú staða er komin upp að það er lífsspursmál að kannast við hvorugan. Oddviti framsóknarmanna ætti...
Hjörtur Hjartarson  

Um helgina hélt formaður Samfylkingarinnar, Ingibjörg Sólrún Gísladóttir, eina af sínum mörgu tímamótaræðum. Þetta gerðist á flokksstjórnarfundi sem reyndar var ekki haldinn í Borgarnesi að þessu sinni heldur á Hótel Nordica í Reykjavík. Í þessari ræðu kom enn og aftur í ljós að vegir Samfylkingarinnar eru óútreiknanlegir. Ingibjörg Sólrún fór um víðan völl og lagði að sjálfsögðu nútímalega vinkla á alla helstu málaflokka þannig að áherslurnar komu oftar en ekki óþægilega á óvart. Meðal annars kvartaði hún sáran undan því, fyrir sína hönd og gamla hippagengisins í Samfylkingunni, að Sjálfstæðisflokkurinn hefði brugðist í varnarmálum þjóðarinnar....Hitt er aftur á móti ekkert gleðiefni að þurfa að horfa nú upp á þetta fyrrum göngufólk friðar og réttlætis svo fullkomlega berrassað hugmyndafræðilega - í hverju málinu á fætur öðru - að naumast hefur annað eins sést í íslenskri stjórnmálasögu. Og það má þó keisarinn nakti eiga, Sjálfstæðisflokkurinn, sem Ingibjörg Sólrún beinir spjótum sínum að, að hann reynir í það minnsta að hylja viðkvæmustu staðina, jafnt að...
Þjóðólfur

Þakka þér fyrir að vekja athygli á grein Páls Magnússonar, útvarpsstjóra. Hana þyrftu fleiri að sjá en þeir sem lesa Morgunblaðið. Hann ræðst þar með óvenjulegum hætti að Þorsteini Pálssyni, ritstjóra Fréttablaðsins, með skítkasti og klámhöggum, sem að réttu ættu að verða enn ein ástæðan til þess að drengurinn sá kæmi ekki til greina sem stjórnandi ríkisútvarpsins. Skítkastið á Þorstein Pálsson er afhjúpandi fyrir ...Merkilegt að yfirmenn NFS, Stöðvar 2, DV og Fréttablaðsins skuli ekki þegar hafa látið heyra frá sér. Orðhvatur gamall félagi útvarpsstjóra sem nú ritstýrir DV gæti til dæmis látið heyra frá sér. Prinsippmálin eru honum hjartfólgin hefur mátt skilja á leiðurum hans. Fréttamönnum og starfsmönnum ríkisútvarpsins hlýtur líka að vera brugðið. Eða eru menn sáttir við trakteringarnar? Eða líta menn kannski á grein útvarpsstjóra sem vísbendingu um að hann hafi sjálfur gengið erinda þeirra mörgu eigenda sem hann hefur þjónað undir? Í ljósi digurbarkalegra yfirlýsinga útvarpsstjóra um annan ritstjóra Fréttablaðsins sem til dæmis almennir sjálfstæðismenn vita að má ekki vamm sitt vita hlýtur...
Stefán

...Réttilega segist hann líka vita af fenginni reynslu að það sé óskynsamlegt að taka skoðanakannanir of alvarlega, taka verði með í reikninginn hina mögnuðu kosningamaskínu Framsóknarflokksins. Björn Ingi segir um þá undravél – og það að líkindum einnig með réttu ef tekið er mið af undanförnum gósen-áratug flokksins í ríkisstjórn - að reynslan sýni “einfaldlega að í kosningabaráttu standast fáir framsóknarmönnum snúning og þá koma hinir sterku innviðir flokksins vel í ljós.” Gaman væri nú að Björn Ingi mundi upplýsa kjósendur aðeins meira um “innviðina sterku” sem munu fjármagna yfirvofandi auglýsingaherferð sem nú er á teikniborðum ímyndarhönnuðanna, herferðina sem á að...
Þjóðólfur

Ég sé í fjölmiðlum að Geir H. Haarde, utanríkisráðherra vill einkavæða Keflavíkurflugvöll. Ekki þykir mér það vera vel ígrunduð hugmynd eins og þú bentir á við umræðu á Alþingi. Það gerðu reyndar einnig þingmenn Framsóknarflokksins. Þeim leist ekkert á þeta tal í Geir og minntu á að þetta væri aðeins hugmynd og hefði hún ekki verið rædd í ríkisstjórn. Mér stórlétti við að heyra þetta. Við vitum hvílíkur styrkur er í Framsókn þegar á reynir. Um það tala ófá dæmi. Yfirlýsingar þeirra hafa alltaf reynst gulls ígildi, til dæmis loforð um að ekki verði hróflað við Íbúðalánasjóði eða að Ríkisútvarpið yrði ekki undir neinum kringumstæðum gert að hlutafélagi! Skyldi Framsókn fara fram af ...
Haffi

Morgunblaðið greindi frá því á dögunum að Fídel Kastró Kúbuleiðtogi lætur brenna nærföt sín í stað þess að þvo þau þar sem hann óttast að eitur verði sett í þau til þess að ráða hann af dögum. Heimildamaðurinn um þetta óvenjulega varnarvopn Kastrós er fyrrum lífvörður hans, Delfin Fernandez, en hann sagði starfi sínu lausu vegna verkefnaskorts. Þessi einfalda og ódýra varnaraðferð Kastrós hefur gefið ótrúlega góða raun og varið hann gegn alls kyns hryðjuverkum. Þannig hefur. En hver er kveikjan að þessum fréttaflutningi Morgunblaðsins af félaga Fídel Kastró sem blaðið hefur ekki haft mikið dálæti á hingað til? Fréttin tengist greinilega yfirvofandi brottför hersins frá Miðnesheiði en íslensk stjórnvöld hafa einmitt lýst yfir miklum áhyggjum af hugsanlegum hryðjuverkum í herlausu landi. Í ljósi óttans annars vegar og reynslu Kastrós hins vegar verður það að teljast skylda Halldórs Ásgrímssonar forsætisráðherra og skoðanasystkina hans í ríkisstjórn og Samfylkingar að skoða vandlega og fordómalaust hina...
Helgi Þ.

Heyrst hefur að Sigurður St. Arnalds kynningarstjóri Kárahnjúkavirkjunar sé nú að ljúka við sína fyrstu barnabók undir vinnuheitinu Lok, lok og læs og allt í áli. Grein hans í Morgunblaðinu síðastliðinn miðvikudag, “Gjaldeyrir þjóðarinnar vex ekki á rifsberjarunnum”, mun einmitt byggð á einum kafla bókarinnar. Í greininni skýrir hann fyrir nýbökuðum Hafnfirðingi, Eddu Björgvinsdóttur leikkonu, sem er eitthvað í nöp við álverið í Straumsvík að ekki verði lifað af loftinu einu saman og því síður rifsberjum. Sjálfsagt hefur Edda, eins og fleiri sem komnir eru af léttasta skeiði, haft gaman af lesningunni og kannski líka dálítið gagn. En eftir stendur sú spurning hvernig kynningarstjórinn ætlar að...
GMÞ

...Ég sagði honum að þetta minnti mig á gamla daga, víxilinn fellur og ég þarf að sækja um framlengingu, spurningin var hvernig liggur á bankastjóranum. Nú standa einkavæddu bankastjórarnir skjálfandi á beinunum á biðstofunni eins og ég forðum og fá ef til vill ekki framlengingu. Hverjum datt í hug að stóra bankaævintýrið væri rekið á víxlum? Að sjálfsögðu sagði ég það sama og síðast, skiptu við lífeyrissjóði verkalýðshreyfingarinnar. Hvað um það, þegar ég hlustaði á fréttirnar áðan hafði Halldór ekki áhyggjur, bankastjórarnir höfðu engar áhyggjur, - þá fór ég að hafa áhyggjur. Öfugt við þetta er þegar sömu menn gerast áhyggjufullir, til dæmis rétt fyrir kjarasamninga, þá veit ég að allt er í góðu, léttist þá heldur lundin og maður ...
Runki frá Snotru

Mér finnst ágætt hjá ykkur þingmönnum að vekja athygli á atvinnumálum í tengslum við brottför hersins. Og það er líka góðra gjalda vert af fjölmiðlum að leggja áherslu á þetta m.a. með beinni útsendingu frá fundi forsætisráðherra hjá Framsóknarflokknum í Keflavík. Þegar við höfum verið að missa vinnuna á Vestfjörðum á undanförnum árum, og fyrirtækin að loka, m.a. vegna kvótakerfisins og ruðningsáhrifa stróriðjustefnunnar, minnist ég ekki beinna útsendinga í útvarpi og sjónvarpi. Valgerður iðnaðarráðherra sagði á þá leið að ruðningsáhrif gætu verið af hinu góða því fólkið færi þá þangað sem vinnu væri að hafa og annar framsóknarráðherra sagði...
Vestfirðingur

Mig langar að gera athugasemd við gagnrýni sem þú setur fram í pistli á heimsíðu þinni varðandi Kastljósið í gærkvöld. Þar segir þú að spunameistarar Halldórs Ásgrímssonar hafi unnið fyrir kaupinu sínu með því að að tala sjónvarpið inn á að fylgjast með fundinum í Stapanum í beinni útsendingu á þeirri forsendu að þaðan væri að vænta stórkostlegra tíðinda. Þessi fullyrðing þín er alröng og ósmekkleg. Þú gerir ráð fyrir því að ég sem ritstjóri þáttarins leggi ekki sjálfstætt mat á efni þáttarins heldur þurfi að láta aðstoðarmenn ráðherra plata mig út í slíka útsendingu. Ég veit ekki hvernig þetta var þegar þú starfaðir sem fréttamaður en svona gerast hlutirnir ekki í Kastljósi. Ég tók þá ákvörðun á hádegi að senda beint, hluta af ræðu Halldórs þar sem ég taldi að tíðinda væri að vænta af þessum fundi enda var hann að hitta heimamenn í fyrsta skipti eftir ákvörðun Bandaríkjamanna. Einnig gerði ég ráð fyrir að hann segði frá fundi framkvæmdastjóra NATÓ og George Bush sem hann og gerði. Það má deila um hversu tíðindamikill þessi fundur var en mér fannst full ástæða til þess að sýna frá honum. Ég frábið mér hins vegar...
Þórhallur Gunnarsson,
ritstjóri Kastljóss.

...Ég fæ ekki betur séð en Jón Baldvin sé tekinn aftur við forustu í Samfylkingunni eða Alþýðuflokknum með því nýja nafni. Síðustu daga hefur borið miklu meira á honum en Ingibjörgu Sólrúnu og fjölmiðlar virðast hafa meiri áhuga á að fá viðbrögð hans við því sem er að gerast en hennar. Fyrst var það nú afmæli Alþýðuflokksins þar sem Jón Baldvin var aðalmaðurinn ásamt hinum gömlu krötunum. Svo kom brottför hersins og aftur var aðallega talað við Jón. Og í gærkvöld var sagt frá því að Jón Baldvin ætti að móta nýja stefnu fyrir Samfylkinguna þegar herinn er að fara...Hitt er furðulegt ef hann getur bara komið si svona og tekið völdin í Samfylkingunni af nýja formanninum og ekki lengra liðið síðan hún hafði fyrir því að velta Össuri úr stólnum. Finnst þér þetta ekki ...
S. Pálsson

...Sannast sagna hélt ég að allir - hvar í flokki sem þeir standa - myndu sameinast um að halda vatninu í almannaeign og láta skilgreina það sem mannréttindi í stjórnarskrá landsins! Ef eitthvað ætti að vera þverpólitískt mál þá er það réttur okkar allra til vatnsins!!!
Ég er félagi í Starfsmannafélagi Hafnarfjarðar og langar til að vekja athygli á ágætum pistli sem formaður okkar, Árni Guðmundsson, skrifar á heimasíðu í gær. Ég læt slóðina fylgja svo hvert og eitt okkar geti lesið og gert upp sinn hug...
N.B.

...Í þessu leikriti, sem íslenskir ráðamenn vissu reyndar ekki að þeir væru þátttakendur í, hefur nefndur Halldór farið fremstur í flokki á undanförnum árum – og fer enn. Hann hefur lengst allra verið dreginn á asnaeyrunum og gott ef ekki um sjálft Hvíta húsið. Já, þær eru ófáar ferðirnar sem hann hefur farið til Bandaríkjanna á hnjánum til fundar við spunameistarana þar. Fróðlegt væri nú í þessu sambandi að fá staðgóðar upplýsingar um hvað Halldór Ásgrímsson hefur slitið hnén úr mörgum sparibuxum á þessum ferðum sínum vestur um haf. Upplýsingafulltrúa forsætisráðuneytisins, Steingrími Ólafssyni, ætti ekki að vera skotaskuld úr því að draga saman í fljótheitum öruggar upplýsingar um buxnamál forsætisráðherrans. Fulltrúinn Steingrímur hefur nefnilega oftar en ekki sýnt að hann er sannkölluð...
Þorleifur

Alveg gekk vita fram af mér að sjá í sjónvarpinu áðan alla gömlu kratana á fíneríissamkomu í Ráðhúsinu og vera að hæla Alþýðuflokknum fyrir öll góðverkin. Ég man nú ekki betur en síðasta ríkisstjórn sem Alþýðuflokkurinn var í hafi innleitt sjúklingaskattana, hækkað skólagjöld og tekjutengt allar bætur til aldraðra, öryrkja og barnafólks. Nú segist Samfylkingin vera arftaki Alþýðuflokksins og vera stolt af því, og þá væntanlega öllu sem kratarnir gerðu. Og því má spurja, er þá Samfylkingin líka arftaki í því að fara í bólið með íhaldinu hvenær sem það býðst. Ég tek eftir því að frú Ingibjörg Sólrún útilokar alls ekki samstarf við Sjálfstæðisflokkinn í miklu stássviðtali í Fréttablaðinu nú um helgina. Hún er þar að tala um þann vanda í íslenskri pólitík að Sjálfstæðisflokkurinn hafi alltaf getað...
gamall Dagsbrúnarmaður

Það gerist stundum að manni verður orðavant. Ég er svo gamall að ég man Stóru Bombu, þ.e. þegar Jónas frá Hriflu var úrskurðaður geðveikur. En fyrir þá sem yngri eru þá var Jónas, stofnandi Framsóknarflokksins úrskurðaður geðveikur af læknum íhaldsins.
Þegar Valgerður Sverrisdóttir beitir fyrir sig feminisma í röksemdafærslu sinni í Evrópumálum er spurning hvort ...
Snjólfur frá Djúpadal

Það er orðið langt síðan ég skrifaði þér síðast. Ástæðan er annir og samfellt ættarmót. Nýju vatnalögin hafa gert það að verkum að ótrúlegustu menn eru orðnir frændur mínir. Að vísu vissu þeir allir að stórfljót rennur undur jörð minni, einnig er óvenju mikil þoka viðvarandi hér í Snotru, eins og þú þekkir...Þá er það þetta í 1.gr
“Markmið laga þessara er skýrt eignarhald á vatni...
Runki frá Snotru

...Allt er þetta drengilega mælt og dæmigert fyrir andrúmsloftið í flokki þar sem eindrægni og samhugur ríkir, þar sem menn reyna eftir mætti að sjá eigin kosti í öðrum - í flokki þar sem engir kújónar lúra á bak við tjöldin og bíða færis að vega að flokkssystkinum sínum. Ég tek heils hugar undir orð Björns Inga en langar þó að bæta örlitlu við sem mér hefur fundist einkenna pólitíska framgöngu Guðjóns Ólafs frá upphafi. Hann hefur jafnan verið afar rökfastur og málefnalegur og aldrei látið slá sig út af því ábyrga lagi þótt hart hafi verið að honum sótt með alls kyns skítkasti og neðanbeltishöggum pólitískra andstæðinga. Þessir eiginleikar skipta að sönnu ómældu máli fyrir kjörþokkann og svo spillir heldur ekki fyrir sá góðlátlegi húmor sem Guðjón hefur til að bera - og sem hefur fleygt vinsældum hans hátt á loft og langt yfir allar hefðbundnar flokksgirðingar. Það er ósk okkar framsóknarmanna allra, og vafalaust margra fleiri, að...
Smiður Jónsson

Ég fæ ekki betur séð en fjölmiðlarnir séu að draga upp nýjar átakalínur í heilbrigðisumræðunni. Í gærmorgun var mættur í morgunútvarp til að ræða heilbrigðismál, Ágúst Ólafur Ágústsson, Samfylkingu, og í gærkvöld sátu þau á skrafi hann og Ásta Möller þingmaður Sjálfstæðisflokksins einnig að ræða heilbrigðismál. Bæði vilja þau einkarekstur í heilbrigðisþjónustunni nema hvað greiða á fyrir þjónustuna með skattpeningum. Ríkisstyrktur einkarekstur hefur alltaf verið snar þáttur í íslenska heilbrigðiskerfinu en deilurnar nú snúast um það hvort halda eigi lengra út á þá braut. Þar sýnist mér ekki hnífurinn ganga á milli Ágústs og Ástu....Sannast sagna sé ég engan mun á þessum tveimur flokkum þegar kemur að stefnumörkun í heilbrigðismálum þótt Samfylking gangi um í þessu máli, eins og mörgum öðrum...
Haffi

Í lesendabréfi hér á síðunni skrifar Haffi af mikilli léttúð og ábyrgðarleysi um stefnu Samfylkingarinnar í stóriðju- og umhverfismálum. Hann sakar okkur Samfylkingarfólk um hentistefnu vegna þess að við styðjum af heilum hug fyrirhugaða álversframkvæmd í grennd við Húsavík. Og af hverju skyldi þessi mikilvæga atvinnuuppbygging norðan heiða vera hentistefna að dómi Haffa? Jú, hann er haldinn því dómgreindarleysi að það sé ekki hægt að vera hvort tveggja í senn; stóriðjusinni og umhverfissinni! Haffi skilur ekki – enda vinstri grænn að eigin sögn – að það er allt hægt ef viljinn er fyrir hendi. Þannig höfum við í kosningaundirbúnings- og samræðustýrihópi...
Þorsteinn

"Stefna Samfylkingarinnar í stóriðjumálum er skýr segir Ingibjörg Sólrún Gísladóttir formaður flokksins." Þetta segir í frétt Blaðsins á föstudag. Í mínum eyrum hljómar þetta eins og hver annar brandari. Haft er eftir Ingibjörgu Sólrúnu að Samfylkingin sé hlynnt því að fá álver á Húsavík. Hins vegar eigi álverin ekki að verða fleiri á næstunni og fyrirvarar eru tíndir til sögunnar. Stuðningur við stórðijuna virðist mér ótvíræður. Ég man ekki betur en ég sæi...Þegar hins vegar fulltrúar Samfylkingarinnar koma á fundi umhverfissinna bregður svo við að þeir eru mjög andvígir stóriðjustefnunni og virkjunum norðan heiða! Auðvitað má með sanni segja að hentistefna sé stefna. En eðli máls samkvæmt verður aldrei sagt að..
.Haffi

Ágætur er pistillinn um Alcan og börnin hér á síðunni. Þú segir að áróðursátaki Alcan sé nú beint að börnum. En tekur þú ekki eftir að í þessu merki frá Alcan, sem þú birtir með pistlunum, eru foreldrarnir spurðir, “ÁTT ÞÚ LÍTINN SNILLING?” Þannig að það er ekkert verið að bíða eftir að börnin vaxi til manns, það er verið að höfða til hreykinna foreldra. Þannig að það þarf ekkert að bíða eftir uppskeru áróðursins þar til börnin verða stór, hún hefur tilætluð áhrif á fullorðin börn! Þetta eru lymskuleg vinnubrögð. Ögmundur, hvenær á að...
H.

Ég hafði sem endranær gaman af síðasta bréfi Ólínu hér á síðunni um skuggann sem fylgir Halldóri Ásgrímssyni og heitir Steingrímur Hermannsson. Annars eru þeir ótrúlegir þessir spunadrengir Halldórs, ekki vegna uppátækjanna til að koma formanni Framsóknarflokksins á framfæri heldur fyrir klaufaganginn. Ótrúlegt var að fylgjast með því þegar...Síðan var náttúrulega allur fréttaatgangurinn með beinum útsendingum frá fótboltavelli í London ... En hver skyldi hafa borgað miðann fyrir Halldór og ráðuneytisstjórann á leik Chelsea og Barcelona? Kaupthing, Avion Group, eða eitthvað annað fyrirtæki...?
Haffi    

Mér datt í hug í morgun þegar ég sá að Steingrímur Hermannsson, forveri Halldórs Ásgrímssonar í embætti formanns Framsóknarflokksins, tók sig til og leiðrétti spunadrengi forsætisráðherra í Morgunblaðinu að þarna væri komin enn ein staðfestingin á að sigurvegararnir skrifuðu söguna. Hann benti þeim kurteislega á góðra vina fund sinn með Thatcher forsætisráðherra Breta fyrir 18 árum, fund sem var hér í öllum fréttum og fréttaskýringaþáttum 1988. Varstu ekki sjálfur með fréttaskýringu um málið? Steingrímur leiðrétti eftirmann sinn með sínum hætti. Baneitraður og tvíræður kom hann skilaboðum sínum á framfæri á sinn tvíræðan hátt þó þannig að hann stimplar sig inn hjá fólki sem gengur um með opin augu og eyru. Í tilkynningunni sem forsætisráðuneytið sendi frá sér og stendur uppi á heimasíðu ráðuneytisins nú í morgun segir: “Halldór Ásgrímsson forsætisráðherra átti fyrr í dag fund í Downingstræti 10 með Tony Blair forsætisráðherra Bretlands. Á fundinum minntust ráðherrarnir þess að um þessar mundir eru 30 ár síðan forsætisráðherra Íslands heimsótti starfsbróður sinn í Bretlandi síðast.” Steingrímur Hermannsson bendir í Morgunblaðinu á að...
Ólína

Í fréttum greinir frá því að margfalt fleiri vilji að Silvía Nótt verði næsti borgarstjóri Reykvíkinga en Dagur B. Eggertsson. Þetta kemur fram í könnun sem Félagsvísindastofnun gerði fyrir Samfylkinguna. Spurt var hvort menn vildu fremur sjá í stóli borgarstjóra, Dag eða Silvíu Nótt, ef valið stæði einungis á milli þeirra tveggja. 72% nefndu Silvíu Nótt og 11% Dag. 10 af hundraði vissu ekki um hvaða Dag væri að ræða og...
Helgi Þ.

...Nú er bjart framundan hjá Þorgerði Katrínu, menntamálaráðherra. Þegar hún verður búin að ganga endanlega frá Ríkisútvarpinu og gera Pál Magnússon að einvaldi um dagskrá og mannaráðningar, þá mun Sylvía Nótt verða aðalþula og strákarnir af Stöð2 lesa fréttir berrassaðir. Ég er hræddur um að þetta...
Kveðja,
Haukur

...Að kvöldi sama dags og hin athyglisverða rannsóknarniðurstaða þingmannsins birtist vildi svo til að fréttastofa Ríkissjónvarpsins flutti fregnir af Þjóðarpúlsi Gallups um fylgi stjórnmálaflokkanna. Merkilega lítill samhljómur var með þeim púlsi og hinum kraftmikla framsóknarpúlsi sem slegið hafði af miklum þunga fyrr um daginn. Nægir í því sambandi að líta til Norðausturkjördæmis, kjördæmis Birkis Jóns Jónssonar og raunar einnig áldrottningarinnar, hinnar virkjunarglöðu Valgerðar Sverrisdóttur. Ef marka má niðurstöðurnar virðist amk. allnokkur sjónarmunur á þjóðarpúlsi Gallups annars vegar og svo vandaðri úttekt framsóknar – fræðimannsins Birkis Jóns hins vegar. Samkvæmt könnuninni hefur fylgi Framsóknarflokksins hrapað úr 33% frá síðustu þingkosningum og niður í 15%. Öðru máli gegnir um Vinstrihreyfinguna grænt framboð sem fékk 14% fylgi í síðustu kosningum. Þjóðarpúlsinn sýnir nú fylgi við hana upp á 25%. Og hvernig má það vera, Ögmundur, að fjórðungur kjósenda í kjördæmi Birkis Jóns skuli nú telja sig eiga samleið með flokki sem að hans sögn á ekkert “erindi í íslensk stjórnmál”? Getur verið að ...
Þjóðólfur

Það ætlar ekki af veiðifélaga varaforseta Bandaríkjanna að ganga ef marka má fréttavef Ríkisútvarpsins. Bandaríski lögmaðurinn Harry Whittington, sem Dick Cheney varaforseti skaut við kornhænuveiðar um helgina, var aftur lagður inn á gjörgæsludeild í dag eftir vægt hjartaáfall. Búist er við að hann verði á sjúkrahúsi næstu daga á meðan hann er að ná sér. Cheney varaforseti er sagður hafa rætt við Whittington í dag eftir hjartaáfallið. Um efni viðræðnanna er ekki vitað á þessu stigi en þess má geta að Cheney er ekki eingöngu reynslubolti í sportveiðum. Hann er einnig gamalreyndur ...
Helgi Þ.

Á fréttavef Ríkisútvarpsins greinir frá því að Harry Whittington, 78 ára bandarískur lögmaður, liggi á sjúkrabeði eftir að hafa orðið fyrir haglaskoti úr byssu Dick Cheneys varaforseta Bandaríkjanna í fyrrakvöld. Þeir Whittington voru að sögn á kornhænuveiðum þegar slysið varð. Lögmaðurinn er ekki sagður alvarlega slasaður en hann fékk höglin í kinn, háls og brjóst og mun Cheney hafa heimsótt bráð sína á sjúkrahúsið í gær. Þá segir ennfremur frá því á fréttavef RÚV að sjálfur hafi Cheney þurft að dveljast á sjúkrahúsi í síðasta mánuði vegna andþrengsla. Hann sé með gangráð og hafi fjórum sinnum fengið hjartaáfall. Ekki verður beinlínis séð hvernig heilsufarsfréttirnar af varaforsetanum tengist skotveiðunum nema þá...
Helgi Þ.

Alveg er ég hissa á því hve lítið hefur verið rætt um innkomu Sjálfstæðisflokksins í 365 miðla, fjölmiðlana sem forsystumenn Sjálfstæðisflokksins hafa uppnefnt sem Baugsmiðla og þannig gefið í skyn að þeir hljóti að vera undirgefnir eigendum sínum. Vissulega hefur þetta verið rætt en ótrúlega lítið þar sem um það er að ræða að stórkanónum í Sjálfstæðisflokknum er nú hverri á fætur annarri komið fyrir í lykilstöðum þessa fjölmiðlaveldis, sem jafnan hefur verið talið standa nærri Samfylkingunni. Í Silfri Egils um síðustu helgi sagði einhver, gott ef það var ekki Egill sjálfur, að...
Haffi

...Ég er farin að binda vonir mínar við Morgunblaðið. Ekki beinlínis fyrir sjálfa mig heldur fremur börnin sem ég kom í þennan heim og öll barnabörnin. Þetta segi ég af því ég bind vonir við að Morgunblaðið geti orðið hryggstykkið í betri fjölmiðlum og heiðarlegri opinberri umfjöllun í nánustu framtíð en til þess þarf Morgunblaðið að breytast sem ég vona að gerist...Af hverju fer ekki Morgunblaðið sömu leið og Politiken, eða Dagens Nyheter, blöð sem gegndu svipuðu hlutverki og Morgunblaðið fyrir nokkrum áratugum? Það yrði mikil lyftistöng fyrir Morgunblaðið, gott fyrir opinbera umræðu og nauðsynlegt aðhald fyrir fjölmiðla sem skrifaðir eru kringum auglýsingar og beina og óbeina hagsmuni eigenda sinna...Varstu ekki að segja í Silfri Egils á sunnudaginn var að almenningur ætti sjálfur að kjósa hvort hann greiddi fyrir ríkisútvarp ef ríkisútvarpinu verður breytt í hlutfélag rétt eins og Dagsbrún? Er það ekki sjálfsagt næsta skref og verðum við þá ekki að binda trúss okkar við Morgunblaðið? Það fannst okkur vinkonunum sem sumar kjósa VG þegar við hittumst síðast yfir hvítvínsglasi, og okkur fannst jafnvel að um þessa lausn gæti “skapast breið samstaða”...
Ólína

Í ársskýrslu Landsbankans kemur fram að launagreiðslur til Halldórs J. Kristjánssonar bankastjóra námu 149 milljónum króna á síðasta ári, en hluti þeirrar upphæðar tengdist að vísu uppgjöri á kaupréttarsamningum. Greiðslur til Sigurjóns Þ. Árnasonar bankastjóra námu 83 milljónum króna samkvæmt ársskýrslunni og alls fengu 16 framkvæmdastjórar sviða og dótturfélaga greiddar samtals 598 milljónir í laun og hlunnindi eða hver um sig að meðaltali 37,4 milljónir. Halldór var sem sagt með 12,4 milljónir á mánuði, Sigurjón með litlar 6,9 milljónir og 16 framkvæmdastjórar fengu að jafnaði 3,1 milljón á mánuði í sinn hlut. Út af fyrir sig geta þetta ekki kallast ...
Þjóðólfur

Mig langar til að biðja þig að birta litla frétt sem var á netsíðu viðskiptablaðs Morgunblaðsins, mbl.is í fyrradag ...Fyrirsögnin hjá Morgunblaðinu var sú sama og ég bið þig um að hafa á þessu lesendabréfi: "Fikt, einkahlutafélag sem er fjárhagslega tengt Finni Ingólfssyni, stjórnarmanni í bankanum og forstjóra VÍS, keypti í gær 76 þúsund hluti í KB banka á genginu 928. Verðmæti bréfanna var því um 70 milljónir króna. Í tilkynningu til Kauphallar segir að Finnur eigi enga hluti í bankanum en fjárhagslega tengdir aðilar eigi 28,4 milljónir hluta eftir þessi viðskipti. Að framvirkum samningum meðtöldum eru hlutirnir um 30 milljónir talsins sem félög tengd Finni eiga í KB banka. Markaðsvirði þeirra hluta er um 28 milljarðar króna...
Haffi

Er ekki hægt, nú þegar öllum er orðin ljós sú skaðsemi sem nýju raforkulögin hafa í för með sér með auknum kostnaði og flóknara kerfi, að taka þau mál á einhvern hátt upp á Alþingi. Auðvitað var það augljóst öllum heilvita mönnum hverjar afleiðingar slíkra kerfisbreytinga yrðu, þó að iðnaðarráðherra og stjórnarliðið skellti skollaeyrunum við því. Með ólíkindum er, að nokkrum skyldi koma til hugar að hægt yrði að koma upp virkri samkeppni á rafokusviðinu þannig að almenningur hefði hag af, enda ekkert líklegra en að orkufyrirtækin sameinist fyrr en síðar á einn eða annan hátt, sem þýðir að gagnleg samkeppni til lækkunar orkuverðs verður trúlega aldrei annað en...
ÁG

...Ef það er rétt að Björn Ingi hjá Framsókn hér í Reykjavík hafi eytt a.m.k. 10 milljónum í prófkjörið sitt þó hann segi bara 5, þá hljóta einhverjir að hafa látið hann fá miklar fúlgur. Nema auðvitað hann sé auðmaður sjálfur og þá kemur upp spurninginn hvort menn þurfi orðið að vera moldríkir til að komast að í stjórnmálum á Íslandi. Annað finnst mér vera áberandi og það er hvað margir af kandidötunum í hinum ýmsu prófkjörum eru líkar týpur. Þetta er sérstaklega áberandi með nýju karlana hjá Íhaldinu, Framsókn og Samfylkingunni. Þeir eru einhvernveginn allir bakaðir eftir sömu uppskriftinni, svona frekar uppskafningslegir framagosar og miklir auglýsingamenn. Ég á við þessa menn eins og Gísla Martein, Björn Inga, Dag B. Eggertsson og Stefán J. Hafstein. Þetta eru sjálfsagt allt ágætismenn en hvort þeir eru sú tegund sem mest vantar í ...

...Þetta studdu Samfylking og Frjálslyndir og fengu að heyra orð í eyra frá ykkur á Alþingi í dag. Ekki orð um það í fréttum kvöldsins. Eru fréttamenn RÚV ekki í vinnunni eða eru þeir kannski allir í Samfylkingunni, það er að segja þeir sem ekki eru ráðnir af Heimdalli og Vöku? Hvers vegna fáum við ekki að heyra raunverulegar fréttir í "útvarpi allra landsmanna?"  Ég verð að segja Ögmundur, að alveg er að undra að þú skulir nenna að verja þetta íhaldsútvarp og sjónvarp. Látum það gossa og hættum að borga afnotagjöldin. Ég er blanda af gömlum  Alþýðuflokks/komma. Ég hef fram til þessa stutt Ríkisútvarpið af heilum hug. Sú tíð er liðin – eða er að líða. Þess vegna segi ég – leyfum Þorgerði Katrínu að veita náðarhöggið....

...Nú ættum við hins vegar að bíða þar til niðurstaða kæmi úr viðræðum um stækkun í Straumsvík. Það vildi Sigríður Anna, umhverfisráðherra. Það vildi Ál-Valgerður hins vegar ekki. Hún vildi ekki bíða. Þá varð þessi vísa til innan þings:
Hún er ekki á þeim buxum að bíða,
bráðlát í stóriðjuframkvæmdir núna.
Ögmundi má lengi undan því svíða,
að ekkert hrín á álversfrúna.

Einn innan þings

Sigurvegarinn í prófkjöri Framsóknarflokksins í Reykjavík kom fram í Kastljósi Sjónvarpsins í kvöld. Ekkert nema gott um það að segja. Mikilvægt er hins vegar að Sjónvarpið láti eitt yfir alla ganga í þessu efni. Ekki minnist ég þess að Svandís Svavarsdóttir oddvita Vinstrihreyfingarinnar græns framboðs í Reykjavík hafi verið boðið til slíks viðtals í Kastljósinu. Ég nefni þetta ekki einvörðungu af umhyggju fyrir VG heldur einnig af umhyggju fyrir Ríkisútvarpinu. Það er ekki ennþá...
Haffi   

Aldrei þessu vant fylgdist ég með sjónvarpsútsendingu frá Alþingi á föstudagskvöld og fram í nóttina. Þið í VG stóðuð eins og fyrri daginn ein vaktina í umræðunni um umhverfismálin. Dapurlegt var að sjá Samfylkinguna og Frjálslynda heltast úr lestinni og meira að segja greiða atkvæði með ríkisstjórninni um að flýta málinu! Hvílíkur vesaldómur. Ekki veit ég hve lengi Jón Bjarnason talaði en án efa flutti hann eina lengstu ræðu þingsögunnar þetta kvöld. Það undarlega var þó að mér fannst ...
Sunna Sara

Reykvíkingar athugið! Í kvöld milli kl. 20-22 verður efnt til málverkauppboðs í Egilshöll til stuðnings framboði Björns Inga Hrafnssonar. Boðin verða upp tíu ómáluð verk eftir Halldór Ásgrímsson forsætisráðherra. Sérstakir boðsgestir verða fulltrúar Landsbankans og KB banka. Hvað gera þeir góðu gestir í kvöld? Borga þeir í sömu mynt og þegar ríkisstjórnin “seldi” þeim bankana, eða borga þeir í evrum? Er ekki kominn tími til að Landsbankamenn efli listaverkasafnið sem ríkisstjórnin gleymdi að gera ráð fyrir við bankasöluna? Og hvað gera KB bræður, þeir ...
Stuðningsmannanefndin

Eins og glöggir lesendur hafa tekið eftir hefi ég ekkert látið til mín taka hér í lesendahorninu á liðnum mánuðum. Er þar almennu heilsuleysi, nefnilega magaverkjum, hlustarverk í hægra eyra og eins liðverkjum í griplimum, um að kenna - og hefir allt þetta vesen hamlað mér frá skriftum og öðru verklegu stússi. En nú er að duga eða drepast fyrir minn gamla vin og fermingarbróður...
Þjóðólfur

Ég vil minna alla Reykvíkinga á prófkjör okkar framsóknarmanna vegna sveitarstjórnarkosninganna í vor. Prófkjörið sjálft fer fram í Skautahöllinni í Laugardal núna á laugardaginn, 28. janúar...Aðgangur á báða staðina er ókeypis, veitingar sömuleiðis, varningur ýmis og skemmtanir. Það verður heitt á könnunni og freyðandi bjór á krananum. Þá verður dreift sérdeilis fallegum barmmerkjum og níðsterkum verjum, sérmerktum flokknum, og er þá aðeins fátt eitt nefnt... 
Jón Ásbjörnsson,
bóndi, Rauðará

...Þá hef ég áhyggjur af því að venjulegt vinnandi fólk geti ekki boðið sig fram til starfa í sveitarstjórnum. Ég heyrði um konu í Kópavogi sem ætlar að bjóða sig fram í 4. sæti í sínum flokki en er búin að láta prenta bækling og opna skrifstofu. Er ekki hægt að stoppa þetta eða semja um einhver skynsamleg takmörk?
Fjóla

Mikið fjaðrafok hefur verið í samfélaginu allt frá því út spurðist um tvo starfslokasamninga og laun forstjóra FL-Group. Helstu strigakjaftar stjórnarandstöðunnar hafa haft uppi hávær öskur um sjúklega græðgi, græðgis- og gróðapungavæðingu, almenningur hefur tjúttað með, menningarvitar hafa tjáð sig um meint gírugheit íslenskra athafnamanna og þóst geta kennt þeim lífsins gildi og gæði með alls kyns ráðum; til að mynda að betra sé að éta eina appelsínu í einu í stað þess að reyna að torga heilu tonni í einum bita. Málflutningurinn allur hefur einkennst af öfund, útúrsnúningum, að ekki sé talað um þekkingarleysi, og svo þung hefur undiraldan verið að jafnvel sumir ráðamenn landsins hafa neyðst til að taka ...
Jón Ólafsson frá Bisnesi

...Ég vildi benda þér á frétt í Fréttablaðinu 5. janúar og gera athugasemd við hana: Í fréttinni segir: "Eftirlaunafrumvarpið varð umdeilt og þá sérstaklega sú staðreynd að ráðherrar og þingmenn gætu hafið töku eftirlauna þó að þeir væru í fullu starfi hjá hinu opinbera." Þetta er röng fullyrðing. Andstaðan við eftirlaunafrumvarpið kom þessari svívirðu ekkert við, enda var hún ekki hluti frumvarpsins heldur laga sem hefði þurft að breyta um leið og hin nýju forréttindi þingmanna voru lögfest, 15. desember 2003. Það "gleymdist" hins vegar í flýtinum og leynimakkinu og varð ekki opinbert fyrr en í ársbyrjun 2005. Megn andstaða við eftirlaunafrumvarpið var vakin vegna þess að...
Hjörtur Hjartarson

...Til þess að fagna þessu og áramótunum bauð ég ýmsum merkismönnum með hjartað vinstrameginn til veislu.. Á boðstólum var hangikjét, uppstúfur, öl og brennivín. Rífandi stemming var í samkvæminu, enda voru það ekki ómerkari menn en Bítlarnir og Rollingarnir sem léku og sungu fyrir dansi ásamt fjölda annara öflugra listamanna. Græjurnar hans Svenna á Grund klikkuðu ekki og eftir veisluna svaf hver hjá öðrum, án eftirmála. Okkur hér á Snotru fannst lítið til um þá frétt að Tom Jones hefði sungið nokkur lög í veislu íslenskra auðjörfa í höll í London, jafnvel þótt ...
Runki frá Snotru

...þáttastjórnandinn Egill sá sér leik á borði til að magna farsann. Pistlahöfundurinn á Blaðinu, sem að eigin sögn hrífst mikið af Staksteinum fyrir stíl og andagift, Kolbrún þessi, virðist haldin undarlegri þráhyggju, hana dreymir að fyrrum vistmaður á dvalarheimili aldraðra stjórnmálamanna, utanríkisþjónustunni, gangi aftur í endurnýjaða pólitíska lífdaga. Þessi sérkennilegu skrif Staksteina virðast hafa sett formann Samfylkingarinnar jafnvel enn meira út af laginu, þar sem hún er byrjuð að slá úr og í í kvótaumræðunni. Þetta kemur m.a. fram í því að hún talar svo óskýrt að hún hefur ekki við að leiðrétta sjálfa sig. Er þetta það sem Mbl á við með því að...
Sigurður