Beint á leiđarkerfi vefsins

Frá lesendum

31. Júlí 2009

MÉR NĆGIR EKKI BAUNADISKUR

...Ég hefði viljað fá þjóðaratkvæðagreiðslu um hvort sækja ætti um aðild að ESB. Ég er jafnframt afar ósáttur við þau orð Jóhönnu forsætisráðherra að þjóðaratkvæðagreiðsla skuli aðeins vera ráðgefandi en ekki bindandi. Ég er þeirrar skoðunar að enda þótt öðru jöfnu megi gera ráð fyrir því að fulltrúar þjóðarinnar á Alþingi séu frambærilegt fólk hvað vitsmuni snertir þá standi þar hreint ekki allir okkur almennum borgurum svo langt framar. Lýðræði er ekki algilt hugtak hvað þá fulltrúalýðræði. Ekki þarf langt að sækja dæmi um skelfilega heimsku Alþingismanna og furðulegan málflutning. Síðan er það ...
Áni Gunnarsson

30. Júlí 2009

HÁLFSANNLEIKUR FORSTJÓRA

Forstjóri Tryggingastofnunar ríkisins skýrir í Morgunblaðinu af hverju bótaþegar þurfa nú að greiða stofnuninni þrjú þúsund milljónir króna. .... Hér er bara hálf sagan sögð, og tæplega það. Forstjórinn lætur þess ekki getið að Jóhanna Sigurðardóttir, þá félagsmálaráðherra, ákvað að breyta skerðingarreglum lífeyrisbóta Tryggingastofnunar ríkisins í desember 2008....Breyttar skerðingarreglur voru liður í efnahagsaðgerðum þáverandi ríkisstjórnar og það var þáverandi forsætisráðherra sem ...Áður skertu 50% fjármagnstekna bætur, eftir breytingu Jóhönnu Sigurðardóttur skerðast bætur miðað við 100%, að teknu tilliti til skiterís afsláttar. Það alvarlega við hálfsannleikann er að almenningur gæti haldið að lífeyrisþegar væru að svindla á kerfinu með því að ...Er þessi skerðing ígildi skattlagningar aftur í tímann? ...
Ólína

30. Júlí 2009

VINIR ÍSLANDS, SANNGIRNI OG "EINKATRIPP"

Ég verða að segja að VG, eða réttara sagt einstaka þingmenn þess valda mér vonbrigðum.....Bretar og Hollendingar gerðu landinu stóran greiða með því að stöðva íslensku bankana og verst var að þeir gerðu það ekki fyrr. Íslenskum yfirvöldum var fyrirmunað að gera það í tíma. Að sjálfsögðu á þjóðin að greiða breskum og hollenskum innistæðueigendum til baka það sem ...AGS setti þau skilyrði að Íslendingar greiddu Icesave-tryggingarnar, sem þeir höfðu lofað þegar heimild til innlána var veitt í þessum löndum. Þetta eru ekki ósanngjörn skilyrði og Íslendingum vel viðráðanleg. Ég hef stutt VG fram til þessa en það eru farnar að renna á mig tvær grímur...eru nokkrir þingmenn VG á einkatrippi...
Pétur

29. Júlí 2009

HVAR ER FRELSIĐ, HVAR SAMKEPPNIN?

...Nýlegar vangaveltur um aðkomu einkaaðila að heilbrigðiskerfinu, í formi leigu á aðstöðu í Reykjanesbæ, eru mjög gott dæmi um þessa leiðu tilhneigingu. Í greininni „Frekja frjálshyggjunnar" segirðu að passa verði „að frelsi leiði ekki til ójöfnuðar og mismununar". En bíðum við - hvar er frelsið í þessari fyrirætlun? Ég get ekki komið auga á það: Það eina sem ég sé eru fégráðugir aðilar sem hafa í huga að sækja sér skjótfenginn gróða í gegnum ríkið. Í þessu tilviki yrðu það hin Norðurlöndin sem borguðu brúsann, en eftir stendur þessi kaldi sannleikur: Þetta einkafyrirtæki leitar ekki að viðskiptum við einkaaðila, heldur vill það ná samningum við ríki um þóknun. Það er því enginn markaður um ...
Herbert Snorrason

29. Júlí 2009

ICESAVE OG ÁFRAMHALDANDI ÓREIĐA

Einn mikilvægur þáttur í að koma gjaldþrota Íslandi á lappirnar er að samþykkja Icesave samkomulagið. Þetta er því miður illskásti kosturinn. Vonlaust er fyrir Ísland að fóta sig á alþjóðavettvangi ef þeir velja að vera óreiðumenn sem ekki greiða skuldir sínar. Og hvers vegna ætti þjóðin að vilja það? Hún getur greitt og á að sjálfsögðu að gera það. Um leið og Alþingi samþykkir samkomulagið verður þjóðin búin að gleyma því. Það er vissulega forvitnilegt að vita hvað myndi gerast ef samkomulagið yrði fellt. Þá myndast nýr meirihluti á Alþingi um málið og sá meirihluti gæti kosið nýja samninganefnd. Í slíkri nefnd ættu þeir, sem harðast hafa gagnrýnt, að eiga sæti. Því miður gæti sú forvitni reynst þjóðinni ....
Pétur

28. Júlí 2009

GEGN AUĐVALDSKÚGUN

Mér er eins farið og þér, herðist við mótlætið. Hef aldrei þolað ofríki. Segjum þrælsótta og þýlyndi stríð á hendur. Stend með þér gegn auðvaldskúguninni...
Ó.J.

27. Júlí 2009

ŢINGKONAN VINNI FYRIR KAUPINU SÍNU

...og nú er það Jón Bjarnason sem á að segja af sér fyrir að orða það sem þjóðin öll er að hugsa, nefnilega að fresta aðildarviðræðum við Evrópusambandið á meðan ESB-ríki hafa í hótunum við Ísland. Þetta er hárrétt hjá Jóni Bjarnasyni. Það væri gaman að fá að vita fyrir hvað við höfum greitt Sigríði Ingibjörgu kaup frá síðustu kosningum. Fyrir að...
Sunna Sara

26. Júlí 2009

VERJUM SJÁLFSTĆĐI OKKAR OG AUĐLINDIR!

...Svo er með alla stjórnarherra, að ef þeir eru beðnir um að gerast böðlar stórvelda yfir eigin þjóð, þá er hið eina rétta að standa og falla með eigin sannfæringu og berjast til þrautar fremur en að þyggja starfið til þess að valda minni þjáningum en annar böðull myndi valda. Stór hluti þjóðarinnar bindur vonir sínar við heilsteypta stjórnarliða sem finna til þeirrar ábyrgðar sem felast í því að verja sjálfstæði og auðlindir hennar. Til þess ert þú á Alþingi Ögmundur og í ríkisstjórn. Við treystum á þig. Það er auðvelt að taka réttar ákvarðanir, en það eru þær ákvarðanir sem gerir þér fært að standa áfram uppréttur og horfast í augu við fólk, vitandi að þú gerðir hið rétta. Þú ert þannig maður Ögmundur og vonandi verður þú ætíð þannig.
Með baráttukveðjum,
Þórarinn Einarsson

25. Júlí 2009

SYNDAAFLAUSNIR RÍKISSTJÓRNAR

Ég sé að ríkisstjórnin er búin að skipa nefnd, heitir nefndin eftir gömlum fréttaþætti á Stöð 2, 20/20. Í nefndinni - „20/20 - Sóknaráætlun fyrir Ísland“ - er einn fyrrverandi bankaráðsmaður Landsbankans. Það er bankinn sem þeir stjórnuðu Halldór J. Kristjánsson og Sigurjón Þ. Árnason. Þessi banki seldi útlendingum vaxtakjör sem hann gat ekki staðið við og hneppti þjóðina í fjötra. Skipan nefndarinnar misbýður mér og ég spyr mig: Ætlar þessi ríkisstjórn ekkert að læra, lærði hún ekkert? Ég skora á þig Ögmundur að kynna þér lagaákvæðin um ábyrgð bankastjórnarmanna og svara mér svo hvort ...Það eina sem þið bjóðið upp á eru gamlar lummur, engin ný hugsun, ekkert hugmyndaflug, bara þetta kreppta hugarfar. Það þarf stefnubreytingu, djörfung og dug. Eitt að lokum...
Hafsteinn

24. Júlí 2009

SKILABOĐ BILDTS

Á sama tíma og útvarp ríkisins messar yfir landslýð um ágæti evrópskrar samvinnu, og á meðan sá Evrópuklúbbur íslenskra háskólamanna, sem sleginn er ESB-styrkjaglýju, útbreiðir fagnaðarerindið, berast skilaboð frá fulltrúum evrópsku stórfyrirtækjasamsteypunnar út til Íslands. Fyrst var það Þverhagen, utanríkisráðherra Hollands, sem vill að   Íslendingar gjaldi keisaranum það sem keisarans er. Svo er það Carl Bildt, utanríkisráðherra Svía. Einn harðasti íhaldsmaður, sem Svíar hafa alið, ef undan er skilinn Gösta Bohman. Hver voru skilaboð Bildts fyrir hönd ESB? Jú, aðild Íslands myndi auka aðkomu ESB að norðaustursvæðinu vegna náttúruauðlindanna sem þar er að finna. Hvar er nú útvarp ríkisins og hvar eru nú hinir hlutlægu, háskólaborgararnir sem hafa gert Evrópu að sérsviði sínu? Sá eini sem vakið hefur máls á útþenslustefnu ESB til norðurs er Björn Bjarnason, fyrrverandi dómsmálaráðherra, og það gerir hann með þungum rökum...
Ólína

23. Júlí 2009

ŢIĐ SVIKUĐ!

...þú segir í því enga mótsögn að greiða fyrir þeirri göngu sem þú telur arfavitlausa!! Ertu ekki frískur væni minn? Í hverju finnst arfavilausari afstaða og meiri mótsögn, en greiða fyrir arfavitleysu? Hvað þú hefur hugsað síðustu misserin ert þú einn til frásagnar um. Með tilliti til afstöðu þinnar til aðildarumsóknar að ESB verður fróðlegt að fylgjast með hvaða breytingum taki núverandi afstaða þín til Icsave-samningsins að fenginni niðurstöðu í þinginu varðandi þann hörmungargjörning....en dapurlegast er þó að það skuli vera nokkrir þingmenn okkar og forystumenn sem skuli fyrst að því valdir með afstöðu sinni til aðildarumsóknar að ESB, hvað sem þér kann að virðast og sýnast í því máli þá er það fjallgrimm vissa margra kjósenda og félaga okkar í hreyfingunni að þið sem greidduð götu aðildarumsóknar hafi svikið bæði flokk og fólk.
Jón Heiðar

23. Júlí 2009

UM ESB, HIMNARÍKI, ŢRĆLA OG RÓSAMÁL

...Að Evrópusambandið hafi verið hugsað af mönnum sem teldu það vera himnaríki. Að þetta himnaríki hefði gert Evrópubúa að þrælum. Á Alþingi og eiga kjósendur ekki skilð burðugra líkingamál en þetta? Hvaða erindi á svona skrúðmælgi inn á Alþingi Íslandinga? Þegar við vorum báðir á vaktinni sem blaðamenn í gamla daga létum við stjórnmálamennina ekki komast upp með svona orðaleiki í fréttaumfjöllun okkar. Nú spyr ég þig sem félaga og vin, af hverju hefur þú sjálfur fallið í þessa gryfju að nota rósamál í stað þess að fjalla um raunveruleikann? Engum heilvita manni dettur í hug að líkja ESB við ...
Ólafur Gíslason

23. Júlí 2009

HVAR VAR RAUNSĆIĐ ŢÁ?

Nú er þörf á raunsæi og yfirvegun þar sem hagsmunir almennings eru í fyrirrúmi.... Ögmundur,hvar var það raunsæi og sú yfirvegun er varðaði hagsmuni almennings þegar þú greiddir atkvæði með aðildarumsókn að ESB?...
Jón Heiðar

23. Júlí 2009

ŢÖRF Á BREIĐRI SAMSTÖĐU

Ekkert óðagot takk. Ef viðsemjendur okkar í ICESAVE beita hótunum, beinum eða óbeinum, þá læðist að manni sá grunur að ekki sé allt með felldu. Og ég tek undir það að í þessu máli verður að ná breiðri samstöðu. Við ættum heldur ekkert að vera að flýta okkur að setja sparipeninga úr lífeyrisjóðunum til að halda áfram orkufylleríinu.
Ólafur S. Andrésson

23. Júlí 2009

NÚ GETUM VIĐ TEKIĐ AFSTÖĐU

Ég er ekki endilega með ESB en finnst svo mikkill léttir að samræður skulu loks hafnar! Það átti að gera fyrir 20 árum síðan og koma þjóðinni frá þessari "þráhyggju"! Sjálfstæðisflokkurinn lifði á þessari "hugsýki" þjóðar sinnar og "kvótakerfinu" og "virkjunaráráttu" en nú sér til betri tíma...vonandi? Er alveg hissa á umræðu þjóðar minnar á samningsviðræðum við ESB. Þjóðin hálf ...
Anna Benkovic Mikaelsdóttir 

22. Júlí 2009

ŢÓTT ŢAĐ TAKI ÁR...

...Loksins talar einhver eins og almenningur í landinu. Nákvæmlega þessi umræða fer fram á vinnustöðum og í fjölskylduboðum. Hvað liggur á? Hvers vegna að láta undan hótunum og þrýstingi. Nú ríður á að skoða þetta samkomulag ofan í kjölin, þó það taki heilt ár eða meir án þess að þingheimur fari í frí. Þetta er stórmál, fyrir okkur öll sama í hvaða flokki við erum eða höfum verið, eða kosið hingað til.
Magnús M. Magnússon

22. Júlí 2009

ATHAFNIR Í STAĐ ORĐA

...Manni segir því hugur að spillingin í íslensku viðskiptalífi , íslenska bankakerfinu og íslenska stjórnkerfinu sé svo víðtæk og svo inngróin að aldrei verði ráðist almennilega í þetta réttlætisverk. Ef ekki verður vart við heiðarlegt lífsmark hjá sérstaka saksóknaraembættinu og sannleiksnefnd alþingis ALVEG Á NÆSTUNNI trúi ég að þessi verði raunin, því miður. Eftir mun sitja hnípin þjóð í skuldafjötrum, með sjálfsvirðingu í molum, brostið traust til sjálfrar sín - vegna þess að réttlætinu var aldrei fullnægt - og alþingismenn sem (í besta falli) TALA bara en GERA EKKERT. Ögmundur, þú ert beðinn um AÐ GERA eitthvað.
Keilir

22. Júlí 2009

ÖJ HEFĐI BETUR SPURT SIG FYRR

...þá hefði nú Ögmundur betur spurt sig þessara spurninga áður en hann samþykkti að sækja um aðild að ESB. Ég hélt að VG hefðu verið harðir á móti því að sækja um aðild að þessari ófreksju eða misskildi ég eitthvað landsfundar samþykkt flokksins?
Olgeir Gestsson

22. Júlí 2009

UM LÁGKÚRULEGA STJÓRNMÁLAMENN FRJÁLS-HYGGJUNNAR

...Hér á ég við aðförina að atvinnulausu fólki á Íslandi sem nú er enn eina ferðina sprottin upp. Helsta úrræðið sem ráðherranum kemur til hugar er að setja upp njósnasveitir gegn atvinnulausu fólki sem ætlað er að sjá til þess að það fólk sem ekki hefur vinnu sé nú ekki að svindla á kostnað samborgara sinna sem enn hafa atvinnu. Nefndur ráðherra sýnist hafa minni áhyggjur af mafíuhyski og tækifærissinnuðum og spilltum stjórnmálamönnum fyrr og síðar sem leitt hafa þjóðina fram af hengiflugi. Raunar lykta flestar tillögur ráðherrans af vitleysunni í Pétri Blöndal og virka eins og endurómur af rödd þess víðkunna óvinar íslenskrar alþýðu...Miklu nær væri fyrir nefndan ráðherra að beita sér sem mest hann má gegn íslensku mafíunni, glæpamönnum sem stolið hafa hundruðum milljarða af þjóðinni og spilltum stjórnmálamönnum sem gert hafa glæpaverkin möguleg. ...
Kári

21. Júlí 2009

FÉLAGSLEGA ŢENKJANDI?

Til hamingju með einkavæðingu bankanna. Hún var gerð hratt og örugglega og án ónauðsynlegra umræðna á Alþingi. Það hefði tafið málið. Ennfremur hefði þurft að birta leyniskjöl og upplýsingar, sem best eru geymdar í ráðuneytum, skilanefndum og lögfræðistofum. Í einkavæðingunni birtist einnig með skýrum hætti sú þjóðfélagssýn sem VG hefur lengi barist fyrir. Í framhaldinu þarf að halda fast utan um verðtrygginguna, sjálfstæði Seðlabankans, einkavæðingu orkunnar, háa stýrivexti, kvótann, hæfilegt gagnsæi, Icesave-samninginn...
Hreinn K

19. Júlí 2009

ŢAKKIR TIL JÓNS BJARNASONAR

Ég prísa mig sæla að vita af Jóni Bjarnasyni, sjávarútvegs- og landbúnaðarráðherra í ríkisstjórn. Ég vil ekki sjá Evrópusambandsaðild en er örlítið rórra að vita af okkar góða ráðherra í stafni. Þökk til þín Jón Bjarnason. Vísum ruglinu úr Ingibjörgu Sólrúnu og ...
Sunna Sara

19. Júlí 2009

SAKNĆMT AĐ TALA MÁLI ÍSLANDS?

Ég tek fullkomlega undir með Hafsteini í lesendabréfi þar sem hann lýsir vanþóknun á árásum Igibjargar Sólrúnar Gísladóttur, fyrrverandi formanns Samfylkingarinar, á Jón Bjarnason, sjávarútvegs og landbúnaðarráðherra. Er Samfylkingin virkilega svo hundflöt fyrir Brusselvaldinu að hún...
Jóel A. 

19. Júlí 2009

AMAGER Í EVRÓPUSAMBANDIĐ

Árið, sem Karl 5. keisari boðaði til ríkisþings í Worms til að jafna um Lúter, flutti danski kóngurinn inn fólk úr Niðurlöndum til að rækta grænmeti fyrir spúsu sína. Voru nýbúarnir settir niður á eyju sem nefnd var Amager. Eyjan var lengi vel fyrsti viðkomustaður Íslendinga, sem voru að fara til útlanda, og þar lentu fimm til sjö flugvélar frá Íslandi dag hvern, dagana fyrir hrun. Vinur minn sem situr í embættismannakerfinu í Dragör á Amager hafði samband við mig, þegar fréttir bárust af því að Íslendingar hefðu samþykkt að sækja um aðild að EU. Hann spurði mig hvort vitleysan á Íslandi ætlaði engan endi að taka, hvort Íslendingar áttuðu sig ekki á að þeir væru rúmlega ...
Ólína

19. Júlí 2009

NAUĐUGIR ERUM VÉR BOĐORĐI BUNDNIR

Nú er ég búinn að lesa greinargerð þína um hvernig þú greiddir atkvæði á þingi um aðildarumsókn að EB og er satt að segja litlu nær. Mér datt í hug hvort ljóðið "Bann" eftir Þorstein frá Hamri gæti verið innlegg í málið (úr ljóðabókinni Fiðrið úr sæng Daladrottningar):
Nauðugir erum vér boðorði bundnir; og sakir þess neitum vér oss um ótal margt nánast allt: um síðir sveimar hér um garða skari meinlætamanna. Öll virðast þau meinlæti raunar auðveld og fánýt utan hið fyrsta: megnuðum vér að brjóta það yrði fyrst ómaksins vert að halda öll hin. 
Jón Torfason

18. Júlí 2009

ÚR GLESRHÚSI FRÚ INGIBJARGAR

...Og hún fékk að mala, mest til að upphefja sjálfa sig, en líka að niðurlægja aðra. Ekki félaga sína sem fóru land úr landi til að skapa forsendur fyrir því að íslenskir bankamenn gætu platað útlenda sparifjáreigendur til að leggja fé inn á íslenska reikninga, nei hún lagði sig fram um að niðurlægja Jón Bjarnason, ráðherra, og draga í efa væntanlegar embættisfærslur hans vegna skoðana hans á Evrópusambandinu. Getur þessi kona ekki hætt afskiptum af stjórnmálum, eða pólitískum viðskiptamálum? Mér hefur stundum fundist hryggilegt að sjá hönnuði útrásarinnar, þá sem lögðu grunn að regluverkinu sem búið er að koma landinu á hausinn, tjá sig og setja fram meiningar um endurreisnina og gildir þá einu hvort þetta eru þingmenn Sjálfstæðisflokksins, Vilhjálmur Egilsson, Þór Sigfússon, eða ...
Hafsteinn

18. Júlí 2009

ŢÚSUND MILLJARĐA STJÓRNIN

Ef svo illa fer að lítið komi uppí eignir Landsbankans og ef það reynist rétt, að tryggingasjóður hafi ekki forgangsrétt í eignir bankans, gæti farið svo að kröfur sem féllu á ríkið næðu 1000 milljörðum króna. Það hljómar dálítið geggjað að heyra stjórnmálamenn segjast ætla að taka "pólitíska ábyrgð" á því. Hvernig mun það birtast okkur?
Ef VG ákveður að samþykkja samninginn til að tryggja ríkisstjórninni líf, þá gæti það orðið dýr ákvörðun fyrir Ísland.
Samfylkinguna þarf ekki að fara mörgum orðum um, þau hafa ekki ...
Hreinn K

17. Júlí 2009

ÁNĆGĐUR KJÓSANDI

Ég dáist að þeim VG mönnum sem höfðu hugrekki til að samþykkja umsókn að ESB. Ég kaus vinstri græna og það féll alveg að skoðunum mínum að það væri þjóðin sem fengi að kjósa. Við erum mörg sem teljum að ekki sé hægt að fá niðurstöðu í málið nema að farið sé í umræður til að sjá hvað sé uppi á borðinu. Því finnst mér það frábært hugrekki að gefa þjóðinni þetta tækifæri þó svo að viðkomandi alþingismenn séu í meginatriðum á móti aðild. Hér eru alþingismenn að gefa þjóðinni aðgang að því að taka upplýsta ákvörðun í ljósi niðurstaðna í stað þess að þurfa að hlusta á hræðsluáróður og goðsagnir. Ég tek ofan ...
Kristín

16. Júlí 2009

MARKAĐASKERFI TIL EILÍFĐARNÓNS?

...Senn mun líklega, verða samþykkt eitt stærsta mál Íslandssögunnar, sennilega síðan það var ákveðið að selja bankana með afleiðingum sem allir vita. Valið stendur á milli "vinstri krata" stjórn næstu þrjú og hálfa árið eða Evrópusamband fyrir eilífð sem þýddi markaðskerfi fyrir eilífð. Báðir slæmir kostir. Ef svo skildi fara að Vinstrihreyfingin grænt framboð myndi samþykkja aðildarumsókn að Evrópusambandinu myndi það styrkja stöðu Vg svo sannarlega gegn Samfylkingunni í stórum málum eins og Icesave deilunni, komandi sölu á bönkunum og öðrum erfiðum málum. Ertu ekki sammála mér í því?....
Ágúst

15. Júlí 2009

HVERS VIRĐI ERU RÁĐHERRA-STÓLAR?

...Ég tel að það sé skylda að hafa þjóðaratkvæðagreiðslu um hvort eigi að leggja fram umsókn, og síðan um aðildina sjálfa! Allt bendir til að Samfylkingin sé að nota Vinstri Græna til að koma vafasömum málum sínum í höfn. Þessi ríkisstjórn virðist snúast eingöngu um það.  Þeim tókst ekki að leiða Sjálfstæðisflokkinn á asnaeyrunum inní Evrópusambandið, en þeir hafa haldbetra tak á asnaeyrum VG.  Það er ekkert ...
Helgi

15. Júlí 2009

VÍĐUR SJÓNDEILDAR-HRINGUR

...Að mínu mati eftir tuttugu ára bullandi frjálshyggju og kapítalisma í sinni verstu mynd finnst mér ótrúlegt að þingmaður skuli koma upp og tala svona, það er ótrúlegt, en það er svo frábært. Þú hélst tímamótaræðu! Þú mátt vera ansi stoltur af lífsstarfi þínu sem ötull talsmaður íslensk verkalýðs og allra þeirra sem minna hafa mátt sín. Haltu áfram að taka ákvarðanir sem munu vera þessu fólki til bóta.
Ágúst Valves Jóhannesson

15. Júlí 2009

EKKI ESB

...Ég kaus ekki Vinstri græna nú og áður til þess að þeir ættu þátt í að koma Íslandi inn í ESB...
Guðvarður

14. Júlí 2009

EKKI FELLA STJÓRNINA!

...Þessi stjórn hefur staðið sig afar vel fram til þessa, þrátt fyrir að taka við gjaldþrota búi. Það eina sem getur fellt þessa stjórn eru hennar eigin þingmenn og það má ekki gerast. Í mínum huga yrði það stórslys ef Icesavesamningarir yrðu felldir, bæði fyrir þjóðina og stjórn hennar. Hvort stjórnin félli eða ekki við slíkt skiptir ekki miklu hún yrði alla vega svo löskuð að hún væri varla á vetur setjandi.
Stuðningsmaður

13. Júlí 2009

LÁTUM EKKI GULLIĐ GLEPJA

Ég vil þakka þér góða grein í Morgunblaðinu í dag og get tekið undir hvert orð þar um varfærni þótt gullið glói og vanti mikið af því. Sjúklingur sem kæmi hingað til lands í aðgerð frá USA og sá teldi sig ekki hafa fengið þann bata sem vænta mátti eða eitthvað færi úrskeiðis færi væntanlega í skaðabótamál ytra eins og þeirra er vaninn sem hluti af þjóðaríþrótt en stjarnfræðilegar bætur eru oftast dæmdar af ...
Þór Gunnlaugsson

13. Júlí 2009

UM SNAUTLEG LAUN

Friðrik heiti ég og hef nýlega hafið störf sem unglæknir hér á Íslandi. Mig langar að senda þér örstutta spurningu sem ætti að vera hægt að svara með örstuttu svari varðandi kjör lækna. Þau hafa verið nokkuð til umræðu upp á síðkastið, nú þegar enginn ríkisstarfsmaður má hafa hærri laun en forsætisráðherra (!). Þykir mér sú umræða í fjölmiðlum hafa verið illa upplýst, svo og óljós og ómarkviss þar sem aldrei hefur verið skýrt hvort um sé að ræða grunnlaun eða laun eftir að yfirvinnu og öðrum greiddum verkum er bætt við. Þótti mér því rétt að spyrja þig um þetta þar sem að endingu getur þú einn svarað. Sjálfum þykir mér rúmar 900 þús. krónur í heildartekjur snautleg laun fyrir t.d. lækni sem stendur vaktina hvern sólarhring mánaðarins, líkt og...
Friðrik Thor

12. Júlí 2009

AĐ RÁĐAST Á GARĐINN ŢAR SEM HANN ER LĆGSTUR

Satt best að segja er ég undrandi á þér og þínum félögum í ríkisstjórn að ráðast á garðinn þar sem hann er lægstur. Lífeyrisþegum átti að hlífa sögðuð þið öll í kór fyrir kosningar og strax eftir kosningar en nú viljið þið ekki einu sinni tala við samtök öryrkja öðruvísi en með tilvitnunum í erfitt árferði. Var betra árferði í janúar? Var betra árferði í mars? Hafa lífeyrisþegar fengið svo miklar hækkanir að þínu mati að nú séu þeir aflögufærir? Finnst þér eðlilegt að kjör aldraðra og öryrkja séu tekin útfyrir sviga og skert sérstaklega? Hafa þín laun lækkað? Hafa laun þingmanna lækkað? Aldrei hefði ég átt von á því að sá tími kæmi að þú stæðir bak aðför að kjörum lífeyrisþega...
Hafþór

12. Júlí 2009

LOKAĐIR INNI Í EIGIN HEIMI

Því miður er það svo að lífsverk Davíðs Oddssonar og Halldórs Ásgrímssonar hefur reynst mesta þjóðníðingsverk Íslandssögunnar og er þessum báðum stjórnmálamönnum mikil vorkun. Þeir færðu örlög þjóðarinnar í hendurnar á gjörspilltum mönnum. Mönnum sem aldrei borga neitt, ekki einu sinni ríkisbankana sem þeim voru færðir á silfurfati fyrir smáaura. Stjórnarár Davíðs og Halldórs hafa einkennst af lygi, blekkingum, sukki og ringulreið. Og því miður er það svo að enn er til fullt af Íslendingum sem trúa afneitunarruglinu í Davíð og telja að útlendingar eigi að borga þennan "Barbarisma" Íslendinga. Það er fullt af þessum mönnum í mikilvægum embættum í þjóðfélaginu í dag og það verður að taka til. Dæmi...
Capítalía De Totula

12. Júlí 2009

UM MEINT SVIK STJÓRNMÁLA-MANNA

Í síðustu kosningum var yfirlýst stefna vinstri grænna í evrópumálum að aðild kæmi ekki til greina, og þess vegna greiddi fjöldi Íslendinga þér og þínum atkvæði. En eins og algengt er með Íslenska stjórnmálamenn þá ganga þeir á bak orða sinna án þess að roðna og svik við þjóðina er ríkjandi meðal þeirra. Ég hef eina spurningu, hvað vita kúlulánahrapparnir sem fölsuðu efnahag banka og þjóðar um ykkur ...
Sigþór Guðmundsson

5. Júlí 2009

...ŢÁ FYRIRGEFUR ŢJÓĐIN ŢÉR

Ólafur Ragnar Grímsson, forseti Íslands, ber talsverða ábyrgð á framgangi og upphafningu íslenskra bankamanna. Hann upphóf heimóttarskapinn og tryggði ásamt öðrum, meðal annars í krafti hæfileika sinna, skólamenntunar og embættis síns, að útlendir menn trúðu lengi framan af að íslenskt samfélag hefði fætt af sér einstaka hæfileika og gáfumenn á sviði alþjóðlegra fjármála. Alvarlegra var að Íslendingar trúðu sögu forseta eins og nýju neti. Ég er tilbúin til að fyrirgefa forseta frumhlaupið, ruglið og vitleysuna, en með einu eða tveimur skilyrðum....Forseti gæti byrjað á því að kalla vin sinn til Bessastaða, til skrafs og ráðagerða, og setja saman í félagi við utanríkisráðherra f.h. ríkisstjórnar, herbragð þeirrar gerðar að geri þjóðinni kleift að standa undir skuldbindingum sínum hnarreist, en ekki á hnjánum, þannig að ...
Ólína

3. Júlí 2009

ĆRLEGUR STÓRGLĆPAMAĐUR

Þegar Landsbankastjórarnir tveir, Sigurjón Þ. Árnason og Halldór J. Kristjánsson, létu dreifa Landsbankablaðinu Moment i Hollandi var það gert til að kynna Icesave reikninga. Í því blaði virðist formaður stjórnar Fjármálaeftirlitsins hafa verið snuðaður, enda í blaðinu viðtal við hann sem ber heitið Finances of the Icelandic banks are basically sound. Blaðið kom út í maí 2008 og gefið út til að forguða Icesavereikninga. Herbragð bankastjóranna heppnaðist. Evrur tók að streyma í stríðum straumi inn hjá félögunum. Ólíklegt verður að telja að strandhögg bankastjóranna og bjögganna í Hollandi hafi átt að vera hefnd fyrir þá niðurlægingu sem þjóðþekktur Íslendingur varð fyrir ...
Ólína

3. Júlí 2009

UM VISKU FJÖLDANS

...Í fulltrúalýðræði fær þessi viska hins vegar ekki að njóta sín, vegna óhóglegs vægis einkahagsmuna meðal annars. Fyrir nokkrum árum var sett á kvótakerfi í trássi við vilja meirihlutans. Áframhaldandi álvæðing er í trássi við vilja meirihlutans. Nú nýtur Icesave aðeins 24% fylgi þeirra sem taka afstöðu og 76% á móti. Er ekki kominn tími til að taka tillit til visku fjöldans. Við erum ennþá að glíma við afleiðingarnar af ákvörðunum teknar af litlum klíkum sem þykjast vita betur.
Hreinn K

2. Júlí 2009

UM HEILBRIGĐIS-ŢJÓNUSTU YFIR LANDAMĆRI

Mig langar til að hjálpa Hreini K sem skrifaði nýlega lesendabréf að skilja hvers vegna menn og fyrirtæki hafa áhuga á því að flytja sjúklinga til Íslands. Þannig er að í mörgum löndum í Evrópu eru komnar reglur um hámarkstíma á biðlistum eftir aðgerð, t.d. 3 mánuðir. Ekki er alltaf hægt að mæta þessum kröfum og samkvæmt frægum dómi sem féll í Bretlandi fyrir nokkrum árum síðan er sjúklingum heimilt að leita læknisþjónustu í öðrum löndum og senda reikninginn til hins opinbera í sínu heimalandi sé biðtími eftir aðgerð ekki innan eðlilegra marka. Hið opinbera í þessum löndum reynir því að standa við þessar reglur um hámarkstíma á biðlista með því að kaupa þjónustu í öðrum löndum, þ.e. senda fólk til annarra landa í aðgrðir. Að auki hafa tryggingarfélög ...
SB


Bréf til síđunnarRSS Fréttaveita

Frá lesendum

18. September 2017

UM KOSNINGAR OG RÍKISSTJÓRN

 Ef valdið heim nú viljið þið,
verður nýtt að prófa.
Kosningu ef klúðrum við,
kætist flokkur bófa.
...
Kári

15. September 2017

LANDINN FRJÁLS

Loksins verður landinn frjáls,
losnar við Íhaldið.
Ber þá enga hespu um háls
og alþýðan fær valdið.
Pétur Hraunfjörð

6. September 2017

HEIMSVIĐSKIPTIN ŢRÓUĐ Í FINNAFIRĐI

Efla hefur þróað Finnafjarðarverkefnið. Það er kallað viðskiptaþróun. Hugmyndin er að olíuhreinsunarstöðin risastóra verði í Finnafirði. Þá er hægt að nýta höfnina bæði fyrir olíuskip og fyrir siglingar yfir Norðurpólinn þegar ísinn verður bráðnaður.
Ingibjörg Elsa Björnsdóttir

6. September 2017

ERUM Á LEĐINNI

Stærsta höfn á norðurhveli í Finnafirði og stærsti flugvöllur á norðurslóðum í Keflavik. Ætlum við að láta Björgólf hjá Icelandair, Skúla í Wow og bæjarstjórann í Langanesbyggð færa okkur inn í 21. öldina á sínum forsendum? Ég held við þurfum ekki fleiri stýrimenn til að komast fram af brúninni. Við virðumst vera á réttri leið til að komast þangað.
Haffi

6. September 2017

ENN UM MINNISVARĐA

Fróðelgt væri að fá fréttir af því hver urðu afdrif beiðni stríðsminjanefndar Bandaríkjanna um minnisvarða í Höfða um framlag BNA til freslsisbaráttu mannkyns á seinni hluta tuttugustu aldar, þar með talið Víetnam og Hiroshima. Sagt var að Reykjavíkurborg væri að skoða þessa málaleitan. Hver skyldi hafa orðið niðurstaðan?
Jóel A. 

30. Ágúst 2017

VERĐUR ŢETTA SVONA?

Pistill þin hér á heimasíðunni um fyrirhugaðan minnisvarða í Höfða er umhugsunarverður! Ég hafði svo sannarlega ekki hugsað þetta á þennan veg en er sammála því að það þurfi að gera. Það undarlega er hve lítil umfjöllun er um þetta! Verður þetta svona, hvernig væri að einhver fréttamiðill beindi þeirri spurningu til borgaryfirvalda?
Jóhannnes Gr. Jónsson

25. Ágúst 2017

GÓĐ KVEĐJA!

... I represent a collective (@NirAadCollectiv) opposing Indias draconian biometric ID program, called Aadhaar. I read with great interest the article http://www.katoikos.eu/interview/icelandic-minister-who-refused-cooperation-with-the-fbi-ogmundur-jonasson-in-an-interview.html ... and I was quite taken in with your viewpoints expressed with such clarity and preciseness. There are so many sentences that can be quoted in this interview. Since I was extremely impressed with this interview and since your ideas and thoughts resonated with our, I wanted to drop you a message of gratitude. In solidarity towards a more socially just world. PS: I hope this small letter reaches you :)
Nir Aadhaar Collective

17. Ágúst 2017

ĆRULAUSIR MENN

Hafa löngum kerfið kreist,
kraflað út á jaðar.
Upp ei verður æra reist,
sem engin er til staðar.
Kári

30. Júlí 2017

DÝR VERĐUR SOPINN

Það er rétt hjá þér að þegar við höfum tapað frá okkur neysluvatninu og það komið á einkahendur verður dýr vatnssopinn, jafnvel þótt við böðum okkur ekki úr einkavæddu flöskuvatni! En það verður líka dýrt að ferðast um Ísland og dýrara með hverri vikunni sem líður því sífellt fleiri stökkva upp á rukkunarvagninn. Ríkisstjórnin er hin ánægðasta með einkavæðingu náttúrunnar og almenningur andvaralaus ef þá ekki ...
Jóel A.

30. Júlí 2017

ÚTI AĐ VINNA!

Nú fangarnir frá Kvíabryggju
frjálsir um sveitina vinna
Vanti þig aðstoð þá hafðu í hyggju
að óþrifa verkum sinna.
...
Pétur Hraunfjörð



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

16. Maí 2017

Sigríđur Stefánsdóttir skrifar: ÉG FER Í STURTU A.M.K. EINU SINNI Á DAG OG NOTA HÁHRAĐA-TENGINGU ALLAN SÓLARHRINGINN

Þannig hef ég hugsað mér að hafa það svo lengi sem hægt er - með eða án aðstoðar.  Hve lengi er hægt er að halda þessari stöðu fer að sjálfsögðu eftir því hve miklu fjármagni er veitt til velferðarmála svo sem félagslegrar heimaþjónustu.  Það eru einkum tvær hugmyndir sem ég hef lengi staldrað við í sambandi við aðstoð við einstaklinga sem hafa þörf fyrir hana, þ.e. markmiðið að fólk skuli geta búið sem lengst á eigin heimili og að þjónustan skuli m.a. vera félagsleg.  Hvort tveggja er afar teygjanlegt, háð persónulegu mati, mannafla, launum og auðvitað fjármunum. Þurfi ég aðstoð við að komast í sturtu og geti fengið hana heima einu sinni í viku lít ég svo á að ég geti ekki búið heima - eða ættu ...

Slóđin mín:

Frá lesendum

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta