Beint á leiđarkerfi vefsins

Frá lesendum

31. Ágúst 2009

HVER BORGAR REIKNINGINN?

Lán til Magma Energy; Þessi Magma-samningur minnir mig ískyggilega á "Cross-Border-Leasing" -samninga þá, sem þýzk bæjarfélög gerðu fyrir fáeinum árum við bandarísk fjárfestingarfélög til 99 ára til thess m. a. ad fá fé uppí skammtímaskuldir. Núna eru þessir samningar ( "linir" US dalir móti "harði" evru ) að sliga þessi sömu bæjarfélög ,- þau þurfa ad afskrifa milljarðaverdmæti ( ! ) Einsog segir í "credo" kapitalismans: " There is no such thing as a free lunch"
Kvedja,
O.M.

30. Ágúst 2009

HVAĐA FYRIRVARAR?

Plan Breta og AGS er einfalt:
1) Íslendingar skrifa undir ábyrgð að upphæð ca. 700 milljarðar króna
2) Íslendingar taka lán að upphæð 700 milljarðar króna hjá IMF
3) Lánið sem er geymt í Washington/London, er fryst, þar til við höfum staðið við ábyrgðina.
Fyrirvarar? Hvaða fyrirvarar? ..
Hreinn K

29. Ágúst 2009

HVERS VEGNA Á OR AĐ VEITA MAGMA LÁN?

... Ég hef verið að velta fyrir mér þessum tilboðum Magma Energy í orkufyrirtæki hér á landi. Allt í þessu máli minnir mann á aðvaranir sem heyrðust þegar að Alþjóðagjaldeyrissjóðurinn kom hér inn í kjölfar hrunsins. Bent var á hættuna á því að við myndum selja auðlindir okkar ódýrt bara til að fá einhvern gjaldeyri inn og að sjóðurinn myndi þrýsta á stjórnvöld að samþykkja slíkar hugmyndir. Núna virðist þetta vera að gerast. Það getur varla talist eðlilegt að Orkuveita Reykjavíkur sé að lána stóran hluta kaupverðsins sem kúlulán til 7 ára. Á þeim tíma getur Magma blóðmjólkað fyrirtækið í formi arðgreiðslna og fengið aðgang að þeirri þekkingu sem búið er að byggja upp innan fyrirtækisins. Að 7 árum liðnum veit enginn hvað gerist sbr. reynsluna af ...
Kristján Gunnarsson

29. Ágúst 2009

VÍSITÖLUTENGING LAUNA/LÁNA

...Afhverju er ekki krafan um endurnýjun á vísitölutenginu launa til umræðu á þingi og hjá stéttarfélögunum í landinu? Ég er viss um að vísitölu tenging lána okkar yrði fljót að hverfa ef laun ættu að njóta sömu hækkana...
Guðjón

27. Ágúst 2009

RÉTTVÍSIN VÍSI VEGINN

Þó þú hafir ekki svarað mér fyrir kosningar fyrirspurn er ég bar til þín (þrátt fyrir loforð þar um) vil ég ekki erfa það við þig. Ekki nú, því vá stendur nú fyrir dyrum. Ögmundur Jónasson, enga þarftu yfirvegunina, einungis réttvísina - EKKI SAMÞYKKJA!
Þór Þórunnarson

27. Ágúst 2009

HVAR ER HUGREKKIĐ?

...Það er auðvelt að vera digurbarkalegur í netheimum, en þú og samflokksmenn þínir hafa sanna að þar endar hugrekkið, sbr. atkvæðagreiðsluna um aðildarviðræður við ESB. Hvernig væri nú sýna að ég hafi ekki rétt fyrir mér!
Árni Einarsson

27. Ágúst 2009

UM FIDJI-EYJAR OG ALŢJÓĐA-GJALDEYRIS-SJÓĐINN

...Við verðum að vinna fyrir gjaldeirsforða þjóðarinnar með útflutningi og þjónustu. Það er glæpsamlegt að taka stórlán á okurvöxtum frá Alþjóðagjaldeyrissjóðnum til að skapa gervi gjaldeyrissjóð. Við eigum að hætta að snapa eftir lánum um alla heimsbyggðina til að borga lán af lánum og gróða blóðsuga!   Við eigum að reka Alþjóðagjaldeyrissjóðinn úr landi, strax! Eins og komið er eftir hræðilega óstjórn, eyðslu, sukk og svínarí undanfarin 20 ár sem hefur ekki lynt með núverandi stjórnvöldum, þá er þjóðin orðin fátæk, sárafátæk og verður svo á næstu árum! Þá er spurningin sem Ágúst Valves Jóhannesson svaraði ...
Helgi

27. Ágúst 2009

KJÓSA.IS

Hugsið um þetta og hugsið um Icesave ... Takið síðan undir með okkur á ...
Hjörtur Hjartarson

27. Ágúst 2009

Á AĐ VERA HAFIĐ YFIR FLOKKSPÓLITÍK

...það verður að nást þverpólitísk samstaða um málið. Bretar og Hollendingar eru háðir ríkisábyrgð, því ef hún fæst ekki fá þeir bara þá peninga sem eru í tryggingasjóði sem er bara brot af upphæðinni. Svo allt bull um að þeir muni ekki vilja semja við okkur er bara áróður frá ESB mönnum. Það er hagur Breta og Hollendinga semja við okkur ...
KF

26. Ágúst 2009

FLOKKAR SEM SIGRUĐU SJÁLFA SIG

Þór Saari, alþingismaður sagði í útvarpi að i afgreiðslu fjárlaganefndar fælist sigur Alþingis yfir framkvæmdavaldinu. Að mínum dómi lýsir sú skoðun full þröngum hugsanagangi...en afgreiðsla fjárlaganefndar á Icesavemálinu felur í sér tímamót í seinni tíma stjórnmálum þjóðarinnar. Forysta Sjálfstæðisflokksins þarf til dæmis að skilja og skynja að hún er líka sigurvegari í málinu...Sama gildir alla þá sem eiga þátt í lausninni. Utan frá séð hefur verið ánægjulegt að sjá framgöngu ykkar þingmanna VG, Guðbjartar Hannessonar frá Samfylkingu, Kristjáns Þórs Júlíussonar, Sjálfstæðisflokki, og síðast en ekki síst finnst mér að Pétur Blöndal, Sjálfstæðisflokki, eigi hrós skilið...
Ólína

26. Ágúst 2009

DĆMISAGA FRÁ FIDJI

...Þetta er mikil ábyrgð og ekki eftirsótt. Icesave er miklu mun stærra mál en svo að hægt sé að flokka það með hægri eða vinstri, enda svo komið í dag að almenningi gæti ekki verið meira saman um þessar skilgreiningar. Það sem hafa verður í huga þegar ákvörðun er tekin, er hvort þetta sé þjóðinni til farsældar eða ekki. Ekkert annað skiptir máli. Það virðist augljóst að VG telur þetta mál ekki stjórnarslitamál, sem það ekki er. Hins vegar skýtur nokkuð skökku við að Samfylkingin skuli líta svo á og hóta stjórnarslitum vegna þessa málsins, en það er í raun Samfylkingin sem hefur mestu að tapa í þessu máli öllu. ... en í þeim pósti ...er frásögn Tolstoy af örlögum Fidji búa, en þeir fengu trakteringar í dúr við frásögn Tolstoy af örlögum Fidji búa, en þeir fengu trakteringar í dúr við Icesave fyrir um 150 árum síðan. Það er vert að lesa þessa frásögn...
Jón Lárusson 

25. Ágúst 2009

BARÁTTUKVEĐJUR

Þú hefur staðið þig eins og hetja, hvikar ekki frá sannfæringu þinni og stefnuskrá flokksins í erfiðum málum. Ég sendi þér baráttukveðjur í harkinu.
Eva

25. Ágúst 2009

STUNDUM GOTT AĐ VERA ERFIĐUR

... það er nokkuð ljóst að ég er sennilega síðasti maður á Íslandi til að verða sammála þér í pólitík... allt þar til að það rann upp fyrir mér að líklega ertu búinn að vera rödd sannleikans í gegnum undanfarin ár. Mér er sérlega minnistætt er ég bísnaðist yfir kapítalistum grein þinni þar sem þú drógst fram samlíkingar okkar v. Argentínu. Sem ættborinn Sjálfstæðismaður er ég að finna að mitt hjarta slær með ...
Óskar Borg

25. Ágúst 2009

FORDĆMIS-GEFANDI?

...Það er athyglivert að í öllu Icesave fárinu hefur enginn vakið athygli á gömlu skuldamáli Evrópuþjóða við Bandaríkin, en þá á ég við stríðsskuldir stóru Evrópuríkjanna við Bandaríkin eftir síðari heimsstyrjöldina sem þau neituðu að greiða. Þetta olli miklum sárindum í samskiptum þessara þjóða, en Rússland var eina landið sem samþykkti að greiða hluta af skuldum sínum. Takið eftir, hluta af skuldunum....
Þetta mál gæti verið fordæmisgefandi.
Sigþór Guðmundsson

25. Ágúst 2009

SAMMÁLA

Viðtal við þig í Kastljósi þann 11/8.2009....Get ekki verið meira sammála þér. það þarf að setja þak á Icesave, við þurfum að geta staðið undir þessu.
BJÖRN A. Kristbjörnsson, smðiur

25. Ágúst 2009

OF MIKIL ÓVISSA

...Ég vil þakka þér fyrir Kastljósið 11. ágúst. Loksins talar einhver af viti í þessari ríkisstjórn. það er allt of mikil óvissa í þessu öllu svo að hægt sé að setja allar auðlindir þjóðarinnar að veði. 90% þjóðarinnar eru sammála þér, hinir bara halda að þeir eigi að vera sammála Samfylkingunni og hafa ekki kynnt sér málin. Þú ert ...
Bjarni Óskarsson

24. Ágúst 2009

ÁFRAM SÖMU STEFNU

Haltu þínu striki Ögmundur, Ég gæti ekki verið sáttari með hverning ég varði mínu atkvæði í síðustu kostningum. Þú ert algjörlega að standa undir væntingum og gott betur.
Sigþór Einar Halldórsson

24. Ágúst 2009

FORĐUMST MISSKILNING

Þetta hef ég soðið saman til að reyna að útskýra fyrir kunningjum hvers vegna ég tel skýringar Ragnars Hall á forgangi kröfuhafa rangar. Segjum að það væri enginn innistæðutryggingarsjóður. Innistæðueigendur eiga forgangskröfu, eru allir jafnréttháir og fá greitt í fyllingu tímans úr þrotabúinu í hlutfalli við sína kröfu og hve mikið innheimtist. Þe. segjum að það innheimtist 75% upp í samanlagðar forgangskröfur, þá myndi sá sem hefði lagt inn 20þús. evrur fá 15þús. og sá sem hefði lagt inn 1 milljón fá 750þús. Þetta er grundvallarregla í uppgjöri á þrotabúum. Nú tryggir íslenski innistæðutryggingarsjóðurinn upp að ca. 20 þús. evrum...
Sveinn Sveinsson.

23. Ágúst 2009

YKKAR AĐ SÝNA KJARK

...Það er ykkar að sýna þann kjark að taka þessa ákvörðun fyrir hönd þjóðarinnar í stað þess að vera í bullandi stjórnarandstöðu og hafna samningnum og koma okkur í enn meiri erfiðleika en ella. Ekki spila eftir skoðanakönnunum frá degi til dags eða blogg-röfli. Við höfum tvo slæma kosti og sá verri er að hafna samningnum. Það hefur nánast engin umræða farið fram um það hvað tekur við ef samningurinn verður felldur. Líklega má búast við að stóru erlendu lánin verði fryst. Vaxtaálagið helst áfram mjög hátt en það þýðir gríðarlegan útgjaldaauka fyrir þjóðfélagið næstu misserin. Orðspor landsins og traust bíður mikla hnekki. Það er eins og sumir haldi að það sé ókeypis staða að hafna samningnum og taka nokkra mánuði í þá áhættu að reyna að ná betri samningi. Gleyma því að ...
Kristján Gunnarsson

22. Ágúst 2009

EINSTAKLINGS-HYGGJU SPRENGJUMAĐUR?

Allar vinstri stjórnir hafa sprengt sig upp sjálfar. Of margir einstaklingshyggjuenn eru innan hreyfingarinnar til þess að hún geti unnið saman sem heild. Þetta er spurning um hver verður það í þetta skiptið sem gengur til liðs við Sjálfstæðisflokkinn og fellir félagshyggjustjórnina sem fólkið í landinu bindur svo miklar vonir við. Það virðist vera þú í þetta skiptið. Þú Bjartur á Grímshaganum. Þetta er eins og að vera aðdáandi að lélegu knattspyrnuliði...
Natan

22. Ágúst 2009

ORKUMÁLIN OG ÁBYRGĐIN

S.O.S Ætla Vinstri grænir að láta það gerast á sinni vakt að orkufyrirtæki verði einkavædd?
Kristín Þórarinsdóttir

21. Ágúst 2009

VARĐANDI HÚSNĆĐISMÁL: HVAR ERU RÖKIN?

...Þá kemur það í ljós að þetta eru í flestum tilfellum eignir sem Íbúðalánasjóður eða bankarnir hafa leyst til sín, losnað við ábúendur og hafa ENGAN vilja til að leigja út og fá þannig inn einhvern pening til að standa straum af þeim kostnaði sem því óneitanlega fylgir að halda úti fasteign!!! ...Að fyrirtæki og stofnanir í eigu þegna þessa lands fái athugasemdalaust að tapa stórfé með því að neita eigendum sínum um afnot af eignum sem eru með réttu sameign íslensku þjóðarinnar. Hvernig má þetta vera ??? Ef einhver aðili er tilbúinn til og getur borgað á bilinu eina til tvær milljónir á ári fyrir afnot af húsnæði sem engum nýtist, af hverju er það ekki hægt? Og af hverju samræmist það ekki verklagsreglum þessara stofnana? Er afkoma þessara stofnana svona gríðarlega góð að það sé réttlætanlegt að þær hafni milljóna eða tugmilljóna innkomu í hverjum mánuði. Er verið að fíflast með þjóðina. Er kreppan bara hjá okkur launþegum og bótaþegum?? Gilda ekki sömu lögmál um fjármálastofnanir í eigu ríkisins og ...
 Gunnar I. Árnason

17. Ágúst 2009

FREKAR VIL ÉG VERA FRJÁLS ÖREIGI EN SKULDUM VAFINN ŢRĆLL!

...Niðurstaða Icesave ráðgátunar var á endanum sú að stjórnmálaforingjar Íslands ætla að láta þjóð sína, hina tryggu kjósendur sína borga brúsann fyrir endemis brjálaða frjálshyggju síðustu ára í boði 80% Alþingis og stjórnkerfis ríkissins. Nú eigum við erfiðara með að benda á Sjálfstæðismenn og segja, ja það voru þeir sem komu okkur í þessa klípu því nú hefur nýja vinstri stjórnin sem er reyndar ekki vinstri stjórn staðfest ásamt leppum sínum á Alþingi það að þjóðin eigi að borga... með fyrirvörum. Þessir fyrirvarar eru reyndar frekar skondnir því það verður að vera hagvöxtur í landinu til að við borgum, gott og vel. Segjum svo að ég sé með 100000 kall útborgað á mánuði og kaupi hús sem ég á að borga 30000 krónur af mánaðarlega. Hinsvegar hef ég gert samning við bankann minn að ég muni ekki hefja greiðslur fyrr en ég hef ...
Ágúst Valves Jóhannesson

10. Ágúst 2009

GERENDUR OG GREIĐENDUR

...Og til hvers eruð þið að ræða þetta ICEsave mál við fulltrúa flokkanna sem bjuggu vandamálið til með afskiptaleysi sínu í opinberum embættum? Þeir eru ekki mótparturinn, nema náttúrulega menn telji að Íslendingar séu allir í sama báti og ættu að standa sameinaðir gegn hinum vondu útlendingum, hættunni að utan. Mótparturinn er Gordon Brown, Alister hinn elskulegi, Wouter Bos, Van der Hoeven, og Dossier Taken. Þetta er fólkið sem þið ættuð að vera að tala við. Þetta er fólkið sem las upp til agna grein Evu Joly á dögunum. Og Nicolas Sarkosi hann las hana. Og flokkssystkin íslenska forsætisráðherrans á alþjóðavettvangi, þau José Luis Rodríges Zapatero og Elena Salgado, þau lásu þetta örugglega skelfingu lostin. Þetta er fólkið sem þið ...
Ólína

7. Ágúst 2009

INDRIĐI TOPPAR PER

Undarlegt þótti mér að lesa um það í Morgunblaðinu í morgun að Indriði H. Þorláksson, aðstoðarmaður fjármálaráðherra, hefði skrifað bresku samninganefndinni til að spyrja hvort sú gagnrýni Ragnars Hall og annarra íslenskra lögmanna að Icesave samningurinn væri Bretum í hag og á kostnað Íslendinga hvað varðar skipti þrotabús, ætti nokkuð við rök að styðjast! Með öðrum orðum íslenskur samninganefndarmaður leyfir sér að spyrja gagnaðila okkar leiðandi spurninga til að veikja málstað Íslands á sama tíma og Alþingi ræðir fyrirvara til að vernda íslenska hagsmuni. Mér þótti nóg að heyra um Danann sem dreginn hafði verið upp úr einhverri skúffu í Brussel til að vera íslensku ...
Grímur

7. Ágúst 2009

GAT EKKI VERIĐ BETRI

...Svona rétt til gamans, eftir að horft var á kastljósþátt í gærkv.. Ósköp var nafni góður í gær, gat ekki verið betri. Eitt er víst að enginn hlær á okkar stjórnarsetri....... (vandinn svo mikill sem við er að kljást) Farnist ykkur sem best...
Steingrímur

7. Ágúst 2009

BJÖRGUM OKKUR SJÁLF

...Þrjú mestu áföllin eru fyrir utan siðleysið: 1. Að seðlabankinn tók ekki veð í útlánum bankanna eins og aðrir seðlabankar gerðu. Tap upp á um 300 milljarða. 2. Að ákveðið var að greiða inn í peningamarkaðssjóðina þrátt fyrir að flestir þar inni væru að hámarka arðsemi með meiri áhættu en að liggja með peninga á venjulegum bókum. Þar var tap upp á 200 milljarða. 3. Er svo spurningin um Icesave. NB. Evrópubankinn mun ekki bjarga okkur þó svo að ESB sinnar telji svo vera. Þar verður ekkert lánað án þess að það kosti mikið á móti skv. óformlegu spjalli við AGS mann...Svo er annað - ef lífeyrissjóðir eiga að lána Landsvirkjun þá vill alþjóð sjá að...
Áslaug

5. Ágúst 2009

SKYGGNUMST UTANTJALDS

 ...Í ljósi þess að helstu nágrannaþjóðir okkar hafa ákveðið að fara þá leið að kúga og misþyrma okkur hérna fólkinu upp á litla klakanum hefur þá ekki runnið sú hugsun upp hjá þér að tala fyrir því að leita á náðir annarra utantjalds ríkja á borð við Kína og Venesúela til að fá lán án milligöngu alþjóðalögreglu kapítalismans? Hefur þú áhuga á að tala fyrir þessu?
Ágúst Valves Jóhannesson

4. Ágúst 2009

BLEKKINGAR GYLFA

...Allir sem ég þekki hafa mestar áhyggjur af afkomu ríkissjóðs. Mun okkur takast að koma heilbrigðiskerfinu og menntakerfinu heilu til næstu kynslóða? Eins og áður skautar Gylfi mjög létt yfir þetta. Hann segir að þessar Icesave skuldir séu nú ekki aðalvandi ríkissjóðs og lætur þar með að því liggja að fyrst aðrar skuldir séu jafnvel meiri, sé Icesave skuldin léttvæg. ...Þessi blekkingaleikur Gylfa þjónar vafalaust tilgangi sem hann telur sannleikanum æðri....Gylfi gagnrýndi stjórnvöld harðlega bæði í ræðu og riti í aðdraganda hrunsins fyrir að tala upp gengi bankanna og láta sem allt væri í stakasta lagi, þótt þau vissu betur. Samt vissi hann að um leið og fólk héldi að bankarnir væru að falla þá myndu þeir falla eins og hann sagði sjálfur efnislega í fyrirlestri sem birtur er á heimasíðu Háskólans. En blekkingaleikurinn á ekki fremur rétt á sér nú en hann átti þá. Við þurfum að komast út úr þessum þrengingum með sameiginlegu meðvituðu átaki og fyrsta skilyrðið er að við verðum upplýst um stöðuna af raunsæi og heiðarleika...
Lína

3. Ágúst 2009

VANDI FYLGIR VEGSEMD HVERRI

Nánasti samstarfsmaður forsætisráðherra gagnrýndi um helgina stórgóða grein Evu Joly um bága stöðu þjóðarinnar gagnvart kröfum, sem ríkisstjórnir nokkurra landa hafa gert á íslensk stjórnvöld, mestan part vegna þess að óvitarnir íslensk stjóprnvöld komu ekki í veg fyrir að nokkrir Heimdellingar byggju til peningalega svikamyllu. Nánasti samstarfsmaðurinn gagnrýndi málflutning Evu Joly efnislega, gerði lítið úr kunnáttu hennar, og dró í efa gagnsemi greinarinnar fyrir íslenska þjóð. Sá sem fremstur er á sviði almannatengsla, Jón Hákon Magnússon, þrautreyndur og þekktur fyrir störf sín á alþjóðlegum vettvangi, slökkti með nokkrum setningum pent í þessari reykbombu...
Hafsteinn

2. Ágúst 2009

MEINLEG MISHEYRN

Franek Rozadowsky, fulltrúi Alþjóðagjaldeyrissjóðsins hér á landi, kom fram í hádegisfréttum RÚV í dag. Hann talaði um nauðsyn þess fyrir Íslendinga að efla gjaldeyrisforða sinn með lántökum frá AGS, Norðurlöndum og öðrum "gjafaþjóðum", " donors". Er AGS að gefa okkur eitthvað? Eru Norðurlöndin að gefa okkur eitthvað? Eru Pólverjar að gefa okkur eitthvað? Eina þjóðin sem hefur sýnt Íslendingum alvöru gjafmildi og veðrskulda að vera kallaðir "donors", "gefendur" eru Færeyingar. Allar aðrar þjóðir eru með okkur á háum vöxtum og stilla okkur auk þess upp við vegg vegna Icesave. Fyrst hélt ég að Franek ...
Jóel A.

2. Ágúst 2009

HVAĐ HEFUR BREYST ÖGMUNDUR

Ef maður ætti að nefna 3 boðorð Ögmundar Jónassonar út frá pólitísku lífi hans væri eitt þessara boðorða; Þú skalt ekki einkavæða. Nú stendur til að bjóða út ræstinguna í LSH Fossvogi. Einnig stendur til að einkavæða eldhús LSH. Þar sem þetta er þinn málaflokkur og á þína ábyrgð getur þú þá ...
Villi

Bréf til síđunnarRSS Fréttaveita

Frá lesendum

19. Júlí 2018

Á AFMĆLISDEGI ÖGMUNDAR

Árin jarðnesk aldrei tel,
endar víst með tapi.
Innri maður yngist vel,
oft að sama skapi.
Kári

15. Júlí 2018

HUGSAĐ TIL VINAR

Brátt áratugina sérðu sjö
samt gefurðu lítið eftir
Ævikvöld eignist eflaust tvö
Þar ekkert ykkur heftir!!
...
Pétur Hraunfjörð

21. Júní 2018

NÚ ÁHUGI MINN ALLUR FÓR

Nú áhugi minn allur fór
er af leið var haldið
Katrín valdi auðvalds-kór
og kaus Íhaldið.
...
Pétur Hraunfjörð

17. Júní 2018

Í FRAMHALDI AF OLÍFUVIĐAR-GREIN

Í framhaldi af grein þinni um Ólífuviðargrein þá er vert að rifja upp ferð Apolli 11 til tunglsins í júlí 1969. Merki ferðarinnar (Mission Emblem) var hannað af geimförunum sjálfum. Þeir komu upp með þá hugmynd að nota ameríska örninn og tunglferjan sjálf var kölluð "Eagle". Í lokafasa hönnunarferlisinu þótti geimförunum útlit arnarins vera of ...
Sveinn V. Ólafsson

7. Júní 2018

„SKILAR SÉR MEST TIL ŢEIRRA STĆRSTU"

Við sjáum lekinn ljótan
Þar lítið var um þref
gjaldlítinn gaf ´ún kvótann
ei Lilju fyrirgef.
Pétur Hraunfjörð

28. Maí 2018

LÍTIĐ MAĐUR SEGJA MÁ

Lítið maður segja má
orðin margir bera
sannleika að segja frá
sjaldan aðrir gera.
Málavexti þá muna skalt
ef margir á þig hlýða
Og ekki bæta í sárið salt
sem aðrir fyrir líða.
Pétur Hraunfjörð

19. Maí 2018

SVO ER ÖNNUR TEGUND FROĐUFRÉTTA

... Þakka pistilinn um daginn um hvernig fjölmiðlamenn forheimska opinbera umræðu um stjórnmál með að slá upp fyrirsögn um ýmis mál og með viðbótinni "segir stjórnmálafræðingur" í meginmáli. Í aðdraganda kosninga halda þeir sínu striki með þetta en bæta við annarri tegund froðufrétta sem felst í því að skrifa fyrirsögn hvern dag um hvort meirihlutar standi eða falli. Í meginmáli er síðan vísað til skoðanakannana. Sífelldar fréttir af skoðanakönnunum er sennilega einföld leið til að fylla síður blaða og framkalla uppgerða spennu í stað þess að taka til umfjöllunar viðfangsefni stjórnmála og mikilvægi almannaþjónustu fyrir lífskjör. Aukið vægi ...
Sigfinnur

18. Maí 2018

BARNAVERNDAR-MÁL EIGA BETRA SKILIĐ EN AĐ RÁĐIST SÉ GEGN EFTIRLITS-AĐILUM

Sæll Ögmundur. Takk fyrir góða og tímabæra grein þína um fréttaflutning af barnaverndarmálum. Ég var rétt í þessu að lesa einkar einkennilega grein eftir Auði Jónsdóttur á vef Kjarnans, en hún virðist ímynda sér að ábending þín í lok greinarinnar um möguleg tengsl blaðamanns Kjarnans og aðila sem barnaverndarmálum - að þarna sé að finna tengsl ekkert síður en annars staðar - sé megininntakið í umfjöllun þinni. Það er afskaplega undarlegur málflutningur, órökvís og óheiðarlegur, og mér finnst þessi mikilvægi málaflokkur eiga betra skilið en slíka útúrsnúninga. Maður veltir fyrir sér ...
Þorsteinn Siglaugsson 

16. Maí 2018

GETUR EKKI ORĐA BUNDIST

Var að lesa það sem félagi Einar Ólafsson ritar. Eg get ekki orða bundist: Að jafna einni skelfilegustu harðstjórn sem mannkynið hefur nokkru sinni upplifað við Evrópusambandið botna eg ekkert í. Evrópusambandið hefur verið byggt á grundvallarmannréttindum og að útfæra lýðræði á kannski eitthvað öðruvísi hátt en íhaldinu á Íslandi hugnast. Í mínum augum er fáni Evrópusambandisin tákn um betra lýðræði og aukin mannréttindi. Og að ala á tortryggni gagnvart því sem vel hefur verið gert skil eg ekki. Vilja menn þessa endalausu vitleysu með þennan efnahagsleik með ...
Guðjón Jensson

4. Maí 2018

MÁLAVEXTIR OG MĆĐRAHYGGJA

Ég þakka þér fyrir að greina frá allri þessari uppákomu í Velferðarráði varðandi hæfni Braga. Er það ekki rétt skilið að afskipti Braga snéru aðeins að því að amman fengi að umgangast barnabörn sín áður en hún dæi? Og eins og þú segir, hefði verið ámælisvert og vanræksla ef Bragi hefði ekki haft afskipti af því. Það hefur nú komið fram að ástæða hefur verið til að Barnaverndarstofi skipti sér af/komi með athugasemdir á starfsháttum barnaverndarnefnda á t.d. höfuðborgarsvæðinu í gegnum tíðina, eins og hefur komið fram í fjölmiðlum. Ég leyfi mér að vitna í eftirfarandi: "Í umræðu sem spannst um þessa lagasetningu og aðkomu mína að henni var ég harðlega gagnrýndur fyrir að draga taum mæðra - væri mæðrahyggjumaður eins og ...
Ari Tryggvason


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

3. Júlí 2018

Kári skrifar: ŢJÓĐAREIGN OG KVÓTAKERFI Í LJÓSI SAMKEPPNIS-RÉTTAR

... Löggjafinn, Alþingi, er hins vegar rígbundinn margskonar hagsmunaöflum sem í raun stjórna ferðinni og því ekki við miklu að búast úr þeirri áttinni. Umræða um „hag­ræðingu" kemur fyrir lítið, eigi menn ekki það sem hagræðingin snertir. Með öðrum orðum; eignarréttur íslensku þjóðarinnar var hafður að engu. Þjóðareign varð að „þjófaeign". Það er kjarni málsins. Hið svokallaða „framsal" er því lögleysa frá upphafi þegar af þeirri ástæðu. Þar að auki hefur íslenska þjóðin notið í litlu meintrar hag­ræðingar sem hefur að stærstum hluta endað í vösum braskara og hluthafa útgerðarfyrirtækja ...

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

Slóđin mín:

Frá lesendum

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta