Beint á leiđarkerfi vefsins

Frá lesendum

31. Desember 2014

ŢAKKIR FYRIR ÓEIGINGJARNT STARF Í ŢÁGU BÁGSTADDRA

... Nú er alltof langt síðan ég skrifaði þessari ágætu síðu bréf. Best að breyta því nú. Það er hlutverk sósíalista og annars vinstra fólks að tala fyrir hlut minnihlutahópa. Þar er vel gert í flestum tilfellum. Of margir hafa þó tileinkað sér tískumálefni eins og skipulagsmál í bæjarmálum og aðrir sofa jafnvel værum pólitískum svefni þrátt fyrir að hafa getuna og kraftinn til að vinna að mikilvægum málefnum. Það er þó annað mál. Það sem ég vil þó koma á framfæri er þakklæti til þeirra einstaklinga og hópa sem vinna að málefnum minnihlutahópa. Við sjáum sjálfsprottin félagasamtök bjóða heita súpu og kaffi í miðbænum, matargjafir á samfélagsmiðlum til þess fólks sem þarf, rótgróin samtök á borð við Mæðrastyrksnefnd sjá um ...
Ágúst

23. Desember 2014

í ERLENDUM GJALDEYRI

Þakka þér fyrir grein þína um Icesave hér á síðunni. Því má bæta við að vextirnir sem við hefðum greitt af Icesave hefðu verið í erlendum gjaldeyri, sem við áttum ekki til og eigum ekki enn!
H.J.

23. Desember 2014

RÍKIĐ Á AĐ KAUPA GRÍMSSTAĐI Á FJÖLLUM

Ég er því algerlega sammála að ríkið á að kaupa Grímsstaði á Fjöllum. Þetta er spurning um framsýni og fyrirhyggju. Þessar miklu jarðir í kraganum umhverfis hálendi Íslands og víðernin  eiga að vera í almannaeign. Þessar jarðir eiga ekkert sameiginlegt með hefðbundnum landbúnaði. Þetta eru útivistarsvæði en viðkvæm og þarfnast verndar.
Sunna Sara 

20. Desember 2014

BILUĐ HÚMORSKENND?

Er þessi skagfirska skemmtinefnd
með skaðlega bilaða húmorskennd?
leggja til færslu
á Landhelgisgæslu
og vegagerðina í Skagafjörð. 

Pétur Hraunfjörð

17. Desember 2014

LOKSINS!!?

Á maður að trúa því að nú hilli undir að Guðmundar- og Geirfinnsmálin verði tekin upp að nýju? Ég trúi því ekki fyrr en ákvörðun liggur fyrir. Hitt veit ég að þetta mál hefur hvílt á þjóðinni í 40 ár því innst inni telja flestir að rangir dómar hafi verið felldir. Óskandi væri að þessi ljóti blettur verði hreinsaður úr sögubókum íslenskrar réttarfarssögu.
Sigrún Jónsdóttir

13. Desember 2014

UM ALMÚGANS EIGNARHALD

Ragnheiður Elín með Ráðherravald
 reynir að að lögleiða glápugjald
 öll þekkjum farssann
 um náttúrupassann
en hvar lendir almúgans eignarhald?

Pétur Hraunfjörð.

11. Desember 2014

NÁTTÚRUPASSI: NÝ SÝN - NÝIR TEKJUSTOFNAR ...

Stuðningsmenn náttúrupassa segja að hugmyndin að baki honum sé að „þeir borgi sem njóti". Þetta voru meginskilaboð Björgólfs forstjóra Icelandair á afmælisráðstefnu félagsins árið 2012, og Ragnheiður Elín hefur margoft vísað til þessa. Í þessu virðast felast innstu rök náttúrupassans sem sótt er til þegar virkilega á að sannfæra alþýðu manna um að þetta sé sanngirnismál. Sjálfur þekki ég ekki annað en að greiða fyrir það sem ég kaupi á markaði og er því engan veginn andsnúinn því fyrirkomulagi að greiða og njóta. Spurningin er hins vegar að hve miklu leyti þessi frasi er notaður sem leiðsögn við að skipa hvernig við förum með verðmæti í samfélagi okkar. Það er alþekkt fyrir austan haf og vestan að ...
Kjartan

10. Desember 2014

LÖGĐ AF STAĐ Í RÚSSÍBANA?

Ragnheiður Elín var í Kastljósinu í kvöld og endurtók það sem ég heyrði hana segja í útvarpinu um helgina, að hún hafi ekki „fattað upp á" ferðamannapassanum. Hvað á maður að halda þegar sá sem dregur vagninn neitar ábyrgð á leiðangrinum? Það fyrsta sem manni kemur í hug er að þar tali kúskur, sendur af stað nauðugur. Getur verið að íslenskir ráðherrar séu svo aumir? Getur verið að ráðherrann upplifi sig í raun sem fórnarlamb í þessu máli - að hún hafi verið send í vonlausan leiðangur sem hún verður að klára, þrátt fyrir að það baki henni óvinsældir. Þá ...
Frímann

8. Desember 2014

BÍĐ SPENNT

Sæll Ögmundur! Bíð spennt eftir að þú úttalir þig um Náttúrupassann.
Kveðja,
Edda.

27. Nóvember 2014

ĆTLAR ŢÚ AĐ LEGGJAST Á SVEIF MEĐ ŢEIM SEM ĆTLA AĐ HAFA SJÁVARAUĐLINDINA AF ŢJÓĐINNI?

Ágæti þingmaður. Nú þegar ríkisstjórnin ætlar að voga sér að opna frumvarp sem gengur í berhögg við 1 gr um stjórn fiskveiða og komið er í ljós að gengur einnig gegn lýðræðislegum rétti þjóðarinnar að setja og afnema lög ætlar þú þá að leggjast á sveif með mönnum sem eru tilbúnir hrifsa til sín öll réttindi yfir sjávarauðlindinni á kostnað þjóðarinnar? Eða ætlar þú að standa við bakið á þjóðinni sem enná ný á í þorskastríð? Stríði við vanþakklátt fólk sem kann ekki að ,,,,
Einar Már Gunnarsson

23. Nóvember 2014

MÁL HÖNNU BIRNU VERĐI TIL LYKTA LEITT

Afsögn Hönnu Birnu kom mér ekki á óvart nema síður séð. Hún sagði af sér þegar fokið var í öll skjól. Með þessu flýr hún uppgjör þessa máls. Það má ekki gerast að málið verði á einhvern hátt til lykta leitt á Alþingi.
Jóel A.

23. Nóvember 2014

HANNA BIRNA ER ENN RÁĐHERRA EĐA HVAĐ?

Hanna Birna Kristjánsdóttir er enn innanríkisráðherra og hefði ég haldið að Stjórnskipunar- og eftirlitsnenfd gæti strangt til tekið kallað hana á sinn fund alla vega þar til hún lætur formlega af ráðherradómi. Er þetta ekki réttur skilningur ...
Jóhannes Gr. Jónsson 

19. Nóvember 2014

HLEGIĐ AĐ SKULDA-LEIĐRÉTTINGU - EĐA HVAĐ?

Ég er búinn að hitta þó nokkuð af hátekjufólki sem keypti sér dýrar fasteignir eða tók glórulaus lán fyrir hrun og fékk margt hámaks eða háa svokallaða "skuldaleiðréttingu". Það hlær dátt ... Ögmundur talar um forsendubrest, það er enginn forsendubrestur til í þessu samhengi í auðvaldþjóðfélagi, aðeins framboð og eftirspurn, kreppur og góðæri, sem fólk verður að sætta sig við ef það vill á annað borð búa í slíku þjóðfélagi eins og Hannes H. Gissurarson talar um varðandi orsök hrunsins, hann ætti að vita það, var hann ekki arkitektinn að því? Ögmundur, sem um margt er góður stjórnmálamaður, ætti að hafa þessa hluti í huga áður en hann lofsyngur kosningabrellur Sigmundar og hans nóta ...
Guðlaugur Gísli Bragason

14. Nóvember 2014

PENINGAR OG STJÓRNMÁL

Ég verð að segja að ég skil ekki alveg hluta af stjórnarandstöðunni sem gagnrýnir skuldaleiðréttinguna en sækir samt um hana! Það getur vel verið að þetta fólk hafi það gott fjárhagslega og gleðst ég þá með því. En það er líka til fólk sem fær 6 til 15 þúsund króna lækkun pr.mán.á afborgunum af lánum sínum og því munar um þá upphæð. Eru þessir þingmenn ...Ég vil þakka þér fyrir baráttuna þína í Guðmundar og Geirfinnsmálinu. Þetta mál er skömm fyrir réttarkerfið okkar... Ég velti fyrir mér stöðu borgarfulltrúa og hvert hlutverk þeirra er ... Hofsvallagötu ævintýrið kostaði borgarbúa 25 miljónir...
Sigurbjörn Halldórsson 

8. Nóvember 2014

BÚINN AĐ AFTURKALLA RAFRĆNU SKILRÍKIN SÍN

Rafræn skilríki í farsímann geta dregið verulega úr öryggi þínu! Núna er kominn þrýstingur á almenning að taka upp rafræn skilríki, t.d. til að "klára leiðréttinguna". Til þess er boðið upp á að fá rafræn skilríki sett í farsímann hjá fólki. Þessi rafrænu skilríki er svo hægt að nota til að skrá sig inn á vefi hjá alls kyns opinberum og einka-aðilum. Þetta er slæm hygmynd út frá örygginu. Með því að nota rafræn skilríki í farsíma er verið að setja öll eggin í sömu körfuna. Þessari körfu er síðan læst með svakalega flottum lás sem okkur er sagt að sé óbrjótanlegur, við þurfum bara að skaffa körfuna. Við tökum líka flest þessa körfu með okkur hvert sem við förum. Stundum skiljum við hana eftir einhversstaðar, við lánum hana, týnum henni og svo framvegis. Við raunar keyptum okkur þessa körfu til að ....
Friðjón Guðjohnsen

6. Nóvember 2014

MUN NEITA AĐ NOTA AUĐKENNI

Ég vil þakka þér Ögmundur fyrir þá umræðu sem þú hefur haldið á lofti með fyrirhugaðan þátt Auðkennis í skuldaleiðréttingunni. Sem ríkisstarfsmaður á ég engan kost annan en að fá greidd laun í krónum (frá ríkinu) og greiða skatta mína og skyldur í sömu mynt. Þetta er víst orðað svo að íslenska krónan sé lögeyrir í landinu. Það á að þýða að hún sé gjaldgengur greiðslumáti í öllum viðskiptum. Þetta er víst einn af þeim þáttum sem ríkið skilgreinir sig út frá: Að hafa einkaleyfi á valdbeitingu og útgáfu gjaldmiðils. Þeir sem ...
Július F.

5. Nóvember 2014

VERĐUR LÁTIĐ STAĐAR NUMIĐ VIĐ ŢRIFIN?

Nú hefur stjórnendateymi ráðuneytanna rekið fólkið sem þrífur. Markmiðið er sjálfsagt sparnaður, kannski hefur einhver nefnt til umbætur og nútímavæðingu. Eða bara eitthvað til að láta þetta hljóma betur. Nú vona ég að konurnar sem þrifu þessi ráðuneyti hafi verið stórkostlega yfirborgaðar, á kjörum sem færði þeim auðæfi umfram vinnuframlag og helst að þær hafi verið óalandi og ekki húsum hæfar. Ákvörðun ráðuneytanna væri þar með réttlætanleg og ég sem skattgreiðandi fengi fullvissu fyrir að verið væri að gæta framlags míns til opinbers rekstrar. Konurnar sem missa vinnuna, sem eru víst komnar yfir miðjan aldur, hefðu þá líka átt þess kost að safna í sjóð á þessum ofurlaunum og sest virðulega í ...
Snorri

2. Nóvember 2014

UM VERKFÖLL OG TRYGGINGAR

... Nú er svo komið á Spáni á Benidorm amk.að samevrópska tryggingakortið er ekki gilt lengur við komu á sjúkrahús heldur greiðslukort með þeim orðum að fólkið sjálft innheimti þetta hjá sjúkratryggingum er heim er komið og leggi fram reikninga. Að lokum vil ég minnast á sem gamall löggukarl að sá dagur komi aldrei að almenna lögreglan vopnist við skyldustörf.
Þór Gunnlaugsson

2. Nóvember 2014

RÍKISSTUĐNINGUR VIĐ AUĐKENNI

...Það er gert að skilyrði fyrir að njóta ábata af almennri efnahagsaðgerð að taka upp viðskipti við tiltekinn einkaaðila. Kvöðin er alger því það er enginn annar kostur gefinn - ekki einu sinni á að mæta á starfsstöð hjá ríkinu eða viðskiptabanka og skrifa undir. Ætli það séu til dæmi um meiri ríkisstuðning við einkarekstur? Er þetta í prinsippi nokkuð ósvipað því ef ákveðið væri að endurgreiðslan færi inn á bensínkortið? Þeir einir sem væru með N1-kort gætu notið ábatans? Ég átta mig á að þessi rafræna lausn hefur einhverja þýðingu upp á öryggi í pappírslausum viðskiptum, en það virðist þó ekki réttlætanlegt að nota svona tilefni til að styrkja viðskiptamódel einhverra manna út í bæ.
Kjartan

28. Október 2014

UM BYSSUR, ESB, ICESAVE OG FLEIRA

Byssuvæðing lögreglunnar er eitt furðulegasta mál sem upp hefur komið á undanförnum árum. Það er hápunkturinn á þeirri aðferð núverandi ríkisstjórnar að taka ákvarðanir án þess að bera eitt eða neitt undir þjóðina. Ekki var þjóðin spurð hvort leggja ætti hugmyndir um nýja stjórnarskrá til hliðar. Ljóst er að við fáum ekki nýja stjórnarskrá meðan þessi ríkisstjórn situr sem fastast. Þjóðin var ekki spurð hvort draga ætti aðildarumsókn að Evrópusambandinu til baka. Langflestir fræðimenn hafa eindregið lagt áherslu á að aðild með eðlilegum og skýrum skilyrðum er mjög góð leið að styrkja hagsmuni okkar um alla framtíð. Þjóðin var ...
Kv., úr Mosfellsbæ,
Guðjón Jensson

26. Október 2014

UMRĆĐAN VERĐI HÓFSTILLT

Ég er starfandi lögreglumaður og fylgist með umræðunni um vopnamálin. Mér finnst að verið sé að blása þetta mál of mikið út. Hins vegar fer því fjarri að lögreglumenn almennt telji það vera rétt að þeir beri vopn enda stendur það ekki til! Það er ágætt að fá þessa umræðu en hún þarf að vera hófstillt og gæta að því að gera mönnum ekki upp skoðanir, hvorki þér einsog gert hefur verið né lögreglunni. Þar er að finna mismunandi sjónarmið og afstöðu einsog annars staðar.
N.N.

26. Október 2014

KLÁRIĐ ÁTVR!

Ég vona að þið klárið þetta ÁTVR mál á Alþingi í eitt skipti fyrir öll. Þetta rugl er búið að voma yfir lengi; verið þráhyggjumál nokkurra þingmanna Sjálfstæðisflokksins og nú eru þeir búnir að fá Bjarta framtíð og Pírata með sér. Það eru flokkar sem virðast haga sér eins og vindurinn blæs hverju sinni. Kannski breyta þau um skoðun við skoðanakannanir sem sýna að mikill meirihluti er á móti þessu. En ég vil sjá atkvæðagreiðslu um málið á Alþingi. Ef ráðherrar í ríkisstjórn, ég tala nú ekki um heilbrigðisráðherrann sem jafnframt er lýðheilsuráðherra ...
Hulda  

26. Október 2014

HVORKI HÓSTI NÉ STUNA

Hvernig stendur á því að ríkisstjórnin er látin komast upp með að eyðileggja húsnæðiskerfið án þess að verkalýðshreyfing eða stjórnarandstaða andæfi að einhverju marki? Einhvern tímann hefðu menn risið upp og hreinlega komið í veg fyrir þetta. Það er augljóst að hér á að fara með okkur út í óvissukerfi bara af því að Evrópusambandið skipar að svo skuli gert. þar má ekkert þrífast ef vottar fyrir félagslegu á kostnað markaðskerfis. Þá vitum við líka að hvorki má reikna með hósta né stunu frá Samfylkingu. Hún gerir ekkert sem stríðir gegn Brussel.
Jóhannes Gr. Jónsson

25. Október 2014

SKÝRSLUR BJARTMARZ OG ÖGMUNDAR

Þá er þetta komið. Takk fyrir þessa skýringu á lögregluskýrslunum hér á síðunni. Þá vitum við að skýrslan, sem aðallega hefur verið vitnað í ætti að vera kennd við Jón Bjartmarz yfirlögregluþjón hjá embætti Ríkislögreglustjóra en ekki við þig! Hún fjallar  um mat lögreglunnar sjálfrar á eigin stöðu. 
Svo er  Ögmundarskýrslan, sem mætti kalla svo, þverpólitísk vinna um uppbyggingu lögreglunnar. Hún er vissulega að hluta til byggð á upplýsingum úr skýrslu Bjartmarz en meira segja þar er engar hríðskotabyssur að finna! Ég er búinn að lesa þetta allt saman. Hvílíkt endemis ...
Jóel A. 

22. Október 2014

AĐGENGI OG SÝNILEIKI

Komdu sæll og ávallt blessaður. Alþingi setti reglur um að allt tóbak skyldi hulið viðskiptavinum verslana en þó vera til sölu. Engum vafa er bundið að það hafi við þetta dregið ur reykingum Er öfugt farið með áfengi? ...
Jónas Jakobsson

19. Október 2014

LYGI GETUR EKKI ORĐIĐ AĐ SANNELIKA

Ítreka fyrri spurningu. Hvaða kaupmenn hafa sagst ekki geta selt áfengi með sömu álagningu og ÁTVR og minni þig á að lygi verður ekki sannari þó hún sé sögð oftar ...
Arnar Sigurðsson

19. Október 2014

YFIRŢYRMANDI ŢÖGN

...Ætlar enginn að taka undir með þér að mótmæla húsnæðisstefnu ríkisstjórnarinnar, sem nú virðist staðráðin í því að eyðileggja Íbúðalánasjóð. Þar með fá bankarnir því framgengt sem þeim tókst ekki fyrir hrun. Framsókn lyppast niður og þögn stjórnarandstöðunnar er yfirþyrmandi með undantekningu(m) þó.
Sunna Sara

19. Október 2014

TÍMASÓUN Í ŢÁGU GAMALLAR KREDDU!

Jóhannes Gr. Jónsson spyr hér á síðunni hvort ekki eigi að hlusta á lýðheilsugeirann út af ÁTVR frumvarpinu. Ég spyr jafnframt hvort þetta ÁTVR mál sé ekki bara tímasóun í þinginu. Öll rök viðrast mæla gegn þessu frumvarpi og sýnist mér svo vera hvort sem horft er á málið frá hægri eða vinstri. Þetta frumvarp viðrist ekki eiga sér annan tilgang en að þjóna gamalli kreddu.
Jóel A

19. Október 2014

Á EKKI AĐ HLUSTA Á ŢÁ SEM BEST ŢEKKJA TIL?

Mikið er dapurlegt  að fylgjast með þjarkinu um „brennivín í búðir" frumvarpið. Það er greinilegt að allt heilbrigðisbatteríið, allur forvarnargeirinn, allir sem hafa sett sig inn í þessi mál út frá sjónarhóli heilbrigðismála og lýðheilsu, eru andvígir þessu frumvarpi. Á virkilega ekki að hlusta á þetta fólk?
Jóhannes Gr. Jónsson

8. Október 2014

SAMA ENDASTÖĐ?

Bjarni Benediktsson sagði í aðdraganda kosninga 2009 að sennilega væri Ísland of lítið fyrir samkeppni í olíudreifingu. Sjaldgæf uppljómun það. Hægri menn á Íslandi (og víðar) trúa á fákeppni. Vinstri menn á Íslandi (og víðar) trúa á einokun. Samfylkingarmenn trúa á frjálsa samkeppni, sem á litlum markaði (og reyndar víðar) endar í fákeppni. Allir segjast vera á móti spillingu. Kannski væri ráð að ræða spillingu í litlu samfélagi og þá mismunun sem henni fylgir? Það er auðvitað gott að trúa, en kaldhæðni örlaganna er sú að öll kerfi enda á sama stað. Í spillingu.
Hreinn K

8. Október 2014

ÓSAMMÁLA

... ég  verð því miður að að vera þér ósammála um stuðning aðildar ríkja gegn iss. Eftir að hafa séð, 1700 hermenn leidda til dauða. Skotna i hollm, eins og rollur, sem einn lifði af til að segja frá hvað gerðist. Og svo öllum hinum sem hefur verið slátrað.
Guðjón

25. September 2014

LÁGKÚRAN OG GRĆĐGIN MUN KOMA Í BAKIĐ Á OKKUR!

Ekki vil ég sjá þetta auðmannadekur í ferðþjónustunni sem þú réttilega gagnrýnir hér á síðunni. Best er að fá hingað gott fólk - hvort sem það er ríkt eða blankt -  sem hefur áhuga á landinu, náttúrunni eða meningunni. Þessi hryllilega gróðafíkn sem gætir sífellt meira í ferðaþjónustunni er lágkúra og þjóðinni til skammar. Hún mun auk þess ...
Jóel A.

25. September 2014

NÝJAR LEIĐIR GEGN KJARA-MISRÉTTI

Ég (eins og svo margir), hef verið mikið hugsi síðan fréttir bárust af því að helstu stjórnendur fyrirtækja hækkuðu laun sín um 40% á síðasta ári....Það hefur sýnt sig í gegnum tíðina að stjórnendur og aðilar með svokölluð ofurlaun, hafa alltaf og sennilega munu alltaf gera allt til að fá meira en allur almenningur. Það hefur líka sýnt sig að baráttan við að berjast á móti þessari þróun er oftast veik og hefur ekki borið mikinn árangur. Þá er ég komin að megin ástæðu þessa bréfs. Er kannski rétt að kanna aðrar leiðir í þessari endalausu baráttu við að reyna að minka þennan rosalega launamun. Sú hugmynd sem ég er með er komin óbeint að sektakerfi sem mér skilst að sé í Finnlandi, þar sem sektir miðist einhvernvegin við tekjur eða eignir. Er hægt hér á landi að ...
Lesandi 

25. September 2014

ŢÖRF Á ÁBYRGUM RÍKISBANKA

...ég vildi spyrja þig hvort þú teldir að hægt væri að vernda sparifjáreigendur í landinu með því að hafa einn ríkisbanka fyrir þá sérstaklega, óháð duttlungum áhættusækinna fjárfesta og eigingjanra eigenda. Þetta er mín hugsun á sparihliðina en svo líka á skuldarahliðinni finnst mér að ekki sé jafnræði þar heldur. Þeir sem nutu góðs af 110% leiðinni voru að fá miklu meiri og kannski ósanngjarna fyrirgreiðslu miðað við þá sem voru með ...
Gunnar

11. September 2014

SPURNING OG SVAR

 ... Varðandi auðkennismálin. Af hverju fór Íslykillinn í þróun hjá Advania án útboðs? Þetta Advania dekur hjá ríkinu er óskiljanlegt og því skil ég ekki málflutning þinn þegar þú bendir á að Auðkenni er í eigu bankanna og Símanns. Íslykillinn getur verið í eigu Þjóðskrár en í þróun hjá Advania án þess að eiga möguleika á að fara þaðan út. Hver er munurinn að versla við Advania eða Auðkenni? ....
Kv/Johannes

8. September 2014

SKILNINGI OFAR

...Flott grein hjá þér um leiðréttinguna og Auðkenni. Eftir því sem mér skilst, þá sóttu yfir 80 þúsund manns frá yfir 100 löndum um leiðréttingu. Gerum nú ráð fyrir því þó nokkur fjöldi fólks búsett erlendis eigi rétt á leiðréttingu. Það gerir það að verkum að allt þetta fólk þarf að gera sér sérstaka ferð til Íslands og verða sér út um rafræn skilríki. Veist þú hversu langur fresturinn til að staðfesta á að vera? Það er ofar mínum skilningi að ekki verði hægt að staðfesta með veflykli rsk alveg eins og hægt var að sækja um...
Smári

7. September 2014

VEISTU AĐ...?

Þú veist sennilega að fulltrúi fjámálráðuneytis hefur lengst af setið í stjórn Auðkennis og núvernadi framkvæmdastjóri Auðkennis var fulltrúi fjámálaráðuneytis í stjórninni. Landsbankinn hætti með auðkennislykilinn haustið 2012 og í kjölfarið þá hættu þessir fáu viðskiptavinir með "virk" rafræn skilríki að nota þau. Enginn netbanki býður upp á símainnskráningu með rafrænum skilríkjum. EKKERT er vottað hjá Auðkenni og skv. heimasíðu enginn ...
Kv.,
Grímur

7. September 2014

UM TAKMÖRK HEIMSKUNNAR

Sæll, fékk mér debitkort/rafrænt auðkenni fyrir ári. Hef aldrei haft not fyrir það. Flýði til Noregs til að vinna fyrir verðtryggða húsnæðisláninu og nú stefnir allt í að ég þurfi að fljúga til Íslands til að fá 6 stafa kóða sem ég er búinn að gleyma og get ekki fengið sendan heim til mín í Noregi. Á heimskan sér takmörk?
Björn Gunnarsson

31. Júlí 2014

SLÍTUM STJÓRNMÁLA-SAMSTARFI VIĐ BANDARÍKIN!

... Ef við slitum stjórnmálasamstarfi við Bandaríkin þá vissu það allir að mótmæli okkar væru í alvöru! Á sömu forsendum var það hárrétt að halda mótmælafundinn í dag við sendiráð Bandaríkjanna.  Nú þarf að sniðganga vörur frá Ísrael og sýna andúð okkar þannig í verki hvar sem við getum. Það má Össur eiga að það gerði hann og sem innanríkisráðherra mótmæltir þú þjóðarmorðinu opinberlega í ræðu á útifundi við bandaríska sendiráðið. Íhaldinu fannst náttúrlega rangt...
Jóhannes Gr. Jónsson 

14. Júlí 2014

HVER Á AĐ EIGA BANKANA?

... Mér finnst þessi umræða ekki hafa náð neinu flugi, og mér finnst að menn geri ekki nægilega miklar kröfur til jafnaðar í samfélaginu, menn yppta öxlum þegar bónusar og kaupaukar fara aftur í gang. Hver er þín skoðun, eiga bankarnir ekki að vera í ríkiseigu ...?
Gunnar

14. Júlí 2014

ÁTVR STĆRRA MÁL EN MARGAN GRUNAR

Góðir og rökfastir pistlar hjá þér um áfengismálið. Gæti ekki verið meira sammála. Þetta er stærra mál en margur heldur.
Hrafnkell Tumi Kolbeinsson

12. Júlí 2014

GETUR HUGSAĐ SÉR AĐ STYĐJA FISKALAND

Ég hef alla tíð haldið með Brasilíu í heimsmeistaraboltanum og alls ekki Þýskalandi. Öðru máli gegnir um Fiskaland! Ég held ég gæti vel hugsað mér að halda með Fiskalandi eins og Ögmundur Óskar Jónsson, sbr. það sem fram kom á þessari síðu.
Jóel A.

12. Júlí 2014

ÓSAMKVĆMNI HJÁ RÍKISSAKSÓKNARA

Það er svo sannarlega glapræði að ákæra starfsfólk heilbrigðisþjónustunar fyrir manndráp af gáleysi meðan sama embætti neitar að aðhafast þegar ráðherrar heimila blátt áfram fjöldamorð á saklausu fólki, sbr. kæru margra einstaklinga fyrr á árum á hendur Davíð Oddssynni og Halldóri Ásgrímssyni. Þeir sátu NATO-ráðsfundi í Washington 23. april 1999 þar sem ákveðið var að heimila herjum NATO að ráðast úr lofti á fjölmiðla í Serbíu. Sömu nóttina gerðu flugvélar NATO árás á sjónvarpsstöðina í Belgrad með þeim afleiðingum að 16 manns létu lífið. Ákvörðunin sem félagarnir samþykktu var heimild um að fremja morð á óbreyttum borgurum, á lagamáli stríðsglæpur. Ríkissaksóknari neitaði að aðhafast í málinu. Því miður hefur enginn alþingismaður enn ...
Elías Davíðsson

8. Júlí 2014

ŢRENGJA AĐ ALMANNARÝMINU ...

Hægrimenn hafa stundum hag af því að ríkisvaldið bregðist. Það sannar mikilvægi markaðslausna. Almennt aðgengi að þjónustu sem nýtur almanna-fjármögnunar er eitur í þeira beinum ... Heildarmyndin verður sú að það er settur upp gjaldtökubás við hvert fótmál. Þeir greiða sem njóta er þetta kallað. Því fleiri þættir mannlífsins sem eru arðsemisreiknaðir niður á fjölda eininga og einingaverð - því betra. Þannig er ástandið í ferðamálunum í dag ekkert frávik frá því sem hefur verið að gerast í samfélaginu öllu síðasta aldarfjórðunginn. Ríkið er  ...
Þröstur

8. Júlí 2014

NÁNAST ORĐLAUS !

... Með þessu er ríkisstjórnin að hygla vildarmanni sínum sem er einn furðulegasti fræðimaður á sviði óheftrar gróðahyggju á kostnað venjulegs folks....Kommúnisminn var á sínum tíma slæmur. Spurning er hvort hagfræði Hannesar og frjálshyggjunnar reynist ekki jafnvel enn verri þegar upp er staðið. Mikill er spillingaróþefurinn af þessari ákvörðun og mun lengi í minnum höfð meðan land byggist.
Guðjón Jensson

8. Júlí 2014

EKKI HĆKKA EFTIRLAUNAALDUR

Af hverju ætli aldrei sé rætt við neinn sem er á móti því að hækka eftirlaunaldur t.d á RUV eða öðrum miðlum.Okkur er sagt að þjóðin eldist svo hratt en það minnist enginn á peningana sem töpuðust í hruninu eða hve gjöld hafa hækkað í sjóðina. Því miður er fólk sem komið er nálægt eftirlaunaaldri ekki vinsælustu starfskraftarnir hjá atvinnurekendum . Ég tel það vera verulega kjaraskerðingu ef ...
Johannes T. Sigursveinsson

5. Júlí 2014

EIGUM NÓGA FREKJU FYRIR!

Þú segir Costco af hinu illa og viljir þessa verslunarkeðju ekki til Íslands. Er Costco nokkuð verri en aðrar keðjur? Sumir halda því fram að hún sé jafnvel skárri en margt annað. Alla vega ekki sú versta. Ég sé í kommentakerfi á netmiðlunum að ...
Guðmundur Jónsson

31. Maí 2014

TRÚMÁL EIGA EKKI AĐ VERA MÁL MÁLANNA

... Ég vil helst að trúarbrögðum sé haldið lágstemmdum, þau eiga ekki að vera mál málanna, kannski er það ástæðan fyrir því að ég sætti mig við að hafa þjóðkirkju. Þau sem tala harðast nú gegn mosku í Reykjavík eru að gera nákvæmlega það sem þau vara við: Þau eru að setja trúmál og trúarsöfnuði í öndvegi ...
Jóel A.  

29. Maí 2014

HÚSNĆĐIS - LAUSNIR OG MOSKUÖFGAR

Ég var að hlusta á Sprengisand þar sem fulltrúar framboðanna ræddu mosku, flugvöll, húsnæðisvandann  og ýmis önnur mál. Ég sannfærðist um að kjósa Dögun eftir þessar samræður.  Mér sýnist Dögun vera eina framboðið með raunhæfar lausnir fyrir okkur sem erum í vanda. Svo finnst  mér skipta máli að flugvöllurinn verði áfram í Vatnsmýrinni. Moskutal Framsóknar er ógeðfellt. Ef við værum að glíma við ....
Guðmundur Jónsson

29. Maí 2014

NÚ ER LJÓS Í MYRKRINU?

Já nú er kátt í kotinu
kísilverin rísa
Alcoa í auðmagns potinu
og methagnaði lýsa.
PH
               

18. Maí 2014

ÁN TAFAR

Ég fer fram á það að þið þingmenn og ríkisstjórn komi í gegn framlengingu án tafar á frestun á nauðungarsölum og framlengdum samþykkisfresti alveg einsog Hagsmunasamtök Heimilanna vilja.
K.v.
Jón Þ

14. Maí 2014

MISNOTKUN VERKFALLSRÉTTAR

Sú var tíðin að fátækt verkafólk tók sér verkfallsrétt. Það átti engu að tapa. Það var jafn illa sett á ofurlágu laununum eða hafa ekkert. Nú er svo komið að venjulegt launafólk, flest á fremur lágum launum vill ekki taka þátt lengur í verkföllum: Það á það á hættu að standa ekki í skilum og þátttaka í verkföllum reynist því dýrari leið að betri kjörum en að sætta sig við lágu launin áfram. Aftur á móti hafa hátekjumenn tekið verkfallsvopnið upp á sína arma til að knýja á stórhækkun tiltölulega hárra launa. Verkfallsþáttaka þeirra skiptir þá nánast engu þó svo að þeir verði af einhverjum tekjum nokkra daga. Hins vegar er heil atvinnugrein, ferðaþjónustan í heild, sem ...
Guðjón Jensson 

10. Maí 2014

HVERS KONAR BANKAKERFI?

Sæll Ögmundur takk fyrir gott svar síðast, það er kannski annað mál sem ég hef velt fyrir mér lengi, og mér finnst kannski mikilvægt að fá svar við. Það er mikið rætt um að kljúfa bankarekstur í fjárfestingarhluta og svo hefðbundin viðskiptabankahluta, er þetta leið sem við eigum að taka upp hér í ljósi atburða? Og loks af því að ég trúi á ríkisrekstur á ákveðnum sviðum, hvað er því til fyrirstöðu að hafa ríkisbanka á íslandi? Það gekk bara alveg ágætlega fram að einkavæðingu og jafnvel fram til 2002 þegar ríkið seldi frá sér sinn hlut.
Gunnar

10. Maí 2014

ALŢINGI VERĐUR AĐ REKA AF SÉR SLYĐRUORĐIĐ

Við höfum mátt hlusta á það árum saman á tyllidögum, í hrunskýrslum og stjórnarskrárumræðu að einn helsti veikleiki íslensks stjórnkerfis sé máttleysi þings gagnvart framkvæmdavaldi. Nú sýnir Alþingi áður óþekktan doða með því að afneita hlutverki sínu við að láta ráðherra standa skil á hvernig þeir fara með vald sitt - en láta lögreglustjóranum í Reykjavík það eftir. Leki trúnaðargagna kann að vera lögreglumál. Ráðherra svarar hinsvegar til ábyrgðar gagnvart Alþingi og á að svara til ábyrgðar á þeim vettvangi. Það getur varla verið ástæða aðgerðarleysis þingsins að bíða rannsóknar í óskyldu máli? Í þessu tilviki hefur ráðherra skýlaust neitað að hafa nokkra vitneskju um tilvist skjals sem hún hafði sannanlega fengið afhent ...
Finnbogi

9. Maí 2014

UM VERKFALL

...Þetta var gott framtak að stöðva græðgina við Geysi, að sjálfsögðu á íslenska þjóðin að eiga lokaorðið í gjaldheimtunni. Annan vinkill á þessari græðgi má finna í verkfallinu á flugvellinum. Er forsvaranlegt að fámennur hópur hálaunamanna geti tekið heila atvinnugrein í gíslingu? Það eru miklir þjóðarhagsmunir á ferðinni og vildi ég vita hver skoðun þín er, hvort að þjóðarhagsmunir vegi meir hér en hagsmunir fárra vel stæðra.
Gunnar

6. Maí 2014

LANDSBJÖRG GENGIN Í BJÖRG

Íslenska þjóðin virðist haldin masókisma á háu stigi. Hún lætur stela af sér eignum sínum einsog fiskinum í sjónum, sem nú er í einkaeign, hún lætur stela af sér náttúrunni sem nú er í einkaeign, hú lætur stela af sér námaréttindum og vatnsréttindum sem nú er í einkaeign og upptalningin getur verið lengri. Í löndunum í kringum okkur eru menn að berjast gegn njósnum um einkalíf fólks. Snowden er í útlegð í Rússlandi. Á Íslandi ætla björgunarfélög og skátar að safna lífsýna-upplýsingum um einstaklinga og afhenda einkafyrirtæki. Forstjórinn garanterar að...
Hreinn K

5. Maí 2014

SAMMÁLA SELFOSSRĆĐU

Ég er ánægður, Ögmundur, með þá nálgun að kjarasamningum sem þú lagðir til í ávarpi þínu á Selfossi 1. maí: „Ég er þeirrar skoðunar að í stað þess að krefjast hækkunar lægstu launa sé réttara að krefjast þess að innbyggt verði í alla samninga hvert skuli vera hlutfallið á milli hins lægsta og hins hæsta." Í því sambandi vil ég nefna þetta: Skv. Frjálsri verslun, 2. tbl. 2014, greiddu fyrirtækin í Kauphöllinni hátt í 10 milljarða króna í arð á sl. ári (bls. 22). Það eru 30.706 kr. á hvern Íbúa á Íslandi eða 126.936 kr. á hverja fjölskyldu. Meðallaun forstjóra þessara fyrirtækja voru 4,7 milljónir og höfðu hækkað um 7,2%. Laun ... Fyrir þrem árum var ég reyndar að spá í að kannski væri rétt að miða við að lágmarkstekjur væru um það bil 50% af tekjum framkvæmdastjóra Samtaka atvinnulífsins. Það hefði gert 882.500 kr. á mánuði. Sjá hér ...
Einar Ólafsson

3. Maí 2014

SAGĐIR VINIR

Hér  sígrátandi sjálftökulið
seilist  í náttúru landsins.
Með sýslumanninn sér við hlið
sagðir vinir  íhaldsins.
PH   

25. Apríl 2014

Á EKKI AĐ HLUSTA Á ŢETTA FÓLK?

Gott hjá þér að vekja máls á Grímsstaðamálinu að nýju. Ég hlustaði á upplestur þinn á nöfnum þeirra sem styðja að ríkið kaupi Grímsstaði á Fjöllum, sbr. slóðina sem þú gefur í pistli þínum hér á síðunni. Ég hvet fólk til að hlusta á þennan upplestur! Á virkilega ekki að hlusta á þetta fólk? Ég vil sjá alþingismenn taka afstöðu til þessa máls!!!
Sunna Sara 

20. Apríl 2014

FLUGVALLARLANDIĐ VERĐI TEKIĐ EIGNARNÁMI

Margir í borgarstjórn vilja ólmir að Reykjavíkurflugvöllurinn fari úr vatnsmýrinni, Reykjavíkurflugvöllurinn og staðsetning hans er ekkert einkamál Reykvikinga og heldur ekki borgarstjórnar, Ég vil beina því til þingmanna og ráðherra að ríkið taki landskika borgarinnar í Reykjavíkurflugvellinum eignarnámi þannið að borgarstjórn geti ekki einhliða flutt hann...
Jón Þ

15. Apríl 2014

NÁTTÚRUPERLUR VERĐI LÝSTAR ALMANNAEIGN

Ég er fylgjandi þeirri hugmynd að með lagasetningu verði allar helstu náttúruperlur landsins lýstar almannaeign undir eftirliti, vernd og umsjá opinberra aðila. Heimiluð verði gjaldtaka fyrir aðgengi að slíkum stöðum eftir því sem þurfa þykir vegna eðlilegs viðhalds á hverjum stað og þeirra framkvæmda sem nauðsynlegar eru vegna miðlunar upplýsinga og kynninga, aðgengis ferðamanna um viðkomandi svæði, salernisaðstöðu og þess háttar. Mér segir svo hugur um að ...
Sigvaldi Friðgeirsson

12. Apríl 2014

MEINAĐ AĐ LEGGJA FRAM KĆRU

... Ég hef því miður ekki átt kost á að slást í hópinn á laugardögum en átti leið á Geysi á föstudaginn var. Þá gerði ég tilraun til að komast að hvernum en var stöðvaður og krafinn um pening. Ég neitaði auðvitað að borga og þegar ég reyndi að ganga inn steig vörðurinn í veg fyrir mig til að meina mér inngöngu. Þá hringdi ég í lögregluna í Árnessýslu (kl. 12:59) og kærði þessa tilraun til fjárkúgunar. Eftir alllangt þóf féllst lögreglumaðurinn sem ég talaði við á að bóka nafn mitt og kennitölu og ... Gangi ykkur vel á morgun!
Friðrik Aspelund

10. Apríl 2014

GEYSIR HÁLF TVÖ Á LAUGARDAG EF EKKERT HEFUR BREYST

Sæll Ögmundur og kærar þakkir fyrir að beita þér í Geysismálinu. Ég setti upp atburð á facebook fyrir mótmælin næsta laugardag, 12. apríl, svo fólk geti skráð sig. Hvað er að frétta af lögbannskröfunni sem var tekin fyrir sl. fimmtudag? Og verður þú ekki þann 12. hjá Geysi? Fb atburðurinn er hér: https://www.facebook.com/profile.php?id=499041193470520
Kristín Elfa Guðnadóttir

9. Apríl 2014

AĐ SJÁLFSÖGĐU

Stefnum við ekki á Geysi á laugardag, half tvö ef ekkert hefur breyst? Svar óskast.
Sunna Sara

5. Apríl 2014

VERJUM ALMANNARÉTTINN!

Frábært framtak! Gullfoss og Geysir eru ekki neysluvara.
Jónas Knútsson

3. Apríl 2014

GEYSIR Á LAUGARDAG

Ég held að gjaldtakan við Geysi og tilburðirnir fyrir norðan um að selja inn á Dettifoss sé það yfirgengilegasta sem upp hefur komið á Íslandi í langan tíma og er þó af ýmsu að taka. Hvað er sýslumaðurinn á Selfossi að hugsa með því að neita lögbanni. Varla er hann að hugsa um flokkinn sinn, alla vega er hann þá ósammála Bjrna formanni sem var góður í þinginu eins og þú bendir á. Samt eru linkuleg viðbrögð ...
Jóhannes Gr. Jónsson

3. Apríl 2014

FLOTTUR KÁRI!

Ég tek undir með Sunnu Söru að tillaga Kára um umhverfisgleraugu með gjaldmælum er frábær og vel útfærð I lagafrumvarpi, sbr. grein þína http://ogmundur.is/annad/nr/7055/ !!
Jóel A.

2. Apríl 2014

KÁRI MEĐ LAUSNINA !

Ég verð að segja að mest brilljant framlag til umhverfisumræðunnar kemur frá Kára á síðunni þinni Ögmundur. Þarna er kominn raunhæf lausn á gjaldtökunni á nattúru Íslands. Nú bíðum við eftir því að gjaldtökuríkisstjórnin bregðist við og reyni að vera á undan samtíðinni inn í framtíðina og láti hanna sérstök umhverfisgleraugu með gjladmælum, sbr., http://ogmundur.is/annad/nr/7055/<
Sunna Sara

2. Apríl 2014

ÓGEĐFELLDUR MÁLFLUTNINGUR?

...Það er stundum sagt að öfga vinstri og öfga hægri mætist, það virðist vera tilfellið með þig Ögmundur. Þessi umræða minnir á þegar ultra frjálshyggjan tók höndum saman við ríkisvaldið um að hafa orkuréttin af landeigendum fyrir smánarpening. Þannig er öll hin margrómaða vatnsorka landsins ekki metin nema á örfáa miljarða, allur gróðinn skal í vasa framkvæmdaraðila. Þar tóku höndum saman öfgakapítalistar og ríkishyggjumenn á afar ógeðfeldan hátt. Sama er uppi á teningnum í ferðaþjónustunni. Flugfélögin, olíufélögin, veitingabransin,rútufyrirtækin,auglýsingastofurnar,ferðaþjónusturnar,leiðsögumennirnir, allir þessir skulu græða en að setja megi verðmiða á sjálf náttúruverðmætin er alveg bannað. Ekki einusinni til þess þó að reyna að koma í veg fyrir stórskemdir. Í raun skýtur þessi misheppnaða náttúruumræða þín sig í fótinn. Omar Ragnarsson og fleiri hafa ...
Bjarni Gunnlaugur

1. Apríl 2014

UM RÉTTINN TIL NÁTTÚRUNNAR

Styðjum baráttuna um réttinn að fá að skoða landið okkar. Ef kollvarpa á þeim sjálfsögðu og lögbundnu mannréttindum að mega fara óhindrað um óræktað land er illa komið fyrir okkur Íslendingum. Ef greiða á gjald fyrir aðkomu að landinu okkar mun það leiða til þess að hluti þjóðarinnar og af kynslóðum framtíðarinnar muni aldrei sjá náttúruperlur Íslands. Þessi sjálfsprottna tollheimta manna, sem allt virðast geta og mega, er forkastanleg og óskiljanlegt að hún fái að viðgangast. Þess vegna er barátta þín Ögmundur ómetanleg og ...
Pétur

30. Mars 2014

GENGUR EKKI LENGUR!

Kærar þakkir Ögmundur fyrir að ganga erinda almennings við Geysi, ekki gerir þessi dauða ríkisstjórn það og hafi hún skömm fyrir. Nú verður þjóðin að láta meira í sér heyra í sambandi við sjálftökukallana, þetta gengur ekki lengur.
Edda

30. Mars 2014

GJALDTAKA OG ÁBYRGĐ

Gott framtak hjá þér Ögmundur að mæta á Geysissvæðið og rukkaranir láta sig hverfa sem skjótast. Nú er að skjóta upp kollinum mikil græðgisvæðing. Menn taka sig til og telja sig hafa rétt á að setja upp gjald til að skoða náttúruauðlindir jafnvel þó þær séu í almanna eigu. Ein hlið á þessu er mjög einföld: Nú gæti einhver hrasað á gömlum og lúnum stígum og gæti sýnt fram á misfellur eða galla á ...
Guðjón Jensson

24. Mars 2014

ÓLEYFILEGAR SKOĐANIR?

Lofa þingmenn ekki að fylgja sannfæringu sinni? Ef þú styður Þorleif og Dögun í sveitarstjórnarkosningunum, er þá ekki heiðarlegt að ganga úr VG? Þú hefur aðeins eitt atkvæði eins og allir aðrir. Þetta gerðu félagar þínir Jón Bjarnason, Lilja Mósesdóttir, Hjörleifur Guttormsson o.fl. kjósendur fylgdu þeim að vísu ekki, varla ...
Pétur

11. Mars 2014

VIĐSKIPTARÁĐ REIKNI TJÓNIĐ SEM ŢAĐ HEFUR VALDIĐ ŢJÓĐINNI

Viðskiptaráð hættir aldrei að koma á óvart. Nú reiknar það út hvað gjaldeyrishöftin kosti íslenskt samfélag. En hvers vegna skyldu vera gjaldeyrishöft? Þau má leðia til hruns bankanna sem hér dönsuðu sinn Hrunadans í aðdraganda efnahagshrunsins. Alltaf undir leiðsögn Viðskiptaráðs sem aldrei skorti orð til að  réttlæta ruglið sama hversu mikið það varð. Ísland varð nærri gert gjaldþrota af bröskurum, innlendum og erlendum. Við hrunið lokuðust ...
Haffi

2. Mars 2014

PREDIKAĐ GEGN RÁNYRKJU

Í guðþjónustu nú fyrir hádegið á rás 1 var mjög merkileg prédikun séra Kristínar Þórunnar Tómasdóttur. Hún fjallaði um nauðsyn náttúruverndar og að bera virðingu fyrir náttúrunni. Í stað venjulegra blessunarorða í prédikunni bað hún guð allsherjar að varðveita og blessa náttúruna fyrir ágangi rányrkjunnar og skammsýnna sjónarmiða! Þetta er mjög óvenjulegt og þetta gerðist í kirkju eins höfuðvígis afturhaldsins á Íslandi...
Guðjón Jensson

23. Febrúar 2014

SKRÝTINN FRÉTTA-FLUTNINGUR

... Síðan kom á daginn að þessi fyrirtæki og önnur svipuð eru undanþegin gjaldeyrishöftum! Höftin væru bara svo slæm fyrir öll hin fyrirtækin! Er það svo? Hvaða fyrirtæki? Og hvað myndi henda þau fyrirtæki ef gjaldmiðillinn hryndi í útrás snjóhengjupeninga? Af hverju var rætt við þessa forstjóra um allt önnur fyrirtæki en þeirra og gefið til kynna að Marel og CCP væru sérstök fórnarlömb gjaldeyrishaftanna ...
Jóel A. 
 

22. Febrúar 2014

PLAN A HJÁ SA

Björgólfur Jóhannsson, formaður Samtaka Atvinnulífsins, segir í viðtali við RÚV að ef við ekki eigum kost á að ganga í Evrópusambandið og taka upp evru, séum við í vanda stödd því annar valkostur sé einfaldlega ekki fyrir hendi, ekkert plan B. En er það virkilega svo að það hafi verið plan A hjá íslenskum atvinnurekendum að ganga í ESB og taka upp evru þótt ætla megi, samkvæmt mælingum, að meirihluti þjóðarinnar sé því andvígur? Er þetta ekki álíka mikið dómgreindarleysi og að ætla að telja ...
Jóhannes Gr. Jónsson

13. Febrúar 2014

RÍKISSTJÓRN AFŢÖKKUĐ

Þetta fjandans lúmsksa lið
leikur sér með valdið
Framsókn alveg frá mér bið
og líka íhaldið.
H.P.

19. Janúar 2014

SPURT OG SVARAĐ

Er þetta það sem koma skal, gjaldtökur a ferðamannastöðum? Er þetta löglegt? Hverir eiga Geysi?.
Óli J. Kirstjánsson

16. Janúar 2014

STJÓRNMÁLA-BARÁTTA VERĐUR AĐ BYGGJA Á STÉTTABARÁTTU

Við yfirlestur á síðu Ögmundar, rakst ég á pistil Einars Ólafssonar um 1. maí. Þessar tillögur Bjartrar framtíðar um að færa 1. maí eithvað út í buskann, lýsir úrkynjun kratanna, (eða atkvæðageymslunnar þeirra, eins og sumir kalla þessa flkokksnefnu). Vg. verður að mínu viti að láta sig verkalýðsmál meira varða. Ekki láta Gylfa og stéttasamvinnufélaga hans úr Samfylkingunni ráða í þeim efnum. Mál eins og náttúruvernd, jafnrétti kynjanna, málefni hælisleytenda, baráttunni fyrir fullvalda Íslandi o.fl. verða Vg-félagar og sósíalistar að tengja betur stéttabaráttunni. Af hverju? Vegna þess að mál þessi tengjast stéttarbáráttu beint, en eru ekki sérmál eins og margir vilja vera láta. Náttúruvernd snýr að ...
Guðlaugur Gísli Bragason

12. Janúar 2014

MERKIMIĐA Á BJARNA OG ŢORSTEIN!

Ég er hjartanlega sammála Sunnu Söru hér á síðunni, að tillaga þín um kjaramerkimiðana er góð. Það er ömurlegt að heyra allt þetta hálaunafólk nánast blátt í framan reyna að sannfæra láglaunafólk að samþykkja yfir sig vesaldóm síðustu "samninga" sem eru ekkert annað en kröfugerð SA og síðan kröfur á ríki og sveitarfélög!.  
Jóel A. 

12. Janúar 2014

ÓTRÚLEGA EINFALT!

Það er ótrúlega einfalt að breyta þjóðfélagsumræðunni á Íslandi og reyndar hvar sem er. Ef farið yrði að tillögu þinni og merkimiði settur á öll þau sem til máls tækju um kjramálin þannig að við fengjum að vita hvað þau hefðu í laun þá myndu orð þeirra og boðskapur fá aðra merkingu og annað vægi. Ef sett væri á sjónvarpsskjáinn hverjar tekjur Bjarna Ben. fjármálaráðherra eru eða Þorteins, framkvæmdastjóra SA, þá myndi það hljóma hjákátlega þegar þeir hneyksluðust yfir frekju taxtalaunafólksins - ekki bara þeirra lægstu heldur miðlungstekjufólki líka.
RÚV og STÖÐ 2, upplýsingarnar á skjáinn þegar þetta fólk talar!.
Sunna Sara 


Bréf til síđunnarRSS Fréttaveita

Frá lesendum

18. September 2017

UM KOSNINGAR OG RÍKISSTJÓRN

 Ef valdið heim nú viljið þið,
verður nýtt að prófa.
Kosningu ef klúðrum við,
kætist flokkur bófa.
...
Kári

15. September 2017

LANDINN FRJÁLS

Loksins verður landinn frjáls,
losnar við Íhaldið.
Ber þá enga hespu um háls
og alþýðan fær valdið.
Pétur Hraunfjörð

6. September 2017

HEIMSVIĐSKIPTIN ŢRÓUĐ Í FINNAFIRĐI

Efla hefur þróað Finnafjarðarverkefnið. Það er kallað viðskiptaþróun. Hugmyndin er að olíuhreinsunarstöðin risastóra verði í Finnafirði. Þá er hægt að nýta höfnina bæði fyrir olíuskip og fyrir siglingar yfir Norðurpólinn þegar ísinn verður bráðnaður.
Ingibjörg Elsa Björnsdóttir

6. September 2017

ERUM Á LEĐINNI

Stærsta höfn á norðurhveli í Finnafirði og stærsti flugvöllur á norðurslóðum í Keflavik. Ætlum við að láta Björgólf hjá Icelandair, Skúla í Wow og bæjarstjórann í Langanesbyggð færa okkur inn í 21. öldina á sínum forsendum? Ég held við þurfum ekki fleiri stýrimenn til að komast fram af brúninni. Við virðumst vera á réttri leið til að komast þangað.
Haffi

6. September 2017

ENN UM MINNISVARĐA

Fróðelgt væri að fá fréttir af því hver urðu afdrif beiðni stríðsminjanefndar Bandaríkjanna um minnisvarða í Höfða um framlag BNA til freslsisbaráttu mannkyns á seinni hluta tuttugustu aldar, þar með talið Víetnam og Hiroshima. Sagt var að Reykjavíkurborg væri að skoða þessa málaleitan. Hver skyldi hafa orðið niðurstaðan?
Jóel A. 

30. Ágúst 2017

VERĐUR ŢETTA SVONA?

Pistill þin hér á heimasíðunni um fyrirhugaðan minnisvarða í Höfða er umhugsunarverður! Ég hafði svo sannarlega ekki hugsað þetta á þennan veg en er sammála því að það þurfi að gera. Það undarlega er hve lítil umfjöllun er um þetta! Verður þetta svona, hvernig væri að einhver fréttamiðill beindi þeirri spurningu til borgaryfirvalda?
Jóhannnes Gr. Jónsson

25. Ágúst 2017

GÓĐ KVEĐJA!

... I represent a collective (@NirAadCollectiv) opposing Indias draconian biometric ID program, called Aadhaar. I read with great interest the article http://www.katoikos.eu/interview/icelandic-minister-who-refused-cooperation-with-the-fbi-ogmundur-jonasson-in-an-interview.html ... and I was quite taken in with your viewpoints expressed with such clarity and preciseness. There are so many sentences that can be quoted in this interview. Since I was extremely impressed with this interview and since your ideas and thoughts resonated with our, I wanted to drop you a message of gratitude. In solidarity towards a more socially just world. PS: I hope this small letter reaches you :)
Nir Aadhaar Collective

17. Ágúst 2017

ĆRULAUSIR MENN

Hafa löngum kerfið kreist,
kraflað út á jaðar.
Upp ei verður æra reist,
sem engin er til staðar.
Kári

30. Júlí 2017

DÝR VERĐUR SOPINN

Það er rétt hjá þér að þegar við höfum tapað frá okkur neysluvatninu og það komið á einkahendur verður dýr vatnssopinn, jafnvel þótt við böðum okkur ekki úr einkavæddu flöskuvatni! En það verður líka dýrt að ferðast um Ísland og dýrara með hverri vikunni sem líður því sífellt fleiri stökkva upp á rukkunarvagninn. Ríkisstjórnin er hin ánægðasta með einkavæðingu náttúrunnar og almenningur andvaralaus ef þá ekki ...
Jóel A.

30. Júlí 2017

ÚTI AĐ VINNA!

Nú fangarnir frá Kvíabryggju
frjálsir um sveitina vinna
Vanti þig aðstoð þá hafðu í hyggju
að óþrifa verkum sinna.
...
Pétur Hraunfjörð



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

16. Maí 2017

Sigríđur Stefánsdóttir skrifar: ÉG FER Í STURTU A.M.K. EINU SINNI Á DAG OG NOTA HÁHRAĐA-TENGINGU ALLAN SÓLARHRINGINN

Þannig hef ég hugsað mér að hafa það svo lengi sem hægt er - með eða án aðstoðar.  Hve lengi er hægt er að halda þessari stöðu fer að sjálfsögðu eftir því hve miklu fjármagni er veitt til velferðarmála svo sem félagslegrar heimaþjónustu.  Það eru einkum tvær hugmyndir sem ég hef lengi staldrað við í sambandi við aðstoð við einstaklinga sem hafa þörf fyrir hana, þ.e. markmiðið að fólk skuli geta búið sem lengst á eigin heimili og að þjónustan skuli m.a. vera félagsleg.  Hvort tveggja er afar teygjanlegt, háð persónulegu mati, mannafla, launum og auðvitað fjármunum. Þurfi ég aðstoð við að komast í sturtu og geti fengið hana heima einu sinni í viku lít ég svo á að ég geti ekki búið heima - eða ættu ...

Slóđin mín:

Frá lesendum

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta