Beint á leiđarkerfi vefsins

Frá lesendum

18. September 2017

UM KOSNINGAR OG RÍKISSTJÓRN

 Ef valdið heim nú viljið þið,
verður nýtt að prófa.
Kosningu ef klúðrum við,
kætist flokkur bófa.
...
Kári

15. September 2017

LANDINN FRJÁLS

Loksins verður landinn frjáls,
losnar við Íhaldið.
Ber þá enga hespu um háls
og alþýðan fær valdið.
Pétur Hraunfjörð

6. September 2017

HEIMSVIĐSKIPTIN ŢRÓUĐ Í FINNAFIRĐI

Efla hefur þróað Finnafjarðarverkefnið. Það er kallað viðskiptaþróun. Hugmyndin er að olíuhreinsunarstöðin risastóra verði í Finnafirði. Þá er hægt að nýta höfnina bæði fyrir olíuskip og fyrir siglingar yfir Norðurpólinn þegar ísinn verður bráðnaður.
Ingibjörg Elsa Björnsdóttir

6. September 2017

ERUM Á LEĐINNI

Stærsta höfn á norðurhveli í Finnafirði og stærsti flugvöllur á norðurslóðum í Keflavik. Ætlum við að láta Björgólf hjá Icelandair, Skúla í Wow og bæjarstjórann í Langanesbyggð færa okkur inn í 21. öldina á sínum forsendum? Ég held við þurfum ekki fleiri stýrimenn til að komast fram af brúninni. Við virðumst vera á réttri leið til að komast þangað.
Haffi

6. September 2017

ENN UM MINNISVARĐA

Fróðelgt væri að fá fréttir af því hver urðu afdrif beiðni stríðsminjanefndar Bandaríkjanna um minnisvarða í Höfða um framlag BNA til freslsisbaráttu mannkyns á seinni hluta tuttugustu aldar, þar með talið Víetnam og Hiroshima. Sagt var að Reykjavíkurborg væri að skoða þessa málaleitan. Hver skyldi hafa orðið niðurstaðan?
Jóel A. 

30. Ágúst 2017

VERĐUR ŢETTA SVONA?

Pistill þin hér á heimasíðunni um fyrirhugaðan minnisvarða í Höfða er umhugsunarverður! Ég hafði svo sannarlega ekki hugsað þetta á þennan veg en er sammála því að það þurfi að gera. Það undarlega er hve lítil umfjöllun er um þetta! Verður þetta svona, hvernig væri að einhver fréttamiðill beindi þeirri spurningu til borgaryfirvalda?
Jóhannnes Gr. Jónsson

25. Ágúst 2017

GÓĐ KVEĐJA!

... I represent a collective (@NirAadCollectiv) opposing Indias draconian biometric ID program, called Aadhaar. I read with great interest the article http://www.katoikos.eu/interview/icelandic-minister-who-refused-cooperation-with-the-fbi-ogmundur-jonasson-in-an-interview.html ... and I was quite taken in with your viewpoints expressed with such clarity and preciseness. There are so many sentences that can be quoted in this interview. Since I was extremely impressed with this interview and since your ideas and thoughts resonated with our, I wanted to drop you a message of gratitude. In solidarity towards a more socially just world. PS: I hope this small letter reaches you :)
Nir Aadhaar Collective

17. Ágúst 2017

ĆRULAUSIR MENN

Hafa löngum kerfið kreist,
kraflað út á jaðar.
Upp ei verður æra reist,
sem engin er til staðar.
Kári

30. Júlí 2017

DÝR VERĐUR SOPINN

Það er rétt hjá þér að þegar við höfum tapað frá okkur neysluvatninu og það komið á einkahendur verður dýr vatnssopinn, jafnvel þótt við böðum okkur ekki úr einkavæddu flöskuvatni! En það verður líka dýrt að ferðast um Ísland og dýrara með hverri vikunni sem líður því sífellt fleiri stökkva upp á rukkunarvagninn. Ríkisstjórnin er hin ánægðasta með einkavæðingu náttúrunnar og almenningur andvaralaus ef þá ekki ...
Jóel A.

30. Júlí 2017

ÚTI AĐ VINNA!

Nú fangarnir frá Kvíabryggju
frjálsir um sveitina vinna
Vanti þig aðstoð þá hafðu í hyggju
að óþrifa verkum sinna.
...
Pétur Hraunfjörð

3. Júlí 2017

ŢAĐ SEM TEKJUSKATTS-SKRÁRNAR SEGJA OG SEGJA EKKI

Ég fagna því að tekjuskattsskráin skuli vera birt opinberlega. Hún gefur innsýn í tekjuskiptinguna þrátt fyrir alla fyrirvara sem gera þarf. Furðu margir þykir mér vera með vel rúma milljón á mánuði og eiga því helmingi auðveldari lífsbaráttu en þeir sem eru með þriðjunginn af því. Svo eru hinir sem eru með fleiri milljónir á mánuði. Skyldu þeir skilja hlutskipti hinna tekjulágu? Skondið er að sjá talsmenn samtaka launafólks með hálfa aðra milljón á mánuði, sama fólkið og hefur að undanförnu bísnast yfir þeim sem nálgast þá í tekjum og segja að hækkanir til þeirra hafi sett kjarasamninga úr jafnvægi! Vottar ekki fyrir sjálfsgagnrýni hjá þessu fólki? Síðan er athyglisvert að sjá fólk eins og þingmenn og jafnvel ráðherra nánast ...
Jóhannes Gr. Jónsson

3. Júlí 2017

EI VELTA FYRIR SÉR FRĆĐUNUM

Þar gæinn í gulu fötunum
er talin algjört oy
Ei veltir fyrir sér fræðunum
frekar en Benni boy.
Pétur Hraunfjörð

27. Júní 2017

UNDARLEG KJARARÁĐS-ÁKVÖRĐUN

Sæll Ögmundur! Hvað hefurðu að segja um síðasta útspil Kjararáðs? Bíð eftir því. Man aldrei eftir því að almúginn fengi kauphækkun afturvirkt og var þó lengi úti á vinnumarkaðnum. Væri ekki ráðlegt að áðurnefnt "ráð"sæi bara um samninga til alls launafólks í landinu hér eftir, svo og eitthverja lús til aldraðra og öryrkja. ? Þau yrðu fljót að hespa það af ... 
Edda

26. Júní 2017

... OG BOTNAĐ

Bjarni gamli gránar hratt,
gefur vel á dallinn.
Talnafrændinn tekur skatt,
tíuþúsund kallinn.
Kári

25. Júní 2017

EF FRĆNDI TEKUR ŢÚSUND KALLINN

Bjarni gamli gránar hratt
gefur vel á dallinn
Fáa hefur frændinn glatt
fari tíuþúsund kallinn.
Pétur Hraunfjörð

14. Júní 2017

MAY OG ELLIGLAPA-SKATTUR

Kepptist við það konugrey,
Corbyn hrynda af stalli.
Elliglöpin urðu May,
algerlega að falli.
Kári

11. Júní 2017

AĐ STIMPLA SIG INN Í STRÍĐSÁTÖK

Ég er þér sammála um vopnaburð lögreglunnar, að forðast beri í lengstu lög að vígbúa löggæslumenn okkar með þessum hætti. Þá er ég ekki síður sammála þér um að verið er að "stimpla okkur inn " í stríð með þessum aðgerðum. Finnst okkur það orðið skiljanlegt og eðlilegt að á okkur verði ráðist? Hvenær fer fólk að skilja að hruyðjuverk í Evrópu eru stríðsátök og að Evrópuríkin sem verða fyrir hryðjuverkaárásum standa sjálf fyrir árásum á aðra eins og þú bendir á!!! Hvernig væri að menn fari að kveikja á þessu?
Jóel A.

11. Júní 2017

MEĐ ALVĆPNI Á TORGUM

Með alvæpni á öllum torgum
athyglissýkin var sterk
Eins og í erlendum borgum
ef upp koma hryðjuverk.
Pétur Hraunfjörð

5. Júní 2017

UM FUNDINN Í IĐNÓ: ŢESSU ŢARF AĐ HALDA LIFANDI!

Ég var hugfanginn á þessum fundi og fékk tærari sýn á hversu frelsisskerðing konunnar er undirrót allrar kúgunar og undirstaða valdastrúktúrs feðraveldisins eða svo ég vitni í Abdullah Öclan „A country can't be free unless the women are free ... Þetta eru kannski ekki ný sannindi og að Marx og Engels hafi á sínum tíma rakið uppbyggingu og þróun kapitalismans en þessu þarf að halda lifandi í takti við nýja tíma og framsetning Havin Guneser var uppljómun fyrir mér. Takk Ögmundur, Ebru Gunay og Havin Guneser fyrir frábæran fund ...
Anna

3. Júní 2017

FRÁBĆR FUNDUR!

Ögmundur Jónasson á miklar þakkir skildar fyrir frábæran fund í dag um framtíð Kúrda. Framsögukonurnar tvær, Ebru Günay og Havin Guneser, töluðu mjög skilmerkilega fyrir sósíalisma, lýðræði og kvenréttindum auk þess sem þær sögðu frá blóðugum ofsóknum tyrkneska ríkisins gagnvart Kúrdum og leiðtoga PKK, Abdullah Öcalan, sem hefur verið fangelsaður í einangrun síðan árið 1999. Eitt af því áhugaverðasta við frelsishreyfingu Kúrda, eins og Havin Guneser lýsti henni, er hvernig hún hefur sagt skilið við baráttuna fyrir hefðbundnu þjóðríki og tekið upp nýja áherslu á beint lýðræði ...
Viðar Þorsteinsson

3. Júní 2017

30 DAGA FANGELSI VEGNA SAMLOKU

Sífellt málin brjóta blað,
brött er dóma gnípa.
Sakavottorð sýnir það,
samloku að grípa.
Kári

2. Júní 2017

HANDSTÝRĐ NIĐURSTAĐA

Dómsmála-stýran stendur keik
stórhuga en pen
Enn handstýrði þó ljótum leik
lævís Andersen.
Pétur Hraunfjörð

31. Maí 2017

MĆLT MEĐ FUNDI!

Ég fagna því að fá fundinn á laugardag um framtíð Kúrda. Ég verð því miður fjarri góðu gamni því ég verð erlendis. Ég hef hins vegar lagt mig eftir því að fylgjast með mannréttindabaráttu Kúrda og þeir eiga allan minn stuðning. Annan fyrirlesarann, Havin Guneser, þekki ég af afspurn en hún hefur þýtt höfuðrit Öcalans, helsta talsmanns Kúrda. Allur heimurinn þarf að kynna sér pólitíska aðkomu hans að lausn deilumála en hún er lýðræðislegri en almennt gerist!
Jóel A.

30. Maí 2017

ELDHÚSDAGUR

Stigalausa stjörnufjöld,
stéttin gæfu rúna.
Brynjar átti besta kvöld,
bravó segi núna.
Kári

30. Maí 2017

EKKI REIĐ HELDUR LEIĐ

Air Iceland Connect segjast þau nú heita sem áður hétur Flugfélag Íslands! Mikið er þetta leiðinlegt. Félag sem manni hefur þótt vænt um eða alla vega langað til að þykja vænt um, hrindir manni frá sér með þessum hætti og segist vera að gera þetta til að "tengja" betur! Aumingja fólkið! Ég get varla sagt að ég sé reið, miklu frekar leið yfir því stjórnendur þessa félags, sem nánast heyrir til grunnstoðanna, skuli ekki sjá sóma sinn í því að reyna að passa upp á íslenskuna, því eins og þú bendir þá eru þau að reyna það hjá Samtökum atvinnulífsins.
Sunna Sara

30. Maí 2017

EFTIRPARTÝ

Ömurlegu Íhalds dirrin díi
duglega Kata benti á
Og eintómu bulli í eftirpartýi
Engeyingar sögðu frá.
Pétur Hraunfjörð

26. Maí 2017

ALLIR AĐ GRĆĐA!

Ósköp er dapurlegt að fylgjast með Costco auglýsingabrellunni og hvernig landinn bregst alltaf eins við, beðið í röðum og fjölmiðlarnir síðan með beinar útsendingar og forsíðufréttir! Allt ókeypis fyrir verslunarkeðjuna.
Ég var að vonast til að vera í útlöndum eða á heiðum uppi til að forðast að þurfa verða vitni af niðurlægingu íslensku hópsálarinnar. Myndir voru birtar af ...
Jóel A.

26. Maí 2017

ÚTVATNAĐUR HAUS

Flugfélag Íslands fékk nýtt heiti
fáránlegt sýnist að mest öllu leyti
úr Íslensku máli
nú í ensku prjáli
Æ voru þeir með hausinn í bleyti.
Pétur Hraunfjörð

22. Maí 2017

BRASKARAR OLLU HRUNINU

Ætt´að láta eitthvað kjurt,
eftir stóra hnjaskið.
Leifsstöð vilja læða burt,
leggja undir braskið.
Kári

21. Maí 2017

ENGINN VANDI AĐ STELA ÍSLANDI

Ég las grein þína um landsöluna og vesaldóm ríkisstjórnarinnar í landsölumálum og hlustaði á ykkur Brynjar á Bylgjunni. Ég er sammála þér í hverju orði og fannst mér ég heyra á Brynjari að þetta væri farið að trufla pólitíska smavisku hans. En hvernig væri að þingið og ríkisstjórnin gerðu eitthvað í málinu? Á virkilega að láta auðkýfinga taka landið undan okkur? Það er nefnilega enginn vandi að stela Íslandi!
Jóhannes Gr. Jónsson

21. Maí 2017

KRJÚPIR ŢÚ AĐ TÁNUM

Kyssa vöndinn kallast það
krjúpir þú að tánum
Gárungar margir gera það
fylgir gróðahyggju-bjánum.
Pétur Hraunfjörð

20. Maí 2017

ÉG ER EKKI ÉG, ÉG ER ANNAR

Einhver var ég annar fyrr,
oft þá tókst að sanka.
Um mig hefur staðið styrr,
stal þó aðeins banka.
Kári

18. Maí 2017

LEIKRITS-UPPKASTIĐ LOKSINS FANN

Nú Ólafur segir sannleikann
er setið hefur í dankanum
Því leikritsuppkastið loksins fann
er leiddi til kaupa á bankanum.
...
Höf.
Pétur Hraunfjörð

13. Maí 2017

KERFINU TIL MÁLSBÓTA

Eitt verður að segjast kerfinu til málsbóta. Þegar einstaklingur í heimahúsi er orðinn verulega veikur fær hann alla þá bestu þjónustu sem hugsast getur. Heimsóknir jafnvel oft á dag og yfirsetu. Þessu má ekki gleyma í annars mjög þarfri umræðu um aðstoð við aldrað fólk í heimahúsum.
Sunna Sara

13. Maí 2017

LOKSINS!

Loksins er farið að afhjúpa eina mestu blekkingu síðari tíma. Okkur hefur verið talin trú um að verið sé að stíga risastór framfaraspor í þágu aldraðra með kerfisbreytingunni, allir heima. Svo kemur á daginn að þetta er engin lausn heldur syndaaflausn einsog þú orðar það svo ágætlega í gein þinni Ögmundur, því heima er fólkið skilið eftir bjargarlaust.
Jóel A.

10. Maí 2017

MINNA ÁLAG - MEIRI UMÖNNUN OG MEIRI ÁNĆGJA!

Ég er búin að bíða lengi eftir þessum fundi um heima-aðhlynningu aldraðra, uppáhaldsumræðuefni stórnmálamanna fyrir kosningar  en gleymdasta málefninu eftir kosningar. Ég tek undir með Sigríði E. hér á síðunni að þessi þjónusta er mjög góð hjá borginni svo langt sem hún nær en að hún verði að ná miklu lengra. Það þarf að fjölga verulega í því góða starfsliði sem sinnir þessari þjónustu. Það þarf að borga vel fyrir þessa vinnu en ekkert síður þarf að draga úr álgainu sem þessu starfi fylgir og það verður aðeins gert með fleira fólki. Með þessi móti yrðu ...
Sunna Sara

10. Maí 2017

VERĐUGT UMRĆĐUEFNI

Það er virkilega verðugt umræðuefni á Iðnófundinum á laugardag, nefnilega umönnun aldraðra í heimahúsum. Fólkið sem sinnir þessu starfi er afburðagott en álagið á því er alltof mikið. Það þarf að stórefla þessa þjónustu sem þó er góð eins langt og hún nær - hún nær bara ekki nógu langt!
Ég kemst því miður ekki á fundinn því ég verð utanbæjar eins og það heitir á máli okkar höfuðborgarbúa. En ég óska ykkur góðs gengis með fundinn sem ég vona að verði fjölsóttur og málefninu til framdráttar.
Sigríður E.

2. Maí 2017

UM SKATTAMÁL Í TILEFNI AF 1. MAÍ

Mig langar oft til að koma á framfæri hugsunum mínum, en geri það sjaldnast. Langar samt að koma þessu einhverstaðar sem ég held að einhver geri eitthvað. Svona á degi verkalýðsins, er allt í lagi að velta upp því jafnrétti sem ríkir í skattamálum þjóðfélagshópa. Allir sem þiggja laun, greiða af þeim launum skatt. Núna eru skattprósenturnar tvær, og fara eftir tekjum viðkomandi. Af tekjum frá 0 kr. að 834.707 kr. eru greiddur 36.94% skattur. Af tekjum umfram 834.707 krónum er greiddur 46.24% skattur. Persónuafsláttur er 52.907, sem þýðir að fyrstu 143.224 krónurnar eru skattfrjálsar. Svo eru til þeir sem hafa að ...
Kjartan

2. Maí 2017

SAMMÁLA!

Verslanir sem gorta af því að selja vörur á lágu verði og segjast þannig vera að hjálpa verkalýðnum, svipta þetta sama fólk síðan réttinum til frísins á hátíðisdegi verkalýðsins 1. maí. Þetta þykir mér tvískinnungur og vesælt í ofanálag. Hvað finnst þér Ögmundur? ...
Haffi

2. Maí 2017

Á HVORUM FUNDINUM VARST ŢÚ?

Á hvorum útifundinum varst þú Ögmundur, á Ingólfstorgi eða Austurvelli? ...
Jóel A.

2. Maí 2017

HVENĆR KEMUR SAGA BSRB?

Það er rétt hjá þér að það er gott framtak að fá sögu SFR á þrykk en þarf ekki að skrifa sögu BSRB líka? Þar er merkileg saga að baki og ekkert síður til þess fallin að kenna við „baráttu og sigra" en saga SFR. Hver er þín skoðun? ...
Jóhannes Gr. Jónsson

13. Apríl 2017

MINNIĐ OG ERFĐILEIKA-KAĐALLINN

Ólafur óskar eftir fundi
um Búnaðarbanka slag
því allt í einu eitthvað mundi
er minnið komið í lag?

Nú framtíð okkar fara með
frændurnir Bjarni og Bensi
...
Pétur Hraunfjörð

10. Apríl 2017

STÖRF AUGLÝST HJÁ SAMSKIPUM

...
Þeir auglýstu þarna störf
eftir fólki með gott orð
Hjá Samskip er söguleg þörf
fyrir sakarvottorð.
Pétur Hraunfjörð

9. Apríl 2017

HÁDEGISFUNDUR Á HÓTEL KEA

Ræddu mál af miklum hita
já meiriháttar fundur
Þarna var eins og allir vita
einmitt sjálfur Ögmundur.
Pétur Hraunfjörð

8. Apríl 2017

VILL AĐ REYKJAVÍKUR-BORG SVARI

Ég las grein þína um Iðnó og að borgin væri að fá nýjum rekstraraðilum húsið í hendur. Ég er leiklistarkona í efri aldursflokki og hef sitgið inn fyrir dyr í Iðnó fyrr og þá á sviðið, og síðar sem áhugamanneskja. Alltaf hefur Iðnó tekið vel á móti mér og í seinni tíð þakka ég það Margréti núverandi rekstraraðila. Þurfa fulltrúar okkar í stjórn Reykjavíkurborgar (sem ég jú kaus í síðustu kosningum) ekki að ...
Leikkona á besta aldri

8. Apríl 2017

MINNIĐ FARIĐ

Nú lygin mær frá Lómatjörn
hér leggst í undarlega vörn
gamla skarið
minnið farið
Alzheimers nú tekur törn.
Pétur Hraunfjörð

8. Apríl 2017

MNNISLEYSI VALGERĐAR

Minnið virðist Valgerðar,
vera oft með glöppum.
Tilfinningar tákngerðar,
í tímans dansi kröppum.
Kári

8. Apríl 2017

NÚ RĆĐUR KYLFA

Nú ræður kjaftur og kylfa
og kúvendum öllu þar
Reynum Ragnar í stað Gylfa
og rekum gamalt skar.
Okkur leiðist þar lyga rausið
sem launþegaforingjar tjá
Velgjörðar væntingum er ausið
en vanefndir allir sjá.
Pétur Hraunfjörð

7. Apríl 2017

Á BÓLAKAFI

Á bólakafi í blekkingum,
borgarstjórnin nú.
Hótel sér í hyllingum,
heillar mammonstrú.
Kári

4. Apríl 2017

HAFA LANDIĐ LEIKIĐ GRÁTT

Nú er vargöld valdamanna
verjumst öll í takt
Sjálfstæðismenn dæmin sanna
ei sofum á okkar vakt
Þeir hafa leikið landið grátt
lygin var ómæld ausin
Eignuðust allt smátt og smátt
og settu landið á hausinn.
Pétur Hraunfjörð

4. Apríl 2017

ŢAĐ HEFUR ŢÓ BREYST!

Sæll Ögmundur og þakka þér fyrir hnitmiðaða greiningu á kaupbraskinu í tengslum við Arion banka. Þessi skrif minna mig á öflug skrif þín I tengslum við einkavæðingu bankanna fyrir fimmtán til tuttugu árum. Þá vildu fáir hlusta og þú jafnvel úthrópaður. Það hefur þó breyst!
Jóhannes Gr. Jónsson 

3. Apríl 2017

UNDIR ÍHALDSÖFLUNUM

Sálin gengur af göflunum
og getur lítið annað
því undir Íhalds öflunum
er ofbeldið sannað.

Við þekkjum vesalinginn þann
er vill í okkur ljúga
Og sýnir falskan sannleikann
sem allir eiga að trúa.
....
Pétur Hraunfjörð

31. Mars 2017

LÖMUĐ ŢJÓĐ EĐA LÖT!

Hvort skyldi vera að Íslendingar séu latir og værukærir eða að þjóðfélagið sé orðið lamað eftir kaghýðingu undangenginna ára? Þjóðin horfiur sljóum augum á hrægammasjóði kaupa bankakerfið af sjálfum sér  á meðan þjóðin tekur bakföll yfir 15 ára gömlum blekkingarleik sem allir vissu út á hvað gekk - alla vega í grófum dráttum. Auðvitað var gott að fá þetta fram en meiri áhuga hef ég á því sem er að gerast núna. Og nú er byrjað að rukka fólk fyrir að ganga á fjöll !!! Sé ég ekki marga andæfa þessu nema þig eins og fyrri daginn. Samt heyrir maður að allir, ALLIR, eru þessu andvígir. Ríkisstjórn og ráðherra ferðamála ganga ...
Jóel A.

30. Mars 2017

FALS OG FLÉTTUR

Ess-hópurinn og Eglan þín
eignuðust Búnaðarbanka
Gegnum fals og fléttur skín
í fólk með rotna þanka.
Pétur Hraunfjörð

27. Mars 2017

VINARKVEĐJA

Þú ert alveg einstakur 
og eftirlætis vinur
Líka sagður sérstakur
sama hvað á dynur.
Pétur Hraunfjörð   

25. Mars 2017

TALSMENN BARNA?

Í Morgunblaðsgrein þinni um áfengisfrumvarpið segir þú: "Á fundinum var vísað til þess að stjórnmálaflokkar á Alþingi hafi tilnefnt sérstaklega einn þingmann hver, ásamt varamanni, til að gerast sérstakir talsmenn barna ... Ég hef þá sögu að segja að Bakkus eyðlagði æsku mina og vil þess vegna vita hvort einhverjir þingmenn eru að skreyta sig með sérstakri nafngift sem talsmenn barna, ef á daginn kemur að þeir ganga síðan gegn því sem foreldrasamtök sem vilja vernda börn óska eftir ...
Einn þurr allt lífið

21. Mars 2017

HLIĐHOLLUR HRĆGÖMMUM

Dauðans gildru duttum í
og dálitla þanka
Hrægammar nú herja á ný
með hliðhollum banka.

Sigga og Hreiðar sjáum á ný
með sjálfan Óla blanka
En vogunarsjóðir með vinum í
versluðu Arionbanka.
Pétur Hraunfjörð

19. Mars 2017

KREPPA Á ALLA KANTA

Gengisfelling brátt greiðir för
gróða spekúlanta
Yfirleitt fljótt svo verðum vör
við kreppu á alla kanta.
Pétur Hraunfjörð

17. Mars 2017

HLÁTUR Í SJÓNVARPSSAL: SNEMMBÚIĐ BERGMÁL LIĐINNAR TÍĐAR

Ég var að horfa á aulaumfjöllun um áfengisfumvarpið í þætti Gísla Marteins í Sjónvarpinu. Gríðarlega fyndið, enda mikið hlegið þegar reynt var að gera andstöðu við að færa verslunarkeðjunum áfengisverslunina hallærislega.
Ekkert undarlegt með tvo pólitíska stuðningsmenn stórmarkaðanna í þættinum, Illuga Gunnarsson, fyrrverandi þingmann Sjálfstæðisflokksins og Gísla Martein, þáttastjórnandann sjálfan, sem er fyrrverandi borgarfulltrúi Sjálfstæðisflokksins og fylgismaður alls þessa væntanlega og greinilega. Víkingur Ólafsson, píanósnillingur var yfirvegaði maðurinn ...
Sunna Sara 

17. Mars 2017

ŢÚ ŢARFT AĐ HJÁLPA TIL ARI!

Líst vel á hádegisfundinn í Iðnó á morgun um brennivísmálin. Þú þyrftir hins vegar að auglýsa hann betur. Ég sé ekkert um hann nema á netinu. Ættir að smella inn nokkrum auglýsingum! ...
Ari  

15. Mars 2017

ENGIN SAMKENND ŢAR

Vaxta-lækkun líst mér á
hjá lygnum Engeyingum
Ef loforð þetta marka má
mörgum bjöllum hringjum.

Hér Engeyinga ekta lið
ergir okkur hina
Lygi og falsið frá mér bið
og finn ekki til vina.
Pétur Hraunfjörð

13. Mars 2017

SUS VILL AĐ RUKKAĐ VERĐI AF LÍFI OG SÁL

Það er hárrétt hjá Sunnu Söru hér í lesendadálkinum að Íhladið gefur sig stundum út fyrir að vera á móti sköttum. En ég veit ekki betur en að það vilji gjaldtöku fyrir þjónustu: "Þau njóta sem nota", heitir það víst. Jóel A. segir einmitt, einnig hér á lesendasíðunni, að þetta sé SUS stefnan sem ungliðinn í ríkisstjórn, ferðamálaráðherrann, reki ...  
Haffi

13. Mars 2017

GRÁTURINN EFLIR VEGTOLLA-JÓN

Grátkórar nú gefa tóninn
og ráðherranum spark
það virðist víst efla Jóninn
í vegatolla hark.
Pétur Hraunfjörð

10. Mars 2017

FRAMLAG SUS Í RÍKISSTJÓRN: EINKAVĆĐING OG GJALDTAKA?

Skil ég það rétt að það eina sem nýi ferðamálaráðherrann, frá ungliðadeild Sjálfstæðisflokksins, hafi fram að færa sé gjaldtaka og einkavæðing? Ég sem hélt að ráðherrum væri ætlað að standa vörð um almenning og verja okkur ásælni gróðaafla. Er það misskilningur? Lítur ríkisstjórnin á það sem hlutverk sitt að framfylgja stefnu SUS?
Jóel A.

7. Mars 2017

VILJA AFHENDA OKKUR VINUM SÍNUM

Er meiningin að láta Íhaldið komast upp með að stunda skattheimtu úti á vegum landsins? Þykist þetta fólk ekki vera á móti sköttum og gjaldtöku en er svo verst sjálft? Og það sem verra er, þau vilja helst afhenda okkur vinum sínum sem fái vegaspotta hver til að maka krókinn á.
Ekki beint geðslegt!
Sunna Sara

7. Mars 2017

VAĐLAHEIĐAR-TVÍSKINNUNGUR VG

Jón Gunnarsson komst vel frá umræðu um samgönguáætlun í Kastljósi og er ég honum sammála um að láta skoða veggjöld. Annað er bara rugl. Síðan eiga fjölmiðlar að gagnrýna Alþingi fremur en Jón Gunnarsson fyrir ófjármagnaða samgönguáætlun. Þingmenn samþykkja allt sem þeir telja falla í kramið umhugsunarlaust og gagnrýna svo ábyrgðarlaust að það skuli ekki vera gert án þess að þeir þó sjái fyrir fjármögnun. Síðan er öskrað út af veggjöldum, þú dregur nú ekki af þér í því Ögmundur. En verstur er tvískinnungur VG varðandi samgönguáætlun. Þar sparar VG ekki stóru orðin. Eru menn búnir að gleyma ...
Ásdís

5. Mars 2017

GAMAN AĐ KYNNAST LISTSKÖPUN

... Gott er að vekja athygli á starfi listakvennanna góðu á Korpúlfsstöðum og hve gaman er að heimsækja þær í vinnustofur þeirra.Tilvalið afa- og ömmuverkefni um helgar! Skemmtilegt og fróðelgt fyrir alla, unga sem aldna að kynnast listsköpun. Annars má heita ótrúlegt hve fátt er á boðstólum fyrir fjölskylduna. Þegar búið er að fara hundrað sinnum í Húsdýragarðinn, þá er bara IKEA eftir því mér skilst að bannað sé að gefa öndunum á Tjörninni.
Í afþreyingu fyrir fjölskylduna hefði ég haldið að væru mikilr ónýttir möglueikar því eftirspurnin er ótvíræð. Þannig að ég auglýsi eftir framboði. Að vísu má ekki gleyma því að margir krakkar sækja ... 
Sunna Sara

4. Mars 2017

BURT MEĐ BJARTA (OG) BENSA

Nú hef ég þunga þanka
það er nokkuð víst
Því þarna í Íslandsbanka
Allt um bónus snýst.

Ekkert líst mér lætin á
líklega megum kreppu sjá
dansinn dunar
svo um munar
Íhaldið ætti að fara frá.
.....
Pétur Hraunfjörð

27. Febrúar 2017

UM KÁRA OG EINAR

Takk Kári fyrir frábæran pistil um áfengsmálin hér á síðunni í dálki Frjálsra penna. Ef frjálshyggjan vill vera sjálfri sér samkvæm þá er bensínstöðvarhugmynd þín prýðileg. Ég ræð af skrifum þínum að Einar Kárason, rithöfundur, geti varla verið sonur þinn. Alla vega hefði þér þá tekist illa upp í uppeldinu. Eins og Einar skrifar vel, þá er undarlegt að hann skuli gera það að hugsjón sinni að hjálpa versluninni í þessu lágkúrulega baráttumáli máli hennar, í stað þess að standa með samfélaginu. Hélt ég að listamenn stæðu með okkur en ekki með peningavaldinu. 
Haffi 

26. Febrúar 2017

ŢUNNA ÍHALDIĐ

Á þingi nú hefur hátt
Engeyjar valdið
þar fáir virðast vera í sátt
við útþynnt Íhaldið.
Pétur Hraunfjörð

24. Febrúar 2017

ŢURFUM AĐ VÍGBÚAST MEĐ ŢEKKINGU!

Þakkarvert framtak að efna til umræðu um smitsjúkdóma sem gætu borist með innflutningi ferskra matvæla. Núverandi ríkisstjórn virðist nokk sama um hætturnar þessu samfara. Við svo búið þarf almenningur að beita þrýstiafli sínu. Menn þurfa að vígbúast með þekkingu.
Jóel A.

18. Febrúar 2017

ORĐ Í TÍMA TÖLUĐ

Ég vona að forsvarsmenn lífeyrissjóða og verkalðyshreyfingar lesi vel og vandlega grein þína um húsnæðismálin: "Það er alltaf eigandi" og taki hana til sín! Orð í tíma töluð.
Jóhannes Gr. Jónsson

18. Febrúar 2017

ANGIST PÉTURS

Lífsins angist leiðir Pétur
 ljótt er ástandið
Trump nú allt á endann setur
eins og Íhaldið.
Pétur Hraunfjörð

12. Febrúar 2017

UM DRAUMFARIR JÓNS OG KOMANDI FRĆGĐ

Heljar martröð hefur Jón
hér allir á því smjatta
Röflar mikið röklaust flón
og reifar vegaskatta.
....
Pétur Hraunfjörð  

12. Febrúar 2017

JÓN OG VERKTAKARNIR

Frjálshyggjunnar fæðing erfið,
færir vegi klíkum.
Jón með tollum kostar kerfið,
keyrir út með ríkum.
Kári

11. Febrúar 2017

HEIMSENDINGAR-ŢJÓNUSTA HAGA

Með Heimdallar hugsjón sterka
halda menn ótrauðir til verka
þeir ástandið laga
með vínsölu í Haga

ei hlusta á forvarnir né klerka.
Pétur Hraunfjörð

5. Febrúar 2017

ŢÖRF Á LAUSN!

Sæll Ögmundur ég hef verið að velta fyrir mér þessu sjómannaverkfalli og hef samúð með málstað verkamanna í því máli. En ég tel að allur þessi samfélagslegi kostnaður sem hlýst af verkföllum hljóti að vekja spurningu um hvort hægt sé að ná árangi með öðrum hætti. Sjómenn með sína þröngu hagsmuni sjá ekki að þeir taka niður með sér frystihús, landverkafólk og kannski alvarlegast af öllu að skemma atvinnugreinina í heild sinni, Norðmenn komnir á lagið og búnir að taka loðnumarkaðinn sem var skilinn eftir. Hinir markaðirnir eru í algerri óvissu og ástandið óþolandi. Ég vildi vita hvort þú hefðir einhverja skoðun á ...
jón

5. Febrúar 2017

GEGNIR ÝMSUM STÖRFUM

Góður drengur glaður sæll
gegnir ýmsum störfum
Þar ljúfur Ömmi léttur dæll
er lipur eftir þörfum.
Pétur Hraunfjörð

3. Febrúar 2017

NÝTT VÍGORĐ HANDA ALŢINGI

Þórarinn Eldjárn hittir naglann oftar á höfuðið en flestir menn.
Nú er hann kominn með nýtt vígorð fyrir Alþingi: Höldum áfengi til Haga!
Þarf að segja nokkuð meira?
Jóel A.

3. Febrúar 2017

BRENNIVÍN Í BÚĐUM

Alltaf verði frumvarp fellt,
frjálshyggjunnar bikkju.
Brennivín í búðum selt,
bálið magnar drykkju.
Kári

29. Janúar 2017

HVAĐ BORGAR VIĐSKIPTARÁĐ HÁA HÚSALEIGU?

Ég skil ekki hvers vegna þú þarft að vera með þessi ónot í Viðskpitaráð Ögmundur, vegna ábendinga þess hvað varðar vannýtt húsnæði í eigu hins opinbera. Eins og fram kemur í skýrslu ráðsins, stendur gríðarlegur gólfflötur í ríkiseign vannýttur, stundum allan daginn og jafnvel heilu mánuðina. Ég nefni Þjóðleikhúsið sem ég veit ekki betur en sé lokað í sumarleyfum, alla vega lágmarksnýting þá og yfir hádaginn er engin nýting á áhorfendasvæðinu. Hugkvæmir bisnissmenn gætu án nokkurs vafa nýtt gólfplássið til ...
Sunna Sara

28. Janúar 2017

REKUR MENN

Ráðherrann nú rekur menn
 reynir að koma á hefndum
 Íhaldið virðist illskeytt enn
og hreinsar til í nefndum.

Á klíkuplottið kunna best...
Pétur Hraunfjörð

28. Janúar 2017

HVERS VEGNA VAR OKKUR EKKI FORĐAĐ FRÁ PÓLITÍSKRI KATASTRÓFU?

Auðvitað átti þrautalendingin hjá VG að vera samstjórn með Íhaldinu, hinu gamla (ekki Viðreisnar-öfga-hægrikrötunum) og Framsókn til að koma í veg fyrir að hægrihryðjuverk yrðu unnin á þjóðfélaginu. Mér sýnist söngvarinn í HAM ætla að nýtast vel til slíkra verka á meðan Engeyjar-frændurnir brosa í kampinn. Þetta hefði VG getað komið í veg fyrir! Allt það sem nú er að teiknast upp var fyrirsjáanlegt.  Hvað var VG ...
Jóhannes Gr. Jónsson   

27. Janúar 2017

YFIR STRIKIĐ

Fjölskylduhjálpin fór yfir strikið
Þar fína pelsa gefa á
En örbirgðar stimpil færð fyrir vikið
Þá fátæktina allir sjá.
Pétur Hraunfjörð

12. Janúar 2017

REYKJAVÍK VALTAR YFIR VILJA MEIRIHLUTANS

Borgarstjóri segir í fréttum að forsvarsfólk Reykjavíkurborgar sé reiðubúið að setjast niður og ræða framtíð Reykjavíkurflugvallar. Er það svo? Það er þá eitthvað alveg nýtt. Ég hef oft hlustað á borgarstjóra og félaga hans tala um framtíð vallarins og aldrei hefur örlað á samstarfsvilja. Ný ríkisstjórn segist vilja leysa deiluna. Hvaða deilu? Yfirlýstur vilji yfirgnæfandi meirihluta ...
Reykvíkingur  

10. Janúar 2017

FARSI EĐA TRAGEDÍA?

Ég veit varla hvort á að hlæja eða gráta á því leikstykki sem hér hefur verið á fjölunum undanfarið í boði sjálfstæðismanna, núverandi og fyrrverandi. Bjarni Benediktsson, formaður Sjálfstæðisflokksins og fjármálaráherra, hefur staðið í viðræðum við Þorgerði Katrínu Gunnarsdóttur, fyrrverandi varaformann Sjálfstæðisflokksins og fyrrum menntamálaráðherra flokksins, og náfrænda sinn, sjálfstæðismanninn til margra ára og eflaust bisnissfélaga, Benedikt Jóhannesson. Á vappi hafa síðan verið forsvarsmenn iðnrekenda og framkvæmdastjóri Samtaka atvinnulífsins, Þorstein Víglundsson og síðan Pawel Bartoszek sem segir að skattheimta - og þá væntanlega samneysla einnig - sé ofbeldi! Um Bjarta framtíð ætla ég ekki að hafa nein orð svo ...
Sunna Sara

10. Janúar 2017

STJÓRNARSKRÁ OG SAMVISKA

Þá er að koma ný ríkisstjórn með eins manns meirihluta. Fréttaskýrendum finnst það sumum hverjum vera heldur lítið. Ég er því ósammála. Það þarf ekki að hafa áhyggjur af fólki sem á fyrstu metrunum er tilbúið að svíkja helstu kosningaloforðin - um þau „verður efnt til samtals" - og lofa því jafnframt að styðja ekki tillögur, sem fram kunni að koma í þinginu um þessi sömu kosningaloforð, nema þá undir blálok kjörtímabils !!! Slíkt fólk fylgir skipunum út í hið óendanlega. Það er búið að sanna takmarkalausa undirgefni og afsala sér sjálfstæði sínu!
En má þetta, má gera slíkar kröfur til alþingismanna, eru þeir ekki ...
Jóel A.

7. Janúar 2017

ÍHALDIĐ SAMANOFIĐ

Proppé og Panama frændurnir tveir
nú pottþétt treystu hér völdin þeir.
Já Íhaldið klofið
enn saman ofið
og verður hér alls ekki búandi meir.
....
Pétur Hraunfjörð

4. Janúar 2017

VIRĐING ALŢINGIS

Athyglisverðar eru vangaveltur í lesendabréfi þessarar síðu frá Jóel A. um tökuorðið „fuck" eða „fokk", sem greinilega heillar sívaxandi hóp alþingismanna. Þannig hafi forsætisráðherraefni Pírata og varaformaður VG notað hugtakið til að leggja áherslu á orð sín. En þeir eru ekki einir. Ásta Helgadóttir, þingmaður Pírata sendir nýliðnu ári kveðju sem er svohljóðandi ...
Jóhannes Gr. Jónsson 

3. Janúar 2017

HVAĐ GERA ŢINGTÍĐINDIN?

Þingmanni Pírata tekst í þremur línum að koma orðinu „fuck" sjö sinnum fyrir í orðsendingu sem hann sendi verðandi forseta Bandaríkjanna, Donald Trump. Kannski vegna þess að sá síðarnefndi þykir ekki vandur að virðingu sinni í orðavali og sé þá reynt að finna orð sem ætla megi að honum séu töm. Varla er það þó svo því í pistli frá sama tíma sagði umræddur alþingismaður að brýnt væri að koma pólitískri umræðu á vitrænan grundvöll þar sem orðaskipti manna væru kurteisleg. Varaformaður VG segir bæjarstjórann í Vestmannaeyjum fara með ...
Joel A. 

Bréf til síđunnarRSS Fréttaveita

Frá lesendum

18. September 2017

UM KOSNINGAR OG RÍKISSTJÓRN

 Ef valdið heim nú viljið þið,
verður nýtt að prófa.
Kosningu ef klúðrum við,
kætist flokkur bófa.
...
Kári

15. September 2017

LANDINN FRJÁLS

Loksins verður landinn frjáls,
losnar við Íhaldið.
Ber þá enga hespu um háls
og alþýðan fær valdið.
Pétur Hraunfjörð

6. September 2017

HEIMSVIĐSKIPTIN ŢRÓUĐ Í FINNAFIRĐI

Efla hefur þróað Finnafjarðarverkefnið. Það er kallað viðskiptaþróun. Hugmyndin er að olíuhreinsunarstöðin risastóra verði í Finnafirði. Þá er hægt að nýta höfnina bæði fyrir olíuskip og fyrir siglingar yfir Norðurpólinn þegar ísinn verður bráðnaður.
Ingibjörg Elsa Björnsdóttir

6. September 2017

ERUM Á LEĐINNI

Stærsta höfn á norðurhveli í Finnafirði og stærsti flugvöllur á norðurslóðum í Keflavik. Ætlum við að láta Björgólf hjá Icelandair, Skúla í Wow og bæjarstjórann í Langanesbyggð færa okkur inn í 21. öldina á sínum forsendum? Ég held við þurfum ekki fleiri stýrimenn til að komast fram af brúninni. Við virðumst vera á réttri leið til að komast þangað.
Haffi

6. September 2017

ENN UM MINNISVARĐA

Fróðelgt væri að fá fréttir af því hver urðu afdrif beiðni stríðsminjanefndar Bandaríkjanna um minnisvarða í Höfða um framlag BNA til freslsisbaráttu mannkyns á seinni hluta tuttugustu aldar, þar með talið Víetnam og Hiroshima. Sagt var að Reykjavíkurborg væri að skoða þessa málaleitan. Hver skyldi hafa orðið niðurstaðan?
Jóel A. 

30. Ágúst 2017

VERĐUR ŢETTA SVONA?

Pistill þin hér á heimasíðunni um fyrirhugaðan minnisvarða í Höfða er umhugsunarverður! Ég hafði svo sannarlega ekki hugsað þetta á þennan veg en er sammála því að það þurfi að gera. Það undarlega er hve lítil umfjöllun er um þetta! Verður þetta svona, hvernig væri að einhver fréttamiðill beindi þeirri spurningu til borgaryfirvalda?
Jóhannnes Gr. Jónsson

25. Ágúst 2017

GÓĐ KVEĐJA!

... I represent a collective (@NirAadCollectiv) opposing Indias draconian biometric ID program, called Aadhaar. I read with great interest the article http://www.katoikos.eu/interview/icelandic-minister-who-refused-cooperation-with-the-fbi-ogmundur-jonasson-in-an-interview.html ... and I was quite taken in with your viewpoints expressed with such clarity and preciseness. There are so many sentences that can be quoted in this interview. Since I was extremely impressed with this interview and since your ideas and thoughts resonated with our, I wanted to drop you a message of gratitude. In solidarity towards a more socially just world. PS: I hope this small letter reaches you :)
Nir Aadhaar Collective

17. Ágúst 2017

ĆRULAUSIR MENN

Hafa löngum kerfið kreist,
kraflað út á jaðar.
Upp ei verður æra reist,
sem engin er til staðar.
Kári

30. Júlí 2017

DÝR VERĐUR SOPINN

Það er rétt hjá þér að þegar við höfum tapað frá okkur neysluvatninu og það komið á einkahendur verður dýr vatnssopinn, jafnvel þótt við böðum okkur ekki úr einkavæddu flöskuvatni! En það verður líka dýrt að ferðast um Ísland og dýrara með hverri vikunni sem líður því sífellt fleiri stökkva upp á rukkunarvagninn. Ríkisstjórnin er hin ánægðasta með einkavæðingu náttúrunnar og almenningur andvaralaus ef þá ekki ...
Jóel A.

30. Júlí 2017

ÚTI AĐ VINNA!

Nú fangarnir frá Kvíabryggju
frjálsir um sveitina vinna
Vanti þig aðstoð þá hafðu í hyggju
að óþrifa verkum sinna.
...
Pétur Hraunfjörð



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

16. Maí 2017

Sigríđur Stefánsdóttir skrifar: ÉG FER Í STURTU A.M.K. EINU SINNI Á DAG OG NOTA HÁHRAĐA-TENGINGU ALLAN SÓLARHRINGINN

Þannig hef ég hugsað mér að hafa það svo lengi sem hægt er - með eða án aðstoðar.  Hve lengi er hægt er að halda þessari stöðu fer að sjálfsögðu eftir því hve miklu fjármagni er veitt til velferðarmála svo sem félagslegrar heimaþjónustu.  Það eru einkum tvær hugmyndir sem ég hef lengi staldrað við í sambandi við aðstoð við einstaklinga sem hafa þörf fyrir hana, þ.e. markmiðið að fólk skuli geta búið sem lengst á eigin heimili og að þjónustan skuli m.a. vera félagsleg.  Hvort tveggja er afar teygjanlegt, háð persónulegu mati, mannafla, launum og auðvitað fjármunum. Þurfi ég aðstoð við að komast í sturtu og geti fengið hana heima einu sinni í viku lít ég svo á að ég geti ekki búið heima - eða ættu ...

Slóđin mín:

Frá lesendum

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta