Beint á leiđarkerfi vefsins

Frá lesendum

2. Maí 2017

UM SKATTAMÁL Í TILEFNI AF 1. MAÍ

Mig langar oft til að koma á framfæri hugsunum mínum, en geri það sjaldnast. Langar samt að koma þessu einhverstaðar sem ég held að einhver geri eitthvað.
Svona á degi verkalýðsins, er allt í lagi að velta upp því jafnrétti sem ríkir í skattamálum þjóðfélagshópa. Allir sem þiggja laun, greiða af þeim launum skatt.
Núna eru skattprósenturnar tvær, og fara eftir tekjum viðkomandi. Af tekjum frá 0 kr. að 834.707 kr. eru greiddur 36.94% skattur. Af tekjum umfram 834.707 krónum er greiddur 46.24% skattur. Persónuafsláttur er 52.907, sem þýðir að fyrstu 143.224 krónurnar eru skattfrjálsar.
Svo eru til þeir sem hafa að hluta eða alfarið sínar tekjur sem tekjur af fjármagni. Það er að segja þeir aðilar sem eiga fjármuni eða eignir og fá tekjur af þeim. Sumir hafa umtalsverðan hluta, eða alfarið sínar tekjur sem fjármagnstekjur, og oft eru þetta þeir aðilar sem mest ber á, og þar sem auðurinn er mestur. Skattur af fjármagnstekjum er 20%. Frítekjumark er 125.000 (sem gildir reyndar ekki um allar gerðir fjármagnstekna).
Undir fjármagnstekjur flokkast til dæmis vaxtatekjur, arður, söluhagnaður og leigutekjur. Í einstaka tilfelli eru ekki greiddur skattur af fjármagnstekjum, t.d. er ekki alltaf greiddur fjármagnstekjur af söluhagnaði lausafjár og af söluhagnaði íbúðarhúsnæðis (sjá nánar á rsk.is). Það eru mjög margar og flóknar regglur um fjármagnstekjuskatt, en samt má segja að EF GREIDDUR ER SKATTUR af fjármagnstekjum, þá er sá skattur aldrei meiri en 20%
Þetta gildir fyrir þá sem eiga fjármagnið og geta haft sínar tekjur að hluta, eða alfarið sem fjármagnstekjur. Restin af lýðnum (sem á ekki til hnífs og skeiðar), skal borga minnst 36.94% í skatt af sínum tekjum. Margir (ef ekki flestir), þeir sem hafa svokölluðu "ofurlaun" (og borga þá 46.24% skatt af tekjum sem eru umfram 837.707 krónurnar), eru líka með einhverjar fjármagnstekjur, og jafnvel verulegar (t.d. arð af hlutafé), þannig að þegar upp er staðið eru þeir að borga MINNA hlutfall af sínum tekjum í skatt, en láglaunamaðurinn, sem borgar verulegan hluta af sínum launum. Fyrir þessa hálaunamenn skiptir í raun lítið hvort það sé eitthvað "hærra" skattþrep á háu launin, því stór hluti af laununum fer bara "framhjá" þeim skatti, í formi fjármagnstekna.
Af hverju eru ekki ALLAR tekjur, hvaða nafni sem þær nefnast, skattlagðar á sama hátt?
Af hverju eiga ríkustu aðilarnir að fá skattaafslátt á stóran hluta tekna sinna?
Nú gætu einhverjir sagt, "við erum búin að borga skatt af eignunum þegar þeirra var aflað", en þetta bara snýst ekki um eignirnar sjálfar, því þarna er verið að tala um skatta á þá ávöxtun/tekjur sem þessar eignir eru að búa til.
Réttast væri reyndar að samræma skattaprósentuna á ALLAR tekjur, hvort sem þær heita launatekjur, fjármagnstekjur, arður eða bara hvað sem er, þar sem menn fá fjármuni eða eignir sem hægt er að flokka einhvernveginn sem tekjur (og auðvitað bónusa líka). Eins þyrfti að eyða öllum hvata í svoleiðis tekjur, t.d. með því að þær eignir sem búa til þessar tekjur, borgi sömu gjöld og t.d. fyrirtæki sem er með fólk í vinnu er að borga (það er öll launatengdu gjöldin). Á móti má svo að hækka persónuafslátt og hann látinn gilda víðar, það er auðvitað á allar tekjur. Og helst ætti skattleysismörk að vera við lágmarkstekjur.
Bara svona smá í tilefni dagsins.....
Kjartan

Bréf til síđunnarRSS Fréttaveita

Frá lesendum

13. Janúar 2018

VALHÖLL OG BORGARSTJÓRN

Baráttan er byrjuð þar
og bjartsýnir eygja von.
Útsvars-stjarnan valin var
Vilhjálmur Bjarnason.

Eyþór Arnalds ætlar sér
oddvitasætið þarna.
En Villi víst með sigur fer
enda vinur Bjarna.
Pétur Hraunfjörð

8. Janúar 2018

SKORIĐ NIĐUR HJÁ LANDHELGIS-GĆSLUNNI Í GÓĐĆRI!

Eftir hrun voru varðskip leigð til útlanda til að mæta óhjákvæmilegum niðurskurði. Það var ekki gott en menn féllust á að það væri óhjákvæmilegt. En er óhjákvæmilegt að skera niður fjárframlög til Landhelgisgæslunnar við núverandi aðstæður þar sem peningum er hlaðið á degi hverjum inn í hagkerfið m.a. með stórauknum straumi ferðamanna? Stenst Landhelgisgæslan þetta? Nei, það gerir hún ekki enda ...
Starfsmaður Landhelgisgæslunnar

7. Janúar 2018

ÁBYRGĐ Í VERKI?

Formaður flokks sem segist vera vinstri flokkur og er kominn í samstjórn með Sjálfstæðisflokknum og er forsætisráðherra í þokkabót, segir að mál málanna sé að gera vinnumarkaðinn ábyrgan. Hvað þýðir það? Auðvitað skilja allir skilaboðin, enda höfum við margoft heyrt þau áður - úr munni Sjálfstæðisflokksins. Fólk á að þegja og sætta sig við það sem því er skammtað. Nema átt sé við að forsvarmsmenn SA og Viðskiptaráðs lækki við sig launin og stuðli að kjarajöfnun, er ríkisstjórnin  ef til vill til í það líka og biskupinn og Hæstiréttur? Þá skulum við fara að tala saman. En á meðal annarra orða, var það ábyrgt að auka framlag úr ríkissjóði til stjónmálaflokkanna á þingi - til sjálfra sín -  um 362 milljónir? Var það ábyrgð í verki?
Jóel A.

7. Janúar 2018

UM HVAĐ SNÝST DÓMARAMÁLIĐ?

Um hvað snúast stjórnmálin á Íslandi? Veit það einhver? Stjórnarandstaðan vill að Sigríður dómsmálaráherra segi af sér, finnst það mikilvægast af öllu! En hvað gerði hún rangt? Var það ekki svokölluð matsnefnd sem klúðraði málum? Hvernig væri að fjölmiðlar reyndu að skýra þetta dómaramál? Það er orðið augljóst í mínum huga að málið er ekki eins svart hvítt og margir vilja vera láta - er ég þó enginn aðdáandi dómsmálaráðherrans né Sjálfstæðisflokksins. 
Sunna Sara

7. Janúar 2018

ENGIN ÁBYRGĐ

Ef landinn brýtur löginn hér
leiddur er til sakar
En Sigríður enga ábyrgð ber
ef skaða mörgum bakar
Pétur Hraunfjörð

7. Janúar 2018

SAMTRYGGING Á ALŢINGI

Það er rétt sem þú segir Ögmundur að alltaf er það mest sannfærandi þegar menn byrja á sjálfum sér! Það má til sanns vegar færa með ríkisstjórnina að hún geri þetta en með undarlegum og öfugsnúnum áherslum. Hún byrjar á því að skrúfa frá peningstreyminu úr ríkissjóði og eykur framlag til eigin þarfa um 362 milljónir! Þetta er kostnaðurinn við lýðræðið er gjarnan viðkvæðið þegar kostaðar eru heilsíður í blöðum með auglýsingum sjálfum sér til dásemdar. Annars eru ríkisstjórnarflokkarnir ekki einir um þetta, Samfylking, Viðreisn og Miðflokkurinn eru þarna í liði með VG, Sjálfstæðisflokki og Framsóknarflokki. Það er þetta sem kallað er ...
Jóel A.

5. Janúar 2018

HVAR FĆ ÉG HLJÓMDISKINN?

Þakka þér fyrir skrif þín um Andrés Björnsson og Einar Benediktsson, Tími er svipstund ein sem aldrei líður. Mér þóttu þessi skrif þín vera orð að sönnu. Ég las viðtalið við Andrés sem þú lést okkur lesendur fá aðgang að og las ljóð Einars Benediktssonar, Kvöld í Róm. Nú verð ég að eignast hljómdiskinn með ljóðalestri Andrésar Björnssonar, en hvar er hann að fá? Geturðu upplýst um það Ögmundur?
Jóhannes Gr. Jónsson 

3. Janúar 2018

YFIR STRIKIĐ

Katrín færði mikla fórn
og fór yfir strikið
Situr nú í samherjastjórn
al-sæl fyrir vikið.
Pétur Hraunfjörð

15. Desember 2017

SAMHERJA-STJÓRN?

Í fjölmiðlum hefur komið fram að ríkisstjórnin er með 80% stuðning þjóðarinnar. Þetta er afrek VG. Veita Bjarna Ben., skjól fyrir skattaskjólsávirðingum og þar með uppreisn æru, heiðra Sigríði Andersen fyrir dómararáðningar væntanlega.  Og VG eiga þeir það að þakka Kristján Þór  og Björn Valur að þeir njóta nú vinsælda hjá 80% þjóðarinnar. Ekki að undra að Samherji sé ánægður. En finnst vinstra fólki í lagi að gerast samherjar með Samherja og mynda Samherjastjórn?
Jóhannes Gr. Jónsson

12. Desember 2017

JÁ, EN HREINN K ...

Var að lesa bréf Hreins K sem ég skal játa að er nokkuð lunkið nema að þau sem sérstaklega eru beðin um að mæta skyldumætingu á 100 ára afmælisfund Sýkladeildar Landspítalans, væru að vinna fyrir leigunni með því að sækja fundinn og miðla honum til annarra. Það á við um pólitíkusa og fjölmiðlafólk. Síðan gæti stöku maður verið í fríi klukkan þrjú á fimmtudaginn!
Jóel A.


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

12. Október 2017

Kári skrifar: FÁEIN ORĐ UM VEGTYLLUR, SKYNFĆRI OG MANNGREINAR-ÁLIT

Mannvirðingar meta best,
máta flokka, stöður þrá.
Til Himnaríkis heldur lest,
henni vilja margir ná.

Hugtakið "vegtylla" er skilgreint í íslenskri nútímamálsorðabók svona: "sýnileg upphefð, viðurkenning eða góð staða". Mikilvægt er að hafa þessa skilgreiningu á hreinu, enda sækjast margir eftir vegtyllum sem svo eru kallaðar. Eins og skilgreiningin ber með sér, má ljóst vera að "sýnileg upphefð" er einhvers konar "upphefð" sem maður, eða menn, sýnir öðrum manni eða mönnum. Þetta er með öðrum orðum ...

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

Slóđin mín:

Frá lesendum

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta