AÐ HRUNI KOMINN


Af hverju þessi þögn um kjölfestu allra landsmanna?

Sæll Ögmundur
Í ágætri grein í Fréttablaðinu 7. desember skýrir þú hvernig ríkisstjórninni tekst að sýna fram á stórkostlegan rekstrarafgang ríkissjóðs með bókhaldsbrellum á grundvelli yfirstandandi rýmingarsölu á eignum þjóðarinnar. Auralausum framsóknarmönnum er færður Búnaðarbankinn á silfurfati. Samsonarnir fengu Landsbankann en þeir voru ekki tómhentir enda búnir að gera það gott við framleiðslu á áfengum drykkjum í Rússlandi...
Með bestu kveðju, Björn Ólafsson Lesa meira

Virkjunin mikla og velferðarkerfið

Blessaður Ögmundur.
Það var þakkarvert að vekja athygli á ósmekklegum málflutningi utanríkisráðherra í umræðum um Kárahnjúkavirkjun á Alþingi í gær. Og þetta er ekki í fyrsta skipti sem hann talar til landsmanna eins og þeir séu skyni skroppnir. Í hvert skipti sem stóriðjustefna ríkisstjórnarinnar hefur borið á góma á undanförnum árum hefur Halldór Ásgrímsson látið eins og hann hafi fundið upp hjólið og bent drýgindalega á tengsl hagvaxtar og velferðar, sem flestum eru raunar kunn...
Með bestu kveðju, Gunnlaugur Guðmundsson

Lesa meira

Hræddir og hrokafullir ráðamenn

Sæll Ögmundur.
Stjórnarformaður Landsvirkjunar, Jóhannes Geir Sigurgeirsson, skýtur nú föstum skotum á alla þá sem eru á móti Kárahnjúkavirkjun og raðar inn sjálfsmörkum í beinni útsendingu. Hann ber vísindamenn þungum sökum, segir þá hafa fórnað starfsheiðri sínum, af því að þeir segja ekki já og amen við öllu sem frá Landsvirkjun kemur. Þá segir hann að náttúruverndarsamtök gangi gegn lýðræðinu með því að berjast gegn því sem þegar hefur verið samþykkt á Alþingi. Mér finnst framkoma Jóhannesar með endemum og minna einna helst á taugaveiklaðan og hrokafullan einræðisherra. Eða hvað sýnist þér um málflutning stjórnarformannsins og skilning hans á lýðræðishugtakinu?
Reynir Ragnarsson

Lesa meira

Eiga komandi kosningar að snúast um geðslag forsætisráðherra?

Sæll Ögmundur.
Á köflum finnst mér þjóðmálaumræðan bæði ófrjó og þreytandi. Áberandi er að Samfylkingin virðist vera með forsætisráðherra á heilanum. Forystufólk hennar talar um skapferli Davíðs og stjórnunaraðferðir hans, hann sé orðinn allt of geðstirður illskeyttur. Nú sé kominn tími til að skipta um, Davíð sé búinn að sitja svo lengi og valdið spilli með árunum...
Kveðja, Þórður.

Lesa meira

Vilja fá að vera með í stríði

Heill og sæll Ögmundur.
Nú berast fréttir af yfirvofandi stórauknum framlögum úr sameiginlegum sjóðum okkar Íslendinga til NATÓ. Virðist þar muna mestu um þann höfðingsskap háttvirtrar ríkisstjórnar að punga út 300 milljónum króna til loftflutninga við sérhvern þann hernað sem NATÓ vill leggjast í. Það vantar greinilega ekki peninga í ríkiskassann þegar göfug málefni eru annars vegar. Ég treysti því að þú og þínir flokksmenn beitið ykkur af alefli í þessu máli. Þjóðin á heimtingu á því að ráðamenn verði látnir svara undanbragðalaust fyrir gerðir sínar. Þá væri einnig fróðlegt að heyra eitthvað um afstöðu annarra stjórnandstöðuflokka en Vinstri grænna til vaxandi umsvifa Íslands í stríðsrekstri á hendur þeim ríkjum heims sem ekki eru þóknanleg Bandaríkjastjórn hverju sinni. Loks langar mig að spyrja: Fram kom í fréttum að ríkisstjórnin hafi samþykkt hin auknu hernaðarumsvif sín fyrir tveimur vikum. Er það virkilega svo að þessi ógeðfellda samþykkt stjórnarherranna hafi ekki komið til kasta Alþingis? Mér finnst það vægast sagt ósmekklegt ef það er hlutskipti þjóðkjörinna fulltrúa að fá sínar fyrstu fréttir af svona málum í fjölmiðlum.
Helga Þorsteinsdóttir

Lesa meira

BSRB tryggi persónuvernd

Komdu sæll Ögmundur.
Ég hlustaði með athygli á viðtalið við þig í morgunútvarpinu í gær um persónuvernd. Sjálf er ég í BSRB og er mjög ánægð með að samtökin skuli taka þetta málefni upp og hvet til þess að að haldið verði áfram á þessari braut. Reyndar hef ég minnstar áhyggjur af því að kíkt sé í tölvuna mína. Mér finnst öllu verra þegar vinnustaðurinn er farinn að færa sig upp á skaftið með tilkomu svokallaðra trúnaðarlækna. Í útvarpsviðtalinu sagðir þú að Finnar væru að setja reglur um hvernig farið skuli með heilsufarsupplýsingar á vinnustað. Er ekki þörf á að setja slíkar reglur hér á landi?
Ein sem vinnur á bókasafni

Lesa meira

R-listinn virði samninga

Sæll Ögmundur. Þú ert einn af þeim fáu stjórnmálamönnum sem ég hef haft trú á. Því langar mig til þess að spyrja þig hvort þér finnist ekki óþægilegt að þinn flokkur skuli vera aðili að R.lista samstarfinu núna þegar R.borg virðist ekki ætla að standa við hluta úr kjarasaming er gerður var við St.Rv í byrjun árs 2001 og gilda átti til 30.nóv 2005.
Sigurbjörn Halldórsson

Lesa meira

Gagnagrunnurinn og ráðherrann

Komdu sæll Ögmundur.
Ég vil þakka þér fyrir að krefjast þess á Alþingi í gær að lögin um gagnagrunn á heilbrigðissviði verði endurskoðuð. Reyndar finnst mér það ekki vera nýjar fréttir að gagnagrunnurinn stríði gegn siðareglum lækna. Ég man ekki betur en þessu væri haldið fram þegar lögin voru samþykkt á sínum tíma. En eru nokkrar líkur á því að Alþingi breyti einhverju jafnvel þótt sest verði yfir málið að nýju, ekki lofa viðbrögð Valgerðar Sverrisdóttur ráðherra frá í gær góðu? Hún virtist strax búin að ákveða niðurstöðuna, að þetta væri bara upphlaup og ekkert annað.
Finnur

Lesa meira

Listskreyttir bankar

Komdu sæll Ögmundur.
Var ekki nokkuð til í því hjá Valgerði Sverrisdóttur viðskiptaráðherra þegar hún benti á það á Alþingi að engum væri greiði gerður að taka málverkin út úr bönkunum. Mér finnst ágætt að hafa þau þar til sýnis.
Hafsteinn

Lesa meira

Frá lesendum

ESB ÞRÝSTIR Á FRAKKA AÐ SELJA ARÐBÆRAR VATNSAFLSVIRKJANIR

Í franska sjónvarpinu í gær (áður en eldurinn í Notre Dame breiddist út) horfði ég á umræðuþátt þar sem gestir, pólítkusar, voru að bollaleggja um hvað Macron Frakklandsforseti myndi segja í ræðu sinni klukkan 20 um kvöldið (sem síðar var aflýst vegna brunans) og átti að vera svar við mótmælum Gulu vestanna,  ráðstafanir til þess að koma til móts við kröfur þeirra og útkomu "Le Grand Débat". Einn gesta þáttarins sagði að Evrópusambandið væri að neyða Frakka til þess að selja vatnsaflsvirkjarnir einkaaðilum. Þótt þær skiluðu hagnaði ...

Lesa meira

ÖLL VEGFERÐIN UNDIR

Sammála Jóhannesi Gr. hér á síðunni. Það þarf að skoða alla pakkana heildstætt, líka þá sem ókomnir eru, þ.e. fjórða og fimmta pakkann. Sá fjórði er tilbúinn, þar er hert á markaðsvæðingunni og miðstýrðu eftirliti. Með öðrum orðum það þarf að taka afstöðu til allrar vegferðarinnar.
Friðjón

Lesa meira

HVERT ER FERÐINNI HEITIÐ?

Hve margir þingmenn skyldu lesa tilskipanirnar frá Brussel sem þeim er ætlað að samþykkja? Mér sýnast einu “rökin” af hálfu þeirra sem vilja samþykkja vera þau að þingmenn vilji ekki vera “einangrunarsinnar”, eða “popúlistar”. Ég er sammála þinni nálgun Ögmundur, að spyrja hvert ferðinni sé heitið, hver séu ferðalokin? Og þá hvort við erum sátt við þau? 
Jóhannes Gr. Jónsson

Lesa meira

UPPRIFJUN

Sæll Ögmundur; ég minnist magnaða pistils þíns um eldvatn og glerperlur fyrir örfoka virkisturn ESB æðstu ríkja í norðri. Er ekki tímabært að birta hann aftur? ... 
Mbkv.
Jón jón jónsson

Lesa meira

HVER ER MILLILIÐURINN?

Sæll Ögmundur. Af hverju ekki að nálgast þetta frá rótum. Af hverju 3. orkupakkinn? Var það til þess að Evrópa, sem er með frjálsan orkumarkað lendi ekki öll undir orku Pútíns? Er þetta fyrir neytendur þar? Guðlaugur Þór lofar að þetta breyti engu fyrir Ísland og enginn sæstrengur verði lagður. Ok segjumst vera ...
Þórður

Lesa meira

ÞÁ MUN ORKUVERÐ Á íSLANDI HÆKKA

Þakka þér fyrir Ögmundur að taka þátt í umræðum um Orkupakkan. Ég bjó í Danmörku frá 2002-2015 og varð ískyggilega vör við að á EU svæðinu yrði að vera sambærilegt verð. Upp úr 2007 fór raforkuverð að hækka ískyggilega og rétt áður en ég kom heim aftur var komin 73% skattur ofan á orkunotkun. Mér persónulega finnst ekki koma nógu skýrt fram, hvað skeður ef sæstrengur er samþykktur ...
Sigríður Ragnarsdóttir

Lesa meira

LÁTUM EKKI SVÍVIRÐINGAR TRUFLA OKKUR

Ég er algerlega sammála þér í morgun á Bylgjunni að nú er þörf á yfirvegaðri og ábyrgri umræðu um orkumálin og að láta ekki svívirðingatal manna á borð við Þorstein Víglundsson, varaformann Viðreisnar, trufla sig. Ég ætla því ekki að fara í hnútukast við hann enda dæma orð hans sig sjálf.
Jóhannes Gr. Jónsson

Lesa meira
Allt Frá lesendum

Fréttabréf

 

Frjálsir pennar

Þórarinn Hjartarson skrifar: FULLVELDIÐ Á VINSTRI VÆNGNUM

Umræðan um orkupakkann ólgar og sýður. Hugtakið FULLVELDI kemur þar í sífellu upp. Svo mjög að segja má að umræðan um orkupakkann birti um leið afstöðu viðkomandi til fullveldisins. Orkupakkinn er ágætis hnotskurn! Um afstöðu ólíkra hópa til fullveldisins má segja að „sínum augum lítur hver á silfrið“. Annars vegar eru þeir sem tala um „orkuna okkar“ og vilja verja „fullveldið í orkumálum“ og hins vegar þeir sem segja ýmist að orkan sé bara eðlileg vara eins og fiskur og ferðamenn eða þá að málið snúist „einkum um náttúruvernd og neytendavernd í orkumálum“. Við fullyrðingu þeirra fyrrnefndu um fullveldisframsal er algengasta svar hinna síðarnefndu ...

Lesa meira

Þórarinn Hjartarson skrifar: NIÐUR MEÐ ORKUPAKKANN!

Tillaga utanríkisráðherra og ríkisstjórnar er að heimila Alþingi „að aflétta stjórnskipulegum fyrirvara“ við innleiðingu 3 orkupakkans í EES-samninginn. Ef þjóðþing allra EFTA-landanna samþykkja verður pakkin að lögum á EES-svæðinu og þar með Íslandi. Stuðningsmenn pakkans, m.a. ráðherrar Sjálfstæðisflokks og VG, flytja málið þannig að annars vegar hafi pakkinn ...

Lesa meira

Kári skrifar: FÁEIN ORÐ UM FYRIRVARA

Eins og mörgum er kunnugt, hafa þeir sem hyggjast nú styðja „þriðja orkupakkann“ látið sannfærast af þeim rökum að íslenskir lagalegir fyrirvarar við innleiðinguna muni halda vel. Ég tel vera um misskilning að ræða, tel þvert á móti að þeir komi til með að verða algerlega haldlausir – þegar á reynir. Í Evrópurétti er vel þekkt regla sem kallast á frönsku „Le principe de primauté du droit de l'Union européenne“ eða „reglan um forgang Evrópuréttar“. Hún merkir að komi til árekstra á milli réttar (laga) aðildarríkja (ESB) og Evrópuréttar er hafið yfir vafa að Evrópurétturinn er ævinlega ríkjandi. Réttur einstakra aðildarríkja víkur ...

Lesa meira

Kári skrifar: LÖG UM STEFNUMÓT, VIÐREYNSLU OG KYNNI

...Megintilgangur þessa frumvarps, og hér liggur fyrir, er að stofnanabinda allt sem lýtur að stefnumótum, viðreynslu og kynnum. Málaflokkurinn færist undir valdsvið sérstakrar ríkisstofnunar, Káfstofnunar ríkisins. Með lögunum er í fyrsta skipti á Íslandi skilgreint hvernig stefnumótum skuli háttað, hvaða skilyrði þarf að uppfylla til stefnumóta og mögulegra kynna í framhaldi af þeim. Öllum sem hyggja á stefnumót/kynni verður gert skylt að framvísa sérstöku eyðublaði („rauða eyðublaðinu“) við þann aðila sem þeir fella hug til ...

Lesa meira

Unnar Bjarnason: HÁTÆKNI NJÓSNAKERFIÐ “LifeLog”

DARPA, þróunarstofnun hátæknibúnaðar til varnarmála (e. Defense Advanced Research Projects Agency), var sett á laggirnar árið 1958 í kalda stríðinu eftir að Sovétmenn höfðu skotið Sputnik á braut um jörðu. Stofnuninni var ætlað að þróa hátækni vopn í hernaði gegn þeirri ógn sem stafaði af Sóvétríkjunum. Ekki er ljóst hvenær DARPA hóf þróun á kerfi sem hét LifeLog en það var í janúar 2004 sem DARPA hætti þróun á verkefninu, en það hafði verið unnið í samvinnu við varnarmálaráðuneyti Bandaríkjanna ...

Lesa meira

Jón Karl Stefánsson skrifar: UM AÐFÖRINA AÐ VENESUELA

... Since 2015 Venezuela has endured gruesome economic hardships. Inflation rates have spiraled out of control, and the public is facing a recession that is tearing the country apart. Now, Venezuelans not only face economic turmoil, but also direct military aggression. A sane response of anyone who wishes to help Venezuelans through these troubles is to try to un derstand why this is happening.Unfortunately, not all opinion pieces and news articles are honest ... 

Lesa meira
Allt Frjálsir pennar