Frjálsir pennar Maí 2007

Helgi Guðmundsson skrifar: AÐ SKILJA KIND OG KÚ

Alveg er það dásamlegt að Guðni Ágústsson frá Brúnastöðum skuli vera orðinn formaður Framsóknarflokksins. Arfleið Halldórs Ásgrímssonar í flokknum er ekki björguleg, og mikið lagði hann á sig til að Guðni yrði ekki formaður. Það mátti víst alls ekki verða að bóndasonurinn, sem var alinn upp við að konur stæðu „á bak við eldavélina” eins og hann komst einhverntíma að orði, yrði formaður bændaflokksins. Þess í stað sótti Halldór Jón Sigurðsson í Seðlabankann, líklega til að bjarga því sem bjargað varð, eftir að Halldór hafði verið eins og frímerki á Davíð Oddsyni í hálfan annan áratug. Ekki varð sú ferð til fjár og verður Jóni ekki kennt um. Þessi mikli valdaflokkur, Framsókn, var rúinn trausti, einkum í þéttbýlinu... Lesa meira

Kristján Hreinsson skrifar: VIÐHALDSSTJÓRNIN

...Sannir hugsjónamenn vilja leiðrétta ójöfnuð, eyða spillingu, tryggja velferð og vernda náttúru landsins fyrir ágangi auðhringa, svo fátt eitt sé nefnt. Ágætu vinstrimenn, við erum ennþá í því eftirlitshlutverki sem í stjórnarandstöðunni felst. Það er skylda okkar að sýna stjórninni aðhald...
Viðhaldið með von og þrá
verður hvatt til dáða
en íhaldið mun áfram fá
öllu hér að ráða.

Lesa meira

Einar Ólafsson skrifar: ALLIR FLOKKAR FYLGJA HERNAÐARHYGJUNNI - NEMA VINSTRI GRÆN

...Samfylkingin gefur sig út fyrir að berjast fyrir bættum kjörum alþýðu. Hernaðarstefna Bandaríkjanna og NATO beinir fjármagninu frá velferðarmálum til gífurlegrar sóunar vegna vígvæðingar. Almenningur líður fyrir hernaðarstefnuna. Almenningur líður fyrir tilveru NATO og hernaðarsamstarf við Bandaríkin.
Íslandshreyfingin gefur sig út fyrir að berjast fyrir umhverfisvernd. Auk óheftrar gróðahyggju er hernaðarstefnan einhver mesta ógnunin við umhverfisverndina.
Það þarf enginn að velkjast í vafa um hvar Sjálfstæðisflokkurinn stendur þótt hann hafi ekki látið svo lítið að svara fyrirspurn SHA. Sjálfstæðisflokkurinn er gersamlega staðnaður hvar sem á er litið, fastur í stóriðjulausnum og frjálshyggju sem varð úrelt fyrir hundrað árum, en auk þess hangir flokkurinn í hernaðarstefnu Bandaríkjanna hversu siðlaus sem hún er. Og hinir flokkarnir, allt frá Framsókn til Samfylkingar fylgja með. Aðeins Vinstri græn hafa skynsemi og þor til að taka aðra afstöðu. Kjósum gegn hernaðarstefnunni....

Lesa meira

Óli Gneisti Sóleyjarson skrifar: REYNDAR KAUS ÉG FRAMSÓKN...

Ég var einu sinni Framsóknarmaður. Ég kaus flokkinn tvisvar en það segir ekki alla söguna þar sem ég hafði stutt hann frá því áður en ég fékk kosningarétt. Þetta gengur í fjölskyldunni minni. Það er þó þannig að yngsta kynslóðin hefur átt töluvert auðveldara með að sleppa undan þessu en þeir eldri. Nú má sjá Jón Sigurðsson lýsa því hvernig hann fór í Keflavíkurgöngur áður en hann varð eldri og þroskaðri. Merkilegt nokk þá fór ég í hina áttina. Einu sinni hugsaði ég þannig að Íslendingar ættu fyrst og fremst að hugsa um efnahagslegan ávinning af því að hafa bandarískan her. Ég var semsagt ekki á bandi barða þrælsins heldur feita þjónsins. Ég man eftir að hafa orðið vitni af deilum ungra hægri manna og ungra vinstri manna sem enduðu á því að þeir sættust á að ...

Lesa meira

Sigurður Jón Ólafsson skrifar: UM STÉTTARVITUND OG HÖRKU Á VINNUMARKAÐI

...Hefur stéttarvitund verkafólks hrakað?  Eða hefur kapítalismanum tekst að herða tök sín á verkafólki í meira mæli en áður?  Undirritaður vann í álverinu í Straumsvík á 8. áratug seinustu aldar.  Þá þótti 8 stunda vinnutími ósköp eðlilegur og sjálfsagður enda var barátta verkalýðshreyfinginarinnar fyrir 8 stunda vinnudegi mikilvæg á sínum tíma og stórt skref í réttindabaráttunni þegar honum var komið á.  Einstaka hjáróma raddir voru að biðja um 12 tíma vaktir en voru jafnharðan kveðnar í kútinn enda langur vinnutími í álveri beinlínist hættulegur öryggi og heilsu manna.  Þegar álverið í Hvalfirðinum var reist var það eindreginn vilji starfsmanna þar að fá að vinna 12 stundir í senn. Þau sjö ár sem ég starfaði í álverinu í Straumsvík man ég aðeins eftir tveimur tilvikum þar sem menn voru reknir úr starfi.  Brot þeirra voru þess eðlis að ...

Lesa meira

Helgi Guðmundsson skrifar: HVAÐ Á AÐ KOMA Í STAÐINN?

...Gaman væri að vita hvort þessir sömu spyrjendur hafa velt því fyrir sér hvað Danir gera, sem eiga enga möguleika á að reisa álver. Hvað skyldu eiga "að koma í staðinn" hjá þeim?" Þeir sem eitthvað þekkja til í Danmörku vita að þar í landi er byggt á gríðarlegum fjölda smárra og stórra fyrirtækja af öllu mögulegu tagi. Hugvit þeirra og útsjónarsemi er miklu meiri en nokkurn tíma kemur fram á Íslandi. Þannig er t.d. hverskyns endurvinnsla og framleiðsla sem byggist á náttúruverndarsjónarmiðum orðin öflugur atvinnuvegur og nægir í því sambandi að nefna að þeir eru meðal fremstu framleiðenda á vindmyllum sem framleiða rafmagn. Fylgist maður með dönskum fjölmiðlum á netinu sér maður nánast aldrei spurningar í "íslenska" veru. Hver vegna? Örugglega vegna þess að Danir hafa ekki trú á að stjórnmálamenn færi þeim atvinnutækifæri eins og enn er lenska hér á landi. Atvinnulíf á að ...

Lesa meira

Frá lesendum

ENGINN TIL AÐ HAFA VIT FYRIR KJÁNUM

Hjartanlega er ég sammála Sunnu Söru sem skrifar hér á síðunni um það hvernig við erum gerð að viðundri með hallærisauglýsingum erlendis þar sem fólki er boðið að skrækja í míkrófón og óhljóðunum síðan útvarpað á Íslandi í þar til gerðum hátölurum. Nú er væntanlega búið að borga fyrir þetta en verður þetta rugl ekki stöðvað og lokað fyrir frekari greiðslur? Getur verið að til standi að koma upp hátölurum fyrir þessa háðung? Ef svo er þá mótmæli ég því að mínum skattpeningum verði áfram varið til þessarar niðurlægingar. Er enginn á stjórnarheimilinu til að ...
Jóel A.

Lesa meira

ÞEGAR ÞJÓÐ ER HÖFÐ AÐ FÍFLI

Eins og ég skil þetta þá er nú auglýst í útlöndum að fólki standi til boða að öskra í míkrófón og verði gólinu útvarpið víðsvegar um Ísland. Þetta sé að frumkvæði auglýsingastofu sem ríkisstjórnin borgar henni fyrir í því skyni að vekja athygli á Íslandi. Bara einhvern veginn! 
Nú vill svo til að þetta eru mínir peningar og þínir, skattpeningar okkar allra. Viljum við þetta? Varla eru fjárráðin ótakmörkuð þótt dómgreind ráðherranna sé það greinilega. Hvað voru þetta annars mikilr peningar sem þessi erlenda auglýsingastofa fékk? Veit það einhver? Mér finnst ég hafa ...
Sunna Sara

Lesa meira

Í FYRSTA, ÖÐRU, ÞRIÐJA OG FJÓRÐA LAGI

Í fyrsta lagi má spyrja hvort réttlætanlegt sé að setja stórar upphæðir (einn og hálfan milljarð) í að auglýsa Ísland nú þegar við opnum landið fyrir túrisma á nýjn leik. Stóð ekki til að gera það hægt og rólega?  
Í öðru lagi má spyrja hvort sú ríkisstjórn sé með fullum mjalla sem fjármagnar auglýsingaherferð sem byggir á því að útvarpa á víðavangi öskri og góli sem fólki erlendis er boðið að senda Íslandsstofu.
Í þriðja lagi og í ljósi þess að þetta er hluti af efnahagsráðstöfunum ríkisstjórnarinnar vegna veirufaraldursins(!!!) má spyrja hvort braggastráin ...
Jóhannes Gr. Jónsson   

Lesa meira

FÖSTUDAGSREISA

Föstudaginn 10. júlí fóru fjórir mis-aldraðir karlar í bíltúr frá höfuðborgarsvæðinu austur í sveitir, eða eins og sumir segja: „austur fyrir fjall‟. Ekkert þurftu þeir að borga í ríkissjóð fyrir það eitt að fara að heiman, því alþingi okkar Íslendinga hafði ekki auðnast að setja lög um slíkt áður en allir þar á bæ voru sendir heim í sumarleyfi. Veður var með besta móti, logn og blíða sumarsól, er ekið var austur um Hellisheiði á löglegum hámarkshraða. Ferðafélagarnir voru þeir Hafsteinn Hjartarson, Svanur Halldórsson fyrrum leigubílstjori, Sigurjón Antonsson og bílnum ók af öryggisástæðum sá yngsti í hópnum og  hann hafði áður fyrr ekið um í ...
Sigurjón

Lesa meira

HVÍ EKKI SAMEINA FLOKKANA Á ÞINGI?

Það má örugglega ná samlegðaráhrifum með sameiningu flokka á Alþingi. Gríðarleg samstaða náðist strax á fyrstu dögum sitjandi þings um stóraukið framlag til stjórnmálaflokkanna á þingi. Þannig að við höfum reynslu fyrir því að með málefnalegri nálgun má ná fram samstöðu og árangri. Hvers vegna ekki í öðrum málum? 
Hvers vegna ekki í öllum málum? Nú eru allir með NATÓ, EES-samningurinn þykir frábær, samgöngukerfið verði einkavætt og áfram verði sjávarauðlindin sett í framsalskvóta. Nú vantar bara ...
Jóhannes Gr. Jónsson   

Lesa meira
Allt Frá lesendum

Fréttabréf

 

Frjálsir pennar

Kári skrifar: STÓRA RÁNIÐ UNDIRBÚIÐ - FRAMHALDSUMRÆÐA FJÖGUR - RAFORKUTILSKIPUN 2019/944 ESB - ORKUPAKKI 4

Verður nú tekinn upp þráðurinn þar sem frá var horfið og haldið áfram að rekja ákvæði raforkutilskipunar 2019/944 ESB. Í 33. gr. tilskipunarinnar er fjallað um samþættingu rafhleðslustöðva við raforkukerfin (Integration of electromobility into the electricity network).
Í 1. mgr. 33. gr. segir að með fyrirvara um tilskipun Evrópuþingsins og Ráðsins 2014/94 ESB, skuli aðildarríkin setja upp nauðsynleg regluverk til að auðvelda tengingu ...

Lesa meira

Þórarinn Hjartarson skrifar: STRÍÐIÐ GEGN SÝRLANDI - EFNAHAGSVOPNUM BEITT

Stríðið gegn Sýrlandi hefur færst yfir á nýtt skeið. Á meðan dregið hefur úr hernaði heimsvaldassinna gegnum málaliða og trúarlega vígamenn hefur stórlega verið hert á efnahagshernaði gegn hinu stríðshrjáða landi.
RÚV: Rússland og Kína loka á mannúðaraðstoð til Sýrlands!
Í fyrri viku kom RÚV með nokkrar fréttir um að Rússar og Kínverjar hefðu í Öryggisráðinu lokað á innflutning hjálpargagna frá Tyrklandi til Sýrlands (nema gegnum eina landamærastöð) og þeir hefðu í raun „lokað á alla utanaðkomandi mannúðaraðstoð til Sýrlands“. Haft var eftir „ónafngreindum evrópskum diplómata“ að „markmið Rússa – og Sýrlandsstjórnar - sé að ... 

Lesa meira

Kári skrifar: "HEIMABRUGGUÐ STJÓRNSKIPUN", SAMRUNI ORKU(PAKKA)FYRIRTÆKJA Í EVRÓPU OG MAFÍUSTARFSEMI

Í umræðum á Internetinu og víðar má stundum sjá því fleygt fram að Íslendingar muni ætíð halda orkulindum sínum. Sú fullyrðing er eins mikið öfugmæli og nokkuð getur verið. Oft sést þessu haldið fram í tengslum við orkupakka ESB. Þá virðast sumir líta svo á að innri orkumarkaður Evrópu sé þannig gerður að hann tengist ekki öðrum mörkuðum. Það er að sjálfsögðu einnig rangt. Þannig er málið vaxið að með fjölgun orkupakkanna eykst sífellt þrýstingur á frekari markaðs- og ...

Lesa meira

Baldur Andrésson skrifar: BAKKAFLOPPIÐ.

Skrýtin var átthagaástin bundin við Húsavík, óskin um að geðugur smábær umbreyttist í miðstöð stóriðju. Vegir ástar eru órannsakanlegir. 360.000 tonna álver á Bakka var þó draumur sem brást, en helmingur af 66.000 tonna sílikonfabrikku reis þó sem bót í máli. Draumbót í bili a.m.k. Ágalli er sóðabruni kolafjalla og ógeðfelldar vinnuaðstæður illa haldinna starfsmanna. Afurð má þó ekki aðeins nýta í hernaðartól, vopn og efnabras eitrað. Má jafnvel nýta uppbyggilega líka. 
PCC á Bakka var talin skömm skárri, ríkið albúið til styrktar og Landsvirkjun ekki síður, jafnvel lífeyrissjóðir líka. 
Við pólitískan samfögnuð hróflaði PCC upp fabrikku sinni, rekstur hófst ...

Lesa meira

Kári skrifar: AÐ FARA BAKDYRAMEGIN INN Í EVRÓPUSAMBANDIÐ

Þegar valdaklíkan á Alþingi verður búin að ljúga Ísland inn í Evrópusambandið, ekki síst með þeim „rökum“ að þjóðin sé ekkert á leiðinni þangað, er ljóst að mörg sund munu lokast. Þjóðin mun missa þann rétt að gera alþjóðlega samninga við þriðju ríki [ríki utan ESB] enda fellur sá réttur undir „exclusive competence“ hjá ESB. Sú niðurstaða fæst með því að lesa í samhengi 2. mgr. 3. grTFEU (Lissabon-sáttmálinn) og 216. gr. TFEU. Í 3. gr. kemur fram á hvaða sviðum ESB hefur ...

Lesa meira

Þórarinn Hjartarson skrifar: BANDARÍKIN - STÉTTAANDSTÆÐUR ÞUNGVÆGARI EN RASISMI

Í mótmælaólgunni miklu í Bandaríkjunum eftir dráp lögreglunnar á George Loyd í Minneapolis felst augljóslega gríðarmikil grasrótaruppreisn gegn ríkjandi kerfi. Sterk öfl reyna þó mjög að koma því til leiðar að broddur mótmælanna sneiði framhjá valdakerfi bandaríska auðvaldsins. Hér verða settar fram nokkrar ályktanir um mótmælahreyfinguna ...

Lesa meira
Allt Frjálsir pennar