Frjálsir pennar Desember 2008

...Má hugsa sér að búa til réttlátari vísitölu, jafnvel böndu af bygginga-, launa-, og neysluvöruverðs vísitölum? Í öllu falli er ljóst að lántakandinn ber kúfinn sem myndaðist vegna verðbólgu á árinu 2008 í mörg ár, jafnvel þótt laun hans standi í stað eða lækki. Eitt ætti að blasa við: verkalýðshreyfingin og lífeyrissjóðirnir eiga að hafa frumkvæði að umræðum um skynsamlega lausn á þessum brennandi vanda. Hver sú lausn er skal ósagt látið hér, en launafólk má ekki fá á tilfinninguna að verkalýðshreyfingunni sé nákvæmlega sama - starfi eins og hver annar banki í gegnum lífeyrissjóðina.  Hin fjölmenna millistétt sem nú lætur að sér kveða undir forystu listamanna (hve úthaldsgóð hún verður er annað mál) virðist líta á hreyfinguna eins og ráðuneyti, eða seðlabanka eða ...

....Stórkostlegar auðlindir umvefja okkur allt um kring, fiskurinn i sjónum er okkar eiginlega verðtrygging, náttúran heillar fólk um allan heim, og mannauðurinn sem hér býr er takmarkalaus ef við kunnum að gefa því gaum. Það gerum við hins vegar aldrei ef við líðum ósannsögli, óheiðarleika og loddaraskap hjá íslenskum ráðamönnum. Þau verða að fara að læra, þótt fyrr hefði verið, að fólkið í landinu krefst ekki bara áferðarfallegrar ímyndar, það krefst innihalds. Heiðarleiki er lykillinn að upprætingu spillingar, upplýsingar upp á borðið er lykillinn að betri stjórnsýslu, þátttaka allra er lykillinn að alvöru lýðræði. Og nú er ég búin að skrifa alltof langt mál hér í örpistli á heimasíðu. Það sem ég vildi sagt hafa er einfalt: Gleðileg jól kæru landar nær og fjær, íbúar Íslands af öllum uppruna og fleiri til, ekki síst þið Færeyingar! Megi gæfa og gleði fylgja ykkur öllum á nýju ári. Og megum við í framtíðinni bera happ til að velja heiðarleika sem fyrstu kröfu til allra okkar fulltrúa og stefnu til framtíðar....

Ríkisstjórn þeirra Geirs og Ingibjargar hefur boðað lagasetningu svo hægt sé að lækka laun æðstu embættismanna ríkisins "tímabundið," þ.e. þeirra embættismanna sem taka laun samkvæmt úrskurði Kjaradóms. Þetta virðist vanhugsað eins og svo margt annað sem frá þeim hefur komið þessa haustmánuði, enda aðallega ætlað sem einhvers konar sykur á þá beisku pillur sem landsmönnum er ætlað að gleypa á næstunni, tilraun til að telja fólki trú um að ríkisstjórnin ætli að láta þá efnameiri bera sínar byrðar eins og lýðinn. En hér er þó ýmislegt að athuga. Í fyrsta lagi nær þessi "launalækkun" aðeins til frekar fámenns hóps. Ekki er hreyft við öðrum auðmönnum í þjóðfélaginu og virðast ekki neinar áætlanir hafðar upp í þá veru. Tekið er fram að lækkunin sé tímabundin, gildi kannski í tvö til þrjú ár. Þá verða laun þeirra "æðstu" hækkuð aftur. Ekki er ljóst hvort þeir muni...

Á leiða mínum læt nú bera
litla hef þar trú
líklega ættu að láta ´ann vera
orkupakka þrjú.
...
Höf. Pétur Hraunfjörð.

Þórhildur fær þakkir landans
fyrir þrotlaust starf
stendur keik í vilpu vandans
og gerir það sem þarf.
Höf. Pétur Hraunfjörð.

Ég er hrygg og döpur yfir því hvernig VG hefur umpólast í orkumálunum. Flokkurinn barðist gegn markaðsvæðingu orkunnar en var einangraður, nánst einn á báti, en nú þegar ná mætti breiðari samstöðu og flokkurinn auk þess í ríkisstjórn þá fylkir hann sér undir merki markaðsvæðingarsinna og talar meira að segja ákaft fyrir málinu. Svo lærir lengi sem lifir!
Sunna Sara

Mér finnst ágæt hugmyndin sem nefnd er í grein þinni um hvernig þú myndir einkavæða raforkuna varðandi nafnabreytingu á Vinstrihreyfingunni grænu framboði. Það væri markvissara og betur lýsandi að stytta nafnið þannig að flokkurinn héti einfaldlega Hreyfingin framboð. Skammstöfunin yrði ekki síður upplýsandi. Ég hef til þessa alltaf stutt VG en nú er mér öllum lokið og spyr hvað er til ráða?
Jóhannes Gr. Jónsson 

Öldrun rjúfa ættum vér,
endar lífsins strengur.
Því útfarirnar eiga sér,
enga framtíð lengur.
...
Kári

Helvítis frekjan herjar á Jón
hann reglurnar vill brjóta.
Fjölskyldan sér fjárhagslegt tjón
og heimtar grásleppukvóta. 
Höf. Pétur Hraunfjörð.

Sæll Ögmundur. Ég rakst á eftirfarandi athugasemd við pistil um 3. orkupakkann, frá einhverjum sem nefnir sig Húsara, á flandri mínu um netheima, þar sem spurt er góðra og gildra spurninga og þar sem ég tel að þú sem innanríkisráðherra helferðarstjórnarinnar ættir að geta svarað þeim ... og ættir að svara þeim, þá sendi ég þér athugasemdina, með óskum um svör frá þér: "Það væri fróðlegt að vita hvaða nauðir rekur íslensk stjórnvöld til að reka trippin svo rösklega; leitun á öðru eins niðurbroti þeirra í nokkru máli. Hversu oft höfum við ekki séð þessa gjá milli ...
Jón Jón Jónsson

Þó aldurinn færist yfir menn
því eflaust flestir hrósa
þeir höfðu það öðruvísi í den
Þá máttu ekki fátækir kjósa.

Allt lífið ég barðist í bökkum
og blásnauður veginn gekk
Í sárri fátækt flest hjökkum
ég hef ekki fyrir því smekk!
Höf. Pétur Hraunfjörð.

Nú er okkur sagt að gamalt fólk - eldra fólk – eigi helst ekki hafa skoðun á þjóðmálum! Tilefnið er að nokkrir einstaklingar sem komnir eru af barnsaldri leyfa sér að andæfa markaðsvæðingu raforkukerfisins. Hvert er þjóðfélagsumræðan eiginlega komin á Íslandi?  Heyrði ég það rétt að þingmaður hafi orðað þá hugsun að fólk yfir sjötugt eigi helst ekki að hafa kosningarétt? ...
Sunna Sara

Við helgidaga höfum átt
heimilin þess njóta
Og erum öll við það sátt
ei hefðina viljum brjóta.

Á koltvísýrings og kolefnis raus
ei kæri mig um að trúa
Heimsbyggðin öll stendur á haus
við megum helst ekki fljúga.
Höf. Pétur Hraunfjörð.