Baldur Andrésson skrifar: BAKKI - ÓBROTGJARN MINNISVARÐI UM HUGVIT OG FRAMSÝNI

Óþol gagnvart stjórnlausri gliðnun á jarðplötum hefur kallað á hugvit. Gegnsprunginn Bakki við Húsavík er landtökusvæði brotabeltis í i átt til Flateyjar á Skjálfanda, bölvað sýnidæmi um jarðhræringar og stórskjálfta. Flóinn er réttnefndur, tvisvar á 19. öld hrundi t.d.þorp á Húsavík nánast til grunna.

Nútíma hugvit leiddi til áætlunar um að hemja stjórnlaust jarðskorpuflökt sem birtist á Bakka. Hún fól í sér að byggja risaálver yfir sprungu- svæðið þekkta, líma þannig saman óstýrilátar jarðplötur með járnbentri steinsteypu. Áhættuvirði var þótt mannskaði yrði í málmbræðslu, virkaði forvörnin ekki í vondu falli.
Úrvalsliði var fylkt um tiltækið, en Bakkabræður ehf sá um kynninguna.

Sorgleg urðu þó afdrif áætlunar um risálverið, sem nú er þvi gleymd.

Bót í máli varð þó smíði á ónothæfu kísilveri á sprungusvæði á Bakka sem hindrað gæti upptök stórskjálfta þar að áliti hugvitsmanna. Kostur er að í verinu er engin starfsemi, engin mannslíf í hættu.

Þýska SMS vandaði vel til stöðvunar á jarðarflöktinu á kostnað PCC BakkiSilicon hf, með veglegum opinberum stuðningi og traustra lífeyrissjóða.

Forvarnar-framtakið á Bakka, stýring á flökti jarðarafla, hefur auðvitað goldið rangtúlkunnar eins og gengur. Sumir kalla það jafnvel misheppnað gróðabrall, glataða útrás PCC SE ( ! ) Tómir eru pottarnir Bogi og Birta, tómur penigapottur PCC BakkiSilicon.

Framtak, framsýni kosta oft fórnir. Verði Bakki ekki upptakasvæði stórskjálfta, verður forvörn þakkað, þótt síðar verði. Mannlaust kísilver verður þögull, óbrotgjarn minnis-varði um hugvit og framsýni. Og að auki án kolamengunar með öllu.

 

Fréttabréf